Innholdsfortegnelse for 20 March 2015 i Landbouweekblad

MASJIENE LOOP! Februarie se verkope van trekkers en stropers was aansienlik beter as wat die mark verwag het. Dit was ook beter as in Januarie en selfs beter as in Februarie verlede jaar. Vir die jaar tot einde Februarie was verkope 6% laer as in die vorige jaar, wat senuagtigheid in die mark as gevolg van die swak reënval weerspieël. Ontleders is veral verbaas oor die 43 stropers wat in Februarie verkoop is, teenoor 32 verledejaar.DieSuid-AfrikaanseLandboumasjinerie-assosiasie verwag dat verkope vanjaar tussen 5% en 10% laer sal wees as verlede jaar. WESKUS-RESTITUSIE Die oordrag van grond wat in ’n historiese grondrestitusie-saak aan die gemeenskap van Ebenhaeser tussen Vredendal en die Olifantsrivier toegeken is, kan in Mei begin. Dit volg nadat die hooggeregshof in Kaapstad die saak van sommige private eienaars van…

“Gewone mense gaan nog die land se heil wees,” merk Agri Oos-Kaap se grootbaas, Ernest Pringle, die ander dag oor die foon op. “Vergeet maar van die politici. Die meeste dra net hul eie belange op die hart.” Ek stem volmondig met hom saam, want ek het dit verlede week met my eie oë gesien. Vir ses dae was ons buurt sporadies in die gedrang toe wegholvure in die berge rondom ons op die Kaapse Skiereiland gewoed het. ’n Stormsterk wind en temperatuur van in die 40 ˚C het ook nie gehelp nie – ’n paar huise het selfs afgebrand. Dit het my opgeval dat dit was asof gewone mense Winston Churchill se moedige boodskap aan sy volk gedurende die Tweede Wêreldoorlog waarlik ter harte geneem het: “Moet nooit ’n…

Uit: Die Landbouweekblad, 2 Maart 1965 REUSE-GANSTROP LÊ GOUE EIERS ’n Trop van 900 ganse. Dit is die ongewone gesig wat jou begroet op die skaap-en-saaiplaas Vlakfontein, Ermelo, waar mev. Emily Grant waarskynlik Suid-Afrika se grootste gansboerdery bedryf. Die ganse loop digby die opstal los rond in ’n groot, toegekampte vleigebied bestaande uit vleigrasse en ook oulands- en kikoejoegras. Daar is twee groot gronddamme waar hulle kan swem en broei. Mev. Grant gee die ganse geen kos nie. Hulle word spekvet op die gras, graswortels en insekte. Die ganse vreet graag kikoejoewortels en verkies dit bo die lekkerste gras. Mev. Grant hou die ganse aan vir hul dons en vere. Sy pluk hulle gewoonlik elke ses weke. Die mannetjies gee meer dons en vere as die wyfies en word dwarsdeur…

UIT Zimbabwe kom daar ’n siening dat pres. Robert Mugabe se omstrede grondhervormingsprojek eerder daarop gemik was om die politieke invloed van kommersiële boere te neutraliseer as om grond te herverdeel. Dit is algemene kennis dat Zanu-PF se steun in die landelike gebiede lê en nie in die stede nie. Volgens mnr. Eddie Cross, ’n MDC-parlementslid, het Mugabe in 2000 geskrik vir die boere en hul plaaswerkers se invloed op die landelike stemgetalle (sowat 600 000). Kort daarna is daar met die plaasbesettings begin. Of dit waar is of nie, is nie werklik ter sprake nie, want daar is in elk geval min twyfel dat Mugabe en sy party tot enige uiterste sal gaan om steun in die landelike gebiede te behou. In Suid-Afrika verloor die ANC ook ál meer…

DIE landwye droogte wat Suid-Afrikaanse boere in die somerreënstreek desperaat laat voel, eis ook sy tol in Mpumalanga. Die greep wat die droogte op dié provinsie het, is nie so fel soos in Noordwes nie, sê mnr. Hennie Laas, uitvoerende hoof van Agri Mpumalanga. Dit is egter veral in die distrikte Leandra en Devon in die sentrale Hoëveld baie droog. “Vanselfsprekend is dit veral droëland-mielieboere in dié distrikte wat geknel word deur die droogte.” Laas meen egter dele van die suide van Mpumalanga, wat aan die Vrystaat grens, het nog ’n kans om ’n redelike oes af te haal, aangesien daar tot dusver genoeg en plek-plek selfs goeie reën in die gebied geval het. Die noordelike dele van Mpumalanga, wat Delmas en gebiede aan weerskante van die N4-snelweg tot in…

DIT is bedrog deur die staat om op hom op plase toe te spits met grondhervorming. Die werklike hervorming moet in stedelike gebiede wees waar miljoene mense nie eienaarskap van hul eiendomme het nie, sê mnr. Leon Louw, uitvoerende direkteur van die Vryemarkstigting. Hy het in ’n terugvoeringsessie oor die stigting se Khaya Lam-projek – ’n projek om swart huisbewoners te help om titelaktes vir hul eiendomme te bekom – gesê die aakligste deel van apartheid is ná 20 jaar steeds met ons. “Net soos wat Verwoerd dit wou gehad het, is die meeste grond steeds in die hande van die Regering. Daar is tussen 7 en 10 miljoen swart gesinne wat oor geslagte heen in huise woon waarop hulle geen eiendomsreg het nie.” Mnr. Eustacie Davie, direkteur van die…

BOERE moet hul energie aan bestuurbare faktore bestee, pleks daarvan om pessimisties te raak te midde van knellende probleme, soos droogte, elektrisiteitstoevoer en politieke onsekerhede. Dít was prof. Johan Willemse, landbou-ekonoom van die Universiteit van die Vrystaat, se raad aan boere by ’n geleentheid wat Old Mutual in Pretoria aangebied het. KYK VOORUIT “Ken julle suksesvolle sakelui wat pessimisties is? As jy pessimisties dink, skep jy pessimistiese goed. Kry ’n langtermynvisie en probeer om nie by die nonsens vas te haak nie.” Willemse sê mense wat aanhou kla, neem verkeerde besluite. Hy het boere aangemoedig om saam met hul gesinne ’n visie te formuleer en die stappe uit te werk wat nodig is om dit te bereik. Diegene wat nie meer kans sien vir die landbou nie, moet volgens hom…

MNR. Bheke Cele, Adjunkminister van Landbou, Bosbou en Visserye, het Iran onlangs besoek om te praat oor moontlike samewerkingsooreenkomste rondom navorsing en ontwikkeling, verbeterde produksievermoëns en doeltreffende waardekettings in die landbou, bosbou en visserye. Dit sluit ook marktoegang en belegging in. Iran het in die afgelope dekades sy eie voedselproduksie aansienlik vergroot. In 1979 het Iran 65% van sy voedsel ingevoer, maar produseer nou ongeveer 66% van sy eie voedselmandjie en hy moet steeds ’n beduidende hoeveelheid voedsel invoer. Die onafhanklike navorsingsinstituut Future Directions International (FDI) sê die Iranse landbousektor gaan gebuk onder swak belegging en droogtes. Om sy stapelvoedsel, koring, self te kan onderhou, is vir Iran uiters belangrik. In 2013 het Iran egter koring ter waarde van $214 miljoen (sowat R2,6 miljard) ingevoer. Hy voer ook mielies, sojabone…

