Innholdsfortegnelse for 20 June 2024 i Kuier

Soos ek hier tik, voel die afgelope week vir my net soos een groot blur. Twee grotes in ons familie het geval –my ouma, en net twee dae later (en ‘n dag ná haar begrafnis) kom die skoknuus dat haar jonger broer ook nie meer met ons is nie … My ouma, Miriam Meyer (88), oftewel antie Mempie, soos almal haar geken het, was ‘n force. Sy het die lewe geskenk aan vier dogters en nog talle ander kinders ook onder haar vlerk geneem. Sy was ‘n skooljuffrou en ‘n wiskundeboffin (ek het nie haar knack vir syfers geërf nie!) wat my jonger suster as kind gereeld laat sweet het wanneer sy haar sommer so in die ry karre se registrasienommers laat optel het! Sy kon ook die lekkerste eetgoed…

INSPIRASIE Vir die grootste deel van sy jong lewe onthou hy nie ’n mammie wat voorheen kon sien nie – selfs al was Jair February (11) byna ses toe sy ma, Velindie, ses jaar gelede haar sig begin verloor het. Nou wil hy alles in sy vermoë doen dat sy nooit uitgesluit moet voel nie, en veral nie op hul familie-speletjiesaande nie, sê dié slimkop van die Laerskool Panorama in die Kaap. En só word Velindie toe die inspirasie agter Jair en twee ewe slim maatjies se wen-robotikaprojek: ’n skaakbord vir blindes. Hy't dit sommer ook ingespan om sy ma te leer skaak speel. Die driestuks het as Team Checkmate die bord (voorlopig The Blind Board gedoop) saam met die robotika-afrigter, Marlize Keyser, ontwerp. Laas jaar het hulle ingeskryf vir…

PROFIEL Sy het net mooi nêrens heen verdwyn nie. Terwyl sy effe stiller was, het sy nog al die pad geskep – selfs al het aanhangers gewonder of Claudia Britz (31), oftewel Yoma, koebaai gesê het aan die musiekwêreld. “Ek het nooit ophou werk nie,” vertel sy aan Kuier. “Ek kan nie stagneer nie. As ek moet stagneer, dan gaan ek dood,” sê dié rapper met die babyface vanuit haar tuisdorp, George, waar sy weer ’n holte vir haar en klein Engel (6) se voete gekry het. Ja, erken Yoma, sy hét effe laaggelê, maar is nou weer terug op haar socials met ’n bang. En dit gaan voor die wind, met dié dat ons haar stem weer hoor op TV in die nuwe dramareeks Juffrou X. Yoma het die…

RIHANNA & A$AP ROCKY Riri (36) hou van eksperimenteer as dit kom by haar klere. Sy hou by aardse bruin vir haar korsettoppie en wyepypbroek, en rond dit af met ’n lekker woljas in dieselfde kleur. Sy bring ‘n spatsel kleur in met haar satynkopdoek. Intussen speel haar rapper-kêrel (35) dit veilig in alles-swart. Maak ’n kleurvolle kopdoek die uitstaanitem van jou look. JUSTIN & HAILEY BIEBER Die sanger en sy model-vrou hou dit gemaklik as hulle die strate invaar. Justin (30) dra ’n lospassende wit broek by ekstras met aardse kleure, terwyl Hailey (27) blou jeans afrond met ’n donkerder skakering bruin top en baadjie. Modieuse sonbrille gee hul look daai ekstra cool-faktor. Baggy jeans trend weer en kan met basies als van kleurvolle tekkies tot pumps en boots…

Geen samewerking Vraag DOGTER RAAK ’N LAS Antie Val, ek soek raad. My laaste dogter en haar twee kinders bly nou al vyf jaar by my. Ek is soms baie moedeloos, want sy gee nie haar samewerking in die huis nie, en sy moedig ook nie haar kinders aan om dít te doen nie. Ek wil haar nie aanstoot gee nie, want sy is baie sensitief. Hoe maak ek? ANONIEM Antwoord BESTE ANONIEM Jy sit nou al vyf jaar met dié probleem en jy worry meer oor haar wat sensitief is. Jy doen reeds so baie vir haar en jou kleinkinders, so hoekom is jy bang om iets te sê oor hoe sy dinge tuis doen? As iemand vir my en myne hul deur oopmaak, sal ek als doen om…

