Innholdsfortegnelse for 6 June 2024 i Kuier

Ek onthou nog soos gister die dag toe die media destyds in 2018 genooi is vir die launch van kykNET & kie se eerste Afrikaanse telenovela, Arendsvlei. Ons het almal bymekaargekom by 'n rooftop venue in die hartjie van die Kaap. My man was nog my plus-one daai aand. Hy's Engels, maar het die eerste twee episodes van Arendsvlei net so geniet soos ek. Dit was ’n storie oor ons mense, wat praat en lyk soos ons, en in hoofrolle is. Ons het nog almal kosblikkies gekry om die launch te vier, want die telenovela draai immers om 'n fiktiewe skool, die Hoërskool Arendsvlei. Ek onthou nog hoe ons almal ge-buzz het oor die telenovela. Almal was dit eens: Hie’ kom ’n hit. En dit was toe só toe Arendsvlei…

Die jeug is ons land se toekoms. Tog is dit kommerwekkend om van ons jongmense in morele verval te sien. Hulle kom te staan voor ’n verskeidenheid van uitdagings, wat groepsdruk, dwelm- en alkoholmisbruik, liefdes- en ook selfbeeldprobleme insluit. Dis moeilik om in vandag se lewe, veral in ons gemeenskappe, bloot net kind te wees. Psalm 119:9 gee hieroor ’n duidelike antwoord: “Waarmee sal die jongeling sy pad suiwer hou? Deur dit te hou na U woord.” Jongmense ondergaan emosionele en fisiese verandering, en is op soek na hul eie identiteit. Bye tye worstel hulle met vrae soos: Wie is ek? Wat is my doel op aarde? Wanneer ek met ‘n jongeling gesels, vra ek gewoonlik vir hulle: “Weet jy dat jy wonderlik is?” En baiekeer word ek verbaas of…

IN DIE KOMBUIS GEBAKTE VARKTJOPS MET SUURLEMOEN, KNOFFEL EN 'N ROMERIGE MASH Genoeg vir 4-6 mense BESTANDDELE Tjops 4-6 varktjops 1 teelepel sout 2 teelepels varsgemaalde swartpeper 1 teelepel fyn koljander 1 ui, gekap 2 knoffelhuisies, fyngekap fyngerasperde skil en sap van 1 suurlemoen 2 eetlepels olyfolie Mash 8 aartappels, geskil en gehalveer ¼ koppie botter 2 eetlepels room sout, na smaak ’n knippie fyn nutmeg Afronding 1 eetlepel botter 1 suurlemoen, in kwarte gesny 4 knoffelhuisies, gekneus METODE Tjops ■ Pak die varktjops in ’n bak om te marinate. Geur die tjops met die sout, peper en koljander. Sprinkel die ui, knoffel en suurlemoenskil oor. Drup die suurlemoensap en olyfolie oor en smeer die tjops daarmee in. Bedek die bak en marinate ’n uur lank in die yskas. Mash ■ Terwyl die tjops marinate, kook die aartappels in gesoute water tot sag.…

Haar moeg is moeg Vraag SOEK BIETJIE VA-VA-VOOM Ek bly moeg. Ek staan soggens moeg op, ek is moeg deur die dag by die werk, en ek is naweke te moeg om enigiets te doen en wil net slaap. Ek was by die dokter en daar makeer niks. Ek is ’n gesonde vrou in my laat 30’s. Hoe kry ek weer bietjie va-va-voem en lus vir die lewe, antie? LORRAINE Antwoord BESTE LORRAINE Jong, hierdie klink nie of dit enigsins iets met jou slaappatrone te doen het nie. Dit klink eerder na sielsmoeg wees, wat later oorspoel na fisieke moegheid. Dalk is jy moeg van jou roetine? Daai alewige opstaan, werk toe gaan, slaap en repeat wat ‘n mens elke dag doen. Dis genoeg om enigeen moeg van binne te…

