Innholdsfortegnelse for 7 December 2023 i Kuier

Ek kan sowaar nie glo die jaar is alweer op sy rug nie. Hóé het 2023 so vinnig verbygevlieg? Hier in Kuierland het dit omtrént rof gegaan die afgelope ruk. Ons het in een week sommer twee tydskrifte drukkers toe gestuur! Een was 'n passieprojek baie na aan my hart – ons nuwe Suidooster KuierCombo. Kyk net hoe mooi is dit hier langsaan op die inlasfoto! Dit bevat die lekkerste leesstof oor als wat jy oor die gewilde sepie Suidooster moet weet – van die grootste storielyne en skokke tot die beste baddies, en lusmakers vir wat kom in 2024. Kyk, ons weet mos ons Kuier-mense is óór 'n stukkie Suidooster! Die KuierCombo is nou op rakke – net in tyd vir die Desembervakansie, so maak seker jy pak hom…

GETUIENIS Sy’t gedink sy is dood ná sy dwelms net bo haar hart ingespuit en skielik ‘n hartaanval gekry het. Haar hart het vir ’n paar minute ophou klop, maar toe kom God met Sy reddende regterhand deur, en ruk haar so te sê terug van die dood se deur. Dít was vir Monique Ackers (32) die keerpunt wat haar uit haar diep, donker dwelmhel gered het. Dit was in November laas jaar. Sy is al ’n jaar lank sober en het nog nie weer aan drugs geraak nie. Maar dié paadjie was nie maklik nie … Sy’t haar van ’n jong ouderdom al aan dwelms vergooi, vertel dié Kapenaar, oorspronklik van Ravensmead. “Toe ek nege jaar oud was, het ek begin rook en op 12 het ek begin drink,”…

Terwyl die Bokke op die rugbyveld hul ding gedoen het by die onlangse Wêreldbeker-rugbytoernooi in Frankryk, was sý knap langs die veld, slaggereed om met beserings te help. Rene Naylor (51) is een van die mees “ervare” rolspelers in die Bokkamp. Dié fyngeboude fisioterapeut is van 2008 af deel van dié span, met vier Wêreldbekers agter die rug. Sy en nog ‘n fisio moes verseker dat die manne fiks bly vir die toernooi in Frankryk, en ook in aanloop tot die Wêreldbeker. En daar lig hulle toe sowaar weer die Webb Ellis-trofee, vir ’n rekord vierde keer. Nou spog Rene met nóg ’n goue medalje om haar nek – haar tweede. Sy is beslis ‘n supervrou, want tussen die wêreldreise met die Bokke deur, bedryf sy ook ’n praktyk in…

KRISMISBOKS Ons almal weet die afgelope jaar was nie maklik vir almal nie. By tye het dit dalk gevoel of dinge omtrent beroerd gaan en of jou lysie uitgawes dalk net meer en meer raak. Besoeke aan die winkel of petrolpomp het ook die bloeddruk opgejaag. Dit voel mos omtrent of pryse vir als net die hoogte inskiet. Ons moes meer hoes vir kos, petrol, klere – noem maar op. Om nie te praat van die kinders se skoolfooie wat ook nog betaal moet word nie. Dalk het jy finansieel swaargetrek ná die Covid-19-pandemie en moes jy links en regs planne maak om die pot aan die kook te hou. Dalk trek jy swaar by die werk of gebeur daar dinge in jou persoonlike lewe wat jou net soos ’n…

Sy liefde vir lekker eet kom al van kleins af, en dit het die lekkerbek Nicholas Manuel (39) al ver gebring. Hy’s nie verniet bekend as “The Godly Giemba” nie, en vandag spog dié Kapenaar, ‘n Kenwyn-boorling, met sy eie kosprogram, Sterkbek, op VIA. In dié reeks nooi hy celebs om sterk kos by gewilde eetplekke te proe. Hy’t dalk nou ’n larger-than-life personality, maar dit was nie altyd só nie, sê Nicholas. As ‘n enkelkind het hy “only child”-sindroom gehad. Sy liefde vir kos het hom gewys hoe om uit sy dop te kruip én hoe dit mense byeenbring. “Ek was die tipe ou op skool wat nie geskroom het om hier en daar te proe uit my vriende se kosblik nie – tot op die punt waar hul…

