Innholdsfortegnelse for 26 June 2015 i Landbouweekblad

Ná ’n maande lange studie deur ’n konsultantegroep van Boston (BCG) met ekonome, sakeleiers en ander belanghebbendes in Suid-Afrika is bevind dat ’n gebrek aan goeie leierskap die grootste leemte in die land is. Die groep sê aanvanklik is gedink die aandag moet op aspekte soos werkskepping toegespits wees, maar die oorheersende boodskap was beter leierskap op alle vlakke sodat welvaart tot ’n beter lewe vir almal kan lei. Daar is geen tekort aan beleid nie, maar ’n tekort aan die toepassing van beleid, en dit hang af van die gehalte van leierskap. Die BCG plaas Suid-Afrika op 138 uit 140 lande vir die vermoë om welvaart om te skep in ’n beter lewe vir ander. Dit plaas Suid-Afrika laer as baie ander lande in Afrika. Die grootste struikelblok is…

■ Is groter beter? ■ Arabiere – gehard soos wild ■ Besproeiingsprogram bespaar garsboere water ■ Wild: Klem op meer as net kleur ■ Boereplan: Van skroot tot sitrusstort GESIN ■ Boerekos: Troef die koue met kerrie SPESIAAL ■ Landbou in die Oos-Kaap KLEINVEE Ditsitnieinenigeensebroekomtweekeerbinne’ndekadeasdie nasionalebobaastelervanDohne-Merino’saangewystewordnie. Afgesienvanaandagaanvrugbaarheid, goeiewolenprestasietoetsing, iseenvandiegeheimevanmnr. MichaelSwartvanCaledonomsoeerlik endeursigtigasmoontlikteboer.…

MNR. FRANS VAN DEN BERG van Op-die-aarde-Bonsmaras by Reivilo vertel op bl. 46 hoe beesboere hul kaarte behoort te speel om klimaatsverandering te troef. VERTEL ONS VAN JOU GESIN. Ek is al bykans 51 jaar lank getroud met Mart. Ons het drie kinders en agt kleinkinders. Ek en my kinders bedryf die Frans van den Berg-trust. My dogter Helmien is die bestuurder. Afgesien van my word sy ook bygestaan deur my ander dogter, Ena, en haar broer, Francois, wat deesdae as agent van Vleissentraal (Bloemfontein) by die Reiviloveemark optree. HOE GROOT IS JUL PLAAS? Die plaas is naby Reivilo op die Ghaapse Plato geleë. Die boerdery-eenheid beslaan 11 400 ha waarvan 2 476 ha huurgrond is. Die soetveldweiding lyk mooi. WAAR HET JY GESTUDEER? Ek het in die vroeë 1960’s…

DIE grondprobleem in Suid-Afrika is ’n belangrike “verkiesingselement” vir die Regering. Daarom moet die landbou nie verwag om terwyl pres. Jacob Zuma aan die bewind is, ’n klinkklare antwoord oor grondhervorming te kry nie. Die totale waarde van landbougrond in Suid-Afrika beloop R174 miljard, maar byna R80 miljard is al bestee om net sowat 7-8% van grond na swart hande oor te dra, het die ekonoom mnr. Theo Vorster tydens ’n sakegesprek met boere by Agrico se hoofkantoor in Bellville gesê. “Die geld wat aan grondhervorming bestee word, is buite verhouding. Landbougrond is nie soveel werd as jy dit vergelyk met ander besigheid in die land nie (sien GRAFIEK ).” Vorster meen boere moet vrede maak daarmee dat die politieke waarde om die grondbelofte aan die gang te hou, groter…

DIE vooruitsigte van ingevoerde Amerikaanse hoender as deel van die hernuwing van die Amerikaanse wet op groei en geleenthede in Afrika (Agoa) het beleggers in plaaslike pluimveemaatskappye laat skrik en aandeelpryse laat val. Die reaksie berus egter op wanopvattings, sê mnr. Anthony Clark, ’n ontleder van Vunani Sekuriteite. “Die invloed wat Agoa gaan hê, is nog nie genoeg bespreek nie.” ‘BILLIK’ Die 65 000 ton waarop Amerika en Suid-Afrika ooreengekom het as die kwota hoenderstukke aan die been wat eersgenoemde sonder stortingstariewe na Suid-Afrika kan uitvoer, “is nie briljant nie, maar dit is billik”. Clark sê ’n mens moet onthou die slegste scenario sou die 120 000 ton gewees het wat die Amerikaanse raad vir die uitvoer van eiers en pluimvee (USAPEEC) aanvanklik geëis het as voorwaarde vir die hernuwing…

VEILINGKRALE, slagplase en vee-agente moet op dieselfde wyse as veeboere vervolg word as hulle nie die Wet op Veediefstal (Wet 57 van 1959) nakom nie. Dit sal help om die bemarking van gesteelde vee in die kiem te smoor. Volgens mnr. John Dürr, voorsitter van die Wes-Kaapse Rooivleisprodusente-organisasie (RPO), het die Wes-Kaap nie die afgelope jaar so erg soos ander provinsies onder veediefstal deurgeloop nie. Dit bekommer hom egter dat groot getalle vee in die Karoo “net verdwyn”. ‘Jy kry dalk jou prys, maar jy moet jou geld ook kry.’ “Geen bewyse van wol of beendere word in daardie kampe gekry nie. Gesprekke daaroor is reeds op die hoogste vlak met Agri Wes-Kaap, veediefstaleenhede en die polisie aan die gang,” het hy op die organisasie se jaarvergadering op Laingsburg gesê.…

DUIDELIK gedefinieerde eiendomsregte, beter landboutegnologie en beter geleenthede vir vroulike boere sal aandag moet geniet om landbouproduktiwiteit op die vasteland ’n hupstoot te gee. Dit is van die sleutelbevindinge oor landbouproduksie in die Wêreld- Ekonomiese Forum (WEF) se nuutste mededingendheidsverslag. Die landbou is ’n belangrike bron van inkomste vir Afrikane, maar produktiwiteit is steeds te laag en gegrond op bestaansproduksie op klein skaal. “Afrika se landbousektor kan nie op dieselfde trant voortgaan nie. Dit is belangrik dat produktiwiteit beduidend verhoog word deur landbounavorsing, inligting en kommunikasietegnologie en die versterking van die skakels tussen klein- en kommersiële boere, terwyl hulle beter in die streeks- en globale waardekettings geïntegreer word,” sê dr. Steve Kayizzi-Mugerwa, adjunkpresident van die Ontwikkelingsbank van Afrika. Die afname van die landbou se bydrae tot die bruto binnelandse produk…

DIE omstredenheid van die moontlike ontginning van skaliegas in die Karoo het ’n nuwe intensiteit bereik met die publikasie van die regulasies vir die eksplorasie vir petroleum en produksie in die Staatskoerant, terwyl die omgewingsassessering nog nie voltooi is nie. Dit bring die land nader aan die ontginning van skaliegas deur hidroliese breking, wat deur die Regering beoog word. Volgens die aksiegroep Treasure the Karoo (TKAG) bevat die gepubliseerde weergawe ’n paar verbeteringe op vorige weergawes, maar die organisasie meen dis oor die algemeen onvoldoende en gebrekkig. Die TKAG meen pres. Jacob Zuma se aan- kondiging oor skaliegas in sy staatsrede is die hoofrede is waarom die ontginning van die gas nou dringender nagejaag word. Zuma het die ontdekking van skaliegas in die land se eie agterplaas uitgelig. Die gebreke…

