Innholdsfortegnelse for 8 June 2023 i Kuier

Dit gaan omtrent bedrywig hier by ons in Kuier-land. Net twee dae voor hierdie uitgawe drukkers toe is, het ons ook ons splinternuwe KuierCombo, Onthoukos met ‘n kinkel, afgeteken. Dit is nou op die rakke en die titel gee jou‘n voorsmakie van wat wag: Dis smullekker onthoukos wat ons komvandaan vier, maar met ‘n lekker modern twist. Ons deel 83 watertandresepte om jou en jou hartsmense mee te bederf. Dink heerlike heilsame soppe om die koue mee te verdryf, geurige kerries en bredies, spoggerige pies en die allerlekkerste soetgoed as bederf ná ‘n maaltyd. Kos vat‘n mens mos maar altyd op ‘n lekker nostalgiese reis en voer jou terug na van die beste tye van jou grootwordjare. Kook is groot in ons familie. My ouma se kombuis was in my…

Die Here staan talle rolle vol, onder hulle dié van vader en eggenoot. Al ken jy nie vaderliefde nie, is Syne perfek vir jou God is onse Vader. Galasiërs 4:6 sê:“En omdat julle Sy kinders is, het God die Gees van Sy Seun gestuur om in ons te lewe. Die gees in ons roep voortdurend na“Abba God”.“Abba” is die Aramese woord vir“vader”. Dié tyd van die jaar word gewoonlik gewy aan ons jeug, en ook ons pa's, met Vadersdagvieringe. Vir baie is dié viering ‘n jolyt, en by ander laat dit ‘n bitter smaak. Vir baie is hul pa die held en die rots in hulle lewe, maar ander vereenselwig hul pa met seer, rou en leemte. Suid-Afrika is een van die lande met die meeste afwesige pa's, en baie van…

VOORBLADSTORIE “‘LIFE BEGINS AT 40': DIT WAS ASOF DI’ OUDERDOM MY GE-USHER HET TOT WAAR EK NOU IS.” LYNTJIE JAARS Die TV-aanbieder Lyntjie Jaars is ‘n vrou van vele talente. Dié trotse Nama-kind is ‘n force. Haar persoonlikheid is groot en inneemlik en sy laat almal in haar teenwoordigheid goed voel. En, ja, sy kan jou laat skater, en lag self netso lekker! Op 43 is daar geen keer aan haar sukses of liefde vir die lewe nie, selfs al moes sy depressie wys wie is baas. Dis asof Lyntjie nou eers wegtrek en ons kan solank die popcorn regkry en saamkyk, want hierdie vrou se lewensboek is nog lank nie klaargeskryf nie. “Mens hoor mos altyd daai sê-ding: ‘life begins at 40’, en die spreekwoordelike het met my gebeur. Dit…

Daar is ‘n Engelse gesegde wat lui:“Abled does not mean enabled. Disabled does not mean less abled. You are not disabled; you are just differently-abled.”En dít is presies die gevoel wat ‘n mens kry wanneer jy met Tashriq Parker (23) van Bonteheuwel op die Kaapse Vlakte gesels. Tashriq se gehoor in albei ore is aangetas en hy is gedeeltelik doof, maar dit hou hom nie terug in die lewe nie. Sy opgewondheid en energie is amper tasbaar terwyl die e-posse in die ku berruim tussen ons vlieg vir sy onderhoud met Kuier. As kind het Tashriq en sy rugbymal oupa, Achmat Parker, gereeld saam rugby gekyk. Eendag gaan syoupa hom nog met ‘n rugbybal in die handop TV sien, was sy woorde destyds. Vandag is dit allesbehalwe ‘n droom… Tashriq…

GLAM ROCK Die monochroom-trend is al ‘n paar seisoene gewild en dit lyk nie of dit binnekort gaan verdwyn nie. Die 19-jarige aktrise STORM REID hou dit minimalisties deur swart en wit te meng en pas vir ‘n uitstaan-look. Sy dra textured swart items met ‘n wit top en voeg ‘n bietjie kleur by met ‘n kontrasterende hangertjie. Die A Wrinkle in Time-ster hou dit lekker gemaklik deur dit af te rond met ‘n paar swart boots. ROCK DIT SÓ 1 Sonbril R250, YDE 2 Hangertjie R169, Galaxy & Co 3 Oorbelle R29,95, Edgars 4 Top deur SODA Bloc R99, Foschini 5 Baadjie R499, Foschini 6 Jeggings R129,99, Mr Price 7 Sak R250, Old Khaki 8 Boots R299,99, Legit WENK: ‘n Swart faux leatherbaadjie is ‘n belegging vir jou of…