Hulle doen een ding, doen baie daarvan en doen dit goed. Dié eienskap, meen mnr. Steve Colenbrander, (foto) ouditeur van Hilton, KwaZulu-Natal, is een van ’n paar wat suksesvolle boere gemeen het. Steve, ’n spreker op die jaarvergadering van die KwaZulu-Natal No-Till-klub, meen daar is ’n paar goed wat suksesvolle boere goed regkry. “Hulle verstaan geld en welvaartskepping. Hulle het ’n groot risiko-aptyt, maar doen een ding, doen baie daarvan en doen dit goed. Hulle kan uitstekend delegeer sonder om voeling te verloor en afstand te doen van wat werklik in hul besigheid aangaan. “Hulle besef die belangrikheid van uitstekende administrasie en het ’n intieme kennis van hul besigheid se finansiële en strategiese posisie. Ál hierdie eienskappe is onmoontlik om te bereik sonder om dinge te meet en te interpreteer.”…

Dit was onafwendbaar dat die somerreëngebiede een van die land se periodieke droogtes sou ervaar. Dit is weliswaar omtrent 20 jaar sedert die vorige erge droogtesiklus van die vroeë 1990’s wat gevolg het op die 1983/’84-droogte en voor dit in die laat 1960’s. Die huidige situasie in die somerreëngebied het egter reeds die laaste 2 tot 3 jaar sy aanloop, met die reënval wat meestal ondernormaal en swak versprei was. Die grondvog is reeds uitgeput en met die besonderse hoë hitte van die somer het die land probleme (soos die hoë temperature en brande in die Kaap bevestig). Natuurlik is daar dié wat meen die boere moet weet ’n droogte is onafwendbaar – dit is mos deel van die boerderyrisiko. Dit is dus nie nodig om steunmaatreëls gereed te hê…

MNR. HERMAN LABUSCHAGNE, STAMBOEK SE BESTUURDER VAN DATADIENSTE VAN WAAR KOM DIE BELANGSTELLING IN DIEREAANTEKENING? Ek het op ’n plaas buite Heilbron grootgeword en altyd gewonder wat is die verskil tussen ’n dier en ’n stoetdier. WAAR HET JY GESWOT? Eers ’n diploma aan die Pretoria-Technikon (nou die TUT), later B.Tech. aan die Vrystaatse Technikon (nou CUT), en toe M.Tech. aan die Nelson Mandela Metropolitaanse Universiteit. HET JY ’N SAGTE PLEK VIR ’N BEPAALDE RAS OF STREEK? Mooi diere van enige ras. En die Noordoos-Vrystaat is my geboortegrond. WATTER STAMBOEK-LID DOEN AL DIE LANGSTE DIERE-AANTEKENING? Murray TE & Seuns, Holsteintelers van Graaff-Reinet, het die oudste deelnemernommer wat nog op die gerekenariseerde stelsel aktief is. Hulle neem sedert 1940 deel. IS JY ’N GROOT VLEIS-ETER? Beslis! My gunstelinge is kruisskyf en…

LIGGING Karoo KORTOM ■ Die verbruiker het toenemend ’n behoefte om die oorsprong, geskiedenis en gesondheidswaarde van kos te verstaan. ■ Karoolam moet beskerm word teen opportuniste wat die waarde daarvan besef en dit misbruik. ■ Staatswetgewing beskerm Karoolam in ’n mate. Slagplase en boere moet egter deel wees van die sertifiseringskema voor Karoolam bemark kan word. Minboereenvleishandelaars is bekend met die wetlike aspekte van vleishandel. Daarom bied die sertifiseringskema vir Karoovleis van Oorsprong ’n manier vir boere, slagplase en kleinhandelaars om aan Suid-Afrikaanse wetgewing te voldoen. Daarbenewens is die oorsprong van voedsel ’n nuwe verbruikersneiging in die voedselbedryf, en natuurlik soek verbruikers waarborge daarvoor. Verbruikers het deesdae die behoefte om die oorsprong, geskiedenis en gesondheidswaarde van kos te weet en te verstaan. ’n Unieke smaak en die gedagte om…

In ’n kwessie van ure het reuseswerms sprinkane, vele kilometers lank en breed, eendag skielik die son kom verduister en ’n geheel en al gestroopte aarde agterlaat. Sedert ons weet waar en hoe die swerms ontstaan en self kan vlieg en gif uitgooi, het dié natuurverskynsel feitlik verdwyn. Alle grootskaalse migrasies is skouspelagtig. Of dit nou krappe, blouwildebeeste, swaeltjies of skoenlappers is, as ’n klomp diere soos deur een wil gedrewe almal in ’n rigting begin beweeg, is daar iets aardigs daaraan. ’n Mens weet jy het nie meer met individue te doen wat redelikerwys in eie belang sal optree nie. Soos met straatbetogers en sokkerboewe, neem ’n soort massahisterie oor wat geen ag slaan op die individu se veiligheid of voordeel nie. Swermmigrasies is gedrag wat feitlik altyd in…

WATTER TEGNOLOGIE IS ONONTBEERLIK IN JOU BOERDERY? My selfoon. Ons landlyne is ’n tyd gelede gesteel en sal waarskynlik nooit weer herstel word nie. Oral op die plaas kan ek sake reël as daar ’n tydjie vry is. WAT IS DIE GROOTSTE FOUT WAT JY GEMAAK HET? Om geld op ’n spesialis se aanbevelings op gebiede buite die landbou te belê – iets waarmee ek nie so vertroud is soos met die landbou nie. WIE IS JOU MENTOR? Beslis my pa. Baie van sy opmerkings kom by my op, soos “in droogtetye loop alles verkeerd”, “jy moet altyd daarna strewe om saad op die veld te kry”, en “eie doen nie aan eie skade nie”. As ons ons diere gevoer het, het hy bedoel dat die kos wat hulle tydens…

Oupa had parskuipe – as ek reg onthou, het die werkers soms nog die druiwe met hul kaal voete getrap en as ons kinders gesmeek het, kon ons ook die dans van die druiwekorrels dans. Al in die rondte in die houtvat, met die druiwe wat tussen jou tone skwuus-skwas. Daar was natuurlik ook ’n parsmasjien waarin die druiwe by die ballasmandjies vol gegooi was. Al draaiende en malende het die druif se sap uit die pars se bek gebeur. Vir my was dit onmoontlik om te glo dat dit wat druiwesap is, uiteindelik in wyn sou verander. Oupa het mooi verduidelik, maar vir my wat ’n klein kind was, was die geheim van wyn maak steeds ’n raaisel. Ek was gek oor die groen hanepootmos. Dit was vir my…

Die Kuns van Oorlewing: Memoires van ’n Afrikaner deur Alexander Kok. Uitspan Boeke, Queenswood. 2014. Prys: R239. Toe sir Michael Howard, Oxford-historikus, in 1999 oor BBC-TV verklaar het die Boere van ’n eeu tevore was “not a particularly attractive people”, het hy nagelaat om by te voeg dat hulle, in die woorde van Rudyard Kipling, die Britte gedurende die Anglo-Boereoorlog (1899-1902) “no end of a lesson” geleer het. In sy kennelik ondeurdagte, chauvinistiese opvatting oor die Boere het hierdie emeritus-professor in moderne geskiedenis verbonde aan Oriel-kollege sy vooroordeel verder getoon. Op die onderhoudvoerder se vraag of hierdie oorlog nie van dieselfde soort is as die 1999-oorlog van Rusland teen die kleine Tsjetsjnië nie, was sy antwoord: “Yes, this is so, but it need not distress us too much. Just because…

