Innholdsfortegnelse for 23 November 2023 i Kuier

Daar is vir my niks so lekker soos om te sien hoe mense uit my grootwordplek, Bredasdorp, uitblink en hul merk maak in die land en ander inspireer tot beter en hoër hoogtes nie. Dit maak mos sommer 'n mens se hart warm! Die Springbokke het voor die Wêreldbeker-toernooi video's geskiet waarin die spelers sê vir wie hulle hul hart uitspeel op die rugbyveld. Toe Frans Malherbe sê, "For Bredasdorp", het ek gebars van trots en sommer hoendervleis gekry! Dis sy geboorteplek, en vir die Bokhulpafrigter Deon Davids is "Bdorp" sy grootwordplek. G'n wonder die Bredasdorpers het ná die Bokke se onlangse Wêreldbeker-wen op Facebook geskimp Frans en Deon moet 'n bietjie daai goue Webb Ellis-trofee Bredasdorp toe bring nie! Toe die manne in groen en goud die trofee vir…

INSPIRASIE Vir die grootste deel van sy eerste skooljaar het sy onderwyser hom geïgnoreer en alleen op die klaskamermat laat sit omdat hy nie wou deelneem aan klasaktiwiteite nie. Hy was in sy eie wêreld en het nie juis met ander leerders en of onnies op skool gekommunikeer nie. Hy het nie juis maatjies gehad nie, en die skool het min hoop vir hom gehad – soveel só, dat sy ouers aangeraai is om hom na ’n skool vir leerders met spesiale behoeftes te stuur. Maar hulle het egter teen dié idee vasgeskop. Vandag is Edward Heldsinger (18) van Heideveld op die Kaapse Vlakte in sy matriekjaar by Cathkin Secondary School. Hy is ook ’n inspirasie en baken van hoop vir baie nadat hy onlangs op hul skool se jaarlikse…

Eenstuk Alle liggaamstipes lyk goed in ’n eenstuk en daar is talle om van te kies en keur. As jy kort is, kies ’n eenstuk met pype wat hoog gesny is om jou bene langer te laat lyk, of dra een met ’n lae halslyn, want dit skep ook die illusie van lengte. As jy nie te veel lyf wil wys nie, kies een met ’n rokkie bo-oor – dis baie vleiend en sal jou gemaklik langs die strand laat voel. Tweestuk met cover Of jy nou hou van tweestuk-swemklere met ruffled tops, swem-skirts of bikini-broekies wat ietwat hoër aan die middel sit – dié lysie bevat iets vir elke smaak. Die tankini, ’n bikini met ‘n langer bostuk, is ideaal vir wanneer jy effens minder van jou vel wil…

Hy lê by die huis rond Vraag SAT VAN WILLIEWERKER Antie Val, my seun is 38 jaar oud en het nog nooit langer as ’n jaar ’n werk behou nie. Hy is al drie jaar, sedert Covid, by die huis en dit lyk nie of hy planne maak vir ’n werk nie. Daar was nie geld vir hom om te studeer nie, maar hy lyk ook nie bereid om enige werk te aanvaar net om iets by te dra nie. Ek is naby aftrede en sy pa is al oorlede, so ons kan doen met die ekstra inkomste. Hoe kry ek hom tot op die punt waar hy self iets wil doen omtrent die situasie? BEKOMMERD Antwoord BESTE BEKOMMERD Hartjie, die kwessie is nie so ingewikkeld nie. Dit lyk of…

Voor die groot kuier en groot eet van Kersfees, is daar die groot skoonmaak vir die festive. Maar dit hoef nie ’n kopseer te wees om al daai vergete hoekies en draaie Vskoon te kry nie. Hier is ’n paar nuttige truuks om vinniger en doeltreffender jou uit-turn-werk klaar te kry. 1 'N SKONER STRYKYSTER ’n Strykyster is een van die items in jou huis wat gewoonlik die hardste werk. Ons almal weet hoe irriterend dit is wanneer jou strykyster aanbrand en dan vassit aan jou klere as jy dit probeer stryk voor jy by die deur uitgaan. Maak ’n gebrande strykyster skoon deur ’n stuk lap (of kombuispapier) te stryk waarop ’n paar eetlepels sout gesprinkel is. Stryk verskeie kere oor die sout tot die merke verdwyn. Skakel die yster…

