Innholdsfortegnelse for 9/16/2020 i Kuier

Dis Erfenismaand in die jaar 2020 en dus sal jou braai ook moet aanpas by die pandemie, maar dit beteken nie ons het nie rede om ietsie op die kole te gooi nie. Inteendeel, in hierdie tye moet ons juis na ons ryk verlede en erfenis kyk as bewys van wat ons nasie al alles deur is en hoe ons sterker anderkant uitgekom het. Hierdie terugblik is broodnodig in onstuimige tye sodat ons opnuut kan besef dat ons krag in ons diversiteit lê en dat ons elkeen se storie belangrik is en daarsonder sou Suid-Afrika net nie dieselfde gewees het nie. Dié boodskap word elke dag deur ons drie Voorbladsterre uitgedra en dis verfrissend om te hoor hoe positief hulle oor ons land en ons toekoms is, ondanks al die…

As jy vir Kim Carlse van Atlantis buite Kaapstad as jong meisie sou sê dat sy eers ma sou word, daarna sou trou én skei, en dán die mal perd sou opsaal om voltyds regte te gaan studeer, sou sy jou sekerlik uitgelag het. Maar dis presies hierdie agterstevoorpad wat sy met sukses gevolg het. Vandag ploeg sy nie net terug in Atlantis, haar hartsgemeenskap waar armoede, geweld en middelmisbruik baie mense op moedverloor se vlakte het nie, maar is sy ook ’n sprekende voorbeeld dat ’n mens ondanks jou omstandighede nooit hoef op te hou droom nie. Kim se ouers het ’n beskeie lewe gelei en in 1981 van Houtbaai na Atlantis getrek omdat daar by die destydse Atlantis Diesel Engins ’n werkgeleentheid vir pa Edward Stephens, ’n mechanic,…

As daar een mens is wat bekend is vir braai in Suid-Afrika, is dit Jan Braai. Hy het sy eie show en het al verskeie resepteboeke bekend gestel, soos dié resepte uit sy boeke JanBraai VuurwarmenJanBraai Vegetaries. GRIEKSE BRAAIBROODJIE Genoegvir 4 BESTA NDDELE 1 sopie olyfolie (plus ekstra omdie brood mee te bedruip)1 groen soetrissie, gesny1 rooi-ui, gesny 8snyewitbrood½koppie olywe, ontpit en gehalveer2 skywefetakaas, gekrummel1 koppie beleë cheddarkaas, gerasper2 groot tamaties, gesnyVarsgemaalde sout en swartpeper 1sopie vars origanum METODE Verhit die olie in ’n pan en soteer die soetrissie en ui totdat hulle sag en gekaramelliseer is.Dit sal omtrent 15 minute neem, so wees rustig. Bedruip al die snye brood aan die een kant met olyfolie (die geoliede kante sal die buitekante wees). Sit die helfte van die snye brood,…

Wanneer jy ’n romantiese teleurstelling of groot hartseer beleef, voel dit dikwels asof jou hart letterlik in stukke breek. Die fisiese pyn daarvan is amper onverklaarbaar. Baie mense sal so ’n beskrywing afskryf as dramaties. Tog is daar ’n toestand met die naam“gebroke hart-sindroom” wat, volgens navorsing, wêreldwyd vier keer meer geword het sedert die begin van die Covid-19-pandemie. Gebroke hart-sindroom of Takotsubo (wat die Japannese dit noem) is ’n ernstige verswakking van jou hartspier. Dit word baiekeer veroorsaak deur spanning. Dit wil voorkom asof die hartspier van vorm verander en lyk dan soos die lokval wat hulle in Japan gebruik om seekatte te vang. Van daar die naam“Takotsubo”. WAT IS DIT? Volgens dr. Shirley Middlemost, ’n kardioloog van Hermanus in die Wes-Kaap, wat al ’n paar artikels oor gebroke…