Danksy vooruitgang in biotegnologie kan boere reeds aansienlik meer produseer op dieselfde oppervlakte as vroeër. Alles dui ook daarop dat droogteweerstandige mielies binne die volgende paar jaar in Suid-Afrika beskikbaar sal wees, onderworpe aan goedkeuring. Intussen help biotegnologie boere om onkruide en insekte by mielies baie doeltreffender te bestry met minder chemikalieë wat die omgewing beskadig. Hans Lombard skryf hier oor boere wat, te midde van uiters droë omgewingstoestande, die vrugte van hul kultivarkeuse pluk. KNELLENDE DROOGTE Boere op Mpumalanga se Hoëveld wat verlede somer kwaai gebuk gegaan het onder ’n knellende droogte het nogtans goeie mielie-oeste behaal danksy goeie bestuurspraktyke en die gebruik van moderne tegnologie, soos goeie genetiese materiaal en geneties modifiseerde (GM) mieliekultivars. Twee boere wat besonder goeie opbrengste behaal het, is mnre. Hannes Geldenhuys van die…

MELKBOERE in die Oos-Kaap sê hulle kan weer asem skep nadat ál die kopers in die provinsie die gemiddelde melkprys (winterpremie) met 5% tot 10% verhoog het. Mnr. Simon Mathews, voorsitter van die Oos-Kaapse tak van die Melkprodusente-organisasie (MPO), sê die gemiddelde prys wat produsente nou ontvang, sal sowat R4,50/liter wees vergeleke met die R4,20/liter voor die verhoging bekend gemaak is. Die verhoging het op 1 Maart in werking getree. Mnr. Willie du Plessis van die die plaas Kromhout, Humansdorp, sê dit is betreklik droog in die kusgebied. Daar word gehoop op goeie reën vandeesmaand. “Hoewel ons dankbaar is vir die aanpassing in die melkprys hou ons die relatief skerp styging in die mieliepryse en brandstof met ’n fyn oog dop. Ons hou maar asem op dat dit nie veel…

DIE groot onsekerheid oor die oesgrootte het almal aan die bespiegel oor wat die tekorte gaan wees en wat die mielieprys gaan doen. Die nasionale oesskattingsyfer van 9,66 miljoen ton het wyd reaksie ontlok. Sommige markontleders meen die oes is te klein geskat en hulle bou hul strategieë om ’n oes nader aan 10 miljoen ton, terwyl ander markspelers weer hulself strategies begin posisioneer vir ’n oes van 9 miljoen ton. As die oes wel 10 miljoen ton is, dan behoort daar genoeg mielies te wees vir binnelandse verbruik, maar as die oes net 9 miljoen ton gaan wees, sal Suid-Afrika mielies moet invoer om die tekort te oorkom. Die hoeveelheid mielies wat ingevoer moet word, het ’n groot impak op die prys. As die mielietekort nie groot is nie,…

VOLGENS me. Rhomona Gounden, bemarkingenkommunikasiehoof van die SuidAfrikaanse Tafeldruifprodusentevereniging (SATI), kan vanjaar se tafeldruifoes die geskatte oes, wat reeds 7% hoër is as dié van 2013/’14, verder oorskry. “Ons het die beste oestyd in dekades ervaar danksy die gunstige weerstoestande. Aan die einde van week 8 was reeds 50,3 miljoen kartonhouers van 4,5 kg elk gepak. Indien die weer bly saamspeel, behoort ons die geskatte 54,3 miljoen kartonhouers te oorskry.” Die Olifantsrivier, Bergrivieren Hexriviervallei is nog aan ’t oes. Hoewel die oes 10 tot 14 dae vroeër as gewoonlik en van topgehalte was, het die verswakking van die euro en die sanksies teen Rusland verdienste onder druk geplaas. “Vir die boere wat groot volumes gelewer het toe die prys swak was, gaan dit ’n uitdagende jaar wees,” sê Gounden. Teen…

Eskom het aangekondig hy gaan spitstye vir elektrisiteitsgebruik in die komende wintermaande aanpas. Ná ’n voorlegging aan die Nasionale Energiereguleerder (Nersa) in Desember verlede jaar is die voorstel aanvaar en gevolglik sal die winteroggend en -aand spitstye met een uur vervroeg word vanaf 7:00 tot 10:00 na 6:00 tot 9:00 soggens en vanaf 18:00 tot 20:00 na 17:00 tot 19:00 saans. Dit volg na aanleiding van ’n studie deur die nasionale energieverskaffer wat bevind het dat, hoewel die stelsel se spitstydaanvraag na elektrisiteit tussen ses en sewe soggens en halfses en halfsewe saans plaasvind, die tarief vir spitstye eers teen seweuur die oggend en sesuur saans ’n aanvang neem. Eskom meen die winter spitstydtarief, wat ’n uur vroeër gaan begin as wat tans die geval is, ’n bydrae sal lewer…

’n Uitverkoping van een van die Hugenoot-ras se stigter-stoetkuddes, die Jan Nel-stoetery van Melkrivier, is op die jaarlikse veiling van Hugenoot SA. Dit vind op 17 April op Bela-Bela plaas. Mnr. Louis Nel, die huidige eienaar, tree af. Onder die diere in dié trotse stoetery wat te koop is, is twee stoetvaars, insluitend die bekende Goudrivier, asook tien dragtige koeie en tien verse tussen twee en drie jaar oud. Altesame 22 verse van twee tot drie jaar oud is vir die veiling ingeskryf, asook 15 verse van ‘n jaar oud en 10 bulle wat 24 maande of ouer is, sê me. Franci-Marie van Heerden, die genootskap se sekretaris. Van Heerden sê hul veilings word deur die sogenaamde goue oues gekenmerk, wat teen R10 000 tot R15 000 verkoop word. Dié…

R430 M Die Departement van Omgewingsake het sedert 2008 meer as R430 miljoen bestee om renosterstropery te bekamp, maar dit het nogtans met 9 300% toegeneem. ’n Ondersoek is aan die gang na die haalbaarheid van die wettige handel in renosterhoring. Belanghebbendes kon tot 13 Maart skriftelike vertoë daaroor lewer. Openbare verhore daaroor begin op 25 en 26 Maart op Boksburg. – Beeld 25 MILJOEN KM Oor die volgende 35 jaar gaan daar wêreldwyd 25 miljoen km nuwe paaie gebou word. Wetenskaplikes meen as die beplanning daarvan nie beter word nie, sal dit groot nadele vir die natuur en wildlewe inhou. Dié nuwe paaie is lank genoeg om 600 keer om die aarde te ry. Sowat 90% van hierdie paaie sal in ontwikkelende lande wees waar die meeste van die…

ARTIKELS & RUBRIEKE ■ Springbokke: Top-teelmateriaal steeds gewild ■ 50 jaar van SA Vleismerino-teling ■ Regte rasegte bul beter as kruisteling ■ IT is die nuwe landbou-revolusie ■ Boereplan: Boere staan saam teen veldbrande GESIN ■ Boerekos: Afval SPeSiAAL ■ Jag, Wes-Kaap, Buitelewe WILD Marblesis’n31/2-jarigespringbok-teelramwatspogmet’nhoringlengte vanmeeras18duimenhoringbassisevanmeeras7duim.Diekenner enlegendariese boer mnr. Julian Ther on van Jules of the Karoonaby Richmondmeen wildbeleggers het skielik’n nuwe waardering vir die springbok en die beleggingswaarde wat dit bied.…

