Innholdsfortegnelse for 3/18/2020 i Kuier

Daar is nie ’n storie oor ’n kindermoord in hierdie uitgawe nie. Nie omdat ons nié onskuldige kinders sedert ons laaste uitgawe verloor het nie, ons kan doodeenvoudig net nie meer byhou met al die sake nie. En dan het die Corona-virus ook nog sy opwagting in die land gemaak! Eerlikwaar, dinge het lanklaas so sleg gegaan! Maar hier is ook ’n geleentheid vir Suid-Afrika, want die stryd teen geslagsgebaseerde geweld móét die nuwe struggle word. Dit baat mos nie ons het die beste Grondwet ter wêreld as ons heeltyd in vrees lewe nie. En ons weet klaar, as hierdie land se mense besluit tot hier toe nie en nie verder nie, kan ons nie net wette nie, maar ons hele toekoms verander. So dis nou die tyd dat ons…

Maak nie saak wat die redes vir jou egskeiding is, of hoe die padmet jou loop nie, dis nooit maklik nie. Die pyn bly dieselfde. DESIRÉ GARDNER Niemand trou om te skei nie, maar, soos die ou treffer lui:“sometimes love just ain’t enough”. Tot nog onlangs het Suidooster-aanhangers vasgenael voor die kassie gesit en kyk hoe Carmen en Rhafiek (gespeel deur Desiré Gardner en Irshaad Ally), se huwelik telkens dreig om uitmekaar te spat. Tog weet baie min mense dat Desiré (34) self deur haar eie persoonlike hartseer en deurmekaarspul gegaan het toe sy en haar eksman, Chris (37), se paaie verlede jaar geskei het. “Ek is nou op ’n goeie plek. Ek is baie blessed dat ek op die oomblik soveel geleenthede het.” Tog was dit ’n moeilike paadjie…

Volgens dr. Jane Buys, ’n risiko-en-veiligheidsontleder van Vrystaat Landbou (VL), het altesaam 174 plaasaanvalle, wat 20 moorde insluit, vanaf 2016 tot 2019 in die Vrystaat plaasgevind. Dit was sewe produsente, drie opkomende boere en nege werkers op plase of kleinhoewes. Ian Cameron, AfriForum se veiligheidshoof, sê behalwe vir die hersiene landelike veiligheidstrategie doen die regering eintlik nie veel oor plaasaanvalle nie.“Plaasaanvalle vernietig ’n gemeenskap, talle mense word dikwels ook werkloos gelaat. Die trauma is egter die krisis. Boere organiseer hulself toenemend in plaas-en buurtwagte, met goeie skakeling met plaaslike veiligheidsrolspelers. “Daarbenewens is hulle meer bewus van hulle veiligheid en doen meer moeite om paraat te wees, om sodoende moontlike bedreigings die hoof te kan bied en hulself, hul familie en hul werkers doeltreffend te verdedig. Só word noodplanne opgestel en…

GROENBOON-TJIEFRITTERS Genoeg vir 6 BESTANDDELE Smoortjie 1 ui, grofgekap2 eetlepels olie1 blik tamatie-en uiesmoor1 teelepel suiker ’n Knippie gemengde kruie Sout en varsgemaalde swartpeper na smaak Fritters 1 blikkie groenbone¼ teelepel fyn knoffel1 teelepel sout en peper1 eier, geklits½ koppie karringmelk (buttermilk)1 koppie bruismeel (self-raising flour)½ teelepel bakpoeier Olie vir vlakbraai METODE Smoortjie: Soteer die ui in die olie tot sag. Voeg die blik smoortjie, suiker, gemengde speserye, sout en peper by. Bedek en prut tot dik. Hou eenkant tot opdiening. Fritters: Dreineer die groenbone en giet in ’n mengbak. Geur met die knoffel, sout en peper. Voeg die eier, karringmelk, meel en bakpoeier by en roer deur om ’n dik beslag te vorm. Verhit olie in ’n pan. Skep lepelsvol van die beslag in die warm olie en vlakbraai…