KLEINGOED “Sodra die kleingoed in die eiewillige fase ingaan (so vanaf 14 maande tot twee jaar), kan ons hulle die grense begin leer van wanneer hulle ‘nee’ moet aanvaar,” meen Hettie. Ouers moet egter onthou dis belangrik vir kinders om dinge te verken en ontdek. Dissipline moet hulle nie bang maak om aan iets te vat of ’n laai oop te maak om daarin rond te grawe nie. “’n Mens skree byvoorbeeld nie op ’n outjie wat iewers opgeklim het waar hy nie moet nie; jy stap soontoe en gaan haal hom af. Só leer hy: Ek moenie hier wees nie. Ek kan voortaan self afklim, of ek gaan afgehaal word.” In dié stadium sal kinders dikwels ook ’n kans vat deur op hul pa of ma te skree. “As…

1 Gebruik ’n skoon bladsy. Skryf die hoofgedagte of sleutelwoord in die middel van die bladsy neer. 2 Jy kan selfs die woord teken. Maak dit kleurvol. Jy kan ook jou eie kodetaal of “leertaal” ontwikkel. 3 Skryf die ander sleutelwoorde of belangrikste begrippe elders op die bladsy neer en verbind dit met lyne aan die hoofgedagte of met mekaar. Jy kan dit ook teken as jy sou wou. 4 Gebruik kleure op die breinkaart en maak dit prettig. 5 Ontwikkel jou eie styl en wees kreatief. Net jy gaan die breinkaart gebruik, so jy moet verstaan wat jy daarop opgesom het. HOEKOM MOET JY KAN OPSOM? As jy goed kan opsom, verhoog dit jou kans om in jou akademie beter te vaar. Dit leer jou hoe om die belangrikste feite tussen ’n klomp…

NR. 169 aandpak baadjie balaklawa balrok bikini bloes culotte fietsrybroek frokkie gholfhemp japon jeans kaftan kamisool kappietop katpak kilt kortbroek kostuum langmouhemp maksiromp manel mini oefenbroek oorpak oortrui pajamas pantoffel plakkie pluiskeil poncho reënbaadjie rolnektrui rugbytrui sandaal sari sarong serp sjaal stewel sweetpak swembroek tabberd tekkie T-hemp tutu uniform voorskoot winterjas wolmus OPLOSSING VERSKYN IN DIE UITGAWE VAN 20 JUNIE 2024. SOEK VIR DIE SPELETJIENOMMER.…

Sy sweef statig die hotelkamer binne. Elegant, aristokraties. Nes haar karakter in Bridgerton. Adjoa Andoh (61), wat lady Danbury speel, was onlangs in Johannesburg om seisoen drie van dié Netflix-treffer te bemark. Dis nie haar eerste draai hier nie. Sy het destyds Brenda Mazibuko, Madiba se personeelhoof in die fliek Invictus gespeel en Zelda la Grange se oudioboek Good Morning, Mr. Mandela voorgelees. VIR DIE “WALLFLOWERS” Die nuwe seisoen van Bridgerton, wat in twee dele uitgereik word (die tweede deel kom 13 Junie) is spesiaal vir die “wallflowers”, sê Adjoa. “’n Muurblommetjie is daardie persoon wat nie gevra word om te dans nie, wat nie skitter en fantasties is nie,” sê sy, nes Bridgerton se Penelope Featherington (Nicola Coughlan), wat in die geheim ’n skindernuusbrief skryf as “Lady Whistledown”. Terwyl…

Dié is ’n omstrede onderwerp en ek weet vir ’n feit baie gaan voel hulle word aangeval of te na gekom. Maar soos Bouncy (van die Liewe Antie Mona TV show op VIA) altyd gesê het: “As die skoen jou pas …” Iets wat my vreeslik pla, is die feit dat daar soveel jong vroue is (nou en toeka) wat voel dis hul ouers se plig om húl kinders te versorg. Met daai bietjie Allpay-geldjies moet ‘n ouma nie net haar kind (of in sommige gevalle, kinders) versorg nie, maar ook haar kleinkinders! En dan wil jy nog lekker eet ook. En jou kind moet ook lekker eet, terwyl jy die geld wat die staat jou gee om jou kind te versorg, opmors! Ek is telkemale so verstom dat die…

