Innholdsfortegnelse for 18 Feb 2021 i Kuier

Hierdie is een van daardie uitgawes wat ek nog vir ’n lang tyd sal onthou. Nie net vir die aangrypende stories wat soos gewoonlik binne op julle wag nie, maar ook oor alles wat die afgelope twee weke agter die skerms gebeur het… Soos gewoonlik is ons tema vir die tweede uitgawe van Februarie moederskap en fertiliteit, maar met die pandemie kan ’n mens eenvoudig nie die kwessie ignoreer wat op die oomblik almal se lewens oorheers nie en só kom dit toe dat die fokus in dié uitgawe op die twee belangrikste gebeurtenisse in die mens se bestaan – geboorte en dood − val. Dis die twee uiterstes, wat ook uiterste emosies ontlok, en ’n mens kan dit letterlik in die stories aanvoel. Daar is regtig nie woorde om…

WEN ’N HANNON? GESKENKPAK TER WAARDE VAN R1 000! As plastiek breek, heg dit vas met ’n teelepel. Maak die teelepel baie warm op die stove se plaat en smelt die plastiek saam. Dit werk ook vir jou skoene wat onder skeur. ASHA PYLMAN, WELKOM Asha wen ’n Hannon-geskenkpak ter waarde van R1 000. Wenk Hare het meer voeding nodig. Verander jou gewone opknapper na ’n voedende haarbehandeling soos die HANNON MIRACLE HAIR TREATMENT wat klapperolie bevat.…

“Vir my was sy net Mommy. Mommy is Mommy, Dad is Daddy. As ek aan haar dink, dink ek aan liefde, warmte en drukkies.”Só sê die voormalige Protea-kolwer, Herschelle Gibbs (46), wat sy geliefde ma, Barbara (67), in Desember weens Covid-19 aan die dood moes afstaan. Dié legendariese krieketspeler het dalk aanhangers regoor die wêreld, maar vir sy ma, was Herschelle net haar seun wat sy eie kop volg of stamp. Hy is ’n reguit mens nes sy ma, vertel dié“straight shooter”soos hy na homself verwys.“Ons het dikwels koppe gestamp, maar liefde het altyd gewen,”skerts hy. Hy vertel sy was ook die ma wat onbeheersd sou huil van bekommernis oor haar sesjarige graadeenseuntjie wat op sy eerste skooldag by St Joseph’s Marist College sy rygeleentheid vanaf Rondebosch gemis het en…

EENVAN 5 HYDRA-BOOST & CALMING SERUM HAMPERSTERWAARDEVAN R800 ELK! Skin Affair se Lab Series is ’n nuwe reeks van estetiese serums wat ontwerp is vir doeltreffende, nie-indringende velverjonging. Die aktiewe bestanddele teiken jou spesifieke velkwessie. Dié serums bied doeltreffende oplossings vir verskeie veltoestande soos aknee, pigmentasie, droogheid en rosacea. Die Calming serum met squalane streel, bevogtig en beskerm jou vel. Die Hydra-Boost serum met hyaluronic acid bevogtig jou vel diep, verminder die voorkoms van plooie en verbeter jou vel se tekstuur en fermheid. www.deluxeshop.co.za @deluxeshopsa @skinaffairsa Om in te skryf, SMS KUIER SKIN AFFAIR na 42508 voor Vrydag 26 Februarie 2021. SMS/R1,50. Die wenners word in die uitgawe van 18 Maart 2021 aangekondig. As jy nie binne vier weke ná kontak jou prys opeis nie, verbeur jy dit.…

