Innholdsfortegnelse for 28 September 2023 i Kuier

Ek gaan eerlik wees: Ek het nie geweet wát om te verwag toe ek opdaag vir my eerste Kuier-event nie. Dié wat al by Kuier-kuiers was, het my vooraf vertel dis een groot jol. En’ kyk hie’, hulle het nie gelieg nie! Niks – en ek sê weer, niks! – kon my voorberei op wat ek by ons onlangse Kuier-Lentedagfunksie by die Kronenburg-landgoed buite Wellington beleef het nie. Ons lesers kén van op-dress, en almal was uitgetof in hul beste “fabulous florals”. Daar is gekuier, gekraai vir ons MC, Lyntjie Jaars, se snaakse sêgoed, en as jy gedink het jy ken die Suidooster-aktrise en sangeres Jawaahier Petersen se lewensverhaal, was jy verkeerd, want haar inspirerende praatjie het ‘n kant van haar gewys wat baie nog nie gesien het nie. Die…

IN SAMEWERKING MET EN ding van Kuier-lesers: hulle kén van party en op-dress vir ’n do! En ons E onlangse Lentedag-funksie het dít net weer bewys. Nie eens die motreën kon die 350 gaste weghou wat op 9 September op die prentjiemooi Kronenburg-landgoed buite Wellington toegesak het vir Kuier se Lentedag-funksie nie. Die tema was “fabulous florals” en ons lesers het behoorlik uitgehaal en gewys! Dit was ’n kaleidoskoop van kleur en blomme-uitrustings net waar jy kyk. Party het saamgedrom voor ons blommemuur vir foto's, ander het in Miladys se pop-up shop ingeloer, en dan was daar nóg ’n groot bederf – Cosmetix en Essence het spesiaal makeup stands opgerig waar lesers deur die loop van die dag hul grimering kon laat doen of op-touch. Daar is ook skouers geskuur…

IN DIE NUUS Toe Natasha Jafta (26) van De Aar in die Noord-Kaap en haar pasgebore baba amper 300 km verder na die Robert Mangaliso Sobukwe-hospitaal op Kimberley ge-airlift is, was haar grootste worry haar drie uur oue dogtertjie, Lizandré, se onreëlmatige asemhaling. Die baba is op Saterdag 2 September net ná elfuur die oggend gebore, en ná komplikasies met haar longfunksie is die ma en dogtertjie dieselfde middag nog voor tweeuur vir behandeling oorgevlieg na dié hospitaal. Maar toe, vier dae later, gebeur die ondenkbare. Toe Natasha haar baba gaan haal om met die ambulansdiens terug De Aar toe ry, kry sy net ’n leë kombersie in Lizandré se wiegie… Al die borsvoedende ma's in die hospitaal is gehuisves in ’n lodge wat reg langs die kantoor geleë is…

SPORT Die highs en lows van die Fifa Wêreldbekertoernooi vir vroue is vir eers in haar agterspieëltjie, en dis lekker vir haar om weer in haar cosy flat in Johannesburg te wees. Maar nie vir lank nie, want een van die dae moet sy alweer haar tassies pak en op ’n vliegtuig spring vir twee wedstryde teen Amerika in Cincinatti en Chicago. Om op internasionale vlak sokker te speel, is nie maklik nie, vertel Kaylin Swart (28). As jy goed doen, is jy almal se held. As dinge skeefloop, is dit ’n heel ander storie. En dis presies wat met dié goalie gebeur het toe aanhangers se woede haar kant toe gekom het. Dít nadat ’n bal deur Lineth Beerensteyn van Nederland in die tweede helfte van Banyana Banyana se…

