Innholdsfortegnelse for 23 October 2025 i Kuier

Ons weet maar alte goed hoe lief ons lesers is vir ’n stukkie TV, en veral Suidooster. As ons op Facebook ’n vraag vra oor storielyne wat tans op die kassie uitspeel in Ruiterbosch, dan vlieg daai comments oor en weer! Man, jy kan eintlik popcorn-in-die hand sit, só dik gaan dit in die comment section soos ons Kuiermense hulle inleef in al die drama op TV. Toe ons onlangs besluit om as deel van Kuier se 16de verjaardag en Suidooster se 10de verjaardag in November ’n Suidooster Lookalike-kompetisie te loods om ons eie Moena, Zeempie en kie te vind, het ons geweet daar gaan belangstelling wees, maar nie eens ons het gedink die inskrywings sou so instroom nie! Ons het net-net onder 500 inskrywings van oor die land gekry…

Sy verwelkom ’n mens met daai warm Weskus-hartlikheid. Sonder enige, uhm, geite. Dis Lambertsbaai se ds. Farren Cloete (30) in al haar glorie by die ingang van die pienk pastorie langs Lambertsbaai se pienk Verenigende Gereformeerde Kerk (VGK), waar sy leraar is. Binne wag daar die heerlikste eetgoed, want dis nou maar net hoe Suid-Afrika se bekendste dominee is. “Maak julle tuis,” sê sy, en daai verwelkomende gevoel omarm jou. Farren en haar speurder-manlief, Bradley (35), woon al ses jaar in dié pastorie, en dis ook net die Here wat haar hier sal kan wegkry, sê sy. “Soos ek nou voel, sal ek Lambertsbaai nooit verlaat nie. Dit sal Jesus sélf kos om uit die hemel te kom om my hier uit te kry. En Hy sal eers baie, baie…

Op die skerm was hy’n gesinsman wat die grond aanbid het waarop sy vrou loop. So toe Gemoedsdrif se geliefde dr. Ronnie Maarman’n stomende affair aanknoop met sy vrou, Hazel (Carmen Maarman), se halfsuster, Christine (Devonecia Swartz), was Skemergrond-kykers vir’n ses geslaan! Kuier gesels met Mario Haupt, die akteur agter Ronnie, by sy huis in Belhar op die Kaapse Vlakte. Daai verraad is nou iets wat hy nóóit sal doen nie. “Ooo nee! Ek sal nie,” sê hy beslis. “Ek het nooit ge-cheat nie.” Mario (51) vertolk al twee jaar lank die karakter Ronnie in dié telenovela. Hy geniet dit baie, vertel hy, al was daar tye toe hy in dit wat hy doen, getwyfel het. Maar daai twyfel is iets van die verlede. “Ek is content met waar ek…

Breek jou naels deesdae makliker as gewoonlik? Moenie dink jy’s die enigste een nie. Of dit nou weens gereelde handewas, huis skoonmaak sonder handskoene, of ’n liefde vir jelnaels is, bros, splinterende en dun naels is ’n algemene probleem. Maar al is dit nou hoe aanloklik om jou dun naels met jel of akriel toe te maak, wonder jy dalk hoe jy jou naels sterker kan maak en van gebreekte punte ontslae kan raak. Daar’s goeie nuus: Jy kan jou naels weer lewe gee met die regte sorg en so ‘n bietjie geduld. Van voedende olies tot versterkende serums en skadevoorkomingstegnieke, met ’n paar eenvoudige veranderinge kan jy sterk, blink en natuurlike naels kry. Ons gee jou ’n klompie goeie wenke. HOEKOM ONS NAELS BROS WORD “Ons naels bestaan uit…

