Innholdsfortegnelse for 18 January 2024 i Kuier

Daai luilekker Desembervakansie langs die see voel alweer soos ‘n leeftyd terug. Net ‘n dag nadat ons terug by die huis geland het, was die laptop uit en het die 2024-werkjaar amptelik afgeskop. Teen druktyd het matrikulante landwyd nog asem opgehou vir hul uitslae. My ne fie wat saam met ons op Agulhas vakansie gehou het, was een van hulle. As hy stres, steek hy dit goed weg. Nee kyk, daai man geniet al die lewe weg van die skoolbanke. Ek was 23 jaar gelede in matriek. Dit voel soos ‘n leeftyd terug! Destyds het die senuwees maar erg geknaag en was daar vlinders in die maag in die dae voor ons eindresultate bekendgemaak is. Al weet jy dat jy slaag, is daar nog steeds daai stemmetjie in jou agterkop…

Sy is ‘n regte gypsy en heel gemaklik met die onbekende. Kim Engelbrecht wikkel haarself graag oral in – of dit nou hier of oorsee is – dié bekroonde aktrise kap aan na waar ook al die rolle roep. En dit bly vir haar een reuse-avontuur. Die afgelope paar jaar was Kanada en Los Angeles ‘n holte vir haar voete, en nou roep Engeland nadat Kim (43) by die grootste talentagentskap daar, United Agents, aangesluit het. Binnekort sit sy af Londen toe waar sy ‘n ruk lank sal vertoef. “Ek vind mense ongelooflik interessant en gee nie om as ek myself in onbekende omstandighede bevind nie. En as ek eers in ‘n ding is, gryp ek vas met albei hande,” vertel sy hier waar ons gesels in die hartjie van…

Hier is Thereza Raman met haar gekoesterde meestersgraad. INLAS: Theresa in ‘n vriendin se toga. “Ek het daardie dag gesê eendag sal ek ook my graad ontvang.” Die beledigings het in die ‘80's op haar neergereën toe sy nie matriek aan Ravensmead Senior Sekondêr geslaag het nie. Selfs van haar familielede het haar ‘n “dom luiaard” genoem. Thereza Raman (56) onthou hoe die wanhoop haar destyds oorval het toe sy nie haar naam in die koerant sien nie. Hoe sy later soos die nikswerdjongmens begin voel het waarin niemand wou glo nie. Maar soms is weemoed en teleurstelling juis die brandstof om jou karretjie aan die gang te kry die toekoms in. En daai terugslae uit die verlede het uiteindelik die ouer Thereza ál meer aangevuur. Eendag is eendag. Sy…

1 Satyn en sy Satyn en sy is tydloos en elegant en nou weer hoogmode. Ontwerpers span satyn in vir rokke wat mooi drapeer, en sy kan in alledaagse bloese en rokke gesien word. Dié materiale is ook liggewig en hou jou lekker koel op warm somersdae. 2 Ballet-pumps Wie sou nou dink dat balletpumps hul terugkeer sou maak? Dié skoene is eiegant en supergemaklik. Dit pas perfek by somerrokke, tailored broeke en kortbroeke, soos die hertogin van Sussex, Meghan Markle, hier wys.  3 Blomme net waar jy kyk Blompatrone is hier om te bly! Dit verleen ‘n tikkie vroulikheid en sofistikasie aan enige look. Die kleurpalet vir 2024 fokus op als van sagte pastelkleure tot bold, helder kleure om ons elkeen se unieke persoonlikheid te weerspieël. Maak ‘n modestelling en…

SWART EN WIT Hierdie idee is perfek vir wiskunde- of literatuurboeke. Wat jy nodig het: ou tydskrifte of koerante, swart koki's, permanente merkpenne en Pritt.  Maak só: 1. Skeur interessante patrone var swart en wit letters uit die tydskrifen koerantartikels, maar fokus op die kleurvrye dele. Jy kan ook swart-enwit-fbto's gebruik. 2. Rangskik dit op jou boek of lêer se omslag en laat openinge wat die omslag wys. 3. Plak dit met Pritt in jou gekose volgorde vas. 4. Gebruik nou ‘n swart koki of ‘n permanente merker om lyne en patrone te trek wat die vasgeplakte stukke verbind. Dit behoort ‘n monochromatiese effek te skep. DIEREPRET Hierdie ontwerp is ideaal vir vakke soos biologie of wetenskap. Wat jy nodig het: ou tydskrifte of koerante, kleurpotlode en Pritt. Maak só:…