MEV. MARLISE BOTES se Doorndraai-Friesperd-stoetery naby Pretoria is onlangs deur De Koninklijke Vereniging Het Friesch Paarden-Stamboek (KFPS) in Nederland as die beste Friesperd-telery ter wêreld vir 2014 aangewys. Lees die artikel op bl. 50. WAAR KOM JY VANDAAN EN HOE HET JY IN DIE PERDEBEDRYF BELAND? Ek is ’n gebore Pretorianer en het nog altyd ’n voorliefde vir perde gehad. My eerste perd wat ek vir myself gekoop het, was ’n Volbloed, maar nadat ons die Friesperde leer ken het, het ek dié perde verkoop. VERTEL ONS MEER VAN JOU GESIN. My man, Danie, werk by MMI Holdings in Centurion en ons het twee dogters, Danielle (14), wat skoolgaan by Tyger Valley College in Pretoria, en Clarise (19), wat B.Com. (Informatika) aan Tukkies studeer. WAAR HOU JULLE GRAAG VAKANSIE? Ons…

DIE Suid-Afrikaanse pluimveebedryf het ’n tweede aanbod aan sy Amerikaanse eweknie gemaak oor hoeveel Amerikaanse hoenderstukke met die been daarin die land kan binnekom. Die Amerikaners het die eerste aanbod verwerp, sê mnr. Kevin Lovell, uitvoerende hoof van die Suid-Afrikaanse Pluimveevereniging (SAPV). Hy wou nie uitwei oor die hoeveelhede wat die aanbod behels nie omdat onderhandelinge nog voortduur. Lovell was vroeg in Maart deel van ’n Suid-Afrikaanse afvaardiging onder leiding van mnr. Faizel Ismail, ’n spesiale gesant van die Departement van Handel en Nywerheid, wat Amerika besoek het. Die Amerikaanse pluimveebedryf eis dat Suid-Afrika sy 15 jaar oue teenstortingstariewe ophef sodat Amerikaanse hoender weer hierheen uitgevoer kan word. Die eis word as voorwaarde gebruik vir Suid-Afrika se insluiting in die hernuwing van die Amerikaanse wet op groei en ontwikkeling in…

DIE Kabinet vereis dat die voorgestelde regulasies vir die vestiging van ’n Suid-Afrikaanse biobrandstofbedryf in die lig van voedselsekerheid hersien word. Dít blyk uit die antwoord op ’n ope brief aan die Regering deur die drie voorste betrokkenes wat hulle vir die vestiging van ’n biobrandstofbedryf in Suid-Afrika beywer. Hulle gee in dié brief hul diepste misnoeë en teleurstelling te kenne met die voeteslepery om die nodige regulasies in te stel. Dr. Wolsey Barnard, waarnemende direkteur-generaal van die Departement van Energie, skryf in antwoord op die ope brief deur PhytoEnergy, Mabele Fuels en Clean Tech Africa dat die konsep-beleidsdokument daaroor in Desember 2014 in ’n Kabinetsvergadering vir goedkeuring voorgelê is. SUBSIDIEMODEL Die Kabinet vereis egter dat die taakspan wat daarvoor verantwoordelik is, eers die voorgestelde subsidiemodel en grondstof-protokol moet hersien,…

Verwag aansienlike brandstofprysstygings in April. Mnr. Wandihle Sihlobo, ekonoom by Graan SA, sê die verwagte stygings in die petrol- en dieselpryse op 1 April is R1,92 en R1,57 per liter onderskeidelik. Dit is weens die verswakking van die rand, wat verlede week tot die laagste vlakke teenoor die Amerikaanse dollar sedert Desember 2001 geval het. Terselfdertyd skop ’n nuwe brandstofheffing van 80,5c per liter op 1 April in. Daarvan is 50c per liter vir die Padongelukkefonds en 30,5c per liter ’n algemene brandstofbelasting.…

DIE burgerlike organisasie Afriforum en die landbou-unie Agri SA het ’n samewerkingsooreenkoms aangegeaan om veiligheid op die platteland te bevorder. Mnr. Kallie Kriel, uitvoerende hoof van Afriforum, sê die ooreenkoms is ’n stap om veiligheid te help verseker in gemeenskappe in die land wat onder misdaad ly. “Die ooreenkoms vloei daaruit dat organisasies in die burgerlike samelewing ’n plig teenoor die publiek het om te verseker dat veiligheidsaksies so doeltreffend moontlik aangepak word,” sê hy. Die ooreenkoms behels onder meer dat waar die onderskeie partye gemeenskapsveiligheidstrukture het wat aangrensend tot mekaar geleë is, kommunikasiekanale gevestig word om misdaad tesaam te bekamp. Mnr. Johannes Möller, voorsitter van Agri SA, sê al hoe meer Suid-Afrikaanse kommersiële boere woon op dorpe, wat dit nodig gemaak het om te verseker dat veiligheidstrukture op dorpe…

DIE Kabinet het die beleidsaksieplan vir die landbou (APAP) én die vyf jaar- strategiese raamwerk vir die landbou, bosbou en visserye goedgekeur. Hierdie goedkeuring kom te midde van ’n onthulling deur prof. Edith Vries, direkteur-generaal van die Departement van Landbou, Bosbou en Visserye, dat die volledige inwerkingstelling van die APAP nie verwesenlik kan word nie. Dit is omdat die Nasionale Tesourie die departement se begroting met R158 miljoen besnoei het. Mnr. Jeff Radebe, minister in die presidensie, sê die strategiese raamwerk dui die sleuteluitdagings aan wat deur die drie sektore ondervind word. Dit stel ook ingrypings voor oor aandeelhouding en transformasie, billike groei en mededingendheid, omgewingsvolhoubaarheid en bestuur. Die strategiese plan en die APAP sal jaarliks aangepas word. “Grondhervorming is een van die regeringsprojekte wat gelykheid bevorder, maar sonder om…

1 ANGOLA | Deelname aan handelskou aangemoedig Landboumaatskappye is ingesluit by ’n uitnodiging van Suid-Afrika se Departement van Handel en Nywerheid aan Suid-Afrikaanse maatskappye om aan ’n handelskou in Luanda, Angola, te gaan deelneem. Die skou, Feira International de Angola (FILDA), vind van 21 tot 26 Julie plaas en lok uitstallers uit verskillende bedrywe. Die departement verskaf geldelike hulp aan maatskappye om deel te neem om die uitvoer van plaaslik vervaardigde produkte na Angola aan te moedig. Verlede jaar het meer as 800 maatskappye van sowat 40 lande daar uitgestal. Klein, medium- en mikroondernemings, voornemende uitvoerders en groot maatskappye betrokke by bouwerk, energie en mynbou, kom onder meer in aanmerking vir hulp. Angola se ekonomie is een van dié ter wêreld wat die snelste groei. Dit word aangedryf deur sy…

MPO KRY NUWE BAAS ’n Veearts vir wie melkbeeste nog altyd ’n voorliefde was, is as die nuwe uitvoerende hoof van die Melkprodusente-organisasie (MPO) aangestel. Dr. Chris van Dijk (BO) het vir 15 jaar by Zoetis (voorheen Pfizer) gewerk het en tree nou as senior bestuurder uit. Voor dit was hy 18 jaar lank veearts op Bethal. Op skool het hy verskeie vakansies op melkplase deurgebring, sê Van Dijk. “Deel van my vakansiepraktyk in my derde jaar op universiteit was op ’n plaas waar Simmentalers gemelk is. Die maand daar het my finaal op die suiwelpad geplaas.” Van Dijk sê melkboere kom voor groot uitdagings te staan. “Op alle vlakke, veral polities, ekonomies, sosiologies, tegnologies en wetlik, verander alles byna daagliks. Melkboere sal mededingender moet word.” – CARIEN KRUGER PRODUKSIE…