Wat kinders reeds vroeg oor finansies leer, kan lewenslange gewoontes vorm. Lê dus ’n goeie grondslag. “Uit my werk met kinders van verskillende ouderdomme en agtergronde is dit duidelik ouers leer hulle soms swak geldgewoontes,” sê Eunice Sibiya, ’n finansiële afrigter. “Al wil ons ons kinders teen die wêreld van geld beskerm, kan so ’n benadering hulle later benadeel in terme van hoe hulle hul eie finansies hanteer.” Maak jy ook dié vyf algemene foute wat jou kinders en geld betref? 1 Jy beskerm hulle teen geld As jy dít doen, “sit jy hulle dalk onbedoeld op die agtervoet”, sê Eunice. “Maak hulle eerder so gou moontlik vertroud met eenvoudige finansiële begrippe.” As hulle nog taamlik jonk is, kan jy byvoorbeeld jou kinders saam by die kassier laat toustaan en…

PODCAST THAT'S JUST WEIRD Beskikbaar op Spotify, Apple Music of enige podcast-app Dis ’n podcast oor al die vreemde dinge wat vandag en destyds gebeur het, wat jou soos Tyla gaan laat sê: “What the heck!?” In elke episode kry jy die jongste, vreemdste nuus gemeng met wilde historiese dinge wat jou sal laat “SMH” en “OMG” . Soos die storie van die ou van New York wat ’n klomp eekhorings rooi geverf het oor hulle verwoesting saai op sy erf. En die biblioteek in Massachusetts wat jou boeke-skuld afskryf solank jy betaal… met ’n katfoto. Dis die soort podcast wat jy heeltyd vir jou vriende en familie gaan wil quote. MUSIEK YG MARLEY Hy's die jongste familielid wat die Marley-naam laat voortleef. YG is die agterkleinseun van die reggae-ikoon…

NR. 170 arend bewer bobbejaan boomslang brommer dassie duisendpoot eekhoring erdvark gemsbok gorilla haai jakkals kakkerlak kameelperd kangaroe knopiespinnekop kobra krokodil luiperd mier mierleeu mossie muishond olifant padda pikkewyn pofadder renoster rooikat salamander sebra seekat seekoei skilpad skoenlapper slak snoek snuitkewer sonbesie spreeu springbok sprinkaan takbok toktokkie veldmuis vink vrugtevlieg walvis wolf OPLOSSING VERSKYN IN DIE UITGAWE VAN 4 JULIE 2024. SOEK VIR DIE SPELETJIENOMMER.…

BÔLL & ÔLL Bôll & Ôll is die kanaal se eerste Afrikaanse rugbygeselsprogram, met JP Keyter en Ashwin Willemse as aanbieders. Dis JP se geesteskind en is deur sy maatskappy Blue Avo Communications vervaardig. Die program fokus op die rol van klub-rugby en met JP as ’n gesoute TVen radioaanbieder en Ashwin met sy wortels in Boland-klubrugby, is hulle die perfekte aanbieders. Daar kuier ook elke week 'n rugbyster saam. SONDAE OM 18:30 OP EEXTRA (DSTV-KANAAL 195) JA, DADDY KAN LEKKA EET Ja, Daddy kan lekka eet is ’n gesinsvriendelike Bo-Kaapse kosprogram met pa en dogter Yusuf en Thameenah Daniels agter die kospotte. Hulle tower die heerlikste disse op. “Dis ’n kombinasie van smaaklike geregte en waardevolle lewenslesse wanneer ’n pa sy dogter wyshede leer terwyl hulle saam pret het…

Dis ’n gevoel waarmee meeste van ons maar alte bekend is: Om te voel jy is in ’n donker put van oorrompelende emosies, afgesonder en daar is niemand wat jou verstaan nie. Jy word ’n gevangene van jou eie gedagtes; vasgekeer op ’n seer plek wat nie met die blote oog gesien kan word nie. Slegs wanneer jy jouself toelaat om te rou oor wat jou ontneem is of wat verlore gegaan het – of dit ’n gebroke verhouding met ’n familielid, loopbaanteleurstellings, die pyn van trauma uit kinderjare of selfhaat oor herhaalde foute is – kan jy daarvan loskom. Die herinneringe wat jy doelbewus én onbewus koester van vorige weergawes van jou as mens het ’n groot impak op hoe jy jou huidige realiteit en toekoms ervaar. As ons…