Dis ‘n nuwe jaar en jy voel van vooraf lus om jou lewe reg te ruk. Maar kort voor lank voel die gewone uitdagings van die verlede weer oorweldigend en jy weet nie eens wáár om te begin om die dinge wat jou onderkry, aan te pak nie. Hoe kom jy op koers? Soms kan een klein verandering ‘n reuseverskil maak, want dis die eerste treetjie in die regte rigting. Los die groot planne om alles op te los wat jou pla, en begin met nét een ingryping wat jou in ‘n nuwe koers kan stuur. Nie groot Nuwejaarsvoornemens nie, maar klein wysigings sal help om jou groot voornemens minder intimiderend te maak. 1 EK EN MY GELIEFDE HET TE MIN TYD VIR MEKAAR Julle sien mekaar elke dag. Julle woon…

NR. 303 WEN R350 KONTANT! ? VRAAG: Watter akteur speel ‘Dawie’ in Showmax se reeks Trompoppie? SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Fotoblokraainommer na 42508 voor 7 Februarie 2024. SMS/R1,50. Die oplossing verskyn in die uitgawe van 29 Februarie 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE FOTOBLOKRAAI EN HUL BESONDERHEDE VERSKAF. DIE SLUITINGSDATUM IS 7 FEBRUARIE 2024. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

Die movie13 Going on 30 van 2004 was baie gewild, selfs in die klein Karoo-dorpie waar ek grootgeword het. Daai tyd kon ons dit nog by DVD-winkels gaan uithaal. Dís hoe ek aan dié movie gekom het, min wetend dat ek so lief daarvoor sou word dat ek die arme DVD sou uitneem tot dit begin haak het! Die hoofkarakter, ‘n meisie moeg vir tiener-wees, word tydens haar 13de verjaardagpartytjie verneder en gaan sit in ‘n hangkas. Sy wens dan sy is al 30 jaar oud, want sy't in ‘n tydskrif gelees jou 30's is die beste tyd in jou lewe, veral vir vrouens. Hul 30's word as “thirty, flirty and thriving” beskryf. En dié tiener was slaggereed vir die lewe as ‘n volwassene. Al het ek nie daardie wens…

“Uit die asblik na ‘n blink toekoms”, 7 Des. 2023 Mag die Here jou seën, Ricollin Moodley. Dis amazing wat mense met hul hande kan doen. Sterkte vir die toekoms. Maak ‘n sukses van jou lewe. LOULA ROBBERTS Jy het ongelooflike talent. Mag jou talent jou na plekke neem waarvan jy net gedroom het! ZENDRE VAN ECK Kyk mooi na jouself en jou familie met jou Godgegewe talente. Daar wag ‘n blink toekoms op jou. MAUREEN HENDERSON “Kuier met die Kolbes”, 7 Des. 2023 Wat ‘n ongelooflike pragtige gesin is die Kolbes! Ek het hulle lief met my hele hart. MICHELLE GURLING Julle is ‘n pragtige gesin. Cheslin, jy het ‘n 7-jarige aanhanger in Uitenhage wat elke aand jou rugby op YouTube kyk. Hy sien op na jou en het…

MY LEWE Haar ma het vir haar ‘n spesiale treat vir haar 10de verjaardag gereël: ‘n Besoek aan die SPCA om tyd saam met die diere te spandeer. En ‘n foto van Lelitha Jantjies wat ‘n oulike hondjie vashou, sê alles – dié dogtertjie is in haar element met vierpotiges. “Sy is baie lief vir diere,”sê haar ma, Ahisa Louw (30). En dis glad nie ongewoon nie. Kinders van haar ouderdom is gewoonlik mal oor furry diertjies. Maar wanneer jy hoor wat met Lelitha gebeur het, is die feit dat sy so gemaklik rondom honde is, eintlik wonderbaarlik. Dís omdat die gesin se 11 maande oue pitbull, Jordan, Lelitha in Augustus 2022 aangeval het. Sy was só erg verskeur dat sy uitgebreide behandeling moes kry. Maar dit gaan nou goed…