Dis daai klein goedjies waaraan jy nie dink nie wat jou kan breek ná ’n egskeiding – nou is daar niemand om die lig af te sit, jou te help met jou zip, saam te lag vir ’n fliek of toiletpapier te bring nie. Daar is nou ’n mens-grootte gat in jou lewe. En dis in hierdie gat waar eensaamheid graag broei. Ná ’n egskeiding moet jy alles wat jy gedink het jy weet oor die liefde, en soms selfs oor jouself, heroorweeg. Maar as jy kan leer uit jou foute, is daar ’n kans dat jy die resep vir ware liefde kan ontdek. Só het Melissa Pieters (40) van Parow in die Kaap uitgevind. “Drie jaar gelede, op 37, het ons paadjies geskei. Tot dusver was dit verseker die…

NR. 63 Bakbrood Bedrywig Begeesterd Boekwurm Bokkoms Bond Borduur Bossie Brei Druiwe Feestelik Gebuk Gedruis Geraas Gloeilamp Golwe Haasore Hekel Helikopter Hoek Hoendervel Hokkiestok Hooi Horde Horings Huiskat Inlas Kakkerlak Kleef Koekblik Koester Kriek Kruideniersware Kuiken Laventel Litteken Luidier Maanhare Maanlig Mosterd Neet Perskepit Piesangbrood Rendier Roekeloos Room Rooskleurig Saadjie Senutergend Skaappens Sluier Soetrissie Sonskyn Sousie Soutwater Sterrewag Stoomtrein Strome Suidooster Suikerriet Taaierig Takbok Teruggetrokke Toetspen Tranerig Tuinslang Uitmergelend Velletjies Verdryf Vertoef Vertrekpunt Vertroetel Vestig Vislyn Visstok Vloek Volk Waterblom Woedend Woestyn OPLOSSING VERSKYN IN DIE UITGAWE VAN 2 APRIL 2020. SOEK VIR DIE SPELETJIENOMMER.…

MÓÉT-KYK! Storks (e.tv, Saterdag 21 Maart om 20:00) Junior (Andy Samberg) en Tulip (Katie Crown) vervaardig per ongeluk ’n baba nadat hulle ’n brief van ’n seun kry. Om Junior se bevordering te beskerm, maak hulle ’n plan om die baba te gaan aflewer. MÓÉT-KYK! The Hustle (M-Net, Sondag 22 Maart om 20:30) Josephine Chesterfield (Anne Hathaway) is ’n glamorous en verleidende Britse vrou wat goedgelowige mans uit hul geld verneuk. Sy ontmoet vir Penny Rust (Rebel Wilson), ’n plesierige maar slu Australiese vrou, en hulle span kragte saam. Met hul verskillende metodes werk hulle saam om ’n jong naïewe biljoenêr te verneuk. SABC 1 WO. 18 MAART 17:30 Siswati-nuus 18:00 Cooking Show 18:30 Skeem Saam 19:30 Mina Nawe (H) 20:00 Generations: The Legacy 20:30 Uzalo 21:00 Khumbul’ekhaya 22:00 Sport@10…

WENK GESOEK Hoe maak ’n mens ’n behoorlike to do-lys? Ek het al so baie probeer, maar kom nooit by alles uit nie en dan voel ek soos ’n mislukking. ANONIEM ANTWOORD ’n Geskrewe to do-lys is die heel beste manier om jou geheue, wat alreeds so moeg is, ’n blaaskans te gee. Gee elke item op jou lysie ’n tydsduur (hoe lank dit gaan vat), byvoorbeeld, vyf minute of 15 minute. As jy besef jy het ’n paar oomblikke beskikbaar, gaan gou deur die lysie en kyk watter ander take jy in jou beskikbare tyd kan klaarkry. Daar is ook to do apps soos Google Keep, waar jy ’n reminder kan stel of ander waar jy jou take volgens soort kan sorteer. BRON: DORNFEST, A. 2016. PARENT-HACKS. WORKMAN PUBLISHING:…

Met net een paar skoene en een paar sloffies trap dié man diep spore in die harte van alle Suid-Afrikaners met wie hy in aanraking kom. Eerwaarde Chris Nissen (61), oorspronklik van Bishop Lavis op die Kaapse Vlakte, wy hom al sy hele lewe lank daaraan om die lewens van armes te verander en op ’n manier te verbeter. En wanneer jy dié groot gees ontmoet en hoor hoe passievol hy is oor menseregte en die voorsiening van basiese dienste aan alle landsburgers, verstaan ’n mens onmiddellik hoekom hy gekies is as die Wes-Kaapse kommissaris vir die Suid-Afrikaanse Menseregtekommissie. Die kommissaris lyk ontspanne en gemaklik waar ons hom by sy kantoor in Adderleystraat in Kaapstad ontmoet. Sy lessenaar lê vol dokumente en hy maak vinnig verskoning:“Jammer julle, dit is maar…