DIE wêreldwye neiging dat veekuddes groter word, verhoog die risiko dat siektes kan uitbreek en versprei, sê dr. Peter Orpin, direkteur van Myhealthyherd.com in Brittanje, ’n maatskappy wat winsgewendheid en produktiwiteit in veekuddes bevorder. Die getal melkbeeskuddes in Brittanje het in die laaste tien jaar van 18 000 afgeneem tot 9 000, met ’n gepaardgaande verhoging in die voorkoms van siektes weens onder meer die vrylike beweging van vee tus- sen kuddes. Orpin het vasgestel meer as 2 miljoen uit 10 miljoen melkbeeste in Brittanje het oor ’n tydperk van ses weke heen en weer tussen plase beweeg. Die vervoer van varke en pluimvee word baie strenger beheer. Veral BVD (beesvirusdiarree) en IBR (aansteeklike beesrinotrageïtis) is ’n bron van kommer. Die voorkoms van hierdie siektes is in Suid-Afrika op dieselfde…

DIE hernuwing van die Amerikaanse wet op groei en ontwikkeling in Afrika (Agoa) is baie goeie nuus vir die sitrusbedryf, veral in die konteks van die Europese Unie wat Suid-Afrikaanse sitrus stief behandel weens swartvlek. Suid-Afrika voer jaarliks 2,7 miljoen ton vars vrugte (sowat R26 miljard) na 87 lande uit. Altesaam 4% (sowat R1 miljard) hiervan word na Amerika uitgevoer. Sowat 65% van hierdie 4% is sitrus, sê mnr. Anton Kruger, hoof van die Varsprodukte-uitvoerdersforum. Nog 23% van die 4% is sagtevrugte (appels en pere) en dan kom tafeldruiwe en subtropiese vrugte, waaronder neute val. POTENSIAAL VIR GROEI Hy sê ook die potensiaal vir groei van sitrusuitvoer na Amerika is groot, wat dit belangrik maak in die konteks van die swartvlek-situasie. “As dit gebeur dat Suid-Afrika sy toegang tot die…

REGULASIES vir die inwerkingstelling van ’n gemeenskapsdiensjaar vir afgestudeerde veeartsstudente is voltooi en wetgewing sal bekend gemaak word sodra die Suid-Afrikaanse Veterinêre Vereniging die reëls saamgestel het. Die Dieregesondheidsforum is tevrede met die proses. Die jong veeartse is opgewonde oor die gemeenskapsdiens en sal aan ’n wyer spektrum van kundigheid blootgestel word. Die probleme met die implementering van die stelsel behoort betyds opgelos te word. HIERDIE BLAD IS DEUR DIE ROOIVLEISPRODUSENTE-ORGANISASIE GEBORG. BERIGTE IS DEUR DIE RPO GESKRYF EN VERSKAF. RIG NAVRAE AAN DIE RPO BY 012 349 1102. E-POS: rpo@lantic.net. WEBWERF: www.rpo.co.za.…

Nie te lank gelede nie het vriende se twee dogters ’n week lank by ons kom kuier. Die eerste ding wat die jongste vir haar ma vertel het toe dié haar kom haal, is: “Ma, die tannie het aartappels geskil en daar het regte tjips uitgekom.” ’n Soortgelyke gesprek oor finansies het gister in ’n supermark afgespeel. Toe ’n ma vir haar jong seuntjie sê dat hulle nie geld het om koeldrank te koop nie, was sy antwoord: “Ma, gaan druk net die knoppies op daai ander masjien dan kry jy weer geld.” Dis toe dat ek besef hoe verskriklik min ons kinders weet van hoe die wêreld eintlik werk. Ek wonder hoeveel stadskinders weet werklik waar hul kos vandaan kom en watter vorms dit gehad het voor dit in…

AFDWINGBARE BEGINSEL Fideicommissum (“Fc”) was sedert ongeveer 200 v.C. een van die gewildste instellings in die Romeinse regstelsel. Dit kom van die Latynse woorde “fides” (soos in bona fides of goeder trou) en “committere” (toevertrou). ’n Eienaar vertrou dus sy bates toe aan iemand met die opdrag dat dit later aan ’n derde oorgedra word. Dit kom gewoonlik in ’n testament voor, maar kan ook ’n skenkingsooreenkoms wees. ’n Fc is ’n persoonlike reg wat in ’n akteskantoor geregistreer en derhalwe afdwingbaar is. Die erflater bemaak byvoorbeeld sy eiendom aan sy kind (die fiduciarius), wat eienaar word van die eiendom, onderhewig aan die voorwaarde, wat teen die titelakte van die grond geregistreer word. Volgens die beginsel sal die grond by afsterwe van die fiduciarius (of as ’n sekere ouderdom bereik…

Geskryf deur Pual Makube Bestuurder. Landbou Inlighting E-pos:agric@fnb.co.za MIELIES Amerikaanse mieliepryse het laer geneig vanweë vordering met aanplantings en uitstekende oesontwikkeling. Aanplantings was teen die einde van Mei 95%afgehandel en 84%van die aanplantings het al opgekom. Dit is 7 persentasiepunte beter as in die vorige jaar en 5 persentasiepunte beter as die gemiddelde oor vyf jaar. Diewêreldmielieproduksiekanluidensdiejongste verslag van die Verenigde Nasies se Voedsel-en Landbou-organisasie (VLO) met 3% tot 995miljoentonafneem. Plaaslik het mieliepryse sywaarts tot hoër geneig met die swakker rand wat bykomende steun gebied het. Die prys van geel mielies was gemiddeld R2 378/t – feitlik onveranderd op ’n maandgrondslag, maar 15% hoër op ’n jaargrondslag. Die prys van wit mielies het met 5% op ’n maandgrondslag en 34% op ’n jaargrondslagtotgemiddeldR2705/tgestyg. Die jongste oesberaming stel die 2014/’15-oes vas…

DWARS 5. Houer met hingsel (5) 7. Feite nagaan (7) 8. Die geheel (5) 9. Getal spelers in krieketspan (3) 10. . . . de Janeiro (3) 11. Ywerige strewe (5) 12. Ongekunsteldheid (13) 15. Aandag gee (5) 16. Spinneweb (3) 18. . . . Pierewiet (3) 20. Syfer (5) 22. Onopgevoed (7) 23. Inlewer (5) AF 1. Mik (5) 2. Bewus word van (5) 3. Laspos (5 4. Lugtoestand wanneer son daal (13) 5. In hoë mate (3) 6. Rottang-houer (7) 11. Klein varkie (3) 13. Agtelosig (7) 14. Optiese, afk. (3) 17. Metaalkan met hingsel en tuit (5) 18. Groot Australiese boom (5) 19. Vlugtige brandstof (5) 21. Ongevulde (3) OPLOSSING DWARS: 5. Emmer; 7. Naslaan; 8. Ganse; 9. Elf; 10. Rio; 1 1. Bejag; 12. Eenvoudigheid; 15.…

