Innholdsfortegnelse for 3 August 2023 i Kuier

Augustus is Vrouemaand, en ek kan nie dink aan enigiemand beter as die talentvolle Lee-Artn van Rooi om op ons voorblad te pryk vir Vrouedag nie. Lee-Ann is fierce en fabulous! En hoe verder jy haar storie (op bl. 8) lees, hoe meer bewondering kry’n mens vir haar. Sy dra sommer vele baadjies - as ma, aktrise, regisseur, vervaardiger én sakevrou. Sy besit ook haar eie vervoermaatskappy en spring som mer self agter die stuurwiel in en speel taxi driver as dit moet. Sy maak haar stem dikteen geweld teen vroue en kinders. En sy glo vroue moet elke dag gevier word, nie net een dag of maand van die jaar nie. “Ons is nie‘n’flavourof the month’nie, wat van die res van die jaar? Elke dag is Vrouedag,” meen Lee-Ann.…

Augustus is Vrouemaand in SuidAfrika en 9 Augustus is Vrouedag. Dis die tyd waarin ons vrouwees vier en ons stemme lig vir vrouebemagtiging. Dis die tyd waarin ons die stem van vroue oral laat weerklink. ’n Sterk vrou staan op vir haarself. Sy is nie bang om haar sê te sê nie, ongeag wat ander dink. Sy weet wat sy verdien en onderhandel nie oor haar waarde nie. Sy beskerm haarself. Die geskiedenis agter Vrouedag is wyd bekend: Op 9 Augustus 1956 het ongeveer 20 000 vroue opgetrek in ’n optog na die Unie-gebou in Pretoria om standpunt in te neem teen die apartheidsregering se paswette. Dié sterk en dapper vroue het hul stem laat hoor teen ’n diskriminerende regering. Vir my is ’n sterk vrou iemand wat opstaan en…

WARE LEWENSDRAMA Florence Galant staar verwese voor haar uit onder die skerp ligte van ’n string kameras. Dié 60-jarige vrou van die kusdorp Strand net buite Kaapstad voel duidelik ongemaklik met al die media-aandag op haar hier in die Lentegeur-burgersentrum in Mitchells Plain op die Kaapse Vlakte. Daarom praat ’n ewe emosionele Zorah Motasi (58) van die Strandse gemeenskapsorganisasie Vroue in Aksie vír haar. Terwyl die kameras kliek, verduidelik Zorah dat Florence en haar familie bykans 30 jaar ná die dood van haar tienjarige susterskind, Elroy van Rooyen, nog nie berusting kon vind nie. En dat hulle gekant daarteen is dat sy veroordeelde moordenaar, die sogenaamde Stasiemoordenaar, Norman Simons (56), nou ná 28 jaar agter tralies op parool vrygelaat sou word. Hulle is nie ál mense wat só voel nie.…

MY LEWE Toe sy vier jaar gelede terug Thailand toe is, het Felicia Goosen (28) gehoop ’n besoekaan die berugte Lard Yao-vrouegevangenis sou die herinneringe wat haar brein oor die jare heen laat toeklap het, laat terugstroom. Dis immers dáár, in Bangkok, waar sy agter tralies gebore is en die eerste drie jaar van haar lewe deurgebring het. Dís nadat haar ma, Vanessa Goosen,’n voormalige Mej. Suid-Afrika-finalis, in 1994 op 21 toegesluit is vir beweerde dwelmhandel. Va nessa is aanvanklik die doodstraf opgelê, maar is toe uiteindelik 16 jaar later, in 2010, vrygelaat. Oor die jare heen het die skuldgevoelens Felicia gery omdat sy haar ma daar moes agterlaat toe sy op drie teruggestuur is na Suid-Afrika, en haar ma in Thailand agter tralies moes aanbly. In 2019 het die…