10 Mense in Suid-Afrika kry elke uur ’n beroerte 225 Suid-Afrikaners sterf elke dag aan hartsiektes 80% Van hartsiektes en beroertes kan voorkom word HERKEN SÓ ’N BEROERTE Elke uur kry tien Suid-Afrikaners ’n beroerte, sê die Hart-en-beroerte-stigting. Een van die grootste oorsake van permanente skade en gestremdheid is beroerte. Die mate waartoe iemand gestremd is ná ’n beroerte word bepaal deur watter deel van die brein geraak is, en vir hoe lank, sê dr. Lynn Katsoulis, voorheen verbonde aan die MyStroke-projek en die Boehringer Ingelheim-instituut, wat wêreldwyd navorsing oor verskillende siektetoestande soos beroertes en hartaanvalle doen. Elke oomblik tel – hoe gouer opgetree word, hoe minder die skade, sê sy. ’n Pasiënt moet ideaal gesproke binne vier en ’n half uur ná die beroerte behandel word. Dit sluit in…

Het jy geweet die eenvoudige taak van jou bed opmaak, hou groot voordele in? Daar is in navorsing bevind mense wat hul bed opmaak, is meer geneig om ander doelwitte in hul lewe te haal, berig Psychology Today aanlyn. Dit is glo omdat dit die goedvoeloordragstof, dopamien, vrystel. Die oomblik as jy jou bed opgemaak het, is die kanse soveel beter dat jy ander doelwitte vir die dag, soos om te oefen en take af te handel, sal behaal. In die boek Make Your Bed: Little Things That Can Change your Life … And Maybe the World skryf William H. McRaven, ’n afgetrede Amerikaanse vlootsoldaat, dat om jou bed op te maak deel is van ’n roetine wat jou instel vir sukses. “As jy jou bed soggens opmaak, het jy…

NR. 204 aansien aard aartappel bankvas berou berserker buurvrou chaos chauvinis deurspek digter disnis dubbelganger eenstryk ekstra entjie epies fabriek flank fondasie fraksie garage gelukskoot godsdiens guns heelagter hekel hokslaan hoop impak indrukwekkend inmeng inwy jaarboek kantien kapasiteit kleurryk kliek leidrade melodie minagting nagedagtenis ongemerk ontpop opsweep samelewing sondebok toordery vraagstuk weersin OPLOSSING VERSKYN IN DIE UITGAWE VAN 6 NOVEMBER 2025. SOEK VIR DIE SPELETJIENOMMER.…

Hoe maak jy as ’n kind by jou bakhand staan? Met dié onderwerp worstel ek al lank. Dis iets wat my soms nagte laat wakker lê. In vandag se lewe is dit so moeilik om te besluit tussen wat reg en wat verkeerd is. En ’n mens wil mos maar eerder net die regte ding doen. Vandat ek ’n tydjie terug ’n weduwee gelaat is, is daar baie dae wat ek enige verskoning sou soek om nie ná werk huis toe te hoef te ry nie. Juis om dié rede sit ek onlangs een namiddag ná werk in my motor en kyk na almal wat te voet op en af loop, en die motoriste wat, anders as ek, seker net by die huis wil uitkom. Kinders in ons dorp wat…

“Tamaryn vind haar voete as sakevrou”, 9 Oktober Sy‘s my gunsteling Mej. SA! Ek sê dit weer: Sy moes daai jaar Mej. Heelal gewen het. Sy’t net nie gewen nie omdat SA dit die vorige jaar gewen het. Sy‘s pragtig! LIZZETTE “Die helfte van my unit weg binne een uur”, 9 Oktober Mense, om twee kinders te verloor is ’n langtermyn pyn sonder ’n vervaldatum. Maar die Here is groter as haar verlies. Sy liefde sal Janene Moodley dra, want op haar eie sal sy dit nie maak nie. Die herstelpad sal nie maklik wees nie. Maar dit vat tyd. CINDY “Eers babavreugde, toe kom klop die dood”, 25 September Ek het die storie gelees en dit is só hartseer. Tannie, ouma, oupa en almal: Dankie vir julle liefde aan…

