Innholdsfortegnelse for 19-Feb-16 i Landbouweekblad

Die staatsbeheerde ChemChina se oorname van die landbouchemikalie-en saadmaatskappy Syngenta vir $43 miljard (amper R685 miljard), beklemtoon China se begeerte om ’n volhoubare voedselbron vir sy 1,4 miljard burgers te verseker. China is kwesbaar weens sy afhanklikheid van ingevoerde voedsel. Verder het sy reguleerders die afgelope jare gesukkel met die land se voeselwaardeketting. Voedselveiligheidskandale – soos melamien-besoedelde melkformule wat tot die hospitalisasie van 300 000 babas en die dood van ses gelei het – het Beijing groot verleentheid besorg. Terselfdertyd, namate Chinese gesinne se gemiddelde inkomste styg, verander hul kosvoorkeure. Drie jaar gelede het die staatsbeheerde voedselkonglomeraat Cofco gesê 30 miljoen Chinese eet Westerse kos. Dit sal teen 2018 tot 300 miljoen styg. China produseer amper ’n derde minder koring, mielies of ander grane per hektaar as Amerika. ’n Kleiner…

ARTIKELS & RUBRIEKE ■ Kan die keiser aanhou vat? ■ Landbou maak planne vir ’nuwe’ klimaat ■ Groen Kalahari-oase met sonkrag en presisiebeginsels ■ Só versag grondbestuur tafeldruifboer se risiko’s ■ Onskuldige melkkoeie soms uitgeskot ■ Boereplan: Hamermeul uit toeka se dae ry op wiele GESIN ■ Boerekos: Kook saam met Carmen GEMENGDE BOERDERY Die Namibiese tandarts-boerdr. Joggie Briedenhann kon enige plek in dié land grond koop. Die verras send water ryke Kalahari het hom nie afgeskrik nie, en daar het hy dit reggekry om’n eersteklas-boerdery, ’n groen oase gegrond op wetenskaplike boerdery beginsels, te skep.…

MNR. ROBERT BLOM van Bredasdorp het ’n aandeel in drie Ayrshire-stoeterye in die Wes-Kaap en wil die beste Ayrshires in Suid-Afrika teel. Sy prestasies op skoue toon dat hy reeds op die regte pad is. Lees die artikel op bl. 46. VERTEL ONS VAN JOU GESIN. Ek en my vrou, Marinda, het drie kinders. Maret is ’n derdejaarstudent aan die Universiteit Stellenbosch. Uys is in graad 11 en Arend in graad 6. WAAR HOU JULLE VAKANSIE? In die winter gaan ons Namibië toe en in die somer span ons by Jongensfontein uit. WAT IS JOU STOKPERDJIES? Jag en gholf speel. WAT LEES JY GRAAG? Landboutydskrifte en Weg, asook talle vaktydskrifte. WAT HET JY GESTUDEER? Ek het akkerbou en diereproduksie aan die Landboukollege Elsenburg gestudeer. MNR. JAMES EN MEV. VANESSA MOFFETT…

Agri SA se droogte-rampfonds Die rampfonds word ondersteun deur Landbouweekblad en etlike ander Media24-publikasies. Besoek www.droogterampfonds.co.za. DIE Amerikaners het hul skatting van Suid-Afrika se mielie-oes met 1 miljoen ton tot net 7 miljoen ton verminder. Dit is 440 000 ton minder as Suid-Afrika se eie Oesskattingskomitee se vroeëre voorlopige raming dat die komende nasionale oes 7,44 miljoen ton gaan wees, wat deur die meeste ontleders as oor-optimisties beskou is. Die Amerikaanse departement van landbou (USDA) skryf die verlaging toe aan die ernstige droogte, wat vooruitsigte vir gewasse verder laat verswak het ondanks reën in Januarie. ’n Nasionale oes van 7 miljoen ton sal die kleinste in 12 jaar wees. In 2005 het plaaslike boere net 6,9 miljoen ton mielies geproduseer. Die verlaagde Amerikaanse skatting behoort Suid-Afrikaanse mieliepryse hoog te hou…

DIE afgelope somer se droogte en hittegolwe kan die Wes-Kaapse vrugtebedryf miljarde rande kos. Volgens Hortgro word droogteverliese vir die vrugtebedryf op ongeveer R720 miljoen beraam. Mnr. Alan Winde, Wes-Kaapse minister van landbou, ekonomiese ontwikkeling en toerisme, meen egter die verliese kan van R2 miljard tot R4 miljard beloop weens laer uitvoer. Oesskattings vir onder meer sitrus, appels en pere, asook tafeldruiwe toon ’n afname in die verwagte produksie vir die seisoen. Gebiede in die noorde van die provinsie, soos Bergrivier, Wolseley, Tulbagh en Ceres, word die meeste daardeur geraak. Volgens Hortgro kan hittegolwe die kleur en grootte van die vrugte nadelig beïnvloed en veroorsaak dat dit vroeër ryp word. Die meeste vrugte is egter nog in hul groeistadium, wat vooruitskattings moeilik maak. ’n Reënbui of ’n hittegolf kan die…

