Innholdsfortegnelse for 9 November 2023 i Kuier

Familie is vir my álles. Daar is vir my niks so lekker as om tyd met my hartsmense te spandeer nie. Daai tye as ons almal saam om ’n tafel sit en daai “het jy gehoor?!”-stukke word gesny, veral as my ma al die pad van Bredasdorp af kom kuier, en ons Kapenaars weer opvang met al die nuus uit ons komvandaanplek. En moenie as my niggies en nefies oorkom na ons huis toe vir games night en die board games uitgepluk word nie. Dan ruk die ding éérs! Soms kruip ek al met my seuntjies in die bed, dan hoor ek nog die gestryery uit die ander vertrek oor dié en daai een vasklou aan ’n straat in Monopoly “net vir spiteful-geit”! Ons voorbladstorie oor die bekende neefs Jarrid…

Terwyl ek dié boodskap skryf, kuier ek in my tuisdorp, Hawston. ’n Trip down memory lane. Ek luister alte graag na my ma, An’ Tiena, se vertellings oor die ou-ou dae. Ons moet geduld en liefde aan ons ouers bewys, veral as hulle oud word. Levitikus 19:32 lui: “Vir die gryshare moet jy opstaan, en die persoon van ‘n grysaard eer; en jy moet jou God vrees.” Buurvrou Lucinda roep oor die muur: “Kom supper vanaand by my.” En dit laat my dink aan die Woord wat sê ons moet gasvry wees. (Hebreërs 13:2: “Vergeet die gasvryheid nie, want daardeur het sommige, sonder om dit te weet, engele as gaste geherberg.”) Môreaand besoek ek die kerk waar ek destyds tot bekering gekom het. Die leidster, pastoor Rosaline Kosani, is onlangs…

Sy het lank voorberei en uitgesien na die koms van haar eersteling. En toe Robin Theron (33) van Boksburg in Johannesburg in September 2015 geboorte skenk, was sy in die sewende hemel. Vir haar was haar eie bondeltjie vreugde ’n splinternuwe begin, só ook vir haar ma, René (56). Vir dié ouma was haar kleinseun, Riley, ’n hemelse seëning. Hy was die gom wat Robin se gesin nooit geweet het hulle nodig gehad het nie, en hy het sommer nuwe lewe in die Theron-huishouding kom blaas. Riley was ’n gesonde baba, maar hy het gereeld deurgeloop onder hardlywigheid. Dit het groot ongemak vir hom veroorsaak. Ten spyte van verskeie medikasie en talle doktersbesoeke het hulle steeds kopgekrap oor hoekom Riley so sukkel om opelyf te kry. Tot 2019 … Riley…

Hy is ’n man wat altyd versigtig trap; die groot dinge eers bangerig aanpak. Soos toe hy vier jaar gelede sy Mexikaanse liefde om haar hand gevra het. Toe was die akteur Danny Ross (37) bang en pure senuwees. Nes hy ook was oor sy besluit om koebaai te sê aan die vaste maandelikse inkomste van die sepie Suidooster, om die vryskutlewe te takel. Maar daar is goeie rede hoekom die akteur wat ons as Suidooster se Jerome October leer ken het, die lewe só takel: Hy glo daai binnestemmetjie raak ál harder wanneer jy rustig word en behoorlik ore spits. “Dis jou gut. En ek moes leer luister na die stemmetjie wat sê: ‘doen dit nou!’ Dis ’n sagte, klein stem wat jy net sal hoor as jy stil…

Toonnaels wat pla Vraag INGROEITOONNAELS PYN Ek sukkel van kleins af met baie seer ingroeitoonnaels. Dit gebeur gewoonlik as ek onbewustelik my naels te kort sny en dan begin groei dit in die verkeerde rigting en lei tot erge pyn. Wat is my opsies met hardnekkige ingroeinaels? En hoekom kry net sekere mense dit, en hoe kan ek dit voorkom? ELTON Antwoord BESTE ELTON Ingroeitoonnaels is ’n baie algemene naelprobleem en affekteer meestal die groottone. Dit gebeur wanneer die vel van een of albei kante van die toon oor die rand van die nael groei, of wanneer die nael self direk in die vel groei. Dis pynlik en ongemaklik en kan lei tot infeksie. Dis veral gevaarlik vir diabete. Sommige mense is gebore met ’n nael wat eenvoudig te groot…