Swangerskap is veronderstel om ’n vreugdevolle tyd van afwagting en opwinding te wees, nie net vir die paartjie nie, maar ook vir hul familie en vriende. Maar sedert Covid-19 sy kloue in die mensdom geslaan het, is baie swanger vroue beangs oor watter risiko’s dalk vir hulself en hul ongebore pienkvoet voorlê. Daar is ook baie onsekerheid oor hoe die pandemie dalk die kraamproses verander het. Wees gerus! Deur jou dokter se raad te volg en ’n paar ekstra veiligheidsmaatreëls in plek te sit, kan jy ’n gesonde, gelukkige (maar dalk effens meer eensame) swangerskap ervaar terwyl jy jouself en jou ongebore kind teen die dodelike virus beskerm. Abigail Bruintjies (33) van Atlantis buite Kaapstad het in Januarie vanjaar gekraam. Haar pad tot daar was ’n bietjie meer dramaties as…

Donovan se vrou, Verna, kyk terug op hul lewe saam en deel hul herinneringe, insluitend die dag toe sy hom aan Covid-19 verloor het. onovan Carl Liedeman was haar Kaalkop, haar Bokka, vertel sy gebroke weduwee, Verna. Hy is op 8 November 1970 as die oudste van twee kinders op die Kaapse sendingdorpie Mamre gebore en het op 22 Junie 2020, vyf maande voor sy 50ste verjaardag sy stryd teen Covid-19 verloor. Vir Verna is Carl se dood nog onwerklik, maar sy sal altyd die mooi herinneringe van hul lewe saam koester – veral die begindae toe hulle jare gelede op ’n bus ontmoet het.“Met die eerste oogkontak het ek geweet hierdie man is spesiaal. Ons eerste date was op Gansekraal by ’n partytjie waar hy my die eerste keer…

Netflix Verskillende planne vanaf R99 tot R169 per maand. Hope internasionale reekse en flieks en ’n paar eksklusiewe Suid-Afrikaanse reekse. Showmax Verskillende planne vanaf R49 per maand (afslag as jy ’n DStv-intekenaar is). Hope internasionale reekse en flieks, plaaslike reekse voordat dit op DStv wys. StarTimesON Gratis. Jy kan die betaal-TV-diens StarSat se TV-kanale grootliks verniet op jou foon kyk deur die app. Teken in vir toegang tot van die premium-kanale en programme. VIU Verskillende planne vanaf R5 per dag, R29 per maand. Hope internasionale reekse, flieks en musiekvideo’s. Uitgesoekte SABC-ene.tv-sepies. Amazon Prime Video R91 per maand. Hope internasionale reekse en flieks. Apple TV+ R85 per maand. Hope internasionale reekse en flieks. TelkomONE Verskillende planne: Verniet, vanaf R7 per dag, R49 per maand. Stroomkyk verskillende TV kanale, insluitend al die…

4 Februarie 2021 se oplossing GROOT WOORDBOU NR. 85 BLOKRAAI NR. 287 Dwars:1.Handtas,2.Fors,12.Operasie,13.Mat,14.Nadal,15.Smere,16.Drel,18.Kreun,20.El, 21.Etruriër,23.Dae,25.Sluis,26.Galg,29.Diakens,30.Elke,32.Wens,33.Moab,35.Tem,36.End, 37.Apparate,38.Nessie,40.Merel,41.Kroeë,42.Nakend. Af:1.Honderd,2.Apart,3.Nederland,4.Dra,5.Talk,6.Aspris,7.Sis,8.Femur,9.Omen,10.Rare, 11.Stele,17.Luuks,19.Eensaam,22.Riempie,24.Al,25.Siener,26.Gebrek,27.Altare,28.Gemeld, 31.Keten,32.Wenk,34.Open,37.Ase,39.So. VRAAG: Watter geldeenheid gebruik Viëtnam? WENNER: BLOKRAAI NR. 287 AletTruter, Mokopane FOTOBLOKRAAI NR. 228 VRAAG: Wie vertolk die rol van Diederik in 7de Laan? (Sy naam) WENNER: FOTOBLOKRAAI NR. 228 Yolandie, Jacobsdal BYBEL-BLOKRAAI NR. 201 VRAAG: Abraham was 100 toe dié seun van hom gebore is. WENNER: BYBEL-BLOKRAAI NR. 201 Jeanette Strydom, Hermanus 7 Januarie 2021 se oplossings STER-BLOKRAAI NR. 149 VRAAG: Wie vertolk die rol van Penny Mosby in How I Met Your Mother? WENNER: STER-BLOKRAAI NR. 149 C. de Bruin, Brackenfell SPELETJIES SOEK-SOEK…

