Innholdsfortegnelse for 28 April 2022 i Kuier

WENK GESOEK Het iemand miskien ’n aartappelsuurdeegresep asseblief? ELSIE, BRITS ANTWOORD Bestanddele • 3 middelslagaartappels• 4 koppies water• 2¼ teelepels gis• 1 koppie warm water• 1 koppie broodmeel• ⅓ koppie witsuiker• 1½ eetlepels sout Metode Skil die aartappels en sny dit in blokkies. Kook dit in vier koppies water tot sag (omtrent 30 minute). Dreineer die aartappels in ’n bak en hou die water. Sit die aartappels terug in die pot en mash dit. Voeg die aartappels weer by die aartappelwater, roer en los dit om louwarm te word. Roer die gis en warm water by. Meng die broodmeel, suiker en sout by. Bedek die bak met ’n skoon vadoek en los dit vir 24 uur by kamertemperatuur. Nou is dit gereed vir jou gunstelingsuurdeegresep! Bron: www.thespruceeats.com/potato-sourdough-starter-428071 WENK GESOEK Enige…

Soek al tagtig woorde op die lys langsaan in die tabel hier onder. Hulle lê horisontaal, vertikaal en diagonaal. Aardig Adamsappel Afluister Agterstallig Amper Antieke Bakgat Baljaar Bamboes Biltong Boemelaar Bolmakiesie Boosdoener Bromponie Diagnose Diaken Donderstorm Doodkis Duwweltjie Edelgesteente Eiesinnig Eksoties Erfenis Fassinerend Flikkerlig Flirtasie Frustrasie Gebrekkig Geheimsinnig Geitjie Ghries Glipsie Grondboontjie Hakskeen Halsoorkop Heuning Hoogtepunt Identiteit Immigrant Imposant Indrukwekkend Intiem Jagter Jongste Juweel Kafee Kaptein Karnaval Komponis Kosblik Kunsmis Lafhartig Lemmetjies Lipstiffie Maalvleis Melkskommel Mielie Nagklere Neiging Noodgedwonge Oerwoud Olyfolie Onmisbaar Oseaan Paddastoel Pantoffel Piering Pikkewyn Platejoggie Pynappel Reageer Sambreel Sampioen Skootrekenaar Slaptjips Sweetpak Toebroodjie Trapsoetjies Waslap Wegneemete OPLOSSING VERSKYN IN DIE UITGAWE VAN 12 MEI 2022. SOEK VIR DIE SPELETJIENOMMER.…

Die ware lewensdrama (Heling ná baie hartseer, 31 Maart) wat handel oor Rochelle Bouwers se lewensverhaal roer ’n mens se hartsnare. Well done daar aan (die joernalis) Jackie Pienaar-Brink. Op die stadium van die geveg wil ek net vir Wendy Brown van Kleinvlei ’n stywe drukkie gee, want sjoe, daardie vrou is deur baie (Sterk ná baie seer, 31 Maart). Well done aan Chrislynn Sias met die skryf van hierdie ongelooflike storie. Julle is kwaai mense, shame. ANONIEM Ek het my Kuier kant en klaar gelees en soos gewoonlik het ek dit terdeë geniet. Hou aan met die goeie werk, Kuier-span.MARION KRUGER Rochelle en Brendan (Heling ná baie hartseer, 31 Maart), ek’t jul verhaal met trane in my oë gelees. Kyk mooi na daai engelkind wat aan julle geskenk is…

Van kleins af was die lewe vir Jennifer Pretorius (59) van Vishoek in die Kaap ’n uitdaging. Sy is blind én doof. Tog vind sy ’n manier om elke dag op te staan en die lewe voluit aan te pak. Volgens dié wat haar ken, was Jenny nog altyd iemand wat vasbeslote is om ’n vol lewe te lei, selfs al is sy met geboorte as heeltemal doof gediagnoseer en op 48 ook as klinies blind verklaar. Deesdae navigeer sy haar lewe met behulp van die vriendelikheid en hulp van haar omgee-gemeenskap. Jenny vertel sy weet nie regtig wanneer sy besef het sy is anders as ander kinders nie. “My familie en vriende het my altyd aanvaar soos ek is.” As jong meisie het Jenny dit geniet om Lassie, hul…

