Innholdsfortegnelse for 4 January 2024 i Kuier

Ek het alte lekker gelag toe ek Brenden Ruiter se rubriek in dié uitgawe lees (bladsy 64). Ek en Nuwejaarsvoornemens is mos glad nie vrinne nie. Mens maak mos élke jaar planne: jy gaan gesonder leef, gewig afskud, meer oefen, sente spaar vir daai dream holiday '8230;Myne is permie dat ek gaan leer kook en agter die stuurwiel inklim, sodat my licence darem íéts beteken. En elke jaar kom daar niks van nie. Toe ek onlangs sien hoeveel ek moes opdok vir Uber rides in nét een maand, het ek amper van my stoel af geval! Jy begin mos die nuwe jaar heel gretig, en soos die dae en weke en maande aanstap, skop die realiteit in en as jy weer sien, is dit Paasfees. Dan Julie, dan Oktober. En…

Dis ’n nuwe jaar! Daar is talle nuwe horisonne wat wink. Met elke nuwe begin is daar opwinding, uitdagings, onsekerheid en soms vrese. Gelukkig word ons nie aan ons eie genade oorgelewer nie! Jesaja 58:11 stel dít so mooi: “Die Here sal jou gedurig lei en jou siel versadig in dor plekke en jou gebeente sterk maak; en jy sal wees soos ’n tuin wat goed besproei is en soos ’n fontein van waters waarvan die water nooit teleurstel nie.” Vir sommige was 2023 ’n rowwe jaar. Genadiglik kan ons van nuuts af begin, soos Filippense 3:14 lui: “Maar een ding: ek vergeet die dinge wat agter is, en strek my uit na dít wat voor is.” Dis raadsaam om ’n jaarplan op te stel en jou doelstellings neer te…

INSPIRASIE Die kosreuke kom haal jou al soos jy instap, en jy weet sommer: in dié huis word daar lekker geëet! Charlotte Willemse (51) groet ons met ’n breë glimlag en nooi ons in. Hier, in haar kombuis in die Strand buite Kaapstad, woel dié ma van vier elke Dinsdagoggend met twee helpers om potte kos te kook en kospakkies aan haar gemeenskap uit te deel. Dit gaan al drie jaar só, en die aantal mense wat elke week inloer vir ’n bakkie kos raak net ál meer, sê Charlotte. Vir sommige is dit hul enigste ordentlike maaltyd vir die week. Dis egter nie net haar uitreikwerk wat Charlotte bekend maak in haar buurt nie. DAMIAN SIEN DIE NOOD Haar jongste seun, die Springbok en Stormer Damian Willemse, is die…

Jy sou nooit dink dat daar agter daai lekker lag wat ons so gereeld op skreeusnaakse video's in sosiale media ervaar, soveel hartseer skuil nie. Tussen 2013 en 2015 is hy deur hel, onthul Morné E. Meyer (42). Hy het twee broers, Nolan en Vernon, binne nét vier maande aan die dood afgestaan – een aan siekte, die ander koelbloedig vermoor. En nét vier maande later is sy pa, Dirk, ook oorlede. ’n Paar maande later het nóg ’n tragedie sy familie getref: Sy 15-jarige niggie, Dedrei, is per ongeluk doodgeskiet. En toe die final blow: Sy ma, Dorothy, sterf in 2015 op Goeie Vrydag. Dié verliese het hom op ’n geestelike reis gestuur, en God het hom na sy roeping gebring: as die eerwaarde doktor Morné E. Meyer. Dié…

IN DIE KOMBUIS TORTILLA-EIERBAKKIES Lewer 6 bakkies BESTANDDELE 6 klein tortillatjies (sowat 10 cm groot) 1 koppie gerasperde kaas 200 g ham, in blokkies gesny 150 g babatamaties, gehalveer 6 eiers, geklits 1 koppie melk sout en peper, na smaak METODE Voorverhit die oond tot 180°C. Bespuit 6 holtes van groot muffinpanne met kossproei. ∎Vou elke tortilla in ’n kwart. Plaas dan een in elke muffinbakkie en vou dit half oop sodat dit ’n bakkie binne-in die muffinbakkie vorm. Druk dit dan vas. ∎Sprinkel ’n bietjie kaas oor elkeen. ∎Verdeel die ham en tamaties tussen die bakkies en sprinkel die orige gerasperde kaas bo-oor. ∎Klits die eiers en melk saam, geur met sout en peper, en giet oor. ∎Bak vir 40 minute of tot die vulsel gestol is. ∎Laat afkoel en sit in die yskas…

