Innholdsfortegnelse for 28 August 2025 i Kuier

Ek onthou daai eerste dae ná ek en my man in 2021 die eerste keer ouers geword het, nog goed. Dit was in covid- en maskers-tyd, so daar is nie veel uitgegaan nie en dit was net ons drietjies tuis wat lekker kon bond. Daai moegheid van min slaap daai eerste paar weke met jou pasgeborene sal jy nie verstaan tot jy self daardeur is nie. Ek onthou net een oggend het my man die vullisdrom gaan uitsit toe die buurman laat hoor: “Hel, maar jy lyk sleg!” Sleg van moegheid, ja! Ons het te lekke’ oor sy opmerking gelag. Toe ons onlangs hoor dat Arendsvlei se eie baddie Bompie pa gaan word, het ons besluit ons móét net die akteur Jarrid Geduld en sy gesinnetjie vasmaak vir ’n cover…

Dis vir seker sy grootste rol nóg: dié as pa van klein Kairo. En wanneer die babaseuntjie, wat net vier weke oud was met Kuier se fotosessie, knieserig raak, lig sy bekende daddy hom versigtig uit die stootwaentjie. Jy sien dadelik dat Jarrid Geduld (35), alombekend as Arendsvlei se no-good Bompie Galant, regtigwaar hands-on is. Ook dat sy hart tjoklits klop vir dié klonkie wat hy nou teer en sorgsaam in sy arms wieg. As die willewragtig Bompie en Theo Abrams in die aksiebelaaide fliek Indemnity – waarvoor hy ’n Safta-toekenning vir beste akteur opgeraap het – sou jy sweer hy ís die mens wat hy vertolk, want dis hoe diep die man in sy rolle klim. En dis nogal verrassend om vir ’n slag die regte, sawwer Jarrid te…

Rus en vrede. Dít is waarna Valerie Phillips hunker nadat haar lewe 15 jaar gelede op 25 Augustus 2010 handomkeer verander het. Op dié oggend, net voor sewe, is haar 13-jarige seun, Jody, se lewe in ’n gru-ongeluk by die Buttskop-spoorwegkruising in Blackheath in die Kaap saam met nege ander jong lewens weggeruk. Valerie (59), van Eersterivier, vertel op dié 15de herdenkingsjaar van die ongeluk sy het ’n plekkie in die Weskus laat bou waar sy en haar oorlewende seun, Kaedy (19), gaan bly. Die plan was om daar saam met haar man, Kingsley, af te tree, maar toe sterf hy in 2021 op 56 weens gesondheidsprobleme. Jody, wat haar oudste was, was ’n akademiese uitblinker en baie lief vir rugby, vertel sy ma. Jody en nog nege ander leerders…

Haar eerste geloofservaring het die weg gebaan vir ’n lewenslange verhouding en gesprek met God; een wat haar tydens die lewe se storms op koers gehou en die nodige hoop gebied het. Só vertel Shalldrey Samuels (45) van Homevale in Kimberley in die NoordKaap. “Ek het daardie dag besef daar is inderdaad ’n lewende God. Ek lees nie net van Hom in die Bybel, of hoor by ander oor Hom nie, ek het sélf ervaar wie Jesus is deur my eerste geloofservaring.” Shalldrey het op 10-jarige ouderdom ’n spraakprobleem ontwikkel – sy het begin hakkel. “Ek was so verleë en skaam daaroor, tot ek eendag, voor ek my mondeling op skool moes sê, vir God gevra het: “Here, ek het U nodig. Ek kan dit nie alleen doen nie. Help…

‘Los my groot kop uit!’ Vraag MOEG VAN GETERG Antie, ek word al van kleintyd gespot oor my groot kop. Ek het oor die jare geleer saamlag, al wás dit seer, maar ek vind dit nou plain irritating. Probleem is, ek weet nie hoe om van saamlag te gaan na sê ek like dit nie. Weet antie hoe? CLIVE Antwoord BESTE CLIVE Daar is altyd dié wat ’n grap te ver vat. En grappe oor mense se voorkoms is uit, veral in die persoon se gesig. So, as jý nie oor jouself grap nie, moet ander ook hul mond hou oor jou voorkoms. As ‘n mens niks mooi te sê het oor iemand nie, is die opsie altyd daar om jou gums toe te hou. Jy sal hierdie vinnig en…