Jou kleuter begin ruk en pluk aan jou mou en skree sy wil ’n sjokolade hê – in die middel van ’n besige winkel. En as jy nee sê, bars sy los met en gooi ’n tantrum wat die dak van die supermark laat lig. Jy wil jou oë uit jou kop uit skaam. Jy is nie alleen nie. Menige ouer was al met hul hande in hul hare wanneer hul engelkind skielik in die publiek in ’n klein duiwel verander. Veral as omstanders jou half-veroordelend, half-jammerhartig aankyk. Die bekende radio-en TV-persoonlikheid Elana Afrika-Bredenkamp, ma van Esther Beth (4) en Annabelle (3), sê dis onregverdig om te verwag dat kinders altyd sal weet hoe om hul emosies te beheer. “Volwassenes weet dan nie eens hoe nie,”sê sy. Elana het ’n“emosie-kaart”(met…

Voete pla Vraag HELP TOG NET MET PYN 1. Dokter, ek weet nie meer wat om te doen nie. Ek het ’n pynlike hak wat brand en klop en pynlik is om op te loop. Gee raad asseblief. 2. My seun het ’n knop onder sy voet. Hy was al by dokters en by die hospitaal. Hulle sê dis nie kwaadaardig nie en net ’n sagte weefsel, maar dit pyn by tye, en selfs sy been ook. Hy is volwasse en rook en drink nie. MOEDELOOS Antwoord BESTE MOEDELOOS Pynlike hakke en seer voete kan moontlik drie oorsake het. OORSAKE: 1. Die weefsel en lang ligament wat jou hakskeen na jou voorvoet trek en jou voetbrug se hoogte bepaal, staan bekend as plantar fascia (PF). Wanneer die weefsel inflammasie het,…

Ná uitverkoopte vertonings verlede jaar is Danger in the Dark, die nuwe weergawe van David Kramer en wyle Taliep Petersen se teaterstuk Poison, terug. Dit beloof om gehore regop te laat sit en na te dink oor skokkende realiteite soos dwelmmisbruik en geslagsgebaseerde geweld. Die gehoor kan uitsien na ongelooflike storievertelling, die oorspronklike klankbaan en liedjies deur Taliep. Dis ook benoem vir vyf Fleur du Cap-toekennings. Dit speel af in die hartjie van die gevaarlike Kaapse Vlakte. Pamela, ’n idealistiese maatskaplike werker wat dwelmhandelaars aanvat, loop haar ou skoolvriend Juanita raak. Pamela probeer desperaat om haar vriend te help ontsnap uit die kloue van ’n dwelmhandelaar. In die proses word sy ingetrek in donker en gevaarlike plekke en situasies. Dit wys hoe mense uit goeie huise ook verkeerde besluite maak…

Uit die hoek van sy oë het hy die taxi sien aankom, maar dit was te laat om iets te doen. Die taxi was te vinnig en sy bakkie se remme te stadig. Toe hy homself weer kom kry, het hy net ’n groot slag gehoor en alles het begin draai. Toe hy vir ’n oomblik bykom, het hy net glas oral gesien en sirenes gehoor. Leo dos Santos (32) van Johannesburg se lewe sou nooit weer dieselfde wees ná daai dag vyf jaar gelede nie. Hy onthou dat hy vir ’n oomblik die opgefrommelde oorblyfsels van sy Nissan NP200 gesien het toe nooddienste hom in die ambulans laai en daarna was alles net stil. Die hele tyd nadat hy sy bewussyn verloor het, onthou hy net ’n beskermende lig…

