Innholdsfortegnelse for 4/29/2020 i Kuier

Lorcia Cooper (41) het 20 jaar gelede vir die eerste keer in ons huise en harte gekruip as die nimlike Charmaine Jacobs in die gewilde sepie Backstage. Nadat sy verlede jaar ’n South African Film and Television Award (Safta) losgeslaan het vir haar rol in die naelbyt-drama Lockdown, het almal weer van voor af onthou hoekom hulle so baie van haar hou. Lorcia, ’n gebore en getoë Kapenaar, het baie ver gekom sedert haar Backstage-dae en vertolk tans van haar beste rolle nóg – dié van Tyson in die tronkdrama Lockdown op die kanaal Mzansi Magic en dié van Lucille in M-Net se Still Breathing. VEG TEEN SIEKTE Op ’n persoonlike vlak is een van die belangrikste rolle vir haar dié van ma en vrou. Sy het juis by die…

“Vandag, op jou spesiale dag, my liefling-suster, sal ek in ’n huldeblyk aan jou die beste wyn drink waarop ek my hande kan lê,”het ’n suster van wyle prof. Gita Ramjee op 8 April vanjaar in ’n hartroerende Facebook post gesê. Dit was die dag waarop dié wêreldbekende Suid- Afrikaanse navorser, wat aan COVID-19 gesterf het, 64 jaar oud sou word. Asmita Parashar van Mumbai, Indië, het vervolg:“Wat ’n ongelooflike lewe wat ons kan vier. In die laaste week het ons… eers begrip begin kry vir jou wêreldwye roem en erkenning, waarvoor jy oor die jare so hard gewerk het. Die familie is oorweldig deur die ongelooflike boodskappe van liefde, die ondersteuning en huldeblyke wat steeds van oor die wêreld instroom. Ons is so ongelooflik trots!”Daarby was familiefoto’s en vroeëres…

Het jy geweet deur net ’n bietjie aandag aan die toestand van jou hare te gee, kan jy uitvind wat in en met jou liggaam aangaan? Kyk wat jou hare oor jóú gesondheid verklap. 1.BESOEKE AAN DIE TANDARTS Natuurlike rooikoppe is glo meer geneig as mense met ander haarkleure om die dentist te vermy. Hoekom? Die geen wat hul rooi hare en ligte vel veroorsaak, kan hulle dalk ook sensitiewer maak vir pyn en daarom werk die verdowing dalk nie so goed op hulle nie. Rooikoppe het daarom seker al ’n hele paar pynlike trippies tandarts toe gehad en is dus meer geneig om dit te vermy, só sê navorsers by die Universiteit van Louisville in Amerika. As dit soos jy klink, vra jou tandarts vir iets sterker. 2.JOU HORMONE…

1.PREP EN BLAAS DROOG: Was jou hare met shampoo wat dit sal bevogtig. Draai oortollige water uit. Spuit heat protectant aan. Gebruik ’n ronde blow-borsel, stel die hair dryer op medium en blaas jou hare droog. 2.MAAK JOU HARE REGUIT: Verdeel jou hare in gelyke seksies wat nie te dik is nie soos jy deur jou kop werk. Stel die temperatuur van die straightener op 185 °C om jou hare reguit te kry, maar nie te beskadig nie. 3.MAAK DIT MAKLIKER: Gebruik altyd ’n sterk fynkam wanneer jy jou hare straight maak. Dit sal dele reguit trek wat nog effens frizzy is, hare van mekaar skei sodat meer hare hitte kry en dit kan jou hare volume gee. 4.AFRONDING: Smeer olie aan jou vingerpunte en werk dit deur jou hare.…

Wat wil jy weet oor die corona-virus, my kind? Vir miljoene mense regoor die wêreld het die lewe in ’n oogwink drasties verander. In Suid-Afrika is dit ook nie veel anders nie – die land is in lockdown en vir baie mense voel iets so eenvoudig soos om saam met vriende en familie om ’n braaivuur te kuier, soos ’n distant memory. En hoewel dit vir volwassenes moeilik is om aan ons huidige realiteit gewoond te raak, is dit seker nóg moeiliker vir ons kinders. Nog voor die land in lockdown gegaan het, is skole en crèches gesluit en hul klein wêreld is op sy kop gekeer, veral hul lewe voor, tydens en ná skool. Weg is die dae van in die parkie gaan speel met ander kinders of om…