Hoe lyk menopouse? Vraag IS DIÉ OORGANGSJARE? Hoe verander ’n vrou se lyf en hoe weet jy as jy menopouse begïn ervaar? Ek ïs nou 43 jaar oud en ek kom agter my lyf ïs besïg om te verander, alhoewel ek dïeselfde eet en oefen. BERENICE Antwoord BESTE BERENICE Dïe oorgang na menopouse affekteer elke vrou unïek en verskïllend. Dïs belangrïk om dïé fase as deel van dïe natuurlïke verloop van dïe lewe en stadïums ïn dïe vrou se lewe, te sïen en aanvaar. Elke vrou word gebore met ’n aantal eïerselle wat van haar tïenerjare maandelïks vrygestel word deur dïe eïerstokke vïr moontlïke swangerskap. As swangerskap nïe plaasvïnd nïe, word dïe maand se eïersel tydens maandstonde afgewerp. Dïe vroulïke hormone, progesteroon en estrogeen, speel ’n krïtïese rol ïn dïe…

NR. 224 VRAAG: Wie het die Nuwejaarslied 'Auld Lang Syne' gepen? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 24 Januarie 2024. SMS/R1,50. Die oplossing verskyn in die uitgawe van 15 Februarie 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 24 JANUARIE 2024. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF! WEN R1 000!…

NR. 158 Soek die vetgedrukte naam (of naamdeel) van hierdie winkelsentrums. Beachview-winkelsentrum Bloem Plaza Blue Route-winkelsentrum Brooklyn-winkelsentrum Canal Walk CapeGate Cavendish Square Cresta-winkelsentrum Greenacres-winkelsentrum Hyde Park Corner Kwa Mnyandu Lakeside-winkelsentrum Loch Logan Waterfront Lynridge-winkelsentrum Mall of Africa Maponya-winkelsentrum Melrose Arch Menlyn Park Mimosa-winkelsentrum Montecasino Oriental Plaza Sandton City The Pavillion Twin City-winkelsentrum Tygervallei-winkelsentrum Vangate-winkelsentrum Walmer Park-winkelsentrum Westgate-winkelsentrum Wonderpark Woodlands Boulevard OPLOSSING VERSKYN IN DIE UITGAWE VAN 18 JANUARIE 2024. SOEK VIR DIE SPELETJIENOMMER.…

My vrou stuur die ander dag vir my ’n meme wat lui: “Dit was lekker om vet te wees, maar nou is dit genoeg.” Toe ek die boodskap lees, was ek eintlik besig met iets anders en het nie veel ag daarop geslaan nie. Later die dag lees ek weer, met begrip. Wat wil my vrou nou eintlik sê? Praat sy van my of van haarself? Sy is self nie oorgewig nie, so die meme is duidelik op my gemik. Ek voel dadelik geraak, want my gewig het met niemand iets te doen nie – nie eens my vrou nie! Ek berei my voor vir ’n ernstige gesprek as ek tuis kom, want ons is mos lief vir mekaar en respekteer mekaar se liggaamstipe. Ons het ’n verhouding waar ons…

“Kuier met die Kolbes”, 7 Desember 2023 Watter mooi foto's van die Kolbes! Hulle is ’n pragtige en geseënde gesin. ELSABE VAN RENSBURG-HENN Layla Kolbe is vir my so beeldskoon. Wat ’n pragtige gesin. ENGELA SWART Dis die voorblad waarvoor ek gewag het! NATASHA PRESS “Mel en Roxy se Kaapse draai”, 23 November 2023 Julle is ’n pragtige ma en dogter. Geniet mekaar en elke oomblik. Sterkte vorentoe en God se seënwense. MAGDELENA JANSEN Dié appeltjie val beslis nie ver van die boom af nie. Julle is ’n stunning ma en dogter. REY MESTERIO “Ons kindjie se lewe wreed kortgeknip”, 23 November 2023 Rus in vrede, engelkind Chevante Alcaster. My innige simpatie aan die breër familie. Dis baie hartseer wat met haar gebeur het – haar hele toekoms het nog…