• Plaasaanvalle het in die afgelope tien jaar landwyd toegeneem. In 2010 was daar 115 aanvalle en 64 moorde. • In 2019 is 552 aanvalle aangemeld en bevestig – 27% meer as 2018. • Altesaam 57 moorde is in 2019 gepleeg, drie meer as in 2018. • Daar was tot dusver vanjaar 48 aanvalle landwyd, wat 7 plaasmoorde insluit. • In Januarie vanjaar was daar 15 plaasaanvalle en nie een moord nie. In Februarie was daar 21 aanvalle en 7 moorde. • Die Oos-Kaap het die swaarste in Februarie deurgeloop met drie moorde, gevolg deur Gauteng met twee, Kwa-Zulu-Natal en Limpopo met elkeen een plaasmoord. • Die meeste aanvalle was op ’n Donderdag (16%), gevolg deur Vrydag (16%), Saterdag (15%) en Dinsdag (15%). • Sowat 22% van plaasaanvalle word tussen…

’n Ma word gesien as die anker in elke familie en sonder haar kalmerende teenwoordigheid in stormweer, kan dit moeilik gaan. Daarom vier ons by Kuier elke jaar ons moeders en ma-figure in ons lewens. Vanjaar se Moedersdagfunksie is op Sondag 3 Mei by die asemrowende Kronenburg-landgoed buite Paarl en dit gaan onvergeetlik wees. En met ons nautical tema, kan jy saam met ons die anker en rigtingaanwyser in jou lewe vier. Sy is die een wat deur al die storms in haar lewe staande bly, die kaptein wat ons skip op die water hou en die reddingsboei wanneer jy dit die nodigste het. Danksy ons borge kykNET, County Fair, Miladys, Northlink, Delush, Radio Kaapse Kansel en Joekels, beloof ons Moedersdagfunksie om vol vermaak, inspirasie en kuier te wees, terwyl…

SLEEK KRULLE As jy jou medium of lang lokke los wil dra, probeer hierdie sleek styl soos Winnie Harlow s’n vir daai Hollywood glamour look. Om dié look te kry, krul jou hare met ’n straightener of curling iron, maak net seker dat jy al die hare in een layer alles na dieselfde kant toe krul en dan alternate met elke layer. Gebruik ’n serum om jou hare teen die hitte te beskerm. NATUURLIK Jy kan dié natuurlike styl dra met enige rok soos Zazie Beetz. Dit gaan jou nieoud laat lyk nie, maar jou speelse kant wys. Gebruik jou natuurlike krulle en steek dit bo vas. Pompoms is ook weer in, so gebruik een om dit vas te maak. JAZZ DIT OP As jy nie jou hare wil opsteek…

Lenka de Villiers-van Zyl, ’n berader en spelterapeut van Kaapstad: • Spandeer daagliks minstens twintig minute met jou kind en gesels in ’n ontspanne omgewing. Dít bevredig hul emosionele behoeftes, wat moontlike ontploffings keer. Haal diep asem en leer kinders dit maak jou rustig. • Moenie onttrek as jou kind ’n tantrum gooi nie. Sy wil voel jy verstaan haar. Soms ruk kinders hand-uit en stamp hul kop, gooi goed rond of slaan of byt ander kinders tydens tantrums. Probeer haar gesig-en lyftaal lees om te bepaal watter snellers dié gedrag ontlont. Stel altyd grense sodat sy weet wat is toelaatbaar. Sê byvoorbeeld sy kan één lekkertjie kry, pleks van die hele pak, of“Mamma sien jy is gefrustreerd, kan ek dalk help?” • As sy ander kinders seermaak, verwyder haar…

Daar is ’n hele paar goed wat jy kan doen, volgens Santam se Philippa Wild, om jou skade en verlies tydens loadshedding te beperk. •’n Uninterruptible power supply (UPS) werk amper soos ’n back-up battery vir jou rekenaar en reguleer die hoeveelheid krag wat dit ontvang. • Maak seker al jou werk en data is geback-up sodat jy dit nie verloor nie. • ’n Generator, selfs ’n kleintjie (2kW), wat so tussen R2 000 en R5 000 kos, kan jou lewe baie gemakliker maak. Hiermee kan jy drie rekenaars, ’n ketel en ligte aanhou! • Sonkrag is maklik verkrygbaar en werk goed. • Maak plastiekhouers vol water en vries dit. Só kan jou yskas en vrieskas langer koud bly as die krag af is. • Maak seker dat professionele mense…