NR. 231 WHATSAPP OM IN TE SKRYF! WEN R350 KONTANT! ? VRAAG:InScandal! vertolk hy die rol van Cameron.(Synaam) SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. WhatsApp die woord “KUIER” gevolg deur jou antwoord, naam en plek, asook Fotoblokraainommer na 0607840589 voor 10 Maart 2021. Die oplossing verskyn in die uitgawe van 1 April 2021. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE FOTOBLOKRAAI EN HUL BESONDERHEDE VERSKAF. DIE SLUITINGSDATUM IS 10 MAART 2021. GEEN POSSTUKKE WORD MEER AS INSKRYWING AANVAAR NIE.…

Baie vroue bou weens finansiële redes eers in hul twintigs en dertigs aan ’n loopbaan en die begin van ’n gesin word dan eers later vir hulle ’n prioriteit. Danksy die mediese wetenskap is dit deesdae vir baie van hulle moontlik om in hul laat dertigs en veertigs suksesvolle swangerskappe te hê, al is die risiko vir komplikasies hoër. Sommige moet dalk vir fertiliteitsbehandeling gaan as hulle baie lank gewag het om kinders te hê. Die grootste uitdagings vir ouer ma’s is in die eerste plek dat sy haar prioriteite moet verander. Kinders verg meer aanpassing vir ouer ma’s wat gewoond is aan ’n sekere lewensstyl en manier van doen. Sy sal dalk ’n goeie pos moet opgee omdat dit te veel van haar tyd in beslag neem. Sy sal…

Wat is ’n eienskap van jouself wat jy in jou kinders sien? My vierjarige dogtertjie is nes ek. Sy’t etterlik my hele persoonlikheid en sy’s ’n spieëlbeeld van haar mamma. Sy’s vriendelik, hou van dans en sing en is baie onafhanklik. ELIZMA LIZZY NUWERGELD Hulle is uitgesproke en laat nie oor hulle loop nie. Dink ook nie twee keer voor hulle praat nie. My seun, nes ek, hou van alleen wees. Ek kan net so moody wees, wat my nogal kwaad maak.ANEEN OKT Ek is nie ’n mense-mens nie, maar hou van gesels met mense, maar ek maak nie maklik vriende nie. Weet nie hoekom nie. My kinders is presies dieselfde. Hulle het vriende, maar nie in die sin dat hulle elke dag of naweek met hulle uithang nie. Ek…

Nóg ’n onsekere skooljaar is op ons en as jy verlede jaar in matriek was en reeds aanvaar is by ’n tersiêre instelling om vanjaar onderwys of in ’n ander studierigting te studeer, het Kuier goeie nuus vir jou! Kuier en die Rapport Onderwysfonds (ROF) het kragte saamgespan om beurse beskikbaar te stel waarvoor die matriekklas van 2020 kan inskryf. Dit word as deel van die Kuier Rapport Matriekklas 2020-projek gedoen, en waarvoor Kuier die sluitingsdatum vir inskrywings vir die beurse verleng het. KUIER BIED TWEE KOMPETISIES AAN: 1. ONDERWYS: As jy onderwys wil studeer, nooi ROF 2020-matrikulante uit om ’n lekker geselsbrief te skryf wat die volgende insluit: Waar kom jy vandaan? Vertel ons iets van jou familie. Waarom wil jy onderwys studeer? Waarom het jy ’n behoefte aan…

Toe Ingrid Paulus (43) dit verlede jaar in ’n Facebook-post duidelik maak dat sy nie meer boelies gaan duld wat haar voor-koms afkraak en die lelikste goed van haar te sê het nie, het sy vir die eerste keer in 20 jaar vir haarself opgestaan. Want dié keer was dit Ingrid self wat aangeval is en nie Vanessa, die karakter wat sy in die sepie 7de Laan vertolk, nie. En hierdie keer was sy ook die ma van twee dogters vir wie sy moes wys dis nie oukei dat mens e oor jou loop nie. En vir Ingrid is dit nou belangriker as ooit dat haar dogters, Sk e (16) en klein Han nah (1), van jongs af leer “as vroue het ons ’n stem wat ons mo et gebruik”en…

