Innholdsfortegnelse for 2/19/2020 i Kuier

Toe sy maar sewe jaar oud was, het sy een van haar ma se mans wat besig was om haar aan te rand, van die ouer vrou afgestoei. Mishandeling was deel van wie sy was – dit was waaraan sy gewoond was. En toe Ayla Losper (27) van Ottery in die Kaap jare later self ’n slagoffer word, het sy vir ’n lank tyd gedink sy verdien dit. Maar op ’n dag, nadat die liefde van haar lewe Ayla amper doodgeslaan het, het sy besef haar dogters verdien beter en besluit sy wat Ayla is, gaan die een wees om die kringloop van geweld te verbreek. “Ek en my eksman het ontmoet toe ons lewensredders was. Ek was ’n WP-swemmer en hy was ’n strandlewensredder, so ons het baie in…

Vir baie mense is kos meer as net ’n bietjie rys, aartappels en vleis wat op ’n bord voorgesit word. Dit is ’n bietjie van jouself wat jy vir ander gee, dit is wanneer jy nie wil hê ’n geliefde moet honger gaan slaap nie, dit is herinneringe saam met jou geliefdes en dit hoef nie fancy of duur te wees nie. Kos wat uit liefde gemaak is, het ’n manier om mense bymekaar te bring en hulle beter te laat voel. Elke keer wanneer sjef Keanon Micheals (34) ’n stoof aansit in sy restaurant, Keanon’s Kitchen, is dít waaraan hy dink. Hy onthou die tye toe hy honger was en moes rondkrap en dikwels ná skool net rys moes maak omdat dit die enigste kos in die huis was.…

Mooi was nog nooit lelik nie, lui die gesegde. Maar oor die jare moes (veral vroue) hoor hulle is nié mooi as hulle nie aan sekere standaarde voldoen nie. Só het baie meisies se selfbeelde vroeg ’n knou weg omdat hul hare nie reguit, hul lyfies nie rietskraal of hul velle nie vlekkeloos was nie. Dié verwronge beeld van skoonheid is oor die jare deur die vermaak- en modewêreld versterk en jy het destyds weinig ’n stewig geboude meisie met natuurlike hare op die kassie of op tydskrifvoorblaaie gesien. Gelukkig is die wêreld aan die verander. Danksy byvoorbeeld die natural hair movement (wat vroue aanmoedig om hul natuurlike hare te embrace) en diegene wat hulle beywer vir ’n positiewe houding oor jou lyf (die body positivity movement) wat weer vroue…

Wanneer jy swanger is, kom die rate en waarskuwings van alle kante. Jy moet net koes of iemand gee jou advies. Maar wat is waar en wat is mites? Kuier het lesers gevra watter ouvroustories hulle al gehoor het en suster Ingrid Groenewald van Gentle Touch Midwifery in die Oos-Kaap gevra om te sê of dit waar is of nie. 1. Jy moet vir twee eet. Dis nie nodig om vir twee te eet nie. Dis belangrik om gesonde, voedsame kos te eet.“Navorsing wys die kos wat jy eet, kan ’n rol speel tydens kraam en herstel – hoe gesonder jou dieet, hoe gesonder is jy.” 2. Jy mag nie jou hare was nie (die afbukkery is sleg vir jou). “Nee, wat, dis bog! Ek het ook al gehoor as…

Een van sy eerste herinneringe as kind, was die dag toe sy ouma gesterf het terwyl hy op haar skoot gesit het. Tog het ’n leeftyd van hartseer en terugslae nie Dillon Seals (25) se passie vir die lewe gekelder nie en hy het ook nie homself toegelaat om dit as verskoning te gebruik om te gaan lê nie. As kind van Eersterivier buite Kaapstad het Dillon reeds ’n liefde vir wiskunde en wetenskap gehad en sy droom was altyd om ’n onderwyser te word.“Op hoërskool was ek altyd die topstudent, selfs in matriek,”vertel hy. Dillon het BSc. Veekunde aan die Universiteit van Stellenbosch studeer en daarna het hy ook ’n nagraadse kwalifikasie in onderwys behaal. Hy het cum laude (met lof) geslaag – dit ten spyte van die groot…