Endometriële kanker Vraag WAT IS BAARKANKER? My naam is Sarah en ek woon in Kokstad. Ek wil graag meer weet oor endometriële kanker. Wat is die simptome om voor uit te kyk, hoe werk die behandeling, en wat kan ’n mens doen om dit te voorkom? SARAH Antwoord BESTE SARAH Endometriële kanker is kankerselle wat in die weefsel van die baarmoedervoering (of -wand) voorkom. Enigeen met ’n baarmoeder kan dit kry. Ná ’n histerektomie (baarmoederverwydering) kan jy nié baarkanker ontwikkel nie. WAT IS DIE RISIKO-FAKTORE? Navorsing het getoon dat verhoogde estrogeenvlakke (vroulike hormoon) oormatige endometriële groei kan stimuleer, wat tot kanker kan lei. Toestande wat kan lei tot verhoogde estrogeenvlakke verhoog dus die risiko, en dit sluit in: • Oorgewig, vetsug en diabetes. • Menstruasie voor 12-jarige ouderdom. • Sekere…

O ns almal het al lekker dae gehad wat in ’n oogwink in slegte dae verander het. Die trigger kan iets kleins wees: ’n Lelike opmerking van ’n vriend, terugvoer van jou baas (wat jy as kritiek beskou), of selfs ’n kyk van jou ma wat jou heeltemal verkeerd opvryf. Dit maak nie saak wát die ander persoon se bedoeling was nie, dit gooi jou van balans af en laat jou woedend, angstig, nutteloos of onseker oor jouself voel. Dié negatiewe gevoelens kan jou héle dag bederf. Hoekom gebeur dit? Iets omtrent die oomblik veroorsaak ’n intense emosionele reaksie by jou. Ons het almal persoonlike emosionele triggers, soos die aftrekknippie (of sneller) op ‘n pistool. Dít is omdat ons almal al intense emosionele ervarings gehad het, dikwels tydens ons kinderjare,…

As daar nou een mens is wat nie haar talent onder ’n maatemmer wegsteek nie, is dit Adri Andrews (44) Dié modeontwerper, wie se wortels in die Paarl in die Boland gegrawe is, wou nog altyd haar kreatiewe kant met die wêreld deel. En toe haar droom eers begin vlerke kry, was daar geen keer aan haar nie. Maar die pad tot hier was nie maklik nie. Dit het met baie uitdagings én gesondheidsprobleme gekom. Tóg was Adri se vasbeslotenheid om haar talent te verfyn en verder te ontwikkel haar dryfkrag om ’n sukses van haarself te maak. Die modeontwerpsaadjie is as kind by haar geplant. “My ma het my eerste Bybelboekie vir my gegee toe ek vier jaar oud was. En daar was die pragtigste poppies in met die…

NR. 297 WEN R350 KONTANT! VRAAG: Wie se liedjie “U is my Alles” het hom ook al op TV laat beland? SKRYF SÓ IN: Vul die Fotoblokraai Korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Fotoblokraainommer na 42508 voor 18 Oktober 2023. SMS/R1,50. Die oplossing verskyn in die uitgawe van 9 November 2023. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE BLOKRAAI EN HUL BESONDERHEDE VERSKAF. DIE SLUITINGSDATUM IS 18 OKTOBER 2023. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF!…

MÓÉT-KYK! 80 For Brady (M-Net, Sondag 8 Oktober om 20:05) 'n Groep beste vriende kom vir elke wedstryd op TV van die New England Patriots-voetbalspan bymekaar. Trish is 'n suksesvolle romanseskrywer, Lou 'n kankeroorwinnaar, Maura 'n weduwee, en Betty die jongste in die groep. Hulle skryf in vir 'n kompetisie vir vier kaartjies na die Super Bowl, vir 'n naweekavontuur en om hul held, Tom Brady, te sien speel.…