Jean gee die volgende wenke om kostes te bespaar: • Weet watter geskenke jy moet koop en enige ekstra onkostes wat jy sal aangaan vir die feestyd. • Koop geskenke wat jou nie platsak gaan laat nie. • Vra vir diegene vir wie jy geskenke koop, wat op hul wenslysie is. Dit sal jou help om te besluit wat om te koop en binne perke van jou begroting te bly. • Maak tuisgemaakte geskenke soos koekies, konfyt of beskuit – dit hoef nie ’n plaas se geld te kos as jy daarvoor beplan nie, en dis persoonlik. • Verdien ekstra geld gedurende die vakansie deur goed te doen soos geskenke toedraai, ’n persoonlike shopper te wees, of om na iemand se huis of diere te kyk. Gebruik dan daardie geld…

JOU KIND Wat het Oprah Winfrey, Beyoncé en Cardi B in common behalwe hul roem en rykdom? Al drie van hulle glo aan die power en magic van ’n vision board, oftewel ’n droombord. Mense noem dit “manifestasie”: Die idee dat jy dít wat jy droom, ’n werklikheid kan maak deur net daaraan te dink. Maar drome realiseer nie net oornag nie. Jy moet ook hard werk daarvoor. Jy moet jou bedoelings uiteensit, glo dat dit ’n realiteit gaan word, en dan aktiewe stappe neem om daardie abstrakte idees ’n realiteit te maak. En dit maak nie saak wát jy wil bereik nie – of jy nou meer wil ontspan, die wêreld wil platreis, of jou droomwerk wil losslaan – ’n vision board is ’n wonderlike ding om te hê…

NR. 222 VRAAG: Wat heet Larry Sellers se karakter in die 2023-fliek Killers of the flower moon? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 13 Desember 2023. SMS/R1,50. Die oplossing verskyn in die uitgawe van 18 Januarie 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 13 DESEMBER 2023. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF! WEN R1 000!…

NR. 274 WEN R350 KONTANT! VRAAG: Wie was die jongste koning in die Bybel? SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Bybel-blokraainommer na 42508 voor 13 Desember 2023. SMS/R1,50. Die oplossing verskyn in die uitgawe van 18 Januarie 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONK-LIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 13 DESEMBER 2023. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

DIE KARAKTERS Ferda Kendirci (Evrim Alasya) se pa, Idris, het haat in sy dogter gekweek en Perihan vir alles geblameer nadat sy hulle twee abandon het. Ferda het op ’n jong ouderdom in ’n haarsalon begin werk, en ná haar pa se dood is sy met die eienaar van ’n koffiewinkel getroud. Hy het haar mishandel. Sy was jonk toe sy haar dogter, Merve, gehad het, en is later van haar man geskei en het haar eie salon oopgemaak. Perihan Emgen (Demet Akbağ) het op ses ’n aardbewing oorleef waarin haar ma en twee sibbe dood is. Sy het toe saam met haar pa by familie gaan woon en is op 16 getroud met Ferda se pa, Idris. Sy het hom en klein Ferda egter verlaat, want sy het geglo…

“My skole van tweede kanse, ” 26 Oktober Yumna Alexander, jy maak ’n positiewe bydrae tot baie lewens. Mooi so! Mag God jou, jou skole en elke leerder seën. ESTELLE RIEGER Dankie vir die Here wat jou gebruik om vir iemand te sê: daar is ’n weg as jy iets van jou toekoms wíl maak. JULIANA JULIE Jy is die wonderlikste mens. Ek sal altyd dankbaar wees vir jou, Miss Alexander. CARLA BLAUW “Oud, maar nog lank nie koud, ” 26 Oktober Jy het so ’n liefdevolle gesig en lyk pragtig, Agnes Bezuidenhoudt. Dankie, Jesus, dat U haar so lank vir haar kinders uitspaar. Pas julle haar asseblief mooi op, kids. Julle is baie gelukkig. JEANETTA THOMPSON Daai is my geliefde antie en ander ma! Dankie, cuzzie Mercia Bezuidenhoudt, dat…

Outisme of outismespektrum, soos dit ook bekendstaan, is ’n groep ingewikkelde ontwikkelingsafwykings van die brein. Dit beïnvloed die ontwikkeling en funksionering van die brein lewenslank, en kinders op die spektrum sukkel gewoonlik met sosiale interaksie en kommunikasie, sê die Wêreldgesondheidsorganisasie. Hulle het gewoonlik van hierdie simptome: Hulle sukkel om goed te kommunikeer en sosiaal te verkeer, het ’n taalagterstand, hou daarvan om alleen te speel, maak nie oogkontak nie en het swak slaap- of eetpatrone. Hulle het ongewone bewegings, soos om die vingers te lek en heen en weer te wieg. Die vermoëns en behoeftes van mense met outisme verskil, en kan oor tyd ontwikkel. Dit kan al in die vroeë kinderjare gediagnoseer word, maar word dikwels veel later eers gediagnoseer. Outismelyers het dikwels ook ander toestande soos epilepsie, depressie,…

