Innholdsfortegnelse for 20 July 2023 i Kuier

Dis die dag wat baie geweet bet kom, maar steeds stil-stil gehoop het nie sal aanbreek nie: Ál meer werkgewers soek nou hul werkers voltyds terug op kantoor. En dít beteken weer vyf dae van die week ingaan kantoor toe, wat baie mense omtrént benoud maak! Baie van ons het die afgelope drie jaar gewoond geraak daaraan om van die huis af werk. Sommige, soos ek, het op’n hybrid model begin werk waar ons net’n paar dae per week ingaan kantoor toe. Maar vyf dae? Aikôna, daarvoor sien baie nie kans nie. Party bedank sommer! Terwyl ek die storie oor dié onderwerp op bl. 42 lees, dwaal my gedagtes terug na die eerste dae toe die woord “Covid” hier in Suid-Afrika die ronde begin doen en paniek begin saai het.…

Daar het al baie water in die see geloop sedert die model en TV-aanbieder Tammy-Anne Fortuin in 2012 sak en pak Amerika toe getrek het. Etlike flieks het gevolg waarin sy self gesig gewys het; dan was daar ook ’n klomp met haar in die regisseurstoel. En dít nogal in die glitz-en-glam-mekka, Los Angeles. Dis al sewe jaar sedert Tammy-Anne (42) trou beloof het aan haar aantreklike droomman, en haar beeldskone gesig pryk nou in ’n gesogte skoonheidsveldtog van JLo Beauty-jip, soos in dáái Jennifer Lopez, se skoonheidsreeks. Daarby was sy ook al vervaardiger van ’n paar video’s vir The Black Eyed Peas. En dis ver van alles op haar kerfstok. Met haar vertrek desjare het dié Paarlse skoonheid en voormalige Roer!aanbieder eintlik net één doel voor oë gehad: om…

VERMAAK Sy was destyds pas klaar gestudeer toe sy as plekaanwyser by die Baxter-teater in Kaapstad begin werk het. Met elke show het sy by die deur gestaan en kaartjies geskeur en gedroom dat dit eendag sý sal wees wat op daai verhoog staan. Carmen Maarman (44) sou haarself dan belowe: Ek gáán daar uitkom; dit gáán my werklikheid wees. En vandag, meer as twee dekades later, is dit só. Die aktrise het onlangs kykers in die sepie 7de Laan laat regop sit as Shady (Beáta Bena Green) se konkelende ma, Lucrecia. Dié was dik skelm in Hillside. Sy’t gemaalde hawermout aan mense verkoop as “kollageen” en dit so amper reggekry om arme Shady te gebruik om goud oorsee te smokkel vir Shady se pa, Trigger (Ruben Engel). Carmen was…

1 RAAK ONTSLAE Voorjyjou kas netjies en skoon kan hou, moet jy eers ontslae raak van enige onnodige items. Pakal jou klereop jou bed. Vat jou tyd met elke item en vra jouself af of dit moet bly of gly. As jy dit maande, of selfs jare laas gedra het, het jy dit regtig nodig? Het jy werklik meeras sewe paar sokkies of ses jeans in dieselfde blou skakering nodig? Indien nie, is dit tyd om meer plek te maak vir ander, nuttiger items wat jy beslis gaan dra. Pak al die onnodige items in ‘n boks en besluit wat jy daarmee wil doen. Jy kan dit skenk aan byvoorbeeld ‘n welsynsorganisasie, of verkoop die klere wat nog in ‘n goeie toestand is op aanlynwinkels soos Facebook Marketplace. As jy ‘n…

Geen bevrediging Vraag BERK SE DING IS KLEIN Antie, ek voel skaam om hierdie vraag in te stuur. Só skaam dat ek nie eens moontlike oplossings wil google nie. Ek het onlangs ’n ou ontmoet, en ons het nie te vroeg intiem geraak nie; ons wou mekaar eers beter leer ken. Maar toe ons wel intiem raak, sien ek sy penis is so klein dat ek nie bevredig word nie. Ek wil nie sy ego of gevoelens seermaak nie, maar wil ook nie my tyd mors nie. Moet ek maar dinge beëindig voor dit ernstiger raak? SIZE MAAK SAAK Antwoord BESTE SIZE MAAK SAAK Ek kan verstaan dat jy gefrustreerd en teleurgesteld voel. Dis ’n baie sensitiewe sakie, en nieeen wat opgelos kan word nie. Kry gou eers jou kop…