Veldkool-en-lamsvleisbredie Braai 2 grof gekapte uie en 6-8 stukkies lamsribbetjie saam bruin. Voeg ’n bietjie water by, verlaag die hitte, bedek en stowe tot die vleis amper sag is. Geur met sout en peper. Voeg 1,5 kg skoongewaste, grof gekapte veldkool , 4 aartappels (geskil en in blokkies gesny) en nog ’n bietjie water by. Prut liggies tot die veldkool en aartappels sag is. Geur weer met ’n bietjie sout, peper en suurlemoensap en laat staan ’n paar minute voor dit voorgesit word. Sit voor op rys of koeskoes. Lewer ses porsies. Quiche met veldkool Voorverhit die oond tot 200 °C. Voer ’n quichepan van 22 cm met tuisgemaakte broskorsdeeg uit, prik die deeg met ’n vurk, voer uit met bakpapier en droë bone of rys en blindbak vir 10…

ANGUS BUCHAN Een van die maklikste Skrifgedeeltes in die Bybel om te onthou, is Markus 11:22 wat lui: Vertrou op God. Die Here beskou vertroue as nommer een op sy voorranglys. Hy sê selfs ons kan Hom nie sonder vertroue tevrede stel nie, en dat Hy dié wat na Hom soek, daadwerklik beloon (Hebreërs 11:6). Ons boere moet dié beginsel goed verstaan. Ons moet in geloof wandel. Die teenoorgestelde van geloof is vrees. Vrees kniehalter geloof, maar geloof verwoes vrees. As ons deur ons eie oë na ’n situasie kyk, lyk sake maar sleg, maar wanneer ons deur God se oë kyk, word die berg ’n molshoop. Ons moet in geloof begin wandel, want geloof volg uit die aanhoor van die boodskap, en die aanhoor van die boodskap volg uit…

Voedingiseenvan die belangrikste bestuurbare aspekte wanneer reproduksie onder die vergrootglas geplaas word. ’n Belangrike punt om in gedagte te hou, is dat geen enkele voedingstof reproduksie drasties kan verhoog nie. Die klem moet deurgaans op ’n gebalanseerde voedingsprogram wees. ’n Energietekort en ’n wanbalans van energie tot proteïen en ander voedingstowwe is sekerlik van die belangrikste oorsake van swak vrugbaarheid by enige dier. Energie is belangrik vir die groei en seksuele volwassenheid van die dier, follikelontwikkeling en ovulasie, oestrus en vir die onderhoud van die plasenta en ander verwante organe tydens dragtigheid. Energiewanbalanse lei ook dikwels tot metaboliese steurnisse wat kan lei tot aborsies en/of ’n lae oorlewingskoers vir lammers en kalwers. Die gehalte van proteïen is uiters belangrik. NPN (ureum) behoort nooit meer as 30% van die totale proteïeninname…

PORT ELIZABETH ALLES EN NOG WAT OOR GROOT KUDDES Meer as 300 belanghebbendes in die melk- en rooivleisbedryf het die Grootkuddekonferensie in die Boardwalk-konferensiesentrum in Port Elizabeth bygewoon. THEUNS BOTHA het die foto’s geneem. PORT ELIZABETH BEKENDES OP NWKV-KONGRES Bykans 200 afgevaardigdes het die NWKV se 86ste kongres in Port Elizabeth bygewoon. Daar was rede om te glimlag toe wolpryse tot die hoogste vlak dié seisoen gestyg het. RAWSONVILLE VEEARTSE HOU KONGRES IN DIE WES-KAAP Die kongres van die Herkouerveterinêre Vereniging van Suid-Afrika (Ruvasa) by die Goudini Spa op Rawsonville is deur ’n groot aantal private en staatsveeartse bygewoon.…

SKAAPBOERE het rede om te glimlag aangesien produsentepryse vir lamsvleis, veral in die Wes-Kaap, tans baie goed is. In dié provinsie is die aanbod laag weens die droogte en omdat die meeste lammers reeds bemark is, het mnr. Appie Maritz, bestuurder van BKB se vee-afdeling in die Wes-Kaap, aan Landbouweekblad gesê. Die meeste ooie se lammers word in April en Mei gebore en die eerste lammers word dus eers in September te koop aangebied. Dit veroorsaak ook dat daar ’n goeie vraag na voerkraallammers is om af te rond om in die vraag te voorsien. “Ooie (klas C) kom in Julie in die mark wanneer boere selekteer vir die volgende seisoen.” Maritz sê speenkalfpryse is ook goed, veral vir puik diere. “Daar is ’n goeie vraag na vet slagbeeste. Weens…

ALGEMEEN 23 JUNIE: Gautengse jeugskou. Hoërskool Bekker, Magaliesburg. Nelmarie van Staden, e-pos: bon heim.drakensberger@gmail.com. 26-27 JUNIE: Victoria-Wes se wildsfees en duiwevlug. Victoria-Wes-skouterrein. Tel. 072 243 3597, of e-pos: vicweswildsfees@gmail.com. 1-4 JULIE: Mega Petex. Megapark, Bredasdorp. Pikkie Louw, sel 082 566 5880, of e-pos: pikkie@agri mega.co.za. 23-25 JULIE: Studente-ekspo. Greenstone-winkelsentrum, Johannesburg. Web: www.student-expo.com. 31 JULIE-1 AUGUSTUS: !Nabakos-en-wynfees, Upington. Sonja, sel 082 410 7669. Web: www.nabafoodandwine.co.za. 27-30 AUGUSTUS: Kaapse Blommeryk-ekspo. Megapark, Bredasdorp. Agri Mega. Eunice Joubert, sel 082 808 1114, of e-pos: eunicek@agrimega.co.za. Chris van Rhyn, tel. 021 863 0397, of e-pos: marke ting@capefloralkingdom.co.za. 16-19 SEPTEMBER: Agri-Megaweek. Megapark, Bredasdorp. Pikkie Louw, sel 082 566 5880, of e-pos: pikkie@agrimega.co.za. Reinette Basson, tel. 021 863 0397, of e-pos: reinette@agrimega.co.za. 15-17 OKTOBER: Agri-Expo Livestock 2015, Sandringham, Stellenbosch. Tel. 021 975 4440, of e-pos: admin@agriexpo.co.za. Web:…

Saadmaatskappye se jaarlikse belegging in die ontwikkeling en aanpassing van gewasse, soos mielies met ’n ingeboude weerstand teen skadelike insekte, soos stronkboorder, beloop miljarde rande. Op dieselfde wyse is die gebruik van Roundup-gewasse verantwoordelik vir makliker en doeltreffende onkruidbestryding. Dié voorsprong wat biotegnologie bied, is egter nie gevrywaar teen misbruik en wanbestuur nie. Om hierdie tegnologie vir so lank moontlik doeltreffend te hou, vereis dat weerstand by onkruid en insekte streng bestuur word. Indien nie, is al die tyd en geld wat in die ontwikkeling van dié saad belê word, alles verniet. Vir die boer is die resultaat sels00 meer beduidend. Sonder die opsie van biotegnologie vir gewasse, soos mielies, soja en katoen, is die enigste ander uitweg vir gewasbeskerming groter meganisasie en chemiese middels vir die bestryding van onkruide…