IRSHAAD ALLY (46) Suidooster-akteur My pa, Sedick, word onthou vir sy goeie sin vir humor en ek probeer dieselfde humorsin in my huis as pa toepas. Vir my beteken vaderskap om te leer en te lei en ook luister, die pad aan te wys, maar ook die voorbeeld te stel, en om daar vir jou kinders te wees soveel jy kan. Dis vir my belangrik om my dogters te leer om onafhanklik te wees en dinge vir hulself te doen. RUDY PAIGE (34) Rugbyspeler en podcaster My mooiste herinnering is om saam met my pa (Johannes) rugby te kyk. Vaderskap beteken om vir my gesin te voorsien en hulle die geleentheid te gee om van die mooier dinge in die lewe te geniet en om altyd ’n goeie en gesonde…

WARE LEWENSDRAMA Hy het daai dag tronk toe gegaan om die man te konfronteer wat weens sy ma se moord vasgetrek is. “Ek was gereed om hom die leviete voor te lees; to speak my mind,” vertel Dexter Kannemeyer terwyl hy na die rustelose see hier by Gqeberha se Somerstrand staar. Maar daar in die besoeksentrum het iets anders oorgeneem. “My hart het klein geword toe ek hom daar agter die glas in sy tronkoorpak sien staan,” want dit was sy eie pa, en “ek is steeds sy seun”. Met ’n soort dubbele verdriet – die verdriet oor sy ma én oor sy pa – erken Dexter hy kon die man in die tronk nie daardie dag verwerp nie. “Ek bejammer hom.” In sy verhoor het Colin Kannemeyer (58) in…

Team Checkmate is een van net twee SA spanne wat in Australië gaan deelneem, en een van net vyf spanne wat na die wêreldwye kompetisie gaan. “Dis een van die grootste robotika-kompetisies ter wêreld. Elke jaar is daar ’n ander tema en vanjaar s'n is ‘Masterpiece,”’ sê Marlize Keyser, eienaar van Booster Kids en hul spanafrigter. Die kinders het navorsing gedoen en uitgevind daar is wel ’n skaakbord vir blindes, maar dis glad nie goedkoop nie. “Met daai een moet elke speler sy posisie kommunikeer aan sy opponent. En daarom het hulle besluit op magnete aan albei kante van die bord. Dan hoef ’n speler nie hul posisie te kommunikeer nie. Die span gaan ook in die laaste week voor ons vertrek, teen die blinde leerders by die Pionierskool op…

Wanneer hulle nie hul ding as akteurs op die kassie doen nie, maak dié twee lovebirds saam kos, of dans op die maat van ou jazzliedjies in hul voorkamer. Sorgeloos en verlief – wanneer daar die dag tyd is tussen hul besige skedules! Dean Balie (34) is tans te sien in die splinternuwe dramareeks Kelders van Geheime op e.tv, en sy vrou, Bianca Flanders Balie (34), boer ook tans op die kassie. As sy nie doenig is met haar kinder-teaterproduksie, Pampoenpit, wat gegrond is op die gelyknamige boekreeks nie, is sy te sien as Julia in Shimmy Isaacs se nuwe sitkom, Mince Jou Hare, en die berader Viola Barends in die dramareeks Juffrou X. Bianca is oorspronklik in Oos-Londen gebore en het in Rondebosch in die Kaap grootgeword. Dean is…