Kan die landbou ’n rolmodel vir nasiebou word? Een van die instrumente wat die apartheidsregering gebruik het om mense uit mekaar te dryf en van grond te ontneem, is die Wet op Naturelle-grondbesit van 1913. Om dus wit boere te vra om swart boere te help, is ’n manier om dit aan te pak sodat harmonie bewerkstellig kan word. Ek is baie tevrede met die werk wat die Nasionale Wolkwekersvereniging doen. Hy het veeteeltprogramme om swart boere te ondersteun. Hy sit ramme van gehalte by die gemeenskappe se kuddes sodat beter diere met beter wol geproduseer kan word. Met dié samewerking ontstaan ’n band tussen mense van verskillende agtergronde. ’n Boer is ’n boer, ongeag sy velkleur. As jou skape siek is, voel jy pyn, dit maak nie saak of…

Die KwaZulu-Natal No-Till-klub gaan ’n prestasiemetingsprojek begin om bewaringsbewerking met konvensionele boerdery te vergelyk. Mnr. Ruhan Theunissen, ’n Oos-Vrystaatse graanboer wat ook by bewaringsbewerkingsproewe betrokke is, het op die klub se jaarvergadering verduidelik dat die voorgenome prestasiemeting nie ’n lomp, ingewikkelde en duur proses hoef te wees nie. “Deur vooraf sleutelaanwysers van prestasie uit te sonder, kan vergelykbare data uit alle streke ingevorder en maklik verwerk word. Die sleutel tot die sukses van so ’n opname is deelname en tyd. Hoe meer boere deelneem, hoe vollediger is die data en hoe akkurater die resultate. Hoe langer die data ingewin word, hoe geloofwaardiger raak die resultate. “Wanneer jy jou teen ander boere in dieselfde omgewing en met dieselfde probleme as jy meet, word waardevolle inligting bekom. Dié inligting kan deur alle…

Dit is kommerwekkend hoe maklik ons mense vertrou. Ons gee hulle ons geld en vertrou dat ons dit in die toekoms saam met ’n wonderlike opbrengs gaan terugkry, bloot omdat hulle vir ons sê dit is gewaarborg. Maar ’n waarborg is net so sterk soos die papier waarop dit geskryf is. Daar is nie ’n sentrale plek in die wêreld wat waarborge uitreik nie. Elke waarborg is bloot ’n belofte vanaf die mens wat dit gee dat jy hom kan vertrou. En selfs al kan jy die mens vertrou, beteken die waarborg net soveel as die bates wat daardie mens het. My woord kan goed wees en as ek sê ek waarborg dat ek jou geld sal teruggee, sal ek dit doen, maar my finansies kan dalk nie sterk genoeg…

Gevra oor die toeganklikheid van Logix verduidelik dr. Pierre van Rooyen, uitvoerende hoof van Stamboek, dat alle data wat Stamboek hanteer, steeds aan die betrokke teler behoort. Daarom is die stelsel nie heeltemal oop vir die publiek nie. ’n Teler stuur sy data aan Stamboek om te verwerk tot ’n vorm wat hy kan gebruik, maar hy moet dan met sy geregistreerde gebruikernaam en wagwoord op Logix aanmeld voordat hy toegang tot sy inligting kry. “Dit gaan nie daaroor dat ons die inligting wil ‘wegsteek’ nie. Die stelsel kan wel op verskillende vlakke oopgestel word en toegang kan op versoek van die boer, wat die datagewer is, aan verskeie belanghebbendes gegee word. Stamboek se beleid is net dat die data die datagewer se eiendom is,” sê Pierre. ’n Boer se…

LIGGING Pretoria,Gauteng KORTOM ■ ’n Suid-Afrikaanse vrou is aangewys as die beste Friesperdteler ter wêreld. ■ In die beoordeling word gekyk na verskillende faktore, soos rasegtheid, bouvorm, ontwikkeling en beweging. ■ Die teler, mev. Marlise Botes, se volgende mikpunt is om Friesperdmerries na Nederland uit te voer. Vandag kan mev. Marlise Botes tevrede terugkyk ná 17 jaar se harde werk. De Koninklijke Vereniging Het Friesch Paarden-Stamboek (KFPS) in Nederland het die Friesperdstoetery Doorndraai buite Pretoria as die beste Friesperd-telery ter wêreld aangewys, nadat die stoetery in 2012 derde en 2013 tweede was. Dit is ’n puik prestasie, gegewe dat daar 60 000 Friesperde van oor die wêreld heen by die KFPS geregistreer is, en die wenners in die vorige kompetisie slegs Nederlanders was. “Ek dink nie die Nederlanders het verwag…

’n Boer wie se Merino’s al erg deurgeloop het onder bobbejaanskade, is mnr. Jozef le Roes van Laingsburg. Hy boer op sowat 10 500 ha, grootliks bergveld, met 1 600 skape op Van Der Lindeskraal, Springfontein en Deutz Weetzfontein, tussen Laingsburg en Merweville. Hy meen die bobbejaanprobleem het die afgelope jare drasties toegeneem. Voorheen is geglo bobbejane maak net klein lammertjies dood en vreet net die melkpens. “Maar bobbejane se vleisvoorkeure het baie verander en hulle vreet deesdae lammers heeltemal op.” “Waar vleisvreterbobbejaantroppe aan die gang is, kry jy feitlik nooit oorblyfsels van die lam nie omdat die trop die lam uitmekaarskeur en elkeen ’n stuk vleis gryp.” “Ek het ondervind dat tweetandskape ‘wegraak’, waarvan ek niks kon kry behalwe stukke vel nie.” Waar ’n alleenlopermannetjie egter aan die werk…

Die huis ruik soos ’n mengsel van druiwe en karamel toe ons deur me. Ingrid de Waal van Canettevallei, ’n wyn-en-lanventelplaas in Stellenboschkloof, se voorportaal stap na waar ’n reuse-moskonfytpot buite op smeulende kole staan en prut. Moskonfyt is ’n stroop wat van lig gegiste druiwesap gemaak word. Dit is een van die oudste konfytsoorte ter wêreld, en in elke land waar druiwe voorkom, sal jy ’n vorm van moskonfyt aantref. Moskonfyt word soos heuning of gouestroop gebruik – op brood en wafels of in gebak of nagereg. Dit is ook heerlik by varkvleis en onverbeterlik oor soetpatats. DRUIWESAP EN TYD – DIS AL “Ons het nie vandag baie sap gehad wat reg was vir kook nie. Twee dae terug wel. Toe was daar ses kooksels (altesaam 600 liter mos)…

Ons groentetuin bied ’n filosofiese vraagstuk. My tuinmaakstyl wissel tans tussen (’n poging tot) totale militêre beheer en ’n baie ontspanne houding wat Gods water oor Gods akker laat loop. (Wel, hierdie somer loop daar nog nie veel water oor Gods akker as ek nie die kraan oopdraai nie.) Ek meen my beplanning gaan eersdaags van só ’n aard wees dat ons regtig heeljaar uit die tuin kan eet (of uit die gebottelde, gepiekelde of gevriesde dele van die tuin wat tot op die spensrak vorder). Op die oomblik is daar nog ’n tekort aan vars produkte aan die einde van die winter, daarom is ek altyd opgewonde as ek my eerste broccolispriete of jong ertjies in die lente sien kop uitsteek. Wanneer ek dan ’n luis of ’n groen…

