Innholdsfortegnelse for 30 March 2023 i Kuier

'n Mens sou dink ná meer as driehonderd uitgawes behoort 'n redakteursbrief nie soveel van 'n uitdaging te wees nie, maar hierdie is beslis een van die moeilikstes wat ek nóg moes skryf, want ek moet vir julle koebaai sê. Daar is baie gemengde gevoelens. Aan die een kant breek my hart dat ek moet groet, maar terselfdertyd besef ek dat niks vir ewig kan hou nie, want die een ding wat die lewe ons mos waarborg is verandering. Maar my hart loop ook oor van dankbaarheid vir hierdie werk, wat nooit net 'n werk was nie. Ek wil sover gaan as om te sê Kuier het my as't ware gered, want ná my eerste beroerte het ek gedink my loopbaan is beslis iets van die verlede. Moedverloor se vlakte…

Vir 16 jaar was hy aan dwelms verslaaf. En in daardie tyd het hy gesteel, op straat gebly en selfs in die tronk beland. Maar toe hy een aand sy eie lewe wou neem, moeg omdat alles in sy lewe skeefloop, het hy meteens 'n stem gehoor wat hom gekeer het. En dís toe Julian Plaatjies (38) van Villiersdorp in die Wes-Kaap besluit het om tot inkeer te kom en homself te bekeer. Vandag is hy agt jaar dwelmvry en gebruik nie net sy getuienis om jeugdiges en mense in sy gemeenskap te motiveer en te bemoedig nie; maar hy studeer ook by die Universiteit van Wes-Kaapland (UWK) om 'n substance misuse counsellor te word. "Ek het aanvanklik eers met sigarette en dagga eksperimenteer toe ek op skool was, en…

INSPIRASIE Sy was 'n plaaskind wat daarvan gedroom het om eendag haar eie slaapkamer te hê en dit moes lyk nes dié in die advertensies in 'n Lewis Stores-boekie. Dít was die dryfkrag agter Christine Fortuin (36) se harde werk om die kringloop van generasies van plaaswerkers in haar bloedlyn te breek. En vandag pluk(en proe) sy die vrugte van haar deursettingsvermoë as bestuurder van 'n bekende Wes-Kaapse wynkelder se wynproekamers. Sy is ook dankbaar vir die rol wat haar ouma, Christina Jansen (beter bekend as Anna Piet), in die lê van haar fondasie gespeel het. Christine het op Tweekuilplaas buite Malmesbury in die Wes-Kaap grootgeword en as kind daar gewerk. Sy is die eerste een in haar familie wat die plaas se stof afgeskud het en 'n werk elders…

WENK: Laat staan die slaai 'n uur of wat in die yskas voor opdiening. Dan kry die sous kans om goed in te sink en die slaai lyk baie aanskouliker. HAM-EN-PASTA-SLAAI MET SUURLEMOENMOSTERDSLAAISOUS Genoeg vir 4 - 6 BESTANDDELE Vir die slaaisous Vir die slaai METODE Maak eers die slaaisous: Klits al die bestanddele vir die slaaisous in 'n groot glasbak. Maak die pasta gaar volgens die instruksies op die pakkie. Wees versigtig om dit nie te lank te kook nie, anders gaan jy 'n pap en onooglike slaai hê. Spoel die pasta vinnig onder lopende koue water af en dreineer goed. Roer by die slaaisous in die bak en voeg die ham, seldery, tamaties, rooiui en die helfte van die…

Groot borste Vraag DOGTER IN PYN Ek het ’n dogter van 24. Sy het baie groot borste en het nog nie kinders nie. Haar rug pyn en dit bly seer. Geld is ook ’n probleem. Hoe nou gemaak? Help asseblief. MOEDER Antwoord BESTE MOEDER My maggies, dit lyk asof jou dogter se fisiese probleem haar lewensgehalte en gesondheid strem. Ek sou aanraai dat jy by die daghospitaal ’n draai gaan maak en ’n afspraak met die mediese praktisyn maak en uitvind of haar borste dalk die rugpyn veroorsaak en wat die volgende stap sal wees. Dalk kan hulle iets voorstel vir beter ondersteuning of haar selfs verwys na plekke wat verkleinings doen teen redelike pryse. Die verkleining van borste is deesdae nie ’n ingewikkelde operasie nie. En staatshospitaaldienste vir vroue…