Moenie die kilojoules tel wat jou kinders inneem nie. Dit is moeilik om groeiende kinders se energie-inname te bepaal, sê kenners. Volgens die Amerikaanse Akademie vir Pediatrie kan gewigsverliesprogramme vir kinders tot latere eetsteurnisse lei. “As ouers die algemene riglyne vir gesonde eetgewoontes toepas en nie gedurig lekkers, skyfies, koeldrank en ander verwerkte kos met baie suiker, vet of energie vir kinders aanbied nie, behoort dit ook nie nodig te wees nie,”sê Liezel. Kinders beleef ook gereeld groeifases en kan juis só oortollige gewig afskud. Maar wanneer het jou oorgewig kind wel hulp nodig? Zelda stel voor dat kinders ‘n dieetkundige raadpleeg as hul ribbes nie sigbaar is nie, hulle groter klere as vir hul ouderdom moet dra, en as vet om hul middel saampak. Chene beveel aan dat ouers…

VIND DIE UIL IN DIE PRENT SPEEL-SPEEL Kinders, kry julle mammie en daddy dat almal lekker kan saamspeel! SOEK DIE VERSKILLE EN KLEUR IN Soek en omkring die 10 verskille tussen die twee prente. (Lekker inkleur!) HOE LYK DIT VAN BO? Kan jy uitreken watter een van a) tot f) jy sal sien as jy hierdie prentjie van bo af bekyk? VIND DIE PAD Kan jy die bang, bruin uiltjie help om by sy maat uit te kom?…

NR.289 WEN R350 KONTANT! VRAAG: Wie is die skrywer van ‘Doolhof’ en Vloek'? (Slegs sy van.) SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Fotoblokraainommer na 42508 voor 28 Junie 2023. SMS/R1,50. Die oplossing verskyn in die uitgawe van 20 Julie 2023. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDEFOTOBLOKRAAI EN HUL BESONDERHEDE VERSKAF. DIE SLUITINGSDATUM IS 28 JUNIE 2023. GEEN WHATSAPP-BOODSKAPPE WORDAS INSKRYWING AANVAAR NIE. SMS OM IN TE SKRYF!…

Om tien jaar ‘n verhouding te hê is lank genoeg, maar in my geval destyds was dit toe nie so maklik om ná so ‘n lang verhouding te trou nie! Toe ek grootgeword het (in Goodwood, Kaapstad) was swangerskap voor troue taboe. Daar is dan vir jou gesê jy “moet” trou – togte skandelik. Maar ek het ‘n outjie, Norman Abrahams, gehad. (Ons is albei nou 68.) Ons moes mekaar skelm ontmoet by ‘n sekere kafee. Daar kon ek net so 15 tot 20 minute gesels. ‘n Piksoentjie was maar al. Ek kon nooit ná daai soentjie slaap nie. Dit het só baie beteken. Op 18 het ek toe as onderwyser begin. Ons was toe al vier jaar bevriend en smoorverlief. Dit was ware liefde. Toe ek 22 was, wou…

Sy (Dereleen James) is die dapperste mamma ooit (“Alleen teen die dwelms”, 11 Mei 2023). Ek kan my nie indink wat sy moet trotseer nie. My trane het geloop toe ek die storie lees en ek besef my probleme is ‘n druppel in die emmer. Net jammer dit lyk of sy op haar eie is om die dwelmdemoon te beveg. Ander ouers kruip weg. Evil prevail, want goeie mense doen niks. Sterkte, vrou. Ek bid vir jou sodat jy ondersteuning sal kry in jou stryd. Ek salute jou, dapper vrou. Jy is yster, Dereleen. Staan vir wat jy in glo, al staan jy alleen. VENECIA-DESIREE BOTTOMLEY-JANTJIES Dit is soos jy sê: die gemeenskap waar jy woon moet saamstaan om ontslae te raak van die euwel (“Alleen teen die dwelms”, 11 Mei…