KORTVERHAAL “ Antie! Antie! Antie!” roep die kassier agter Matilde aan, maar sy stap vinnig aan, salig onbewus van die meisie wat haastig agter haar aangehardloop kom. Matilde is steeds vasgevang in haar jong gees, daarom weier sy om haar middeljarige uiterlike die oorhand te gee. Genade! Wat raas die meisiekind só op die ou vrou voor my? Mens sal sweer die arme vrou is stokdoof, en nie oud nie! dink sy vererg, en stop by haar kar om die boot oop te sluit vir haar bagasie. “Antie, verskoon tog. U kleingeld het op die toonbank agtergebly!” praat die bloedjong meisie agter haar. Sy swaai geskok om. “Is jy mal? Wil jy my ’n hartaanval gee?” begin skel sy op die arme kind, wat haar verbaas aankyk. “Ek is geen…

RAAK WYS MET … Ek haat dit wanneer iemand my herinner aan hoeveel dae dit nog voor die einde van die jaar is. Wat moet ek met dié inligting maak? As die einde van die jaar aanbreek, begin die nuwe jaar letterlik om middernag van dag 365. Dan begin alles weer van oor af. Of is dit ’n pessimistiese manier om daarna te kyk? Hier, en elders, het ek al gepraat oor hoe die veranderende seisoene my gemoed beïnvloed. Somer, winter, lente en herfs het elk sy eie unieke bekoring. Maar om terug te kom na “dis amper einde van die jaar”. Ek haat dit om herinner te word, maar dié jaar voel dit vir my asof dit báie vinnig verbygeblits het. Dit noop my om ‘n moedswillige vriend aan…

“In familie toegevou, ” 14 September Fatima Sydow, jy is ’n vegter. Wees sterk en weet dat jy in ons gebede is. GEORGINA ADAMS Mag Allah vir Fatima volle shifaah en kamila grant, Inshallah ameen. Mag Allah alle duas aanvaar wat vir en deur Fatima gemaak word. Jy is altyd in my duas. Inshallah ameen. AMINA RAJAP Ai, my hart gaan uit na jou, Fatima. Ons kyk so graag jou kookvideo's. Baie sterkte. MONICA MALAN “Stunning Ingrid, ” 31 Augustus Ingrid Paulus, jy lyk fantasies! Ons is baie jammer oor 7de Laan wat eindig. Baie dankie vir jou harde werk oor die afgelope 23 jaar. Ons wens jou sterkte vir die toekoms toe en hoop om jou sommer vinnig in een van die ander sepies te sien! BEVERLEY KOEGELENBERG Jy…

Die chemistry tussen hulle lê só dik, dis nie eens nodig om ’n mêtjie te trek vir die vonke om te spat nie. Is kla’ wat dit só is. En sake is behoorlik annie brand wanneer Arendsvlei se skoolhoof, Beatrice Cupido, en haar speurder, Clint Smit, mekaar die dag vasvat. Ag, selfs al baklei daai twee, is dit steeds sexy vibes! Wanneer Jolene Martin (44) en Clayton Evertson (37) mekaar vroegoggend tydens Kuier se voorbladsessie groet, kan jy nie help om daai lyftaal ook in die werklike lewe fyn te sit en dophou nie. Ja-nee, dieselfde magic wat ons op die skerms sien, is stééds daar wanneer die kameras nie meer rol nie. “Red hot”, soos Clayton dit self noem. En dan kan g'n mens Arendsvleikykers blameer wat hulle sommer…

IN DIE KOMBUIS BEESVLEIS-PASTEI MET PINOTAGE DAARBY Genoeg vir 6 mense BESTANDDELE Vulsel 1,5-2 kg beesvleis (met been en) in kleiner stukke gesny sout en varsgemaalde peper 2 eetlepels olyfolie 1 eetlepel botter 2 uie, in skyfies gesny 2-3 preie (leeks), in skyfies gesny 4 knoffelhuisies, fyngekap 2 lourierblare 100 g tamatiepasta 1½ koppies pinotage (of sterk rooibostee) 1 koppie beef stock 1 × 410 g-blik heel tamaties (in tamatiesap) 250 g bruin mushrooms, in kwarte gesny ’n handvol vars pietersielie, gekap fyngerasperde skil van 1 suurlemoen (opsioneel) Kors 500 g puff pastry 1 eier, geklits rosemary-takkies, vir afronding METODE Bespuit 6 groot ramekins goed met kossproei. Vulsel ■ Geur die vleis met die sout en peper. Verhit die olie in ’n groot swaarboomkastrol en braai die vleis in sarsies tot goudbruin. Skep uit en hou eenkant. ■ Smelt die botter in…