Dis moeilik om te glo as jy na die beeldskone Bryoni Govender (27) kyk, dat daar ‘n tyd in haar lewe was toe sy allesbehalwe gemaklik in haar vel was. Tog het dié jong vrou van Kempton Park, wat laas jaar as die naaswenner in die Mej. Suid-Afrika-kompetisie gekroon is, en die land onlangs by die Mej. Heelal-kompetisie in El Salvador verteenwoordig het, ‘n groot deel van haar lewe minderwaardig gevoel in ‘n wêreld waar ‘n donkerder vel nie altyd as die mooiste beskou is nie. Bryoni het tydens die 72ste Mej. Heelalkompetisie uiteindelik deurgedring tot die top 20 uit die 84 deelnemers en haar veldtog, Her Way Out (wat daarop gemik is om vroue oor hul regte op te voed), het internasionale aandag gekry toe sy ‘n plek onder…

Die komediant Robby Collins (36) is ‘n gebore Durbaniet. In die township Wentworth in ‘n gebied bekend as die South Durban Basin het Robby se droom om komediant te wees, gestalte gekry. Dis ál wat hy ooit wou doen vandat hy begin droom het oor “wat hy eendag wil wees”. Vandag is hy bekend vir sy eiesoortige humor en vind veral inspirasie in die pynlike gebeurtenisse van die lewe. Dié gevierde grapmaker is vanaf Februarie te sien in LOL: Last one laughing op Prime Video, aangebied deur ons eie comedy king, Trevor Noah. In dié reeks spook 10 Suid-Afrikaanse komediante dit teenoor mekaar uit om te kyk wie hul opponente eerste kan laat lag. Die een wat laaste lag, stap weg met R1 miljoen om te skenk aan ‘n liefdadigheidsorganisasie…

Goeie gewoontes help ons om belangrike dinge te doen sonder om daaroor te dink, wat uitmuntendheid ‘n deel van jou daaglikse lewe maak. Bepaal ‘n spesifieke tyd waarop jou kinders elke dag huiswerk doen en studeer om hulle in die gewoonte te kry om dit elke dag te doen – dit sal nie net op skool tot hul voordeel wees nie, maar ook daarna. Wanneer hulle dít onder die knie het, is hier vyf maniere om hul leervermoë te verbeter. SKEP ‘N RUIMTE 1 Skep ‘n stil en ordelike werkplek. Maak seker die studiegebied is goed belig en toegerus met noodsaaklike voorrade soos penne, potlode, notaboeke en naslaanwerke. Maak ook seker dis ver van afleidings soos die TV, radio of rekenaarspeletjies.  LEER HULLE OM TE PRIORITISEER 2 Die skool kan…

Begeer eie besigheid Vraag WIL EKSTRA GELD MAAK Antie Val, ek soek raad om my eie klein sakeonderneming te begin. Ek hou baie van brei en hekel, en is nogal heel goed daarmee. Ek kan alles create, van poppe tot groot komberse, selfs matte. Hoe kan ek maak om ‘n geldjie met my hobby te maak? Ek het ‘n kantoorjob, maar wil net ekstra geld maak en is nie baie outgoing nie, so ek weet nie waar om te begin nie.ANONIEM Antwoord BESTE ANONIEM Ek is bly dat jy jou Godgegewe talent vrugtevol kan gebruik om ekstra sente te verdien. Op YouTube is daar baie video's met raad oor hoe om jou eie besigheid te begin. Jy kan ook inligting daaroor Google. Vind uit hoe om jou besigheid te registreer…

GELDSAKE Die vakansiepret is nog nie eens reg verby nie, maar jy het al klaar ‘n beursie-babelas en die volgende betaaldag lê dalk nog ver. Jy krap al klaar kop, want hoe gemaak om al jou uitgawes te dek? Begin deur uit te werk presies hoeveel geld jy vir die maand oorhet. Só weet jy hoeveel geld jy per dag beskikbaar het. Vermy enige persoonlike lenings of nuwe langtermynskuld, want dan vererger jy net jou geldprobleme. Kom ons kyk na twee korttermynoplossings as daar meer maand aan die einde van jou geld as geld aan die einde van jou maand is. OORTROKKE REKENING ‘n Oortrokke rekening kan jou help met jou kontantvloei, solank jy dit nie gebruik om langtermynskuld te maak nie. Dis gewoonlik op transaksionele rekenings (soos ‘n tjekrekening)…