SKAAPBOUD Genoeg vir 10 – 12 BESTANDDELE 1 groot skaapboud (sowat 3 kg)8 klein knoffelhuisies, geskilSout en varsgemaalde swartpeper60 ml kookolie4 uie, geskil en in kwarte gesny1 takkie vars roosmaryn (opsioneel)3 wortels, geskil en gehalveer15 ml meel METODE Gebruik ’n skerp mes en maak agt snye van 2 cm diep op verskillende plekke in die vleisstuk. Druk ’n afgeskilde knoffelhuisie in elke opening. Geur die skaapboud met baie sout en varsgemaalde swartpeper. Verhit die olie in ’n baie groot kastrol tot baie warm en braai die skaapboud alkant goed bruin saam met die uie, roosmaryn en wortels (dit sal ongeveer 10 – 15 minute duur). Hoe bruiner alles braai hoe beter – dit sorg vir ’n diep, ryk geur. Voeg 750 ml warm water by en verhit tot kookpunt. Verlaag…

Anorgasmie Vraag GEEN KLIMAKS NIE Dokter, ek sukkel om te kom tydens seks. Ek is ’n vrou. GEBLUS Antwoord BESTE GEBLUS Die mediese term is anorgasmie. Seksuele probleme, veral by ouer vroue, is meer algemeen as wat ’n mens dink. OORSAKE Die meerderheid oorsake is sielkundig, gevolg deur liggaamlike probleme of siekte. Onvoldoende fisiese stimulasie (foreplay) voor seks is bo aan die lys omdat dit vroue gemiddeld 20 minute neem om opgewarm te word in teenstelling met mans. Probleme in die verhouding is ook hoog op die ranglys as oorsaak. Vroue wat bekommerd is oor hul“performance”en diegene wat nie baie gemaklik is met hul liggame is nie, sukkel ook om te“let go“ en hulle net oor te gee in die oomblik. Vorige traumatiese seksuele ervarings speel ook ’n rol. Die…

GESAGHEBBEND Volgens Katherine en Anri is dit die ideale ouerskapstyl. Die fokus is op gesonde verhoudings bou. Dissipline word toegepas met gesonde, praktiese gevolge. As die kind iets doen wat nie oukei is nie, is daar ’n gevolg, maar die konneksie tussen ouer en kind word nie verbreek nie. Die kind leer grense, leer wat is oukei en kry gereedskap vir die lewe. Gesprekvoering word aangemoedig en die kind leer dit is oukei om oor emosie te praat. PERMISSIEF Die ouer stel geen grense nie. Die kind kan doen wat hy wil, wanneer hy wil en is meestal op homself aangewese. Die gevolg is dat so ’n kind nie respek vir ander leer nie. Daar word nie geleer hoe om konstruktief te gesels nie en die kind leer nie dat…

MÓÉT-KYK! Till Death (M-Net, Sondag 1 Mei om 21:05) Emma (Megan Fox) en haar man gaan weg vir hul huweliksherdenking, maar die volgende dag skrik sy wakker vasgeboei aan sy lyk. Nou is dit sý teen die 28 april – 11 mei moordenaars wat terugkomvir háár. KYKNET&KIE DSTV-KANAAL 145 kykNET&kie is ’n verskeidenheidskanaal met outentieke kykgenot vir die hele gesin en eksklusiewe inhoud wat nog nooit vantevore gesien is nie. Projek Dina, 3 Mei om 20:00 Die taakspan slaan toe op die sindikaat. Charlie is in gevaar. Dlomo en Lux is op Niewoudt se spoor. Ronel gaan agter haar suster aan en Deon word gekonfronteer met ’n moeilike besluit. Suidooster, 6 Mei om 18:30 Danni kry skoknuus en Siya worstel met sy gewete. Zoe probeer vrede skep tussen Tim en…

