Innholdsfortegnelse for 08 Jul 2021 i Kuier

Net in Suid-Afrika! Dis al wat ek kan sê nadat die storie van ’n tienling se geboorte die hele land op hol gehad het, net om te moet hoor die ma was dalk nooit eens swanger nie! Intussen is ons steeds in die kloue van Covid-19 en dit lyk klaar asof die derde vlaag ons swaar gaan tref. En Suid-Afrikaners kry reeds baie swaar. Baie het al hul werk en inkomste verloor en weet nie hoe om kos op die tafel te sit nie. Dít is beslis die benarde posisie waarin baie van die land se kunstenaars hulle tans bevind, maar die legendariese sanger Vicky Sampson is vasbeslote om daai deuntjie te verander sodat nog kunstenaars nie tydens die pandemie van armoede krepeer nie. Baie dankie, Vicky, dat jy ingestem…

Ons tweede Speletjies-Combo is eersdaags op die rak! Wat is ’n lekkerder tydverdryf as al jou gunstelingspeletjies in een boek? Ná die eerste Speletjies Combo vroeër vanjaar verskyn het, het lesers gevra vir selfs nóg meer blokraaie – en dít is presies wat ons gedoen het. Groot blokraaie, mini-blokraaie, crisscross, Engelse blokraaie en nét om dinge ’n bietjie meer uitdagend te maak, het ons ook tweetalige blokraaie. Die gewilde sudoku en woordsoek sal jou ook ure se pret verskaf. SpeletjiesCombo 2 is net die ding vir oud en jonk met spesiale speletjies en blokraaie vir kinders. Dit is binnekort beskikbaar by jou naaste Kuier-winkel teen slegs R40.…

Sedert Duran Thomas (10) van Worcester in die Wes-Kaap in sy moederskoot gevorm is, moes dié dapper seuntjie veg om oorlewing. En ten spyte van wat die lewe na dié vegtertjie se kant toe gooi, sê hy vol moed: “Ek is nou beter en ek lewe. Dinge is nou baie beter as wat dit was en daarvoor is ek dankbaar!” Ons kan almal ’n blad uit hierdie kind se lewensboek skeur, want hoewel hy in sy kort lewe al vele storms moes trotseer, staan hy sterk en lewe hy asof elke dag sy laaste is. Sy oë blink van opgewondenheid oor die toekoms, hy lag diep uit sy maag en met die intrapslag is dit duidelik dat klein Duran nog lank nie klaar geveg is nie. Duran se naam is…

1 CLOVER HAMPERTERWAARDEVAN R250! Clover Classic Fat Spread is ideaal om elke dag te gebruik, en met die bygevoegde titseltjie Clover Room sal jou familie mal wees daaroor! Dit is ’n bron van tien vitamiene. Gebruik dit om te smeer, bak of kook – nes jy verkies. So gepraat van bak, Mama Bake is perfek vir al jou bakbehoeftes – lig en romerig! Clover Classic Fat Spread is beskikbaar in houers van 500 g (R22,99) en 1 kg (R31,99) en in blokke van 500 g (R17,99). Mama Bake is beskikbaar in 500 g-blokke teen R21,99. Koop beide by voorste handelaars en geriefswinkels. Om in te skryf, SMS KUIER CLOVER na 42508 voor Vrydag 16 Julie 2021. Elke SMS kos R1,50. Die wenner word in die uitgawe van 5 Augustus 2021…

Gordelroos Vraag PYN PUT HAAR UIT Ek is 59 en dis die tweede keer dat ek gordelroos kry. Die pyn is verskriklik en ek sukkel om te slaap. SEER Antwoord BESTE SEER Gordelroos (herpes zosterof shingels) is’n baie onaange-baie name infeksie en kanvir maande steeds pyn veroor-reeds saak nadat die veluitslag opgeklaar het. Gelukkig is daar medikasie wat baie effektief is vir pynverligting. OORSAAK Gordelroos word veroordie saak deur die waterpok-kiesvirus (varicella) wat ná die waterpokkies, gedurende die kangordelikkel gaan wegkkruip in die rug-graat of senuweestelsel vir babie jare sonder om probleme, te veroorsaak, Sodra die liggamm se immuunstelsel swak of onderdruk, word dan kan die virus weer wak-ker word en’n pynlike veluitslag veroorsaak in die area wat deur die senuwee voorsien word. Enigeen wat voorheen waterpokkies gehad het, kan…