Die toepassing (app) GroCapital Trader sal dit vir gebruikers moontlik maak om toegang te verkry tot plaaslike en internasionale kommoditeitspryse, sowel as verskeie geldwisselkoerse. Sodra die gebruiker geregistreer is, kan hy of sy die app gebruik om regstreeks met ’n markagent te skakel. “Die idee was om die transaksieproses vir GroCapital se kliënte te vereenvoudig. Die app maak dit moontlik om die kommoditeits- en geldmark te volg, jou markagent regstreeks te bel en om transaksies dadelik af te handel,” verduidelik mnr. Jannie van der Watt, die hoofbestuurder van GroCapital. Hy voeg by dat, hoewel die app deur enige iemand gebruik kan word, is daar ’n effense vertraging in die beskikbare prys vir ongeregistreerde gebruikers. “Tot dusver is die reaksie van kliënte buitengewoon gunstig en is ons vol vertroue dat die…

55% Die landbou is deurslaggewend vir Indië se ekonomie aangesien dit 16% tot die bruto binnelandse produk bydra en werk verskaf aan 55% van die bevolking. Mnr. Radha Mohan Singh, landbouminister, sê om 4% groei in die landbou te behaal, is ’n voorrangsaak vir die regering, want Indië het 17% van die wêreld se bevolking en net 2,4% van die wêreld se grond. In 2014/15 was die groei in die landbousektor net 0,2% – dna $1MILJARD Die Amerikaanse deelstaat Kalifornië se landbousektor het tot dusver vanjaar al sowat $1 miljard (R12,4 miljard) inkomste verloor weens die heersende droogte. Volgens ’n studie van die landbou-departement en die Universiteit van Kalifornië Davis is die droogte nie só erg as wat aanvanklik verwag is nie, maar erger as verlede jaar omdat minder water…

‘Die Russiese regering het dit destyds reggekry om ’n kwart ton dokumente per plaas te produseer, maar niks meer nie.’ Mnr. Johannes Möller, voorsitter van Agri SA. Bl. 16 ‘Sorg eerstens vir jouself en jou familie.’ Dr. Frans Cronjé, uitvoerende hoof van die Instituut vir Rasseverhoudinge. Bl. 15 ‘Die Weste sê ons het misluk. Ons het nie; ons sê, bring die weerpatrone terug na normaal dan sal ons produseer en selfs na daardie lande uitvoer.’ Mnr. Sikhanyiso Ndlovu, oud-minister van onderwys in Zimbabwe, wat beweer Zimbabwe se boerderymislukking is omdat die Weste met die weer peuter. Bl. 12. ‘Wanneer dit by voedselsekuriteit kom, is die rede waarom swart mense van die honger doodgaan, omdat die land se landbougrond in die hande van wit mense is.” Mnr. Nazier Paulsen, EFF-LP. Bl.…

Met ’n Kabinet waarvan 40% lede van die SA Kommunistiese Party (SAKP) is, is daar min twyfel meer dat dié groep die oorhand binne die Regering gekry het en Suid-Afrika onverbiddelik op die pad van die Nasionale Demokratiese Revolusie (NDR) lei. Dr. Frans Cronjé, hoof van die SA Intituut vir Rasseverhoudinge (SAIRV), sê as ’n mens die Regering se beleidmakingsproses wil verstaan, moet jy die NDR verstaan. Dit is onder meer gemik op die herverdeling van “wit rykdom” onder “swart onderdruktes” en sluit grondonteiening en nasionalisering in. Dr. Niel Barnard, oudhoof van die Nasionale Intelligensiediens, sê “Suid-Afrika is tans een van die gevorderdste Kommunistiese state ter wêreld”. Ook John Kane-Berman, konsultant vir die SAIRV, het onlangs daarop gewys die drie vurigste ondersteuners van die voorgestelde onteieningswetgewing is leiersfigure binne die…

TRANSNET beoog verskeie vennootskapsinisiatiewe met die private sektor om veeldoelige vragwaens vir die landbou te ontwikkel en meer landbouprodukte per spoor te vervoer. Dit is deel van sy plan om spoorvragvervoer in die land te verbeter. Van 2012 tot verlede jaar het Transnet se totale vragvervoervolumes met 4,7% gegroei, maar Tansnet se “algemene vrag” waar ’n aanduiding gekry kan word van hoeveel padvervoer na spoorvervoer oorskakel, het met 8,6% gegroei. Mnr. Ravi Nair, waarnemende uitvoerende hoof van Transnet se vragvervoer, het gesê in die volgende paar maande begin hulle met ’n padnaspooroplossing – dit is ’n vragmotorwa, die roadrailer, wat motorbande het vir padgebruik en staalwiele vir spoorgebruik. Nair, wat ’n voorlegging aan die Parlement se portefeuljekomitee oor openbare ondernemings gemaak het, het aangedui die tender vir die vragmotorwaens is…

OP die onlangse Mpumalanga-landboukongres in Hazyview het landbouleiers en sprekers sterk te velde getrek teen wat hulle beskryf het as die staat se Kommunistiese planne om as beskermheer van Suid-Afrika se landbougrond op te tree. “Dis nonsens,” sê mnr. Johannes Möller, voorsitter van Agri SA. “Toe die Russiese regering destyds beheer van dié land se landbougrond oorgeneem het, het hulle dit reggekry om ’n kwartton dokumente per plaas te produseer, niks meer nie.” Möller sê hierdie denke van die Regering en ook sy vakbondvennote se pogings om hulself ten koste van ’n bepaalde sektor te verryk, dateer uit die vyftigeren sestigerjare. Die ekonoom mnr. Roelof Botha het ook uitgevaar teenoor die Kommuniste in die regering: “ ’n Kommunis is iemand wat niks het nie, maar dit vreeslik graag met jou…

’N HOOGGEREGSHOFBEVEL teen die Mafube-munisipaliteit van Frankfort en Villiers in die Vrystaat het dit nou moontlik gemaak dat munisipale bestuurders wat nie afvalwater reg bestuur nie, persoonlik aanspreeklik gehou kan word vir ekologiese skade wat deur onverantwoordelike praktyke veroorsaak word. Mnr. André Swart is ’n plaaslike boer en sakeman van Frankfort wat al agt jaar lank in ’n hofstryd met die Mafube-munisipaliteit gewikkel is. Hy het aan Landbouweekblad gesê die hooggeregshofbevel beveel dat die munisipale bestuurder, mnr. Andrew Hlubi, tot 90 dae gevangenisstraf kan uitdien as die munisipaliteit die hofbevel waarvolgens rou rioolafval nie in die Wilgerivier gestort mag word nie, sou verontagsaam. “Dit is ’n waterskeidingsbevel dié, aangesien persone wat ongerymdhede in hul omgewing sien, met die hofbevel na hul munisipaliteit toe kan gaan om die gevolge aan hulle…