WATERBESTUUR en besproeiingskedulering is streekspesifiek en hang ook af van wynboudoelwitte en die produksievlak wat behaal moet word, sê mnr. Hanno van Schalkwyk, ’n wingerdkonsultant by Vinpro. Hy en sy Vinpro-kollegas, mnre. Francois Viljoen, Johannes Mellet en Conrad Schutte, en drr. Philip Myburgh (LNR-Nietvoorbij) en dr. Albert Strever van die Universiteit Stellenbosch het die volgende wenke vir boere: ■ Die verband tussen ’n toename in watervoorsiening en ’n toename in produksie is nie reëel nie; produksie sal afplat en selfs afneem by oormatige voorsiening. In die geval van hoëfrekwensie-besproeiing (14 dae-intervalle of korter) sal ’n klein afname in watervoorsiening nie tot groot produksieverliese lei nie. ■ In plaaslike toestande is gevind dat wyngehalte en waterverbruiksdoeltreffendheid (kilogram druiwe geproduseer per kubieke meter water) verbeter het wanneer grond met groter wateronttrekkingspeile (oftewel…

BOERE in George’s Valley, Politsi en Mooketsi het miljoene rande se skade gely toe ’n haelstorm dié gebied verlede Donderdagaand getref het. Van die boere het hul hele avokado-oes verloor. Sowat 1,5 miljoen kartonhouers uitvoeravokado’s is vernietig tydens ’n haelstorm wat Donderdagaand 4 Februarie oor dele van die Tzaneen-omgewing uitgesak het. Dit is omtrent 10% van Suid-Afrika se uitvoerproduksie vir die jaar, sê mnr. Derek Donkin, hoof van Subtrop, die sambreelliggaam vir subtropiese vrugte en neute. Dit is ’n groot terugslag vir die landbou-uitvoer in Suid-Afrika se subtropiese mandjie. KLEINER OESTE ’n Groot deel van die land se uitvoermango’s is verlede jaar vernietig toe haelkorrels so groot soos tennisballe boorde in die Hoedspruit-omgewing aan flarde geslaan het. Die land se makadamia-oes is volgens mnr. Walter Giuricich, voorsitter van die Makadamiakwekersvereniging,…

1 ZIMBABWE | Nasionaleramp Terwyl die Suid-Afrikaanse Regering steeds hardnekkig daarteen skop om die land tot rampgebied te verklaar, het pres. Robert Mugabe van Zimbabwe die droogte daar tot nasionale ramp verklaar. Volgens aanduidings gaan 2,4 miljoen mense, oftewel 26% van die bevolking, reeds gebuk onder ’n kostekort. Mnr. Saviour Kasukuwere, minister van plaaslike regering, openbare werke en behuising, wat Mugabe se noodtoestand bekend gemaak het, het gesê tot 75% van die oeste kan op sommige plekke afgeskryf word. Meer as 95% van die land het tot dusver vanjaar minder as 75% van die gemiddelde reënval gehad. Damvlakke is ook besig om te daal en die gemiddelde inhoud is nou 51,1%. Boorgate veral in die suide is besig om op te droog en 16 681 stuks vee het reeds gevrek…

DIE inwerkingstelling van Suider-Afrika se nuwe handelsooreenkoms met Europa later vanjaar gaan groot struikelblokke vir die Regering veroorsaak. Dr. John Purchase, uitvoerende hoof van die landbousakekamer Agbiz, is bekommerd oor Suid-Afrika se gereedheid vir die inwerkingstelling van die ekonomiese vennootskapsooreenkoms tussen die Suider-Afrikaanse Doeane-Unie (Sadu) en die Europese Unie (EU), in handelskringe bekend onder sy Engelse afkorting EPA. Dit sal na verwagting middel vanjaar onderteken word en in Oktober in werking tree. Purchase het sy kommer gelug op ’n gespreksessie oor Suid-Afrika se handelsbande met die EU. Dit is in Pretoria aangebied deur Agbiz en Tutwa Consulting, ’n onderneming wat onder meer na handelsbeleid kyk. DIALOOG Dr. Paul Vandoren, ’n voormalige EU-ambassadeur en nou konsultant oor internasionale en EU-kwessies, het die Suid-Afrikaanse sakesektor aangeraai om betrokke te raak by die…

AGRI Letaba het ingestem om sy skouterrein op Tzaneen af te staan aan Landboukolleges vir Afrika (ACA), ’n organisasie wat beoog om die eerste van minstens vyf nuwe landboukolleges vir Suid-Afrika daar op te rig. Hierdie eerste kollege sal bestuurders en landbou-georiënteerde vakmanne en -vroue spesifiek vir primêre boerderye in Limpopo en Mpumalanga oplei, met die klem op subtropiese vrugte, neute en wild- en veeboerdery. Soortgelyke kolleges word vir ander provinsies beoog, maar elkeen met sy eie vakrigtings wat van toepassing is op daardie gebied. KwaZulu-Natal kan byvoorbeeld klem lê op suiker-, piesang-en dalk vleisproduksie, sê mnr. Howard Blight, voorsitter van die ACA-bestuurskomitee. “In die Oos-Kaap kan ’n kollege mense oplei in die verbouing van mielies en hout, asook skaap- en volstruisboerdery, en in die Wes-Kaap kan daar klem gelê…

