Innholdsfortegnelse for 3 July 2025 i Kuier

Mense, hie’ kom ‘n ding … ‘n Kuier-ding! Ons werk die afgelope twee maande aan ‘n baie spesiale projek – ons eerste KuierCombo vir die jaar – en dis superspesiaal! Afrikaans vier mos vanjaar sy 100ste verjaardag, en om dié spesiale mylpaal te vier het ons besluit om dié taal se lekke’ niggie, Afrikaaps, te laat shine in ál haar glorie. Ons Afrikaaps KuierCombo Speletjies, trots geborg deur afrikaans.com, is nou op die rak. En glo ons maar: Jy gáán beslis jou eie een wil hê! Dié dyd'like tydskrif het meer as 50 speletjies, als in lekke’ Afrikaaps. Ons toets ook jou kennis oor als van gewilde sêgoed tot TV-vermaak. En die woordsoeke gaan jou laat kraai, want waar het jy nou al ‘n woordsoek raakgelees waar jy lekke’ Afrikaapse…

Het jy al van iemand weggestap en dan voel jy verder uitgeput of leeggetap? Of met iemand gekuier dan voel jy sommer vernuwe of verfris en lus vir die lewe? Ek weet hoe dit voel in albei gevalle. Ek dink nou sommer aan ‘n koffie-af-spraak met iemand wat ek baie lanklaas gesien het. Sy het my genooi vir koffie en ek maak my toe klaar vir ‘n girls’ date en vir lekker op-catch. Opgewonde sê ek ja en ontmoet haar. Ná ‘n uur stap ek weg en voel ek leeggetap, moeg en teneergedruk. Ek was regtig spyt ek het die uitnoding aanvaar. Ná ‘n paar dae doen ek introspeksie om vas te stel hoekom ek só gevoel het. Wat het dan gebeur? Dis nie asof sy die heeltyd gesit en…

‘n Vreedsame stilte begroet jou wanneer jy die huis met die groen tuin op die plaas Skilpadvlei buite Stellenbosch nader. Met die instap verwelkom Patricia Abrahams en haar ma, Sonia Julies, jou in ‘n kombuis wat oorloop van blomme – tasbare bewyse van die verlies van hul geliefde dogter en suster. Op 5 Mei het hul lewens in duie gestort toe die nuus kom dat haar suster, Cayleen Julies, in Abu Dhabi in die Verenigde Arabiese Emirate aan ‘n hartaanval oorlede is, vertel Patricia (47). “Die nuus van Cayleen se afsterwe het onwerklik gevoel – asof tyd stilgestaan en ons skielik in ‘n nagmerrie ingetrek is waarvan ons nie kon ontsnap nie. Dit was haar verloofde, Victor (Koffi), wat ook daar woon, wat eers haar tweelingbroer, Damiën, gebel het. Damiën…

Sy is ‘n bekende gesig op TikTok, Instagram en YouTube, waar sy haar followers vermaak met als van kosvideo's tot beauty tips en die lewe as ‘n jong getroude vrou. Met die borrelende Aneeka Papier (26) is dit ‘n geval van what you see is what you get. Sy is presíés dieselfde mens in persoon as aanlyn. Dié boorling van Malmesbury in die Wes-Kaap is veral bekend vir haar kosmaak-video's, en daai liefde vir kook het nou gelei tot haar eie TV-kookprogram. Sy kuier nou Maandagaande om halfses in ons sitkamers in Aneeka se kombuis op VIA. Sy't gehuil toe sy die nuus kry dat sy haar eie program gaan aanbied, sê sy. “VIA het my gekontak en gesê hulle is op soek na ‘n host vir ‘n nuwe kookprogram…

SKEP DIE ATMOSFEER Wat is ‘n spa sonder strelende musiek om jou te help rustig raak? Stel ‘n speellys van jou gunsteling-songs op om jou te help ontspan, en sit alle ander toestelle af om afleidings te voorkom. En onthou om ‘n paar scented candles aan te steek sodat jy jou in die reuk kan verlustig. Voor jy jou gesigmasker aansit, kook eers twee chamomile-teesakkies in melk en verkoel dit dan in die yskas. Wanneer dit afgekoel het, sit die teesakkies oor jou oë vir ‘n ekstra vars voorkoms. HULP VIR JOU HARE Die proteïen en biotien van eiers saam met die kalium en natuurlike olies van piesangs voed jou hare en blaas nuwe lewe in jou kapsel. Wat jy benodig: ■ 2 eierwitte ■ 1 ryp piesang ■ 1 koppie…