Dit was net ’n klein beweging onder die wag-’n-bietjie se oorhangtakke wat hom verklap het. Vir ’n oomblik het ek gedink dis ’n voëltjie of insek, maar iets het my instinktief op my hurke laat neersak. Vanwaar ek agter die pol rooigras gehurk het, het ek die verkyker na my oë toe gebring en toe sien ek wat my oog gevang het – die lui beweging van ’n springbok se swepiestert. Hy het diep in die donker skadu gestaan, met sy kop weg van my af. Die luggie was in my guns, hy sou my nie kon ruik nie. Of dit mý ram was, kon ek nie uitmaak nie, maar eintlik was dit nie nodig om sy horings te sien nie, want net hý het hier in die sandlopie geboer…

WENNERS! WENNERS! Oplossing van blokraaisel no. 1324 Die wenner van R250 is: J.A. Theron, Posbus 303, Koppies 9540 WENNERS! WENNERS! Oplossing van blokraaisel no. 1325 Die wenner van R250 is: A. Engelbrecht, Bendorlaan 138, Overkruin 1441 BLOKKIESRAAISEL DWARS 1 Bergreeks (4) 8 Rasverbeteringsleer (10) 9 ’n Munt (8) 10 Spogsiek (4) 12 Volkekundig (6) 14 Predikant (6) 15 Stad aan Franse Riviera (6) 17 Struik waarvan die bas gebruik word om leer te looi (6) 18 Saadhuisie (4) 19 Gereedskap (8) 21 Hy brei velle (10) 22 Ovum (4) AF 2 Traanvet van kabeljou (10) 3 Watervoël (4) 4 Iemand wat net oor homself praat (6) 5 Doodsbeen (6) 6 Onverskrokke oudsoldaat (8) 7 Misluk (4) 11 Verdamping (10) 13 In goedere, L. (8) 16 Hebreuse groet (6) 17 Doopsgesinde…

In November 1985 het ’n berig in die dagblad Beeld verskyn onder die opskrif “Brandstof is goud werd!” In daardie maand, 30 jaar gelede, het die petrolprys vir die eerste keer in ons geskiedenis R1 per liter geslaan . . . Trouens, op 11 November was dit R1,05. Dit het jou ’n yslike R52,50 gekos om ’n 50 liter-tenk vol te maak. Petrol is nou al weer op pad R14 per liter toe met die rand wat sukkel om sy ruilwaarde teenoor die dollar te behou, oliepryse wat verby die $60 per vat is en natuurlik die houe wat mnr. Nhlanhla Nene, Minister van Finansies, in die vorm van ’n ekstra 81c se “heffings” per liter die ander dag in sy Begrotingstoespraak uitgedeel het. Tussen ’n steeds stygende petrolprys en…

OP die tweede sybokhaarveiling van die 2015-somerseisoen is gemengde welslae behaal. Hoewel die prys van kleinbokkiehaar en jongbokhaar volgens Sybokhaar SA nie verander het nie en die prys van fyn grootbokhaar en sterk grootbokhaar met onderskeidelik 6,3% en 3% verbeter het, het die markaanwyser nogtans met gemiddeld 2,7% teruggesak. Die rede was die swakker pryse wat vir jongbokhaar-onderlyne betaal is. Die hoogste prys van R500/kg is betaal vir ’n baal van 23 mikron kleinbokkiehaar (goeie styl). Dit is nie bekend wie die verkoper was nie. Op CMW se veiling het die prys van kleinbokkiehaar egter met 4,4% tot R306,53/kg gedaal, terwyl jongbokhaar met 3,7% tot R234,01/kg gestyg het. Die hoogste prys was vir ’n baal Blengte, 25 mikron kleinbokkiehaar van mnr. Dawid Schoeman van Oudtshoorn wat teen R467/kg verkoop is.…

DIE wolmark het op 4 Maart met 0,4% gestyg en op R110,54 per kg (skoonwol) gesluit. Dit is 1% laer as op die openingsveiling en 3,7% laer teenoor die ooreenstemmende verkope van die vorige seisoen. Op die Australiese mark het die aanwyser met 0,1% teruggesak. Cape Wools se aanwyser vir alle wol het met 2,8% gestyg. Plaaslike kopers meen die groter aanbieding van goeie wol was danksy ’n goeie seleksie lang vagwol. Die mark het moontlik weens onlangse stygings effens oorverhit en ’n korreksie word in die nabye toekoms verwag. Die rand was sowat 2,8% swakker teenoor die Amerikaanse dollar (R11,76) vergeleke met die vorige week se veiling en sowat 0,3% swakker teenoor die euro (R13,12). Byna ál die 13 743 bale wat op die veiling aangebied was, is verkoop…

DIE grenadellabedryf is in gevaar indien daar nie vinnig ’n oplewing in die plaashekverdienste vir boere kom nie, meen mnr. Jaco Fivaz, ’n grenadella-en-mangoboer van Hoedspruit. “Ons is genoodsaak om grenadellaplante elke twee tot drie jaar te vervang weens die virusse wat die plante aanval. Die produksie en winsgewendheid van dié plante neem af.” Die prys van grenadellas het vanjaar weer die gewone kurwe gevolg, sê mnr. Johan Husselman van die Landbounavorsingsraad se InstituutvirTropieseen Subtropiese Gewasse (ITSG) by Nelspruit. “Voor Kersfees is die plaaslike vraag goed en die prys uitstekend. Ná Kersfees daal die vraag en groter volumes word geoes wat die prys nadelig raak.” Selfs uitvoer bring nie verligting nie. Suid-Afrika voer hoofsaaklik na Europa uit en daar volg die vraag dieselfde neiging as plaaslik. Volgens Husselman raak Kenia…

Die onderstaande oordragte van plaaseiendomme is deur aktekantore geregistreer (plaasnommer tussen hakies). Plase wat uitsonderlik hoë pryse behaal het, is in geel gemerk. GAUTENG CARLETONVILLE THYSZYNDOORNS (131), 323 ha, aan A.P. Strydomtrust, van A. Bouwer, R3 900 000. HOUTKOP (594), 152 ha, aan Gauteng Provinsiale Regering, van Kiron Dev. (Edms.) Bpk., R45 000 000. KIEL (128), 890 ha, aan Elite Bouine-beleggings (Edms.) Bpk., van Daleen Krugertrust, R8 063 106. WOLVENFONTEIN (74) 1804 ha, aan Doornplaat Trust, van Lizard Trust, R35 000 000. NIGEL RIETFONTEIN (115), 45 ha, aan Agattu Trading (Edms.) Bpk., van Badenhorst-familiegroep-trust, R30 000 000. RIETFONTEIN (508), 600 ha, aan Derick Kuun-familietrust, van J.C. Dannhauser-trust, R11 000 000. PRETORIA UITVAL (48), 796 ha, aan St. De Lize-trust, van Tedo-beleggings 6 (Edms.) Bpk., R7 880 000. KWAZULUNATAL ST. LUCIA…