Al word die laaste episode later vandeesmaand (27 Junie) uitgesaai, was die amptelike laaste dag van verfilming reeds op 8 Mei vanjaar. “Ons het die laaste tonele geskiet en daarna het almal bymekaargekom om Arendsvlei te vier,” sê Tarryn Josephs-Jeneke, Arendsvlei se publisiteitsbestuurder. “Ons het die laaste twee dae ongelooflike groot tonele geskiet wat ’n hoogtepunt vir almal was. “Dit was emosioneel, maar die oorhoofse gevoel was van dankbaarheid en trotsheid. Ons het Arendsvlei in al haar glorie gevier.” Tarryn gaan die mense die meeste mis. “Dis regtig ’n ongelooflike groep mense en altyd ’n gelag op stel. Ons het waarlik een groot familie geword en sal Arendsvlei vir altyd koester.” Dit is altyd moeilik om ’n geliefde program en span te groet, beaam Waldimar Pelser, M-Net se direkteur vir…

DIE SUPERFEEKS Wendy Newman/ Ingrid van Schalkwyk (Rehane Abrahams) Niemand het kykers al so warm onder die kraag gehad soos Wendy Newman nie. Sy het omtrent ander TV-feekse soos engeltjies laat lyk! Wendy, met haar hoë hakke, lang naels en magdom pruike, was sekerlik die grootste bedreiging vir die mense van die Vlei. Nie net was sy ’n loan shark nie, maar sy't ook dwelms aan skoolkinders laat verkoop, en sy aarsel nie om ‘n sneller te trek nie! Wendy het letterlik met moord weggekom en telkens Beatrice se lewe probeer hel maak. En wie kan vergeet hoe sy almal geflous het as Ingrid “die gelowige”? Sy het selfs by die kerk aangesluit! Maar ná jare se skelmstreke het die Vlei se grootste feeks uiteindelik in 2022 tot ’n val…

SING SAAM … “Ek het hoop en ek het drome …” As daai eerste note van die telenovela se temaliedjie halfagt saans van Maandae tot Donderdae losgetrek het, het jy geweet dis Arendsvlei-tyd. Maar ken jy die hele song? Liefde en leed Mense sê die lewe is goed, waarvan geboorte tot die dood Net ’n sterk hart, vol van moed kan die donker nagte oorwin Ek het geleer die lewe is seer; niemand kan sy konkels vermy Dis vol vreugde, verlies en vrese wat mens soms kan onderkry Liefde en leed in Arendsvlei Hulle sê die liefde gee jou goue vlerke om te vlieg Maar vlieg jy te na aan die son, vergaan hul en word weer stof Soms mik mens hoog en as jy dan weer val Sal die…

MINDER AS 5 Jy skuif duidelik nie voor die TV in vir elke Arendsvlei-episode nie en gaan ook nie 'n prys as top fan wen nie. Maar kyk maar tot die einde sodat jy ook 'n ding of twee oor die Vlei en sy mense kan leer. TUSSEN 6 EN 14 Kyk, jy weet wat klap in ‘ie Vlei en ken van die Cupido's, Mortlocks en kie se dinge. Lekke' djy! MEER AS 15 Één ding: Jy kyk waarskynlik al van dag een af dié geliefde Kaapse telenovela en verdien jou badge as top fan. Hiermee verklaar ons jou ’n ere-inwoner van Arendsvlei! ANTWOORDE: 1 C, 2 B, 3 C, 4A, 5 SHALEEN SURTIE-RICHARDS, 6 C, 7 C, 8 B, 9 CASS ABRAHAMS, 10 B, 11 B, 12 A, 13…