Die Bolandse duo RJay en LK verteenwoordig ’n nuwe generasie van Afrikaanse kunstenaars wat hul eie reëls maak wanneer dit by musiek kom. En hul gewilde treffer “Wikkel-Wikkel”wat ná soveel jare steeds op radiostasies klop, is maar net die begin. Hulle het ook reeds ’n remix daarvan met Early B gedoen. RJay en LK was deel van die line-up by Kuier se Vertoonkas by die Afrikaanse Musiekindaba verlede Desember in Stellenbosch wat jong kunstenaars die geleentheid gegee het om hul talent ten toon te stel. Hulle het die skare op hul voete gehad met die einste“WikkelWikkel”en“Festive Elif”. Hulle is born performers – daarmee kan niemand stry nie. Lethan“LK”Fisher (25) is oorspronklik van Springbok in die Noord-Kaap en hy en Jayricko van Wyk (26), oftewel RJay, het bure en beste vriende…

16 Maart 2023 se oplossings GROOT WOORDBOU NR. 138 BLOKRAAI NR. 340 Dwars: 1. Spore; 6. Skroef; 12. Al; 13. Gala; 14. Lener; 15. Reg; 16. Aflê; 17. Peri; 18. Kês; 19. Dep; 20. Pels; 21. Aknee; 23. Verrig; 25. Pedi; 26. Gal; 27. Alke; 28. Om; 30. Vee; 31. Askies; 34. Ford; 36. Kiosk; 37. Gô; 38. Ot; 39. Aantree; 40. G’n; 41. Rot; 42. Nes; 43. Gebod; 45. Trek; 46. Laer; 47. Ode. Af: 1. Sara; 2. Plekke; 3. Oggend; 4. Raas; 5. Elfde; 6. Sale; 7. Klepel; 8. Rep; 9. Oneerlike; 10. Eerlik; 11. Fris; 20. Prakseer; 21. Apo; 22. Eie; 23. VA; 24. Gesonde; 26. Geknel; 29. Motor; 30. Vrate; 31. Aitsa; 32. Sorge; 33. Eggo; 34. Fort; 35. Dank; 44. Bo. VRAAG: Wat noem jy…

NR. 284 WEN R350 KONTANT! VRAAG: Wie vertolk die rol van Karmen in 7 de Laan? (Haar naam) SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Fotoblokraainommer na 42508 voor 19 April 2023. SMS/R1,50. Die oplossing verskyn in die uitgawe van 11 Mei 2023. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE FOTOBLOKRAAI EN HUL BESONDERHEDE VERSKAF. DIE SLUITINGSDATUM IS 19 APRIL 2023. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

NR. 257 WEN R350 KONTANT! VRAAG: Waar het Dawid die punt van Saul se mantel afgesny? SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Bybel-blokraainommer na 42508 voor 19 April 2023. SMS/R1,50. Die oplossing verskyn in die uitgawe van 11 Mei 2023. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 19 APRIL 2023. GEEN WHATSAPP-BOODSKAPPE WORD AS INSKRYWING AANVAAR NIE. SMS OM IN TE SKRYF!…

Ek woon al vir amper 20 jaar in die Kaap, maar ek sukkel steeds om gewoond te raak hoe"anders" sommige mense hier is. En met"anders" bedoel ek nie die mense is lelik nie, maar net . . . anders. Op die platteland sal ons sê,"Oe, daai is ander mense, hoë mense" wat beteken jy is op 'n hoër trappie wat sosiale status betref en jy het een of ander"reg"om sturvy te wees. Nou, sturvy wees en sturvy hou is twee verskillende dinge. Laasgenoemde is wanneer jy dink jy is beter as ander omdat jy beter af is as ander. Om sturvy te wéés is vir my oukei - dit beteken net (in my viewpoint) jy hou van die fyner dinge in die lewe, maar vergeet nie waarvandaan jy kom nie.…

Ruhshana Theunissen se aangrypende storie (Beskermengel, 2 Maart 2023) is vir my inspirerend en hartroerend. Ek het letterlik trane in my oë gekry toe ek dit lees. Dit wys dat Ruhshana vasberade en steeds hoopvol is ná alles wat sy al deurgemaak het. Sy het haar been verloor deur 'n goeie daad wat sy instinktief uit liefde vir 'n kind gedoen het. Sy moet net bly glo en vertrou. Dit beteken so vreeslik baie in tye soos hierdie wanneer 'n mens se lewe onherroeplik verander word. DRICKY DIEDERIKS, ELANDSBAAI Dis baie hartseer wat met Ruhshana (Beskermengel, 2 Maart 2023) gebeur het. Sy is 'n ware heldin. Ek salueer haar en bid dat God sal intree vir haar. ANN Ruhshana (Beskermengel, 2 Maart 2023), in my oë is jy 'n groot…