• As jy kinders het, is dit wys om nie oor die feestyd jou geld op klere en te veel geskenke te spandeer nie, sê Queen. “Wag tot Januarie, wanneer die uitverkopings begin en jy tot 60% afslag op normale pryse kan verwag,” sê sy. • Koop skoolklere en skryfbehoeftes oor Desember aan. Dit help om die Januarie-“rush” te vermy wanneer jy moontlik nie tyd het om pryse te vergelyk en rustig inkopies te doen nie. • Kommunikeer julle begroting aan julle kinders. Verduidelik wat julle kán bekostig en wat nié, sodat daar nie onnodige duur verwagtinge is nie.…

OP DIE KASSIE KIND ’n Ougetroude paartjie (Rika Sennett en André Stoltz) se enigste seun en sy gesin gaan weg met vakansie en laat hulle op hulle eie vir Kersfees. Hoe vier jy die feestyd as jy sonder kind of kraai sit? Jy neem die dorp op horings! “Dis ’n verhaal van die herontdekking van liefde en om weer sin in die lewe te vind,” sê Gustav Gerdener, die regisseur. “Versoening, wat jou laat besef waar jy in jou lewe is en om die beste daarvan te maak. Waardeer die klein dingetjies in die lewe en ervaar alles voluit.” Kind is in Johannesburg verfilm en dit sluit wilde jaagtogte, danspassies in die natuur en laatnag putt-putt in. “Maar, wag, ek gee te veel weg. Die kykers gaan moet inskakel om…

“My grootste hoogtpunte was dat ek my journey na moederskap en deur postpartum depressie met vroue kon deel. En om uit daai depressie te kom en my dogtertjie te geniet. Sy's ’n ligpunt in ons lewe. Dis nie Alyssa se eerste Kersfees nie (sy was 11 dae oud laas jaar), maar ek beskou dit as haar eerste, want laas jaar was ek gone in die depressie. So ek sien uit na Kersfees met haar, en hopelik al haar oumas en oupas. ” VANESSA ADOLPH, LESER “My jaar se highlight is die drie movies waarin ek my seun, Elijah (7), geregisseer het. Dit was ’n groot blessing. My wens is dat vrede sal heers hierdie feestyd. Die lewe is kort en daar om is dit belangrik, nie nét om lief te…

INSPIRASIE Hy kén van gaan slaap met die hongerpyne wat knaag. Van armoede wat jou by tye kan laat voel daar is nie uitkomkans nie. En toe hy een aand as 16-jarige weer eens saam met sy sibbe honger moes gaan slaap, het hy besluit: Hy gáán ’n manier vind om sy ouers te help om kos op die tafel te sit. Ná ’n gekopkrap het Ricollin Moodley (23) van Shelly Beach aan die suidkus van KwaZulu-Natal prentjies op los blaaie begin teken en gehoop toeriste sou dit koop. Al het dit nog steeds broekskeur met hom en sy gesin gegaan, het sy onblusbare liefde vir die kunste hom nietemin in ’n voltydse kunstenaar laat ontpop – iemand met ’n job, wat nou vir sy gesin kon sorg. En hy’s…

VERMAAK Hulle is nes die meeste SuidAfrikaners reg om die festive se “hekke” oop te maak. Juaniël “Nielo” Espin (27) en Derek Plaatjies (30), wie se wortels onderskeidelik in Montagu en Saron geanker is, het omtrént die land aan die sing en dans met hul hit “Maak oop die hekke”. Dié song is vir die Montagu-rugbyklub geskryf, maar het nou ’n lewe van sy eie aangeneem. En toe hulle ’n remix vir die Bokke maak tydens die Wêreldbekertoernooi, tóé ruk ‘ie ding! Toe hulle weer hul oë uitvee, is hul song nie net as die Afrikaanse treffer van die World Cup nie, maar sommer ook as die kuier-song vir die festive gedoop. So, wie is dié kuier-leiers met die feesgees? “Om op Montagu groot te raak, was ’n goeie én…

