Innholdsfortegnelse for 04 Feb 2021 i Kuier

Februarie is die maand van liefde, maar soos baie ander goed sal dít ná Covid-19 ook nie vanjaar dieselfde wees nie. ’n Mens kan ook nie regtig van Februarie of die liefde praat sonder om van harte te praat nie. Maar ons is hartseer. Ons harte is letterlik seer. Dit pyn. Maar dis ’n pyn wat jy nie kan sien nie, maar jy voel dit op alle vlakke van jou menswees. En al het jy nie ’n geliefde weens die pandemie verloor nie, kry jy ook seer, want jy voel saam en dis sommer net seer om jou naaste só te sien ly. Gelukkig is die hart ’n merkwaardige orgaan wat kán herstel al vat dit soms tyd. Só het my 16-jarige self uitgevind toe my hart die eerste keer…

Ai tog. Ek het nog nie eens reg my Kuier gelees nie en die trane rol vir Die raaisel van René (7 Januarie). Colin en Jasmine, dit is ’n hartseer storie. Mag God jul hand vashou; ek kan my indink hoe ’n skok dit was om René só te verloor en ja die hospitale gooi nou net Covid-19 left, right en centre. My dogter het onlangs Covid-19 gehad. Sy het geweier om hospitaal toe te gaan, want die vrees is daar, maar genade van God is groot en sy hetherstel. Ja, soek antwoorde: wat en hoekom? Wat het regtig met haar gebeur? Ek is ’n ouer. God sal jou deurdra, maar veg vir geregtheid vir René. NORMA JANUARY Die storie van René Andrews het my diep geraak. Zweli Mkhize moet…

GEBED Here, my gebed is dat ons as mense net onsself ’n bietjie meer moet liefhê. Ons moet onsself krediet gee vir die persoon wat ons is. Baie mense is geneig om altyd net die slegte dinge raak te sien in hulself – ek is nie goed genoeg nie, ek is nie mooi genoeg nie, ek is nie slim genoeg nie. Die wêreld is vol negatiwiteit, want ons kweek self hierdie gedagtes. Ons behandel onsself stief. In Jesus se naam kom vra ek dat U al die aaklige dinge wat ons oor onsself spreek, verander in selfliefde. U het elkeen van ons uniek geskep na U beeld en dit met liefde gedoen. Help ons om U liefde te aanvaar. Leer ons om onsself meer lief te hê. En ook om…

Die koslegende Dorah Sitole het vroeg vanjaar aar gesterf aan Covid-komplikasies, maar haar skatkiss vanre- septe enkoskennis sal vir altyd behoue bly. Haar resepteboek, Dorah Sitole –40YearsofIconic Food, isinOktober verlede jaar bekend gestel en dit is gewaarword. Dié borg om’nversamelitem vir menige kosliefhebber te boek het sy beskryf as’nkombinasie van tradisionele enmoderne resepte, met haar eie unieke interpretasie. Dorah isgebore inSoweto, maar toe sytwee jaar oudwas, het sy en haar broer, Jabulani, na Charterston Location in Nigel getrek om by haar pa se familie te woon. Hulle het in 1963 weer terughaar ma het getrek na Dube, Soweto, om by hul ouers te woon en haar leer kook toe syophoërskool was.“My mahet my stelsel- gekom,” matig geleer en die basics van kosmaak het net natuurlik vertel sy in haar boek.…

Hier is ’n paar tips om die perfekte rooi lip te kies en te dra: Kies die regte skakering vir jou velkleur: Ligte velkleur: Kies ’n rooi lipstick met ’n blou of pers ondertoon. Dit sal ook jou tande witter laat lyk. Olyfkleurige vel: Dra oranje-rooi skakerings – dink aan die kleure van ’n mooi sonsondergang. ’n Poppyrooi sal ook werk as jy ’n bietjie vaal lyk. Donker velkleur: Dra ’n diep, helder, matte rooi (soos true- en candy-apple-rooi). Dié skakerings het nie ’n wit basis nie, so dit sal help dat jy nie vaal of chalky lyk nie. Jy kan ook iets donkerder soos chocolatecherry- rooi kies. Exfoliate jou lippe: • Doen dit met ’n sagte scrub. • Jy kan ook jou tandeborsel gebruik. Gebruik ’n lip liner: •…