In 2020 beleef ons almal uitdagings weens die Covid-19-pandemie, of dit nou by die werk, in jou persoonlike lewe of weens gesondheidsredes is. Maar vir die laaste paar drie weke is daar net een uitdaging wat mense wêreldwyd met ope arms verwelkom, en dit is die Jerusalema-dansuitdaging. Ja, soos talle voor dit, is die #JerusalemaDanceChallenge ’n sosialemediadans-challenge wat volgens die sosialemedia-app Tik Tok al meer as 185 miljoen video views op dié platform gehad het. Daar was al baie uitdagings soos die eier-sluk en“Don’t Rush”-grimering-uitdagings, wat oornag soos ’n veldbrand op sosiale media versprei het. Maar wat die Jerusalema-dansuitdaging so spesiaal maak, is dat ’n Suid-Afrikaanse kunstenaar, bekend as Master KG, se trefferliedjie mense regoor die wêreld verenig met ’n bietjie pret in hierdie moeilike tye wat ons tans beleef.…

Soek al tagtig woorde op die lys langsaan in die tabel hieronder. Hulle lê horisontaal, vertikaal en diagonaal. Nr. 76 Aanvullend Aarde Adresboek Aflegging Boekrak Bokse Bosluis Bouvallig Buitemure Dompel Duikpak Eerlikheid Eersdaags Eindpunt Enjin Etiket Fantasie Feminis Generasie Grootword Heining Heruitsending Hobbelrig Hommel Hout Huisraad Inskrywing Internasionaal Internet Jaartal Jeugdigheid Joernaal Joviaal Kleefband Koeksoda Krisis Kwantifiseer Laatkommer Ledigheid Lemoensap Luislang Maaifoedie Moederskap Naarstiglik Nuutskepping Oorspronklik Operahuis Opwasmiddel Pakkery Paleis Piepklein Pluis Raap Ragfyn Remskoen Rimpels Skooljaar Skoonmaak Spanwerk Tjops Toerisme Trekkery Tuinier Uitgooi Uitsorteer Uitvinding Vakansie Varkhok Verandering Volwasse Vonk Vragmotor Vreugde Vuurrook Waentjie Wenke Witasyn Woes Woonbuurt Woonstel oplossing verskyn in die uitgawe van 1 OKTOBER 2020. soek vir die speletjienommer.…

WHATSAPP OM IN TE SKRYF! WEN R350 KONTANT! ?VRAAG:SyspeelKaraboMorokainGenerations.(Haarnaam) SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. WhatsApp die woord “KUIER” gevolg deur jou antwoord, naam en plek, asook Fotoblokraainommer na 0607840589 voor 7 Oktober 2020. Die oplossing verskyn in die uitgawe van 29 Oktober 2020. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE FOTOBLOK-RAAI EN HUL BESONDERHEDE VERSKAF. DIE SLUITINGSDATUM IS 7 OKTOBER 2020. GEEN POSSTUKKE WORD MEER AS INSKRYWING AANVAAR NIE.…

ns word soms vinniger kwaad en geïrriteerd met sekere mense meer as met ander. Ons is soms onnodig vinnig en lelik met die mense naaste aan ons, soos ons lewensmaats, ouers en kinders. Tog voel ons gou skuldig en selfs afgehaal dat ons ons geliefde se kop afgebyt het, want hul seer is tog ook ons seer. Almal het seker ’n spektrum van narsisme, dat daar diep in jou ’n eie ek is wat gepaai en begryp wil word ten koste van alles en almal. Kan ek net gou ook ’n slag mý sin kry. Dit beteken nie ek is nie lief vir jou nie, maar ek wil net hê dinge moet ’n slag op my manier gedoen word of vir my gebeur. Kan ek net gou dié een ronde…

Dis Erfenis-maand. Wie of wat sal jy sê het die grootste erfenis vir jou nagelaat en hoekom? My ma het altwee haar bene in ’n treinongeluk verloor. Sy was agterna die keuse gegee om tuis te bly, maar het geweier. Sy het met haar dood by Tygerberg-hospitaal as verpleegster gewerk. Haar positiewe ingesteldheid sal ek altyd onthou. Wat die lewe ook al na jou gooi, jy het ’n keuse hoe om dit te hanteer. MELANIE GILBERT BENHAM My ouma. Ek het by haar grootgeword en ek verwys nog elke dag na ons tye saam. Ek dink sy het my gemaak wie ek vandag is. En al het ons nie in weelde grootgeword nie, was daar altyd ietsie om vir iemand anders te gee wat dalk minder as ons gehad het.…

