Innholdsfortegnelse for 16 January 2025 i Kuier

Ek onthou nog soos gister toe ek Zuraida Jardine op die kassie gewaar het in die danskompetisiereeks Strictly Come Dancing. Sy het daai lyf van haar so gewikkel dat mens sou dink sy’s ’n regte, egte professionele danser. En daai dansmoves was so impressive dat sy die eerste seisoen van dié reeks in 2006 gewen het. Dis nou 19 jaar later en Zuraida, of “Zee“, soos sy alombekend is, se lewe het sedertdien al wye draaie geloop. Sy was op radio, is op TV, die ma van twee tieners, en sy werk tans aan haar vierde graad. As ’n bruin vrou was dit by tye moeilik en stadig om daai leer te klim, het sy al vertel. Maar sy het hard gewerk en hom geklim. En vandag is sy ’n bekende…

Daar is ’n tower-aura wat haar omring en nou, op 49, het Zuraida Jardine (oftewel “Zee“) se kop en lyf uiteindelik by mekaar uitgekom – sy is as’t ware in tune met die vrou wat sy vandag is. “My mind-body connection het met elke jaar sterker en meer genuanseerd geword, sê dié TV-aanbieder en voormalige radio-DJ. “En ek ervaar herinneringe, gedagtes en selfs emosies diep in my wese. “As vroue navigeer ons drie groot hormonale oorgange in ons lewe – puberteit, swangerskap en menopouse. Elkeen bring sy eie intense reis van wisselende hormone met hom saam. Maar ek is dankbaar om in ’n era te leef waar ons hierdie uitdagende fases openlik kan bespreek. Ons het nou ongekende toegang tot die nodige inligting wat ons help om onsself beter te…

Sy blyplek, ’n klipgooi van die see by Milnerton in die Kaap, lyk vroliker as ‘n jaar gelede. Daar’s nou ’n klawerbord in die sanger en akteur Alistair Izobell (49) se leefvertrek. Bo-op het hy foto’s staangemaak van sy twee spruite, sy 12-jarige seun en dogter (21), met vrolike rooi en groen Kersversierings. Alistair se oë blink en hy glimlag weer breed. Sy ganse voorkoms sê hy’s gelukkig en gesond – geheel en al die teenoorgestelde van die bewende, broos mens wat sy eie lewe op 13 September 2023 in dié einste woonstel wou kortknip. Hy kry steeds rillings aan die gedagte dat hy daai tyd nie meer wou leef nie. Nou hang dié houtplaatjie teen sy deur: “Start each day with a grateful heart”. En Alistair ís dankbaar. “Ek…

Thameenah Daniels is ’n girl met ’n plan. En wanneer sy eers ’n idee in haar kop gekry het, los sy nie tot sy dit deurgevoer het nie! Thameenah is net 23 jaar oud, maar dié meisie van Ottery in die Kaap het reeds ’n honneursgraad agter haar naam, is ’n suksesvolle influencer en online brand, het haar eie kookprogram en nou ook haar eie resepteboek! En dis net die begin, want haar ambisie is eindeloos. Thameenah het in 2019 bekendheid verwerf toe haar pa, Yusuf Daniels, ’n video van haar wat Afrikaans praat op sosiale media gedeel het. Dié video van Thameenah se gebroke Afrikaans het kykers laat kraai van die lag en dit het uiteindelik viral gegaan en was die begin van groot dinge vir haar. Vra jy…

Kry ‘n kick uit flirt, chat Vraag IS DIT CHEATING? Ek lees onlangs op Instagram daar is iets soos “micro cheating” – waar jy goed deel met iemand anders as jou partner, of flirty messages stuur. Ek kom agter ek doen dit en het nooit gedink dis ’n issue nie. My partner is baie guarded en praat nie oor sy gevoelens nie, en ek is die opposite. So ek voel ek kry daai kick as ek met ander chat. Wanneer is dit cheating? LUCILLE Antwoord BESTE LUCILLE Lucille, dit klink nie vir my jy micro cheat nie. Dit klink eerder na gesprekke van ’n oopboek-persoon in ’n verhouding met ’n toeboek, soos jy sê. Ek dink dis ’n geval van jy wat raakgesien en na geluister wil word, en dis…