Niemand weet wanneer die dood ’n geliefde kom haal nie, maar dit help om ’n idee te hê van wat jy moet doen en die prosesse wat gevolg moet word, sou die ergste gebeur. Só is daar byvoorbeeld dinge wat onmiddellik ná die sterfte moet gebeur en ander later, soos goed wat verband hou met die boedel. Baie mense wat al daardeur is, sê dit help om nie alles op jou eie te probeer doen nie. Kry ondersteuning van iemand wat goed georganiseerd is en koelkop sal bly met reëlings. Jacques Malan (64) van Pretoria sê as hy nou terugkyk, sou hy van die begin af een mens gevra het om hom te help om familie en vriende in te lig oor sy vrou se dood. Iemand wat“kalm en georganiseerd”is.…

Cato Bekker (34) het bekendheid verwerf as radio-aanbieder, maar wys deesdae gesig op die kassie as die trotse aanbieder van die kykNET-program Die Uitnodiging waarvan die tweede seisoen op 22 Julie afskop! Volgens Cato beoog dié realiteitsprogram om gesinne te herenig, gebroke verhoudings te herstel en genesing aan te moedig. Aangesien gesonde, sterk gesinseenhede en gesonde verhoudings in die pandemie nou belangriker as ooit is, kon Kuier nie anders as om ’n bietjie meer uit te vind nie. Is daar suksesverhale van seisoen 1 wat vir jou uitstaan? Daar is baie, vertel Cato. ’n Storie waaroor Cato nie uitgepraat kan raak nie, is dié van ’n pa en seun wat saam ’n kerk begin het en daar was ’n misverstand oor wie die kerk besit.“Ek kan eerlik sê elke episode…

Hmm, en kyk Irvine se smile. Nie die evil look van Nazeem nie lol. LEE SEPTEMBER Manne, asseblief, sê vir my julle gaan saam ’n movie maak – 3 Bad Boys. Damn, sal erg gevaarlik is. DIVIAN BRIESIES Goeie actors, maar Bompie is die yster. JEAN DE WEE Ouens! So uniek in die karakters wat hulle uitbeeld. Definitely the best! Ek dink hulle het een iets gemeen – baie kalm, rustige moeilikheidmakers. TASHLIN MADATT Drie skurke, maar hulle is te pragtig! SAMANTHA ADONIS Nazeem, my outjie. Bompie, my vriend en Langes, my bestie. LIEZELL MARTIN Wat is ’n vraag wat jy haat wat altyd vir vroue gevra word? As jy getroud is en hulle vra:“Wanneer kom die baba?”Niemand ken die struggle as jy alleen tussen vier mure is en jy…

WENK GESOEK Is daar raad vir brandende voete of kruie wat sal help? Ek slaap swak in die aande. ANONIEM ANTWOORD Voete wat saans brand, kan verskeie oorsake hê, onder meer diabetes, alkohol-misbruik, chemoterapie, hormonale veranderings, atleetvoet, niersiektes en vitamien-tekorte. Ander faktore is as jy sokkies in die bed dra of met ’n warmwatersak of dik komberse slaap. • Die eerste ding wat jy moet doen, is om die oorsaak te probeer identifiseer. As jy byvoorbeeld ’n diabeet is, moet jy dalk jou dieet verander of medikasie neem. Maak eerder ’n afspraak by jou dokter om die probleem te bespreek. • Oor-die-toonbank-pynpille kan help met effense, tot redelike brandende voete. Vitamien-aanvullings kan ook help. • Natuurlike middels wat verligting kan bring, sluit in turmeric en evening primrose oil. • Masseer…

Daar is baie talentvolle sangers wat die regte note kan haal, maar nie almal wat talent het, het die vermoë om ’n storie te vertel wanneer hulle sing nie. Nie almal het die vermoë om ’n liedjie meer betekenisvol te maak en hoop te gee in hopelose tye nie. En nie alle sangers het die vermoë om jou só te inspireer dat jy weer moed het om uit die as uit op te staan nie. Maar dis wat die musiek-ikoon Vicky Sampson (55) in 1995 gedoen het met haar tydlose treffer“African Dream”en ook in 2018 met die liedjie“One Land One Cry”. Dis juis met“African Dream”dat die Ndlovu Youth Choir in 2019, 24 jaar ná die liedjie se oorspronklike bekendstelling, die beoordelaars van America’s got Talent in vervoering gehad het toe…