Voel jy soggens moeg en knorrig as daai wekker blêr vir werk? Jy't so te sê geen krag vir opstaan nie. Die kanse is skraal dat jy die blaam gaan plaas waar dit hoort: daai hamburger, slaptjips, gaskoeldrank en hele slab tjoklit wat jy kort voor slaaptyd weggeslaan het … Wat jy eet, maak ’n reuseverskil in hoe jy dink en voel. Jou brein en al jou ander organe het die regte kosse nodig. Die kosse op ons lysie kan onder meer jou geheue help verskerp en jou gesondheid bevorder. AVOKADO'S VIR BLOEDVLOEI Voedingstof Uitstekende bron van mono-onversadigde vet, wat een van die hoof-bygevoegde vette in die Mediterreense dieet is. Hoeveel ¼-½ klein avokado per dag. Hoekom Mediterreense eetgewoontes is goed vir hartgesondheid en help keer agteruitgangsiektes soos Alzheimers en…

SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 10 Julie 2024. SMS/R1,50. Die oplossing verskyn in die uitgawe van 1 Augustus 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 10 JULIE 2024. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF!…

KORTVERHAAL Tammy kan dit nie glo nie. Dis die pragtigste groen oë wat sy nog ooit gesien het, en hulle kyk stip na haar. Vir ’n paar sekondes (of is dit dalk minute?) verloor sy haar in daardie moerasse van fluweelsagte groen, wat voel asof hulle haar soos ’n magneet aantrek. Sy kyk nie eens na die persoon aan wie die oë behoort nie. Net die oë. Dan let sy iets op in daardie oë – ’n hartseer trek. Hulle sê mos ’n mens se oë is die deur na jou siel. Wat kon daardie pragtige oë soveel hartseer laat dra het? wonder sy. Sy voel skielik hartseer. Skielik hoor sy net: “Tammy!” Sy ruk soos sy skrik vir Bennie se gil nes hy voor om die taxi geloop kom.…

“Pappie, watch,” sê Jo-Ann Strauss (43) wanneer die kamera begin kliek. ’n Klipgooi verder kyk haar pa, Johann, met ‘n glimlag hoe sy meisiekind pose tydens hul voorbladfotosessie Johann (66) trek deurentyd los met ’n grappie terwyl sy beeldskone dogter, wat 24 jaar gelede ons Mej. Suid-Afrika was, kop agteroor vir sy geskerts lag. “Sy het as kind op en af op die bed gespring en gemaak of sy een of ander presenter is,” vertel hy. “Ja, dis waar,”, sê die borrelende Jo-Ann. “Ek het sommer wat ook al langs die bed gelê het as ’n mic ingespan.” Johann se groen oë blink van trots wanneer hy van sy meisiekind, deesdae hul enigste lewende kind, praat. Hy en Ingrid (65) se krulkop is dan ‘n gesogte internasionale gasspreker, sakevrou, voormalige…

Deelnemers aan die Mej. SuidAfrika-kompetisie het deur die jare met hul verskillende voorkomste, ouderdomme en persoonlikhede ingeskryf. Maar een ding het hulle feitlik almal gemeen gehad: Hulle kon moeiteloos in swemdrag en aandrokke op die verhoog paradeer met hul lenige bene, lang treë en foutlose balans ten spyte van hul hoë hakke. Laura Wagner- Meyer (25) wou die uitsondering wees. Kyk ’n mens na ’n kop-en-skouers-video van haar, sien jy aanvanklik niks wat verklaar hoekom dié deelnemer aan vanjaar se kompetisie mense aan die praat gehad het nie. Sy is ’n brunet met olyfkleurige vel, ’n breë glimlag en donker amandel-oë. ’n Klassieke skoonheid. Maar zoom jy uit om haar vollyf te sien, sien jy iets wat nog nooit op die Mej. SAverhoog gewaar is nie. Sy is kort, ja…

IN DIE KOMBUIS OORNAGPIZZA MET TUISGEMAAKTE PASSATASOUS (MARGHERITA PIZZA) Genoeg vir 8 middelslag pizzas BESTANDDELE Deeg 2½ koppies louwarm water 1 teelepel suiker 1 x 10 g-pakkie kitsgis ¼ koppie olyfolie + ekstra vir bak 1 kg broodmeel + ekstra vir strooi 2 teelepels sout Tamatiesous 2 eetlepels olyfolie 1 ui, gekap 2 knoffelhuisies, gekap 2 ansjovisfilette, fyngekap (opsioneel) ½ teelepel vars of droë tiemie 4 sundried tamaties, fyngekap 2 x 410 g-blikke kersietamaties 1 teelepel suurlemoensap ½ teelepel suiker sout en varsgemaalde peper Afronding olyfolie 200g mozzarella, in skyfies gesny of gerasper vars basil-blare METODE Smeer ’n diep mengbak met ’n bietjie olie. Strooi ’n paar bakplate liggies met broodmeel en hou eenkant. Deeg ■ Meng 1 koppie louwarm water met die suiker en kitsgis. Laat staan 30 minute lank, of tot die gismengsel begin skuim op die oppervlak. ■ Meng die…