Dit kan intimiderend wees as jy dit nog nooit gedoen het nie. Hier is ‘n paar kreatiewe skryfidees om jou brein aan die gang te kry. ■ Vir watter vyf dinge is ek vandag dankbaar? ■ Hoe voel ek vandag? ■ Wat is een uitdaging wat ek op die oomblik moet aanpak? ■ Hoe kan ek deur hierdie uitdaging werk? ■ Wat is ‘n negatiewe denkpatroon of oortuiging waaraan ek vashou? ■ Hoe kan ek hierdie gedagte uitdaag of vervang? ■ Wanneer voel ek die meeste soos myself? ■ Wat is iets wat ek wens mense van my geweet het? ■ Wat is ‘n les wat ek onlangs geleer het? ■ Wat moet ek aanvaar?…

WAT DOEN ‘N FINANSIËLE ADVISEUR? ‘n Finansiële adviseur is ‘n professionele kundige wat kliënte help om ingeligte besluite oor geldsake, hul persoonlike spaargewoontes en beleggings te neem. Dis nie net vir rykes nie. Trouens, hoe minder geld jy het, hoe minder kan jy bekostig om roekeloos op te tree en geld te verloor, sê Melissa Weber, ‘n finansiële adviseur. “Ons het almal blindekolle en kyk dinge mis wanneer ons ons eie sake bestuur.” Finansiële adviseurs help ‘n mens om moontlikhede en risiko's raak te sien wat jy alleen sou misgekyk het. “Hulle neem ook belasting en boedelbeplanning in ag wanneer hulle voorstelle maak. Hulle kyk na die groter prentjie en nie net elke ding op sy eie nie.” Die rol van ‘n finansiële adviseur is om aan jou die finansiële…

DIEREHORLOSIE WAT JY BENODIG ■ wyserplaat van hout ■ potlood ■ liniaal ■ boor ■ craft-verf (in oker/ochre) ■ verfbak ■ verfkwas ■ 12 klein plastiekdiere ■ koerantpapier ■ spray paint (wit) ■ horlosiemeganisme ■ glue gun met glue sticks STAP 1 Meet die middel van die wyserplaat en boor daar ‘n gat waarin die horlosiemeganisme kan pas. STAP 2 Verf die wyserplaat met twee lae verf. Ons het ochre gekies. Laat die verf ná elke laag eers droog word. STAP 3 Plaas die diere op die koerantpapier en spray paint dit wit. Laat die verf eers droog word voordat jy die ander kant spuit. STAP 4 Plaas die horlosiemeganisme in posisie. STAP 5 ■ Om die merke vir die syfers (diere) te maak, besluit waar 12 sal wees en maak…

NR. 339 WEN R350 KONTANT! ? VRAAG: In watter telenovela vertolk Khadija Heeger die rol van Jasmine Louw? SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Fotoblokraainommer na 42508 voor 23 Julie 2025. SMS/R1,50. Die oplossing verskyn in die uitgawe van 14 Augustus 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE FOTOBLOKRAAI EN HUL BESONDERHEDE VERSKAF. DIE SLUITINGSDATUM IS 23 JULIE 2025. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

My vriend “Babelas” is onlangs oorlede. Sy doopnaam was Lynold Christopher Boyce, maar as jy op Nababeep na Lynold Christopher Boyce gesoek het, sou meeste vir jou gesê het daar woon nie so ‘n man nie. Sien, Babelas was nog sy hele lewe lank net Babelas. Oftewel, hy het sedert ek my verstand gekry het, nog net só geheet. Voordat hy ooit enige drank oor sy lippe geneem het, was hy, wel, Babelas. Hy het dié bynaam gekry omdat hy sulke lammerige oë gehad het, soos iemand wat die vorige dag te diep in die bottel gekyk het. En dié bynaam is saam met hom vroeg in Junie vanjaar graf toe. Mag sy siel in ewige vrede rus. Babelas se heengaan het my aan die wonder gesit oor of Namakwaland…