Op 45 het Edwina* verwag om meer geanker te voel. Sy het ’n vaste werk as ‘n IT-projekbestuurder en twee tieners op die drumpel van volwassenheid. Maar toe demensie by haar pa gediagnoseer is en haar ma meer hulp by die huis begin benodig, het Edwina gevoel sy is heeltyd aan die gang. Haar weeksdae begin soggens om halfses met kosblikke pak en vergaderingnotas hersien voor sy haar dogter skool toe neem. Teen middagete beantwoord sy oproepe van haar pa se dokters oor mediese vorms, dan haas sy terug na ’n video-oproep met ’n kliënt. Ná werk stop sy vir groceries koop – nie net vir haar eie gesin nie, maar ook vir haar ouers – voor sy aandete kook en haar seun help met die uitdagings wat kom met…

“Uit een lap gesny”, 14 Augustus Wow, dis wonderlik. Ek het nooit geweet hulle (Portia en Cedwyn Joel) is pa en dogter nie. Hulle is talentvol, hardwerkend en vermaaklik. Groete uit Namibië. AMALIA Ek’s so lief vir Cedwyn, ek’t my eerste kind na hom vernoem: Chadwyn (naastenby), omdat ek opkyk na hom as ’n pa-figuur. Hy was Sonny in Generations. My Chadwyn is nie meer met my nie. Hy is vermoor op sy 28ste verjaardag op 29 Julie. I still love you, Mr Joel. ANWYN Pragtige dogter-en-pa-foto! Cedwyn is so ’n nederige man. Hy het eenkeer na my plek toe gekom. ’n Vriend het hom aan my voorgestel. Dit was so ’n eer. Sal altyd my foto met hom koester. MARIA Ek het al hul shows op TV gevolg. Stééds.…

Jy bereik nie meer as 40 jaar in ’n land met die nalatenskap van apartheid sonder om ’n hele paar stereotipes oor jouself en ander aan te hoor, en uiteindelik dalk selfs as waarheid te aanvaar nie. Dié lysie oor bruin mense – oftewel “coloureds” of “chloras” – is lank, en daar is goeies wat ons eintlik lag-lag self sal erken is waar, en dan die minder goeies waarmee ons glad nie verbind wil word nie. Toe die onlangse Open Chats podcastuitsending waarin bruin mense uitgemaak is as “incestuous” en “crazy”, op sosiale media ontplof, het ek vir ’n oomblik niks gevoel nie. My eerste reaksie was om die high road te vat, en ek het nog gedink aan die bekende aanhaling dat niemand jou inferior kan laat voel sonder…

As die rooi liggie in die ateljee flikker, trek Lorenzo Darries sy mikrofoon nader en groet hy luisteraars met ’n vibrant, aansteeklike energie. Dan deel hy die jongste sportnuus. Sport is dié geliefde GoodHope FM-omroeper (39) se táál. Hy leef elke oomblik daarvan passievol uit. Maar deesdae kos dit heelwat meer inspanning as wat dié Kaapse radioman dalk sal erken. Want hy raak maklik moeg en sy asem hardloop vinnig uit. Dit is omdat sy hart besig is om in te gee … Lorenzo is onlangs in die hospitaal opgeneem nadat hy in 2018 met ’n ernstige hartsiekte, kardiomiopatie, gediagnoseer is. Dié toestand dui op ernstige verswakking van die hartspier, wat dit moeiliker maak vir die hart om bloed na die res van die liggaam te pomp. Vir sommige is…

SUURLEMOEN-EN-LEMMETJIE-MERINGUETERT Lewer 1 groot tert BESTANDDELE Kors 1 x 200 g-pak Tennis biscuits, fyngemaal 100 g botter, gesmelt 2 eetlepels klapper (opsioneel) 2 eetlepels meel Vulsel 2 x 385 g-blikke kondensmelk ¾ koppie suurlemoensap ¼ koppie lemmetjiesap fyngerasperde skil van 1 lemmetjie 6 eiergele Meringue 6 eierwitte 1 koppie strooisuiker METODE Voorverhit die oond tot 180°C. Bespuit ’n 20 cmlosboomkoekpan met kossproei. Kors 1 Meng alles goed en druk die mengsel op die bodem en om die kante van die koekpan. Vulsel 2 Klits alles goed saam en giet in die kors. Bak vir 30 minute. Haal dan uit die oond om heeltemal af te koel. Verkoel vir 1-2 uur verder in die yskas. Meringue 3 Klits die eierwitte tot skuimerig. Voeg die strooisuiker bietjies-bietjies by terwyl jy aanhoudend klits.…