IN DIE NUUS Haar hart het in ’n miljoen stukkies gebreek toe sy hoor haar kêrel is buite ’n Durbanse restaurant vermoor. En in die maande ná die rapper AKA, oftewel Kiernan Forbes, se koelbloedige skietdood in Februarie vanjaar, wou Nadia Nakai net wegkruip van die wêreld. Nou, nege maande nadat AKA én sy vriend, die celebrity chef Tebello “Tibz” Motsoane, vermoor is, lig sy weer haar kop op. “Ek raak weer gewoond aan uitgaan,” sê Nadia (33). “Dit was baie moeilik aan die begin, want almal het my aangestaar en wou met my oor dinge praat. Dit het min gekos vir my om te huil, en ek was baie emosioneel.” Nadia, wat ook ’n rapper is, het vroeër vanjaar ’n maand se blaaskans van optree gevat, maar sy moes…

VERMAAK Dis oukei as jou dorpie nét twee strate het. Dan loop jy daai paar strate in Loerie in die Oos-Kaap plat van die een ent na die ander. En jy stop nie daar nie. Jy loop verder die lewe in – al ís jy bang en weet jy nie waar die eindbestemming is nie – dan skep jy vir jou die wêreld wat jy wil hê. Só sê Avril Albetti (38). Vandag maak sy teenoor Kuier oop oor daai glitz-en-glam-lewe wat jy so sien op TikTok. Sy’s mos altyd uitgetof in die beste: Gucci, Chanel, Versace – noem maar op. En “antie Avril” se pittige sêgoed laat haar 175 000 followers skater, soveel só dat sy spog met 5,9 miljoen likes op haar video’s. Haar sukses is gebore uit…

Vir haar LYK EN VOEL GOED Dié blikkie bevat kaartjies met woorde van bemoediging en hoop, en teksverse en kragtige gebede vir besige vroue. Dié pins met pittige Afrikaanse sêgoed kan jy aan handsakke, baadjies of selfs tekkies dra. Dié geskenk is perfek vir dié met groen vingers wat hou van woel en werskaf in die tuin. LAAT DIT KOOK Dié nuttige kooksak behou hitte en is ‘n slow-cooker wat gekookte kos verder laat kook in die sak – wat beteken jy spaar krag. Dit hou ook kos warm, óf kan ingespan word om kos of koeldrank koud te hou. Dié speserye vier ons erfenis: Van mother-in-law spice tot Cape Malay curry en bobotiespeserye. As die houertjies leeg is, kan jy dit hervul met ander spices en die groot blik…

Dit begin met ’n effense krapperigheid aan die agterkant van jou keel. Dan volg die gejeuk, jou oë raak rooi en die nies- en hoesbuie oorval jou. Hooikoorsseisoen is in full swing en dit kan in die lente- en somermaande ’n onaangename uitdaging vir hooikoorslyers wees. Dis meer as net die irritasie van nies, loopneus en jeukende oë wat pla. Hooikoors kan jou slaap en konsentrasievermoë aantas en selfs asemhalingsprobleme, lae bloeddruk en asma-aanvalle veroorsaak. Voel jy of jou simptome elke jaar erger word? Jy’s dalk reg. “Hooikoors kan met ouderdom vererger, want die immuunstelsel kan reaktiewer op spesifieke allergene raak,” sê prof. Claudia Gray, ’n allergis by die Vincent Pallotti-hospitaal in Kaapstad. Boonop kan warmer stuifmeelseisoene weens aardverhitting ook bydra om simptome te vererger, voeg sy by. Stuifmeel hang…

