Innholdsfortegnelse for 25 September 2025 i Kuier

Dis al ’n week ná ons Lentedag-patsy wanneer ons dié uitgawe drukkers toe stuur, maar dit voel of ek nog steeds recover! Kuier Lentedag is altyd ’n jol en vanjaar het Kuier weer haarself oortref. Die WhatsApps het gevlieg na my foon, toe mense op social media sien hoe lekke’ die ding geruk het! Ander het my selfs op kantoor in die hysbak voorgekeer om te sê volgende jaar is hulle dáá’! Ek verkyk my altyd aan lesers se commitment tot die Lentedag-theme. Looks word weke vooruit beplan en party klop tot by designers aan om hand by te sit met hul skeppings, soos Gasia Liedeman van Gordonsbaai, wat vanjaar as ons eie Best Dressed-gas aangewys is – elfie-ore en al! Ons “Into the woods”-patsy was dié keer by ’n…

Die naels kom behoorlik uit tussen dié twee en hulle stamp gereeld koppe in die telenovela Skemergrond. Want Christine Atkins voer altyd die een of ander slinkse plan in die mou om haar halfsuster, Hazel Maarman, by te kom, en Hazel moet net keer. Maar hier voor Kuier se kamera op ’n koel lentedag in die Kaapse middestad, is dit ’n heel ander prentjie… Die aktrises Carmen Maarman (47) en Devonecia Swartz (28), wat dié twee karakters laat leef op ons TV-skerms, lag uitbundig saam en voltooi mekaar se gedagtes. Die komplimente vlieg tussen hulle en die drukkies is volop. Hoe nou, Christine en Hazel? “Dis net ons karakters,” sê hulle amper gelyk. Dié twee is eintlik in die werklikheid baie goeie vriendinne. En toe hulle hoor hulle gaan vir…

Hoe lyk ’n tipiese dag vir jou? CLEO: Ek pak gewoonlik die aand vooraf, want nie alle sessies is dieselfde nie, so soms is verskillende gereedskap en produkte nodig (byvoorbeeld manlike versorging vereis nie rooi lippe of vals wimpers nie). Sodra ek alles die oggend van die fotosessie weer nagegaan het, vertrek ek. Ek is gewoonlik vroeg sodat ek my grimeerstasie kan opstel en begin werk soos die modelle/rolverdeling opdaag. Baie fotosessies vereis meer as een voorkoms, so ek bou op die voorkoms soos ons aangaan en sodra die fotograaf tevrede is, is dit klaar! SAADIQAH: As hoof van die hare- en grimeerspan op die stel van e.tv se daaglikse drama Kelders van Geheime begin my dae voor sonsopkoms. Ek is verantwoordelik vir die beplanning en uitvoering van die voorkoms…

VRAAG: Watter animasiefliekreeks met Tom Hanks se stem as die hoofkarakter vier sy 30ste jaar met ’n nuwe 3D-fliek? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 15 Oktober 2025. SMS/R1,50. Die oplossing verskyn in die uitgawe van 6 November 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 15 OKTOBER 2025. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF! WEN R1000!…

NR. 202 aanbrandsel adrenalien Augustus balhorig bevark bokkom chowder duikboot dwelmmiddel echelon evangelis faktuur fungus gasvrou grotesk halfpad huwelik ideaal inkommer ivoor jongspan juweel kabaret koepon lomerig lummel madeliefie muishond négligé nomade okkapyp opdons parkeerplek patio rekening roosmaryn selfoon soustrein strompel terpentyn trompoppie ubuntu uiteindelik vonkprop vratjie waarsêery witborskraai wynrooi Xhosa yskas OPLOSSING VERSKYN IN DIE UITGAWE VAN 9 OKTOBER 2025. SOEK VIR DIE SPELETJIENOMMER.…

OOR LIENKE VERMEULEN Die gewilde dramareeks Spoorloos is terug vir ’n vyfde seisoen. Die jongste spanningsverhaal, Spoorloos: Losprys, draai om ’n ryk wildsboer Brand (Louis Minnaar) wie se kleindogter, Karla (Lienke Vermeulen), ontvoer word en spoorloos verdwyn tydens haar pa, Willem (Neels Clasen) se moordverhoor. Ons leer ken Lienke (19) van naderby. IN KARLA SE SKOENE “Karla is ’n borrelende, gewilde 17-jarige,” sê Lienke. “Die arme girl gaan deur baie. En toe gebeur iets wat maak dat sy die hoofgetuie in ’n hofsaak teen haar pa is.” Lienke het deeglik navorsing gedoen om dié rol geloofwaardig te vertolk. “Sy gaan deur dinge wat ek hopelik nooit sal ervaar nie. Dis intens en traumaties. Ek het video’s gekyk van mense in dieselfde situasies, en artikels gelees oor die sielkundige impak daarvan,…