DIE komende Vleisbeesskool wat van 14-16 Oktober by Aldam gehou word, is ’n ware winskopie vir beesboere. Dit word deur Breedplan, die Lewendehawe Registrerende Federasie en Landbouweekblad aangebied. Die tema is vleis en reproduksie. Vir R6 700 kry die boer huisvesting vir drie dae en alle etes, asook ’n magdom kennis wat hom beter en winsgewender sal laat boer, sê dr. Michael Bradfield, hoof van Breedplan. Kenners gaan die beste beskikbare inligting oor reproduksie aanbied. Die onderwerpe is: n Bestuur en benutting van teelmateriaal om vrugbaarheid te verbeter (prof. Bob Weaber, Universiteit van Kansas, Amerika). n Lekbestuur (mnr. Johan Mou- ton, Molatek). n Seleksie vir vrugbaarheid (mnr. Christian Duff, vleisbeeskenner, Australië). n Voerbronne en die koei se produksiesiklus (dr. Dietmar Holm, Universiteit van Pretoria). n Koei-kalf-doeltreffendheid (prof. Michiel Scholtz, LNR).…

1 BOTSWANA | Hervestiging van renosters Die grootste projek ter wêreld om renosters te verskuif, het begin. Die eerste tien renosters uit reservate in SuidAfrika het veilig by hul nuwe tuistes in Botswana aangekom. Die projek Renosters sonder Grense word bestuur deur die filmmakers Dereck en Beverly Joubert. Om die renosters te hervestig, is die grootste vliegtuig wat nog op die Maunvliegveld geland het, twee helikopters, verskeie vragmotors, ’n hyskraan en 60 soldate ingespan. Die verskuiwing is binne 24 uur afgehandel. Daar word gehoop om die oorblywende 90 renosters binne die volgende nege maande te hervestig. Botswana is ideaal vir die renosters vanweë die beperkte toegang tot die groter Okavangogebied. Voertuigverkeer word beperk en die afstande wat afgelê moet word, is te groot om helikopters vir stropery in te span.…

SYLVANIA PLATINUM, die maatskappy wat platinum wil myn op die Nylrivier se vloedvlakte tussen Mokopane en Mookgophong, se omgewingsimpakstudieverslag is deur Limpopo se departement van ekonomiese ontwikkeling, omgewing en toerisme verwerp. Sylvania se omgewingskonsultant, E-Science & Associates, het belanghebbendes wat deur die beoogde Volspruitmyn geraak kan word, onlangs skriftelik van dié besluit in kennis gestel. Die departement voer glo aan dat die finale impakstudiever- slag nie uitspel hoe die myn dit gaan regkry om nié meer water te gebruik as wat beskikbaar is van die bronne nie. Daar is ook onduidelikheid oor die bryvulling wat aanvanklik gebruik sou word om te keer dat grondwater by die myn invloei. Die departement sê die verslag gee ook nie aandag aan die ontwikkeling van ’n biodiversiteitsverrekeningstrategie nie. Daar moet spesfiek ’n vleiland-verrekeningstrategie ontwikkel…

DAAR is nog heelwat verwarring onder produsente en agente oor die finansiering van die rooivleisbedryf, het mnr. Neels de Villiers, voorsitter van die Vrystaatse Rooivleisprodusente-organisasie (RPO), op dié organisasie se kongres gesê. Die RPO tree namens die rooivleisprodusente as diensverskaffer op en mag volgens die Nasionale Bemarkingswet geen geld uit die statutêre heffing ontvang nie. Volgens De Villiers is die statutêre heffing ingestel vir onder meer verbruikersopvoeding, kommunikasie, produsente-ontwikkeling, bedryfs- en internasionale skakeling en transformasie in die ontwikkelende sektor. Die RPO word deur middel van ’n vrywillige bydrae van 0,15% by die eerste punt van verhandeling gefinansier om ’n mondstuk vir die totale bedryf te wees en te verseker dat ’n beter diens werklik gelewer word, het hy gesê. VLEISPRYSE Die afgelope jaar is gekenmerk deur swak verspreiding van reënval…

DIE internasionale organisasie vir dieregesondheid (OIE) het versoek dat die Departement van Landbou, Bosbou en Visserye twee verslae beskikbaar stel oor Suid-Afrika se herstelde status as vry van bek-en-klouseer. Die eerste verslag is in April verlede jaar ingedien en die tweede in September verlede jaar. Die departement wag nog op terugvoering oor die verslae. Probleme word steeds in Limpopo ondervind met die beweging van vee deur die grens met Zimbabwe. Beskadigde heinings is ’n probleem, maar die menslike faktor is die grootste bekommernis in dié gebiede. Die forum meen die situasie ten opsigte van bek-enklouseer het verbeter. Die departement werk hard om individuele identifikasiestelsels in te stel.…

Daar is ruim geleentheid in die meeste vleisbeeskuddes om die besetting van vroulike diere wat die eerste keer kalf, te verbeter, sê mnr. Hendrik van Pletzen, tegniese bestuurder van die voermaatskappy Voermol. Hy was ’n spreker op Voermol se jaarlikse Beesboer van die Jaar-boeredag op die plaas Buckshee van mnr. Jan van Zyl buite Vryburg. Hendrik het gesê die uitdaging is om die regte voervloeibeplanning en strategiese aanvulling te doen om in dié diere se voedingsbehoeftes te voorsien in die kritieke 30 dae voor kalftyd en die eerste 70 dae van laktasie. Dit is hierdie kritieke tydperk van 100 dae wat bepaal of besetting gaan plaasvind of nie. Wat gehalte en hoeveelheid betref, is die verse se voedingsbehoefte in dié 100 dae net so groot as in die res van…

Aangesien die onderwerp van landbougrond tans baie aktueel is, is dit gepas om nog ’n wyle by die onderwerp stil te staan. Die rede daarvoor het sy oorsprong in die neiging om die mag van die tradisionele leiers in die voormalige tuislande te verhoog. Dit word gedoen deur die grondoppervlak onder hul beheer uit te brei. Grond wat voorheen in individuele besit was, word nou deel gemaak van die tradisionele grondbesitstelsel. Die uitsprake oor nasionalisering, onteiening, beslaglegging en grondbesettings noodsaak dat ons die beginsels van grondeienaarskap verstaan. ’n Mens moet ook verstaan waarom individuele grondbesit (beskerm deur titelaktes en die Grondwet) belangrik is vir die kommersiële landbou, ondernemingsgroei en belegging in die landbou. Waarom is dié soort grondbesit so belangrik? (Ek bespreek glad nie die ongelyke besit van landbougrond hier…

Die toekoms en sy uitdagings gaan aanpassings verg, sê mnr. Frans van den Berg. “Dis goed as telers uit die kassie dink. Die gedagte is ’n ruk gelede losweg geopper of infusie by die Bonsmara nodig is om aanpasbaarheid te verbeter. Hoewel dit omstrede kan klink, moet ons nie dat tradisie ons besluite beïnvloed nie. ‘‘Enige nuwe idee moet suiwer op verdienste beoordeel word. Die vraag is dus of infusie vir die Bonsmara voordelig gaan wees. As ’n spesifieke geen of ’n stel gene nie geredelik in ’n ras beskikbaar is nie, sal infusie wel voordelig wees.” Frans meen egter infusie is nie in die geval van die Bonsmara nodig nie omdat: ■ Die Bonsmara ’n oop basis het. Die vroulike nageslag kan met doelgerigte kruisteling as F0-diere ingebring word.…

