Innholdsfortegnelse for 28 March 2024 i Kuier

Ons almal hier by Kuier hou die verwikkelinge rondom die verdwyning van Joshlin Smith van Saldanha die afgelope ruk fyn dop. Die feit dat ‘n sesjarige netso spoorloos verdwyn, en dae en weke stap aan, oral word gesoek, en … niks. Dan, die skok: Haar eie ma word in hegtenis geneem en staan in die beskuldigdebank op aanklagte van mensehandel en ontvoering. En teen druktyd, byna ‘n maand ná Joshlin op 19 Februarie net verdwyn het, was sy steeds vermis. Jy hoef nie ‘n ouer te wees om diep geraak te word deur dié storie nie. Dis ál waaroor mense deesdae praat – om die etenstafel, op WhatsApp, op sosiale media. Almal wonder, het vrae, én theories. Op bladsy 10 bekyk Ernusta Maralack die kwessie van mensehandel (of human trafficking)…

Dis nogal iets besonders om Sherlin Barends (33) in aksie met haar tweelingseuntjies dop te hou – veral wanneer haar knapies later om die beurt begin ongeduldig raak met die kameras wat heeltyd kliek tydens Kuier se voorbladsessie. Dan tel sy die huilende mannetjie saggies op, begin hom in haar arms wieg en trek los met die kinderliedjie “Hansie Slim”, terwyl sy op en af in die ateljee stap. En sowaar, die seuntjie raak dadelik rustig. “Dié een is die jongste en hy hou daarvan. My pa, Lionel (64), noem hom al ‘Hansie’,” sê die KFM-omroeper laggend. Vandag “oe” en “aa” almal oor die oulike donkerkop-babas. Sherlin se lewensmaat is self ook hier om ‘n ogie oor die (toe) 11 week oue mannetjies te hou terwyl hul bekende mammie in…

MY LEWE Hoe lui die sêding? Agter elke suksesvolle man is daar ‘n vrou met ‘n breë glimlag en ‘n baie swaar juk. Met die skryf van een so ‘n vrou se lewensverhaal, lê sy haarself en haar persoonlike juk bloot in ‘n vertelling wat beide aangryp én empatie ontlok. Haar verhaal deel hoe sy in die skaduwee van een van ons land se suksesvolste mans moes cope met ‘n ongediagnoseerde geestesstoornis, wat haar vir jare lank byna lamgelê het. Dié vrou, Phoebe Gerwel, weduwee van ons eie geliefde intellektuele, akademiese en politieke reus, wyle prof. Jakes Gerwel, deel in haar nuwe biografie haar reis saam met hom – van jong verliefdes tot verlies, apartheid en sy nadraai, haar “moods” en sy meteoric rise in aansien as ‘n president se…

Sy was anderdag nog ‘n kleuter, nou leef dié klein model haar groot droom uit, én sy't die modebedryf aan haar voete. Aria De Chicchis is nét nege, en met haar bokkiebruin oë en welige bos krulle het sy reeds as tweejarige die modebedryf in Amerika se aandag getrek. Op dié dag was sy en haar ma, Pam Mbatani, by ‘n fashion show in New York toe iemand Aria raaksien en voorstel dat haar ouers ‘n agentskap aanstel om hul skattige dogter as model te verteenwoordig. Nou, sewe jaar later, blom Aria se loopbaan behoorlik! Aria het onlangs haar loopplankdebuut gemaak by die New York Modeweek. Sy sit gereeld in die voorste ry by shows, het al in die modetydskrif Vogue gepryk, en sy't al skouers geskuur met bekendes soos…