Landbou-organisasies, boereverenigings, ens., is welkom om die datums van hul byeenkomste aan ons te stuur vir publikasie in Landboukalender. Die besonderhede moet gestuur word aan: Landbouweekblad, faks: 021 406 2940. E-pos: jeandre.dupreez@landbou.com. ALGEMEEN 28 MAART: Green Energy-werksessie aangebied deur PSA-Solar Con-Maxx Energy. Bathurst. Dieter Dilchert, sel 082 456 0903, of e-pos: bathurstshow@intekom.co.za. Web: www.solarcon.co.za. 30 MAART-12 APRIL: Fairtrade Fortnight 2015. Lynsay Sampson, tel. 021 448 8911, of e-pos: Lynsay@FairtradeSA.org.za. Web: www.fairtrade.org.za. 6-11 APRIL: Friesperd-en-wynfees. Afridome, Parys. Carina, sel 082 927 5634. 7–12 APRIL: Wolweek. V&A Waterfront, Kaapstad. Louis de Beer, tel. 041 484 4301, of e-pos: louis@capewools.co.za. 17-18 APRIL: Barrels & Beardsoesfees-opskop. Botrivier. Nicolene Finlayson, sel 082 852 6547, of e-pos: nicolene@botriverwines.co.za. 25-27 APRIL: SA Kaasfees. Sandringham, Stellenbosch. Porchia Adams, tel 021 975 4440 of e-pos: cheese@agriexpo.co.za. Web: www.cheesefestival.co.za. 3-4…

MAART BEAUFORT-WES 18-21, (Nasionale Hackney, Walliese Ponie). Charles de Villiers, tel. 023 414 3372. Veld-Dorper, Merino, slaglam en jeugskou. Corné Nel, sel 082 410 8898. Elsje Nigrini, sel 082 777 1315. (Nasionale Persie) Nita, sel 071 419 5977, of e-pos: beaufortwes@skfd.co.za (sekretaresse). HOFMEYR 19-21, Hofmeyr-landbouskou. Saalperde, Gert Lötter, sel 071 678 7431. Skape, Matt Philips, sel 082 378 7138. Algemeen, Marle Marais, sel 082 781 1829. E-pos: plm@eik.co.za. CLOCOLAN 19-22, Plaaskultuurfees. Clocolan. Chané-Inge Beukes, sel 073 819 3215, of e-pos: plaaskultuurfees@yahoo.com. VRYBURG 25-27, Vryburg-skou. Tel. 053 927 3945/6 of e-pos: vryburgskou@wam.co.za. Web: vryburgshow.co.za. BATHURST 27-29, Bathurst-skou. Dan Wepener, sel 046 625 0759. E-pos: bathurst show@intekom.co.za, of web: www.bathurstshow.co.za. SENEKAL 26-28 , Perdeskou. SA Boerperd, Fries, SA Hackney en ander rasse. P.M. Oosthuizen, sel 083 453 9324, of e-pos: tinusboer@mtnloaded.co.za. APRIL…

KORING DIE SUUR OP GRAAN SA SE KONGRES WENBRIEF Wyle Oom Gert Fourie wat op Bainsvlei langs my geboer het, het ’n sêding gehad: “Ek hou van ’n man wat vinnig kan dink.” Maar ek besef elke dag ek is ’n stadige denker. Dit was my voorreg om die afgelope week die Graan SA se kongres op Bothaville by te woon. As ek nou op my stadige manier die kongres oordink, dan is daar ’n paar gebeure wat my baie optimisties maak, maar ongelukkig ook ’n paar gebeure wat ’n mens pessimisties laat huis toe gaan het. Maar langs dit alles was daar ook dinge wat jou dankbaar laat huis toe gaan het. Kom ons begin by die laaste een. Ek is dankbaar dat daar nog mense is soos ons…

ONSEKERHEID oor hoeveel mielies Suid-Afrika vanjaar uiteindelik moet invoer, veroorsaak ongemaklike wisselvalligheid op die mark. Dié behoefte sal bepaal waar tussen die hoër invoer- en laer uitvoerpariteitsvlak plaaslike pryse beweeg namate die res van die bemarkingsjaar verloop. Die verskil tussen die twee vlakke is wesenlik, in dié stadium rondom R1 400 per ton Ramings van wat Suid-Afrika se uiteindelike invoerbehoefte gaan wees, het die laaste weke van soveel as 1,65 miljoen ton tot so min as 600 000 ton gewissel. Die amptelike vooruitskatting (deur die Nasionale Landboubemarkingsraad se komitee) is dat 600 000 ton geel mielies van Maart vanjaar tot April volgende jaar ingevoer sal moet word. Die NLBR-komitee wys egter in ’n verklaring daarop dat meer geel mielies dalk ingevoer sal moet word as die verwagte 350 000 ton…

DIE verswakking van die rand hou in hierdie stadium talle droogtegeteisterde saaiboere op die plaas, het mnr. Neels Ferreira, graanboer en vorige voorsitter van Graan SA, in ’n wegbreeksessie op dié produsente-organisasie se kongres gewaarsku. Die verswakking van die rand teenoor die Amerikaanse dollar het ’n regstreekse verhoging van ons plaaslike graan- en oliesaadpryse tot gevolg. Ferreira het daarop gewys dat landbouproduktepryse op die wêreldmarkte die laaste jare dramaties gedaal het. Die verswakking van die rand teenoor ander geldeenhede het Suid-Afrikaanse boere egter nog tot dusver teen dienooreenkomstige dalings in plaaslike pryse beskerm. “Wat sou die pryse nie gewees het as dit nie daarvoor was nie? As die rand byvoorbeeld nou R6,50 teenoor die dollar was? Ja goed, pryse van produksiemiddele sou ook laer gewees het, maar proporsioneel nie soveel…

OM grondhervorming beter te laat werk, moet grond wat deur die staat aangekoop word, aan die Land Bank oorgedra word sodat dit as sekuriteit vir finansiering kan dien, sê mnr. Andrew Makanete, ’n bankkenner. Hy het op Graan SA se kongres gesê die finansieringsmodel vir grondhervorming werk nie omdat die Regering die koper is. Met die Regering se betrokkenheid neem dit die vermoë weg van die Land Bank en ander banke om finansiering te doen. Daarom sit die Regering met die verantwoordedlikheid om nou die boerderye ook te finansier. “Ek weet almal wil hê boere moet self eienaarskap kry, maar dit gaan nie gebeur nie. Die staat gaan aanhou grond koop.” Makanete sê as die titelaktes egter aan die bank oorgedra word, kan die Land Bank die grond op lang…

AFRIFORUM HET ONLANGS ’N SAMEWERKINGSOOREENKOMS MET AGRI SA EN OOK DIE TLU SA GESLUIT. SIEN AFRIFORUM HOMSELF AS DIE GEMENE DELER IN GEMEENSKAPSVEILIGHEID? Dit sal ’n verkeerde benadering wees. Die regte benadering is eerder om te sê ons het elkeen ’n rol en dan toe te sien dat daardie onderskeie rolle so bymekaar inskakel dat dit die beste is vir die mense op grondvlak. Ons doel met dié ooreenkomste is om te sorg dat mense, nie net ons lede nie, vry, veilig en voorspoedig in Suid-Afrika kan leef. HOE SKAKEL DIE NUWE VEILIGHEIDSTRUKTURE BY DIE POLISIE IN? Ons benadering is dat ons met die polisie wil saamwerk as dit kan, maar daar is ongelukkig ook plekke waar die polisie nie met ons wil saamwerk nie. Daar gaan ons selfstandig voort…

DIE Regering sal hom bekommer oor waar die geld vir suksesvolle eisers in die nuwe restitusieproses vandaan kom wanneer daardie eise verwerk word. Dít was min of meer die boodskap van die Kommissie vir die Herstel van Grondregte aan die Parlement se portefeuljekomitee oor landelike ontwikkeling en grondhervorming. Die skikking van die nuwe eise sal egter uit die fiskus kom, sê mnr. Thami Mdontswa, adjunk-grondeisekommissaris, omdat die heropening van grondeise regeringsbeleid is. Totdat al die nuut ingediende eise ondersoek is, sal dit nie moontlik wees om te bepaal hoeveel daarvoor begroot moet word nie, sê Mdontswa. Dit kan nog jare lank duur, want die verwerking van nuwe grondeise sal eers begin wanneer die eise van voor die 1998-afsnydatum gefinaliseer is, sê Mdontswa. Die nuutste syfers dui aan dat die Kommissie…