As die selfdoenwenke nie help nie, moet jy by ’n kenner aanklop. Mense met ’n familiegeskiedenis van ernstige aknee moet vroeër al ’n spesialis probeer sien, sê Suretha. “Mense met ’n donker vel (wat gou lelike merke kan vorm), moet eerder vroeër as later spesialissorg kry.” As die puisies nie te erg is nie, met ander woorde net plek-plek voorkom, en nie te diep nie, kan diepreinigende behandings deur gekwalifiseerde skoonheidsterapeute ook help, sê Suretha. “Pasop egter dat daar nie te veel aan die gesig gedruk word nie. Hierdie terapeute moet weet wat hulle doen.”…

Dis daai tyd van die jaar: Jy het heeljaar hard gewerk en jy voel jy wil jouself en jou geliefdes ’n bietjie bederf. Maar jy kan nie alles wat nodig is kontant koop nie, en jou kop staan in die rigting van winkelkaarte kry. Die vraag na winkelkredietrekeninge word ál groter, want dis dikwels maklik om ’n winkelkaart te kry. Maar onthou: Jy kan sommer gou diep in die skuld beland as jy dit verkeerd gebruik en dinge waarvoor jy nie eintlik geld het nie, op skuld koop. Dink mooi voor jy iets op skuld koop en lees hier watter 10 dinge jy moet weet voor jy dit doen. 1 HOE WERK DIT? Baie dieselfde as jou bankkredietkaart. Jy kry ’n kredietrekening by die winkel wat jy kan gebruik om items…

NR. 221 VRAAG: Wie is glo sedert 2016 al van Will Smith vervreemd? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 29 November 2023. SMS/R1,50. Die oplossing verskyn in die uitgawe van 4 Januarie 2023. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 29 NOVEMBER 2023. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF! WEN R1 000!…

NR. 155 Vind die gelyste 'James Bond'-movies in die soekblok hieronder. A View to a Kill Casino Royale Diamonds Are Forever Die Another Day Dr. No For Your Eyes Only From Russia with Love Goldeneye Goldfinger Licence To Kill Live and Let Die Moonraker Octopussy On Her Majesty's Secret Service Quantum of Solace Skyfall Spectre The Living Daylights The Man with the Golden Gun The Spy Who Loved Me The World is Not Enough Thunderball Tomorrow Never Dies You Only Live Twice OPPLOSSING VERSKYN IN DIE UITGAWE VAN 23 NOVEMBER 2023. SOEK VIR DIE SPELETJIENOMMER.…

MÓÉT-KYK! Knock At The Cabin (M-Net, Sondag 12 Nov. om 21:10) Terwyl hulle by 'n afgeleë hut in die bos vakansie hou, word 'n jong meisie (Kristen Cui) en haar ouers gyselaar geneem deur vier vreemdelinge wat eis dat hulle 'n ondenkbare keuse maak om 'n apokalips af te weer terwyl hulle bang en beperkte toegang tot die buitewêreld het. Met Dave Bautista en Abby Quinn.…

SIELSKOS MET Ernusta Ek's nie juis ’n kranige TikTokker nie, maar so af en toe vertel my jonger sussie my van dit of dat wat nou weer trend op TikTok. Dis volgens haar ook hoe mens deesdae weet wat in die wêreld aangaan. (Vir my lyk dit meer na wie wat oor wie te sê het, maar dís ’n debat vir ’n ander dag.) Een aand toe ek sukkel om te slaap scroll ek deur TikTok en kom af op iemand wat verwys na die afgelope Erfenisdag, en hoe bruin mense nie hul eie erfenis of kultuur het om te vier nie. Kyk, ek is al opper as op vir sommige mense wat voel die bruin gemeenskap moet hulself verduidelik en “bewys hulle het kultuur”. Hoekom? Vir watse geit, en…

“Vinette se liefdes,” 12 Oktober Baie sterkte aan jou, Vinette. Die Here het ’n doel met alles. Ek voel dit saam met jou, want ek is ook ’n weduwee, al vir sewe jaar. DINAH ZWAAN Strongs, my liefste antie. Laat dit net goed gaan vorentoe. Mag die genade van Jesus Christus met jou wees. JACQUES ABSOLON “Lang, seer pad na ons reënboogbaba,” 12 Oktober Baie geluk met julle pragtige dogtertjie, Vanessa Adolph. Die Here gee op Sy tyd wat ons van Hom vra. JULIANA MORRIS Ek het nageboorte depressie gehad ná my oudste seun, en dis iets wat ek vir niemand sal toewens nie. Ek is dankbaar vir my man en ma wat my in daai tyd gehelp het. ELSABE BOTHA SWART “Kanker kry my nie onder nie,” 12 Oktober…