Familie meng in Vraag WIL NOU SÊ OOR KIND Liefste Antie. Ek is in ’n verhouding van vier jaar en ek en my kêrel het ’n kind saam. Maar voor ons kind se geboorte het hy voor sy ma gesê hy wil een hê. Sy het reageer met dié presiese woorde: “Maak maar kinders, onthou net ek gaan hulle nie grootmaak nie en dis nie my toekoms wat ek weggooi nie”. Dít was in Januarie 2019 voordat ek in April uitgevind het ek is swanger. Ek het ek vir hom gesê ek wil nie hulp van sy mense hê nie, maar nou is hulle so in my besigheid. Hulle lewer kommentaar oor die kind wat hulle in die eerste plek nie wou hê nie en wat my in ’n slegte…

’n Maklike toertjie wat goed gedoen word, is meer punte werd as ’n moeilike toertjie wat sleg gedoen word. Maak seker jy ken die musiek waarop jy wil dans soos die palm van jou hand. Dit sal jou help om kalm te bly en met selfvertroue te dans, al maak jy ’n fout. Maak seker jy ken die reëls van elke kompetisie en ook hoeveel vel jy mag wys. Nie alle kompetisies hou van kaal vroue nie. Oefen hard. Jy moet minstens drie tot vyf keer ’n week kan oefen en nie net op die paal nie, maar strek of yoga ook. Weesversigtig vir waar jy jou kostuums laat maak. Ken die goeie kostuummakers waar jy bly, maar maak seker jy het nie dieselfde een as iemand anders nie. Maak…

Soek al tagtig woorde op die lys langsaan in die tabel hieronder. Hulle lê horisontaal, vertikaal en diagonaal. GROOT WOORDBOU NR. 66 Aandklas Aërobies Aktiveer Aktiwiteit Atletiek Belangrik Bergklim Beskerming Breinkrag Chemiese Dans Doeltreffend Draf Driekamp Eenheid Eensaam Energie Fietsry Fiksheid Fisiek Geesteswelstand Gesondheid Gewigsverlies Gewigte Gimnasium Gimnastiek Hardloop Hartsiektes Herhalings Hormone Hupstoot Hurke Inisiatief Intensiewer Isolasie Jaarliks Joernaal Joga Kilojoules Kondisioneer Landloop Lewenstyl Liggaamsbou Luiheid Manipuleer Metabolisme Minute Moegheid Nagrus Oefeninge Ongesond Ontspan Opstoot Opwarming Padwedloop Prestasie Produktiwiteit Repetisie Risiko Roeier Roetine Spiere Springtou Strek Suurstof Sweet Swem Tegniek Tekkie Uiteindelik Uithouvermoë Verbetering Verloorder Vertering Voedingstof Voordele Voorkom Weefsel Wenner Werklikheid OPLOSSING VERSKYN IN DIE UITGAWE VAN 14 MEI 2020. SOEK VIR DIE SPELETJIENOMMER.…

NR. 211 WEN VRAAG: R350 KONTANT! VRAAG: Wie speel Tristana in Sara se Geheim? (Haar van) SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. WhatsApp die woord “KUIER” gevolg deur jou antwoord, naam en plek, asook Fotoblokraainommer na 0607840589 voor 20 Mei 2020. Die oplossing verskyn in die uitgawe van 11 Junie 2020. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE FOTOBLOKRAAI EN HUL BESONDERHEDE VERSKAF. DIE SLUITINGSDATUM IS 20 MEI 2020. GEEN POSSTUKKE WORD MEER AS INSKRYWING AANVAAR NIE.…

NR. 184 WEN R350 KONTANT! VRAAG: Met watter saad vergelyk Jesus die koninkryk van God? SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. WhatsApp die woord “KUIER” gevolg deur jou antwoord, naam en plek, asook Bybel-blokraainommer na 0607840589 voor 20 Mei 2020. Die oplossing verskyn in die uitgawe van 11 Junie 2020. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 20 MEI 2020. GEEN POSSTUKKE WORD MEER AS INSKRYWING AANVAAR NIE.…