DIE gelukkige toeval van Suid-Afrika is die diverse ekologie wat dit moontlik maak om soveel verskillende landbouprodukte te produseer. Ongelukkig verskil die klimaat en hulpbronne wat dié diversiteit veroorsaak, nogal drasties in die land. In die minder gunstige landbougebiede moet boere hou by die enkele produkte wat daa werk, terwyl besproeiingsboere in sekere dele van die land die weelde het om skaars besproeiingswater te gebruik om die winsgewendste produkte te produseer. En daar is, soos die dobbelsteen nou maar val, boere wat met groot, vrugbare plase en gunstige boedels weggespring het, terwyl by vele wit boere nog ’n subsidiedividend in die pakkie is vergeleke met hul swart eweknieë. Dus, nog diversiteit. GROOTTE IS KOMPLEKS Ek het van 2010 tot 2013 die winsstrategieë van 141 boere in die Agri Letaba-gebied, die…

As jy met skape boer en jy het nog nie Japannese radys beproef nie, het jy nog nie lekker geboer nie, is die raad van mnr. Jan Coetzer, Pannar se produkbestuurder vir aangeplante weidings. Dié knolgewas is waarskynlik die mees onderskatte voergewas onder Suid-Afrikaanse boere wat dit nog nooit geplant het nie, staan in die saadmaatskappy se jongste katalogus oor voergewasse. “Geen ander gewas benut water en kunsmis so doeltreffend nie. Die gewas gee kos in die winter van Mei tot September en is veral nuttig waar min of geen weiding onder besproeiing beskikbaar is nie. Dit is goed aangepas vir die koeler, oostelike dele, en is nie gevoelig vir koue of ryp nie.” Jan het op die jaarlikse Pannar-boeredag, waar die maatskappy se proefaanplantings buite Jacobsdal ten toon gestel…

Werkgewers adverteer dikwels ’n pos as ’n permanente pos, maar wanneer ’n aanstelling gemaak moet word, is daar altyd ’n bietjie twyfel en die gevoel dat die werknemer hom- of haarself eers moet bewys. Dit is verstaanbaar, aangesien geen aanstelling 100% gewaarborg kan word nie; die menslike faktor is altyd ’n risiko as dit by die sukses van ’n aanstelling kom. Werkgewers beskerm hulself dus deur iemand eerder ’n vastetermyn-dienskontrak aan te bied. Die werknemer kry ’n vastetermynkontrak van drie maande wat dieselfde doel dien as ’n proeftydperk in ’n vaste kontrak. Die verskil is egter dat die werkgewer kan besluit om nie die kontrak te hernu nie en daar is geen verpligting om die prosesse ten opsigte van onbevoegdheid en swak werkprestasie te deurloop nie. Met die wysiging van…

CapeNature is baie bewus van die groot verliese wat boere ondervind weens bobbejane in die Karoo én in die vrugteen koring-verbouingsgebiede. Mnr. Jaco van Deventer, programbestuurder vir wildbestuur by CapeNature, sê kragtens CapeNature se jagkennisgewing mag ’n boer twee bobbejane per dag op sy eiendom skiet as hy hulle onder skoot kry by die plek van skade. “As ’n boer meer as die daaglikse jagbuit wil skiet, of ’n vangtoestel wil gebruik om die bobbejane te bestuur, moet hy aansoek doen om ’n permit. ’n Inspeksie sal ter plaatse deur CapeNature uitgevoer word, en as die boer kan bewys dat hy alles in sy vermoë gedoen het om die skade te verhoed of te beperk, en dat die skade strenger optrede regverdig, kan ’n permit uitgereik word. As diere in…

aduplessis@landbou.com Mosbolletjies Dié tradisionele lekkerny kan met rosyntjiemos of soetmos gemaak word. (Daar is ook resepte vir weergawes sonder enige vorm van mos, maar dan is dit regtig net anysbolletjies.) As jy in parstyd ’n kannetjie goed gegiste soetmos in die hande kan kry, moet jy eenvoudig ’n baksel mosbolletjies daarmee maak. Warm uit die oond, met botter op, is daar maar min dinge wat daarby kan kers vashou. ■ 1,6 kg koekmeel (jy kan ook witbroodmeel gebruik), plus ekstra vir knie ■ 10 ml sout ■ 375 ml witsuiker ■ 20 ml anyssaad ■ 200 g botter, gesmelt, plus ekstra vir smeer ■ 200 ml louwarm water ■ 2 eiers, geklits ■ 500-750 ml mos Smeer twee of drie groot broodpanne met botter. Meng die meel, sout, suiker en…

Ek het onlangs op ’n stelling afgekom wat lees: Ek glo, daarom is ek. Dit is van Joodse herkoms en was in die verlede altyd ’n woord van aanmoediging vir die volk van Israel totdat die staat van Israel tot stand gekom het. Die Israeli’s het vir jare gewerk om die woestynland en klipriwwe in plantasies van olywe en dadelpalms te omskep en het maniere gekry om die plase te besproei en vrugte en groente te kweek, selfs piesangs. Dit is nie maklik nie, maar met deursettingsvermoë, geloof en harde werk kan ons almal sukses in ons ondernemings behaal en ons doelwitte in die lewe bereik. Ons staan vanjaar voor nuwe uitdagings en moet die Here se aangesig opsoek om Sy wysheid en raad vir elke situasie te verkry. As…

Die Britse motorsportgeesdriftige Paul Crawford het verlede jaar met die Britse Grand Prix op Silverstone in sy tent op die terrein oornag. Hy het die aand partytjie gehou en toe met sy gholfkarretjie na sy tent gery. Drie polisiemanne het hom aangekeer vir bestuur onder die invloed. Paul het geprotesteer dat hy nie op ’n openbare pad was en dat ’n gholfkarretjie nie geskik is vir padverkeer nie. Toe kla hulle hom aan ingevolge ’n wet van 1872 wat bepaal dit is ’n oortreding as jy aangeklam is “in beheer van ’n rytuig, ’n stoomenjin, ’n perd of ’n bees”. Paul is skuldig bevind, met £165 (R2 970) beboet en moes £85 (R1 530) hofkoste betaal. Kontak ons Om inLandbouWiele te adverteer, kontak Stanton Porter Marketing, tel. 012 653 0120,…

’N PROBLEEM met te klein Hass avokado’s die afgelope paar seisoene het daartoe gelei dat boere al hoe meer die Maluma-kultivar plant om hulle teen onbestendige vruggrootte te verskans, het mnr. Edrean Ernst van die Allesbesteboerdery op ’n inligtingsdag op Tzaneen gesê. “Sedert 2010 word die Hassavokado’s al hoe kleiner. Gemiddeld 22 avokado’s pas in ’n kartonhouer van 4 kg, terwyl die Maluma 14 avokado’s per kartonhouer lewer.” Ernst sê die kleiner Hass-avokado’s haal nie goeie pryse nie en word boonop nie so kostedoeltreffend gehanteer soos die groter vrugte nie. Op Allesbeste pluk seisoenwerkers tot 35% meer Maluma-avokado’s per dag as Hass. Mnr. Derek Donkin, voorsitter van Subtrop (sambreelliggaam vir subtropiese vrugte en neute), sê dit is nie die eerste keer wat die bedryf ’n siklus van klein Hass-avokado’s beleef…