SUID-AFRIKA se handelsbalans is sedert 2011 negatief, terwyl die landbou sedert 2013 deurentyd ’n positiewe handelsbalans gehandhaaf het. Die landbou se totale bydrae tot die bruto binnelandse produk word deur drie subsektore gelewer. Die diereproduksiesektor dra ongeveer die helfte van die bruto produksiewaarde by, terwyl die vrugte-en-groentesektor en die graan-en-oliesade-sektor elk ongeveer ’n kwart bydra. GRAAN EN OLIESADE Die bydrae van die graan-en-oliesadesektor wissel omdat dié sektor aan droëlandproduksietoestande en wisselvallige reënval onderhewig is. Die huidige aanplantings het puik produksie-omstandighede vir die res van die seisoen nodig om optimale opbrengste op te lewer. Die gunstige pryse kan vanjaar ’n onmisbare bydrae tot die netto boerdery-inkomste lewer. Die totale produksie van mielies, sojabone, sonneblomsaad en koring is vanjaar 27% laer as die vyfjaar- gemidddelde syfer van 14,5 miljoen ton. GROENTE EN…

In ’n navraag skryf ’n leser sy suster en haar man het hul huis aan hul een dogter verkoop vir ’n bedrag gelykstaande aan die onbetaalde balans op hul verband. Hulle het vir hulself ’n vruggebruik oor die huis uitgehou. Die suster is intussen oorlede en nou bly die man en die dogter nog in die huis aan. Die dogter skuld nog op die verband. Hy wil weet wat sou gebeur indien die man ook sterf, want hy het twee ander dogters. “Kan hy sy vruggebruik in sy boedel aan hulle oordra? En wat word van my suster se vruggebruik?” BEPERKTE REG ’n Vruggebruik staan bekend as ’n beperkte reg. Dit is ’n baie sterk reg, maar dit is ’n beperkte reg. Die houer van die vruggebruik het volle reg…

Hul resep vir misstof is heeltemal organies, sê mnr. James Moffet van die plaas Kirklington in die Oos-Vrystaat. Hulle gebruik kommersiële organiese kunsmisprodukte en watter mis ook al op die plaas beskikbaar is, veral dié van skape, wat volgens James baie stikstof bevat. Kompos word anaërobies gemaak op ’n hoop wat met ’n kuilvoerseil toegemaak word en waarop baie effektiewe mikroorganismes (EM) toegedien is. Dit word vir agt weke gelos om te fermenteer, amper soos kuilvoer Die kompos word twee maande voor planttyd 10 cm diep by die grond ingewerk; ten minste 20 ton beesmis per hektaar en skaapmis teen sowat 8 ton/ha. EM-mengsels word in ’n 200 liter-drom aangemaak. Die EM, melasse en plante wat voordelige ekstrakte kan lewer, word in die drom saamgevoeg om te fermenteer Een van…

DIE invloed van die voortslepende droogte in Suid-Afrika word ook op die piesangmark gevoel. “Piesangs is tans skaars nadat ons aanvanklik die gewone opeenhoping van piesangs op die mark gedurende Januarie gesien het,” sê mnr. Johan du Toit, markagent van Subtropico by die Tswane-varsproduktemark. Die opeenhoping van piesangs op varsproduktemarkte in Januarie volg gewoonlik op die Desember-feesgety wanneer piesangboere groot volumes piesangs aan die markte lewer. “Die lewering van piesang het egter die afgelope week of twee dramaties gedaal,” sê Du Toit. Op die Tswane-mark, met ’n hanteringsvermoë van 73 000 kartonhouers van 18 kg elk, is op 8 Februarie slegs sowat 28 000 kartonhouers verhandel. Die skerp daling in voorraad het ook gelei tot ’n styging in piesangpryse. “Die prys wissel tans van R120 tot R150 per kartonhouer,” sê…

Die kwessie van genoegsame elektrisiteit om in ’n boerdery se behoeftes te voorsien moet voorrang kry voor boere daaraan dink om elektrisiteit in die stelsel terug te plaas. Dr. Steve Lennon, voormalige hoof van Eskom en tans besturende direkteur van die maatskappye SolaJoule en Shanduvan, sê die beste manier om die koste van ’n alternatiewe energiestelsel te verhaal, is om te verseker dat so doeltreffend moontlik na die boerdery se energiebehoeftes gekyk word. “Kyk veral na tye van die dag wanneer elektrisiteit gebruik word en ondersoek maniere om hierdie elektrisiteitsbehoeftes so laag moontlik te hou. Die eerste stap is om na energiedoeltreffendheid te kyk, want dan kan die opwekkingsvermoë ten beste daarvolgens aangepas word. Dit beteken dat die boer na faktore, soos beligting, verhitting, ventilasie en verkoeling, sal kyk. Met…

70% Dit is nie net SuiderAfrika wat onder ’n kwaai droogte gebuk gaan nie. Tot 70% van oeste in Algerië het skade gely weens droogte en ’n gebrek aan reën. Mnr. Hemlaoui Sassi, woordvoerder van ’n boerevereniging, sê hoë voerpryse word vanjaar verwag wat vleispryse weer sal opjaag. Veral graanproduksie het baie gedaal teenoor vorige jare en hy het gepleit vir ’n nasionale strategie om water vir die landbou op te berg. – Ennaha online 4,2MILJOEN Sedert Operasie Hydrate in Januarie begin het, is meer as 4,2 miljoen liter water landwyd aan mense in nood versprei. Die jongste besending was 41 vragmotors wat ’n week gelede uit Johannesburg met meer as 1,2 miljoen liter water vertrek het vir lewering in dele van die Vrystaat, die NoordKaap, Noordwes en KwaZuluNatal. Mnr.…