NR. 225 VRAAG: Wie is in Desember nie-verkiesbaar verklaar vir die Amerikaanse presidensie in 2024? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 7 Februarie 2024. SMS/R1,50. Die oplossing verskyn in die uitgawe van 29 Februarie 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 7 FEBRUARIE 2024. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF! WEN R1 000!…

MÓÉT-KYK! Shazam! Fury Of The Gods (M-Net, Sondag 21 Januarie om 20:05) Met hul bonatuurlike kragte leer Billy Batson en sy maats nog hoe om tienerwees met hul volwasse superheld-alter-ego's (Grace Caroline Currey, Zachary Levi en Meagan Good) te juggle. Hulle moet teen ‘n wraaksugtige trio veg vir hul lewe en die lot van die wêreld. KYKNET&KIE DSTV-KANAAL 145 kykNET&kie is ‘n verskeidenheidskanaal met outentieke kykgenot vir die hele gesin en eksklusiewe inhoud wat nog nooit vantevore gesien is nie. Arendsvlei, 18 Jan. om 19:30 Thys en Beatrice (Jolene Martin) worstel met Janice wat closer raak aan Desmond. Abigail se depressie word al hoe duideliker soos Beatrice met haar eie probleme sukkel. Birdy sit haar soektog na Anton voort. Suidooster, 22 Jan. om 18:30 Bridgette (Denise Newman) voel sleg oor…

‘n Mens het ‘n sterk hart nodig om al die uitdagings van die lewe aan te durf. Vertel ons jou storie oor daai keer toe jy ‘n sterk hart nodig gehad het of lug jou opinie oor ‘n onderwerp waaroor jy baie passievol is en jy kan R1 500 verdien. E-pos jou rubriek (800 – 1 000 woorde) en ‘n duidelike foto van jouself vir “Wat die hart van vol is” na kuier@kuier.co.za met die woord RUBRIEK in die onderwerpveld. As ons jou hartstorie publiseer, ontvang jy R1 500!…

Sy noem haarself ‘n “dogter van die Cape Flats met Suid-Afrika wat deur my are vloei”. En as jy na haar presta sies kyk, is sy ‘n vrou van haar woord. Lynn Hendricks (40), ‘n dosent in die departement globale gesondheid aan die Universiteit Stellenbosch, het ‘n reuse-prestasie agter haar naam: ‘n Dubbele doktorsgraad aan twee verskillende universiteite in twee verskillende lande. Dié Kaapse ma se navorsingsprojek vir haar doktorsgraad (PhD) ondersoek hoe jong vroue in Suid-Afrika wat leef met perinatale MIV (van hul ma na hulle oorgedra) deur multi-sensoriese, kunsgebaseerde metodes hul uitdagings takel en ‘n verskil in hul gemeenskappe maak. Hare was een van agt projekte wêreldwyd op die kortlys vir die gesogte Inclusive Health Research-toekenning in Brasilië – toe stap Lynn met dié prys weg! Haar projek…

WARE LEWENSDRAMA Sy het Katoliek grootgeword en was'n stoere anti-aborsie-aktivis. Toe raak sy op 22 swanger en haar ou vat haar dadelik vir ‘n aborsie. Leanne Haas (40) van Springs in Gauteng was so shell-shocked tydens die hele pynlike prosedure, dat sy net “ja” gesê het toe die nurse vra of dít wel was wat sy wou doen. Agterna het sy nog gewonder hoe sy'n kind sou grootmaak met'n partner wat haar verwerp. En wat gaan haar ma sê? So, dalk wás dit maar vir die beste … Maar toe begin dit by haar spook. En 14 jaar ná die aborsie het sy haar weg teruggevind na die Here, wat haar toe gelei het om'n gedig oor die hele ervaring rondom die aborsie te pen. Sy praat nou openlik daaroor,…

’n Liefde vir kos wat aan sy ouma se rokspante begin het, het vandag uitgeloop op ‘n booming besigheid met liplekkerkos wat sy mense uplift en laat smul! En dis nog net die begin vir Anwar Arendse en sy vrou, Gabriella. Destyds toe hulle nog saam op hoërskool was, was hy te “irriterend” vir haar, vertel hy. Maar die wiel draai. Toe hulle weer hul oë uitvee, toe spat die vonke en raak hulle liefde vir mekaar en lekker kos toe sommer ook die hoofbestanddele in The Hood Kitchen Mitchell's Plain, hul eetplek waar hulle gourmet-kos in die hartjie van die Kaapse Vlakte bedien. Hul menu bestaan uit net sewe hoëgehalte tuisgemaakte geregte en dit laat nie net locals soontoe stroom nie. Dié beskeie takeaway-plek het al besoekers van so…