Sy droom was nog altyd om ‘n professionale valskermswewer te word en wêreldrekords te laat spat. Kelvin van Baalen (26) wou die wêreld platreis en groter hoogtes bereik met elke kompetisie waaraan hy sou deelneem. Maar vyf jaar gelede is sy drome se vlerke tragies in ‘n gru-ongeluk geknip. Op die oggend van 29 Junie 2018 was Kelvin, wat toe al meer as ‘n duisend keer gevlieg het, nié soos gewoonlik baie lus om in sy sweeftuig te klim, en die hemele aan te durf in die Barbertonse sweeftuig-opekompetisie nie.“Dit is asof iets my gewaarsku het om nié te gaan sweef nie,”sê Kelvin, wat in Johannesburg woon. Maar hy hét. En dit het sy lewe onherroeplik verander. Hy het in ‘n fratsongeluk kragkabels getref tydens ‘n landing op die tweede…

Haar groot droom was nog altyd om eendag ‘n aktrise te wees en op die verhoog haar ding te doen. En van dag leef Devonecia Swartz (26) dié droom uit – sommer op die verhoog én kassie. Deesdae ken ons haar as Eva in Arendsvlei. Eva is al deur diep waters. Eers was sy vasgevang in ‘n abusive hu welik met ‘n gangster-man, Mario (Dean Balie). Al manier hoe sy uit sy kloue kon ontsnap, was om hom uit desperaatheid dood te skiet. Toe kom die bokser Lennie (DannJaques Mouton) in haar lewe en gee Eva die stabiliteit waarna sy nog altyd gesmag het. Dit was egter van korte duur. Toe Lennie se waaghalsige broer, Tanner (Stefan Erasmus), onlangs in die “Vlei”opdaag, het Eva besluit sy soek meer opwinding in…

Al ooit gewonder hoekom handeroom op sy beste werk saans? Of hoekom daar gesê word jy moet in ‘n gehaltegesigserum belê? Is jy dalk onseker of jy die bohaai oor oogroom moet glo? Hiermee word van ons brandende vrae beantwoord… 1 Het ek werklik oogroom nodig? Ja. Of jy wil klaarspeel met pofferigheid, sakkerigheid, fyn lyntjies of donker kringe, is daar ‘n oogroom wat kan help, sê Vanelwa Ndongeni, wat in die velsorg– en naelbedryf werk. Fyn lyntjies en plooie word veroorsaak deur sonskade en die vel wat minder kollageen vervaardig (wat help met elastisiteit) soos ons ouer word. Daarom moet jy ‘n oogroom kry wat vitamien C, peptiede en retinol bevat. Room met komkommer in help met pofferige oë, want die komkommer verbeter sirkulasie. “Oogroom moet soggens voor jou dagroom…

Samantha-Jane deel dié wenke om met jou werksoektog te help. 1 Stel ‘n stewige CV op. Dit moet kort, bondig, professioneel en op datum wees. 2 Stel ‘n LinkedIn-profiel op wat jou vaardighede adverteer. Maak ‘n punt daarvan om ‘n netwerk op te bou en daarby betrokke te bly. 3 Gebruik jou netwerk. Maak kontak met mense wat jy op skool en universiteit geken het of wat jy dalk in die bedryf van jou keuse ken, en vra hulle om jou van poste te laat weet. Hoor by kennisse wat met baie kliënte werk (soos fiksheidsafrigters) of hulle van poste gehoor het. 4 Vra geloofwaardige mense in jou kring (soos jou ou skoolhoof) om verwysings te skryf wat jy by jou CV kan aanheg. Getuigskrifte deur ander mense is skaarser…

Hoe jy met jou kind oor kos praat, kan nou en later ‘n groot uitwerking op hu • Moenie kos as“sleg”beskryf nie. Selfs opmerkings soos dat dit“stout” is om sekere goed te eet, kan kinders behep maak met kos. •“Moenie woorde soos‘sies'gebruik of ‘n gesig trek vir sekere kosse nie,”sê Liezel. Laat hulle self besluit of hulle van ‘n kossoort hou. • Moenie kos as beloning of troosmiddel inspan nie, waarsku Retha. Dit kan hulle leer om hul toevlug tot lekkernye te neem. • Moenie jou kinders aanmoedig om altyd hul bord leeg te eet nie.“As kinders gedwing word om hul kos op te eet of as speletjies gespeel word om hulle te voer nadat hulle versadig is, kan dit hulle leer om hul versadigingseine te ignoreer,”maan Zelda. •“Moenie aanmerkings…