‘Ek kom self vanuit ’n boerdery-agtergrond en die boere se swaarkry het my laat wonder hoe ek hulle kon help.’ Die sanger Adam Tas oor sy fondsinsamelingskonsert Manna vir die Boere wat op 20 Februarie by die Voortrekkermonument plaasvind. Bl. 15 ‘Ons aanvaar dat die huidige polemiek rondom leeujag en die droogte pryse onder druk kan plaas, maar ons glo met goeie bemarking kan en sal die leeubedryf weer herstel – en kopers weet dit.’ Die wildboer mnr. Dawid Crous oor vooruitsigte in die jagbedryf ná nuwe wetgewing in Amerika oor die jag van leeus en luiperds. Bl. 20 ‘Ons het nie ’n keuse nie. Dit is ons teen die staat.’ Mnr. Deon Oberholzer van Vanwyksvlei oor die naderende onteiening van boerderygrond om radiostilte vir die SKAradioteleskoop in die Noord-Kaap…

MERINO EN DUITSE MERINO SE WOL VERSKIL Boere moenie die afgeskeerde wol van Merino’s en Duitse Merino’s (nou SA Vleismerino’s) meng as hulle dit baal nie, want daar is duidelike verskille tussen die vesel van dié twee skaaprasse. Só sê mnr. L.P. Vosloo, skaap-en-wolbeampte aan die Landboukollege Stellenbosch-Elsenburg, wat die eienskappe van verskillende wolmonsters met mekaar vergelyk het. Hy het die wol van 80 skape van elke ras — 40 jong ooie en 40 ou ooie — ontleed. Die volwasse ooie in elke groep het lammers grootgemaak. Sy belangrikste bevindinge is: ■ Die persentasie wolvet van die twee rasse verskil. Die wol van uitgegroeide Merino-ooie het meer wolvet as dié van jong Merino’s (15,39% teenoor 12,28%), maar in die geval van Duitse Merino’s is dit omgekeerd (12,03% teenoor 12,9%). ■…

DIE gevaarligte begin nou ook in Suid-Afrika flikker oor die uitwerking van die droogte op ons buurlande. Mnr. Wandile Sihlobo, ekonoom van Graan SA, sê tans verwag Zimbabwe ’n mielie-oes van so min as 200 000 ton, terwyl hy jaarliks sowat 2,7 miljoen ton verbruik. Sy opgehoopte voorraad is net sowat 400 000 ton, wat beteken hy sal in die komende bemarkingsjaar omtrent 2 miljoen ton mielies moet invoer. Dit is veel meer as die 1,2 miljoen ton wat aanvanklik internasionaal beraam is. Mnr. Eddie Cross, ’n Zimbabwiese ekonoom, parlementslid en stigterslid van die opposisieparty MDC, het gewaarsku dat wydlopende hongersnood dié land se voorland kan wees omdat sy infrastruktuur nie graan-invoer van dié omvang kan behartig nie, berig die onafhanklike koerant NewsDay. Cross skat 2,4 miljoen ton mielies en…

Die droogte van die laaste paar jaar oor die hele binneland gaan implikasies oor ’n heelwat langer termyn vir heelwat landboubedrywe tot gevolg hê. Een van die bedrywe, wat ek meen deur groot veranderinge in die gesig gestaar word, is die speenkalf-voerkraalketting. Daar is baie spanningslyne in dié betrokke aanbodketting, wat deur die gevolge van die droogte op die spits gedryf gaan word. Speenkalfboere kla dat hulle nie geld maak nie, want volgens hulle is daar “boereverneukery” aan die gang. Dit is ook een van die redes waarom die wildbedryf so aantreklik raak, want die winsgewendheid daar is tans baie beter as dié van die vleisbeesbedryf. Hoe gaan die onderliggende spanningslyne in die aanbodketting van die speenkalf-voerkraal oor die volgende 2 jaar tot 3 jaar uitspeel? Onthou, sowat 80% van…

In die greep van een van Suid-Afrika se knellendste droogtes het desperate boere begin om hul vee op die padreserwe te laat wei. Dié stroke is egter ook belangrike bronne van biodiversiteit. Ekoloë, plant- en weidingkundiges meen die matige en geleentheidsbeweiding van padreserwes is nie so sleg vir die plantegroei daar as om dit met onkruiddoders, randsnyers of skoffelaksies in toom te probeer hou nie. Dr. Sue Milton-Dean, mede-eienaar van die veldherstelonderneming Renu-karoo Veld Restoration op Prins Albert, sê sy reken die “episodiese of toevallige” beweiding van plante op die padreserwe is minder geneig om die plante permanent te beskadig, smaaklike plantsoorte uit te skakel of tot die indringing van onkruid aanleiding te gee. Dit is vergeleke met die bestryding met onkruiddoders of deur die plante met randsnyers kort te…