‘Peach Fuzz’ is die gonswoord vir skoonheidskleure dié jaar. En ons praat nie nou van die fyn donsies op ons gesig nie, maar Pantone se kleur van die jaar. Dié sagte, warm kleur werk vir alle ouderdomme en velkleure en lê iewers tussen ‘n sagte pienk en ‘n sagte oranje. Of jy dit appelkoos of koraal noem, dié juicy kleur maak die skoonheidswêreld ‘n bietjie soeter. OË Laat jou oë sprankel met perskekleur op jou ooglede. Of jy van dromerige, romantiese oë hou, of op soek is na ‘n bietjie woema, Peach Fuzz is die kleur wat jy vanjaar deel van jou oogskadupalet wil maak. Skakeer dit saam met neutrale kleure vir deur die dag, en saam met dieper, meer intense skakerings vir meer impak in die aand. PROBEER DÍT…

D is so tweede natuur dat jy byna vergeet jy doen dit: Jy asem in; jy asem uit. Ongeveer 22 000 keer per dag. Meestal sonder dat dit die geringste inspanning van jou vra. Elke vier tot agt sekondes teug jy lug in jou longe in, word die suurstof daaruit verwyder en deur jou lyf opgeneem, en die koolstofdioksied met jou uitasem vrygestel. Dis so eenvoudig dat dit amper onnodig voel om dit te beskryf. Nou hoekom dan, wonder ‘n mens, gons beroemdes soos Oprah, Beyoncé, Selena Gomez en Meghan Markle die laaste tyd oor die “breathwork” wat hulle doen, en hoe goed dit vir hul lyf en hul gees is? Breathwork is ‘n tegniek wat jou lewe kan verander, vertel dié sterre. Asemhaling, so alledaags as wat dit is,…

NR. 230 VRAAG: Dié Amerikaanse sangeres se aanhangers word die Little Monsters genoem. Wat is haar doopnaam? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 17 April 2024. SMS/R1,50. Die oplossing verskyn in die uitgawe van 9 Mei 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 17 APRIL 2024. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF! WEN R1 000!…

NR. 164 Soek al die lande op die lys langsaan in die tabel hieronder. Hulle lê horisontaal, vertikaal en diagonaal. Angola Australië Barbados België Botswana Brittanje China Egipte Frankryk Ghana Griekeland Hongarye Indië Irak Japan Jordanië Kameroen Koeweit Laos Lesotho Malawi Maleisië Mexiko Mianmar Nederland Nigerië Noorweë Oman Oostenryk Peru Portugal Rusland Rwanda Samoa Saoedi-Arabië Sirië Somalië Suid-Afrika Suriname Swede Tadjikistan Taiwan Tibet Turkye Uganda Uruguay Venezuela Vietnam Ysland Zambië OPLOSSING VERSKYN IN DIE UTIGAWE VAN 11 APRIL 2024. SOEK VIR DIE SPELETJIENOMMER.…

MÓÉT-KYK! My Big Fat Greek Wedding 3 (M-Net, Sondag 17 Mrt. om 21:00) Die Portokalos-Millers reis na Griekeland. Op reis na ‘n dorpreünie ontbloot Paris (Elena Kampouris), Aristotle (Elias Kacavas), Ian (John Corbett), Voula (Andrea Martin), Freida (Maria Vacratsis), Nick (Louis Mandylor), Toula (Nia Vardalos) en ander ou familiegeheime. KYKNET DSTV-KANAAL 144 kykNET is ‘n topgehalte-kanaal wat kykers boei met 100% plaaslik vervaardigde inhoud vir almal met ‘n waardering vir Afrikaans. Plan B, 2 April om 20:00 Ragel (Amalia Uys) se soeke na wraak en justice bring haar in die skaduwêreld van ‘n groep eks-militêre kunsdiewe in, en ons span spoor die playboy-teiken op. In Die Sop, 3 April om 20:00 Dié week pak die span twee besighede aan in Velddrif se Bokkomlaan, maar gelukkig skrik Bertus Basson en Misi Overturf…