Sy is trots 35 en leef haar blomtyd. Kim Syster, Arendsvlei se Rachel op kykNET&kie, moes al baie trane afvee, maar sy sal jou sommer self sê: Sy leef lekker gemaklik in haar eie lyf in haar dertigs, dankie. En sy is soveel wyser. Ná 'n baie hartseer tydperk waarin twee swangerskappe nie uitgewerk het vir Kim nie - is dié meisie van Mamre voluit gefokus op die toekoms. "Dis vir my 'n voorreg om te leef en te verjaar,"sê Kim met haar borrelstem. "Ek voel nie oud op 35 nie. Dit voel vir my dis 'n groot voorreg om elke jaar ouer te kan word,"vertel sy. “Ek is dankbaar oor die lewe wat ek steeds kan ervaar. Die lewe is ’n wonderlike geskenk as jy deur tye van darkness…

TRACKSUIT Dra 'n unieke tracksuit se bo- of onderkant saam met jou gunstelingdenim, met hakke en 'n blazer, of op die tradisionele manier met 'n T-hemp en sneakers. RITA ORA is nie skaam om hakke by haar helderkleurige traeksuit te dra nie. DOEN DIT MET DENIM Leggings of sykouse werk goed onder ’n denim kortbroek. Dra kort- of langmoue by jou dungarees. ’n Denim-romp kan met ’n trui en stewels gedra word. NATHALIE EMMANUEL weet hoe om 'n dungaree op te dress. RUMER WILLIS lyk elegant in haar roken-blazer combo. ROKKE Dra 'n trui of blazer bo-oor 'n kortmou-rok. 'n Korter rok met lang moue werk goed met sykouse en stewels. BAADJIES MET 'N TWIST Dra 'n baadjie met 'n interessante en kleurvolle patroon oor 'n ligte top en mettertyd…

NR. 205 VRAAG: Wie is Beyoncé en Jay-Z se oudste dogter? SKRYF SÓ IN: Vul die Ster-blokraai korrek in, skryf die letters in die kleurblokke neer en gebruik dit om die antwoord op die vraag te ontrafel. SMS jou antwoord, naam, van en plek, asook Ster-blokraainommer na 42508 voor 19 April 2023. SMS/R1,50. Die oplossïng verskyn in die uitgawe 11 Mei 2023. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE STER-BLOKRAAI EN HUL BESONDERHEDE VERSKAF. DIE SLUITINGSDATUM IS 19 APRIL 2023. GEEN WHATSAPP-BOODSKAPPE WORD MEER AS INSKRYWING AANVAAR NIE. SMS OM IN TE SKRYF! WEN R1 000!…

NR. 139 Aksie Alles Area Beker Bemoedigend Bestraling Braai Casino Christus Dade Dankbaar Dapper Ekologies Ekonomie Empatie Familie Feesmaal Formeel Foto Geesdrif Geheim Geloof Geskenk Gratis Gunstig Handewerk Handskoen Hardloop Hemel Intelligent Ironies Jaloers Jammer Jubel Juweel Kaas Kabinet Koeke Kuier Kwaai Lewer Lisensie Longe Losbandigheid Maandag Maanskyn Millimeter Morsig Naalde Nalatenskap Natuurlik Objektief Oondgereg Paarrym Plaas Positief Regop Rojaal Senwense Serp Simbool Sindroom Southappie Tafel Takkie Tevrede Toonbank Uitstaande Uitstappies Uitstekend Uniek Uniform Vakansie Vakmanne Versigtig Volmaak Vreeslik Vriendskap Warrelwind Wonderwerk OPLOSSING VERSKYN IN DIE UITGAWE VAN 13 APRIL 2023. SOEK VIR DIE SPELETJIENOMMER.…