Pasta met twee soorte varkvleis en aspersies ■ Halwe pak (250 g) pasta van jou keuse ■ 20 ml olyfolie ■ Halwe pak (125 g) spekvleis, fyn gesnipper ■ 6 gaar varkworsies ■ 1 groot hand vol vars aspersies, in growwe stukke gesny Mosterdsous ■ 180 ml suurroom ■ 10 ml Dijonmosterd ■ Sout en vars gemaalde swartpeper na smaak ■ 5 ml heuning ■ 125 ml geroosterde pekanneute, grof gekaps Kook die pasta in ’n pot vinnig kokende soutwater tot gaar, maar steeds ferm. Dreineer, spoel die pasta onder koue water af en laat goed dreineer. Skep die pasta in ’n opdienbak en roer ’n paar teelepels olyfolie deur. Braai die spekvleis in ’n droë pan tot bros en voeg by die pasta. Sny die varkworsies in stukkies en…

Ons probeer minstens beter doen. Die indringende gesprekke tussen die breë sakesektor, wat die landbou insluit, en die Minister van Finansies is besig om die werklike omvang van Suid-Afrika se ekonomiese verknorsing by almal tuis te bring. Die nagmerrie van ’n moontlike afgradering van die land na rommel-beleggingstatus hang soos ’n swaard oor ons koppe. Indien dit gebeur, word alles byna oornag onbekostigbaar, veral die land se aansienlike staatskuld wat nie meer die buffer van enige reserwes geniet nie en wat net slegter gaan lyk wanneer broodnodige buitelandse beleggings uit die land begin stroom. Die tyd vir politieke jakkalsdraaie is verby. Ons moet ’n plan op die tafel kry om regte ekonomiese groei te bewerkstellig, staatsbesteding drasties in te kort, indiensneming te bevorder en die land sinvol te bestuur. Die…

’n Berig op Landbou.com oor Zambië wat beleggers in die landbou soek, het groot aftrek op Landbouweekblad se Facebook-blad gekry. Zambië het 43 miljoen hektaar bewerkbare grond, waarvan net 6 miljoen hektaar vir boerdery gebruik word. MARK FOURIE, wat buite Lusaka bly, het verskeie vrae van lesers beantwoord: Ek werk in Zambië en word soos ’n koning behandel. Daar is baie wit Suid-Afrikaners wat hier boer. Hoekom kom kyk julle nie self wat hier aangaan voor julle swak kommentaar lewer nie? Hier is geen apartheid en ongeskikte mense, soos in Suid-Afrika, nie. Die nasie is nederig en bedagsaam. Ek loop in die hoofstraat van Lusaka en voel veiliger as wat ek in ’n Suid-Afrikaanse woonbuurt voel. JOHANN NEL skryf: Ek dink jy moet maar die kommentare verskoon. Ons is gatvol…

DIE Manna vir die Boere-konsert wat op 20 Februarie vanjaar by die Voortrekkermonument gehou gaan word, lok selfs oorsese belangstelling. Landbouweekblad is een van die borge. Die Afrikaanse sanger Adam Tas, die brein agter die konsert, is só opgewonde dat hy selfs ’n nuwe liedjie geskryf en ’n musiekvideo gemaak het wat kort voor die konsert bekend gestel word. “Ons het twee weke voor die vertoning al meer as 3 000 kaartjies verkoop. Ons mense se gees is reg,” sê Adam. “Belangstellendes van so ver as Nederland het kaartjies gekoop en gesê dit kan geskenk word – hulle wil net ook hul bydrae lewer. Dieselfde gebeur met mense uit die Kaap,” vertel hy. Adam het op sy musiektoere gesien hoe die droogte boere raak en gewonder hoe hy kan help. ’n…

MNR. Senzeni Zokwana, Minister van Landbou, Bosbou en Visserye, gaan werk maak van die aanbevelings van ’n verslag deur die Internasionale Arbeidsorganisasie (IAO) oor plaaswerkers se lewens- en werksomstandighede. Dié verslag was uiters krities oor die staat se rol in die landbou. Zokwana het in ’n antwoord op ’n parlementêre vraag gesê hy sal met die Ministers van Arbeid en Landelike Ontwikkeling en Grondhervorming vergader om ’n geïntegreerde reaksie op die IAO se aanbevelings te formuleer. Die parlement het in 2013 vir ’n ondersoek gevra na die omstandighede van plaaswerkers ná die 2012-plaaswerkerstakings in die Wes-Kaap en ’n verslag van Human Rights Watch in 2011 oor menseregtevergrype. Die IAO-verslag, wat in Julie verlede jaar gepubliseer is, stel dit duidelik dat boere se onderhandelingsmag in die mark toenemend verswak weens die…

DIE BFAP het verlede Vrydag ’n omvattende verslag oor die uitwerking van die droogte op die ekonomie, kommersiële en kleinboere, asook verbruikers uitgereik. Prof. Ferdie Meyer, direkteur van die BFAP, sê die ondersoek is op versoek van die Regering en die bedryf gedoen, en daar word reeds sedert November verlede jaar aan gewerk. GRAAN Die BFAP meen die Nasionale Oesskattingskomitee se vroeë skatting van ’n mielie-oes van 7,4 miljoen ton is dalk optimisties omdat ’n aansienlike deel van die oes eers in Januarie geplant is en die kans vir rypskade dus groter is, asook vanweë die vroeër as normale skatting. Die verslag kyk na twee moontlike scenario’s: Die amptelike skatting van 7,4 miljoen ton en een wat tot 6,6 miljoen ton verminder is. As die oesskatting korrek is, moet Suid-Afrika…