Die moord van ’n vrou deur haar intieme maat, staan in die sielkunde bekend as femicide en die moord van ’n kind deur ’n ouer as filicide. Dis belangrik om te beklemtoon dat Neesham nog net ’n verdagte is, maar volgens kenners pleeg mense wat emosioneel afgestomp is en trauma uit hul verlede saamdra, gewoonlik sulke dade. Prof. Shanaaz Matthews, direkteur van The Children’s Institute by die Universiteit van Kaapstad en een van die voorste navorsers van femicide, sê in die verslag“The epidemiology of child homicides in South Africa”daar is bevind dat mans wat kindermishandeling en ander trauma met dwelmmisbruik en onbillike waardes in die kinderjare ervaar het, meer geneig is om gewelddadig teenoor hul intieme lewensmaat en kinders te wees. Hulle is gewoonlik emosioneel afgestomp. André Kirsten, ’n Kaapse…

Sist bars binne Vraag HELP MET ENDOMETRIOSE Dokter, verduidelik asseblief meer oor endometriose. Ek het ’n cyst op my regterkantse eierstok gehad. Dit het gebars en dit voel nou asof ek opgeblase is en ek kry maagpyne. SEER Antwoord BESTE SEER Endometriose is ’n baie algemene langdurige toestand wat 1 uit elke 10 vroue kan aantas en hul fisiese en emosionele welstand baie negatief kan affekteer. Dit kan so vroeg as die tienerjare begin en tot diep in die veertigs voorkom. Dis baie seldsaam ná menopouse (oorgangsjare). Dit kom voor wanneer die weefsel wat gewoonlik die binnekant van die baarmoeder bedek, op die verkeerde plek in die liggaam groei. Algemene plekke is op die buitekant van die baarmoeder, eierstokke, Fallopiusbuise, derm, blaas en rektum, maar dit kan eintlik enige plek…

Geld kan klaarblyklik nie geluk koop nie, maar baie van ons sou op die oomblik glad nie omgee om daardie teorie op die proef te stel nie! Met die verwoestende impak wat die Covid-19-pandemie op talle Suid-Afrikaners se lewens het, raap en skraap baie burgers om kop bo water te hou. Maar dit lyk asof vroue, wat die ruggraat van hul huishoudings is, veral deurloop op grond van die finansiële skoene wat hulle moet dra. Soos amper alles in die lewe, hang jou verhouding met geld af van jou persoonlikheid en tydens die pandemie neem die meeste mense finansiële besluite op grond hiervan. Die finansiële druk eis beslis sy tol op Suid-Afrikaners en in ’n peiling van Debt-Safe in Mei 2020 waaraan 1 240 mense deelgeneem het, het 22% van…

Nr. 86 Aandete Aanneempa Aanpassing Advertensie Balanseer Been Beskermend Besluit Betaling Beter Blik Borrel Dogter Dryf Eerlik Eggenoot Eggenote Familietyd Fantasie Gebraai Geloof Gemaklik Gevries Gordyn Greep Haarkleur Hoek Interessant Jeugdig Katoen Kersie Kerslig Klavier Kleinkind Koekblik Lessenaar Liefde Liefdeslied Liefste Melk Melkerig Moederliefde Muur Nuttig Opoffer Oumagrootjie Rus Rympie Saggies Samesyn Saterdag Sein Skaats Skep Skoen Stem Tafeldoek Toegewyd Toutjie Tuisgemaak Vars Vasgestel Veilig Vergadering Verligting Verloofde Verstaan Vertoon Vertroueling Vliegtuig Vorm Vrede Vriend Vrugtemandjie Warmte Water Welkom Wese Wolke Woude oplossing verskyn in die uitgawe van 4 MAART 2021. soek vir die speletjienommer.…