Op 24 September vier Suid-Afrikaners Erfenisdag. Dit is ’n dag om hulde te bring aan al die verskillende kulture en tradisies van ’n reënboognasie – die diversiteit én die eenheid van die land. Maar hoe ver het Suid-Afrika al werklik gekom sedert oudpres. Nelson Mandela op die eerste viering van hierdie dag in 1996 gesê het:“Toe ons eerste demokraties-verkose regering besluit het om Erfenisdag een van ons nasionale dae te maak, het ons dit gedoen omdat ons geweet het ons ryk en diverse kulturele erfenis het ’n ontsettende mag om te help bou aan ons nuwe nasie?” Van eenheid, diversiteit en diskriminasie kan jy die beeldskone Success Lekabe (31), Tussen Ons-aanbieder en Bok Radioomroeper met die streelsagte stem, niks vertel nie. Success het grootgeword in Potchefstroom in die Noordwes en…

Ná twee miskrame was Esmeralda Bailey (51) van Primrose Park in Athlone in die Kaap, net te dankbaar vir ’n babadogtertjie wat lewend gebore is. En vandag styg haar dogter, Cassidy (15), uit bo haar omstandighede en dans sy die wêreld vol vanuit ’n rolstoel. Haar swangerskap met haar eersgeborene, Andrew (24), was swaar en Esmeralda het baie siek gevoel. Twee hartverskeurende miskrame het ná Andrew se geboorte gevolg en Esmeralda het besluit om die saak in God se Hande oor te laat. Daarom het sy voordat sy swanger was met Cassidy vrede gemaak dat sy dalk nie die dogtertjie sou kry waarna haar hart so gesmag het nie. “Cassidy was ’n wonderwerk en ’n verrassing vir ons,”vertel Esmeralda. Toe sy uiteindelik swanger word (met Cassidy), was dit ’n vreedsame…

Soek jy raad oor ’n mediese probleem? Oorsuising pla Vraag KAN NIE KONSENTREER Die gesing in my ore is steurend. Ek kan omtrent nie konsentreer nie en ek werk elke dag met mense. Ek is ’n 47-jarige man met hoë bloeddruk. GEPLA Antwoord BESTE GEPLA Wat is tinnitus? Tinnitus is ’n geluid of suising in die oor of kop wat nie veroorsaak word deur geraas van buite nie en kan een of albei ore affekteer. Dit kan aanhoudend of af en toe gebeur en kan selfs met doofheid gepaard gaan. Dis egter nie ’n siekte nie, maar wel ’n simptoom van ’n onderliggende toestand. Dit kan jou lewenstyl affekteer en soms ondraaglik wees, maar die meeste mense leer om daarmee saam te leef deur daadwerklike aanpassings te maak. OORSAKE •Die…

Die lewe is vol onsekerhede, maar een ding waarvan ons almal seker kan wees, is die dood. Op een of ander tyd gaan dit aan almal se deur kom klop. En die huidige Covid-19-pandemie het dit opnuut bevestig omdat duisende mense binne die bestek van ’n paar maande daaraan gesterf het. Die pandemie het gevolglik groot druk op die regering se hantering van lyke geplaas; die manier hoe begrafnisse gehou word, het drasties verander en in ’n land waar provinsies reeds ’n tekort aan begraafplek gehad het, raak die probleem net erger. MIN PLEK VIR GRAFTE Op ’n persoonlike vlak dwing dit elke Suid-Afrikaner om te kyk na hul geldsake sodat begrafnis- en lewensdekking ’n noodsaaklike uitgawe op hul begroting word. Anders kan jou geliefdes met ’n gat in hul…