LIGGING Bothaville, Vrystaat…

TEMPERATUURMONITOR WARM ONDER DIE KRAAG ’n Nuttige nuwe Deense temperatuurmeter wat die boer in kennis stel as temperature in ’n land bo aanvaarde vlakke styg, is nou beskikbaar. Die Stack View, vervaardig deur die Deense maatskappy Care4Farm, stuur ’n boodskap na die boer se rekenaar, tablet of slimfoon sodra die temperatuur hoër as ’n vooraf-geprogrammeerde vlak styg. Die Stack View bêre ook ’n land se temperatuurinligting oor ’n tydperk sodat rekord van weerstoestande gehou kan word. Volgens die vervaardigers kan die Stack View maklik opgestel word: Die toestel word in die land staangemaak en die boer teken aan op die Stack View-webblad waar ’n oorsig van temperature en verstellings aan die temperatuurgrense gemaak kan word. Die Stack View werk op enige plek waar ’n selfoonsein beskikbaar is. Die vervaardiger onderhandel…

Boereworsburgers met avokadoroom en uiemarmelade Om burgervleiskoekies met worsvleis te maak, bespaar jou baie tyd en moeite. Die vleis is perfek gegeur en sal ook nie breek as jy dit in die pan of op die rooster omdraai nie. Die bekende koljandergeure van boerewors, word goed aangevul met die romerige avokadosmeer en soetsuur uiemarmelade. Ek gebruik ’n eierring (’n metaalsirkel waarin jy ’n eier breek as jy dit in die pan braai) om die vleiskoekies te vorm, sodat almal ewe groot en ewe dik is. Vleiskoekies ■ 750 g dik boerewors ■ Olie, vir braai Uiemarmelade ■ 3 groot uie, in ringe gesny ■ 30 ml botter ■ 30 ml olyfolie ■ 60 ml bruinsuiker ■ 45 ml bruinasyn ■ Sout en vars gemaalde swartpeper na smaak Avokadoroom ■ 2…

Onthou jy die liedjie uit die fliek The Sound of Music oor al Maria se favourite things? Dit was seker veronderstel om ’n mens nostalgies te maak, maar vir ’n Bloemfonteinse plotkind (of ’n koejawelbekkie, soos vriend Malan na ons verwys) in die 90’s was die meeste items op Maria se lysie volksvreemd. Roomkleurige ponies, koperketels, gebreide moffies en appelstrudel? Als was buite my verwysingsraamwerk. Ons het nie ’n kat met oulike snorbaarde gehad nie en selfs ’n deurklokkie en ’n bruinpapierpakkie was onbekend, want die posman het nie tot by ons gekom nie en die kuiermense wat dapper genoeg was vir die stukkie grondpad tot by ons huis, is deur die honde se geblaf aangekondig. Maar die bruinpapierpakkie was die een ding wat my verbeelding aangegryp het. ’n Plein,…

DIE Wêreld Ekonomiese Forum het in Kaapstad vergader onder die medevoorsitterskap van mnr. Antony Jenkins, hoof- uitvoerende beampte van Barclays Africa. Dié forum het vanjaar ’n verslag gepubliseer wat die mededingendheid van lande in Afrika vergelyk. Op sekere terreine skitter Suid-Afrika en word die probleme wat die land moet trotseer, deur die gunstige aspekte oorheers. Luidens die verslag het Suid-Afrika van die beste finansiele stelsels ter wêreld. Die manier waarop die JSE Bpk. gereguleer word, is ook die beste ter wêreld. Ondernemings kan maklik toegang tot kapitaal kry deur die uitreiking van aandele. Suid-Afrika se banke is kerngesond met goeie balansstate. Finansiering is toeganklik en bekostigbaar. Dít is aspekte wat Suid-Afrikaners maklik as vanselfsprekend aanvaar, maar daar is lande waar dit in gebreke bly. ’n Tweede aspek waarop Suid Afrikaners…

AANSIENLIK meer varkvleis is gedurende die eerste kwartaal van vanjaar ingevoer as teenoor ’n jaar gelede. Volgens geouditeerde syfers het die invoer van varkvleis 7 701 ton bedra, teenoor die 4 643 ton gedurende die eerste kwartaal van verlede jaar. Die meeste vleis het van Duitsland (42%), Spanje (24%) en Kanada (12%) gekom. Altesaam 60% van die ingevoerde varkvleis was ribbetjies, volgens Sappo Info, die SA Varkvleisprodusente-organisasie (SAVPO) se elektroniese nuusbrief. Intussen lyk dit asof maatskappye van Singapoer gretig is om hul markte vir Suid-Afrikaanse varkvleis oop te maak. ’n Afvaardiging bestaande uit agttien maatskappye, sowel as verteenwoordigers van die land se landbou-veterinêre owerheid, het Suid-Afrika in April besoek. Mnr. Barrie Gibbs, SAVPO-voorsitter, het hulle oor die plaaslike bedryf ingelig. Die afvaardiging was beïndruk met abattoirs se vleis van hoë…

JULIE ELLISRAS 8-11, Beesskou en Bosveldfees. Juanita Swanevelder, sel 073 174 8378, of e-pos:edlu@lantic.net. LUTZVILLE 30 Julie-1 Augustus, Lutzville-skou. (Streek: Dorper en Wit Dorper), Benede-Olifantsrivier-perdekampioenskap. Perde, 083 398 0899. Kraampies, 083 620 2294. E-pos: jeanette afox@gmail.com. POTCHEFSTROOM 31 Julie-1 Augustus, AgriWorks-landbou-ekspo. Trimpark, Potchefstroom. Tel. 021 854 4700, web: www.agriworks.co.za, e-pos: info@cadek.co.za. AUGUSTUS PETRUSBURG 6-8, Petrusburg-skou. (Vrystaat Saalperd streekkampioenskappe), Linn Hertzog, sel 084 556 0998, of Chanene Voster, sel 082 805 0057. E-pos: vry staatsaalperd@gmail.com GEORGE 27-29, Outeniqua-skou. Saalperd-klubskou, Kaapse Boerperd, SA Boerperd en algemeen, André, sel 072 510 0099. Melkbeeste, Nico, sel 083 635 9907. Vleisbeeste, Tinnie, sel 083 367 8596. Angus-veiling, Leon, sel 082 335 3094. Jeugskou, Jurie, sel 082 333 6646. Skape, Pieter, sel 082 825 3890. Pluimvee, Willie, sel 072 905 5858. Huisvlyt, kraampies, Susan/Dennis, sel 082…

GRENSSTORIES Ek was nog nooit op Hluhluwe nie, maar wat onlangs daar gebeur het, voel vir my verbasend bekend: Kommunale boere in die voormalige tuislande wat stry kry met hulle kommersiële bure. By ons in die Oos-Kaap gaan dit al vir eeue so aan. In die meeste gevalle gaan dit oor weiding (destyds én vandag). Kommunale weiding is in goeie jare maar skraps, maar vanjaar se droogte het dinge in die kommunale gebiede lelik vererger. By Hluhluwe is grensdrade toe geknip en beeste op ’n kommersiële wildplaas gejaag. Die beeste is toe weer uitgejaag en die wildheining reggemaak. Dis weer geknip. Toe vrek 27 van die kommunale beeste op die wildplaas. Die wildboer en sy pa is onmiddellik van vergiftiging verdink. Watermonsters is deur die staatsveearts geneem, maar nooit weggestuur…