Die lang somerdae is hier, en daarmee saam kom luilekker ure in die son. Maar voor jy dit in die hitte waag, moet jy jouself en jou gesin teen die son se skadelike UV-strale beskerm. En sunscreen is beslis nie net vir ligte velle nie. Almal, ongeag jou ouderdom, ras of geslag, moet dit daagliks gebruik. Selfs op bewolkte dae. HOEKOM BENODIG ONS SONBESKERMING? “Daar is niks fout met ’n bietjie vitamien D nie, maar maak seker jy is goed beskerm. Sunscreen beskerm nie nét teen die son nie, maar help ook met moisturising, pigmentasie en selfs veroudering,” sê Carmen Cloete, ’n estetiek-spesialis van Kaapstad. Dit keer dat sonvlekke voorkom, beskerm die vel teen sonbrand en verminder jou velkanker-risiko, sê sy. Dis ‘n mite dat jy nie sunscreen hoef te…

JOU KIND Die lang skoolvakansie lê voor. Só ook verveelde kleingoed wat neul, ’n beursie wat by die dag platter raak en ’n kopkrappery oor hoe jy die kinders weke lank besig gaan hou . . . Kuier het by ’n paar ma’s aangeklop vir raad oor hoe om dié vakansie kop te hou. Lavern Maarman (36), ’n ma van twee skattige woelwaters, Kane (7) en Jake (3), vertel haar seuns se persoonlikheid verskil soos dag en nag, maar hulle speel te lekker saam as mamma idees gee. “Kane is ’n dreamer en rustige soul, en kan vir ure op sy eie speel en homself entertain, terwyl Jake gou verveeld raak. Maar wanneer hulle saam iets doen, is dit meer exciting vir hulle.” Lavern het laas jaar ’n kunsklas begin…

NR. 223 VRAAG: Wie is The Grinch se stem in dié 2018-animasiefliek? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 10 Januarie 2024. SMS/R1,50. Die oplossing verskyn in die uitgawe van 1 Februarie 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 10 JANUARIE 2024. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF! WEN R1 000!…

NR. 275 WEN R350 KONTANT! VRAAG: Watter keiser het 'n sensusopname laat neem voor Jesus se geboorte? SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Bybel-blokraainommer na 42508 voor 10 Januarie 2024. SMS/R1,50. Die oplossing verskyn in die uitgawe van 1 Februarie 2024. NET MENSE BINNE SA KAN DEELNEE. DIE WENNER WAT GEKIES WORD, MOET DIE OORSPRONKLIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 10 JANUARIE 2024. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

KORTVERHAAL “Dankie dat jy hierdie tegnologies uitgedaagde vrou altyd so geduldig help,” skerts Sue-Anne. As sy met die rekenaar vashaak, vra sy altyd vir Darren by die helpdesk van die universiteit se inligtingstegnologie-afdeling om hulp. Hy en sy maak Teamviewer oop, dan los hy sommer tjop-tjop haar probleem op. Sy weet nie hoe hy lyk nie, maar hy het die melodieuse stem van ’n radio-omroeper. “Daar is seker ander dinge waarmee jy goed is,” sê hy. “Almal het mos hulle eie talente. Wat is joune?” “Ek is ’n ‘finalejaar’ by die Konserv en my talent is klavierspeel,” laat Sue-Anne hoor. “Dis cool. Ek speel sukkel-sukkel. Kan darem note lees,” sê hy. Sy lag. “Het jou ma jou gedwing om klavierlesse te neem?” “Sy het. Ek sou graag wou hoor hoe…