Om eensaam te wees is anders as om alleen te wees, sê ST. Eensaamheid verwys na ‘n leë, rustelose soort gevoel, sê hy. “Eensaamheid veroorsaak ‘n soort pyn wat jy nie mooi in woorde kan beskryf nie. Dit is ‘n baie kragtige emosie,” sê hy. “Dit is wanneer jy voel dat jy nie goed genoeg is nie en niemand werklik vir jou omgee nie; ‘n gevoel van isolasie, betekenisloosheid, verwerping en van nikswerd wees.” Hy waarsku dit kan lei tot siektes, terneergedruktheid en depressie, en sê dit is dus noodsaaklik om iets daaromtrent te doen. Om soms alleen te wees, daarenteen, kan goed wees vir jou; dit help jou om in voeling te bly met jouself en met jou gevoelens. Sommige mense is tevrede om dikwels alleen te wees of…

JOU KIND Tienerskap kan ’n stormagtige tyd vir kinders én hul ouers wees. In hierdie fase word jou kind se wêreld op sy kop gekeer. Tieners ontwikkel in dié tyd hul eiewaarde-stelsel een wat dalkvan joune verskil. Waag jy dit net om iets verkeerd te sê, dan waai die hare. Al die veranderings waardeur tieners in hul puberteit gaan, dra by tot hul warboel van emosies en hul manier van kommunikeer, sê Sharon Melrose, ’n sielkundige van Kaapstad. Wat vir jou ’n klein verandering is, kan vir hulle wêreldverskuiwend wees. Selfs iets wat vir jou nie so ernstig lyk nie, soos om byna oornag langer te word, veroorsaak dikwels dat tieners in hul eie liggaam ongemaklik voel. Nog iets wat tieners broos en liggeraak laat voel, is die feit dat…

STAP 1: Gee aandag in die klas Die proses van leer en studeer begin wanneer jy in die klas aandag gee. Luister elke periode aandagtig na wat jou onderwyser sê. STAP 2: Maak volledige aantekeninge Neem notas in die klas. As jy nie seker is hoe om dit te doen nie, begin deur feite neer te skryf wat jou onderwyser gedurende die les noem, of op die bord skryf. Doen jou bes om netjies te skryf sodat jy jou notas later kan lees. Dit is ook ’n goeie idee om jou notas, vasvrae en vraestelle volgens onderwerp te organiseer en liasseer. As jy ná skool verder gaan studeer, gaan hierdie tegniek handig te pas kom. STAP 3: Beplan vooruit vir toetse en projekte Dis maklik om uit te stel. Een…

Ek het die anderdag ’n Dr. Phil-episode gekyk. Ek moet sê, ek is soms baie geïnteresseerd in die program, want ek luister na die comments van dr. Phil self. Dit maak nie altyd saak waaroor die gesprekke gaan nie. Een episode was vir my ‘n stilsitgesprek - dís hoekom ek geïnspireer was om daaroor te skryf. Dié episode het gegaan oor vroue wat ‘n sekere ouderdom bereik en hoe elke vrou dit verskillend ervaar. Die gasspreker was ‘n oud-supermodel wat ‘n boek geskryf het oor hierdie juiste onderwerp. Dis ongelukkig ‘n werklikheid dat jy gaan oud word - man óf vrou - maar die uitsondering op die reël is hoe ‘n mens daarmee saamleef en hoe jy na jou liggaam omsien om dit vir die langste moontlike tyd goed te…

“Lyfies lê in die pad”, 22 Junie 2023 Dis eintlik baie hartseer. Omstanders sal liewer video’s maak en foto’s neem as wat hulle sal help of hulp ontbied. Hoe erg moet dit vir familie wees om sulke slegte nuus op sosiale media te sien? CINDE ALKASTER Mense het so harteloos geword en gee nie om vir ander. Wat as dit jóú man, kind of ouers moes wees? Mense moet leer om hulself in dieselfde bootjie te plaas voordat hul video’s maak of versprei. Probeer eerder kyk of jy nie kan help nie. Jy kan dalk ’n lewe red eerder, as om hartseer te versprei. MERCIA STEVENS “Kindersorg op vier wiele” 6 Julie 2023 [OzayrValley het’n] hart van goud! Baie dankie vir jou dienste van liefde en dat jy ’n verskil…