Dis’n tameletjie waaroor g’n keurder sal kla nie: wie die Bokke se generaal op no. 10 moet weesManie Libbok, die nuwe ster met die X-faktor, of Handré Pollard, die gevestigde losskakel wat sy staal al oor en oor bewys het. Maar terwyl Bok-ondersteuners om braaivleisvure oor hom en sy spel gedebatteer het, was Manie se eie fokus eenvoudig: om vir die Rugbykampioenskap gekies te word (wat toe wei gebeur het) - en om te wys hy het wat dit vat om vir die groep gekies te word wat later vanjaar Frankryk toe toer om die Wêreldbeker wéér terug te bring Suid-Afrika toe. Langs die talentvolle Manie (26) sit die sprankelende Suid-Kapenaar VernaLee Arries (25), sy hoërskoolliefde met wie hy al sewe jaar uitgaan. Hulle het op 1 Julie verloof geraak…

GROOTTE MUS • Pas K(M;G)kop • Werklike omtrek van mus 50 (52;53,5) cm SERP • Slegs een grostte • Breedte 30 cm • Lengte 200 cm, pompons uitgesluit BENODIGDHEDE Vir mus en serp: • 2 × 100 g-bolle Stylecraft Bellissima Chunky in Mischievous Mink kleur no.3 974 (kleur A) • 2 × 100 g-bolle Stylecraft Bellissima Chunky in Predous Posy kleur no.3 975 (kleur B) • 2 × 100 g-bolle Stylecraft Bellissima Chunky in Paper Parchment kleur no.3 973 (kleurC) • 6 mm-bieipenne • Tapisserienaald • Karton vir pomponpatroon • Beker,koppie of bakkie vir teken van buiterand van patroon (omtrent 9-10 an) • Die proppie van ’n gomstafie of deksel van dieselfde grootte vir die gat in die patroon • Potlood • Skêr BREIDRAADINLIGTING Stylecraft Bellissima Chunky is ‘n standaardsagte…

Jy hoor dit oral: Ons sit te veel voor die rekenaar, in die verkeer, wanneer ons TV kyk. Kenners meen dis veral jou lae rug wat ly as jy te min beweeg - daardie styfheid wat jou stadig laat opstaan van die rusbank, of laat kreun wanneer jy iets moet optel. Dié soort rugpyn is algemeen, en nie onoorkombaar nie. Deur sekere leefstylveranderinge te maak, kan jy jou kans om dit te kry, grootliks verklein. Ernusta Maralack (38) is ’n vryskutjoernalis van Kuilsrivier in Kaapstad. Sy is ook ’n meestersgraadstudent. Haar werk en studies vereis dat sy bedags minstens 12 ure voor haar laptop spandeer om haar werk en studeerwerk gedoen te kry. Sy het darem ’n kantoorstoel by die huis en sit op ’n kussing, maar dan is daar…

Wanneer iemand ’n lewensmaat verloor, is daai persoon in ’n warboel van intense en botsende emosies, sê Dimakatso. “Dis belangrik om hulp te kry om e emosies te ontknoop. Berading f terapie laat jou toe om jouself in ’n veilige ruimte uit te druk en kan jou help om ’n konstruktiewe benadering te volg om te verwerk wat gebeur het. As die emosies opgebottel, word, kan dit tot isolasie lei en dít kan dit moeiliker maak om ander verhoudings in jou lewe te handhaaf en te laat groei.” Chanelle sê wanneer iemand wat hul lewensmaat verloor het, dit nie regkry om te funksioneer nie, en ander verhoudings skade ly deur die rouproses, is dit ’n teken dat hulle professionele hulp moet kry.“[En] wanneer jy sukkel om te slaap en baie…

Twee jaar gelede het haar hare in bossies uitgeval ná sy dit wit gekleur het. Baie van ons ken mos daai Desember-gier vir blonde hare - net om in Januarie sonder hare te sit! Dís presies wat met Leshmede Bruyn (33) gebeur het. Leshme moes noodgedwonge haar hare - dít wat nog oor was - afsny, maar pleks van winkel toe hardloop om produkte te gaan koop om haar fout te probeer regstel, het dié Kapenaar in haar ma se medisynekabinet ingevaar. Dit was in Februarie 2021 én in ‘n tyd toe die natural hair movement begin vlamvat het. Wyd en syd het mense vertel hoe hulle hul hare versorg met produkte uit hul kos- en yskas. Oumensrate. In haar ma se kabinet het sy olyfolie, coconut-olie en rosemary aangetref,…