“’n Koortjies-droom word waar”, 23 Mei Dis so mooi hoe Jonathan Rubain vir Elwira Standili gelukwens. Ek het soveel respek vir hulle twee as mense. Alles van die beste, Elwira. Ek sien uit daarna om jou mooi persoonlikheid te geniet. LEE-AAN PEDRO-MCCOMANS Elwira-meisiekind, die Here bly maar net die Here! Alle eer aan Hom. Ons kan nie wag nie. Jy gaan great wees. MARIANA KOOPMAN Baie geluk, Elwira. En sterkte aan Jonathan op sy nuwe reis. NITA KATZ Baie geluk met die nuwe journey, Elwira. Ek het ’n paar weke terug gesê mag jy die nuwe aanbieder wees en dis toe netso! MYRTLE BOSMAN “Bye, Tim! Hi, Marco!”, 23 Mei Tim, ons is bly jy is nie meer daar in Suidooster nie, my dierbare, want jy het ons soms baie…

Sy is bekend as ‘n Olimpiese naelloper en later ook as afrigter. Maar toe sy 40 slaan, het Geraldine Pillay-Viret besluit nou moet sy haar eie lewensafrigter wees en haarself motiveer om nuwe dinge aan te pak en haarself van nuuts af oor te skep. Die gevolg? Sy hou nou haar lyf aktrise! Die 46-jarige Geraldine is deesdae op die kassie te sien as die snobistiese skoolhoof Moira Schoonhoven in eExtra se komediereeks Die Fakulteit. Haar liefde vir toneelspeel kom eintlik van haar laerskooldae af by Oklahomastraat Primêre Skool in Macassar, waar sy deel van die jaarlikse skoolopvoering was. Selfs nou nog het “baie mense al vir my gesê ek is ’n storieverteller,” sê sy, omdat sy ’n storie kan vat en hulle laat voel asof hulle self daar was.…

MONOCHROOM Die monochrome trend – waar jy een kleur van kop tot tone dra – gaan nêrens. Dis boonop ’n lekker manier om jou figuur te beklemtoon, want dit skep ’n lang, lenige lyn van bo tot onder wat kurwes vlei. As jy ’n uurglasfiguur het, kies silhoeëtte wat jou middel vlei en beklemtoon. Oorbeklemtoon jou bolyf en onderlyf met wyepypbroeke en oorgroot kort tops. Jy kan dit gemaklik hou in ’n bypassende sweetpak, soos die influencer TANESHA AWASTHI (43) in dié Fabletics-sweetpak, of gaan vir ’n formeler look en oorgroot baadjie, soos die model ASHLEY GRAHAM (36). DONKER KLEURE Donker kleure soos donkergroen, swart en bruin het ’n verslankende effek. Dit steek imperfeksies weg en skep ’n cinched silhoeët. Onthou net: Helder kleure trek aandag na die area waar…

SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 26 Junie 2024. SMS/R1,50. Die oplossing verskyn in die uitgawe van 18 Julie 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 26 JUNIE 2024. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF!…

SKOKSTERFTES 2020 Min storielyne het die tonge laat klap soos die dubbele moord op Steve Mortlock (Elton Landrew) en Woelag (Ceagan Arendse) in September 2020. Kykers het gesien hoe die superfeeks Wendy Newman (Rehane Abrahams) en Steve ’n ultimatum stel toe hulle uitvind Woelag wil ’n bank beroof. Hulle het hom nie toegelaat om dit te doen tensy hy hulle deel van die rooftog maak nie. Ná die suksesvolle rooftog het Steve en Woelag stry gekry, en Wendy het later albei doodgeskiet toe Steve dreig om haar te los omdat hy uitgevind het sy verkoop dwelms aan skoolkinders. Die matrikulant Monique Ross (Robyn Rossouw) se lewe is tragies kortgeknip toe haar eks, Bompie Galant (Jarrid Geduld), haar eers geteister en later koelbloedig doodgeskiet het. Ou Bompie het net besluit as…