kykNET is ’n topgehalte-kanaal wat kykers boei met 100% plaaslikvervaardigde inhoud vir almal met ’n waardering vir Afrikaans. Getroud met Rugby, 8 Feb. om 18:00 Thinus se agtervolger konfronteer vir Ryno. Festus kry ’n gehoorstuk. Pine, Bart en Kristien span kragte saam om Jana op te spoor. Boer Soek ’n Vrou, 11 Feb. om 20:00 Ná die blitsafsprake moet die boer vyf dames kies vir ’n groepafspraak. Die boer se finale keuse van die dag is die drie dames wat by hom op die plaas gaan kuier. Mooimaak met Clare Wiese-Wentzel, 11 Feb. om 21:00 Yolande se nuutgevonde lewenslus is aansteeklik en sy spog met ’n nuwe lyf en glimlag op haar groot dag.…

Met Suid-Afrika wat knie-diep in die tweede Covid-19-vlaag is, hoe beskerm jy jouself en jou gesin teen die virus? Ek en my gesin bly tuis. As die kinders miskien winkels toe gaan, moet hulle onmid-dellik hul klere uittrek en was. Ek sanitise gereeld my huis. Dit is dan so lekker om tuis te bly. LORETTA LORRAINE MOOS Bly tuis, gaan net winkel toe vir die noodsaaklike, dra my masker as ek buite is, laat geen besoekers toe nie, handhaaf my 2 m distansie, ontsmet gereeld my werkoppervlakke, volg ’n gesonde diet; drink my vitamiene, sink, drink ook elke dag ’n konkoksie wat ek my man mee gedokter het en bid sonder ophou. DANIELE GELDENHUYS Dra my masker as ek uit was, sanitise my hande, was skottelgoed met bleach asook die…

Success Lekabe (31) is een van die gasvroue van die gewilde Tussen Ons-kletsprogram en ’n omroeper op Bok Radio. Sy is sexy en stralend en het nie iemand aan haar sy nodig om haar te laat blom nie. Jy kan haar amper beskryf as suksesvol single. Tog glo sy steeds in die liefde.“Ek is ’n hopeless romantic. Ek glo in liefde, en ek glo dis nie liefde wat mense seermaak nie. Mense maak mekaar seer met insecurities, issues en tekortkominge wat ons saam in ’n verhouding invat. Die liefde is net mooi. En dis ’n relatiewe term, want dit beteken verskillende goed vir verskillende mense.” Vir haar is liefde ’n veilige hawe. Dit is soos die Bybel dit beskryf – geduldig en onvoorwaardelik.“Dit is ’n plek waar jy jouself kan…

Van die oomblik wat sy oë soggens douvoordag oopgaan tot wanneer dit laataand sluit, is dit Covid, Covid en nogmaals Covid. Maar anders as die res van ons wat kan ophou nuus lees of luister as ons genoeg gehad het van die dodelike virus, bestaan daardie opsie nie vir dr. Keith Cloete (56) van Kaapstad nie. Hy is nie net nóg ’n vegter op die front line in die stryd teen die virus nie. In die Wes-Kaap is hy aan die stuur en die man wat die lyn moet handhaaf en moet sorg dat die provinsie deur dié donker nag kom. Dít beteken dis sy werk om al die besluite te neem oor hoe die Wes-Kaapse gesondheidsdepartement die pandemie moet hanteer, van PPE (personal protective equipment) tot hoe om kinder-immunisasies…

WEN! CLOVER HAMPERTERWAARDEVAN R250! Jou nagereg kan selfs lekkerder wees as dit die perfekte topping het… Bliss Chocolate Dairy Dessert (gereed-om-te-eet) is dekadent, ryk en romerig. Wonder jy wat daardie perfekte nagereg is? Bliss Dairy Dessert is ’n droom met vanilla-roomys! Bliss Dairy Dessert van Clover – onweerstaanbare lekkerte. Om in te skryf, SMS KUIER CLOVER na 42508 voor Vrydag 12 Februarie 2021. Elke SMS kos R1,50. Die wenner word in die uitgawe van 4 Maart 2021 aangekondig.…