LANDBOUGROND moenie ’n mens se enigste bate wees nie, sê mnr. Frans Cronjé, uitvoerende hoof van die Suid-Afrikaanse Instituut van Rasseverhoudinge (SAIRV). “Dink wat dit vir jou sal beteken,” het Cronjé op ’n AfriSake-ontbyt in Pretoria gesê waar hy die moontlike toekoms-scenario’s vir Suid-Afrika geskets het. Op kort termyn kan Suid-Afrikaners beslis verwag dat die Regering ’n “inmengende staat” op ’n “klipperige pad” gaan bly. Die Regering raak al hoe strenger oor bemagtiging en arbeidsbeleid, en eiendomsregte sal al hoe meer in gevaar kom namate die Regering die onafhanklikheid van die middelklas probeer beperk. Belasting sal styg, ekonomiese groei en beleggingsvlakke sal laag bly, staatsfinansies en skuldvlakke sal onder druk bly, die beleid wat burgers afhanklik van die staat maak, sal uitgebrei word, onderwysresultate sal swak bly, elektrisiteitsvoorsiening sal beperk…

HOE HET U VANJAAR SE EKSPO ERVAAR? Vanjaar se Agritech-ekspo was groter en beter as die eerste een, met 100 uitstallers, 10 000 besoekers en 150 joernaliste wat dit bygewoon het. Die vee-afdeling was veral ’n goeie toevoeging en het groot belangstelling uitgelok. MNR. EDGAR LUNGU, ZAMBIË SE PRESIDENT, HET OOK DIE SKOU BYGEWOON. WAT BETEKEN DIT VIR DIE SKOU? Die president se betrokkenheid was ’n groot hupstoot, veral vir die toekoms. Dit wys daar is politieke steun vir die skou. Mnr. Given Lubinda, minister van landbou en lewende hawe, en me. Inonge Wina, Zambië se adjunkpresident, was ook daar. Die ekspo geniet nou die steun van boere, landbou-besighede én die beleidmakers. WATTER KWESSIES WAS DIE BELANGRIKSTE VIR BOERE? Toegang tot die regte tegnologie en meganisasie, asook boerdery-finansiering. SAL DAAR…

DIE EFF het in vraetyd in die Nasionale Vergadering aangevoer die rede waarom swart mense in Suid-Afrika van honger sterf, is omdat die land se landbougrond in wit hande is. Parlementslede kon vrae stel aan ministers van die ekonomiese groepering, wat die Minister van Landbou en die Minister van Landelike ontwikkeling- en Grondhervorming insluit. Mnr. Nazier Paulsen, EFF-LP, het mnr. Senzeni Zokwana, Minister van Landbou, Bosbou en Visserye, gekap omdat “hy nie die onbeperkte grondeienaarskap van wit boere bespreek en hoe die grond tussen swart mense herverdeel moet word nie. “Dit is die waarheid dat daar in die Hexriviervallei in die Wes-Kaap 12 500 ha grond is waarop tafeldruiwe verbou word. ’n Fraksie, 48 ha, behoort aan swart mense. Dringende grondherstel is nodig . . . en wanneer dit by…

BETER samewerking tussen private en staatsveeartse is op hande ná gesprekke op die afgelope jaarkongres van die Herkouerveterinêre Vereniging van Suid-Afrika (Ruvasa) op Rawsonville gevoer is. Dit is in landsbelang vir die doeltreffende bekamping van veesiektes en vir voedselsekerheid en -veiligheid, sê dr. Pieter Vervoort, voorsitter van die Nasionale Dieregesondheidsforum. Hy het aan Landbouweekblad gesê die eienaars van vee, private en staatveeartse en diere-organisasies moet beter saamwerk om oplossings vir probleme te kry. Dit is nou moontlik nadat samewerking deeglik op die kongres bespreek en eenstemmigheid oor die noodsaaklikheid daarvan verkry is. “Ek is baie opgewonde oor wat ons bereik het. Ons het al voorheen samesprekings gevoer. Die laaste skakel in die ketting is op die kongres ingevoeg. Nou kan ons langtermynprobleme verhoed,” het Vervoort gesê. “Daar was groot welwillendheid…

DIE RPO meen dit is belangrik dat die dieregesondheidsforum betrokke sal wees by die afhandeling van die nasionale veterinêre strategie, want dit sal die vleisbedryf die geleentheid bied om ’n sê te hê oor die manier waarmee daar met veterinêre dienste omgegaan word. Dít was een van die sake wat op die dieregesondheidsforum se jongste vergadering in die soeklig geplaas is. Volgens ’n verteenwoordiger van die Departement van Landbou, Bosbou en Visserye word daar na die dieresiektebestuursplan verwys as die veterinêre strategie. Dit volg nadat die openbare veterinêre verslag (PVS) dit moontlik gemaak het om behoeftes vir ’n wyer netwerk van veterinêre dienste te identifiseer. Die strategie is beïnvloed deur ’n aantal nuwe ontwikkelinge wat onder onderwerpe, soos veiligheid, rykdom, welsyn, beleid oor die uitroei van siektes, bewerkingskontrole en laboratoriums,…

Dit het klaarblyklik geen uitwerking op skape of hul nuutgebore lammers as Abba vir hulle sing of Julius Malema “you bloody agent” skree nie, maar jakkalse loop wye draaie om sulke geraas. Die Jakalskrik is ’n oudiovisuele toestel wat na willekeur in die nag kan blaf, menslike geluide maak en ligte flits om jakkalse weg te hou van ’n kamp waar ooie in lamtyd aangehou word. Mnr. Fergus Miles, ’n boer van Cathcart in die Oos-Kaap, het dit saam met mnr. Raymond Vaughan van die firma H. Osborne Services in Johannesburg ontwikkel. Dit is ’n draagbare, son-aangedrewe toestel wat met ’n tydskakelaar werk, en waarop ’n luidspreker en ligte aangebring is. Dit skakel outomaties aan as dit donker word, en kan enige klank uitsaai wat die boer wil hê. Dit…

KORTOM ■ Die klassifikasiestelsel van vleis is verouderd, word misbruik en is waarskynlik uitgedien. ■ Speenkalwers gaan ook dalk ál meer op kontrak vir ’n geïntegreerde voerkraal volgens spesifieke vereistes gelewer word. ■ Handelsmerkvleis gaan al hoe belangriker word. Dit is vleis-kongrestyd en die mense bedink die pad vorentoe. Natuurlik wil die ou agendapunte by die gesprekke insluip, soos die voerkrale en speenkalfpryse, die boer se prys wat daal, maar nie die rakprys nie, die klassifikasiestelsel, die bestryding van siektes en Onderstepoort se wiele wat pap is. Dan is daar verbruikers wat ontevrede is omdat die vleisklassifikasiestelsel nie verbruikersvriendelik is nie en dikwels nie op die verpakking in supermarkte aangetoon word nie. Daar is ook dié wat beweer dat hulle deur navorsing nou presies weet wat die verbruiker wil hê…