Gewoontes bepaal ons leefstyl en ons leefstyl bepaal die gehalte van ons lewe. Daarom is dit raadsaam om die beste gewoontes aan te kweek. ’n Goeie manier om bewus te raak van jou gewoontes, is om ’n lys te maak van alles wat jy doen vandat jy soggens wakker word. Jy sal opmerk die meeste gewoontes is so deel van jou roetine, jy doen dit sonder om te dink, soos byvoorbeeld om jou tande te borsel, hare te kam, koffie te drink en ’n oggendsigaret te rook. Hoe raak jy egter van slegte gewoontes ontslae en vervang hulle met goeie gewoontes? Jy neem reeds die eerste stap in die proses wanneer jy jou lysie van gewoontes maak, want jy kyk objektief na jou leefwyse, neem waar en word bewus van…

Die Latynse spreuke-skrywer van Siriese afkoms Publilius Syrus, het hom soos volg oor die dood uitgelaat: Eers ná die dood sê ons dikwels hoe dierbaar iemand se lewe vir ons was. Wat ons versuim het, lees ons te dikwels op grafstene, skryf Johann Maarman. Miskien het ek dit te min vir Conrad Sidego gesê hoe ek hom waardeer. Miskien moes ek tog ’n laaste keer na die hospitaal gegaan het toe hy op sy sterfbed gelê het en besig was om afskeid van sy geliefdes en die wêreld te neem. Miskien moes ek tog daai afspraak nagekom het waar hy ’n langtafel sou hou vir my, my vrou, sy vrou, Amy, en ander vriende. Hy het gesoebat (nee, gepleit) dat ek moerkoffie by hom kom drink. Nou het daai gevreesde…

Ons almal lewe tans met die versmorende vrees dat ons op een of ander manier die nuwe coronavirus (COVID-19) gaan kry. En hoewel die meeste mense nie ernstig siek word weens die virus nie, is dit ’n feit dat dit wel dodelik kan wees vir sommige. Ons kan ons ook nie blind staar teen die feit dat derduisende mense wêreldwyd reeds die stryd teen COVID-19 verloor het nie. Teen druktyd het die virus ook reeds amper 50 Suid-Afrikaners geëis. Tot dusver was baie slagoffers huiwerig om hul stories te deel uit vrees dat hulle gestigmatiseer sal word omdat hulle positief getoets het. Dus het die meeste van hulle tot dusver onder skuilname met die media gepraat. Net soos in die begindae van MIV/vigs, lyk dit asof ’n baie negatiewe stigma…

Toe die misdaadreeks Op Seer se Spoor in Januarie verlede jaar op kykNET&kie (DStv-kanaal 145) begin, sou niemand kon voorspel dat hierdie breinkind van Kuier en Gambit Films in ’n sprokiesverhaal van sy eie sou ontaard nie… Ja, ’n sprokiesverhaal inderdaad, want Op Seer se Spoor is in Februarie vanjaar vir ’n South African Film and Television Award (Safta) benoem in die kategorie Best Factual & Educational Programme vir episode 3,“Netta”. Die program word aangebied deur Ernusta Maralack, Kuier se artikelredakteur en word deur Gambit Films vervaardig vir kykNET&kie. Dié nominasie het gekom terwyl die span hard besig was om die tweede seisoen te verfilm. Die SAFTA’s sou einde Maart plaasgevind het, maar weens die landwye lockdown, kon dit nie en was daar teen druktyd nog geen nuus oor die…

Cornrows en twists Smeer hydrating cream aan jou kind se hare. Vleg die voorste stuk aan die regterkant van haar kop in cornrows. Een in ’n sirkel van buite na binne, een aan die onderkant en een aan die bokant. Verdeel die res van haar hare van die nek af in driehoekies. Maak haar hare teen die kop vas met mini-pompoms. Verdeel elke driehoek in twee, twist en maak die punte vas met mini-pompoms. Draai die cornrows se punte vas saam met naaste twists. PROBEER DIÉ PRODUK-TE OM DIE STYL PERFEK TE KRY. DOEN DIT SÓ: TIP Hou die driehoekies so klein moontlik sodat die twists nie te dik is nie.…