Selfs met al die onsekerheid oor die Olimpiese Spele, storm Japan volspoed vorentoe ter voorbereiding van die wêreld se grootste sportskouspel. Die Somerspele is geskeduleerd om tussen 23 Julie tot 8 Augustus vanjaar plaas te vind – midde in die grootste pandemie wat die wêreld in moderne tye getref het. Daar is egter groot onsekerheid uit verskeie oorde oor of dit ’n goeie idee is om voort te gaan terwyl Japan tans hul vierde golf Covid-19 ervaar. Dít nadat die Olimpiese Spele reeds verlede jaar uitgestel is. Die meeste Japannese voel, luidens berigte,“orinpikku en no no onrinpikku” wat beteken“nee vir die Olimpiese Spele”. Die organiseerders het egter talle maatreëls ingestel om die 11 000 atlete en derduisende werkers veilig te hou. Met hul aankoms by die Tokio-lughawe ontvang atlete ’n…

24 Junie 2021 se oplossing GROOT WOORDBOU NR. 95 BLOKRAAI NR. 297 Dwars:1.Trampolien,12.Jol,13.Iemand,14.Io,15.Amos,16.Tem,17.Geen,18.Neet,19.Aga, 20.Els,21.Klein,24.Asem,25.Bê,26.Aangaan,28.Waar,29.Skenk,31.Gaan,32.Sem,33.Aorta, 36.Sê,37.Knap,38.Nar,39.Keer,40.Is,41.Soda,42.Ogie,44.Gras,45.Aflos,46Pê. Af:1.Tjank,2.Rome,3.Aloe,4.Mistig,5.Pet,6.Omega,7.Lamas,8.Ingee,9.Edelman,10.Nies, 11.Wonderwerke,19.Anakonda,22.Lakens,23.Enema,25.Bad,26.As,27.Na,28.Waak,30.Napos,31.Graaf,32.Skig,34.Trol,35.Reis,36.Seep,41.Sa,43.Gô. VRAAG: ’n Groterige soort sardyn genaamd Alosa pilchardus. WENNER: BLOKRAAI NR. 297 L. Ollewagen, Caledon FOTOBLOKRAAI Nr. 236 VRAAG: Wie vertolk die titelrol in Shadow? (Sy van) WENNER: FOTOBLOKRAAI NR. 236 A.Welding, Carletonville BYBEL-BLOKRAAI NR. 211 VRAAG: In watter tuin was Adam en Eva? WENNER: BYBEL-BLOKRAAI NR. 211 Elmarie Holtzhausen, Bloemfontein 27 Mei 2021 se oplossings STER-BLOKRAAI Nr. 159 VRAAG: Wie vertolk die rol van Letitia Dandridge in Lovecraft Country? WENNER: STER-BLOKRAAI NR. 159 Moselene Davids, Maitland…

WHATSAPP OM IN TE SKRYF! WEN R350 KONTANT! ? VRAAG: Wie vertolk die rolvan Nicciin Suidooster?(Haarnaam) SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. WhatsApp die woord “KUIER” gevolg deur jou antwoord, naam en plek, asook Fotoblokraainommer na 0607840589 voor 28 Julie 2021. Die oplossing verskyn in die uitgawe van 19 Augustus 2021. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE FOTOBLOK-RAAI EN HUL BESONDERHEDE VERSKAF. DIE SLUITINGSDATUM IS 28 JULIE 2021. GEEN POSSTUKKE WORD MEER AS INSKRY-WING AANVAAR NIE.…

WHATSAPP OM IN TE SKRYF! WEN R350 KONTANT! ? VRAAG: Wat is Sealtiël se pa se naam in die Bybel? SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. WhatsApp die woord “KUIER” gevolg deur jou antwoord, naam en plek, asook Bybel-blokraainommer na 0607840589 voor 28 Julie 2021. Die oplossing verskyn in die uitgawe van 19 Augustus 2021. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 28 JULIE 2021. GEEN POSSTUKKE WORD MEER AS INSKRYWING AANVAAR NIE.…