WEN R350 KONTANT! VRAAG: Leerlinge van Christus en eerste verkondigers van die evangelie. SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Bybel-blokraainommer na 42508 voor 18 Mei 2022. Elke SMS kos R1,50. Die oplossing verskyn in die uitgawe van 9 Junie 2022. SMS OM IN TE SKRYF! NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONK-LIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 18 MEI 2022. GEEN WHATSAPP-BOODSKAPPE WORD MEER AS INSKRYWING AANVAAR NIE.…

“Almal maak foute”;“vergewe en vergeet”;“ let go and let God”. Almal het seker al ten minste een van dié frases gehoor of gebruik. Die oumense beaam hierdie sentiment sedert toeka. Op sosiale media word dit daagliks gedeel. As mense is ons so dinamies en meningsverskille en/of konflik is soms onvermydelik. So, die praktyk van vergifnis is iets wat ons almal ken, hetsy ons dit moes gee of ontvang. En in sommige gevalle kan dit wel daai nuwe bladsy wees wat mens benodig om dinge reg te maak, oor te begin en uiteindelik te leer uit jou foute. Miskien lê daar ’n mate van barmhartigheid en heelwording daarin; veral as ’n mens besef dat dit juis een van die boodskappe is wat oudpres. Nelson Mandela tydens een van sy eerste toesprake…

Abidah Dixon Mohamed (54) van Elsiesrivier in die Kaap het nie ’n verhouding met haar pa gehad nie en haar ma het dikwels in en uit haar lewe gewals. Maar ten spyte van haar moeilike grootwordjare, het sy nie toegelaat dat dit haar terughou nie. En vandag het sy ’n hegte gesin van haar eie met vyf kinders en sewe kleinkinders en ’n suksesvolle loopbaan wat sy met haar eie twee hande gebou het. Abidah, oftewel antie Bidah soos sy in haar gemeenskap bekendstaan, is ’n“Jill of all trades”wat beslis nie haar talente onder ’n maatemmer wegsteek nie. As sy nie by die radiostasie The Voice of the Cape, ’n plaaslike Moslem-radiostasie, is nie, bied sy haar eie kookprogram, Proe, op Cape Town TV (CTV), DStv-kanaal 263, aan.“Ek het dit…

“Moet nooit die krag van ’n desperate moeder se gebed onderskat nie.” Só verklaar Tasneem Swartz (33) van Parow in die noordelike voorstede van Kaapstad nadat haar seun, Abdul Hakim Mdumbo (5), amper vier jaar gelede byna verdrink het. Dokters het geen hoop gehad vir sy herstel nie en Abdul Hakim se familie is aangesê om hulself voor te berei op die ergste. Abdul Hakim het al in sy jong lewe twee keer by die dood omgedraai weens dié ongeluk. Maar hy het ’n biddende ma wat sonder ophou sal veg vir hom, al voorspel wie wat. En nou sit Tasneem met ’n hart vol dankbaarheid langs haar Abdul Hakim, wat ná sy byna-verdrinking nie meer kan loop of praat nie, maar hy het sy manier van kommunikeer. Maar Abdul…

Noem die naam Roegschanda Pascoe (47) van Manenberg op die Kaapse Vlakte en mense sal dadelik getuig sy is ’n kampvegter soos min en iemand wat glad nie op haar mond geval is nie. Sy is ’n vrou wat ’n stem gee aan ander vroue en onverpoos veg om misdaad regoor die Kaapse Vlakte te bekamp. En nie eens die feit dat haar lewe al in gevaar was (of dalk steeds is) omdat sy ook gevreesde bendelede aanvat, keer haar om haar gemeenskap beter en veiliger te maak nie. Roegschanda veg al vir jare vir beter dienste vir slagoffers van misdaad en het in die kollig beland toe sy etlike jare gelede in die Wes-Kaapse hooggeregshof standpunt ingeneem het teen ’n vermeende bendebaas. ’n Dag voordat sy getuig het, het…