Vloei ná 60 Vraag HELP ASSEBLIEF Ek is 66 en het weer ná baie jare begin vloei. Dis een tot twee keer per week. Ek het ook ’n bietjie maer geraak. Kan dit stres wees en wat maak ek nou? BEKOMMERD Antwoord BESTE BEKOMMERD Bloeding ná menopouse (PMB) is beslis nie iets wat geïgnoreer moet word nie, want dis ge- van woonlik ’n waarskuwing ’n onderliggendee toestand. Menopouse is ’nnatuurlike toestand in elke vrouselewe ná die ouderdom van45jaar wanneer die maandstonde permanentophouasgevolg vanhomoonveranderings in die liggaam. Elke vrou wat bloe- ervaar, moet so ding ná menopouse spoedig moontlik ’n dokter raadpleegom die onderliggende oorsaak te soek en te behandel. Daar kan verskeie oor- kanker die sake wees, waarvan grootstekommerr is om uit te skakel.Gelukkigisdit een vandie minder algemenee oorsake, maar…

Die meeste mense is net bly hulle het dit tot in 2021 gemaak, maar vir baie het die nuwe jaar ook nie veel verligting vir hul beursies gebring nie. Daarom is dit te verstane dat beplanning vir aftrede die laaste ding op hul doenlysies is. Teen die spoed wat Covid-19 lewens eis en mense hul werk verloor, weet baie van ons ook nie eens of ons aftree-ouderdom gaan haal en of ons dit sal kan bekostig nie. Maar, meen kenners, finansiële beplanning bly belangrik. BankservAfrica sê in ’n onlangse verslag minder as ’n vyfde van Suid-Afrikaners oor 60 het privaat pensioene, maar baie van hulle verdien minder as R6 000 per maand. Die staatspensioen is tans slegs R1 860 per maand. Die beleggingsmaatskappy 10X Investments het reeds in 2018 ’n…

Toe Jarrad Ricketts (33), bekende Kaapse kunstenaar en weldoener, in Oktober verlede jaar aankondig hy en sy bestuurder en beste vriendin, Kim Wentzel (34), het getrou, was sosiale media in rep en roer. Die paartjie is daarvan beskuldig dat hul huwelik net ’n publicity stunt was en selfs Jarrad se seksualiteit is bevraagteken. Volgens hulle is dit egter onvermydelik om onder public scrutiny deur te loop wanneer jy ’n openbare figuur is en vir hulle was die belangrikste om mekaar te ondersteun en die saak te benader met die filosofie van“mind over matter”. Hulle leef ingevolge 1 Korintiërs 13, ’n Bybelteks sinoniem met die liefde:“Die liefde is lankmoedig en vriendelik; die liefde is nie jaloers nie; die liefde praat nie groot nie, is nie opgeblase nie, handel nie onwelvoeglik nie,…

21 Januarie 2021 se oplossing GROOT WOORDBOU NR. 84 BLOKRAAI NR. 286 Dwars:1.Wandel,7.Bosse,12.Idee,13.Teepot,14.Nisse,15.Kreëer,17.Keten,19.Ken,20.Neo, 21.Euro’s,23.Renons,26.Laastens,28.Fes,30.Gegly,32.Teef,35.Gê,36.Ore,37.Edisies,40.Ledige, 43.Serpe,44.Weier,45.Lensie,47.Ere,48.Muishond. Af:1.Winkel,2.Adieu,3.Nes,4.Dese,5.Etenstyd,6.Lek,7.Bêre,8.Open,9.Soenoffer,10.Steen, 11.Ek,16.Rosse,18.Tragedie,19.Kreti,22.Os,24.En,25.NS,27.Aereer,29.Eg,30.Golwe,31.Leie, 33.Esse,34.Eien,38.Spin,39.Leed,41.Gru,42.Eli,46.So. VRAAG: Dié blomstruik word ook die karlienblom genoem. WENNER: BLOKRAAI NR. 286 ASJ Pieterse, Pretoria FOTOBLOKRAAI NR. 227 VRAAG: Wie vertolk die rol van Lee-Roy in Arendsvlei? (Sy naam) WENNER: FOTOBLOKRAAI NR. 227 Hendrik Bodenstein, Krugersdorp BYBEL-BLOKRAAI NR. 200 VRAAG: Jesus is in ’n… gebore. WENNER: BYBEL-BLOKRAAI NR. 200 Annalien Southey, Strand STER-BLOKRAAI Nr. 148 VRAAG: Sy speel die rol van Pam Beesly in The Office. WENNER: STER-BLOKRAAI NR. 148 LM Prinsloo, LouisTrichardt…