NR.352 WEN R350 KONTANT! VRAAG: Watter kontinent is die naaste aan Antarktika? SKRYF SÓ IN: Vul die Blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Blokraainommer na 42508 voor 23 Augustus 2023. SMS/R1,50. Die oplossing verskyn in die uitgawe van 14 September 2023. NET MENSE BINNE SA KAN DEELNEEM. DIE WENNER WAT GEKIES WORD, IVIOET DIE OORSPRONKLIKE, VOLTOOIDE BLOKRAAI EN HUL BESONDERHEDE VERSKAF. DIE SLUITINGSDATUM IS 23 AUGUSTUS 2023. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF!…

RUBRIEK Toe die voormalige Nieu-Seelandse premier Jacinda Ardern so ’n ruk gelede aankondig sy gaan die politiek verlaat, was ek, duisende kilometer ver in Suid-Afrika, teleurgesteld. Hoekom? vra jy dalk, maar dan gaan ek jou skeef aankyk. Hóé weet jy nie van wie ek praat nie? Want as jy geweet het, sou jy nie so ’n vraag gevra het nie. Toegegee, almal fokus nie altyd op wêreldpolitiek nie; dus sal ek jou maar vergewe en vertel wie Jacinda is. Toe sy in 2017 tot premier verkies is, was sy net 37, en toe die jongste vroulike regeringshoof in die wêreld. In ’n wêreld oorheers deur manne, waar vroue slegs as randfigure verskyn, was sy ’n vars briesie, Sy het haar begewe in ’n wêreld waar vroue nie net met agterdog…

“Ons Jaylon nou by God,”6 Julie 2023 Ek het die artikel gelees. Mag die Here die gesin vertroos en versterk. Soos sy mammie in die artikel sê: hulle rou nie soos dié vvat nie hoop het nie, want hulle hoop is in die Here. LEONE VAN DER ROSS Ons innige simpatie! Dis bitter om ’n kind vroegtydig te moet groet, maar hy is waar ons almal wens om te wees - by Jesus. Baie sterkte aan julle. God sal julle seer sag toemaak in Sy genade en liefde. SANDRI MARKGRAAFF [My] innige innige meegevoel. Ek weet hoe dit voel om ’n kind te verloor, glo my. Dis nou al twee jaar. Sit jou gospelmusiek aan en sing en huil en sing en huil. Jesus droog daai trane af. Mag julle…

Simons het nie enige vorige veroordelings nie en het nie in sy verhoor getuig nie. Op die Lentegeur-dialoog het Lawrence Venter,’n DKD-streekshoof, verduidelik dat hy aanvanklik tot 10 jaar tronkstraf gevonnis is vir menseroof en 25 jaar vir moord, watgelyklopend uitgedien sou word. Indien hy dié vonnis aanvaar, en nie geappelleer het nie, sou hy net die helfte daarvan moes uitdien voordat hy vir parool in aanmerking kon kom. Hy hét egter geappelleer en sy vonnis is tot lewenslank verhoog. Dít het beteken dat hy nou minstens 25 jaar moes uitdien, wat hy gedoen het. Sy profiel is ná 25 jaar in die tronk aan die betrokke minister voorgelê, wat voorwaardes vir parool gestel het. Daar is voldoen aan hierdie voorwaardes. Daarom kon hy nou onder streng voorwaardes op parool…

PLATBROOD OF PIZZA Lewer 6 BESTANDDELE 1 kg brooddeeg Vir die platbrood 200g botter, gesmet 6 knoffelhuisies, fyngedruk ½ koppie dhanya-blare, grofgekap 20 vars basil-blare 2 sprietuie, fyngekap sout en peper Vir die pizza ½ koppie caramelised ui 200g blokkies bacon, gebraai 100 g bloukaas 30 g rocket-blare METODE Voorverhit die oond tot 200°C. Hou twee bakplate byderhand. ■ Verdeel die deeg in ses stukke en rol uit op ‘n oppervlak wat liggies met meel bestrooi is. ■ Trek ‘n stuk deeg aan albei punte om dit langer te maak en rol tot ‘n dikte van 1-2 mm uit. Herhaal met die res van die deeg. Vir die platbrood ■ Voer ‘n bakplaat met bakpapier uit en plaas die uitgerolde deeg daarop. Plaas nog ‘n bakplaat bo-op om die brood plat…

