Innholdsfortegnelse for 5 December 2024 i Kuier

Sjoe, die jaar was láánk! Almal se moeg is moeg en hulle tel die dae af tot dit festive hie‘buite is. Dié uitgawe is amper ‘n maand lank op die rak en ons almal weet mos hoe ons lesers oor ‘n stukkie Kuier is, so ons wou hierdie Desember vir julle ‘n ekstra bederf gee. En, mense, is julle asmapompies en kalmeerpilletjies op standby? Want die mense van die gewilde sepie Suidooster het hul lywe model gehou en laat omtrent die kwik styg in ons sexy kalender vir 2025, wat by dié uitgawe ingesluit is! Toe ons laas jaar aan ons Suidooster KuierCombo gewerk het, het ons ‘n sexy shoot met die manne van Ruiterbosch gedoen. Dís toe die saadjie vir ‘n sexy kalender geplant is. Suidooster was in, ‘n…

MY LEWE As jy al ’n draai by die bekende blommemark in Adderleystraat in die Kaapse middestad gegooi het, het jy vir seker al kennis gemaak met die immergewilde Faldielah “Dielah” Gamieldien (56). Faldielah, van Grassy Park in die suide van dié stad, is een van die bekendste blommeverkopers in die Kaap en verkoop al die afgelope 41 jaar lank blomme hier. Nie net is sy ’n meester van haar kuns wat die saamstel van die perfekte bos blomme betref nie, maar sy’s ook glad nie op haar mond geval nie. Dié vrou het immers al menige keer op sosiale media ge-trend vir haar sêgoed, skerp tong en politieke uitlatings. Wanneer jy dié ma van sewe vra oor haar eerste herinnering by die mark, lag sy lekker voor sy verklap…

Dié sjiek en elegante vrou kan jy nie miskyk nie. Op sosiale media straal die stylvolle Yasmin Furmie selfvertroue uit in haar modekeuses en as jy met dié influencer en ontwerper gesels is dit duidelik sy’s ’n vrou wat haar plek vierkantig in die wêreld volstaan. Elke uitrusting wat sy deel, is ’n uitbeelding van haar bold persoonlikheid, en een ding is seker: Jy kan haar nie in ’n boksie plaas nie. Dié ma van twee daag sosiale norme uit en glo jy kan jouself op enige ouderdom uitleef. En dis presíés wat sy nou doen. Sy leef tans haar modedroom uit – die einste droom wat sy eers regtig verken het in haar 50’s, ná sy vir eers haar rol as ma volgestaan het. En op 61 is daar…

HUL EIE KLEIN FOKUSMUUR Rig ’n ruimte in die huis in waar jou kunstenaartjie kan werk en skep. Bêre gereedskap en voorraad in bokse of ’n trollie. En stal dan die jongste kunswerke by dié “studio’tjie” uit. KOMBINEER DIT MET ANDER KUNS OF GESINSFOTO'S Sit jou kind se kuns in rame tussen ander kunswerke of familiefoto’s. Dit sal hulle trots en gelukkig maak om iets wat hulle self geskep het, as deel van die huis se dekor te sien. In die leefvertrek hieronder vorm die TV deel van die galerymuur. RAAK KREATIEF MET KNIPBORDE Gebruik knipborde wat teen die muur vasgeheg is (’n goeie double-sided tape behoort goed te werk hiervoor) om kunswerke uit te stal. Die sketse kan ook makliker vervang word. Rangskik die knipborde in ’n ry of…

Hy spog met 'n vuurmaakhoutbesigheid wat onder meer aan die vyfster- Mount Nelson-hotel in die Kaap hout verskaf, en hy't al op Parys in Frankryk se catwalks gepronk in skeppings van wêreldbekende ontwerpers. Party sou sê hy is met die silwer lepel in die mond gebore. Maar dís allermins die geval. Jaden Hoedemaker (24) vat nie sukses vir granted nie. Hy glo slegs harde werk, uitmuntende werk-etiek, professionalism en betroubaarheid kan jou ver vat. Hy gesels met Kuier op ’n vars somersoggend vanuit sy huis in Retreat in Kaapstad. Jy voel sommer dadelik gemaklik in sy geselskap. Hoewel sy van, Hoedemaker, jou laat glo dié ou is Afrikaans, verkies hy Engels. Dis sy grootword- en dink-taal, en die een waarin hy meestal sake doen. Sy glimlag strek van oor tot…