NR. 203 WHATSAPP OM IN TE SKRYF! WEN R350 KONTANT! ?VRAAG: Eli was dié priester se pa in die Bybel. SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. WhatsApp die woord “KUIER” gevolg deur jou antwoord, naam en plek, asook Bybel-blokraainommer na 0607840589 voor 24 Februarie 2021. Die oplossing verskyn in die uitgawe van 18 Maart 2021. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 24 FEBRUARIE 2021. GEEN POSSTUKKE WORD MEER AS INSKRYWING AANVAAR NIE.…

Vir my het dit nog altyd gevoel asof die mens wat gebore is in ’n huis met boeties en sussies die alleenkind ’n punt voor is. Dit is natuurlik debatteerbaar. Die alleenkind het wel alles tot homself beskikbaar. Sy hoef nie haar ouers se tyd en aandag met nog kinders te deel nie. Dis finansieel baie geriefliker vir die ouers, want hulle hoef net een kind te onderhou. Hulle hoef net om een keer deur die storm- en drangjare van ’n tiener te gaan. Net een siel waaroor hulle bekommerd moet wees as ’n tragedie hulle tref. Net een matriekafskeid, verlowingspartytjie of troue. Waar meer as een kind in ’n huis is, is daar weliswaar meer gelag, meer stemme, meer partytjies. Die liefde tussen siblings is net anders, so spesiaal,…

Wanneer ’n mens na Everal (63) en Pieter Visser (64) van Montagu in die Boland se getuienis luister oor hoe hull saam Covid-19 beveg het, besef ’n mens die liefde kan byna enigiets oorwin. Everal en Pieter het begin Januarie positie getoets vir Covid-19 en is onderskeidelik op 13 en 14 Januarie in die Worcester-hospitaal opgeneem nadat hulle baie siek geword het. Everal vertel:“Die Here bly maar net die Here. Ek het vir die Here gesê ek is reg om te sterf, maar dit was nie my tyd nie.”Albei is op 17 Januarie, ook die egpaar se 40ste huweliksherdenking, uit die hos taal ontslaan. Blakend gesond. Hulle is dit eens:“Dit is belangrik onthou hoekom jy veg. Met God en jou huweliksmaat in jou bootjie, is jy ’n oorwinnaar.”Baie geluk aan…

Liefde is ’n universele onderwerp waaroor daar baie geskryf en gepraat word. Geen wonder dat ons strewe daarna om liefde te probeer verstaan nie. WAT IS LIEFDE? Die woordeboek beskryf liefde as ’n gevoel van sterk aangetrokkenheid teenoor iemand of ’n saak. Maar liefde as ’n woord beskryf ’n emosie met baie verskillende grade van intensiteit. ’n Mens kan maklik ’n lus/begeerte/hartstog met liefde verwar; byvoorbeeld as jy sê ek is lief vir roomys en sjokolade, én om jou liefde aan jou (geliefde) man of vrou te belowe. Dit is dus maklik om die twee te verwar. ’n Kort definisie is: lus kan nie wag om te kry nie; liefde kan nie wag om te gee nie. Ek het die ware wese van liefde begin verstaan toe ek my vrou,…

“Ons is in groot moeilikheid. Die virus is oral.” “Praat asseblief met die regering. Ons is gedreineer. Baie personeellede het weer positief getoets, sommige vir die tweede keer met erger simptome as tevore. Ons is hartseer en bang. Ons het personeel, personeel, personeel nodig. Ons het suurstof nodig…” Dis desperate pleidooie soos dié wat Gift of the Givers – die noodlenigingsorganisasie wat aan die voorpunt van Covid-19-hulpverlening in Suid-Afrika staan − dag ná dag van gesondheidsorgwerkers moet aanhoor. “Dis ’n slagting daar buite,”sê dr. Imtiaz Sooliman (58) – die man agter Gift of the Givers.“Wat nóú benodig word om lewens te red, is suurstofpunte in hospitale, suurstofmasjiene en suurstof. En backup-personeel. Anders gaan die gesondheidstelsel ineenstort. Ons gesondheidsorgpersoneel word siek en sterf teen ’n skrikwekkende koers.” MORS TYD MET ENTSTOF…