Op die fotoblad van Landbouweekblad se tweede konferensie in Bloemfontein (LBW, 30 Oktober, bl. 112) verskyn mnr. Jan Badenhorst van Bethlehem (en nie mnr George Claassen van Dwarsvlei nie) op ’n foto saam met Hans Lombard, veteraanjoernalis, en mnr. Senzeni Zokwana, Minister van Landbou, Bosbou en Visserye. In die artikel “Suikerriet waterslim voer-oplossing”(LBW, 25 September, bl. 64) is mnr. Hansie Minnaar se selfoonnommer vir navrae verkeerd. Sy nommer is 082 627 5011. Landbouweekblad korrigeer graag onjuisthede in artikels en nuusberigte. Stuur inligting oor regstellings so gou moontlik ná die publikasiedatum en verkieslik skriftelik aan Izak Malherbe, Landbouweekblad, Posbus 1802, Kaapstad 8000; e-pos malherbe@landbou. com; faks 021 406 2940; tel. 021 406 2297. Verskaf ook u telefoon- of selnommer.…

As jy weens die droogte nie vanjaar mielies kon plant nie, is hier vir jou 2 000 ton mielies om op die Johannesburgse Sekuriteitebeurs (JSE) te verskans asof dit op jóú plaas geplant is. Of as jy ’n landbou-ekonoom is wat uit jou kantoor goeie raad aan boere bied en nie eintlik die kans kry om jou hande in die grond te druk nie, daag ons jou uit om óók 2 000 ton mielies op die JSE te verskans. Dié lekker geleentheid is BVG se gratis verskansingskompetisie. Die doel is om boere en belangstellendes meer vertroud te maak met die gebruik van afgeleide instrumente op die JSE om risiko’s te bestuur. Die prysgeld vir die kompetisie is R45 000. Elke deelnemer moet die bemarking van 2 000 ton fiktiewe wit…

IN Australië was daar die afgelope 14 jaar ’n duidelike toename in die volume wol van nie-Merinorasse wat ook ’n verskuiwing in die skeerselsamestelling teweeggebring het. Wat van belang vir Suid-Afrikaanse wolboere is, is dat daar sedert 2001 ’n skerp afname in die produksie van mediumwol (21-22 mikron) was, wat kan dui op toekomstige tekorte aan dié tipes. Die volume wol van 21 mikron wat verlede seisoen geskeer is, was 60% laer as wat dit in 2001 was, terwyl 22 mikron met 85% gedaal het. In 2001/’02, toe die Australiese skeersel op 580 miljoen kg gestaan het, het 87,1% van die skeersel fyner as 24,5 mikron getoets. Net 12,9% van die wol het van ander skaaprasse af gekom en was sterker as 24,5 mikron. Verlede seisoen het die produksie tot…

Vanjaar se buitengewone hitte skep allerhande bestuiwingsprobleme waarop mielieboere bedag moet wees. Dié probleme sou nie normaalweg gebeur het as daar genoeg vog beskikbaar was nie. Mnr. Leonard Oberholzer, tegniese ontwikkelingsbestuurder van Monsanto SA, sê baie warm temperature het nie net ’n invloed op die produksie van stuifmeel nie, maar ook op die vrugbaarheid en vrystelling daarvan. Buitengewone hitte kan ook baardvorming aan die koppe vertraag en veroorsaak dat die strooi van die stuifmeel en baardvorming nie gesinchroniseer is nie. As daar genoeg grondvog beskikbaar is, sal hittestremming nie noodwendig groot skade veroorsaak nie. Maar wanneer die droogte met hoë temperature gepaardgaan, sal daar ’n nadeliger uitwerking op bestuiwing en gevolglik pitvorming wees, sê hy. Baardvorming moet aanhoudend en terselfdertyd plaasvind as wat die stuifmeel vrygestel word om goeie bestuiwing…

Mnr. Doug Stern (foto links), voorsitter van Agri Oos-Kaap, is bekommerd oor die uraanbedreiging. “Die kwessie van menslike, dierlike en omgewingsgesondheid, asook kwessies oor diereprodukte wat verband hou met uraanontginning, is vir ons ’n ernstige bron van kommer. As radioaktiewe deeltjies in diereprodukte bespeur word, sal dit die einde van uitvoermoontlikhede vir ons natuurlike vesels beteken. “Soos met skaliegas moet alle boere saamstaan teen die bedreiging van uraanontginning aangesien dit ons gesamentlike toekoms in gevaar stel. “Ek het hierdie portefeulje toegesê aan mnr. Brent McNamara, ’n boer van Alexandria, wat die voorsitter van die subkomitee vir omgewingsake van Agri Oos-Kaap is. “Ek het ook vir dr. Stefan (Cramer) gevra om die bestuur van Agri Oos-Kaap, asook die komitees van Agri Wes-Kaap toe te spreek om te kyk of ons die…