Afrikaans atletiek beheerraad beursgeld biologie boeksak boelie dans detensie druip eksamen Engels geografie hoofmeisie hoofseun huiswerk juffrou klaskamer kliek klok kosblik kuns lewensoriëntering liniaal matriekafskeid mik hoog musiek onderskeiding onderwyser opvoeding personeelkamer potlood pouse prefek rebel reëls sakrekenaar skoolhoof skoolkamp skoolsaal skorsing sokker studeer swartbord tiener uitveër uniform wêreldkaart wetenskap wiskunde OPLOSSING VERSKYN IN DIE UITGAWE VAN 20 JUNIE 2024. SOEK VIR "ARENDSVLEI-WOORDSOEK".…

Die wel en weë van die leerders en onnies by die fiktiewe Hoërskool Arendsvlei op die Kaapse Vlakte hou ons sedert 1 Oktober 2018 vasgenael voor ons TV's. Daar was gekonkel, hope verraad, affairs en selfs ’n moord of twee (of drie) … En nou, ses seisoene en 1 096 episodes later, blaas die eindfluitjie op 27 Junie vir die gewilde telenovela Arendsvlei. Maar nie voor kykers nog ’n hele wipwarit van aksie en drama beleef het nie. “Die sesde seisoen eindig op ’n groot bang,” beloof Arendsvlei se publisiteitsbestuurder, Tarryn Josephs-Jeneke. “Daar is aksie soos nog nooit tevore nie en ’n hele paar skokonthullings. Maar daar wag ook mooi eindes wat almal se hartsnare sal roer. "Daar is trane, ongelukke, woede, maar ook ’n troue op die horison. Die…

Dit het soul-searching en ’n sabbatical gekos om die gevoel van overwhelmed wees af te skud, maar nou het een van die land se talentvolste sangerliedjieskrywers, Craig Lucas, sy groove back. Hy praat met Kuier oor sy jongste projekte vanuit sy huis in Kaapstad. “Die nuwe musiek kom lank aan, maar dit was ’n baie rocky journey vir my om net weer my voete en stem te vind,” sê die 31-jarige wenner van die tweede seisoen van die sangkompetisiereeks The Voice. Sy sukses is ’n feit, maar Craig bieg hy't tot vanjaar nie geweet of sang is wat hy eintlik veronderstel is om te doen nie. “Ek pas nie in nie en haat die sosiale aspek van roem,” sê dié erkende introvert. “En die bedryf is nie die nice-ste nie.…

Wat's PMDD en PMS? Vraag MAANDSTONDE EN MOODS Dok, ek het nog altyd met vreeslike mood swings rondom my period gesukkel, en by tye voel dit selfs soos depressie. Ek het onlangs gelees daar is iets soos premenstrual dysphoric disorder (PMDD). Wat is dit, en hoe verskil dit van premenstrual disorder (PMS)? ANONIEM Antwoord BESTE ANONIEM Kom ons kyk eerstens na die verskille tussen PMS en PMDD. PMS begin gewoonlik op dag 15 van ’n 28-dag-siklus en eindig wanneer jou period begin. Dit word gekenmerk deur fisiese, sielkundige en/of gedragsveranderinge wat daaglikse take en aktiwiteite kan affekteer. PMDD is ’n ernstiger en meer verlammende vorm van PMS. Dit word gelys as ’n geestesversteuring in die Diagnostic and Statistical Manual of Mental Disorders (DSM-5), ’n gesaghebbende handleiding en gids tot die…

1 Lees eers die opdrag aandagtig deur. Die formaat waarin die opsomming gedoen moet word, word in die opdrag gegee. Partykeer moet die opsomming in paragraafvorm wees en ander kere moet dit puntsgewys neergeskryf word. Jy kan ook gevra word om net ’n gedeelte van die leesstuk op te som, en nie die hele stuk nie. Maak dus seker jy lees en verstaan die opdrag baie goed. 2 Lees die leesstuk (paragraaf, artikel of ander teks) goed deur. Net soos by jou eie opsommings vir leerwerk, moet jy verstaan wat jy lees. Lees met begrip en moenie vluglees nie. Jy sal genoeg tyd hê om die teks minstens twee keer met aandag te kan lees. Met die tweede lees kan jy die sleutelwoorde in elke paragraaf onderstreep. Gewoonlik is daar…