GROOT WOORDBOU NR. 61 Baba Bakke Bakkies Beeldskoon Begeesterd Betroubaar Bevry Bord Bossie Bottel Buitelug Doepa Dokter Drieling Duiselig Eekhoring Eierstok Erger Fiks Fliek Geestelik Geskenk Gesond Glad Goed Groot Hoogste Hormone Huiswerkboek Karnaval Koor Kraam Laggend Leier Lewe Liefderik Luister Maatjie Magies Mallemeule OPLOSSING VERSKYN IN DIE UITGAWE VAN 4 MAART 2020. SOEK VIR DIE SPELETJIENOMMER.…

WENK GESOEK Ek soek raad vir vel-ekseem wat baie jeuk. DIRK STROEBEL, FOCHVILLE ANTWOORD ’n Kroniese gejeuk kan jou uit die slaap hou en jou depressief maak. Wanneer dit kom by ekseem werk gewone salf, soos vir muskietbyte, nie en volgens navorsing kan dit selfs jou jeuk vererger. • Probeer seep met ’n lae pH. • ’n Koue kompres kan help om verligting te bring. Week ’n skoon handdoek of waslap in koue water. Draai dit uit en hou teen die jeukerige vel. Smeer daarna moisturiser aan. • Let op wat laat jou jeuk en wanneer en probeer dit vermy. Knyp en klap saggies op die area eerder as om te krap. Maak ook seker jou naels is kort en skoon. • As jy krap en daar vorm ’n seertjie,…

Vir Caroline van Rooi (48) van Delft in die Kaap is niks onmoontlik nie. Dié blinde vrou neem groot spronge al het sy nie meer bene nie en meen sy kan alles doen wat sy wil, want met haar kop skort daar mos absoluut niks! Toe Caroline, wat lank as ’n masjinis in ’n fabriek gewerk het, haar bene en sig weens diabetes verloor, het sy gedink haar lewe is verby. Sy moes egter haarself afstof en uit die donker gat van depressie lig sodat sy vandag nie net haarself nie, maar ook ander vroue kan bemagtig. Nou is Caroline die trotse eienaar van Red Pilot Clothing Manufacturers in Delft. Deesdae bemagtig sy vroue in haar gemeenskap deur vir hulle werk te skep en wil sy deur haar storie wys…

MINI-KAASSOUFFLÉS Genoeg vir 4 BESTANDDELE 100 g cheddarkaas2 eetlepels koekmeel4 eetlepels botterSout en peper na smaak½ koppie volroommelk2 eiergele4 eierwitte METODE Voorverhit eerste die oond tot 180 °C. Spuit die binnekant van vier ramekins met kleefvrye kossproei en hou eenkant. Verhit ’n koppie water in ’n potjie. Meng die kaas, koekmeel, botter, sout en peper in ’n hittebestande bak. Voeg die melk by, roer dit en sit die bak oor die potjie met pruttende water. Roer die mengsel tot stomend warm en die kaas gesmelt is. Meng ’n klein bietjie van die kaassous by die eiergele en roer deur. Voeg dit nou by die res van die kaassous en meng goed. Klits die eierwitte tot styf en vou in drie dele by die kaasmengsel. Verdeel die mengsel tussen die ramekins…

MICRO-NEEDLING Met behulp van die Skin Studio in Kaapstad se middestad, het ons micro-needling uitgetoets, wat ’n meer permanente manier is om van rekmerke ontslae te raak. As jy nie van naalde hou nie, baie min pyn kan verduur en nie baie toegewyd is wanneer dit by jou voorkoms kom nie, is dit dalk nie die opsie vir jou nie. • Micro-needling is ’n spesiale behandeling en word slegs by sekere skoonheidsalonne gedoen. • Tydens ’n sessie word die area waarop gewerk gaan word, eers verdoof en daarna word naalde tot 1,5 mm in jou vel gesteek totdat dit bloei, om kollageenvrystelling aan te moedig. • Elke sessie is twee tot ses ure lank, afhangend van waar die area is en hoe diep die rekmerke is. • Die koste wissel…