Wat is ’n ‘leaky gut’? Vraag LEKKENDE DERM Dokter, ek is ’n man in my middel-40's en het onlangs uitgevind ek het leaky gutsindroom. Kan u my meer hieroor vertel? ’n Stresvolle leefstyl en ongesonde dieet was van die oorsake. Wat is die ander oorsake, en is dit omkeerbaar? ANONIEM Antwoord BESTE ANONIEM Lekkende derm (leaky gut) is ’n teoretiese gesondheidstoestand eerder as ’n mediese kondisie. Dit verwys eintlik na verhoogde derm-deurlaatbaarheid. Almal se ingewande is semi-deurlaatbaar – die slymvliese van ons ingewande is so ontwerp om water en voedingstowwe uit die kos wat ons eet tot in ons bloedstroom te absorbeer, maar sommige mense het verhoogde intestinale/ derm-deurlaatbaarheid. Dit beteken dat hul ingewande meer water en nutrients deurlaat, oftewel “lek”. Studies wys dat mense met sekere chroniese maagdermtoestande het…

THE SPEEDY SIX OLYMPICS DEUR ROSLYNNE TOERIEN Het jy al gewonder watter dier die vinnigste is? Of watter dier ’n resies by die Olimpiese Spele vir diere sal wen? In hierdie boek kom Moeder Natuur se diere bymekaar om na dié resies te kyk. Die olifante gaan met hul trompette musiekmaak, en die skilpad is daar vir, wel, emosionele ondersteuning… Dan ontstaan chaos. Daar's ’n geknoeiery, ’n geskel, ontevredenheid en dinge wat (letterlik) struikelblokke is. Hoe gaan die resies eindig en watter lesse gaan die diere hieruit leer? KAPTEIN ONDERBROEK EN DIE INVAL VAN DIE KOELBLOEDIGE KOSTANNIES UIT DIE RUIMTE (ÉN DIE AANVAL VAN DIE EWE BOSE ZOMBIE-NERDS) DEUR DAV PILKEY In dié derde “maltrapboek” het George en Harold al vir amper almal in Leergierig Laer ’n poets gebak. Hul…

kykNET is ’n topgehalte-kanaal wat kykers boei met 100% plaaslik vervaardigde inhoud vir almal met ’n waardering vir Afrikaans. Oppi Noot, 21 Junie om 20:00 Ruan, Izél en Charlene is ons sangers wat teen mekaar uitsing in vermaaklike sanguitdagings. Ons gaskunstenaar is Cheswyn Ruiters. Met Emo Adams. Suidooster, 28 Junie om 18:00 Siya (Gantane Kusch) en Kate hou hulle lywe speurder, terwyl Aiden sukkel om vir Lisa te peil. Elana se teeblare lei tot ’n finale onthulling, en Riaan sien iets wat hom laat wonder.…

RAAK WYS MET … Brenden My pa sou vanjaar 80 geraak het. Hy is reeds in 2004 oorlede. John Benjamin Ruiter was ’n komplekse man van inbors en trots, maar in hierdie jaar wat hy 80 sou word, kyk ek terug op sy lewe en besef ek hy was ’n man van paradoks. Hy was ingewikkeld, maar tog ook die maklikste mens om lief te hê. En wanneer hy liefgehad het, was dit met oorgawe. As jy hom teleurgestel het, kon hy jou vermy asof jy ’n skaapkop by ’n vegetariese tafel is. Jy kan enige mens wat iewers my toppie raakgeloop het, vra wie Johnny Ruiter was, en elkeen sal jou ’n ander antwoord gee. Maar deur die bank sal hulle sê hy was ’n goeie mens. Aan die een…