“Twee oumas verenig in smart”, 19 Junie Baie dankie dat iemand die nuus uit die kliniek vertel het sodat daar vir Joshlin (Smith) se oumas (Amanda Smith-Daniels en Lorita Yon) gebid kan word, want gebed verander sake. Sterkte aan die oumas. JACOBA Dis hartverskeurend verby, julle! En sy (Amanda) moet nog omsien na Kelly (Smith) se seun ook – wát sê ‘n mens vir daardie kind? Hoe verduidelik jy? Plús hoe sy nou haar ma in dié posisie sit. Hy is hartseer en ongelukkig by sy ouma. BELIA Ek was nog nooit in jou skoene nie, maar ons bid saam met jou dat die waarheid sal seëvier. RIA “Op die skouers van ‘n reus”, 19 Junie Wat ‘n voorbeeldige rugbylegende (is Cheslin Kolbe)! Dít is hoekom jy vandag is waar…

BUTTERNUT-SOP MET GEROOSTERDE KNOFFEL Genoeg vir 4-6 mense BESTANDDELE 2 groot butternuts, in kwarte gesny en pitte verwyder 4 tamaties, gehalveer 1 heel knoffelbol 2 eetlepels olyfolie sout en vars peper, gemaal 2 koppies hoender-stock ½ koppie room ½ teelepel roasted masala METODE ■ Voorverhit die oond tot 190°C. Voer ‘n groot bakplaat met foil uit en bespuit met kossproei. ■ Versprei die butternut-kwarte en tamaties op die bereide bakplaat. Plaas die knoffelbol tussenin en sprinkel die olyfolie oor. Geur met die sout en peper. Roast vir 40 minute (of tot sag) in die oond. ■ Skep die butternut uit die skille en plaas in ‘n kastrol. Trek die tamatievelletjies af en voeg die tamaties by die butternut. ■ Druk die knoffelpuree uit en voeg dit by die groente. ■ Giet die stock by en bring tot…

Reëls vir baby daddies? Vraag SINGLE, DATING PA Antie, ek is ‘n ongetroude pa. Ek sien my dogtertjie gereeld en betaal onderhoud, maar ek is ook in die dating game. Ek wil weet wanneer dit ‘n goeie tyd is om iemand aan my kind voor te stel, of te noem dat ek ‘n kind het? Ek steek nie weg dat ek ‘n pa is nie, maar noem ‘n mens dit al met die eerste chats of date? MOEDELOOS Antwoord BESTE MOEDELOOS Vir baie is kinders ‘n deal-breaker – nie almal is reg om ‘n kitsouer te word as hulle in ‘n nuwe verhouding gaan nie. Vir ander is dit nie so ‘n groot ding nie. As jy op dating apps is, moet jy eerder in jou profiel noem dat jy…

DIT GEE JOU SELF-INSIG Wanneer jy jou journal gebruik om te reflect, is dit soos ‘n gesprek met jouself: Dit laat jou toe om dinge oor jouself te leer, want jy gee jouself die tyd en ruimte om dit te doen. Om jou gedagtes, gevoelens, waarnemings en idees êrens neer te skryf waar daar geen oordeel is nie, skep ruimte vir selfontdekking. Dit kan jou help om waardevolle selfkennis en insig op te doen. En om jouself beter te leer ken, kan lei tot ‘n dieper begrip van wat jou lewe lekker maak, wat jou sterk- en swakpunte is, en wat jy nodig het om goed te voel. DIT HELP PROBLEME OPLOS Wanneer jy jou gedagtes op papier sit, kom jou probleme, bekommernisse en vrese na die oppervlak. En sodra…

As die idee van ‘n leë notaboek te skrikwekkend is, kan jy daaraan dink om een te koop wat duidelik rigting gee. Probeer hierdie. Healing through Words - Rupi Kaur ‘n Saamgestelde gids vir skryfoefeninge wat temas verken soos trauma, verlies, hartseer, liefde, genesing en die viering van jouself. Elk van die 65 oefeninge het ‘n voorgestelde tydsduur vir jou om daaroor te skryf of te teken. Becoming: A Guided Journal for Discovering Your Voice Michelle Obama Die voormalige Amerikaanse presidentsvrou Michelle Obama se journal, gegrond op haar gelyknamige boek, bevat 150 inspirerende vrae om jou te help om jou doel in die lewe te vind.…