In vandag se lewe is dit baie belangrik om te weet of jy waarlik gereed is om kinders te hê. Nie net omdat ons in bose tye leef nie, maar ook omdat ons sélf soms die boosheid is. Kyk hoe seer is ons harte nog altyd oor kleine Joshlin Smith, want wat ons geleer het, is dat die einste mense wat ons kinders moet beskerm, soms juis dié is wat hulle die seerste kan maak. Baie ouers skroom nie om te vertel hoe uitputtend dit is om kinders groot te maak nie, want kinders ís ’n enorme verantwoordelikheid – een waarvoor jy régtig gereed moet wees. Onthou, jy is verantwoordelik vir iemand se kinderjare. Maar om kinders groot te maak, strek verder as net seer knieë soen. Ons is ook…

Toe Elton Daniels so nege jaar terug sekuriteit gesoek het vir sy nuwe erf in Bonteheuwel op die Kaapse Vlakte, kon hy nie ’n wag bekostig voor die bouwerk sou afskop nie. Sy volgende opsie? ’n Vierpotige vriend. ’n Alsation was sy eerste keuse, maar ná ’n bietjie opleeswerk het die kompas na ’n boerboel gewys – bekend vir hul betroubaarheid en intelligensie. Elton (33) koop toe in 2016 vir Walsh Pepper by ’n plaaslike teler en tussen sy werk as ’n fasiliteitsbeampte by die Stad Kaapstad deur, het hy saam met dié teler hondeskoue begin bywoon. “Ek het wat dit verg om dit te doen,” het hy gedink toe hy sien wat dit behels. En die res is geskiedenis. Vandag spog hy met vyf boerboele waarvan drie gereeld by…

Sy was so opgewonde om vir die eerste keer ma te word. Maar nou sal Caron Joseph (21) nooit haar seuntjie se eerste treë, sy eerste skooldag, matriekafskeid, of sy vreugde voor die kansel sien nie… Die koms van dié jong ma se eerste pienkvoet was vir die Josephs van Wellington in die Boland bittersoet – ewe veel vreugde as rou. Want net nege dae ná Caron se seuntjie op 20 Augustus deur ’n keisersnee gebore is, het sy haar laaste asem uitgeblaas ná ’n dapper oorlewingstryd. Kort voor sy koms het haar hartsmense alles gereed gekry. Caron het heel opgewonde ’n swangerskapfotosessie beplan, maar die rok wat sy spesiaal laat maak het vir dié foto’s, was nie gereed nie. Toe sy die aand van 18 Augustus by die huis…

Sy leef al die afgelope 17 jaar met lupus, ’n verlammende outo-immuunsiekte waar die immuunstelsel tydens infeksie outo-teenliggaampies produseer wat gesonde selle en weefsel aanval. Die gevolg is “die gevoel dat jy elke dag besig is om griep te kry”. Dis een van die maniere hoe Vidonia Hartman (45) van Ceres in die Boland haar siekte, lupus, beskryf. “Ek het nog nooit van lupus gehoor tot met my diagnose nie,” vertel sy. “Ek het eers aangeneem dis maar soos ’n griep wat sal opklaar ná ’n week of twee, maar toe die internis eers vir my verduidelik en sê daar is nie genesing nie, het ek gevoel ek val in ’n diep gat waaruit ek nie kon kom nie. “Dit was skokkend, maar ek het dadelik research gaan doen. Vandag,…

TJOKLIT-PAVLOVA MET VARS VRUGTE Genoeg vir 4-6 mense BESTANDDELE 6 ekstragroot eierwitte ½ teelepel sout 450 ml strooisuiker 4 teelepels witasyn 5 teelepels Maizena 100 ml cocoa Vulsel vars seisoensvrugte  tjoklit-custard vars mint-blare grofgekapte tjoklit-fudgeskaafsels versiersuiker METODE Voorverhit die oond tot 140°C en voer ’n groot bakplaat uit met bakpapier. 1 Klits die eierwitte en sout in ’n groot, skoon mengbak tot sagte punte vorm. 2 Klits die strooisuiker lepel vir lepel by terwyl jy aanhoudend klits. Die mengsel moet styf, wit en blink wees. (Jy behoort sowat 10 minute lank te klits.) 3 Vou die asyn en Maizena versigtig by en deel die mengsel in twee. 4 Skep die een helfte op die bakplaat; vorm ’n groot sirkel met ’n lepel. Sif die cocoa en meng dit versigtig by…