Ouer ou wil opbreek Vraag OU BOK, JONG BLAAR Ek is 41, ongetroud en het ’n jong voorkoms. Ek het nie kinders nie en mense sê ek lyk in my 20's. Ek is in ’n geheime verhouding met my vriend se dogter. Sy is 18 en baie volwasse vir haar ouderdom. Sy het ’n jaar tevore gematrikuleer. Ek wil die verhouding beëindig, maar sy wil nie. Dit lyk asof haar ouers iets agtergekom het, maar volgens haar het hulle nie ’n probleem daarmee nie. Wat doen ek nou? ANONIEM Antwoord BESTE ANONIEM Doen die regte ding en vind ’n vreedsame manier om dinge tussen julle te beëindig sonder dat sy seerkry. Op daardie ouderdom is adolessente juis baie emosioneel. So, ’n breakup kan haar verwerp laat voel, of nie goed…

Nr. 218 VRAAG: Wie vertolk die rol van Marvel se Captain America? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 18 Oktober 2023. SMS/R1,50. Die oplossing verskyn in die uitgawe van 9 November 2023. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 18 OKTOBER 2023. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF! WEN R1 000!…

NR. 270 WEN R350 KONTANT! VOLTOOI:—was die Griekse godin van liefde, skoonheid en vrugbaarheid. SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Bybel-blokraainommer na 42508 voor 18 Oktober 2023. SMS/R1,50. Die oplossing verskyn in die uitgawe van 9 November 2023. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 18 OKTOBER 2023. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

BASED ON A TRUE STORY Aanhangers van avontuur, komedie, drama en die aktrise Kaley Cuoco, wat in The flight attendant te sien was, sal nie haar jongste reeks, Based on a true story, wil misloop nie. In dié komedieriller keer die aktrise terug na die wêreld van misdaad. Sy speel Ava, ’n eiendomsagent wat bedags sukkel om kopers te kry, en saans ’n aanhanger van “true crime”stories is. Die akteur Chris Messina speel haar man, Nathan, ’n voormalige tennisster wie se afrigtersloopbaan net nie wil vlot nie. In dié reeks begin die egpaar ’n “true crime”-podcast oor ’n serial killer met drome van roem en rykdom. Die kinkel is dat Ava dink sy weet wie die moordenaar is, en hom by die podcast wil betrek … OP DSTV CATCH UP…

Die mens is wesentlik sentimenteel. Ons hou daarvan om aan herinneringe, mense, plekke en gebeure vas te klou. Maar baiekeer is die vasklou daaraan nie goed vir ons siel nie. Soms is dit beter om afstand van sekere dinge te doen sodat ons kan aanbeweeg en vernuwing teweegbring. ’n Paar jaar gelede het ’n begaafde kollega na my toe gekom en net dié woorde geuiter: “Let go, Raina; let go.” Ek was ietwat stomgeslaan deur haar woorde, maar het ’n vae idee gehad wat sy bedoel het. Tóg was ek nie op daardie stadium van my lewe gereed vir die waarheid nie – elkeen se tyd is hul eie. Totdat ek eendag ’n artikel raakgelees het. Danksy dié artikel het my oë oopgegaan, en ek het nie weer teruggekyk nie.…