Lang liefdeslysie Vraag WEET NIE WIE OM TE KIES Antie, ek weet regtig nie watter kant toe nie. My kêrel het op my gecheat op die soort manier wat nou nog by my spook. Ek is steeds lief vir hom. Ons het aan die begin gepraat van preggies raak en dit gebeur toe. Hy het knowing dat ons ’n kind gaan kry, steeds gecheat met ’n mens wat ek baie goed ken. My hart is baie seer. Nou soek hy nog ’n kans. En twee van my exes wil ook deel wees van my lewe. TUSSEN TWEE VURE Antwoord BESTE TUSSEN TWEE VURE Oe, my skattebol, jy bevind jou in die middel van ’n warrelwind. Oor perd nommer een wil ek net vir jou sê:“A leopard never changes its spots”,…

Om te groei, moet jy in ’n plek van ongemak geplaas word en disjuis dán wanneer jy jou volle potensiaal bereik. Dít is presies wat die sanger Cheswyn Ruiters (25), oor-van Worcester in die spronklik Boland, besef het. Van die skaam 23-jarige wat die eerste seisoen van Maak my Famous gewen het, is daar amper niks meer oor nie. Cheswyn is nou ’n selfv versekerde 25-jarige wat glo dat hy sy stem en persoonlik-gevind het.“Ek was in’n heid gemaksone.Ekhet floreer in my gemaksone, maar ek moes besef dat ekmygrootste vyand is. ’nMens kannie leer en groei in ’n plek van gemak nie.” Dit is’nbaie opgewonde Cheswyn wat vertel daar wag baie opwindende dinge vir hom vanjaar. “Ja, ek isCheswyn wat Maak my Famous gewen het, maar ek is soveel meer…

14 April 2022 se oplossings GROOT WOORDBOU NR. 115 Wenner(s) vir 31 Maart 2022 CLOVER HAMPER: Jasmine Uys, Athlone BLOKRAAI NR. 317 Dwars:1.Rivier;7.Sport;11.Onus;12.Inent;14.Mei;15.Ikoon;16.Dof;17.Messel;18.Boere;20.Enjin; 23.Eiers;24.Laaste;28.Skoot;30.Bankie;31.Mans;33.Albie;34.Dep;35.Ski;36.Belange;40.Eire; 41.Gô;42.Sein;43.Reis;44.Somers;45.Erika. Af:1.Rommel;2.Ineen;3.Vuis;4.Isis;5.Erken;6.Riole;7.Snobisme;8.Pen;9.Onderonsie;10.Tafeltjies; 13.Torso;19.Oë;21.Janblom;22.Iskias;25.Aal;26.Tiener;27.Eed;29.Kaper;30.Babas;32.Skrik; 37.Ego;38.Gis;39.Ene. VRAAG: Stylfiguur waarin woorde verswyg word. WENNER: BLOKRAAI NR. 317 Elna Rossouw, Riebeeckstad FOTOBLOKRAAI NR. 258 VRAAG: Wie speel Chantel Williams in Arendsvlei? (Haar naam) WENNER: FOTOBLOKRAAI NR. 258 Jacoba Magrietha Meyer, Utrecht BYBEL-BLOKRAAI NR. 231 VRAAG: Wie in die Bybel het op ’n klipkussing geslaap? WENNER: BYBEL-BLOKRAAI NR. 231 James Keulder, Alberton 17 Maart 2022 se oplossings STER-BLOKRAAI NR. 179 VRAAG: Wie is die stigter van Amazon.com? WENNER: STER-BLOKRAAI NR. 179 Nellie Aletta van der Ness, Worcester SPELETJIES SOEK-SOEK VIND DIE PAD 1 – 6 2 – 14 3 – 8 4 – 19 5 – 18 WAT PAS NIE? 1…

WEN R350 KONTANT! VRAAG: Wie vertolk die rol van Meikie in Skeem Saam? (Haar naam) SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. SMS jou antwoord, naam, van en plek, asook Fotoblokraainommer na 42508 voor 18 Mei 2022. Elke SMS kos R1,50. Die oplossing verskyn in die uitgawe van 9 Junie 2022. SMS OM IN TE SKRYF! NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONK-LIKE, VOLTOOIDE FOTOBLOKRAAI EN HUL BESONDERHEDE VERSKAF. DIE SLUITINGSDATUM IS 18 MEI 2022. GEEN WHATSAPP-BOODSKAPPE WORD MEER AS INSKRYWING AANVAAR NIE.…