Donker kringe Vraag KRINGE OM MY OË PLA Ek wil graag weet wat ek kan gebruik vir swart kringe om my oë. ANONIEM Antwoord BESTE ANONIEM Donker vel onder die oë pla soms só erg dat dit iemand se emosionele welstand kan beïnvloed. Die vel is die dunste onder die oë, so die bloedvate is nader aan die oppervlak en kan dus deurskyn en dié area donkerder laat lyk. DIE OORSAKE: • Dit kan geneties óf oorerflik wees. • Sommige individue het oormatige pigmentasie (of kleur). • Inflammatoriesetoestande soos hooikoors, kontakdermatitis, ekseem, aliergiese asma en chroniese sinusitis is baie algemene oorsake. • Skildkliersiektes en vitamientekorte is dalk onderliggende probieme. • Sekere oogdruppels wat voorgeskryf word vir gloukoom (hoë oogdruk), soos Bimatoprost, kan ‘n oorsaak wees, maar pigmentasie sal verdwyn sodra…

OEFENING 1 Staan handeviervoet. Beweeg jou rug dat dit ’n boog maak na bo, hou vir 3 sekondes, en beweeg dan só dat jou rug ’n boog maak na onder, en hou dié posisie vir 3 sekondes. Herhaal dit drie keer. Sit dan terug op jou voete, met jou hande (arms vorentoe uitgestrek) op die grond, en jou kop tussen jou arms. Haal diep asem en hou dié posisie vir 10-15 sekondes.“Loop” dan albei hande saam na links en hou dit só vir 3 sekondes. Doen dieselfde na regs, en keerdan terug na die handeviervoetposisie. OEFENING 2 Lê op jou rug met jou knieë gebuig, jou voete plat op die grond en jou bene teen mekaar. Strek jou arms uit in lyn met jou skouers - hou dit plat op…

Die kinders is terug skool toe, maar jy begin die nuwe kwartaal as ‘n bekommerde ouer. Die rapport wat jou kind voor die skoolvakansie huis toe gebring het, is allesbehalwe goed. Trouens, dit het só broekskeur gegaan dat selfs die onderwysers al begin alarm maak. Wat nou? Moenie moed verloor nie: Daar is áltyd hoop, sê die kenners. Kinders se probleme en behoeftes kan verskil na gelang van hul ouderdom en omstandighede, maar die meeste opvoedkundiges stem saam oor die basiese stappe wat jy moet volg om te verseker jou laer- of hoërskoolkind benader hul skoolwerk op die regte manier. Skole en onnies is meestal bereid om te help, solank jou kind wíl werk. DÍS DIE PROBLEME Junaid Anthony is ‘n senior opvoedkundige spesialis in die verdere onderwys en opleidingsfase…

VIND OOK DIÉ BONUS STINKIVIUISHOND SPEEL-SPEEL Kinders, kry julle mammie en daddy dat almal lekker kan saamspeel! VIND DIE PAD Hoe sou jy te werk gaan om uit die doolhof hieronder te ontsnap? SOEK DIE VERSKILLE Daar is 10 verskille tussen die twee prente. Soek en omkring dit. REGTE ROETE Kan jy uitpluis hoe om elke eienaar na die korrekte hond te neem? SOEK DIE AANSIG Watter een van A tot I is die korrekte bo-aansig?…

NR. 293 WEN R350 KONTANT! VRAAG: Wie was die regisseur van die sepie 7de Laan? SKRYF SÓ IN: Vul die Fotoblokraai koirek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Fotoblokraainommer na 42508 voor 23 Augustus 2023. SMS/R1,50. Die oplossing verskyn in die uitgawe van 14 September 2023. NET MENSE BINNE SA KAN DEELNEEM. DIE WENNER WAT GEKIES WORD, IVIOET DIE OORSPRONKLIKE, VOLTOOIDE FOTOBLOKRAAI EN HUL BESONDERHEDE VERSKAF. DIE SLUITINGSDATUM IS 23 AUGUSTUS 2023. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