Ná antie Gertie Davids se afsterwe in Maart 2010 het ek vir myself gesê – siende dat ek darem nou so ‘n bietjie kan skryf – sal ek graag ’n huldeblyk oor haar wil doen omdat sy soveel vreugde in my lewe gebring het as kind, deur die stories wat sy kon vertel. Antie Gertie was my ma-hulle se niggie aan vaderskant. Sy was ’n skool-nurse en het ’n seun en twee kleinseuns gehad. Kyk, antie Gertie kon tóór met woorde. Sy was ’n bobaasstorieverteller. Niemand kon ’n storie naastenby soos sy vertel nie. Sy kon almal in ons huis aan haar lippe laat hang, en dan was daar die geskater van die lag. En antie Gertie kon lékker lag, so uit haar maag uit, dat die trane oor haar…

Want ’n Kind is vir ons gebore, ’n Seun is aan ons gegee. Hy sal die heerser wees met die koninklike titels: Wonderbare Raadsman, Magtige God, Ewige Vader, Vredevors,” lui Jesaja 9:5. Só profeteer die profeet Jesaja eeue terug van die Kind Jesus, wat deur God aarde toe gestuur is met ’n magtige doel. Die gróótste doel in die bestaan. En tot vandag toe herdenk ons die geboorte van Jesus deur Kersfees. Kersfees is ’n tyd vol liefde, blydskap, familie-etes, geskenke uitruil en opregte dankbaarheid oor die geboorte van Jesus. Maar vir ander het dit ’n vreemde smaak wanneer ’n stoel aan hul tafel leeg is – die onsekerheid oor hoe om Kersfees-tradisies te laat voortleef wanneer julle nie meer voltallig is nie. Ek kén daai gevoel. Ná my ma…

As jong getroude paartjie was hulle saam-saam opgewonde toe hulle laas jaar uitvind hul eersteling is op pad. “Ons het saam gehuil toe die toets positief wys,” sê Hendrik Strauss (26) oor die groot oomblik toe hy en sy vrou, Mariaan (26) uitvind hulle gaan ouers word. Die opwinding vir die paartjie, van die Vrystaatse dorpie Hennenman, was selfs groter toe hulle op 13 weke vir hul eerste swangerskapsonar na hul huisdokter is. Toe kom die skok. “Die dokter het lank na die sonar gekyk, en gekyk, en gekyk,” vertel Mariaan. “Toe sê hy hy sukkel om die tweede armpie te sien. Hy het ons na ’n spesialis in Bloemfontein verwys wat drie weke later ’n tweede sonar gedoen het. Dié het gesê nee, die baba het géén arms nie.”…

Is jy, of iemand wat jy ken, een wat gedurig sosiale media aan die gons het? Dan is Netwerk24 se Smaakmaker-kompetisie net vir jou! Wat is ’n Smaakmaker, vra jy? Dis die lekker loslit-Afrikaanse woord wat Netwerk24 se lesers uitgedink het vir die Engelse woord “influencer”. Noudat ons die woord het, soek ons die grootste sterre van die smaakmakerwêreld. En dis in jóú hande wie wen. Kuier, in samewerking met Netwerk24, soek die gewildste inspirasie-“smaakmaker”! HOE WERK DIT? Die kompetisie word aangebied deur Netwerk24 in vennootskap met Kuier en ander Afrikaanse koerante en tydskrifte in die Media24-stal. Daar is 14 afdelings waarin jy ’n prys kan wen, en eindelik word ’n 15de prys uit ál die afdelings toegeken om Netwerk24 se algehele Smaakmaker van die Jaar te bekroon. Elke afdelingwenner…