Die panfluit is ’n musiekblaasinstrument wat die eerste keer deur die antieke Grieke gebruik is. Dit bestaan nou al langer as 6000 jaar! Met ’n paar eenvoudige items kan jy jou eie een maak en liedjies daarmee speel – en jy sal leer dat musiek en wiskunde hand aan hand gaan. BENODIGDHEDE PYTHAGORAS EN JOU MUSIEKNOTE • Die Griekse wiskundige Pythagoras het na klankgolf-frekwensies gekyk, en dan wiskunde gebruik en verhoudings uitgewerk wat vir alle musiekinstrumente geld. • Die lengtes van jou panfluit se strooitjies is deur sy skaal bepaal. Jou kortste strooitjie is ongeveer die helfte van die lengte van jou langste een. Die verhouding is dus 2:1, en daardie strooitjie se noot is dan weer ’n oktaaf hoër. • Ons stem ons moderne instrumente in deur hierdie wiskunde…

"Dis f— . . . um, niks . . . dis festive! Die dae van eindelose partytjies, braaivleis, kuier met familie en vriende en niksdoen is hier! Die tye waar ’n partytjie wat die een middag begin, eers die volgende dag eindig. Waar tyd net ’n ligte riglyn is, maar niemand daarop ag slaan nie. Hierdie festive wil ek níks doen wat aan ’n sekere tyd gekoppel is nie. Ek wil gaan lê wanneer ek wil en opstaan wanneer ek wil. Ek wil nie verplig wees om sekere goed by te woon nie en ek wil nie kinders op- of aflaai nie. My vriend sê hy wil tydens die feestyd “so min as moontlik vir so lank as moontlik doen”. Ek is dít met hom eens. Om die waarheid te…

SPORT Ná vyf maande van rondrits is Deon Davids skaars twee dae tuis in die Paarl met Kuier se besoek. Dié 55-jarige hulpafrigter van die Springbok-rugbyspan is altyd game vir veral rugbypraatjies. Sy oë blink as hy vertel oor daai magical Wêreldbeker-wen teen die All Blacks. En, ja, daar wás ‘n tranedal. Maar hoe anders? Vroulief Hope (52) en hul dogters, Anabelle (21) en Carle (24), was dan sáám in Parys, Frankryk, toe die eindfluitjie blaas! “Dan voel al die opofferinge die moeite werd,” sê Deon. Haar man leef beslis sy droom, sê Hope. Hulle ken mekaar al 32 jaar lank, 27 jaar as getroudes. Die maande se weg-wees is moeilik, maar sy en die girls verstaan, sê Hope. “Wanneer hy hier is, spandeer Deon baie tyd saam met ons.…

1 SJOK-KARAMELBROSBROOD IN LIPLEKKER LAE Lewer 20-24 vierkante BESTANDDELE Brosbrood 200 g koekmeel 30 g cocoa-poeier 175 g ongesoute botter 75 g strooisuiker Karamel 150 g botter 380 g kondensmelk 100 g gouestroop Sjokolade 300 g witsjokolade METODE Voorverhit die oond tot 180°C. Smeer ’n 22 × 22 cm-bakpan en voer met bakpapier uit. Brosbrood ■ Meng al die bestanddele met jou vingerpunte tot die mengsel soos broodkrummels lyk. Druk dit dan met die agterkant van ’n lepel in die bakpan vas. ■ Bak vir 15-20 minute in die oond tot goudkleurig en kompak. Haal die pan uit die oond en laat dan heeltemal afkoel. Karamel ■ Meng al die bestanddele in ’n kastrol oor lae hitte tot die botter gesmelt het. ■ Roer die karamelmengsel elke paar minute tot dit dikker word en donkerder…

Sukkel met omgang Vraag HET EK DALK VAGINISME? Ek is ’n vrou in my laat 40’s wat onlangs ná baie jare as enkelloper weer ’n verhouding aangeknoop het. Die probleem is dat ek glad nie in staat is om intiem te verkeer nie. Alles is stram en toe daaronder. Ek het ’n bietjie daaroor gaan oplees op die internet en op artikels oor vaginisme afgekom, en van die simptome klink na myne. Kan jy asseblief meer hieroor deel? MELISSA Antwoord BESTE MELISSA Vaginisme is ’n toestand waartydens die spiere van die vagina herhaaldelik vanself (onwillekeurig) toetrek en dus seksuele omgang onaangenaam, pynlik of onmoontlik maak. Dis belangrik om die oorsaak vas te stel, want met korrekte behandeling en ondersteuning kan dié toestand oorkom word. Gaan sien dus ’n dokter indien…