“Weggeruk in hul fleur”, 29 Feb. Here, wees genadig met die families, vriende en geliefdes van die oorledenes in die busongeluk in die Vrystaat. Mag dié kindertjies se siele in vrede rus. ‘n Groot drukkie aan al die ouers en hul families. Amen. NADINE WITBOOI My innige meegevoel aan die families, hoof, onderwysers en leerders. Dis ‘n verskriklike trauma om deur te maak. Baie sterkte, en weet net dat God al julle trane sal afdroog en julle in die tyd van rou sal versterk. NICOLEEN LOUW “Geanker in die oseaan”, 29 Feb. Hou so aan, Shamier Magmoet. Aanhouer wen! Baie geluk met al jou prestasies deur die swaarkry. Dit bou ‘n sterk karakter. Niks kom maklik nie, maar dan is jou waardering daarvoor diep uit jou hart. JENNIFER ORIAAN “Kampvegter…

KERRIESNOEK MET REËNBOOGSLAAI Genoeg vir 4-6 mense BESTANDDELE Snoek 1 mediumgroot snoek, gevlek 2 eetlepels olie 2 uie, in skyfies gesny 4 knoffelhuisies, fyngekap 2 lourierblare 1 teelepel komynsaad ½ teelepel borrie 1 eetlepel roasted masala ¼ koppie witwynasyn ¼ koppie bruinsuiker ¼ koppie blatjang ¼ koppie mayonnaise Slaai 500 g babatamaties (gemengde kleure) 2 eetlepels Franse slaaisous sout en varsgemaalde peper ‘n paar spekboomblaartjies (opsioneel) ‘n handvol vars basil-blare METODE Voorverhit die oond tot 200°C. Voer ‘n groot bakplaat met foil uit en bespuit met kossproei. Snoek ■ Plaas die snoek met die velkant na onder op die bakplaat en hou eenkant tot nodig. ■ Verhit die olie in ‘n diep pan en braai die uie tot sag. Voeg die knoffel, lourierblare en komynsaad by en stir fry tot geurig. Roer die borrie en masala deur. ■ Voeg die asyn by en stir fry…

Só lyk ipekonders Vraag IS DIT SIEKTE OF AANSIT? Dokter, ek is ‘n 55-jarige vrou en meestal blakend gesond. Die probleem is eintlik my man. Hy maak van ‘n gewone verkoue asof hy by die doodsdeur is, en dit het al ‘n punt bereik waar ek nie meer glo hy is regtig so siek wanneer hy sleg voel nie. Ek het ‘n bietjie gaan oplees oor ipekonders en wil graag weet: Hoe algemeen is dit, en hoe weet ek dis dít? Byvoorbeeld: Enige skeet of pyn word gegoogle en uit die opsies word die dodelikste siekte dan my man se grootste kommer. Wat kan ek doen om hom te ondersteun sodat ek ook nie ‘n ware noodgeval miskyk nie? En hoe gemaak as hy net aansit? ANONIEM Antwoord BESTE ANONIEM…

Twee keer in, een keer uit Trek jou asem vinnig twee keer deur jou neus in, en laat dit dan stadig uit asof jy sug. Tussen die twee inasems kan jy ‘n halfsekonde wag. Wanneer jy uitasem, kan jy probeer voel hoe die asem al die pad uit jou maag uitvloei en jou hele lyf sag raak. Herhaal dit ‘n paar keer. Dit help ‘n mens om kalm en ontspanne te voel. Die fisiologiese sug Dié tegniek behels dat jy een lang, ononderbroke inteug deur jou neus maak, waarna jy stadig uitasem. Doen dit veral in situasies waar stres jou hart vinniger laat klop en jou asemhaling laat jaag. Die fisiologiese sug help jou om stadiger asem te haal, jou hart stadiger te laat klop, en jou te ontspan. Tuitasem…

NR. 282 WEN R350 KONTANT! VRAAG: Wie was die vrou van Uria die Hetiet en later van Dawid? SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Bybel-blokraainommer na 42508 voor 17 April 2024. SMS/R1,50. Die oplossing verskyn in die uitgawe van 9 Mei 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 17 APRIL 2024. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