Arendsvlei, 21 Februarie om 19:30 ’n Misverstand tussen Beatrice en Ronel lei weereens tot onenigheid en spanning tussen hulle. Beatrice moedig Saartjie aan om dinge tussen haar en Daniel reg te maak. Suidooster, 24 Februarie om 18:30 Kaashifa kan haar nie draai nie, dan is Adara daar. Rhafiek en Carmen neem AB en Mymoena in hul vertroue, terwyl Mrs J aandring dat daar gestem word. Klaskamer 10, 1 Maart om 15:00 Martin behandel belangrike wiskunde-konsepte vir leerders in graad agt en nege. Moet dit nie misloop nie!…

Dis moeilik om hierdie woorde uit te kry en my gedagtes te orden. Elke stem binne-in wil iets sê, want hulle was daar toe ek myself aan die slaap moes huil. Hulle was daar toe ek jou naam geroep en die donkerte vir my gekoggel het. Hulle was daar toe my kinderjare my gejaag het omdat ek nooit met hulle wou speel nie. Die stemme was daar toe die alleen-wees my geslaan het, pap geslaan het totdat ek nie eens my naam kon sê nie. Hulle was daar – maar julle nie. Nooit! Dis moeilik om iemand vir enigiets te vergewe, maar ’n mens moet een of ander tyd daardie besluit se deure oopsluit en jouself oorgee. En as jy daar gekom het, is dit moeilik om terug te draai.…

Dis ’n hartroerende stukkie oor die pragtige jong mense wat hulle eie lewens geneem het (Drie families se swaar kruis, 21 Januarie). Ek wil net aan daardie ouers sterkte toewens, want maklik is dit nie. Dis baie moeilik om my verhaal hier te vertel. Ek het self probeer selfmoord pleeg, maar die Here het my aangeraak en uit daai diep gat waarin ek verval het, uitgehaal. Ek is op ’n baie geestelike manier aangeraak in die hospitaal, waar dokters reeds gesê het ek sal nooit weer normaal kan funksioneer nie en sal na ’n inrigting moet gaan. My eie ondervinding is dit is dinge in ’n mens se lewe wat Satan gebruik om ons in te trek. Vandag 14 jaar later is ek nog hier en probeer om by jong…

WENK GESOEK Ek het nie altyd tyd om my klere op te hang en te wag dat dit droog word nie, maar ek hoor jou tuimeldroër beskadig materiaal. Het julle enige wenke asseblief? LARA LOUW, STRAND ANTWOORD • Frommel foelie op in balletjies en gooi dit by jou klere in die tuimeldroër. Dit help om jou klere sag te hou en beveg statiese elektrisiteit. Maak seker jou bal is glad en het nie punte wat jou klere kan beskadig nie. Jy kan jou balletjies vir so twee maande gebruik. • Om te keer dat jou klere kreukel in die tuimeldroër, sit twee of drie ysblokkies in saam met een of twee kledingstukke en skale dit aan op die warmste stelling vir so tien minute. Dit werk goed vir hemde en…

Elke dan en wan gaan ons almal deur diep waters en dikwels is dit ’n Bybelteks waaraan ons in die storms vasklou. En vir Rochelle Wiese (42) van Ashton in die Boland was dit Psalm 23, vers 4 wat lui:“Al gaan ek ook in ’n dal van doodskaduwee, ek sal geen onheil vrees nie; want U is met my: U stok en U staf dié vertroos my”toe sy onlangs letterlik deur ’n (Covid-19) dal van doodskaduwee gegaan het. Sy het wonderbaarlik oorleef en is vandag hier om haar getuienis te deel. Sy het die goedheid van die Here in Sy volle glorie ervaar toe sy einde verlede jaar in die hospitaal beland het met erge Covid-19-simptome en gevoel het hoe die lewe uit haar liggaam wou sypel. Dis ’n diep…