WARE LEWENSDRAMA Hulle noem hom “Zombie Spiderman” en met reg: Lamar Solomons is die superhero in sy eie verhaal. Dié vyfjarige van Belhar in Kaapstad ly aan die seldsame genetiese siekte tuberous sclerosis compiex (TSC). Dit veroorsaak nie-kankeragtige gewasseoral in die liggaam, soos die brein, rugmurg, senuwees en organe. Die afgelope drie jaar gaan Lamar gebuk onder epilepsie. Soms moes sy klein liggaampie tot 20 epileptiese toevalle per dag afweer. Maar hy veg moedig voort teen dié ongeneeslike siekte. Lamar het op 29 Mei ’n ses uur lange operasie ondergaan om gewasse van sy brein te verwyder en só moontlik die epileptiese aanvalle te stop. Met ons besoekopl Julie was dit al dag 33 sedert die operasie. En nog geen aanval nie. Dis opvallend hoe Lamar die “woel” in die…

Hulle was net ’n doodgewone (sportmal) pa-enseun-duo van Mitchells Plain op die Kaapse Vlakte wat sportvideo’s vir die pret gemaak het en ditdan op TikTok gedeel het. All about the positive vibes, sê Leo Faro (10) en sy pa, Fabian (38). Nooit sou dié twee kon dink dat hul leersame, vrolike video’s op Leo se TikTok-blad, ThatLeoLaaitie, viral sou gaan met 1,4 miljoen likes nie! Maar hoe anders, want net Leo se vrolike groet met sy: “Yip-Yip, my mense.’Shabalabas’!” is super-aansteeklik. Die woord het hulle sommer opgemaak, en losweg beteken dit enigiets van “dis duidelik” tot“sjap-sjap”. Toe neem die twee ’n liedjie vroeg in Junie op genaamd “Shabalabas vir my Daddy”, net betyds vir Vadersdag. Dis geskryf deur Leo, sy pa en ma, Deirdre Pasquallie (36), met ’n lyn of…

SKOONHEID Daar word gereeld ‘n bohaai gemaak oor die ongelooflike gesondheids- en skoonheidsvoordele van rooibostee en groentee, maar min mense weet van die wonderlike voordele wat hul geliefde koppie koffie inhou. Van selluliet verminder tot ‘n wonderkuur vir jou vel - hier is enkele skoonheidsvoordele waarmee die koffieboon jou kan beloon. BEELDSKONE, HELDER VEL Jy weet hoe koffie jou soggens daardie ekstra hupstoot gee om die dag aan te durf? Dís presies wat dit ook vir jou vel doen. Wanneer jy dit as ‘n masker aanwend, bevorder die koffie se stimulerende eienskappe bloedsirkulasie, wat weer sorg vir ‘n helder en stralende gelaat. Maak só jou eie koffiegesigmasker tuis: Meng ‘n kwart teelepel fyngemaalde kitskoffie met een eetlepel jogurt (verkieslik natuurlike of vanilla-gegeurde yoghurt). Maak seker die mengsel is teen kamertemperatuur…

Jou kinders en ander huismense kan skielik siek raak, en ongelukke gebeur so vinnig in enige huis. As dit iets ernstig is of die simptome is vreemd of hou heeltyd aan, moet jy liewer nie probeer held speei en dit self behandel nie kom eerder vinnig by ’n dokter uit. Maar soms ís daar ruimte om eers in jou eie medisynekas te krap. Maak só seker jy het ’n goeie tuisapteek. PYN EN KOORS Parasetamol soos Panado en Painblok kan ingespan word teen pyn en koors. Jy kry dit in die vorm van tablette, kapsules, stroop en setpille, sê drs. Francois Coetzee en Benim Botha van die Ukwandasentrum vir landelike gesondheid van die Universiteit Stellenbosch se fakulteit geneeskunde en gesondheidswetenskappe.Volg altyd die aanwysings op die voubiljet; dit sê vir jou…

Naomi en Sharon het die volgende raad: 1. Onthou, jy is ook net ’n mens. Jy gaan soms heeltemal verkeerd optree en die verkeerde dinge sê of doen wanneer jy met jou tiener kommunikeer. Vergewe jouself, sê jammer as dit nodig is, en probeer volgende keer beter doen. 2. Staan sterk oor belangrike grense. As jy self nie seker is hoekom jy iets sê of doen nie, verwar jy jou kind. Jou tiener gaan nie vir jou luister as hy of sy jou nie vertrou nie. Om jou kind se vertroue te behou, moet jy sover moontlik konsekwent, deursigtig en eerlik met hulle wees. 3. Praat oor dinge wat probleme in ’n tiener se lewe kan wees. Julle kan selfs praat oor goed wat nog nie in jou tiener se…