My Kerswense vir almal is hope liefde en genoeg van alles met ‘n bietjie wat jy nog met minderbevoorregtes kan deel, want dit bring vreugde. Een van my jaar se hoogtepunte was om 70 te word. Dit was darem ’n ding! Ek is dankbaar dat my gesondheid nog goed is en al my geliefdes nog met my is. DENISE NEWMAN, SUIDOOSTER-AKTRISE Ek is die oudste in die kerk en almal noem vir my Mamma. Ek wil vir almal ’n geseënde Kersfees en voorspoed vir die nuwe jaar toewens. Mag God julle seën met Sy magtige hand. My hoogtepunt was elke Kuier-uitgawe – dit bring vir my geluk. En om die Woord in my kerk te verkondig. MIETJIE EIMAN, KUIER-LESER My Kerswens is om gesellig te wees met wie nog hier…

Nevermind die snikhete dag, dis dié drie wat die kwik opjaag hier tydens Kuier se voorbladsessie. Want hier op ’n geankerde catamaran by die V&A Waterfront, smeul dié Suidooster-sterre! Adonisse Eden Classens en Craig Adriaanse het met daai gespierde kaalbolywe die oë omtrent laat rek en die koppe het gedraai toe die beeldskone Lauren Joseph by hulle aansluit in haar bloedrooi baaibroek. Juicy, Gary en Zoë . . . hot verby en net die regte doepa vir seer oë! Dié twee is wonderlike, gawe mense en dis regtig lieflik om saam met hulle te kan werk, sê Lauren (34). “Hulle is natuurlike akteurs en laat alles altyd so maklik lyk voor die skerms. Ons verhouding gaan oor respek.” Met dié lyfie van nou erken Lauren sy was nie as jongmens…

INSPIRASIE Hulle sorg elke jaar dat tienduisende kinders landwyd ook weet hoe dit voel om ‘n geskenkboks vol splinternuwe geskenke te ontvang. Die Santa Shoebox Project is egter net ‘n deel van wat hulle doen. In die ander ses maande lei dié groep wonderwerkers onderwysers op, bou skole en rig leeshoekies op in gemeenskappe wat dit nie kan bekostig nie. En hulle werk strek selfs tot in gebiede wat moeilik bereikbaar is. Vir Debbie Zelezniak (55), hoof van die Santa Shoebox Project (SSP), het haar werk by dié organisasie haar lewe op vele maniere verryk. Hoewel dit haar voltydse werk is, sien Debbie dit nie as werk nie. Dit maak haar hart en haar lewe vol. Sy gesels met Kuier vanaf haar kantoor in Constantia in die Kaap oor dié…

STAATMAKER-BRAAIHOENDER & BRAAI-AARTAPPELS Genoeg vir 4 mense BESTANDDELE ¼ koppie botter 1 heel hoender varsgemaalde peper sap van 1 suurlemoen 500 g baba-aartappels 2 eetlepels olyfolie 2 eetlepels seesout-flakes gerasperde skil van 1 suurlemoen 1 eetlepel vars rosemary, gekap Ui 1 eetlepel botter 1 eetlepel olyfolie 1 ui, in skyfies gesny METODE Voorverhit die oond tot 230°C. Bespuit ’n bakplaat met kossproei. ■ Druk die botter onder die vel van die hoender in. ■ Meng die seesout-flakes, skil en rosemary goed en vryf oor die hoender. Geur met die peper en sit dit op die bakplaat. ■ Sprinkel die suurlemoensap oor en braai vir 15 minute. Verlaag die oondtemperatuur tot 180°C en pak die aartappels rondom die hoender. Giet die olie oor en braai vir nog 45 minute. As die hoender te bruin raak, bedek met foil. Ui ■ Braai die…

‘My kind slaap nie oor' Vraag OORSLAAP TABOE My sewejarige begin ál meer vra vir sleepovers by maats. Dis nie iets wat ek en my man gaan toelaat nie – die lewe is te gevaarlik. Maar ek het al met ’n mond vol tande gesit as die ander ouers direk vra vir ’n sleepover. Ek wil nie aanstoot gee nie, maar ek kan nie my kind op hul most vulnerable – slapend – in ‘n vreemdeling se sorg laat nie. Hoe kan ek op ‘n mooi manier sê ons doen dit nie? BEKOMMERD Antwoord BESTE BEKOMMERD Die lewe is baie vinnig en gevaarlik. As jy nie gemaklik voel met jou kind wat oorslaap nie, sê net “nee”. En as die een bly vra, kan jy sê hoekom. Daar’s deesdae ’n…