KNUS TOEGEWIKKEL Wikkel jou snoesig toe in die nuwe reeks pragtige Aranda Twill-oorgooidekens van Makro. Dié veelsydige deken is eksklusief in Suid-Afrika ontwerp en geweef en is perfek daarvoor om ’n tikkie kleur by jou sitkamer of kamer te voeg. Die klassieke blokkiesontwerp is in ’n groot verskeidenheid kleure beskikbaar; jy sál die perfekte een kry wat by jou styl pas teen net R159 elk. Besoek makro.co.za vir meer inligting. SO VARS, SO SKOON Mal oor ’n skoon reuk in jou huis? Probeer die nuwe Plush Supreme Pine Gel Lavender. Hierdie veeldoelige skoonmaakjel het dieselfde kragtige skoonmaakeienskappe as die geliefde Plush Supreme Pine Gel. Dié produk is landwyd beskikbaar by die voorste kleinhandelaars in 500 ml- en 1 l-emmertjies, vanaf R19,99. Besoek plush.co.za vir meer inligting. SPEEL KLAAR MET ’N…

Wie sou kon raai met al die konflik wat jaar ná jaar tussen lande en rassegroepe woed, die konstante ophef oor die nuutste tegnologiese uitvindsels en die voortdurende stryd oor politiek, grond en geld, dat dit uiteindelik ’n virus sou vat om die wêreld stil te maak. En in dié stilte het ek ’n hele paar goed opgelet. Die laaste paar weke is die wêreld soos ons dit ken, omvergegooi. En dít het my nuwe insig omtrent ons bestaan gegee: ons is baie meer afhanklik van mekaar as wat sommiges (insluitend ek) ooit gedink het. Is dit nie ironies hoe ’n mens soms beter in die donker kan sien nie? Ryk en arm, wit en swart, oud en jonk, as dit by kwessies soos die kwesbaarheid van die mensdom kom,…

WENK GESOEK Ek moet vir ’n maand my ma gaan versorg en ek is vreeslik bekommerd oor my potplante. Enige raad? HANTIE, HAMMANSKRAAL ANTWOORD Met dié wenk hoef jy nie te veel te worry oor hoe jou plante gaan water kry nie: Maak ’n groot pot vol water en sit dit hoër (soos op ’n baksteen) as die potplante. Rangskik al jou potplante om die pot. Knip stukkies tou – een vir elke potplant. Sit die een punt in die pot vol water en die ander punt in die potplant. Begrawe die potplant-punt so ’n bietjie. Die toutjie sal die water van die pot af na die plant toe lei. As jy baie potplante het, kan jy ’n paar potte gebruik. ’n Tweeliterbottel sal ook werk. Jy kan ook ’n…

MEXIKAANSE KAMMA-STEAKS Genoeg vir 4 BESTANDDELE Steaks 500 g beesmaalvleis1 knoffeltoontjie, gekneus enfyngekap1 rooi brandrissie, pitjies en naatjiesverwyder en fyngekap’n Handvol vars koljanderblare,fyngekap1 eierSout en varsgemaalde swartpeperOlie vir braaiMielies4 mielies, skoongemaak3 eetlepels botter, gesmelt1 knoffeltoontjie, gekneus en fyngekap1 teelepel rissievlokkies Sout en varsgemaalde swartpeper0 Samestelling 1 groot avokadopeer, geskil, ontpit en in groot skywe gesny 1 rooiui, in dun ringetjies gesny Sap van 1 lemmetjie Sout en varsgemaalde swartpeper na smaak Vars koljander vir versiering METODE Steaks: Meng al die bestanddele in ’n groterige bak vir die steaks, behalwe die olie, met jou hande. Verdeel die vleismengsel in vier gelyke dele en maak 4 steaks met jou hande. Pak die steaks ’n entjie van mekaar op ’n bakplaat wat met bakpapier gevoer is. Laat staan dit in die vrieskas terwyl…

STYL 1 Bouffant faux hawk STAP 1 Detangle jou skoongewaste hare met ’n wyetandkam of jou vingers en smeer holding of curl cream aan. Borsel jou hare plat voor aan die kante met ’n detangling borsel of een wat sag is. Dít sal jou hare ’n sleek look gee. STAP 2 Steek die hare wat jy plat geborsel het, vas aan die kante. Gebruik hair pins (soos bobby pins). Hou genoeg by jou, want jy gaan ’n hele paar nodig hê. Los die voorste en agterste hare los. STAP 3 Tease jou voorste hare met ’n fynkam. Tease só: verdeel jou hare in klein seksies, trek jou hare opwaarts om dit effens reguit te maak en kam afwaarts. Dit sal jou hare volume gee. Steek die res van jou hare…