Wanneer ‘n mens die eerste keer die uitdrukking wat in Engels soos “you mustn't push” klink, hoor, is daar dadelik ‘n gevoel van walging wat by jou opkom. In die bruin gemeenskap is die Afrikaanse weergawe van “you mustn't push” dalk die ergste woorde wat jy iemand kán toesnou. As jy veral op die Cape Flats besluit om daardie woorde teenoor iemand te uiter, beter jou begrafnispolis op datum wees. Dit kan dalk net wees dat “eenuur by die huis en tweeuur by die kerk” jou voorland is. Die eerste keer wat ek ordentlik deur ‘n ander ou gebliksem is, was toe hy my ma gevloek het. Dié ou was aansienlik groter en ek het ook al gesien hoe hy ander ouens bliksem. Toe hy my vloek moes ek eerder…

Dis byna ondenkbaar. ‘n Beroerte is die laaste ding wat jy dink ‘n baba sal tref. Maar dís die nagmerrie waarmee Karen Millar en Desmond Maserumule saamleef. Dié Pretoriase paartjie het die skoknuus gekry dat hul babaseuntjie dalk reeds in sy ma se baarmoeder ‘n beroerte gehad het. Nou, vier maande ná ‘n pediater die lewensingrypende diagnose van perinatale (onmiddellik voor of ná geboorte) beroerte gemaak het, sukkel Karen (39) en haar lewensmaat, Desmond (40), sommige dae steeds om die harde werklikheid te verwerk. Hul 14 maande oue babaseuntjie, Shiloh Maserumule, lyk op die oog af soos ‘n normale peuter. Hy is die vriendelikheid vanself. Maar dit is wanneer jy nader kennis maak dat jy die fyn dingetjies oplet: Wanneer hy vir jou kyk, lyk dit dikwels of hy “dwarsdeur…

Sy het ‘n ingebore gawe om mense te vermaak. En toe TikTok mense toelaat om meer as net 30-sekonde-video's te laai, het Frankoline “Ziza” Jacobs (25) van Jasfontein, ‘n plaas 18 km buite Victoria-Wes in die Noord-Kaap, dié geleentheid aangegryp. Sy't ‘n geloofsprong geneem om haar gawe met die ganse wêreld te deel. Só ken baie haar nou as “Ziza, die trotsgeborgde beef-blok” – soos sy op dié app bekendstaan. Dinge het nie oornag vir haar gebeur nie. Ziza het gereeld pligsgetrou komiese video's opgelaai en gehoop dit sou gou genoeg gewild raak. Toe, kort voor lank, het dié “trotsgeborgde chubby-kind” (soos sy haarself noem) almal aan die gons gehad. En vandag spog Ziza met 154 000 followers en meer as 2 miljoen likes op haar video's. ‘SONSKYN’ IS JONK…

ROKKE “Peach Fuzz” is iets tussen ‘n sagte pienk en sagte oranje. Die klassieke kleur is warm, dit helder enige look op, en komplementeer maklik enige velkleur. Dié kleur in lang, vloeiende rokke – soos dié Off-White-skepping wat die aktrise ISSA RAE (39) dra – maak omtrent ‘n modestelling. Vir koeler weer kan jy dit layer met items soos baadjies. BAADJIES Baadjies in dié kleur sal enige uitrusting ophelder. Om ekstra sjiek te lyk en dinge gemaklik te hou, maak soos KATE, DIE PRINSES VAN WALLIS (42), en dra ‘n wit top, jeans en wit tekkies daarby. Dis net die look as jy vinnig by die deur moet uit met kinders agterna. TOPS Kyk uit vir tops met moue wat ‘n stelling maak, soos hierdie items. Dra dit met ‘n…