MAAK WASDAE MAKLIK Soek jy ’n doeltreffende waspoeier? MAQ Auto Washing Powder is uiters doeltreffend en geformuleer om gevorderde reiniging en vlekverwydering te bied, maak nie saak hoe groot – of vuil – die bondel nie. Laat eenvoudig MAQ Auto die werk doen. Die samestelling is vir alle materiale en kleure geskik – en omdat dit min skuim maak, is dit perfek vir jou outomatiese masjien. Landwyd beskikbaar. VOEDSAME VERSNAPERINGS Welkom by die wonderlike wêreld van Nutrikids-towerkuns, waar jy gegeurde suiwelhappies, kitspoeiermelk en gereed-vir-drink-melk-en-vrugtenektarmengsels sal vind, alles verryk met noodsaaklike vitamiene vir jou kleuter se ontwikkeling. Produkte is propvol kalsium en vitamiene A, B, C en D vir goeie gesondheid – en is ideaal vir kosblikke, versnaperinge of as ’n voedsame bederf. Skep ’n bietjie towerkuns met Nutrikids! RYK, ROMERIG…

kykNET is ’n topgehalte-kanaal wat kykers boei met 100% plaaslikvervaardigde inhoud vir almal met ’n waardering vir Afrikaans. Suidooster, 17 September om 18:30 Kaashifa raak paranoïes oor wat sy en Imraan gedoen het en AB het ’n afspraak. Wat gaan van Zoe se huwelik word? Pelgrims, 17 September om 20:00 Suid-Afrika huisves waarskynlik die grootste Boeddhiste-groep op die vasteland. Daar is groot Boeddhiste-groepe in al die stede en ook op kleiner dorpe. Binnelander, 21 September Faf probeer annelize en Conrad teen mekaar afspeel. Danny en se mekaar Brandon die stryd aan oor Chanel, en tracy is ’n ooggetuive van ’n onderhandeling…

Kô, laat ons onse erfenis omarm en koester. Vir dié Erfenismaand wil ek ’n bietjie die Braaidag-narratief onder sy stert skop. Kyk, ons almal is mos gewoond daaraan om elke Erfenisdag saam gesellig ’n paar tjoppies oor die kole te gooi en ’n yskoue doppie te geniet. Maar ek dink dis belangrik om dié Erfenismaand te fokus op wie ons is as mense en ons kultuur wat daarmee gepaard gaan. Die nasionale staat van inperking het my baie laat dink, besef, geleer en ek glo vir julle ook. Dit het my veral laat terugdink aan die dae toe ek nog ’n snotneusseuntjie was. Maar daar was ook onlangs groot bewusmaking op sosiale media oor die kultuur van bruin mense om te bewys dat ons wel ’n kultuur het. Dít nadat…

Ons tweede KuierCombo Wenke is hier! As jy die eerste een gemis het, moet jy gou speel en hierdie een kry, want dit is groter en beter! Dit bevat 1000 van die beste tips. Van spring cleaning in die verskillende seisoene, huishoudelike wenke (vir jou garage en wanneer jy braai of gaan kamp), wenke vir al die tuinmakers en oudergewoonte iets van alles! Ons het ook ’n seksie met die beste verfwenke – óf jy nou jou huis binne of buite wil verf. KuierCombo Wenke 2 is nou te koop vir slegs R29 by jou naaste Kuier-winkel! As my vrou my inwag met ’n swirlkous op haar kop, morning slippers aan haar voete en ’n gown aan. Met die huis nog deurmekaar en vuil skottelgoed wat my groet. En my…

Doodgeskiet terwyl hulle salig onbewus was van die dreigende gevare wat rondom hulle skuil. Drie onskuldige seuns, drie verkillende gemeenskappe, dieselfde hartseer. Dié seuns was almal slagoffers van die omstandighede rondom hulle… Die laaste paar maande was kinderveiligheid in Suid-Afrika opnuut weer bevraagteken toe drie minderjarige seuns enkele dae uitmekaar doodgeskiet is. Leo Williams (8) van St. Helenabaai in die Wes-Kaap het op Vrydag 21 Julie in hul huisie salig sit en televisie kyk toe ’n koeël hom in die kop getref het. Lede van die polisie se eenheid vir openbare geweld het Leo na bewering in die kop gewond toe hulle gedurende ’n protesoptog op inwoners losgebrand het. Leo het vir twee weke verbete om sy lewe in die Rooi Kruis-kinderhospitaal geveg. Sy stryd tevergeefs, want op 17 Augustus…