KIES SÓ • Sexy beteken nie noodwendig hoe kaler, hoe beter nie. Selfvertroue, veral in die slaapkamer, is wat jou sexy sal laat voel en daarvoor moet jy gemaklik wees en jou nie heeltyd bekommer oor wat dalk waar uitsteek nie. Maar as jy wil lyf wys, doen dit! • Sexy beteken ook nie dieselfde ding vir almal nie. Vir sommige is dit kant en satyn in verleidelike rooi of swart, maar dalk het strokieskarakters ’n spesiale betekenis vir julle as paartjie en is dít baie sexier as satyn vir jou maat. • In die flieks voer paartjies mekaar graag in die bed, maar gewone mense sal jou sê, dink mooi voor jy kos kooi toe bring. KRY DIT HIER Woolworths 0860 022 002 Ackermans 0860 900 100 MRP/mrp.com 080 021…

Verslaafde Vraag MAN GEBRUIK DWELMS Hi, antie Val. My man is op dwelms en ek sukkel om hom te laat ophou. Dit gaan nou al ’n geruime tyd aan en hy bly sê hy gaan ophou, maar dit gebeur nie. Wat moet ek maak? Hy werk elke dag, maar as hy by die huis is, rook hy en ek is raadop. MOEDELOOS Antwoord BESTE MOEDELOOS Ai jinne, dit is die laasteding wat jy in jou lewenodig het. Dit maak nie saak hoe lank of watter soort dwelms hy gebruik nie.Die nagevolge is dieselfde en dwelms vernietig gesinne.Ons land gaan gebuk onder dwelmverslaafdes en gesinsgeweld wat ook deel word van die oorkoepelende probleem. Die eerste stap na rehabilitasie is erkenning dat hy ’n probleem het. En tweedens dat hy hulp nodig…

NR. 85 Aanvaarding Agape Alleen Alfabet Appelboom Ballonne Bedagsaam Begeerte Beminde Bewonderaar Blomruiker Briefie Dansend Dapperheid Deurlopend Duifies Eensaamheid Emosie Eros Februarie Flankeer Gedigte Getroue Geskenkpapier Glyplank Hartedief Hartstogtelik Intiem Inspirasie Joviaal Juigend Juwele Kerslig Koestering Kupido Kwaliteit Lekkergoed Lewenslank Liefdevol Maanskyn Noodsaaklik Obsessie Oefening Oorspronklik Opgewonde Oulik Paartjie Parfuum Passievol Plesiertjie Poskaart Pragtige Promenade Romanties Roostuin Sagmoedig Sjarmant Sjokolade Soentjie Soetigheid Spesiaal Sprankelend Teddiebeer Teleurstelling Tierlantyntjies Toegewydheid Uitspattig Unieke Valentynsdag Veerpyltjie Venus Vergewe Verhouding Vriendskap Vrygewig Waaghalsig Waardering Waardevol Waarheid Wandeling OPLOSSING VERSKYN IN DIE UITGAWE VAN 18 FEBRUARIE 2021. SOEK VIR DIE SPELETJIENOMMER.…

NR. 230 WHATSAPP OM IN TE SKRYF! WEN R350 KONTANT! ?VRAAG:DiébekenderapperenentrepreneurisbekendasAKA. SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. WhatsApp die woord “KUIER” gevolg deur jou antwoord, naam en plek, asook Fotoblokraainommer na 0607840589 voor 24 Februarie 2021. Die oplossing verskyn in die uitgawe van 18 Maart 2021. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE FOTOBLOK? RAAI EN HUL BESONDERHEDE VERSKAF. DIE SLUITINGSDATUM IS 24 FEBRUARIE 2021. GEEN POSSTUKKE WORD MEER AS INSKRYWING AANVAAR NIE.…

“En nou bly geloof, hoop, liefde – hierdie drie; maar die grootste hiervan is die liefde.” Inderdaad is liefde die grootste én die mooiste – geduldig, vriendelik, nie afgunstig nie, nie grootpraterig nie, lankmoedig, en hou nie boek van kwaad nie… Mooi liefde, sagmoedige liefde, onvoorwaardelike liefde. Dan is daar die onreg wat deur ander gedoen en deur onsself toegelaat word in die naam van liefde. Hierdie is heeltemal die teenoorgestelde van die Bybelse beskrywing van liefde. Afguns, jaloesie, arrogansie, verwaandheid, onwelvoeglike handelinge en omsien van eie belang. Liefde in die soeke na behoort en aanvaarding van ander sonder om liefde in jouself te ondervind en jouself te respekteer, dui meer op afhanklikheid as liefde. Die“ek-hou-van-wat-jy-vír-my-doen-enhóé- jy-my-laat-voel”tipe liefde. Dit is nie te sê hier is nie liefde nie, maar dit…