Dinge lyk donker vir Suid-Afrika – letterlik en figuurlik. Die Suid-Afrikaanse ekonomie is onder hewige druk. Nie net word ons ligte elke dan en wan afgesit nie, maar die werkloosheidsyfer in die land is ook steeds skrikwekkend hoog. Suid-Afrika se werkloosheidsyfer het met 0,1% gestyg tot 29,1% in die derde kwartaal van 2019. Volgens die Quarterly Labour Force Survey (QLFS) wat deur Statistieke Suid-Afrika (Stats SA) uitgereik is, is dit die hoogste syfer sedert Stats SA begin het om dié syfer te monitor met behulp van die QLFS in 2008. Hoewel Suid-Afrikaanse verbruikers volgens die webtuiste Statista in die derde termyn van 2019 ongeveer ’n allemintige R1,96 triljoen spandeer het aan aankope, is dit nie naastenby genoeg om die werke van duisende te beskerm nie. Een van die bedrywe wat…

Sandra se selfoon lui. Dis Ben. Haar vingers bewe terwyl sy antwoord en dit teen haar oor vasdruk.“Ben waar is jy? Wat het gebeur? Waar is Noah?” Sy was in die badkamer en toe sy uitkom, sien sy net Ben hardloop by die voordeur uit en ’n kar wat vinnig wegtrek. Daar is soveel goed wat deur haar kop maal, sy vra meer as wat hy kans kry om te antwoord. “Sandra … Sandra … Kan jy my hoor?” Sy stem klink ver weg en hy klink uitasem. “Ja, ek hoor jou. Wat gaan aan?”Sy hou haar maag vas. Sy draai om en kyk in haar ma, Elizabeth, se gesig vas. Elizabeth staan by die deur van die babakamer en wag benoud oor wat volgende gaan gebeur. Die sein is…

WHATSAPP OM IN TE SKRYF! WEN R350 KONTANT! ?VRAAG: Na wat het God Jakob se naam verander? SKRYF SÓ IN: Vul die Bybel-blokraai korrek in, skryf die letters in die kleurblokke neer en gebruik dit om die antwoord te ontrafel. WhatsApp die woord “KUIER” gevolg deur jou antwoord, naam en plek, asook Bybel-blokraainommer na 0607840589 voor 11 Maart 2020. Die oplossing verskyn in die uitgawe van 2 April 2020. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE BYBEL-BLOKRAAI EN HUL BESONDERHEDE VERSKAF. DIE SLUITINGSDATUM IS 11 MAART 2020. GEEN POSSTUKKE WORD MEER AS INSKRYWING AANVAAR NIE.…

Vandag moet ek verskoning vra. Ek is jammer, my kind. En nie net aan myne nie, maar sommer alle kinders wat dieselfde ervaring gehad het. Kom ek begin by die begin. As kind het ek in ’n baie streng omgewing grootgeword. My ouers het ons onder moeilike omstandighede met goeie waardes grootgemaak. Jy was almal se kind, want selfs die bure kon insae lewer as jy jou nie kon gedra nie. So, eintlik het dit gevoel asof almal jou “familie” was. En dis hier waar die verskoning inkom. Ons was geleer om te soengroet. Só was ons ook geleer om drukkies te gee aan ieder en elk wat jy ge-”oom” en ge-”antie” het. As iemand wat maklik met mense omgaan, het dit my nie eintlik gepla nie. Ek is soos…

Toe die nasionale finansiële hulpskema vir studente (NSFAS) twee jaar gelede op breekpunt was en die land se universiteitstudente kampusse in rep en roer gehad het met een betoging ná die ander, was daar chaos. Niemand het gedink dié instansie, wat veronderstel is om die armstes onder die armes ’n kans op ’n toekoms te gee, sal gered kan word nie, maar dr. Randall Carolissen (50) het die uitdaging aanvaar. Hy het kans gesien daarvoor al het sommige mense gedink dit sal sy ondergang beteken, want dié boorling van Ravensmead in die Kaap sou self nooit kon gaan studeer het as dit nie vir ’n staatsbeurs was nie. Randall, wat deesdae sy besige skedule tussen sy werk in Kaapstad en sy familiehuis in Johannesburg verdeel, het op 20 met ’n…