Wat begin het as ’n gesinsuitdaging tydens Covid-19 se streng vlak 5-inperkingsfase, het vir ’n jong man van Wellington in die Boland in groot bragging rights geëindig. Delano Jasper is nie net onlangs as Suid-Afrika se 28ste jaarlikse Championship-boereworskampioen gekroon nie, maar is nou ook die trotse eienaar van ’n Toyota Fortuner van meer as ’n halfmiljoen rand. Nie sleg vir ’n 18-jarige eerstejaarstudent wat nog nie ’n leerlinglisensie het nie, hoewel hy dít darem voor die deur kan lê van die vertragings wat met die Covid-19-pandemie gepaardgaan. GROOT SKOK “Championship boerewors. SA’s no 1. Championship winner Delano Jasper”, staan op die verpakking van die wenwors, wat ’n jaar lank in alle Shoprite-en Checkers-winkels regoor Suid-Afrika beskikbaar gaan wees. Met die Covid-19-pandemie moes die kompetisie uiteraard vanjaar ’n ander baadjie…

Swaarkry, hartseer en deurdruk is deel van die talentvolle 28-jarige akteur, musikant, draaiboek- en liedjieskrywer, Reginald Hufkie (28) van Schauderville in Port Elizabeth se DNS. Dié jong man moes al sedert hy sy verstand gekry het mishandeling van sy ouers verduur en hy ken van honger gaan slaap. As tiener het hy albei sy ouers aan tuberkulose verloor. Reginald, beter bekend as Reggie Peace, se uithouvermoë en veggees is egter bewonderenswaardig. Reggie het nie toegelaat dat sy omstandighede en waar hy vandaan kom sy einddoel bepaal nie. Inteendeel, hy het dit as stene gebruik om vir homself ’n beter toekoms te bou. En al is hy nog nie waar hy wil wees nie, is hy sterk op pad daarheen! Reginald doen baie werk in die vermaakbedryf en het reeds rolle…

Sukkel jy met jou liefdeslewe? Hier is raad. Ou ontken kind Vraag SWANGER EN GESTRES Antie, ek is in ’n verhouding met ’n ou. Ek is nou swanger, maar hy sê dis nie sy kind nie. Ek is uitgestres en weet rêrig nie wat om te doen nie. RIGTINGLOOS Antwoord BESTE RIGTINGLOOS Ai jinne, hartjie, stres het jy beslis nie nou nodig nie. Haal so ’n bietjie asem en blok die negatiewe gedagtes uit ter wille van jou ongebore baba. Wat is sy storie dan? Waar kom hy aan die gedagtedat dit nie sy kind kanwees nie? Is die oomblik te groot vir hom en nou kryhykoue voete? Wat ook al die geval is, hartjie, hier is nog ’n lewe op die spel.Sorteer alles uit voor die baba gebore word.…

Sy staan moeisaam op toe sy die sagte klop aan die voordeur hoor. Haar vingers soek die knoppie van die bedlampie. In die flou liggie trek sy haar kamerjas aan, steek haar warm voete in die koue pantoffels wat netjies langs haar bed staan. Sy sit die ganglig aan en stap na die voorhuis. Met die oopmaak van die deur voel sy die koue klap van die wind teen haar kaal bene. Dis ysig. “Kom in, kindjie.” Sybil maak die deur agter haar dogter toe. Sy merk dadelik die blou skynsel onder haar kind se linkeroog. “Ek maak vir jou lekker tee en dan sorg jy dat jy uit die nat klere kom. Daar is nog van jou klere in jou kamer.” Hoe lank nog, Here? Hoe lank nog? Dink…

WHATSAPP OM IN TE SKRYF! WEN R350 KONTANT! ?VRAAG: Watter berg is die berg van God? SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. WhatsApp die woord “KUIER” gevolg deur jou antwoord, naam en plek, asook Bybel-blokraainommer na 0607840589 voor 7 Oktober 2020. Die oplossing verskyn in die uitgawe van 29 Oktober 2020. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 7 OKTOBER 2020. GEEN POSSTUKKE WORD MEER AS INSKRYWING AANVAAR NIE.…