Geskok, geskok, geskok! Dis met groot hartseer dat ek lees van die pragtige meisie van agt jaar oud se dood in Kuier (Tranevloed op dorpie, 10 Junie). Een woord–“hartverskeurend”. As ek my mening moet gee, is dit net vir my snaaks dat almal goed praat van die man wat verantwoordelik was vir haar dood. Tot die ma van die oorledene praat goed van hom. Dit laat ’n mens net wonder wat het in hom gevaar daardie noodlottige dag toe hy die misdaad gepleeg het. Was dit die telefoonoproep wat hy gekry het? ’n Mens sal seker nooit weet nie. Maar oordeel kom my nie toe nie. Dit kom God alleen toe. Aan die mammie wil ek net sê: Dis goed dat u kon vergewe, want dit is wat die Here…

My skoonpa is twee weke gelede oorlede. Covid-19. Hy was vir ’n week op ’n ventilator in die hospitaal. Dit was onverwags. ’n Groot skok vir ons almal. Hy was ’n geliefde man, pa en oupa. Dood ruk ’n gesin. Jy kyk anders na mekaar. Jy kyk anders na die lewe. Jy besef hoe verganklik alles eintlik is. Jy vra vrae, maar jy is eintlik meestal net stil. Ek kyk na my man en sy gesin en ek besef dat elke lid se stryd uniek is. Elkeen verwerk die seer verskillend. En daar moet grasie met en vir almal wees. Iemand sê nou die dag in reaksie op haar ma se dood: “Dis ’n pyn wat nooit weggaan nie. Jy leer net daarmee saamleef.” Twee weke gelede sou ek seker…

Wanneer die lewe vir jou ’n paar krom draaie gooi, pas jy jou sitplek aan en maak jou gordel stywer vas, want moeilike paaie lei na pragtige bestemmings! Dis ook presies hoe Puseletso Thoola Mqomo (26) van Bloemfontein voel nadat sy onlangs haar graad in mikrobiologie aan die Universiteit van die Vrystaat behaal het. Puseletso is ’n bewys dat geen opoffering te veel is wanneer jy graag iets wil hê in die lewe en bereid is om hard daarvoor te werk nie. ’n Mens kan ook nie anders as om haar deursettingsvermoë te bewonder as jy hoor van die harde pad wat sy moes loop om haar opvoedkundige doelwit te behaal nie. Sy het haar ook nie van stryk laat bring toe sy aan die begin van 2016 nie genoeg…

LAM-EN-WITBOON-KERRIE Genoeg vir 6 BESTANDDELE 1⅔ koppies droë witbone, oornag geweek3 eetlepels olie1 kg lamsribbetjies, in porsies gesny3 middelslaguie, fyngekap3 knoffeltoontjies, gekneus en fyngekap1 rooi brandrissie, pitjies en naatjies verwyder en fyngekap1 x 3 cm-knoets vars gemmer, gerasper of fyngekap2 eetlepels kerriepoeier1 eetlepel suiker2 eetlepels asyn of suurlemoensap1 van elk rooi, groen en geel soetrissie, wit gedeeltes en pitjies verwyder en in stukke gesny1 koppie waterSout en varsgemaalde swartpeper na smaak METODE Spoel die geweekte bone goed af onder lopende, koue water. Gooi dit in ’n pot en voeg genoeg koue water by sodat die bone bedek is en die watervlak so 3 cm bo die bone lê. Bring tot kookpunt en kook vir 1 uur oor matige tot lae hitte. Verhit die olie en verbruin die vleis saam met…

BESKERM JOU HANDE “As jy herhaaldelik hand sanitisers gebruik en jou hande baie was, kan dit die boonste laag van jou vel van proteïene strip. Dít kan die beskermende laag van jou vel beskadig en daarom kan jy infeksie kry. Dit sal veroorsaak dat jou hande (veral tussen jou vingers) droog, skilferig, jeukerig en rooi is,” sê dr. Zainab Laftah, ’n dermatoloog van die British Skin Foundation. As jou vel klaar beskadig is of as jy skade wil verhoed, gebruik seep of sanitiser met moisturiser in en smeer gereeld room aan jou hande. Kies sanitiser en seep só Koop sanitiser met genoeg alkoholinhoud (verkieslik 70% en meer, maar nie minder as 60% nie) om die kieme dood te maak. Kies moisturiser, seep en sanitiser wat essential en mineral olies, aloe…