PROFIEL D ié man ken van vure doodslaan – letterlik! Emile Conrad (39) het onlangs wéér koning gekraai in die SA Toughest Firefighter Alive -kompetisie –’n strawwe fiksheidstryd wat brandslaners se uithouvermoë tot die uiterste teen mekaar beproef. En dis nou al die sesde keer dat hy as die land se taaiste brandweerman aangewys is. Emile is beskeie verby oor dié titel tydens ons Kuier-gesels. Dié pa van twee werk vir die Garden Route-distriksmunisipaliteit se brand- en reddingsdienste in George. Hy het die eerste keer in 2011 die kompetisie gewen toe dit nog net vir Wes-Kaapse brandbestryders gehou is, sê hy. ’n Jaar later het hy tweede geeindig toe dié kompetisie vir die eerste keer nasionaal aangebied is. Van toe af het hy jaar ná jaar deelgeneem en die wenne…

IN DIE KOMBUIS MAKLIKE MARSHMALLOWYSKASTERTJIES Lewer 10 individuele tertjies BESTANDDELE Kors 200 g Marie biscuits, fyngekrummel 125 g botter, gesmelt Vulsel 2 eetlepels gelatien 1 koppie versoete strawberrymelk (Steri Stumpie) 1 koppie room, styfgeklop 100 g pienk en wit marshmallows, kleiner gesny Vir afronding vars strawberries, in skyfies METODE Bespuit 10 klein tertpannetjies of 1 groot tertpan of -bak met kossproei. Kors ■ Meng die biscuits en botter goed en druk die kors in die tertpannetjies, -pan of -bak. Sit die kors solank in die yskas om te stol. Vulsel ■ Voeg 2 eetlepels water by die gelatien en laat staan tot gespons. ■ Microwave die gelatien 10 sekondes of tot gesmelt – moenie dit te lank verhit nie, anders sal die gelatien nie later weer stol nie. ■ Klits die gelatien vinnig by…

Swanger van my eks Vraag VERLOOFDE OU SE BABA Antie Val, ek sit met ’n moewiese probleem. Ek was 10 jaar gelede vriende met ’n ou, maar ons het vervreemd geraak. Hy is ná die 10 jaar terug, maar is verloof. Ons het egter weer gevoelens vir mekaar ontwikkel en saamgeslaap, nou is ek swanger. Hoe maak ek nou? ROOIKAPPIE Antwoord BESTE ROOIKAPPIE Ai hartjie, jy het sowaar in die lokval getrap wat dié wolf vir jou gestel het. Eerstens was dit ’n absolute flater om ná ‘n dekade sonder hom, met ’n verloofde man te slaap. Jy was mos bewus dat jy nie meer eerste op sy lys is nie. Die penarie waarin jy jouself nou bevind, is jou eie toedoen en ongelukkig sal jy hom in kennis moet…

VERHOUDINGS Verbeel jou twee mense staan aan die voet van ’n berg. Albei het dieselfde doelwit: om bo uit te kom. Die een is fiks en die ander een het jare laas geoefen. Jy hoef nie ’n kenner te wees om te raai watter een die meeste met die klim gaan sukkel nie. Dieselfde geld vir geestesfiksheid, sê die kenners. “Fisieke fiksheid beteken om die spanning op jou spiere en die ander vereistes wat oefening aan jou stel, te kan verdra,” sê Lauren Moss, ’n sielkundige van Sandton. “Op dieselfde manier is geestelike fiksheid die vermoë om nie lamgelê en oorweldig te word deur die stres van die alledaagse lewe nie.” Tog hoor jy nie aldag mense praat van hoe hulle geestelik fiks wil word nie – dít terwyl elke…

NR. 273 WEN R350 KONTANT! ? VRAAG: Wie was die pa van Johannes die Doper? SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Bybel-blokraainommer na 42508 voor 29 November 2023. SMS/R1,50. Die oplossing verskyn in die uitgawe van 4 Januarie 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 29 NOVEMBER 2023. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

Vir die eerste tien jaar van hul lewe was die Geduld-nefies en hul broers hand om die blaas. So saam-saam het hulle kattekwaad aangevang en touch rugby in die strate van hul komvandaan, Ravensmead en Belhar, gespeel. En, ja, soms is hulle ook sommer so saamsaam oor die kole gehaal. Maar hoe dan nou anders? Die akteur Jarrid (33) en sy rugbysterneef, Justin (30), grinnik soos twee stout laaities, want vandag is dit soos manna vir hulle siel om weer na te dink oor dáái jare. Hul pa's, Donovan en Garrit, is immers broers, en die Gedulds was nog altyd familievaste mense wat meeste naweke saamgekuier het. Vandag nog. Kuier se voorbladsessie is vir hulle ekstra spesiaal – eintlik is dit full circle, sê Jarrid. “Dis die heel eerste keer…