NR. 210 VRAAG: As wie is Peter Gene Hernandez beter bekend? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 28 Junie 2023. SMS/R1,50. Dïe oplossing verskyn in die uitgawe 20 Julie 2023. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDESTER-BLOKRAAI EN HUL BESONDERHEDE VERSKAF. DIE SLUITINGSDATUM IS 28 JUNIE 2023. GEEN WHATSAPP-BOODSKAPPE WORD MEER AS INSKRYWING AANVAAR NIE. WEN R1 000!…

MÓÉT-KYK! The Woman King (M-Net, Sondag 11 Junie om 20:05) Dis die 1800's en 'n groep vrouevegters beskerm die Wes Afrika-koninkryk Dahomey. Genl. Nanisca (Viola Davis), leier van die Agojie-vrouevegters, lei nuwe rekrute op om te veg teen ‘n vyand wat daarop uit is om hulle te vernietig. KYKNET&KIE DSTV-KANAAL 145 kykNET&kie is ‘n verskeidenheidskanaal met outentieke kykgenot vir die hele gesin en eksklusiewe inhoud wat nog nooit vantevore gesien is nie. Roer, 9 Junie om 19:30 Jolene Martin, wat die skoolhoof Beatrice in Arends. vlei is, sê vandag les op in die Roer-kombuis. Jy ls My Seun, 13 Junie om 19:30 Hasan vind uit dat sy pa skatryk was, maar dat hy alles verkoop en verdwyn het. Asiye stel ondersoek in en kom tot'n skokkende gevolgtrekking. Mehmet Emin Güney…

Hy het op 11 al geweet hoe om sy eie button– en daggapyp te stop en was vasgevang in die bose kringloop van dwelmmisbruik én die bendeverwante aktiwiteite wat daarmee gepaardgaan. Maar Joshwin Taurijo van Jamestown in Stellenbosch buite Kaapstad het‘n keerpunt bereik toe die Here ingryp, en hy het sy lewe omkeer. Vandag is dié 35-jarige ‘n gesinsman en pa van twee kinders, Lilah Jane (8) en Elijah (5). Hy is ook ‘n gelisensiëerde commercial diver in Qatar in die Midde-Ooste. Dan is hy ook ‘n jeugfasiliteerder en sy hartvure brand hoog met liefde vir jongmense – om hulle in en oor die grense van Suid-Afrika heen te help om, nes hy, dié euwels te ontsnap. Joshwin en sy vrou en eerste liefde, Charlene (34), se paaie het die…

OXTAIL-SOP Lewer sowat 3 liter sop BESTANDDELE 5-6 stukke (sowat 700 g) oxtail of stewing beef, in stukke gesny sout en varsgemaalde swartpeper 240 g tamatiepuree of –pasta olie 200 g uie, in wedges gesny 20 g knoffel, geskil 3-4 stingels sopseldery 200 g wortels, geskil en in stukke gesny 2 blikke (400 g elk) kersietamaties of 800 g vars roma-tamaties, ontvel en in stukke gesny 1 teelepel fyn koljander 2 lourierblare 8 koppies beef stock 1 koppie rooiwyn 2 pakkies (50 g elk) tamatiepasta ‘n knippie suiker, indien nodig 1 eetlepel sojasous worcestersous, na smaak sour cream, vir afronding pietersielie of basil, vir garnering METODE Voorverhit die oond tot 190°C. • Geur die oxtail of stewing beef met die sout en peper en smeer die tamatiepuree of –pasta oor. • Bak sowat 30 minute in die oond tot bruin. • Verhit…

Medikasie en seks Vraag HOEKOM BLY EK DROOG? Ek wil graag weet of medikasie ‘n probleem kan veroorsaak met jou sekslewe? Daar is tye wat my vagina droog is en veroorsaak dat daar bloed is gedurende seks. Is daar enigiets wat ek kan gebruik daarvoor? SKAAM Antwoord BESTE SKAAM Medikasie hét wel ‘n effek, maar nie almal word geaffekteer deur neweeffekte nie.“Seksuele disfunksie”is die mediese term wat gebruik word vir ‘n wye reeks seksuele probleme, soos lae libido (drang), probleme met seksuele opwekking en orgasme, en pyn tydens omgang. Mans mag boonop ook sukkel met ereksieprobleme of vroegtydige of vertraagde ejakulasie. Newe-effekte van dié medikasie kan seksuele funksie beïnvloed: • Sommige anti-deppressante, soos Fluoxetine, Paroxetine, Luvox en Sertraline is van die algemeenstes; só ook risperidoon en haloperidol en pynmedikasie soos…