BALANSEER DIE SKAAL As twee akkerseneen sampioen dieselfdeweeg(soos in A), wathet jy nodig (1–6)omdie skale (B–F)tebalanseer? VOLG DIE WATER As jy wa ter by die gate (1-5)ingooi, waar sal elkeen uitloop (6 – 13)? VIND DIE PA D Help die robot om in 20 bewegings of minder by diecharger uit te kom. Jymag nie van rigting ve randernie, tensy jy jou vasloop in ’n swartblokkie, want dan moetjyrondomdit beweeg TEL-TEL Te lhoeveel lekkergoed in elke blokkie is en sê of dit <, >of=is.…

4 Maart 2020 se oplossing GROOT WOORDBOU NR. 62 BLOKRAAI NR. 264 Dwars: 1. Mits, 5. Optel, 10. Bo, 12. Oneerlik, 13. Eer, 14. Skel, 15. Kaas, 16. Ega, 17. Sonde, 18. Artse, 19. Ems, 20. Star, 21. Fes, 22. Latte, 26. Skaars, 29. Trae, 30. Spy, 31. Kaal, 33. Re, 34. Alke, 36. Kamma, 37. Urne, 39. Olé, 40. Wê, 42. Pa, 43. Ieder, 45. Arig, 46. Eg, 47. Kluts, 48. Skors. Af: 1. Mossel, 2. Inkom, 3. Teenstaan, 4. Selde, 5. Orkes, 6. Plaat, 7. Tiara, 8. Ekstrak, 9. Lees, 10. Begeer, 11. Orals, 21. Faam, 23. Are, 24. Te, 25. Eskort, 26. Spel, 27. Kykers, 28. Slaags, 29. Truie, 32. Amper, 35. Leeu, 38. Rek, 40. Wik, 41. Ego, 44. Dl., 45. As. VRAAG: Wat word die…

WHATSAPP OM IN TE SKRYF! WEN R350 KONTANT! VRAAG: Watter WEN rol speel Marie Pentz in Fishy Fêshuns? (Haar naam) SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. WhatsApp die woord “KUIER” gevolg deur jou antwoord, naam en plek, asook Fotoblokraainommer na 0607840589 voor 8 April 2020. Die oplossing verskyn in die uitgawe van 30 April 2020. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE FOTOBLOKRAAI EN HUL BESONDERHEDE VERSKAF. DIE SLUITINGSDATUM IS 8 APRIL 2020. GEEN POSSTUKKE WORD MEER AS INSKRYWING AANVAAR NIE.…

WEN R350 KONTANT! VRAAG: Timótheüs se pa was ’n… SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. WhatsApp die woord “KUIER” gevolg deur jou antwoord, naam en plek, asook Bybel-blokraainommer na 0607840589 voor 8 April 2020. Die oplossing verskyn in die uitgawe van 30 April 2020. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 8 APRIL 2020 GEEN POSSTUKKE WORD MEER AS INSKRYWING AANVAAR NIE.…

Almal leen die een of ander tyd geld. Maak nie saak of dit by ’n kollega, familielid of vriend is nie. Maar dikwels is die leen en die terugbetaal twee verskillende dinge en veroorsaak dit onmin. Netso is daar mense wat oorgenoeg geld verdien, maar nie die nood by ander raaksien nie. Maak geld wat stom is, regtig reg wat krom is? Of is dit ’n geval van geld wat stom is, maak alles dom? Vergeet mense hul karakter wanneer geld ter sprake is of is dit die ware karakter wat dán na vore kom? Ek glo geld kan nooit jou karakter bepaal nie. Jy is wat jy is en wié jy is. As daar ’n ander karakter in jou na vore kom wanneer dit by geld kom, laat dit…

Soms kom daar tye in die lewe, wanneer ’n mens totaal nutteloos voel. Tye wanneer jy voel jy is doelloos op aarde, want niks kan net eenvoudig vir jou in plek val nie. Maar dís juis wanneer jy ’n manier moet soek om jouself te verbeter. Miskien worstel jy al vir jare met vrae wat net onbeantwoord bly. Jy voel te swak om die struikelblokke te oorwin wat op jou pad kom. In hierdie tye voel jy ook dikwels eensaam. Mense wat die wêreld vir jou beteken, is nie daar om jou te ondersteun nie. Kom ek sê jou. Jy is nie alleen nie – God is met jou. Dit belowe ek jou! Ek suig dit ook nie uit my duim nie, maar praat uit ondervinding. Dis in dié tyd…