SPEEL-SPEEL Kinders, kry julle mammie en daddy dat almal lekker kan saamspeel! REGTE ROETE Kan jy uitpluis hoe die paadjies elke dier na hul eie huisie toe neem? SOEK DIE VERSKILLE Daar is 10 verskille tussen die twee prente. Soek en omkríng dit. VIND DIE PAD Hoe sou jy te werk gaan om uit die doolhof hieronder te ontsnap? SOEK DIE AANSIG Watter een van A tot D is die blokkie hieronder se bo-aansig?…

NR.292 WEN R350 KOTANT! VRAAG: Watter SA jeugkoor het naam gemaak op America’s Got Talent? SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Fotoblokraainommer na 42508 voor 9 Augustus 2023. SMS/R1,50. Die oplossing veiskyn in die uitgawe van 31 Augustus 2023. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE FOTOBLOKRAAI EN HUL BESONDERHEDE VERSKAF. DIE SLUITINGSDATUM IS 9 AUGUSTUS 2023. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

KOOKPUNT In seisoen drie van dié reeks smul YOLANI ABRAHAMS en CHRIS ERASMUS aan die lekkerste - en soms nié so lekker - eetgoed. Van die gasbeoordelaars wat ‘n draai maak, is die rapper Jack Parow en die oud-Springbok Kobus Wiese. En daar is ook wilde bestanddele op die spyskaart. Dink Wilson-toffies en Tamarinde-lekkers! BEGIN DINSDAG 25 JULIE OM 20:00 OP VIA HARTKLOP As jy mal is oor mediese reekse soos Grey’s Anotomy en The Good Doctor, sal jy beslis nie dié nuwe mediese drama wil misloop nie. Die reeks gee mense ‘n kykie in die lewe van ‘n groep dokters binne die hospitaalgange, maar ook die drama agter die skerms in hul persoonlike lewe. Dit bestaan uit 13 episodes en is van Oktober laas jaar oor byna 10 weke…

TSC kom onder sowat 1 miljoen mense wêreldwyd voor. Meeste lyers het geen familiegeskiedenis daarvan nie, en dis al ná geboorte sigbaar. Die vel, brein, oë, hart, niere en longe word gereeld aangetas. Meeste lyers het vel-abnormaliteite en meer as 80% kry reeds in hul kinderjare epileptiese aanvalle. Die aanvalle begin as spasmas en word erger soos hulle groter word. Die siekte kan ook geassosieer word met verskeie neuropsigiatriese versteurings. Dr. James Butler, ’n neuroloog van Mediclinic Constantiaberg in die Kaap, wat spesialiseer in epilepsie, sê TSC is ongeneeslik. Aanvalle kan egter beheer word met medikasie of ’n operasie - soos in Lamar se geval. Hy sê daar is altyd ’n moontlikheid dat iemand wat die breinoperasie ondergaan het, weer aanvalle sal kry, maar dat dit aansienlik minder en beter…

Wanneer’n mens na video’s van die 15-jarige spoedklimmer Sara Adams kyk, kan jy nie anders as om in verwondering te wees oor hoe sy soos’n wafferse akrobaat teen’n stink spoed teen’n spoedklimmuur opklouter nie. Man, dit lyk amper soos iets uit’n Marvel-aksiefliek. Dié Kaapse tiener ryg links en regs medaljes en pryse in vir dié binnenshuise sportsoort, waar atlete kyk wie in die vinnigste tyd tot bo-aan’n klimmuur kan klouter. Sara se klimtalent vat haar nou al die pad Suid-Korea toe, waar sy volgende maand aan die IFSC Youth World Championship in Seoul gaan deelneem.“Dit is ’n droom wat bewaarheid word en dis net vir my’n bewys dat harde werk en toewyding deure kan oopmaak wat jy gedink het gesluit is,” sê die wyse Sara, van Ottery in Kaapstad. Dié…