KONINGS VAN KITSKOS Dis burgers, boeries, bobotie - dié konings van kitskos skrik nie vir calories nie! Die akteur Alvin Bruinders en sanger Gerhard Steyn keer terug vir seisoen nege van hul kosprogram, Konings van kitskos. Hulle reis soos oudergewoonte die land platom die lekkerste kitskos te proe en blad te skud met die mense ágter die kos. En daar’s selfs ’n slaaiblaar op hul borde! DONDERDAE OM 20:00 OP VIA KOM ONS BRAAI: CELEBS Dié uitloperreeks van die supergewilde Kom ons braai keer terug vir seisoen twee. In seisoen een was daar hope drama, agterbaksheid en bykosse wat ons wed jy nog nooit van gehoor (óf geproe) het nie! Soos in die eerste reeks kom klop daar ’n paar bekendes aan doodgewone mense se deure om saam te kuier…

Ons het onlangs by my skoonma gekuier. Agterna het ek besef hoe dankbaar ek is dat ons ’n goeie verhouding het. My eie ma is oorlede en Skoonma het dié plek ingeneem. Sy is nie nét ’n ma-figuur nie, maar ’n vriendin. Sy het my in die familie vervvelkom en nog net respek en goedhartigheid aan my gewys. Daar is baie negatiewe stereotipes en grappies oor skoonma’s. Maar baie van ons vroue het wel ’n positiewe en ondersteunende verhouding met ons s’n. Hulle help ons op so baie maniere. Hulle kan jou as jong getroude vrou raad gee, want wie ken haar seun beter as sy? Skoonma kan ook raad gee oor enige lewenskwessie, want as ouer vrou beskik sy oor baie meer wysheid. Sy kan daar wees om te…

Sy leef deesdae in dankbaarheid - met haarself, met ander, en ook die natuur. Dís wie sy nou is, sê Lee-Ann van Rooi onomwonde. En vandag se Lee-Ann staan sterken dapper in daai trappers van haar. Ná byna 30 jaar in die vermaak bedryf waarin sy al telkemale haar staal as aktrise én regisseur en vervaardiger gewys het, verstaan ’n mens dat sy nou al ’n stewige lysie het van die dinge waarvolgens sy leef. As jy jou vir ’n toffie uitgee, moet jy bereid wees om gekou te word. En sy laat nie aan háár kou nie. Jy hoef nooit te verduidelik waarom jy nee sê nie en ook geen verskonings daarvoor te maak nie, is haar uitgangspunt. “Ek is al 29 jaar in die bedryf; dis nogal lank.…

Wanneer hy daai pienk gown op die stel van Ouma Sarie aantrek, is Moses Williams meteens skoonveld. Waar die akteur en komediant’n oomblik tevore nog gestaan het, is daar ewe skielik’n antie van Graaff-Reinet. En dié antie is nie op haar bek geval nie! Ouma Sarie van die Karoo, met haar pienk gown en kopdoekie, het bekendheid op sosiale media verwerf, veral in lockdown. Dié antie kon mense laat lag in ’n tyd toe Covid ons dae met donkerte, depressie en die dood gevul het. Ouma Sarie is Moses (28) se kreatiewe breinkind en sy mag dalk ’n karakter wees, maar sy is eintlik geskoei op sy regte, égte ouma Sarie van Graaff-Reinet, ’n Karoo-antie wat glad nie op háár bekgeval was nie. Die karakter is só gewild dat sy…

Denim saam met ander denim-items is ’n groot trend en perfek om elke dag te dra. Voeg ’n spatsel kleur by jou klein modepop se denimstukke deur dit met funky, helder truie en tekkies af te rond en hou dinge speels en prettig met bypassende bykomstighede. Denim saam met ander denim-items is ‘n groot trend en perfek om elke dag te dra. Voeg ‘n spatsel kleur by jou klein modepop se denimstukke deur dit met funky, helder truie en tekkies af te rond en hou dinge speels en prettig met bypassende bykomstighede. TIENERMEISIES Wyepypjeans is weer hoogmode! Jy kan nie verkeerd gaan met dié soort jeans en denimbaadjies nie. ‘n Denimbaadjie is veelsydig en ‘n lekker belegging, want jy kan dit vir byna elke seisoen inspan. Wys jou styl en…