Op die volgende bladsy is ’n paar notas om uit te knip en in jou kind se skoolgoed weg te steek om hul dag op te vrolik. Daar is die ooglopende plekke om jou boodskappe te los, soos in die kosblik of skooltas, maar jy kan meer kreatief raak: ’n Lekker verrassing! Hoe notas in kosblikke jou kind bevoordeel In die gewoel van oggendroetines voel die pak van ’n kosblik vir jou kind dalk soos net nog ’n item op die doenlysie. Maar om ’n eenvoudige notatjie in te sit kan hierdie alledaagse taak in ’n sinvolle verbintenis met jou kind verander. Dís hoekom die bysit van ’n klein nota in jou kind se kosblik ’n groot impak op hul dag en ontwikkeling kan hê. 1 Verbeter moraal en selfvertroue ’n…

Dis ongelooflik hoeveel goed kinders moet saamdra! Praat met jou kind en hoor by hulle watter rugsak hulle graag wil hê. Hou ook in gedagte: • Hou jou kind daarvan om hul tas te dra of te sleep? As jy iets met wiele verkies, maak seker die handvatsel is op ’n goeie hoogte vir jou kind se lengte. • Onthou, jy moet ’n kosblik daar inpas! • Kies ’n rugsak met aparte kompartemente as jou kind nie wil hê dinge moet deurmekaar raak nie. • Maak seker jou kind kan maklik self die knippe vas- en losmaak. • Maak by die skool seker voor jy ’n superheld-rugsak koop, aangesien sommige skole geen afbeeldings op sakke en tasse toelaat nie. • Toets saam met jou kind hoe swaar dit is en…

Hulle is in Mitchells Plain in die Kaap gebore en getoë, en al drie – ook hul jonger broer en oudste suster – het hul werktande by ’n Shoprite-winkel êrens begin slyp toe hulle nog tieners was. Zainab Hendricks (45), Moeneeba Hardine (41) en Mymoena Doubell (39) werk onderskeidelik al 28 jaar, 25 jaar en 23 jaar vir dié kleinhandelaar met sy kenmerkende rooi-en-geel-kleurskema. Hulle was nog nie eens klaar met skool nie toe al drie as tienermeisies as casuals by Shoprite begin werk het, almal met presies dieselfde opwinding as haar voorganger, vertel hulle aan Kuier. En toe hulle eers proe hoe dit smaak om hul eie geld te verdien en boonop hul werk so te geniet, was die geld in die till – hulle was ge-hook. Zainab is…

Ek is ’n ma van ’n 2023-matrikulant en het al die onsekerheid tydens die eindeksamen herleef, want dit voel soos gister toe dit mý beurt was om daai paadjie te stap met my kind. En wat ek nou (ná alles) kan sê, is dat alles sal uitwerk soos dit moet. Die skooljare vlieg so vinnig verby. Ons skoolreis het begin op vier jaar toe sy by Besige Bytjies ingestap het. Uit ouma se nessie het sy haar eerste treetjies gegee na ’n groter wêreld, uit die kokon wat ons vir ons kinders skep. Ouma en Oupa se woorde was: “Ons hoop ons leef om te sien hoe jy ‘groot skool’ toe gaan.” Ouma het selfs saamgehardloop by Besige Bytjies se atletiekdae. (Altyd gekla van heupe, maar as dit kom by…

“Aan ’ie brand!” 5 Des. 2024 Daai Desember-voorblad is Suidooster met ’n tikkie Baywatch! Suidooster gaan see toe, en ek gaan saam! CHRISTAL HERMANS Ek het die uitgawe gekoop en ek moet sê: Dis ’n Juicy ka-boom! MARION KRUGER Sexy cover, julle! Lekker summer vibes. TALIA DAVIS Legger bly maar legger! VELICIA FLUKS “Dié dokter ken sy hartsake”, 21 Nov. 2024 Ek is baie trots op dr. Marshall Heradien. Wat ’n bemoedigende storie en inderdaad ’n motivering vir ons jeug. Jou omstandighede moet nooit in jou pad na sukses staan nie. VALERIE VAN WYK Van kleins af toe ons altyd so lekker op die stoep gespeel het, was jy maar altyd die dokter. Mamma sou seker nou al vir jou honderde tjoklitkoeke gebak het – dis mos jou gunsteling. Sy…