Wanneer ’n mens iets so skrikwekkends soos ’n onbekende virus wat mense by die duisende laat sterf, in die gesig staar, is ’n warboel van emosies natuurlik. Vrees, onsekerheid, ontkenning, angs, paniek en wanhoop is maar net ’n paar van die emosies waarmee volwassenes kan sukkel. Volgens die webtuiste www.cdc.gov kan stres tydens ’n uitbraak soos die corona-virus die volgende tot gevolg hê: Vrees en kommer oor jou eie gesondheid en dié van jou geliefdes. Verandering in slaap- en eetpatrone. Jy sukkel om te slaap of te konsentreer. Jougesondheid gaan agteruit, veral chroniese toestande. Jygebruik meer alkohol, tabak en ander dwelms. Kinders en tieners kan die volgende emosies openbaar: Oordadige huilery en geïrriteerdheid in jonger kinders. Ongesondeeet- en slaapgewoontes. Sukkelom aandag te gee of te konsentreer. “Acting out”en slegte gedrag…

Op Warfarin Vraag WAT KAN EK EET? Die dokter het my op Warfarin gesit. Ek is nie seker wat ek kan eet nie. Help asseblief.TANNIE BET Antwoord BESTE TANNIE BET Warfarin is ’n bloedverdunner (antistolmiddel) wat gebruik word om bloedklonte te voorkom en ook op te los as dit reeds gevorm het. As bloedklonte nie behandel word nie, kan stukkies afbreek en na verskillende dele van die liggaam of organe beweeg en die bloedvloei blokkeer. Dít kan lei tot ’n beroerte, hartaanval, longbloedklonte (pulmonale embolusse) en diep veneuse trombose (DVT) (bloedklont in jou arms, bene, vingers en tone). Hoe werk dit? Die liggaam het natuurlike stollingsfaktore of stowwe wat verhoed dat die bloed klonte maak en daarom maklik vloei na die organe vir suurstof en voedingstowwe. Vitamien K word benodig…

Wanneer jy die woord paaldans (of pole dancing in Engels) hoor, dink baie mense waarskynlik onmiddellik aan strippers waar mense vroue (of mans) betaal om voor hulle te dans en sexy te lyk terwyl hulle by ’n paal afgly. Maar paaldans is soveel meer as net ’n sexy stokperdjie, dit is nou ’n professionele sportsoort en gaan moontlik binnekort ook deel wees van die Olimpiese Spele. Maar laasgenoemde moet nog bevestig word aangesien die Olimpiese Spele tot in 2021 weens die corona-pandemie uitgestel is. Die vroue van die The Pole Project in Kaapstad gaan egter nie dat dít hul lus vir dié sport blus nie. The Pole Project is ’n gewilde paaldansstudio waar vier tot vyf klasse minstens vyf dae ’n week aangebied word. Almal kan die sport beoefen ongeag…

GROOT WOORDBOU NR. 65 BLOKRAAI NR. 267 Dwars: 1. Padda; 6. Kamtig; 12. Raar; 13. Bekeer; 14. Eng; 15. Aster; 16. Mis; 17. Tasse; 19. Toe; 21. Ase; 22. Lae; 23. Knip; 24. Trol; 27. Eng.; 29. Ateljees; 30. Nu; 32. Ego; 34. Ween; 35. Re; 37. Abba; 39. Rei; 40. Kode; 42. Pou; 43. Kano; 45. Spil; 46. Ooi; 47. Tak; 48. Beset. 49. St.; 50. Gelei; 51. Lere. Af: 1. Pret; 2. Aan-aan; 3. Dagsê; 4. Dra; 5. Absent; 6. Kettie; 7. Ake; 8. Mere; 9. Tema; 10. Iris; 11. Gesels; 18. Skag; 20. Oplei; 22. Lena; 24. Tjek; 25. Ren; 26. Oerdier; 28. Gebuig; 31. U-boot; 33. Oraal; 34. Wenke; 36. Eelte; 38. Akte; 41. Opsê; 42. Pos; 44. Obi; 45. Sel. VRAAG: Watter rol speel Melissa…