MANDARYNKOPPIES Lewer 6-8 koppies BESTANDDELE 80g botter 400ml suiker 2 ekstragroot eiers 2 koppies koekmeel 1 teelepel koeksoda 2 teelepels bakpoeier 2 koppies melk sap van 2 mandaryne 1 teelepel vanilla essence 3 eetlepels marmelade Sous 150g botter 300ml room ⅓ koppie suiker skil van 2 mandaryne METODE Voorverhit die oond tot 180°C. Bespuit 6-8 emaljebekers met kossproei. ■ Verroom die botter en suiker sowat 5 minute in ‘n mengbak. Voeg die eiers by en klits goed. ■ Sif die meel, koeksoda en bakpoeier saam in ‘n aparte baken hou eenkant tot benodig. ■ Meng die melk, sap, essence en marmelade. Voeg die melk- en meelmengsel om die beurt by die bottermengsel. Meng goed. ■ Keer die beslag in die bekers uit en maak dit net meer as ‘n driekwart…

Eelt-bedeeld Vraag HULP GEVRA MET EELTE Dokter, ek wil graag weet hoe raak ’n mens van eelte en knoppe op jou tone ontslae? EELTE PLA Antwoord BESTE EELTE PLA Dis belangrik om te verstaan wat presies die knoppe (liddorings) en eelte op die voete en hande veroorsaak, om die (veranderlike) oorsake te kan aanspreek. Liddorings en eelte vorm wanneer die vel probeer om die onderliggende area van die voet of hand te beskerm teen beserings of te veel druk, veral oor die benerige areas. Liddorings is klein, ronde, teer knoppies verdikte vel bo-op, of teen die kant van ’n toon. Eelte is groter, growwe, onreëlmatige verdikte vel op die handpalms en voetsole, veral op benerige areas wat gewig dra, soos onder die groottoon en die bal van die voet. Soolvratte…

Om blypiekte huur kan ‘n reuse hap uit jou begroting vat, veral as jy enkellopend is. Om ‘n woonstel- of huismaat te kry, klink dalk ideaal: Julle verdeel die huur en ander ekstra uitgawes soos die water-, krag- en WiFi-rekening gelykop. As julle albei jul kant bring, kan dit mos net ‘n wen-wen situasie wees, én dit beteken ook minder slapelose nagte oor jou geldsake. Philippa Brinkmann (46) van Kaapstad sê sy en haar enkelma en boetie moes in haar laaste jare op hoërskool ‘n huis met ‘n ander enkelma en haar twee hoërskoolkinders deel om koste te bespaar. “Dit was van die beste jare van my lewe. Ons was twee verskillende gesinne met verskillende maniere van dinge doen, maar dit het net wonderlik gewerk vir ons. Ons het almal…

NR. 213 VRAAG: Watter sangeres van Barbados se van is Fenty? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 9 Augustus 2023. SMS/R1,50. Die oplossing verskyn in die uitgawe 31 Augustus 2023. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 9 AUGUSTUS 2023. GEEN WHATSAPP-BOODSKAPPE WORD MEER AS INSKRYWING AANVAAR NIE. WEN R1 000!…

NR.265 WEN R350 KONTANT! VRAAG: Watter politikus was agter die 20ste-eeuse Joodse volkslagting? SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Bybel-blokraainommer na 42508 voor 9 Augustus 2023. SMS/R1,50. Die oplossing verskyn in die uitgawe van 31 Augustus 2023. NET MENSE BINNE SA KAN DEELNEEM. DIE WENNER WATGEKIES WORD, MOET DIE OORSPRONKLIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 9 AUGUSTUS 2023. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

KORTVERHAAL Lucia is verheug wanneer die filmspan vertrek - met hulle kameras en klankstelsels, rekenaarsen lêers,en hulle geheenen-weer deur die huis. Die twee bakkies rammel by die paadjie af na die sekuriteitshekke. Sy en haar vriendin Elna staan op die stoep en kyk hoe die bakkies in die verte verdwyn. “Einde ten laaste,”sê sy. Die dokumentêre program wat hulle oor haar huis kom verfilm het, is klaar. “Wel, Lucia,”sê Elna,“dis die prys wat jy moet betaal om so ’n huis te bewoon. Wat noem hulle dit?‘’n Mylpaal in die geskiedenis van die Kaaps-Hollandse argitektuur.’” Ai, oorle’Gaspar, dink Lucia, as jy maar geweet het dat jou droom – waarvoor jy dubbelsyfer-miljoene betaal het – my soveel sonde en ergenis sou besorg. Definitief nié ’n seën nie. Sy en Elna loop weer…