GOURMET TJOK-BROWNIE ROOMYS Lewer 4 groot bekers of glase BESTANDDELE gekoopte brownie mix 1,5 L (6 koppies) tjoklitroomys Bolae donkertjoklit, gesmelt caramel-lekkers of -toffies tjoklitstokkies tjoklitballe kleurstrooisel gekoopte tjoklitsous METODE ■ Berei die brownie mix volgens die aanwysings op die boksie. ■ Haal uit die oond en laat dit heeltemal afkoel. ■ Sny in klein vierkante en hou eenkant. Bolae ■ Doop elke glas se rand in die gesmelte tjoklit en laat hard word. ■ Plaas ’n paar vierkante brownies onderin elke glas en verdeel die helfte van die tjoklit-roomys gelykop tussen die 4 glase. ■ Herhaal dié stap en eindig met ’n laag brownies. ■ Rond die glase af met die bolae. TIRAMISU-STAAF Genoeg vir 8-10 mense BESTANDDELE ½ koppie kookwater 2 eetlepels kitskoffie 1,5 L (6 koppies) stracciatella roomys, halfsag ¼ koppie roomlikeur 100 g “lady finger” biscuits 2 eetlepels…

Perfek vir kosblikke! 1 GRONDBOONTJIEBOTTER-EN-HAWER-MOUT-ENERGIEBALLETJIES Kinders het baie energie nodig om hulle deur besige skooldae en sportaktiwiteite te kry, en grondboontjiebotter en hawermout is die perfek gesonde happies om hulle van al die voedingswaarde en energie te voorsien wat hulle nodig het. Dit is propvol proteïen en kan gekombineer word met ander bestanddele soos sjokolade vir verskeidenheid. HOE OM TE MAAK: Meng gerolde hawermout en gladde grondboontjiebotter. Sit die grondboontjiebotter kortliks in die mikrogolf sodat dit loperig is. Voeg ’n skeut heuning by en meng. As jy wil, voeg gemaalde vlassaad by vir ekstra proteïen. Rol in happiegrootte balletjies en verkoel vir minstens 15 minute. Jy kan ook die balle vries en hulle eenvoudig die vorige aand uithaal om te ontdooi. 2 EIERMUFFINS MET SPEKSTUKKIES Muffins is vinnig en maklik om te…

Wenke om van kop tot tone georganiseer te wees Maak ’n lys en kyk watter skoolklere nog pas. • Onthou die moet-hê-items: skoene, sokkies, grys kortbroeke of rompe en ’n wit hemp. • Werk uit hoeveel items jy van elk sal benodig, gebaseer op wanneer jy wasgoed was. • Laat hul skoene mooi blink deur seker te maak jy het skoenpolitoer byderhand. Hou dit in ’n spesiale boks in die huis wat maklik toeganklik is vir jou kind en laat hulle verantwoordelikheid neem om hul eie skoene te versorg. Smeer bietjie Vaseline bo-op vir daai ekstra glans! • Onthou naskoolse aktiwiteite en koop voorraad van T-hemde, kortbroeke, ekstra sokkies en oefenskoene. • Moenie onderklere vergeet nie! • Neem jou kind saam om skoolklere wat hulle ontgroei het, te skenk en…

1. Bestuur verandering Verandering kan moeilik wees vir kinders, of dit nou ’n begin by ’n nuwe skool is of trek na ’n nuwe huis. Om hulle dit te help hanteer, verduidelik wat gebeur in eenvoudige taal en moedig hulle aan om vrae te vra. Wees eerlik en oop met hulle. Deur hulle te help om ’n nuwe roetine te vestig kan ook ’n gevoel van stabiliteit herstel. 2. Hanteer teleurstelling Die lewe is vol op en af, en die sleutel is om te leer om teleurstelling te hanteer. Leer jou kind dis in die haak om ontsteld te voel oor ’n lae toetspunt of as hulle nie die eerste span haal nie, maar wys hulle ook hoe om daaroor te kom. Moedig hulle aan om oor hul gevoelens te…

NR. 184 daarenteen dagsorg dagvaar dankie dassie databasis debatteer definisie deftig dehidreer deksel delwery demokraat denneboom deodorant depressief dertien deurnat diens dieretuin diesel dieselfde digter dikbek diktatuur dinamo Dinsdag dispuut doelgebied doepa dogter dollar donderweer donkie doolhof draak drang drawwer dreun droewig dronk droom druis druiwetros druppel dubbelpunt Duitser dwarsfluit dwergie dwing OPLOSSING VERSKYN IN DIE UITGAWE VAN 30 JANUARIE 2025. SOEK VIR DIE SPELETJIENOMMER.…

Wanneer sy na haar kinders kyk, voel sy net onvoorwaardelike liefde en ’n intense dankbaarheid dat sy elke oomblik met hulle kan deel. Dat sy deur diep waters is om hulle in die lewe te bring, en hulle nou in haar arms kan vashou, was vir Francisca de Lilie (44) net genade. Jy kan in haar stem hoor en in haar oë sien dat dit nie ’n maklike pad was nie – trouens, met haar jongste is elke dag steeds ’n uitdaging, maar een wat sy met ope arms en ’n dankbare hart aanvat. Dié ma van Ravensmead in die Kaap se twee jongste kinders, Zac (15) en Dante (sewe maande), is albei vroeggebore. Haar swangerskappe het in ’n nagmerrie ontaard toe hoë bloeddruk haar moederskapsreis omvergegooi het. “O, dit…