My kind dalk gay Vraag DOGTER DALK LESBIES Ek is die ma van ‘n graad 10-dogter. My dogter was (en is) steeds baie girly-girly en hou van pienk en mooi klere. Dus was ek verstom toe sy onlangs aan my erken dat sy romantiese gevoelens het vir ‘n ander meisie by die skool, en dat hulle soort-van ‘n item is. Dit was baie vir my om te process, maar ek sal my kind support. My kind vrees net haar pa se reaksie; sy wil hom nie teleurstel nie. Hy is baie konserwatief. Hoe staan ek my kind by én maak my man verstaan ons kind bly ons kind, al stel sy nie in seuns belang nie? BEKOMMERDE MA Antwoord BESTE BEKOMMERDE MA Die besluit dat jy jou dogter aanvaar nes…

Volg dié kennerswenke om jou teen aanlyn skelms te help beskerm. • Moet nooit eenmalige wagwoorde (OTP’s) met enigiemand deel nie. Jou bank- of foondiens sal jou nooit daarvoor vra nie. As iemand jou OTP vra, kan jy maar weet dis ’n skelm. • Jou bank, foondiens of Sars sal jou nie bel en vra om inligting soos jou ID-nommer, adres, bank-details of enige gebruikername of wagwoorde te“bevestig”nie. Hulle sal ook nóóit vir jou links per e-pos of SMS stuur om op te klik om iets te“bevestig”of “opdateer”nie. Delete dit. • Verander wagwoorde wat dalk afgekyk of gesteel is. Skep sterkes (met hoof- en kleinletters, syfers en leestekens) en gebruik verskillendes vir verskillende platforms of rekeninge. Web browers sal jou soms vra of hulle jou wagwoorde vir jou kan “onthou”sodat…

Dit moet ’n laaste uitweg wees, sê kenners, want daar wag altyd uitdagings. Hoe vinniger jou kind [uitdagings] leer hanteer, hoe makliker sal skool wees,”sê Salie. Minnie stel voor jy kontak die skool en ’n opvoedkundige sielkundige en vra hul mening, maar doen dit met omsigtigheid. “Sosiale probleme sal saam met jou kind skuif. Dit stuur ook dalk die boodskap aan jou kind jy kan wegloop en nie die probleem hoef op te los nie.”Sy sê party kinders presteer wel beter in klein skole en in ’n kleiner klasomgewing, veral as hulle leeruitdagings het. As jou kind egter geboelie word en die skool tree nie op nie, móét jy jou kind skuif, sê Lizette. Jou kind se veiligheid is die belangrikste.…

NR. 214 VRAAG: Wie speel die rol van Negan in ‘The Walking Dead’? SKRYF SÓ IN: Vul die Ster-blokraai konek in, skiyf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 23 Augustus 2023. SMS/R1,50. Die oplossing verskyn in die uïtgawe 14 September 2023. NET MENSE BINNESA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 23 AUGUSTUS 2023. GEEN WHATSAPP-BOODSKAPPE WORDMEER AS INSKRYWING AANVAAR NIE. SMS OM IN TE SKRYF! WEN R1 000!…

NR. 266 WEN R350 KONTANT! VRAAG: Aan watter profeet het God die val van Nineve en Assirië openbaar? SKRYF SÓ IN: Vul die Bybel-blokraai korrek in, skryf die letters in die Meurblokke neer en gebruik dit om die antwoord te ontrafel. SMS jou antwoord, naam, van en plek, asook Bybel-blokraainommer na 42508 voor 23 Augustus 2023. SMS/R1,50. Die oplossing veiskyn in die uitgawe van 14 September 2023. NETMENSE BINNESA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 23 AUGUSTUS 2023. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…