Nog voor sy regtig kon besluit of sy eendag wou kinders hê, is Jodi Samuels (27), ’n skool-assistent van Kraaifontein in die Kaap op 17 deur ’n fratsongeluk van daardie keuse beroof. Of só het dokters gedink … Dokters het destyds vir haar gesê die kanse is skraal dat sy ooit kinders van haar eie sal hê, maar toe word sy wonderbaarlik nie een keer nie, maar twee keer, swanger. Albei geboortes was egter traumaties en toe word groeisels boonop in haar baarmoeder gevind, waarvan een kankerselle bevat het, maar Jodi het uiteindelik die oorlog teen haar eie liggaam gewen. En die Here het keer op keer gewys Hy kom deur vir haar wanneer dinge op hul donkerste lyk. “Ek sê nie moenie na dokters luister nie. Hulle is blessings…

Produkte beskikbaar by Clicks, Dis-chem en Skin Functional (aanlyn winkel: skinfunctional.com). Alle pryse is onderhewig aan verandering. Rekmerke Byna 90% van swanger vroue kry rekmerke, veral op hul maag of borste. Jy kan vitamien E of A aansmeer. Moenie produkte met retinoids/retinol in gebruik terwyl jy swanger is of borsvoed nie. Mask of pregnancy/melasma. Dit is donker vlekke op jou vel, veral jou wange, neus en kakebene. Melasma word veroorsaak deur sonblootstelling en ’n verandering in die hormone progesteroon en estrogeen wat maak dat daar ’n toename van pigmentasie in jou vel is. Dra sonskerm van tussen SPF30 en SPF50 om dit te vermy of om te verhoed dat dit erger word. Puisies en aknee Die ekstra hormone wat jy het, veroorsaak dat jou oil glands meer olie maak. Dit…

Ouers sê nee Vraag LIEF VIR OU EN SY SEUN Antie, ek is ’n 19-jarige dogtertjie. Ek gaan al vir vier maande uit saam met ’n ou wat 27 jaar oud is. Hy het ’n seuntjie en ek is baie lief vir die ou en sy seuntjie. Ek het toe vandag vir my ouers van hom vertel, maar hulle het gesê ek moet hom los en eers skool klaarmaak. Enige raad, want ek is rêrig baie lief vir hulle. HARTJIE Antwoord BESTE HARTJIE Hartjie, jy stel jouself voor as ’n 19-jarige dogtertjie, wat myns insiens dit onder streep dat jy nog baie jonk en onervare is wat ernstige verhoudings betref. Konsentreer liewer op jou skoolwerk as ’n kêrel wat al 27 ja oud en die pa van’n seuntjie is. Dié…

Intussen het daar groot kommer by ouers, onderwysers en kenners ontstaan oor die ekonomiese impak van die pandemie en of dit nodig is om vanjaar soveel geld op duur skryfbehoeftes en skooluniforms te spandeer gegewe die veranderde omstandighede. Met dié dat skole amper ’n maand later heropen, worstel baie ouers met vrae soos of dit nodig is om duur skryfbehoeftes te koop of moet hulle nie eerder belê in tablets en slimfone nie? Prof. Jonathan Jansen, internasionaal bekroonde kenner in die onderwysveld en tans verbonde aan die Universiteit Stellenbosch, sê skole en die departement van onderwys moet nie verdere spanning op ouers se reeds gespanne begrotings plaas nie.“Hulp moet nou liewer gebied word in verband met data en toestelle. Dit is tans die belangrikste en enigste verdelingslyn tussen bevoorregte en…

NR. 204 WHATSAPP OM IN TE SKRYF! WEN R350 KONTANT! ? VRAAG: Na wat het God Jakob se naam verander? SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. WhatsApp die woord “KUIER” gevolg deur jou antwoord, naam en plek, asook Bybel-blokraainommer na 0607840589 voor 10 Maart 2021. Die oplossing verskyn in die uitgawe van 1 April 2021. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 10 MAART 2021. GEEN POSSTUKKE WORD MEER AS INSKRYWING AANVAAR NIE.…