Hy kyk jou in die oë, amper asof hy jou uitdaag om eerste weg te kyk. Want Melvin Maxim (42) is daaraan gewoond dat mense wegkyk. Of hom aanstaar wanneer hulle dink hy H weet dit nie. Hy het ’n toestand waar oorgroeide scar tissue, ook genoem keloïede, soos trosse dadels aan weerskante van sy vriendelike, oop gesig hang. Hy is gewoond aan die kyke; die mense wat hom aanstaar. Hulle sien net die bultende weefsel in sy nek. Van die keloïede wat op sy rug, borskas en skouers groei, weet hulle nie eens nie. “Dit laat my sleg slaap,” vertel hy. “Ek moet op my maag slaap, want die keloïede op my rug is seerder as dié op my gesig. Dis jeukerig.” Dan glimlag Melvin, en sy vriendelike oë…

Hy is Deon Daniels, maar in ‘ie streets ken almal hom as DJ Ready D. Dié celeb maak seker hy los nie net tyre-merke agter as hy spin nie, maar ook ’n legacy. Hy wil ‘n pad oop trap – of ry – vir kinders van kleur en wys dit maak nie saak waar jy vandaan kom nie, maar waarheen jy op pad is. Ready D (55), wat in Distrik Ses gebore en in Mitchells Plain op die Kaapse Vlakte grootgeraak het, is ’n man van vele talente en peak caps: Hy is ’n DJ, radio-aanbieder, drifting- en stunt-bestuurder, music supervisor en ook aan die stuur van jeugontwikkeling met sy eie niewinsgedrewe organisasie (NPO). Hy en sy vrou, Malikah (51), is ook eersdaags te sien in kykNET & kie se…

Vir jonger meisies WENK Kinders groei vinnig. Koop hul skoolklere so groot moontlik om ruimte vir groei toe te laat, maar maak seker dit is nie té groot nie, en lyk steeds netjies. Vir jonger seuns WENK Kyk uit vir unisexitems (wat deur beide seuns en meisies gedra kan word). Só spaar jy geld as jou kinders dit van mekaar kan erf. Vir ouer meisies en seuns Skoolskoene Of jou kind nou hou van veters of gespes – dié lys skoolskoene het iets vir almal. SEUNS R199,99, Woolworths R319,95, Shoe City R899,99, Tekkie Town R170, Gem Schoolwear MEISIES R170, Gem Schoolwear R200, Takealot R349,99, Woolworths R680, Gem Schoolwear PT-skoene Naskoolse aktiwiteite is terug! Help hulle op die sportveld uitblink met dié lekker tekkies. R189,95, Ackermans R199,95, Bash R199,95, Ackermans R549,99,…

NR. 276 SAAMGESTEL DEUR: PENPRET WEN R350 KONTANT! ? VOLTOOI: 'Waar Dawid die wortels begrawe het' verwys eintlik na 'n —? SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Bybel-blokraainommer na 42508 voor 24 Januarie 2024. SMS/R1,50. Die oplossing verskyn in die uitgawe van 15 Februarie 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 24 JANUARIE 2024. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

Ons almal weet van mense wat soms voorbodes kry, drome droom of visioene sien wat in die toekoms werklik word. Dié vreemde verskynsel kom al van Bybelse tye af aan. ’n Vriend skryf onlangs op Facebook hoe hy gedroom het hy ry op ’n onbekende pad. Skielik was dit pikdonker om hom en kon hy niks sien nie. Hy het paniekbevange spoed verminder en gehoop om nie ‘n groot ongeluk te maak nie. Die volgende dag ry hy en sy vrou Struisbaai toe. Duskant Napier, teen ’n steilte af, was ’n trokkie ’n hele klomp voertuie aan't verbysteek – in hul rigting. Die trokkie sou nie tussen die ander voertuie kon inswaai nie, want die afstande tussenin was te klein. My vriend moes dringend dié dreigende kop-aan-kop-botsing vermy. Hy het…

'39;Hartverskeurende mis-kraam op 18 weke en toe weer ’n verpletterende verlies byna twee jaar later, het die aktrise Kim Syster (35) soos ’n halwe vrou laat voel – onvoldoende, magteloos… Maar haar besluit om openhartig oor haar pyn te begin praat, het gehelp dat sy en manlief, Chris Lategan (36), weer die skerwe aanmekaar kon las. Vandag weet dié Arendsvlei-ster dit was die pad wat hulle móés loop, soos die Here dit uitgelê het. En daar is berusting. Tussen die trauma deur het die gebede deurentyd boontoe geskiet en die paartjie, wat in 2014 getrou het, het bly vasklou aan elke greintjie hoop – dalk sou hulle tog eendag die voorreg kon beleef om ouers te word. En kyk net hoe werk die Here! Sien ’n mens haar vandag met…