GRENADELLA-BOMPIES Lewer 6 bompies BESTANDDELE ½ koppie suiker ½ koppie suurlemoensap 1 koppie water 2 x 115 g-blikke grenadellapulp METODE Hou 6 ballonne, 6 sosatie- of suckerstokkies, kombuistou en ‘n muffinpan byderhand. ■Verhit die suiker, suurlemoensap en water in ‘n klein kastrol. Roer aanhoudend tot die suiker opgelos is. ■Roer die grenadellapulp deur en laat prut vir 5 minute. Verwyder van die hitte en laat heeltemal afkoel. ■Trek een van die ballonne oor die punt van ‘n tregter – laat iemand jou help; dit is ‘n taak vir twee! ■Skep van die grenadellastroop in die tregter tot die ballon vol is. Haal die tregter versigtig uit. ■Sit ‘n sosatie- of sucker-stokkie in die opening van die ballon en bind dit stewig vas met ‘n stukkie kombuistou. Pak die gevulde ballon met die stokkie…

O it is noodsaaklik om ‘n goed ingerigte werkruimte hê om sukses op skool te behaal, en alles wat jy daarvoor nodig het, is byit is noodsaaklikom ‘n derhand. Gebruik plastiekomslae, opvoubare kratte, koevertvouers en blaailêers om verskillende vakke te organiseer. Dit saljou help om werkopdragte, aantekeninge en belangrike dokumente in orde te hou. Plastiekblaailêers voorkom dat jou papiere verniel, en opvoubare kratte skep toeganklike bêreplek vir boeke en voorraad. Koevertvouers en blaailêers bied ‘n geordende manier om verskillende items, soos papier en potlode, te kategoriseer en te vind. Sien die kassie regs vir eenvoudige en bekostigbare items wat kan help om ‘n stresvrye omgewing te skep watjou fokus, produktiwiteit en akademiese prestasie verhoog. Kom ons maak van skoolwerk'n piekniek!  BÊREPLEK-OPLOSSINGS ► A4-plastiek-ormslae in pakke van 10 teen net R9,99…

Vermy die'sale trap’ Baie winkels hou groot uitverkopings in die nuwe jaar en dis maklik om jouself te oortuig jy spaar geld as jy jou kinders se somerklere en -skoene vir die volgende somer op uitverkoping kry. Maar, onthou: jy koop klere wat ‘n jaar lank in die kas moet lê met geld wat jy nóú benodig. As jy die winkels moet invaar vir skool-inkopies, los die kinders by die huis. Dit kan jou ‘n paar rand spaar op uiteet en los items waaroor hulle neul. Bye-bye beursie As jy in die versoeking kom om jou lunchbox eenkant toe te skuif by die werk en jouself met ‘n takeaway te bederf, los jou beursie by die huis. Kry ‘n kleiner beursie waarin jy slegs die nodige hou, soos jou ID,…

NR. 277 WEN R350 KONTANT! VRAAG: Wie het 300 jakkalse gevang en hul sterte aan mekaar vasgemaak? SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Bybel-blokraainommer na 42508 oor 7 Februarie 2024. SMS/R1,50. Die oplossing verskyn in die uitgawe van 29 Februarie 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 7 FEBRUARIE 2024. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

Mense, dis 2024! Ek lag nou as ek terugdink aan hoe paniekbevange mense oor die nuwe millenium was, en doemvoorspellings dat die mensdom dit nie sou maak nie. En kyk in watter jaargetal trek ons al! Gewoonlik is dít wat ek in die nuwe jaar wil bereik al teen die einde van die vorige jaar in my kop uitgewerk, maar nie vanjaar nie. Ek wil vanjaar net die onnodige ekstra druk wat ek op myself plaas, afhaal. En ek gaan hard probeer om nie die heeltyd oor álles te worry nie. My groot fokus vanjaar is om die finale jaar van my meestersgraad suksesvol te voltooi – en omtrent ‘n see moet nog vol water loop voor ek by die eindpunt kom – so ek moet super-gefokus wees. Ek betree…