• Probeer om nie op droë en winderige dae, baie vroeg soggens, of teen sonsondergang te veel ure buite deur te bring nie. Die stuifmeeltelling is dan op sy hoogste. • Hou jou huis se deure en vensters toe tydens dié stuifmeel-spitstye. • Smeer petroleumjellie (Vaseline) om die rand van jou neus. Stuifmeel kan daaraan vassit. • Moenie in die somermaande aan strawwe buitemuurse oefening deelneem nie. Hoe vinniger jy asemhaal, hoe meer allergene asem jy in. • Begin jou allergiemedikasie ’n paar weke vóór die stuifmeelseisoen gebruik om die simptome te help verminder. • Dis ook ’n goeie idee om ’n hooikoors-aksieplan met jou huisdokter te bespreek. • Vee of stofsuig gereeld jou huis. • Moenie gras sny of blare hark nie – dit laat stuifmeel ronddwarrel. • Was…

Sodra die simptome begin, is die toestand gewoonlik reeds chronies, wat beteken die lyer kan nooit ten volle “genees” word nie, sê Daniel. Maar dis nie die einde van die wêreld nie. “Dit kan suksesvol deur sekere ingrypings behandel word. “Nes met enige steuring moet ’n mens waaksaam bly dat die persoon nie ou gewoontes hervat nie.” • Kognitiewe gedragsterapie Hierdie soort terapie poog om die manier te verander waarop ’n persoon dink en optree, en is taamlik suksesvol as ’n behandeling vir opgaarders, sê Sumayyah. “Die terapeut sal die individu help om deur enige trauma of emosionele oorsake vir die opgaargedrag te werk. “Hierdie terapie help ook die individu om hanteringsmeganismes aan te leer om die angs te bestuur wat hulle voel wanneer hulle van hul besittings probeer ontslae…

SPEEL-SPEEL Kinders, kry julle mammie en daddy dat almal lekker kan saamspeel! VIND DIE TWEELING Kan jy die twee identiese kaarte vind? WATTER EEN IS NIE DAAR NIE? Kan jy uitpluis watter van die onderste gereedskap is nié in die bokse nie? VIND DIE PAD Begin by die boonste blok en vind jou weg uit by die onderste een. VOLTOOI DIE FIGUUR Gebruik die stukke aan die kante om die leë vorm hieronder te voltooi.…

NR. 301 WEN R350 KONTANT! VRAAG: Watter SA kunstenaar se liedjie “Water” is wêreldwyd op trefferlyste? SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Fotoblokraainommer na 42508 voor 13 Desember 2023. SMS/R1,50. Die oplossing verskyn in die uitgawe van 18 Januarie 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE FOTOBLOKRAAI EN HUL BESONDERHEDE VERSKAF. DIE SLUITINGSDATUM IS 13 DESEMBER 2023. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

MÓÉT-KYK! 65 (M-Net, Sondag 3 Desember om 20:05) Ná 'n katastrofiese ongeluk op 'n onbekende planeet, ontdek die vlieënier Mills (Adam Driver) dat hy eintlik op planeet aarde gestrand is, maar 65 miljoen jaar gelede! Mills en die enigste ander oorlewende, Koa, het nét een kans op redding, maar gevaarlike prehistoriese wesens maak hul taak nóg moeiliker. KYKNET&KIE DSTV-KANAAL 145 kykNET&kie is ’n verskeidenheidskanaal met outentieke kykgenot vir die hele gesin en eksklusiewe inhoud wat nog nooit vantevore gesien is nie. Ommighellie, 24 Nov. om 19:30 Die singende spietkop van Calvinia, Boeta Gammie, deel met Frazer Barry sy storie van hoop, en Byron Klaassen vertel ons hoe hy sy pad oopgedans het van die stofstrate in Okiep tot in New York. Arendsvlei, 30 Nov. om 19:30 Hein (Merlin Balie) blameer…

Ek noem graag myself ’n ywerige leser, maar jy sien my ook nie aldag met ’n boek in die hand nie. Daar’s net nie tyd nie, en daarom het my foon my “boek” geword, en ek lees nog netso baie. Een aand het ek gelees tot my foon in my gesig geval het van vaakgeit. Ja, ja – die bloulig is sleg vir ’n mens se oë en slaapsiklus en ’n boek ís beter, maar hoor is min. Deesdae kom sulke inligting mos ook in video’tjies met ghoeroes of leefstylafrigters wat wyshede deel. Kyk, ek is nie iemand wat dinge met ’n knippie sout vat nie – ek vat dit sommer met ’n hele soutpan. Maar ek is ook stout vir ’n stukkie wysheid; vir nuwe goed hoor; vir ure…