Nr. 262 VRAAG: Watter Avengers-ster is te sien Zora Bennett in die langverwagte fliek Jurrassic World Rebirth? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 23 Julie 2025. SMS/R1,50. Die oplossing verskyn in die uitgawe van 14 Augustus 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 23 JULIE 2025. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF! WEN R1000!…

NR. 196 aardbewing aankondig barmhartig bedag bedrog beweeg Boeing boggelrug breinkrag daglig deurgang ewewig fabelagtig fraiing genoeg goedig halvering handig horing jaargang jeugdig katterig kernkrag koring liddoring maanlig middelslag murg nakoming narsing opgang paalspring paleontoloog papbroekig plaag poeding reënboog samehang skattejag speelding stuitig Vadersdag vakkundig vangslag verstopping voering volgeling waag waardig weegbrug OPLOSSING VERSKYN IN DIE UITGAWE VAN 17 JULIE 2025. SOEK VIR DIE SPELETJIENOMMER.…

WIE WEET WAT? Teen dié tyd ken jy hom as die slinkse sakeman Ian October in die sepie Suidooster, of dalk as die Marais-familie se prokureur, Dewald Piet, in Kelders van Geheime. Nou maak die akteur Abduragman Adams ook sy debuut as aanbieder van dié splinternuwe speletjiesreeks op VIA. Wat jy moet weet: 1 Drie deelnemers moet ses algemene kennisvrae binne drie rondes beantwoord. Die deelnemers besluit watter vrae hul opponente moet beantwoord om te bepaal wie eerste die kans gaan kry om die ander twee met vrae te pols. 2 Abduragman sê hy wou nog altyd ‘n TV-aanbieder wees. Maar die oudisieproses was omtrent senutergend. “Ek het soos ‘n bok – of is dit nou ‘n perd? – gesweet! Ek het regtig gedink ek het my kanse verbrou,” vertel…

Op Sondag 25 Mei ry ek en my gesin my geboortedorp, Malmesbury, binne. Ons is daar vir ‘n somber rede – my pa is in die hospitaal en ons wil kosbare tyd met hom spandeer. Ons ry na my ouerhuis met seekospotjie wat my man vir my ma gemaak het – een van haar favourites. Ons wag vir besoektyd, en ek maak haar hare mooi vir haar “burc”. Kort daarna kom die oproep … Daai selfde tyd toe ons die dorp inry met die liedjie “Die Seën” wat in die motor speel en belowe die Here se guns is oor “jou kinders en hul kinders en húl kinders”, het my pa sy laaste asem uitgeblaas. So asof dít sy laaste boodskap aan ons sou wees. My pa se rykdom is…

Deesdae sit sy alte lekker in haar vel. En vandat die aktrise Ilse Klink (53) anders dink oor die lewe en sy dinge, iets wat die jonger Ilse dalk anders sou gehanteer het, mind you, chillax sy selfs nog meer. “Kyk, hier teen jou laat 40's, en selfs meer in jou 50's, voel ‘n mens oor die algemeen gemakliker met wie jy is. Ek het wel eers later in my lewe besef: Dít waarvan ek nie hou van myself nie, kan ek mos verander. So maklik soos dit.” En verander, dié het sy. “Ek het net op ‘n dag besef: Dis mos nou onnodig om só aan te gaan oor die kleinste dingetjies in die lewe. Kyk, ek was nog altyd ietwat van ‘n perfeksionis, veral met die mense rondom…

As dit kom by oefen en gesond leef, verloor die meeste van ons maar vinnig motivering. Dissipline en uithouvermoë kom nie juis maklik vir almal nie. Ná ek vir ons onlangse voorbladstorie met die aktrises Jill Levenberg (47) en Khadija Heeger (59) gesels het oor hul gesondheidsreis, besef ek dis ‘n skande dat ek in my mid-20's so passief is. Kyk, ek hoes elke maand vir my gym-fooi – vir spek en boontjies. Net daar besluit ek om ‘n draai te gooi by die wellness coach wat dié celebs so laat glow en die Suidooster-ster Jill gehelp het om 12 kg in vier maande af te skud. Met die intrapslag hier in Durbanville in Kaapstad, kom jy dadelik agter Claudia van Schalkwyk (47) is ‘n mense-mens. Warm en verwelkomend. Maar…