WARE LEWENSDRAMA Wanneer ’n mens soggens uit die huis stap, dink jy nie dat daar iets deur die dag kan gebeur wat jou lewe handomkeer gaan verander nie. Wat begin het as ’n doodnormale dag van laggend en singend skool toe en huis toe stap vir ’n 11-jarige kind van Elsiesrivier in Kaapstad, het in ’n nagmerrie ontaard nadat sy verlam gelaat is ná ’n tref-en-trap ongeluk. Die bestuurder van die voertuig het glo van bendelede gevlug toe hy haar raakry. Haar rugwerwel is vergruis en sy sal nooit weer kan loop nie. Een van die ergste dinge wat ’n ma kan hoor is dat haar jongste kind vasgepen onder ’n kar lê; hulpeloos en wagtend op hulp. Dít was die lot van Ivona Gilbert (38) toe sy op 21…

Sy het hom liefderyk haar “Engel” genoem. Boonop was hy die hoeksteen van hul hegte klein gesin wat alles saam gedoen, en vir mekaar geleef het. Saam het hulle die Here gedien. Tydens Covid het sy en haar man hul eie vrese vir dié dodelike virus opsygeskuif, en vir ander met die virus en diegene wat in vrees daarvoor geleef het, via hul sosiale mediaplatforms gemotiveer en vir hulle gebid. In 2020 het tragedie egter die Willemse-gesin van Van Riebeeckpark in Worcester getref. Hul anker, pa en eggenoot, Cornelus (55), is ná ’n kort siekbed in die Mediclinic Worcester aan Covid oorlede. Cornelus se skielike heengaan het sy vrou, Suzette (53), en hul twee kinders, Darshan (28) en Deva (24), verpletter. Min het Suzette en die kinders geweet dat daar…

Nostalgiese patrone Blompatrone en paisley gaan nooit uit die mode nie. Bring die goeie ou dae terug en skep klassieke sjiek looks vol kleur en persoonlikheid met dié patrone en motiewe. As jy ’n patroonrok kies, dra neutrale items of ’n uitstaankleur uit jou rok daarby wat die patrone in jou item beklemtoon – soos die Franse mediapersoonlikheid LENA MAHFOUF hier wys. Maksi-blomme Al meer modeontwerpers vat inspirasie uit ou classics en gee dit ’n lekker moderne twist. Kies maksiblomme op klere om die oog te vang en laat jou bykomstighede die praatwerk doen – soos dié gas wys by die Melbourne-modefees in Australië. Sy dra ’n maksiblomrok en trek die kleure van haar rok deur na haar sonbril, oorbelle, skoene en handsak. Amper-daar trappers Wat skoene betref, is minimalistiese…

As jy reeds in die strik getrap het van klere op rekening koop en maandeliks met hoë bedrae sit wat jy daarop moet afbetaal, kan dit ’n goeie idee wees om eers hierdie skuld af te betaal voor jy 'n huis- of motorlening aanpak. Francis Albertus (41)* van die Paarl het op ’n stadium ses winkelkaarte en twee kredietkaarte gehad waarmee sy geshop het. Totdat sy op ’n dag besef het sy betaal af aan goed waarvan sy nie eens meer hou nie. “Ek het net daar besluit om my winkelkaarte af te betaal en te sluit,” vertel sy. “Ek het die kaart waarop ek die minste geskuld het, eerste klaarbetaal. En daardie gevoel om een kaart minder te hê om te betaal, was fantasties. Dit het later amper lekkerder…

Megan Basson (47) van Kaapstad se seun, Noah (14), is outisties. Sy het ’n WhatsAppondersteuningsgroep, Chasing Rainbows, gestig. Dis ’n kluster van kundiges in neuroafwykings en ouers, wat sedert 2019 mekaar ondersteun oor toestande soos ADHD, outisme (ASD), disleksie en obsessief-kompulsiewe versteuring (OCD). “Die groep is vir mense wat ’n ‘tribe’ benodig wat dié ‘vibe’ verstaan, ” sê Megan. “Dis ’n oop groep, maar die teenwoordigheid in die groep moet positief en relevant wees.” Sluit aan by: chat.whatsapp.com/8djJFZeMhNP8OjMq5rhezK…