Jou brein kan, nes ’n vliegtuig, vanself “vlieg” – op “autopilot” wees – terwyl jy dagdroom. Dit kan jou tot dieper insig lei. “Die outostuur weet waarheen jy regtig wil gaan en wat jy regtig wil doen,” sê Andrew. “Maar al manier om uit te vind wat jou outostuur weet, is om op te hou om self die vliegtuig te vlieg en jou outostuur toe te laat om jou gids te wees.” Laat jou byvoorbeeld toe om soms, wanneer jy terug by die werk is, by die venster uit te staar en oor jou volgende vakansie te dagdroom. Só kry jy dit reg: ◗ Staan jy op met hanekraai of is jy 'n naguil? Almal word met ’n dag- of nagritme gebore – dis die tyd wat jy die produktiefste…

NR. 182 Soek al 50 vanne op die lys langsaan in die tabel hieronder. Hulle lê horisontaal, vertikaal en diagonaal. Abrahams Adams Adendorff Adriaanse Africa Appolis Badenhorst Benade Biko Bruwer Cloete Coetzee Davis De Wet Dlamini Ebrahim Engelbrecht Fourie Geduld George Hendricks Jacobs Jantjies Joseph Karelse Keller Khumalo Klein Lottering Lubbe Martin Meyer Mokoena Mouton Muller Naude November Otto Paulus Petersen Prins Ramaphosa Sedras Strydom Symonds Syster Valentine Van Niekerk Van Rensburg Visagie OPLOSSING VERSKYN IN DIE UITGAWE VAN 2 JANUARIE 2025. SOEK VIR DIE SPELETJIENOMMER.…

Dit was van jongs af my hartsbegeerte om eendag ’n huis vol kinders te hê. My drome het eerlikwaar nooit ’n man ingesluit nie. Almal om my het geweet ek wou graag ’n non wees. Ons was so ’n paar (my suster, Margareth, ’n paar niggies en jeugmaats inkluis) wat oor ’n huis vol kinders – nogal by die see – gedroom het. Ek wonder baiekeer wie van hulle nog daai kinderdrome van ons onthou, vir “eendag as ons groot is”. Oor die jare heen het elkeen natuurlik hul eie rigting ingeslaan. Dinge het nie alles uitgewerk soos ek gedroom het nie, maar dit het grotendeels waar geword. Ek het toe nie ’n non geword nie, maar ná skool my eie dagsorgsentrums in verskillende dorpe geopen en bestuur. Ek’t ook…

Kersfees is ’n storie van aanbidding van die uniekste persoon wat al ooit die wêreld binnegekom het: Jesus Christus. In hoofstuk 2 van Matteus kom die sin “om aan Hom hulde te bewys” baie voor. Wat vir Jesus so uniek maak om volkome aanbid te word, is dat Hy volledig God is. In werklikheid beeld die naam van die Here, Jesus Christus, sy volle identiteit uit en dit gaan alles oor aanbidding. Ek glo – en het al gesien – dat hoe ons voel oor God sal wys in ons aanbidding. Matteus vertel die storie uit die oogpunt van Jesus se heerskappy, as Koning van Israel. Elke evangelie vertel die storie so ‘n bietjie anders, want daar word klem gelê op ander elemente van die geboorte van Jesus. Ek wil…

SUID-AFRIKA 1. ‘n Grootskaalse soektog is van stapel gestuur toe die sesjarige Joshlin Smith op 19 Februarie in Saldanhabaai aan die Weskus verdwyn het. Haar verdwyning het landwyd opskrifte gehaal veral toe haar ma, Kelly Smith, gearresteer is vir haar dogter se verdwyning. Wat is die naam van die plakkerskamp waar Joshlin gebly en laas gesien is? 2. Op 6 Mei het ’n deels-geboude woonstelblok in watter Wes-Kaapse dorp inmekaargestort en 34 lewens geëis? 3. Die manskoshuis Wilgenhof by die Universiteit Stellenbosch is onlangs gesluit ná ’n rasherrie en dit aan die lig gekom het dat hulle ’n omstrede nieamptelike dissiplinêre komitee gehad het. Wat was dié tugkomitee se naam? 4. Die moord op die Wes-Kaapse leerder Deveney Nel (16) het skokgolwe deur die land gestuur, veral toe ’n 17-jarige…

"Kos is my passie – dis die ding wat vir my my identiteit gee. Al wat ek buiten dit ken, is gangsterism.” Só beskryf Moegamat Ebrahiem du Toit, alombekend as “Sjef Ebie”, die lewensveranderende rol wat kos in sy lewe gespeel het en steeds speel as hoofsjef by die Potluck Club-restaurant in Johannesburg – ‘n lewe wat ligjare verwyderd is van sy grootwordjare… “Hou gou die grill vir my dop,” sê hy aan een van sy personeellede voor hy begin gesels oor sy kinderjare wat “baie, baie moeilik” was. Die 27-jarige Ebie het nie met ’n ma en ’n pa grootgeword nie. Hy was ’n ouma-kind wat saam met sy jonger sussie en niggie in Eastridge in Mitchells Plain by hul ouma Zainap Daniels gewoon het. Destyds het Ebie nie…