PLAASINLIGTING LIGGING: 1. Franschhoek (Rhino Ridge Ayrshires). 2. Hermanus (The Ridge Ayrshires). 3. Bredasdorp (Melkhout Ayrshires). NAME: Rhenosterfontein, Waterskilpadsrivier en Soutpansvlakte EIENAARSKAP: Melkhout Ayrshires (Blom-broers), Rhino Ridge Ayrshires (Blom-broers en Edmund Els) en The Ridge Ayrshires (Edmund Els) GROOTTE: 3 300 ha, plus huurgrond VERTAKKINGS: Melkbeeste (Ayshires), Dohne-Merino’s, koring, gars, kanola en hawer GRONDTIPE: Duineveld, klei REËNVAL: 400 mm per jaar KORTOM ■ Die Ayrshire van die toekoms waartoe hierdie telers hulle verbind het, lewer baie melk, leef lank en is ook goeie skoudiere. ■ Goeie, konstante en hoë melkproduksie regdeur die kudde is die doelwit, want dit help nie om uitskieter-superlaktasies na te jaag nie. ■ Ayrshires is ’n uitstekende belegging, meen dié teler, want ’n goeie melkproduksie vir 10 tot 12 jaar kan uit ’n koei gehaal word,…

‘Sy oogmerk met die antieke en ouer grane is eerstens gerig op oorlewingsvermoë in die Vrystaat se gereelde droogtes . . .’ Mnr. James Moffett beskou koring nie as ’n kommoditeit nie. Hy glo dié gewas het, soos enige ander, ’n terroir wat deur onder meer hellings en grondtipes bepaal word. Hy glo nie alle koring behoort dieselfde te smaak nie. En hy jaag nie opbrengs na nie, maar voedsaamheid en oorlewingsvermoë; in pas met sy jare lange boerderyfilosofie dat daar nie teen nie, maar saam met die natuur geboer moet word. James en sy vrou, Vanessa, boer al meer as twee dekades volgens organiese beginsels op die historiese familieplaas Kirklington naby Gumtree-stasie tussen Ficksburg en Clocolan in die Oos-Vrystaat. Dit was hier waar Ruby Boddam-Whetham, ’n tannie van James…

FOONSKEDE MET FLITS SKYN ’N BIETJIE DOER OP DAAI BOS Hoe gereeld gebeur dit dat die ou flitsie aan jou bos sleutels pap is juis as jy hom die nodigste het? Dan is jy uitgelewer aan die flou ligpoel van jou selfoon se skermpie waarmee jy nie veel verder as jou neus kan sien nie. As jy egter ’n iPhone 6, 6 Plus of 6s Plus het, kan jy die Case Brite-foondeksel met sy ingeboude 200 lumen-flits aanskaf. Daarmee kan jy die luiperd behoorlik uit die boom kyk sonder dat jy jou selfoon se battery pap maak. Dié foonskede het sy eie, ingeboude battery wat die flits drie uur lank teen volle sterkte laat skyn. Jy kan dit egter flouer stel en dan hou die battery ’n volle 24 uur.…

DS. KOBUS VAN DER WESTHUYZEN Mooi herinneringe is soos kapitaal waarvan ’n mens leef as jy oud geword het, het iemand by geleentheid gese. Dis een van die vrugte wat jy geniet nadat jy afgereken het met onbetaalde skuld. Mooi herinneringe help jou om onnodige bagasie agter te laat wanneer dit tyd is om na die ewige tuiste te gaan. Intussen help dit jou om met ’n glimlag te leef. Maar hoe versamel jy mooi herinneringe? Jy kan dit tog nie koop nie, ook nie erf nie. Daar is eintlik net een manier, en dis om self die weg van ’n mooi lewe te bewonder. Rolmodelle is natuurlik van onskatbare waarder. In Paulus se tweede brief aan Timoteus se hy iets wat vir die jong man ontsaglik baie moes beteken…

’NIEMAND IS BETER GERAT OM DIÉ SYFER TE SKAT’ DIE droogte en laat reën maak dat die oesskattings vanjaar van die moeilikste in die geskiedenis gaan wees. Niemand in Suid-Afrika is egter beter gerat as die Nasionale Oesskattingskomitee om oesskattings te doen nie. Die eerste oesskatting vir somergewasse vir vanjaar is op 27 Januarie bekend gemaak. Wanneer na die syfers van die Oeskattingskomitee gekyk word ( TABEL 1 ) is dit opvallend dat die gesaaides, veral in die weste, heelwat minder is as in ander jare. Dit maak die opbrengsskatting meer onseker. Nóg ’n waarneming is dat die hektare mielies te veel is. Informele skattings het van 1,4 miljoen hektaar tot 1,8 miljoen hektaar gewissel. Berigte in die media praat van mielie-invoer van 5 miljoen ton. Volgens die komitee se…

LIGGING Pretoria Die tien finaliste van John Deere SA se Tegnikus van die Jaar is, van links, mnre. Myburgh de Bruin van Senwes Wesselsbron, Andrew Killian van Afgri Delmas, Muller van Heerden van Senwes Lichtenburg, Nelis van Heerden van Agrico Aliwal-Noord, Charles van Loggerenberg en Manie Coetser, albei van Afgri Delmas, Thinus Fourie van Afgri Marquard, Gert Grobler en Niël Ackerman (wenner), albei van Afgri Grootvlei, en Willem Nel van GWK Douglas. Internasionaal: Die prys van mielies het met 0,6%, oftewel $0,90/t (R14,42/t), gestyg tot $146,06/t (R2 340/t). Op ’n jaargrondslag is dit 2,1%, oftewel $3,08/t (R49,35/t), laer. Verwagte pryse: Maart – $143,69/t (R2 302/t), Mei – $145,43/t (R2 330/t), Julie – $147,47/t (R2 363/t), September – $149,68/t (R2 398/t). Plaaslik: Die Safex-prys vir wit mielies het met 0,8%, oftewel…