VIR DIE SWANGER VROU Soos jou baba groei, raak dit soms al hoe moeiliker om gemaklik te wees en stylvol te lyk. Gelukkig kry ’n mens deesdae maternity leggings wat tot hoog bo-oor jou boepie gaan. Só kan jy steeds sexy lyk en voel. Kies donker leggings wat jou bene maerder laat lyk en gaan bos met tops soos besige bloese en hemprokke. Tops! Daar is ’n verskeidenheid tops of rokke wat jy met jou leggings kan afwissel. Jy kan tops ook in layers dra, veral op koel dae. VIR JOU FIGUUR Dit is belangrik om die regte leggings vir jou figuur te kies sodat jy reg lyk. As jy lank en skraal is, kan jy enige styl dra – selfs een met ’n crop top, maar as jy plus…

Help vriendin Vraag WIL NIE LUISTER Hi, Antie. Ek het ’n vriendin vir wie ek baie omgee en sy beteken baie vir my. Sy het betrokke geraak met twee seuns, maar hulle wil haar net vir een rede hê. Ek dink Antie weet hoe bedoel ek. Ek het al baie keer probeer om met haar te praat, maar sy luister nie vir my nie. Ek weet nie wat om te doen nie en ek wil nie hê sy moet haar jong lewe opmors nie. BEKOMMERD Antwoord BESTE BEKOMMERD Dis altyd vir my so ’n riem onder die hart as ’n mens nog vriende soos jy raakloop. Julle is dun gesaai. Dit wil vir my voorkom jou vriendin se probleem lê dalk dieper as wat jy dink. Vir my lyk dit…

5 Februarie 2020 se oplossing GROOT WOORDBOU NR. 60 BLOKRAAI NR. 262 Dwars: 1. Wissel, 7. Kroos, 12. Oneer, 13. Olik, 14. Pa, 15. Regeer, 16. Omset, 17. Seer, 18. Den, 20. Pere, 22. Inlei, 25. Gelag, 26. SSO, 27. Sege, 28. Lawa, 31. Rot, 33. Kn., 34. Opsaal, 36. Ape, 37. Ossa, 39. Anti, 40. Eters, 43. Ontsag, 45. Letter, 46. Flirt, 49. Else, 50. Lê, 51. Ritme. Af: 1. Wors, 2. Ineens, 3. Sege, 4. See, 5. Erediens, 6. Lor, 7. Klonge, 8. Rimpels, 9. Oksel, 10. Opera, 11. Sat, 19. Ergo, 21. Egalig, 22. Israel, 23. Lote, 24. Eskorte, 29. Aansit, 30. Wat, 32. Optel, 35. Pan, 38. Sôre, 39. At, 41. Ets, 42. Sel, 44. Arm, 46. Fr., 47. LI, 48. Te. VRAAG: Die Nobelpryse is…

WHATSAPP OM IN TE SKRYF! WEN R350 KONTANT! ?VRAAG: WEN Wie speel die rol van Frans in Lui maar op, Belinda? SKRYF SÓ IN: Vul die Fotoblokraai korrek in, skryf die letters in die kleurblokke neer en gebruik dit om die antwoord te ontrafel. WhatsApp die woord “KUIER” gevolg deur jou antwoord, naam en plek, asook Fotoblokraainommer na 0607840589 voor 11 Maart 2020. Die oplossing verskyn in die uitgawe van 2 April 2020. NET MENSE BINNE SA KAN DEELNEEM. DIE WENNER WAT GEKIES WORD, MOET DIE OORSPRONKLIKE, VOLTOOIDE FOTOBLOKRAAI EN HUL BESONDERHEDE VERSKAF. DIE SLUITINGSDATUM IS 11 MAART 2020. GEEN POSSTUKKE WORD MEER AS INSKRYWING AANVAAR NIE.…

Ons leer ander hoe om ons te behandel. Dink net ’n bietjie daaroor. Sit jy langtand en kou aan ’n verhouding wat koud, sonder warmte en respek voorgesit word? Of is jy soos ’n poedel, stertswaaiend rondom die tafel, te dankbaar vir elke krummel van erkenning en respek wat na jou kant toe kom? Wanneer dit by respek kom, is ons gelyk en daar is een reël waarvolgens almal moet leef – gee soos jy graag wil ontvang. Die lewe het ’n manier om die skaal te balanseer, met of sonder jou toestemming. Wat jy uitgee, sal altyd terugkry. Wat jy saai, sal jy maai, belowe die Bybel ons. Goed of sleg. Wat wil jý maai in jou verhouding? Jy kan nie vrugte kook en groentesop verwag nie. Wat jy…