Wie vertrou wie nie? Vraag MY OU DIEP IN HAAR DM'S Ek het onlangs toe ek van my outjie se foon vir myself foto's wou stuur, op ‘n paar DM's afgekom tussen hom en ‘n ander meisie. Ek het toe verder gesnuffel en gesien hulle volg mekaar op social media en gesels daar ook. Daar is oor niks shocking gepraat nie, net “hi” en “hoe gaan dit?” en so. Maar iets binne my voel nie lekker daaroor nie. Moet ek hom daaroor vra? Want dit gaan my dan nou ook uitlig – ek het die boodskappe gaan lees sonder sy toestemming. Wat moet ek maak? DESRAY Antwoord BESTE DESRAY “Afgekom”, sê jy? Nee wat, jy het diep in daai man se foon gaan krap om by dié DM's uit te…

1 Maak eers seker dis nie ‘n skelmstreek nie As jy ‘n aanmaning kry, vra die belastingkantoor eers direk vir ‘n balansstaat. Stuur ‘n gratis SMS na 47277. Hou jou belastingverwysings en ID-nommer byderhand. Die belastingkantoor sal dan bevestig of jou naam aan ‘n skuldinvorderaar oorhandig is. Dié invorderaars is ook by sars.gov.za gelys. 2 Tref reëlings om dit af te betaal Bel Sars by 0800-007-277 of e-pos hulle by sarsdebtmanagement2@sars.gov.za. Jy kan ook jou versoek op eFiling indien. As ‘n aangewese skuldinvorderaar jou gekontak het, kan jy deur hulle die versoek indien. Jy moet verduidelik hoekom jy uitstel benodig. Verskaf inligting soos die laaste ses maande se bankstate, onlangse betaalstrokies en bewyse van uitstaande rekeninge. As Jan Taks dit goedkeur, sal hulle betalingsreëlings voorstel. Dit sluit in die verwagte betalingstermyn,…

Lees- en taalvaardighede begin reeds in die vroeë kinderontwikkelingsfase (van nul tot ses jaar) ontwikkel. Wanneer jy lees, of wanneer iemand vir jou hardop lees, word jy na nuwe hoogtes gevoer. Dié lekkerleesboeke vir kleuters tot tieners sal jou ietsie leer én wegvoer na wonderwêrelde. KINDERS 3+ TIPPIE SE EERSTE BOEK OOR… Deur José Palmer, Reinette Lombard en Nandi Lessing-Venter Illustrasies: Zinelda McDonald Lapa José Palmer en Reinette Lombard het jare se ervaring in kinders onderrig wat sukkel met lees, spel en leer. Hulle het kragte saamgespan met dr. Nandi Lessing-Venter en ‘n reeks boeke vir kleuters geskryf. Nandi kyk veral hoe ‘n mens humor kan inspan om teensinnige klein lesers te motiveer. Die Tippie se eerste boek oor…-reeks leer kinders fundamentele konsepte op ‘n prettige en humoristiese manier. In…

NR. 308 WEN R350 KONTANT! VOLTOOI: Dié joernalis en Carte Blanche-aanbieder is laas jaar oorlede. SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Fotoblokraainommer na 42508 voor 17 April 2024. SMS/R1,50. Die oplossing verskyn in die uitgawe van 9 Mei 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE FOTOBLOKRAAI EN HUL BESONDERHEDE VERSKAF. DIE SLUITINGSDATUM IS 17 APRIL 2024. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

Om ‘n enkelouer – of alleenouer, soos ek dit noem – te wees, is by tye ‘n ongenaakbare stryd. Dis een waarin jou binneste soms skree vir ‘n bietjie alleentyd waarin jy net jouself en jou eie behoeftes in ag kan neem. Jouself kan vind. Batterye herlaai. Dis tog sekerlik nie te veel gevra nie … of is dit? Ek is ‘n trotse ma van drie, en glo my, my kinders is die beste ding wat ooit met my kon gebeur het. Die omstandighede wat later plaasgevind het, kon ons nie voorsien het nie. Ek glo ook, veral te midde van al die uitdagings, dat alles deel uitmaak van God se groter plan vir ons lewe. Die afgelope vyf jaar is ek nie net ‘n enkelouer nie, maar, soos ek…