Die area naby waar Danneline aangeval is, 35th Avenue en Bishop Lavis Drive, is ‘n smash-en-gryp-vrotkol in die Kaapse metro, lui ‘n Stad Kaapstad-verklaring. Tussen Maart 2022 en Augustus vanjaar was daar ses sulke voorvalle, en 85 van diefstal uit ‘n motor hier, sê JP Smith, die Stad se burgemeesterskomiteelid vir veiligheid en sekuriteit. “Motoriste is op hul kwesbaarste wanneer hulle stilstaan by ’n kruising, en hul aandag is dikwels afgetrek deur hul sefone of ander items. “Dié misdade het die afgelope paar maande toegeneem en soos ons nader aan die feestyd beweeg, gaan dit waarskynlik verder toeneem. “Ek wil ‘n beroep doen op motoriste om bewus te wees van hul omgewing; hierdie is opportunistiese misdade, so maak seker jou waardevolle besittings is buite sig [in die kar se boot]…

INSPIRASIE Toe sy as sestienjarige lewenslustige en atletiese meisiekind skielik siek word, kon niks Lurina Fourie en haar ouers voorberei op die moeilike pad Twat voorlê nie. Die harde werklikheid van haar diagnose as Tipe 1-diabeet was geweldig traumaties. Dit was ’n vreemde – selfs wrede – werklikheid en een wat nié maklik was om te verwerk nie. Lurina leef nou al 23 jaar met dié siekte en is daagliks afhanklik van insulien om te oorleef. Haar storie is een van hoop. Dis ’n getuienis van veerkragtigheid, dapperheid en dankbaarheid. Sy deel dit, net dae voor Wêrelddiabetesdag op 14 November, sodat sy ander wat ook met dié siekte gekonfronteer word, kan motiveer om voluit te leef. Lurina (nou 40) moes self eers ’n lang pad met diabetes stap om tot…

Blomtyd Blomrokke gaan nooit uit die mode nie en dié seisoen is maksiblomme die in-ding. Van kleurblok-weergawes tot abstrak- en tropiese blomme – maak ’n kleure-modestelling. SKOENE Blokhakskoene, platform- en plat sandals werk almal goed by dié soort rokke. Maak net seker jy trek die kleur van jou rok deur na jou skoen. Denim Jy kan nóóit verkeerd gaan met'n denimrok nie. Denim is tydloos en klassiek en ’n goeie belegging vir jou klerekas, want jy kan dit seisoen ná seisoen dra, en lekker meng en pas met ander items wat jy reeds het. SKOENE Denim is baie veelsydig en enige skoene pas daarby. Vir meer formele geleenthede voeg ’n denimhak of espadrilles daarby, of rond dit af met ’n tekkie vir ekstra gemak as jy vinnig êrens ’n draai…

ENTREPRENEUR Toe sy en haar man ses jaar gelede besluit het om hul eie sportklerebesigheid te begin, het hulle nooit gedink hulle sou só suksesvol wees nie. Vandag spog dié Kaapse Tegpaar met twee suksesvolle besighede wat nie net mekaar aanvul nie, maar ook die lewens van talle van hul kliënte onherroeplik verander. “My man is baie aktief en hou van bodybuilding,” vertel Mena Kooger (38). “Ons het dus gereeld soggens vyfuur gym toe gegaan om te oefen en om die verkeer stad toe te vermy. Ek het toe begin soek na gemaklike sportklere, en het na verskillende advertensies gekyk en besef geen van die klere wat geadverteer word, werk vir my liggaamsgrootte nie. Dís toe ons die Godsopenbaring gekry het om ons eie besigheid te begin.” Mena, wat in…

NR. 300 WEN R350 KONTAT! ? VRAAG: Wie vertolk die rol van Elvis in Hans steek die Rubicon oor? SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Fotoblokraainommer na 42508 voor 29 November 2023. SMS/R1,50. Die oplossing verskyn in die uitgawe van 4 Januarie 2024. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE FOTOBLOKRAAI EN HUL BESONDERHEDE VERSKAF. DIE SLUITINGSDATUM IS 29 NOVEMBER 2023. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…