Hy wou nog altyd Tarzan op die silwerskerm speel nadat hy boeke oor Tarzan in sy twintigs gelees het. Nou het DeWet du Toit (35) van George in die Suid-Kaap se droom uiteindelik vlerke gekry met 'n YouTube-kanaal. Daar deel hy sy selfgemaakte Tarzankortfilms met sy 207 000 intekenare. Hy het 'n verstommende 50 miljoen views! Boonop is sy eie program, Tarzan van George, nou op kykNET te sien. Dit volg DeWet se lewe en droom om eendag Hollywood se nuwe Tarzan te word. "Van kleins af was ek nog altyd 'n outdoors persoon. Ek en my tweelingbroer, Rudolf, wat deel is van my Tarzan journey, het grootgeword op game reserves en plase. En dis eers later in my 20's wat die Tarzan-droom by my aangewakker was tot waar ek…

Hoekom kan ons nie net ons eie verantwoordelikhede nakom nie? Dit skok my dat die moderne lewe só anders as in die verlede is en hoe ons waardes en morele standaarde so drasties verander het. Ek sê nie ons moet presies dieselfde bly soos ons voorvaders nie, maar ek dink hulle het sekere morele standaarde handhaaf wat die meeste van ons vandag net aframmel. Die meeste van ons is geleer om grootmense te respekteer, maar deesdae doen ons die teenoorgestelde. Ons maak ook nie meer ons kinders groot volgens die standaarde van ouds nie. Natuurlik het dinge verander en daar is ook nou nuwe wette rondom kinders wat in ag geneem moet word. Myns insiens, het laasgenoemde die kommunikasie tussen ouers en kinders drasties beïnvloed. Ouers is egter steeds daarvoor…

Ses maande gelede het Udene Botha (40) van die Paarl se lewe onherroeplik verander.Haar vierjarige dogter, Tamia “Mia” Botha, het op 25 September 2022 spoorloos verdwyn en haar lewelose liggaamis’n dag later gevind. Mia het nog die wit hemp, swart tights en blou wol-boots aangehad wat haar ma daardie Sondagoggend met soveel liefde vir haar aangetrek het. Sy was toe nie meer die lewenslustige, besige sonskynkind wat haar ma in die wêreld gebring en grootgemaak het nie. Haar liggaampie was gebroke; haar asemhaling en hartklop was weg; haar glinsterende oë was gesluit en haar kinderstem stil. Weggesteel deur ’n gewetenlose moordenaar wat nou nog op vrye voete in die gemeenskap rondloop. En teen die agtergrond van Mia se sinnelose moord, het die kollig ook weer opnuut op die moord van…

Dit wat hy as brose vierjarige gesien het, kan Zachary Adonis selfs nou, op 12, nie sommer uit sy gedagtes vee nie. Daardie dag op pad na sy skooltjie saam met sy ma, het hy, toe nog nie eens in graad R nie, 'n hawelose man in 'n vullisblik sien krap. Hy wou dadelik weet hoekom die man dít doen. Eintlik was sy heel van slag af, vertel Zachary se ma, Deona (47), 'n vroeë kinderontwikkelingspraktisyn. Sy het self gewonder hoe haar jong seuntjie selfs so iets opgelet het, laat staan nog haar daaroor uitvra - hy was immers net vier, vertel sy uit die gesinshuis in Rugby in Brooklyn, Kaapstad. “Hy was upset en ek moes maar my woorde baie versigtig kies, want hy was nog so jonk.’’Maar sy’t…

KLEIN AANPASSINGS KAN 'N GROOT VERSKIL MAAK. KIES BELTS MET INTERESSANTE TEKSTURE, EN DRA UNIEKE SERPE, SNEAKERS EN SONBRILLE. WENK Brooches is nou die in-ding! Dra dit op jou blazer se kraag, op die rand van jou hoed of beanie, of gebruik dit om jou serp in plek te hou. KRY DIT HIER…

Prostaat Vraag LASERBEHANDELING Ek het 'n paar weke gelede my prostaat laat laser. Dit was vergroot. Ek wil weet of dit weer in die toekoms gaan vergroot? PASIËNT Antwoord BESTE PASIËNT Die mediese naam of term vir ’n niekwaadaardige vergrote prostaat is benigne prostaathiperplasie (BPH). Net mans het prostate en dit is reg onder die blaas geleë. Dit is ongeveer die grootte van ’n okkerneut (walnut). Dit omring die urinepypie, wat urine dreineer vanaf die blaas. Soos mans ouer word, vergroot die prostaat natuurlik. Dit kan dan druk op die urinepypie sit en dit veroorsaak dat die urine stadiger vloei en die blaas nie heeltemal leeggemaak kan word nie. Dit veroorsaak dan die onaangename simptome. SIMPTOME Die simptome van BPH hang grootliks af van die grootte van die prostaat en…