AKUTE GOUT • Skielike, intense pyn in ‘n gewrig soos by jou groottoon of elmboog. • Die pyn kan amper dadelik kom, of opbou oor minute of ure. Daar is dan swelling, inflammasie en ‘n warm gevoel in die gewrig. Die vel raak gevoelig, warm, blinkerig en selfs pers. • In erge gevalle kan jy koors kry. • Hoewel gout ook geneties oordraagbaar is, vind die eerste gout-aanval eers in die middeljare plaas by mans en gewoonlik tydens menopouse by vroue. • Die eerste paar aanvalle kom gewoonlik snags en sonder enige oënskynlike rede. • Met medikasie kan die pyn en swelling gewoonlik vinnig behandel word, maar indien die onderliggende probleem (te hoë uriensuurvlakke) nie behandel word nie, sal jy weer aanvalle kry. • Indien dit onbehandeld bly, kan toekomstige…

Dis belangrik dat jy verstaan wanneer jy jou lening moet begin terugbetaal. Dit hang van jou lener af, maar dit kan wees wanneer jy jou kursus voltooi het, graad gevang het of wanneer jy begin werk. Jy gaan nie noodwendig dadelik werk kry nadat jy afgestudeer het nie. Baie afgestudeerde studente kom tot hul skok agter dat hulle ‘n swartmerkie langs hul kredietwaardigheid het wanneer hulle dalk ‘n kar wil koop of vir ‘n werk aansoek wil doen – net omdat hulle hul studielening nie betyds afbetaal het nie. Party finansierders waarborg nie die lening vir jou hele studietydperk nie; hou dit dus goed dop. Jy sal dalk elke jaar weer aansoek moet doen. As jy opskop, sal jy die kapitaal plus rente dalk dadelik terug moet betaal. Die meeste…

NR.262 WEN R350 KONTANT! VRAAG: In watter Bybelboek word die Here se gebed aangetref? SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Bybel-blokraainommer na 42508 voor 28 Junie 2023, SMS/R1,50. Die oplossing verskyn in die uitgawe van 20 Julie 2023. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIESLUITINGSDATUM IS 28 JUNIE 2023. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

Daar is opwindende nuus vir reality fans. Die sangkompetisiereeks The Masked Singer is al in meer as 50 lande uitgesaai – en nou is dit Suid-Afrika se beurt! Ons het nou ons eie weergawe van dié gewilde trefferreeks, en dis als te danke aan die TV-en radiopersoonlikheid Anele Mdoda en haar vennote, Frankie du Toit en Paul Buys, van die vervaardigingsmaatskappy Rose and Oaks Media. Die driestuks bring in samewerking met die SABC en Primedia nou The Masked Singer SA na ons kassies. Ons is baie opgewonde vir Suid-Afrika om eindelik by die Masked Singer-familie aan te sluit,” sê Frankie. So, hoe werk dit? In elke episode sing plaaslike sterre wat kan noot hou liedjies, terwyl hulle pryk in flambojante kostuums en maskers om hul identiteit weg te steek. ‘n…

Ons leef in ‘n wêreld waar soveel mense geen menslikheid teenoor ander betoon nie. Jy kry diegene wat liefde gee; diegene wat liefde vat; en dié wat liefde ontvang. Ek, aan die ander kant, neem net waar, terwyl die huidige man aan my sy net neem. My naam is Pet Loang. Ek is nie aan die ontvang-, neem– of gee-deel van die liefdespektrum nie. Meer soos aan die verlange-, smeek– en weerhoudingskant. Dit is vir die heelal om te besluit om vir my ‘n gelukkige einde te gee. Ek is ongelukkig, hoewel ek deur die dag kan lag of glimlag. Maar snags wanneer ek alleen is, besef ek die leegheid – die leë plek in my intieme lewe. Ek en Joey is saam sedert ek by dieselfde maatskappy as hy…