6 JUN. – 19 JUN. MÓÉT-KYK! The Expendables 4 (M-Net, So. 16 Junie, 20:05) Die swaar gewapende Expendables is die wêreld se laaste verdedigingslinie wat geroep word as alle ander opsies misluk. Die Expendables word dié keer na Libië gestuur om te verhoed dat die huursoldaat Suarto Rahmat detonators vir nuclear war heads steel namens 'n geheimsinnige terroris genaamd Ocelot. Met Sylvester Stallone.…

SIELSKOS MET My oorlede oupa (my pa se pa) was vir my nog altyd hierdie misterieuse man. ’n Man wat ek nooit kon verstaan of plaas nie, en ’n man van bittermin woorde. Ek kan ook nie onthou dat ek ooit ’n gesprek met my oupa gehad het nie; hy het net altyd op ons kleinkinders geskree as ons iets in sy oë verkeerd gedoen het. Maar my ouma was sy absolute teenpool: warm, liefdevol en wanneer sy met jou gepraat het, het dit gevoel asof jý haar gunstelingkleinkind is. Oe, en sy kon die grootste vetkoeke maak (ons het dit “wawiele” genoem) en die heerlikste bakbrood, wat weggesmelt het in jou mond. My ouma en oupa was arm, maar op ’n manier was daar vir elke kind en kleinkind…

Vir Roberta Durrant, die kreatiewe vervaardiger van Arendsvlei, was dit ’n groot mylpaal vir die span by Penguin Films om ses seisoene van die telenovela te kon hê. “As jy ’n nuwe konsep voorlê, hoop jy altyd dat jy meer as een seisoen gaan kry. Ons was verheug toe ons hoor ons kry ’n tweede seisoen. En toe word dit vier dae per week vanaf die derde seisoen! Dit was baie harde werk, maar ons het soveel talentvolle mense in die span wat seker maak hulle gee elke dag hulle beste,” sê Roberta. Oor die afgelope ses jaar het die karakters deel geword van baie families se lewe en daarom wou die span agter die skerms topgehalte kykstof bied. “Sonder al ons wonderlike kykers se ondersteuning sou dít nie moontlik…

2020 Ronel Foster & Thys Cupido Die telenovela het op 16 Junie 2020 sy eerste troue gehou toe Ronel Foster (Melanie du Bois) en Thys Cupido (Sherman Pharo) afgehaak het. Natuurlik het die Arendsvleiers groot gegaan en was almal van kop tot toon uitgevat. Maar die dae voor hul groot dag was nie sonder drama nie … Dit sou eintlik ’n dubbele troue wees, want Beatrice (Jolene Martin) en Hamilton Wolfe (Kevin Smith) sou ook afhaak, maar Hamilton het ’n dag voor hul troue vir Bea gelos. Hy is Johannesburg toe agter sy eksvrou, Olivia (Kim Cloete), aan. Ronel wou glad nie haar pa, Godfrey Martin (Chris van Niekerk) by die troue hê nie. Hulle het byna twee dekades lank nie met mekaar gepraat nie en sy het haar pa kort…

Na watter van dié Arendsvleiers aard jy? As jy gewonder het, vind hier uit! Wat is jou persoonlikheid? A Hou by die reëls B Rebel Wat is vir jou die belangrikste eienskap van verhoudings? A Eerlikheid B Loyalty Van watter tipe mans hou jy? A Een wat by die reëls hou B ’n Bad boy Wat is die belangrikste ding in jou huis? A Familiefoto's B Jou kluis Jou reaksie as iemand jou te na kom? A Jy sit en tob daaroor vir dae B Jy neem wraak JOU TELLING ■ As jy meestal A gekies het, is jy beslis meer soos Bea. Jy is ’n lojale omgeemens wat baklei vir jou hartsmense. ■ As jy meestal B gekies het, is jy meer soos Wendy! Kyk, niemand gaan oor jou loop nie!…