Neuskrapper pla Vraag KOLLEGA GRAWE VIR GOUD Ek werk in ’n open-plan office en my een kollega, ook ’n baie close vriend, het die nare gewoonte om agter sy lessenaar in sy neus te krap. Hy is iemand wat altyd aan die beweeg is, so ek weet nie of hy net fidget nie, maar dit maak my naar en ek wil vir hom sê sonder om sy gevoelens seer te maak. ANONIEM Antwoord BESTE ANONIEM Kyk, ek gaan nou eerlik wees: Dis diep morsig as mense in hul neus grawe, veral voor ander. Soms is daar ’n steurnis of iets in jou neus wat jy wil weg hê, maar as jy dit konstant doen, is dit iets wat enige mens naar sal maak. Dis nie nodig om dit direk vir…

NR. 320 WEN R350 KONTANT! ? VOLTOOI: Sy was Amram en Jogebed se dogter en Moses en Aäron se ouer suster. SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Bybel-blokraainommer na 42508 voor 15 Oktober 2025. SMS/R1,50. Die oplossing verskyn in die uitgawe van 6 November 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 15 OKTOBER 2025. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

Een ding van ons Kuier-leiers: Hulle het dié jaar weer uitgehaal en gewys vir ons “Into the woods”-patsy om ons Sweet 16 te vier. Die sowat 300 gaste het op 6 September op die prentjiemooi Eureka-landgoed buite Durbanville in die Kaap kom wys hoe ’n mens jou lyf ’n lekke’ tyd gee by ons Lentedag-funksie. Dié jaar was die tema “Into the woods”, en tot “Rooikappie” en “Wolf” het saamgekuier! En ís daar vir jou gekuier! Party gaste het gesmul aan die Spekkoeetgoed wat hulle spesiaal vir lesers voorgesit het by hul smulstasie. Ander het hul lyf cover stars gehou in Sheen en Glosheen se fotohokkie. Dan was daar nóg ’n groot bederf: Essence het spesiaal makeup stands opgerig waar lesers deur die loop van die dag hul grimering kon…

Terwyl die meeste 10-jariges nog opgewonde raak oor die jongste rekenaarspeletjie is Ayana Razack drukbesig om, soos sy dit self stel: “omgee-netwerke te bou”. Hulle sê mos: buig die boompie terwyl hy nog jonk is. En daarvan het haar ma, Bushra (39), ’n enkelma en spesialis-gemeenskapsontwikkelaar, doodseker gemaak. Sy het immers gesorg dat haar twee spruite nie met oogklappe deur die lewe dwaal nie. En waar daar skouer aan die wiel gesit moet word om behoeftiges aan die hand te vat, spring al drie van hulle sonder om eers te dink, en vra hoe hoog. Sy is skaars ‘n tiener, maar Ayana, wat saam met haar ma en ouboet, Zayne (12), in Woodstock in die Kaap woon, staan al klaar aan die stuur van sake by haar eie organisasie, WO…

Postpartum seks Dok, hoe lank moet ek wag voor ek seks het nadat ek geboorte geskenk het, en watter faktore het ’n impak op dié timeline? ANONIEM Antwoord BESTE ANONIEM Algemeen word aanbeveel om tot ses weke postpartum te wag voor seks hervat word ná ’n normale vaginale bevalling. Met ’n keisersnee kan dit ses tot agt weke wees, maar dit hang af van hoe dié operasie verloop het, en hoe die vrou voel. Dié riglyne het egter nie streng wetenskaplike ondersteuning nie. Baie is dalk gouer gereed, en ander lank ná die ses weke-merk nog nie. Dis ons as dokters se plig om ons pasiënte te bemagtig om hul eie liggaam te vertrou en besluite te neem gebaseer op hul gemak en gereedheid. Die ses-weke-aanbeveling kan soms onbedoeld aan…

NR. 345 WEN R350 KONTANT! ? VOLTOOI: Hy sing ‘Skit Jou Lyfie’ en speel Gershwin in Kelders van Geheime (van). SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Fotoblokraainommer na 42508 voor 15 Oktober 2025. SMS/R1,50. Die oplossing verskyn in die uitgawe van 6 November 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE FOTOBLOKRAAI EN HUL BESONDERHEDE VERSKAF. DIE SLUITINGSDATUM IS 15 OKTOBER 2025. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

Dis blommetyd in Namakwaland en ek kyk elke dag jaloers na hoe die mense foto’s post van hoe daardie dorre aarde in ’n kaleidoskoop van kleure ontplof. Ons kan nie nou Namakwaland toe gaan nie, want ons beplan ’n matriekafskeid. (Dis ’n storie vir ’n ander dag.) Al die foto’s van blomme laat toe ’n vergete herinnering by my opkom en ek wil dit graag hier deel. Blommekykers sal jou vertel dat Nababeep, my tuisdorp, altyd van die mooiste blomme uitstal wanneer die lente kom. Om elke hoekie en draaitjie is daar blomme, en die skouspel wanneer dié (oorheersend oranje) mat tussen die klippe in die koppies uitgerol word, het al digters na hul penne laat gryp. As kind het ons die busse vol toeriste wat by ons dorp aangedoen…