Twee jaar lank het sy die trauma van erge geboelie stil-stil deurgemaak. Daar was dae waarop haar hare uit haar kop getrek is, daar in haar gesig gespoeg is, sy in water gegooi is, en haar eetgoed afgevat is. Dit het uiteindelik só handuit geruk dat Keasha Dialy (19) van Atlantis aan die Weskus by die dood omgedraai het ná een voorval in April vanjaar, toe sy weer deurgeloop het. Die impak van die beserings van dié aanval by die MyCiTi-depot op die dorp het ’n seldsame genetiese afwyking, Melas-sindroom, wat jare lank dormant was, aangewakker. Met dié toestand word die mitochondria (die strukture in selle wat energie produseer) aangetas. Dit kan lei tot ernstige neurologiese en spierkomplikasies. Dokters in Amerika het dié bevinding gemaak nadat neuroloë by die Groote…

Die skaduwee waarin sy moes stap, is vandag net ’n fluistering. Só vertel pastoor Joan Hendricks (62) van Johannesburg, wat nou haar lewensverhaal in haar boek, Where Shadows Whisper, deel. Dis ’n boek “vir elke vrou wat stilletjies deur die skadu wandel”, en ook vir ”die pastoor se vrou wat deur haar trane glimlag terwyl sy ander se gebroke siele vertroos”, vertel dié ma van drie, en voeg by: “En dis vir die vrou wat gewaag het om te droom, maar haar drome opsygeskuif het sodat ander kon skyn.” Dis omtrent ’n mondvol en was gewis ook nie ’n maklike taak om die boek te skryf nie, vertel sy. “Mense mag die waarheid moeilik vind, maar baie kan met dit identifiseer,” sê Joan oor haar storie. Die boek se titel…

WORTEL-EN-BEETSLAAI Genoeg vir 4 mense BESTANDDELE Slaaisous ¼ koppie olyfolie ¼ koppie suurlemoensap en gerasperde skil van 1 suurlemoen 2 eetlepels sjerrie- of rooiwynasyn 1 eetlepel suiker ’n knippie sout Slaai 100 g jong bete, in dun repies gesny, of klaargesnyde repies 100 g wortels, geskil en in dun repies gesny, of klaargesnyde repies 1 selderystingel, in dun repies gesny 2 Pink Lady-appels, in dun repies gesny ’n groot handvol elk gekapte kruie soos dhanya, mint en pietersielie ’n handvol walnuts, gekap Afronding 1 koppie dik romerige plain yoghurt of geroomde maaskaas 1 teelepel gerasperde suurlemoenskil sout en peper, na smaak METODE Slaaisous 1 Meng al die bestanddele. Slaai 2 Rangskik die beet, wortels, seldery en appelstukkies op ’n opdienbord. Sprinkel die kruie en walnuts oor, gevolg deur die slaaisous.…

Sy kom uit families waar niemand gematrikuleer het nie. Lopende water was ’n luukse, en hul eie badkamer iets waarvan haar gesin net kon droom. As die enigste dogter van ’n kassier en ’n konstruksiewerker was die gedrewe Leona Theron (58) en haar ouers dikwels loseerders op ander se groot erwe in Wentworth in Durban – en altyd op pad na iets beters. Dié regsvrou het vroeg geleer dat niks in die lewe gratis is nie. In die dae van apartheid het sy haar hande laat werk en coconut ice en fudge verkoop om die gesin se koskas aan te vul. Elke dag het sy kilometers ver na Assegai Primêr gestap – die enigste skool in die area wat bruin, Afrikaanssprekende kinders aanvaar het – vasbeslote om haar ouers, Basil…

VRAAG: Watter Brokeback Mountain-aktrise speel die hoofrol in The Astronaut teenoor Laurence Fishburne? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 12 November 2025. SMS/R1,50. Die oplossing verskyn in die uitgawe van 4 Desember 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 12 NOVEMBER 2025. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF!…