Met hordes nuwe produkte op die mark en eindelose aanlyn grimeerlesse, kan dit nogal moeilik raak om te weet wat die regte volgorde is om makeup aan te wend. Daar is nie streng reëls nie (jou lipstick kan blusher ook wees) maar daar is wel ’n paar algemene riglyne vir makeup wat heeldag goed lyk. Só kan jy dit stap-vir-stap regkry. WENK: Voor jy jou grimeersakkie nadertrek, berei jou vel voor met goeie velsorg. ’n Skoon, bevogte vel sal help dat jou makeup beter aan jou vel kleef en nie deur die dag verdof of afsmeer nie. 1 DIE BASISLAAG Sommige grimeerkunstenaars glo velsorg en sunblock is genoeg, maar baie glo weer ’n basislaag (primer) is 'n moet om ’n skoon, gladde “skilderdoek” vir die res van jou makeup te skep.…

Daar is basiese skryfbehoeftes wat alle leerders nodig het, maak nie saak in watter graad hulle is nie. Dis potlode, penne, liniale, uitveërs, en ’n huiswerkboek. Koop hierdie items in grootmaat vir al jou skoolgaande kinders en om die grootste deel van die skooljaar te hou. • Hou jou oë oop vir spesiale aanbiedings op skryfbehoeftes wanneer jy ook al inkopies doen, dan sal jy nie winskopies misloop op spesifieke items soos kleurpotlode, kryte en koki’s vir die kleintjies, gom, viltpenne en natuurlik ’n potloodskerpmaker nie. • Jou kind sal ook ’n potloodsakkie nodig hê of ’n klein houer om die skryfbehoeftes in te bêre. Maar vind by die skool uit of hulle spesifieke reëls het oor potloodhouers of sakkies. Die gebruik van ’n houertjie of sakkie vir hierdie items…

EGTE LEER HOU 4 KEER LANGER!…

Skildklier-issues Dokter, wat is die algemeenste simptome van thyroid disorders? Hoe word dit gediagnoseer, en is dit geneties? CECILIA Antwoord BESTE CECILIA Die skildklier/tiroïed (thyroid) in die nek is ’n endokriene klier. Dit maak en stel hormone vry wat ander selle of organe reguleer. Afwykings kom voor as dié klier te veel of te min hormone maak. Die twee hooftipes tiroïedsiektes is hipotireose (onderaktiewe skildklier) en hipertireose (ooraktief). Verskeie toestande kan tot elkeen lei. Die simptome van tiroïedsiektes word meestal in twee groepe verdeel: dié te doen met te veel tiroïedhormoon (hipertireose) en dié met te min (hipotireose). Dié simptome is dikwels “teenoorgesteld” in die twee toestande. Dís omdat hipertireose jou metabolisme versnel en hipotireose dit vertraag. ’n Vergrote skildklier (‘n goiter) is meer algemeen in hipertireose, maar kom wel…

SMS OM IN TE SKRYF! VOLTOOI: Dié Kanadese superster het onlangs vir die eerste keer pa geword en hy stry teen Ramsay Hunt-sindroom. SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 5 Februarie 2025. SMS/R1,50. Die oplossing verskyn in die uitgawe van 27 Februarie 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 5 FEBRUARIE 2025. GEEN WHATSAPP-BOODSKAPPE WORD MEER AS INSKRYWING AANVAAR NIE.…

’n Mens se besonderhede is deesdae oral. As jy êrens wil in-log, moet jy al jou besonderhede intik: identiteitsnommer, adres, gade se naam, provinsie, naasbestaandes. Amper jou bloedgroep ook. Sedert ek my eerste ID en bankkaart laat maak het, dra ek dit as ’n reël in my beursie, saam met my rybewys, mediese fondskaart en verskeie lojaliteitskaarte. Ek het altyd gedink as ’n skurk sy hande op my beursie kry, kan hy my hele identiteit steel. En toe word daardie vrees so byna waar. Ek en my vrou gaan by ’n vriend kuier en besluit ewe wys om eerder ’n Uber te bespreek vir die gaan en weer een vir die terugkeer. Ná ’n lekker braai en kuier kom ons redelik vroeg by die huis en omdat ons die Saterdag…