MINIWORSIES MET DIE LEKKERSTE DIPS Genoeg vir 8-10 mense BESTANDDELE 500 g miniworsies of wors in stukkies gesny Avo dip (lewer sowat 500 ml) 2 avokado’ s ½ koppie creamed cottage cheese 1-2 knoffelhuisies 1-2 chillies handvol vars dhanya sap van 2 suurlemoene sout en swartpeper Basil dip (lewer sowat 300 ml) 2 teelepels olyfolie 1 knoffelhuisie, fyngedruk 3-4 sundried tomatoes in vinaigrette, gekap 115 g cream cheese, saggemaak ¼ koppie parmesan, fyngerasper 1 eetlepel basil pesto vars basil, gekap METODE Avo dip ■ Meng al die bestanddele in ’n food processor tot glad. Bedek en hou in die yskas. Basil dip ■ Verhit die olie in ’n pan, voeg die knoffel en tamaties by en stir fry vir 3-4 minute. ■ Meng die cream cheese, parmesan, basil pesto en vars basil. Voeg die tamatiemengsel by en roer tot deurgemeng. ■ Bedek…

DOKTER Wonder oor noedels Dokter, daar is deesdae allerhande “ramen” noodles, of soos ons dit noem, “2-minute noodles”, beskikbaar. En met die sente wat knyp is dit soms ál wat ’n mens kan bekostig. My dogter (15) eet dit partykeer as twee uit haar drie maaltye vir die dag. Hoe voedsaam is dit? Is daar nie te veel sout in nie? Kan ’n mens dit “gesonder” maak as jy jou eie goedjies byvoeg? DINA Antwoord BESTE DINA Die gerief en lae koste van 2-minutenoedels maak dit vir talle ’n stapel – daar is altyd ’n pakkie of twee in die koskas. Hoewel dit nie baie kalorieë bevat nie, moet dit nie in oormaat geëet word nie. Dit is beslis nie gesond om dit twee keer per dag te eet nie,…

In ons lewens is daar mense wat kom en gaan. Sommige is vlietend, maar daar is ander wat ’n onuitwisbare merk laat. Hulle bou, dra, en vermaan jou, en wil net die beste vir jou hê. Dié mense, uitkyk-anties (en selfs -ooms), kry baiekeer nie die erkenning in hul gemeenskappe of families wat hulle verdien nie, maar hulle is stilweg besig om lewens te verander. Toe Melanie May (40) van Wellington haar broerskind, Nathan Jacobs (21), se sporttalent gesien het, wou sy hom help om sy gawe ten volle uit te leef. Sy sê Nathan se ouers is betrokke in sy lewe, maar weens omstandighede het hy aanvanklik by haar ouers gewoon. Toe haar pa drie jaar gelede sterf, het sy en haar man, David (43), hom ingevat. “Nathan het…

■ Neem meer foto’s sodat daar meer opsies is om van te kies. Die kanse dat daar ’n paar oop-oog-foto’s is, is groter as jy nie net twee neem nie. ■ Let op na klein details, soos of haar hare uit haar gesig is en of haar klere mooi reggetrek is. ■ Maak ’n grappie – al is dit ’n flou een – wat haar sal laat lag of smile op ’n natuurlike manier en neem dan die foto. ■ As dít winderig is, laat die wind van voor af waai as jy die foto's neem. ■ Kyk ook wat is direk agter haar -moenie dat daar 'n palmboom uit haar kop groei nie! ■ En wees 'n bietjie meer entoesiasties, ouens! It goes a long way.…

NR. 248 SAAMGESTEL DEUR: PENPRET FOTO’S: GALLO IMAGES/GETTY IMAGES EN INSTAGRAM/@STANLEYTUCCI, @LADYGAGA, @SELENAGOMEZ, @LILNASX, @SHANIATWAIN VRAAG: Watter akteur verskyn in Die Hard, die aksiefliek wat in 1988 uitgekom het en ook as 'n 'Kersfliek' gesien word? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 8 Januarie 2025. SMS/R1,50. Die oplossing verskyn in die uitgawe van 30 Januarie 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 8 JANUARIE 2025. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF! WEN R1000!…

NR. 300 WEN R350 KONTANT! ¿ VRAAG: Op watterberg het Noag searkop die 1ste dag van die 1ste maand stilgestaan? SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Bybel-blokraainommer na 42508 voor 8 Januarie 2025. SMS/R1,50. Die oplossing verskyn in die uitgawe van 30 Januarie 2025. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONK-LIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 8 JANUARIE 2025. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…