Stysel teen suikervlakke? My huisdokter het ’n paar jaar terug bevind ek is insulienweerstandig, en my verwys na ’n dieetkundige. Dié het my gehelp om my eetgewoontes te verander. Ek was ook op medikasie wat my bloedsuikervlakke stabiel gehou het. Maar ek lees toe onlangs oor weerstandige stysel wat insulienweerstandigheid kan verbeter. Kan dokter dalk bietjie daaroor uitbrei? FRANCINA Antwoord BESTE FRANCINA Weerstandige stysel is ’n koolhidraat wat die verteringsproses in die dunderm weerstaan en optree soos ‘n vesel wanneer dit die kolon bereik. Dit word dan deur dermbakterieë gefermenteer. Dié fermentasie produseer voordelige kortketting-vetsure soos butiraat, wat insuliensensitiwiteit kan verbeter, en help om bloedsuikervlakke te reguleer. Dit kan mense met insulienweerstand, Tipe 2-diabetes of prediabetes help. Kook kos soos aartappels, rys of pasta en laat dit vir ’n paar…

“Dis nie wát jy sê nie, maar hóé jy dit sê.” Dis maklik een van dié bekendste sêgoed daarbuite. Om mense te kan verstaan, maak ons staat op goed soos hul gesigsuitdrukking, stemtoon en lyftaal. Maar met dié dat ons ál meer aanlyn gesels, is daar ’n element wat dit makliker maak om mekaar te probeer verstaan: emoji’s! Die eerste stel emoji’s is in 1999 ontwerp deur Shigetaka Kurita van die Japanse selfoonmaatskappy NTT Docomo. Hy het 176 eenvoudige emoji’s geskep vir selfone om emosies en konsepte gouer as teks oor te dra, soos vir die weer, emosies, liefde of musiek. Nou is daar meer as 3 800 emoji’s -en jy kan als van geslagsopsies tot velkleure kies! Mal oor Beyoncé se nuwe song? Dan gooi jy hom só: Daai…

NR. 200 naaldekoker naamloos na-aper naasteliefde naatbouler naboom nadors naellak nagadder nagereg nagmerrie naïef Nama Namibië narcis narkose nartjie narwal nasie nastergal natrium natuurskoon navorser neerslaan negatief nektarien nematode neonlig neseier netbal neulkous neuroloog niemand nikotien Nobelprys nomade nommer nonchalant noodhulp nooiensvan norm nostalgie notule noukeurig November nuanse nuusbulletin Nuwejaar nylon nywerheidshof OPLOSSING VERSKYN IN DIE UITGAWE VAN 11 SEPTEMBER 2025. SOEK VIR DIE SPELETJIENOMMER.…

Nakita Watson. Courtney Pieters. Orderick Lucas. Jordan-Leigh Norton. Chanelle McCrawl. JaydenLee Meek. Tazne van Wyk. Stacey Adams. Joshlin Smith. Dié name sal – en mág – ons nooit vergeet nie. Onskuldige kindertjies wat vermis is of was, met meeste wat op ’n wrede wyse uit die lewe geruk is. Die lys van slagoffers is egter veel langer, maar ek word so angstig as ek daaraan dink dat ek nie myself kan bring om elkeen hier te noem nie. Wanneer hierdie kinders sterf, kan ons ongelukkig net sê “rus in vrede”. Maar in watter vrede kán hul siel rus? Hulle het dan nog hulle hele lewe voor hulle gehad, en hier kom iemand en sit – netso! – ’n stop daaraan. Op die wreedste wyses denkbaar. Ek ervaar in my hart…

Vanuit Loeriesfontein in die NoordKaap verrys twee jong vroue teen windturbines op en bereik hulle nuwe hoogtes – letterlik en figuurlik. Hier maak Marshe Strauss (23) en Kezia Souw (26) hul merk as junior hystegnici by die Noupoort-windplaas, waar hulle nie net toringturbines klim nie, maar ook die range in dié steeds mansgedomineerde bedryf. Dié twee Loeriesfontein-boorlinge se paaie het saamgevloei toe albei op ’n advertensie vir ’n opleidingsprogram in wind-energie aansoek gedoen het. Hulle is aanvaar, en in 2022 was hulle onder ’n groep plaaslike jongmense wat gekies is vir die opleiding, aangebied deur die nie-winsgedrewe organisasie Global Wind Organisation (GWO), wat deur die Loeriesfontein- en Khobab-windplase befonds is. “Ek het nooit gedink ek sou in hierdie sektor werk nie,” sê Kezia, “omdat werk in Loeriesfontein so skaars is.…