SAPPIGE ROOIBOS-ENROSEMARY-LAMSBOUD MET GREMOLATA-RYS Genog vir 6-8 mense BESTANDDELE Lamsboud 2 uie, geskil en in kwarte gesny 2 wortels, rofweg gesny 2 lourierblare 2 kg lamsboud met been en skenkel ½ teelepel elk fyn koljander en komyn sout en varsgemaalde peper 6 knoffelhuisies, geskil en gehalveer 4 takkies rosemary, in kleiner stukkies gebreek sap van 1 suurlemoen 2 koppies sterk rooibostee en ekstra indien nodig Rys 2 koppies basmati-rys ’n handvol vars pietersielie, gekap gerasperde skil van 1 suurlemoen 1 eetlepel botter of olyfolie METODE Voorverhit die oond tot 150°C. Hou ’n groot, diep oond- of braaibak met ’n deksel byderhand. Lamsboud ■ Versprei die uie, wortels en lourierblare in die oondbak. ■ Gebruik ’n skerp mes en sny kepies in die vetkant van die lamsboud. Geur oraloor met die koljander, komyn, sout en peper. Vryf die speserye goed in die boud…

Tipe ekseem in nek Vraag JEUKERIGE UITSLAG PLA Ek het so twee jaar terug ’n allergiese uitslag om my nek ontwikkel wat vreeslik gejeuk het. Omdat ek ’n hemp met my uniform moes dra, het dit vererger. My dokter het salf gegee, wat ek gebruik het met ‘n sonskerm. Ek kom nou agter ek kry gereeld dié jeukerige uitslag en my nek het swart begin raak en ek’s nou baie bewus daaroor – veral nou, in die somer. Ek het nou al als probeer om dit ligter te maak, maar niks help nie. Het u dalk enige raad, asseblief? MOEDELOOS Antwoord BESTE MOEDELOOS ‘n Diagnose is uiters belangrik sodat die veltoestand behoorlik en korrek behandel kan word, en om flare-ups te verhoed. Algemene oorsake kan ’n tipe ekseem of psoriase…

Hou vir eers daai tjek, sê Queen. “Dit is lieflik om daardie ekstra geld tot jou beskikking te hê, maar gebruik dit wys,” sê sy. Hier is haar raad: • Spaar dié geld as deel van jou noodfonds. • Gebruik dit vir jou kinders se skoolfonds, wat jy ten volle kan betaal en só afslag kan kry op paaiemente. • Betaal skuld af sodat jy jou cash flow kan verbeter. • Laastens kan jy dit gebruik vir jou kinders se nuwe skooljaar: hulle kort dalk nuwe uniforms, skooltasse of skryfbehoeftes.…

Dis makliker gesê as gedaan om jou kinders te entertain as jy self ’n moeilike en bedrywige jaar gehad het, maar onthou die volgende as dinge soms ‘n bietjie te oorweldigend raak: • Kinders spel liefde op nét een manier: T-Y-D. Geen hoeveelheid geskenkies sal ooit kan opmaak vir ’n middag van onverdeelde aandag nie. En dit hoef nie elke dag te gebeur nie; net genoeg om hul emotional kietie ook vol te maak met ouerliefde. • Hoe jy met hulle praat, word hul innerlike stem. • Hulle luister nie aldag wat jy sê nie, maar hulle kyk wel wat jy doen. • Maak tyd vir jouself en jou maat. Dit leer jou kinders grense en dat ander se tyd ook gerespekteer moet word.…

Dis uiteindelik festive hierbuite! Ek weet nie van julle nie, maar anders as 2022, wat gevoel het asof dit net nie end kon kry nie, wonder ek nou waarheen 2023 gevlieg het! En so cliché as wat dit mag klink, glo ek dat ‘n mens netsoveel as wat ’n mens wil feesvier, ook moet reflekteer op die jaar wat was, en dankbaar moet wees ons het dit tot hier gemaak. Hoe ouer ek raak, hoe meer besef ek ons lewe regtig op geleende en genade-tyd, en om wakker te raak, is ’n seëning. Dit het middel-2023 gevoel asof my hele lewe inmekaartuimel. Dit klink dalk dramaties, maar as ’n mens in die oog van die storm is, kan jy nie sommer jou weg daaruit sien nie. Ek het baiekeer gewens…