MY LEWE Die wêreld van influencers op sosiale media is meestal ’n glansryke een – hulle is uitgetof in die mooiste klere, hang uit by glitzy do's en prentjiemooi plekke en bemark peperduur produkte. Hul followers volg hul lewe, scroll deur die een ná die ander foto en bewonder dié mense. En soms, net soms, wens jy dalk daai glamorous lewe was joune. Maar daar duik ál meer influencers op sosiale media op wat soos ’n vars lentebriesie nie net die lewe se lekker en mooi deel nie, maar ook eerlik is as dinge nie so prentjiemooi verloop nie. Die 28-jarige Raeesah Albertus Makuse is een van hulle. Dié influencer van Kaapstad gee girl next door feels – sy's plat op die aarde genoeg om soos jou vriendin te voel,…

Sy kóók! En daar kan beslis geen water op die talentvolle SuidAfrikaanse sangeres en liedjieskrywer Tyla (21) se vuur gegooi word nie. Haar gewilde song, “Water”, is op almal se lippe en al wat ’n celeb is, swaai hul heupe op dié tune, wat in Kaapstad vervaardig is. “Water” was ’n top 10-hit in ’n hele paar lande: Amerika, Engeland, Australië, noem maar op! Én dis die eerste song van ’n Suid-Afrikaanse solo-sanger wat in die afgelope 55 jaar die Amerikaanse Billboard Hot 100-trefferlys gehaal het! Die laaste plaaslike musikant wat dít kon regkry, was die jazz-legende Hugh Masekela met “Grazing in the Grass”. Sy hang deesdae uit met die wie's wies. (Wie kan dan nou vergeet toe sy knap langs Kim Kardashian ge-pose het vir ’n foto by ’n…

Dis nie meer so maklik om jou tienerkinders uit te vang as hulle skelm rook soos wat dit destyds was nie. Daai dae toe ’n hopie sigaretstompies iewers in die agterste hoek van die erf of ’n sigaret-roller weggesteek in ’n klerelaai hulle verklap het, is verby. Deesdae het tieners net ’n e-sigaret of vaping-pen nodig – wat hulle met hulle saamdra – om iewers skelm te gaan suig voor hulle dit weer afsit. Só bly hul niksvermoedende ouers salig onbewus van hul rookgewoonte. Maar oppas, waarsku kenners: Rook het beslis nie minder skadelik geraak nie, en dis ook nie dat minder tieners deesdae skelm rook nie. Vaping is nié minder toxic as tradisionele sigarette nie, en veral nie vir tieners nie! Die wêreldwye toename in jongmense wat e-sigarette rook,…

ENTREPRENEUR Dis nie maklik om die sekuriteit en gemak van ’n permanente 9-to-5werk te los en skielik jou eie besigheid te begin nie. Maar dís presies wat Sonja Arendse (43) van Strandfontein in die Kaap gedoen het. En vandag, vyf jaar later, is sy ’n boffin van ‘n virtuele assistent! Die entrepreneursgees het Sonja al van kindsbeen af beetgepak toe sy tameletjies gemaak en verkoop het om ’n ekstra geldjie te verdien. Vandag besit sy haar eie besigheid en sy lei mense as virtual assistants op. Almal het mos maar ’n vyfjaarplan en dikwels werk dinge nie altyd uit soos dit moet nie. Dít was ook die geval met Sonja. In 2018 het sy besluit om haar permanente werk in finansies te los, haar besittings te verkoop en in Thailand…

NR. 302 WEN R350 KONTANT! ? VRAAG: Wat is die naam van die Springbokke se hoof-fisioterapeut? SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Fotoblokraainommer na 42508 voor 24 Januarie 2024. SMS/R1,50. Die oplossing verskyn in die uitgawe van 15 Februarie 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE FOTOBLOKRAAI EN HUL BESONDERHEDE VERSKAF. DIE SLUITINGSDATUM IS 24 JANUARIE 2024. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…