Hermann Pretorius, hoof van strategiese kommunikasie by die Suid-Afrikaanse Instituut vir Rasseverhoudings (IRR) beantwoord ’n paar vrae oor onder meer die stand van rasseverhoudings in SuidAfrika. Wat maak jy van die opmerkings wat in die podcasts gemaak is? Ek vind die idee om enigeen te verneder tot negatiewe stereotipes wat met hul ras geassosieer word, onaangenaam. Ek het egter ook troos gevind uit die feit dat rasseverhoudinge in Suid-Afrika fundamenteel so gesond is dat rassistiese voorvalle wye openbare beriggewing en aandag trek. Dat die opmerkings so nuuswaardig was, dui aan hoe ongewoon werklike rassevyandigheid in Suid-Afrika is. Kan dit as haatspraak beskou word? Sover ek die beperking op vryheid van spraak in artikel 16(2) van die Grondwet verstaan, moet haatspraak ‘n aanhitsing tot skade veroorsaak. Ek glo nie dat dit…

Sy glimlag en rustige, selfversekerde houding verklap niks van die storms wat hy al in sy lewe moes troef nie. Hirome Shigeaki (28), die onlangse wenner van kykNET se realiteitsreeks Die Brug, se storie is ‘n lewende bewys van genade, liefde en deursettingsvermoë. “Ek sê altyd: My kinderjare was hel. Van so ver terug as wat ek onthou, tot so vyfjarige ouderdom, het ek saam met my biologiese ma op straat gewoon.” Sy ma was ’n bruin vrou en sy biologiese pa ’n Japannese matroos wat uit hul lewe is toe Hirome ‘n baba was. “Ons moes bedel vir kos en skuiling en het toe by Care Haven, die Salvation Armyskuiling in Bridgetown (in die Kaap), beland. “Daarna het ons in ’n Hop-huis gebly, maar haar gesondheid het vinnig agteruitgegaan.…

WIT POPLIN MAXI SKIRT ’n Wit maxiskirt is ’n staatmaker vir informele én meer formele afsprake. Vir warmer weer is ’n wit knoophemp daarby net die ding, maar as dit koel is kan jy ’n knooptrui oorgooi (soos ons s’n). ’n Goue pump daarby – soos dié gas by die Paryse Modeweek dra – en goue by-goed sal jou look level-up. Hou jou handsak en cap in jou trui se kleurskakering. Dra dit só STYLWENK: Om ’n satynkopdoek oor jou cap te bind is altyd ’n vibe en sterre soos Rihanna en Hailey Bieber is fans daarvan. Dit bring ’n bietjie van jou eie persoonlikheid na enige look. SWART PLOOI-SKIRT Geplooide skirts is terug met ’n bêng! ’n Maklike manier om dit te dra is met T-hemde en gemaklike truie.…

Die winter staan einde se kant toe en as jy bietjie fikser en “snatched” wil lyk in die warmer maande, staan nader. As jy, soos die meeste mense, nie tyd het om ure in ’n gym deur te bring nie, moet jy elke minuut laat tel. Wil jy boonop totsiens sê aan die ekstra kilo’s? Dan is dié 10 oefeninge net vir jou, want hulle verbrand die meeste vet (kilojoules) terwyl jy oefen. Jy sal lekker sweet en jou hartklop sal goed opgejaag word, sê ‘n fiksheidsafrigter. Sluit dié roetines by jou oefenprogram in om die meeste daaruit te haal. 1 WISSEL FIETSRY-INSPANNING AF 568-841 KJ BINNE 10 MINUTE WENK Wissel lae-intensiteit- en hoë-intensiteit-fietsry in dieselfde sessie af; dit sal jou fikser maak. Dit doen jou longe ook baie goed, sê…

Dit sit nie in enigeen se broek om ná ’n dekade in ’n vaste werk, waar sy ’n span van 70 personeellede gelei het, netso te los nie. Maar Reneal Davids (39) het daai moed bymekaargeskraap om dié stabiliteit prys te gee sodat sy haar droom kon volg. En vandag is sy ’n leefstyl- en sake-afrigter wat veral vroue help om hul lewe om te keer. Sy is ook die stigter van die movement The Reneal Effect, en het ’n boek, Skaduwees en Geheime, agter haar naam. Dis onlangs deur die departement van sport, kuns en kultuur in die literêre kategorie vir beste nie-fiksie vir ’n Nasionale Kuns- en Kultuurprys benoem. (Wenners sou ná druktyd bekendgemaak word.) Maar die pad tot hier was lank en nie sonder uitdagings en verlies…

SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 17 September 2025. SMS/R1,50. Die oplossing verskyn in die uitgawe van 9 Oktober 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 17 SEPTEMBER 2025. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF!…