NR. 96 OPLOSSING VERSKYN IN DIE UITGAWE VAN 22 JULIE 2021. SOEK VIR DIE SPELETJIENOMMER. Aardbol Abstrak Adamsappel Agterbaks Bedrieg Beeldhouwerk Belofte Bewerasie Casino Chemie Curriebeker Dadels Diskreet Dreigend Dwarsboom Edelgesteente Elektries Ewewigtig Fabrikant Fosfor Fungeer Fynproewer Gedoente Goedkeur Gorrel Grondboontjie Halsoorkop Hedendaags Herfs Heuwels Iedereen Impliseer Ingrypend Ironies Kabinet Kabouter Keiser Kilogram Kweper Lafhartig Legkaart Leweransier Limiet Magasyn Meegevoel Melodie Momenteel Naeltjie Neurie Nimmer Nougeset Oesters Olieprys Ommeswaai Omwenteling Opgesmuk Pampoen Perskes Pianis Planeet Raakgooi Regstreeks Relatief Rimpels Sakelui Sertifikaat Sfeer Silwerskoon Taakmag Takel Teleurgesteld Uitermate Uitskel Uniek Vaartuig Verduister Waagmoed Wedren Xhosa Yslik…

MÓÉT-KYK! The Avengers (e.tv, Saterdag 17 Julie om 20:00) Die direkteur van Shield moet bontstaan om die bose Loki te keer wat die planeet bedreig. Sal Shield se avengers Loki betyds kan verslaan en almal red? KYKNET EN KIE DSTV-KANAAL 144 kykNET&kie is ’n verskeidenheids-kanaal met outentieke kykgenot vir die hele gesin en eksklusiewe inhoud wat nog nooit vantevore gesien is nie. Suidooster, 9 Julie om 18:30 Danni beplan angstig aan die kerkdans, terwyl Wade spook om Ty van plan te laat verander. Mercedes kom voor ’n kruispad te staan, en Bridgette ontdek iets skokkend. Arendsvlei, 12 Julie om 19:30 Ingrid is desperaat om vir Debra terug te wen. Mielies en Layla is bekommerd oor Tiffany en probeer uitreik na haar. Die Arendsvlei-dansgroep neem deel in die B-Boy-kwarteindronde.…

Die goeie nuus is dat sosiale media meestal baie onrealistiese foto’s van vroue verbeeld. Die meeste foto’s word met filters en spesiale lense gedokter om voor te gee dat die vroue in advertensies perfek is. Hierdie foto’s dien as lokaas vir vroue, juis omdat hulle jou wil laat“onvolmaak” voel, sodat jy hul produkte koop wat jou sogenaamd“mooier”sal laat lyk. Selfs modelle in die regte wêreld sukkel om aan sekere onrealistiese verwagtinge te voldoen en ontwikkel baiekeer eetsteurnisse en ander afwykings en abnormaliteite soos self-skending, omdat die bykans onmoontlike van hulle verwag word deur adverteerders. Dit is baie ongesond om jouself met hierdie onrealistiese uitbeelding van wat skoonheid behoort te wees, te vergelyk. Hoekom sou ’n mens toelaat dat kunsmatige intelligensie, met ander woorde nie-menslike“blikbreine”, vir jou dikteer hoe jy behoort…

’n Mens hoor dikwels hoe bejaardes mishandel word. Baiekeer is dit kinders of kleinkinders wat hul eie ouers of grootouers sleg behandel. Dan is daar ook die mense wat aangestel word om na ouer mense om te sien wat hulle mishandel. Sommige kere is dit vreemdelinge wat dink hulle het die reg om ’n ouer mens sleg te laat voel. Nie te lank gelede nie het iets met my gebeur wat my weereens laat dink het aan hoe jong mense ouer mense behandel en eintlik ook mishandel. Die ergste is seker die jong mense wat glo ouer mense se vermoë om te kan dink en praat, verdwyn sodra hulle 50 raak! Ek is oortuig daarvan dat dit deesdae, in baie gevalle eenvoudig net ’n stryd van oorlewing is vir bejaardes.…