Die Van den Bergs se vereistes vir ’n nuwe beweidingstelsel op hul plase was dat dit maklik moet wees om te bestuur, dat dit geen bykomende koste, soos omheinings en watervoorsiening, moet behels nie en dat dit voordelig moet wees vir diereprestasie. Mnr. Riaan Dames, ’n onafhanklike weidingkundige, het die stelsel ontwikkel en die Van den Bergs sê dit werk vir hulle. Al wat ’n boer moet doen, is om sy plaas in twee gelyke dele te verdeel. Die een gedeelte kry van Julie af ’n ruskans vir ’n volle jaar terwyl die ander gedeelte bewei word. Die ruskampe is ’n voerbank wat reserweweiding van Augustus tot Desember verskaf. Wanneer die groeityd begin, is hierdie kampe reeds goed benut, maar danksy goeie wortelontwikkeling reageer die plante goed op reën. In…

BOER MET ’N PLAN WEN R1 000 MET JOU BOEREPLAN! Nóg ’n inskrywing in ons kompetisie vir boereplanne en -patente wat werk. ’n Wenner word elke maand aangewys en hy of sy wen ’n kontantprys van R1 000. PLAASINLIGTING LIGGING: Baltimore, Limpopo PLAAS: Rooibokspruit, Baltimore GROOTTE: 600ha VERTAKKING: Deeltydsewildboer REËNVAL: 450mmperjaar KORTOM ■ In ’n groeikamer van 24 m2 kan ’n boer net soveel groenvoer produseer as op 10 ha onder besproeiing. ■ Dit kos dié deeltydse boer R750/t vir die garsspruitvoer teenoor die nagenoeg R4 000/t wat aangekoopte voer jou uit die sak jaag. ■ Temperatuurbeheer in die stelsel is van die uiterste belang. Die afgelope ses jaar spits mnr. Nico Bresler, wat reeds 23 jaar deeltyds boer, hom toe op die teel van skaars wild. Dié logistieke bestuurder…

Deur Anina Roux & Samantha McKendrick © xword@xword.co.za Voltooi die rooster sodat elke ry dwars, elke kolom af en elke 3 x 3 kassie die nommers 1 tot 9 bevat. Dis al wat jy moet doen. Geen wiskunde is nodig nie. Die rooster is vol syfers, maar niks hoef bymekaargetel te word nie. Jy los die raaisel met logika en beredenering op. Lees meer by http://en.wikipedia.org/wik/Sudoku Oplossing Nr. 24 Skakel gerus vir Wilhelm Grutter +27 (83) 457 9372 | E-pos: wg@silobags.com | Web: www.silobags.com Jan Dreyer: Sel. +27 (83) 279 3211…

Die sop prut stadig op die stoof, die geur van sop loop gang af in die huis en roep die honger aan. Ek onthou in my kinddae hoe ek in die kou van die winter altyd by tannie Pikkie en oupa Thys toevlug gaan soek het. Die huis in die middel van die tuin wat in sy winterkleed staan. Buite die wolke wat karos gooi oor Stellenbosch en die Simonsberg. Die windjie skraal, as die kapok berggalop. Winter was soptyd. Pikkie was baie netjies met vleis. Die beessopbene en skaapskenkels is netjies skoongemaak met die skerp messie met die rooi handvatsel. Dan is die soppot gevat met genoeg koue reentwater om die bene te bedek. Pikkie staan voor die stoof en gooi sout, witpeper, ’n paar wonderpeperkorrels en ’n lourierblaar…

So ’n tydjie nadat die Sandveld en Namakwaland hul eerste goeie winterreën gehad het, kan jy begin uitkyk vir slanke, groen lote wat in die veld tussen die gras, surings en riete uitstoot. Dit is veldkool (Trachyandra falcata of Trachyandra ciliata), ’n oeroue veldkos wat deel is van die katstertfamilie. Die Khoi en die San, en in ’n mate ook trekboere en Voortrekkers, was van die veld afhanklik vir baie van hul kos. Met die jare het baie van die wilde veldkossoorte, soos uintjies, waterblommetjies en veldkool, dit tot op ons voorouers se tafels gemaak. Veldkool het ’n horde noemname, waaronder wilde-aspersie, armmans-aspersie, Namakwakool, Strandveld-se-waterblommetjie, wildekool en strandkool . . . Dit is ’n kleinerige plant met vlesige blare, dun lote en groen blomkoppe. Die lote en blomkoppe is eetbaar.…

CAPE WOOLS se Merino-aanwyser het die seisoen op 10 Junie op ’n historiese hoogtepunt afgesluit. Verwagtinge is dat die mark sy gunstige momentum in die nuwe seisoen sal handhaaf. Die Merino-aanwyser het met gemiddeld R141,20/kg (skoonwol) gesluit. Dit is 26,5% hoër as op die openingsveiling. Op die Australiese mark het die aanwyser met 2% gestyg. Plaaslike handelaars sê fyner wol het op die betrokke dag effens duurder en growwer wol effens goedkoper geëindig. Die rand was sowat 0,7% swakker teenoor die Amerikaanse dollar (R12,33) vergeleke met die vorige week se veiling en sowat 2% swakker teenoor die euro (R13,89). Altesame 98% van die aanbod van 10 369 bale is verkoop. Die grootste kopers op die veiling was Lempriere SA (4 004 bale), Standard Wool SA (3 737) en G Modiano…

DIE Suid-Afrikaanse belangstelling in die Wagyu-beesras is vinnig aan die toeneem. Sowat 29 Wagyu-telers is reeds lid van die telersgenootskap by SA Stamboek, en markleiers verwag dat daar talle nuwe toetreders oor die volgende paar jaar sal wees. Volgens mnr. Brian Angus van die plaas Woodview naby Arlington lok die hoë prys van tot R950/kg vir keursnitte groot belangstelling. “Daar gaan beslis baie ander spelers die mark betree,” sê hy. Om dié rede glo hy naspeurbaarheid gaan in die toekoms ’n baie belangrike rol speel. Die genootskap vereis reeds dat alle geregistreerde Wagyu’s ’n DNS-sertifikaat moet hê wat die rasegtheid van die ouerskap bevestig. Volgens Angus is een van die uitdagings in sy vleisbemarking om die voorkeursnitte – riboog, filet, lendeskyf en kruisskyf – in groot maat te kan verskaf.…

KOPERS uit Suid-Afrika se buurlande het die laaste ruk ’n stewige bydrae tot bulpryse op Bonsmara-veilings gelewer, sê mnr. Kiewiet Ferreira, voorsitter van Bonsmara SA. Hy sê hy was die afgelope maande op heelwat veilings in Noordwes, die Vrystaat en in die noorde van KwaZulu-Natal. Die duurste bulle op ’n Vryheid-veiling is na gevestigde boerderye in Botswana, en op ’n ander veiling in Noordwes het boere van Namibië en Botswana van die duurste bulle gekoop. Van die duurder bulle op ’n hele paar veilings is ook vir ’n groot boerdery in Zambië gekoop wat spesifiek Bonsmarabulle soek. Ferreira sê die meeste gemiddelde veilingpryse van die laaste tyd, die afgelope somer se erge droogte ten spyt, was verbasend goed. Dit was selfs in die deur droogte geteisterde Noord-Vrystaat en Noordwes die…