STYLVOL IN SWART Jy kan nooit verkeerd gaan met swart nie. Die Spice Girl en Britse modeontwerper VICTORIA BECKHAM (51) wys hoe om ‘n swart poloneck stylvol af te rond met ‘n swart snyersbroek. Dié stylvolle ma van vier kikker haar look op met wit hakke vir ‘n klassieke, tydlose afronding. HOU DIT GEMAKLIK As jy nie ‘n hakke-mens is nie, gaan dan eerder vir dié gemaklike wit aangliptekkies. Wit tekkies is ‘n moet vir jou klerekas en kan veral ingespan word met jeans en rokke. JEAN-EN-BAADJIE-COMBO Langbroeke met ‘n hoë middel is in dié seisoen. Gooi ‘n lekker los knoophemp daarby en steek dit in jou broek – soos die aktrise ZOE SALDANA (47) hier wys – en rond dit af met ‘n baadjie en gemaklike loafers. Dié soort…

Help met mondsorg Dokter, ek benodig hulp rondom my mond- en tandhigiëne. Ek sukkel nou al lank met tandprobleme en kry elke nou en dan blase op my tandvleis wat sleg ruik. My tande voel nie gelyk nie en ek het nou al ‘n paar verloor. Ek het nie geld vir ‘n tandartsbesoek nie. Wat kan ek self doen? Ek sal enige hulp waardeer. ANDY Antwoord BESTE ANDY Nes ander dele van die liggaam is die mond ook propvol kieme. Daardie kieme is meestal onskadelik. Maar die mond is die ingang na die spysverteringskanaal. Dít is die lang buis van organe vanaf die mond tot by die anus waardeur kos beweeg. Die mond is ook die ingang na die organe wat asemhaling toelaat, genaamd die lugweë. Dus kan kieme in…

Sien journaling as me-time. Ontspanningstyd. ‘n Kans om te ontlaai en jou af te sluit. Probeer skryf op ‘n plek waar jy ontspanne is. Dalk help dit om ‘n koppie tee deel van jou roetine te maak. 1 SKRYF OP PAPIER Kry ‘n notaboek wat jy net as ‘n journal gebruik. Koop die soort notaboek waarin jy graag skryf, of een waarin jy nog altyd wou skryf. Daar is apps daarvoor, maar pen en papier verminder die kans op afleidings op jou toestel. En om fisies te skryf gee ‘n ander dimensie aan journaling. 2 HOU VOL DAARMEE Dis die beste om daagliks te skryf. Vind ‘n tydgleuf wat jou pas. Party verkies om hul dag só af te skop, terwyl ander verkies om hul dag daarmee af te sluit. Kyk wat…

Fisiese ontwikkeling ■Groot motoriese vaardighede: Kan hardloop, spring, balanseer en fietsry sonder wiele. ■ Fyn motoriese vaardighede: Kan ‘n potlood korrek vashou, vorms nateken, skryf en knip. ■ Kan selfstandig aan- en uittrek. Kognitiewe ontwikkeling ■ Begin meer sistematies en logies dink. ■ Los eenvoudige probleme op. ■ Kan gemaklik tel en eenvoudige somme verstaan. ■ Herken patrone en volgordes. Taalontwikkeling ■ Volg instruksies met twee tot drie stappe. ■ Verstaan en gebruik nuwe woorde elke dag. ■ Ken die alfabetletters. ■ Kan woordbou en eenvoudige sinne lees. ■ Begin stories vertel met ‘n duidelike begin, verloop en einde. Sosiale ontwikkeling ■ Begin reëls en die neem van beurte te verstaan. ■ Speel meer saam met ander kinders. ■ Vorm lojale vriendskappe. ■ Is bewus van reg en verkeerd en wil…

NR. 314 WEN R350 KONTANT! ? VRAAG: Wat word die eerste maaltyd ná die vas tydens Ramadaan genoem? SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Bybel-blokraainommer na 42508 voor 23 Julie 2025. SMS/R1,50. Die oplossing verskyn in die uitgawe van 14 Augustus 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 23 JULIE 2025. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…