Sy’s‘n rare juweel, geskaaf deur alles wat sy moes deurmaak op pad na haar doktorsgraad in biotegnologie. En terwyl covid, beurtkrag en studiebefondsing haar hard geslaan het, het dr. Miché Meyer (32), ’n boorling van Mitchells Plain op die Kaapse Vlakte, deurgedruk. Al was dit deur in yskoue winters in haar kar op kampus te slaap om naby die laboratorium te kon wees. Sy was al kleintyd nuuskierig oor die mens se welstand en wou oplossings vind vir siek mense wat bekostigbaar én toeganklik is. Dít het haar hartstog die hele akademiese pad lank aan die Universiteit van Wes-Kaapland gevoed. Sy sou bewys deur haar doktorsgraad te verwerf (’n drie-jaar-kursus wat haar vyf jaar geneem het oor al die struikelblokke), dat jou poskode nie jou potensiaal bepaal nie. “Ek was…

Sy deel nie die spreekwoordelike visse uit nie, maar as baanbrekeropvoeder en sweis-spesialis op die Kaapse Vlakte leer Athina Dennis al langer as 13 jaar vir voornemende ambagsmanne in die meganiese bedryf hoe om sélf daai vis in te katrol. En in ’n gemeenskap waar bendegeweld hoogty vier en jonges se blink drome soms aan skerwe spat, is Athina (37) alombekend vir haar leuse: “Kom ons vervang die wapens met sweismasjiene.” Haar destydse onnies het altyd dié ou spreekwoord gebruik: “Bou vir jou ’n loopbaan wat jy gaan geniet en dit sal nie ’n dag in jou lewe soos werk voel nie,” vertel Athina, wat in Elsiesrivier gebore is en deesdae saam met haar gesin in Belhar woon. Haar werk is haar hartklop, en Athina geniet elke oomblik met absolute…

4 MANIERE MET BROEKE LOOK 1 Swart en wit is altyd ’n wenner. Ons vat stylinspirasie by die aktrise BLAKE LIVELY (38) en gooi ’n swart onderbaadjie soortgelyk aan hare by ’n wit wyepypbroek en rond dit af met gemaklike pumps. Ons hou die ekstras in dieselfde kleurpalet vir ’n treffende, elegante afronding. LOOK 2 As jy nie gemaklik is om jou bo-arms te wys nie, kan jy ’n ontspanne linne-hemp onder dié onderbaadjie dra om ligte lae te skep vir die somerweer. ’n Gemaklike aanglip-sandal is net die ding om dié onderbaadjie en broek af te rond. STYLWENK Nóg ’n lekker manier om meer modest te gaan, is om ’n lang knoophemprok soos dié een wat die Britse model IKRAM ABDI OMAR dra, onder jou onderbaadjie te dra. Rond…

Ontwurming 101 Ek het onlangs iets raakge-scroll op social media oor hoekom deworming so belangrik is – vir beide kinders en grootmense. Ek is ’n ma van drie en wil graag meer hieroor uitvind. Kan dokter verduidelik hoe die deworming-proses werk? ANONIEM Antwoord BESTE ANONIEM Ontwurming is baie belangrik. Intestinale parasitiese wurms, ook bekend as helminte, maak staat op die menslike ingewande vir voeding en oorlewing. Hulle “steel” hoofsaaklik hulpbronne wat die liggaam benodig. Gevolglik kan onbehandelde wurmbesmettings lei tot wanvoeding, bloedarmoede, vertraagde groei en kognitiewe perke by kinders. Gereelde ontwurming is ’n effektiewe manier om wurmbesmetting – wat algemeen voorkom in gebiede met swak sanitasie – te verminder, en dit help om kinders se fisieke gesondheid, kognitiewe funksie en algehele welstand te verbeter. By volwassenes is deworming ook belangrik…