DIE land se vernaamste verskaffer van skaapmelk, me. Elmarie van Aswegen, ook die grootste teler van melkskape, het reeds in September opgehou om haar skape te melk. “Vooruitsigte lyk tans maar sleg weens die droogte. Ek was genoodsaak om op te hou melk omdat daar nie meer groenvoer vir die ooie was nie. Daar is ooie wat in die herfs moet lam, maar omdat ons nog nie reën gehad het nie, kon ons nog nie weidings aanplant nie en die veld is in ’n uiters swak toestand. Dus, al lam die ooie en ons het nie reën gekry nie, sal ek nie die melkery kan hervat nie. Ek is nie bereid om aan die ooie ’n volvoerrantsoen te gee nie, want dit is eenvoudig nie kostedoeltreffend nie,” sê Van Aswegen.…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in Landboukalender. Die besonderhede moet gestuur word aan: Landbouweekblad, e-pos: lbw@landbou.com. ALGEMEEN 1 SEPTEMBER 2015-29 FEBRUARIE: Gabriëlskloof se kosblik-ervaring. Gabriëlskloof-landgoed, Botrivier. Tel. 028 284 9865 of e-pos: restaurant@gabriels kloof.co.za. 2 MAART: Broodsnyersplaasboerevereniging se Groendag. Plaas Roodepoort van Sancorboerdery. 10:00. R50 hekgeld ten bate van Agri SA Rampfonds. Sel 082 490 8912, e-pos: jannie schoeman.sancor@gmail.com. 16 MAART: Bonsmara-genootskap SA se Rooi Geleentheid. Afridome, Parys. Tel. 051 448 6084; epos: marketing@bonsmara.co.za. 18-19 MAART: Plaaskultuurfees, demonstrasies van antieke landboutoerusting, bees- en skaapstoetery-uitstalling. Clocolan. Valencia, sel 082 775 1675, e-pos: vpieterse@vodamail.co.za. 30 APRIL-2 MEI: Agri-Expo Kaasfees, Sandringham, Porchia Adams, tel 021 975 4440, sel 082 441 2510. Agri-Expo, tel. 021 975 4440; e-pos: admin@agriexpo. co.za; Yolandi de…

2016 FEBRUARIE RIVERSDAL 17-20, Riversdal-skou. E-pos: riversdalskou@gmail.com, of skou@riversdaler.co.za. MURRAYSBURG 19, Murraysburg-landbouskou. Veld-Merino, Dorper, steak- en seekosete, VLVmini-skou. Gratis uitstalruimte beskikbaar. Roelou van Heerden, sel 082 413 3929, tel. 049 853 9940. DE AAR 25-27, Sentrale Karoo, (SA Saalperd, Hackney), Marius Pienaar, tel. 053 631 7175, sel 083 282 3582, S.O. Vermeulen, sel 083 308 4250. (Veld-Merino), Bennie Steyn, sel 082 772 4548, Reinard Kock, sel 082 373 5546, Craig Ferreira, sel 083 378 8009. (Dorper), Kobus Rust, sel 082 923 7364. Kraampies en vermaak, Roelof van Zyl, sel 082 788 6163, Adriaan Bergh, sel 082 299 0756, Piet Marais, sel 082 589 2432, Steward Ferreira, sel 083 759 5344. Western Mounted Games-perdevertoning, gimkana, verskeie kunstenaars, Jan Braaikompetisie. Charl Marais, sel 082 416 4717. WILLISTON 25-27, Williston-skou. (Perde; Dorper/Wit…

Sy soek opregte pêl STEEDS MOOI, VS, SKRYF: Manie, ek is nou twee jaar met pensioen afgetree en die alleenlewe begin my nou inhaal. Ek is ’n weduwee en is op soek na ’n opregte pêl, iemand wat in alles eerlik en opreg met my kan wees. Ons moet kan saam lag, grappe maak en hy moet my kan aanvaar vir wie en wat ek is . . . die mens self. Ek is ’n 63-jarige weduwee met groenblou oë en blonde hare. Ek is selfversorgend, het geen kinders nie en is nog aantreklik en sexy vir my ouderdom. Ek hou van alles wat mooi en opreg is in die lewe. Mans, 58 tot 68, wat nie kansvatters is nie en belang stel, kan van hulle laat hoor. Kontaknommers met…

OM PENMAATS TE VRA, IS GRATIS Vul die bygaande vormpie in en heg ’n geselsbriefie aan as jy wil. Die ouderdomsperk is 15. As jy geskei is, moet ’n afskrif van jou skeidokumente aangeheg word, of as jy ’n weduwee of wewenaar is, ’n sterftebewys – anders plaas ons nie jou brief nie, ook as die huwelikstaat nie ingevul is nie. BELANGRIK Neem asseblief in ag dat die rubriek uiters gewild is en dat jy dalk lank sal moet wag voordat jou briefie verskyn. Jou skrywe moet jou handtekening bevat en jy mag nie onder iemand anders se naam inskryf nie. REAGEER SÓ OP ’N PLASING Stuur jou brief in antwoord op ’n plasing aan ons. Gebruik ’n skoon koevert met net die persoon se skuilnaam en datum waarop dit…