Innholdsfortegnelse for 1/22/2020 i Kuier

WENK GESOEK Ek is so verveeld met my werksklere, maar my klere-begroting is maar karig. Help asseblief! ANONIEM ANT WOORD Werk is altyd lekkerder as jy goed voel oor hoe jy lyk. Daar is maniere wat jy jou klerekas kan opkikker sonder om duisende rande te spandeer. • Serpe is baie veelsydig en kan enige uitrusting interessanter maak. • Ruil klere uit met vriende – só kan jy ’n nuwe look kry sonder om ’n sent te span-deer! • Spandeer geld op klassieke items soos ’n swart blazer, ’n goeie paar swart skoene, ’n netjiese swart broek en ’n klassieke wit hemp – dis ’n belegging! • Hoe dit pas, maak saak. Kies jóú grootte, nie jou droomgrootte nie. Klere moenie te los of te styf sit nie anders kan…

KLEURVOL Mense met kreatiewe loopbane word dikwels gesien in helder kleure en patrone. Hulle is meer gewaagd met hul klerekeuses en kan meng en pas na hartelus. KRY DIT HIER MRP/www.mrp.com 080 021 2535Ackermans 086 090 0100Queenspark 021 460 9400Alle pryse is onderheiwg aan verandering.…

Verskeie studies bewys as jy oefen, sal jy meer produktief wees. Hoe fikser jy is, hoe meer energie en minder stres het jy. Dit gee jou ook meer krag om jou werk te kan doen. Die goeie nuus is jy hoef nie gym toe te gaan nie, daar is eenvoudige oefeninge wat jy by jou lessenaar kan doen. Dit is belangrik vir mense wat heeldag agter ’n lessenaar sit om dié mini-oefensessies gedurende kantoorure te skeduleer. Dis nie net goed vir jou gesondheid nie, dit help ook om stres, angs en jou postuur te verbeter. Boonop verbrand mense wat sit, minder kalorieë en kenners glo dit kan bydra tot hartprobleme en vetsug, omdat jy geneig is om te eet en minder te beweeg. JOU ROETINE Tinus Biermann, ’n persoonlike afrigter…

Laetitia Piers (25) van Ravens-mead op die Kaapse Vlakte meen die lewe is nie altyd regverdig en maklik nie, maar dit is wat jy daarvan maak wat gaan bepaal hoe jou lewe gaan uitdraai. En vir dié goose van die Ravie was die lewe vol stampe, stote en kronkeldraaie, maar dis juis om dié rede dat sy altyd harder gewerk het om haar drome te bereik. En al bly Laetitia en haar familie al haar lewe lank in ander mense se agterplase, het dit haar nie gekeer om haar drome te verwesenlik nie. Vandag is sy ’n gekwalifiseerde wetenskaplike en die eienaar van ’n pryswennende produkreeks vir natural hair – nie te versmaai vir ’n meisie watt al vele struikelblokke op haar pad moes oorkom nie! LIEF VIR WETENSKAP…

Maag pla erg Vraag WIL MAN GRAAG HELP My man is ’n diabeet en hipertensielyer en is ook nou gediagnoseer met irritable bowel syndrome (IBS). Hy kry gedurig abdominale krampe met braking. Ek is raadop en weet nie hoe om dinge vir hom gemakliker te maak nie. Kan dokter meer uitbrei op die probleem? RAADOP Antwoord BESTE RAADOP Wanneer iemand met meer as een siekte gediagnoseer is, is dit moeilik om met sekerheid al die simptome net aan een siektetoestand toe te skryf. Braking kan ook by diabetes voorkom en is nie altyd net as gevolg van IBS nie. Die krampe en braking kan ook veroorsaak word deur sekere diabetesmedikasie. IBS of prikkelbare dermkanaalsindroom (PDKS) staan ook bekend as spastiese dikderm/kolon, spastiese kolitis, slymkolitis of senuweemaag. Dit is spasmas van…

Nadat hy noodgedwonge op 17 skool moes verlaat om sy familie te onderhou, het hy tot selfooncovers en sonbrille op straat verkoop. Dinge was donker en moeilik en hy moes van dag tot dag lewe. Mark Matroos (35) van Mitchells Plain het toe nie gedink hy sou eendag sy drome kan uitleef nie. Maar hy het sy besigheidsvaardighede gebruik om een plan ná die ander te probeer om homself deur die jare op te bou. En hy het nooit ophou droom nie . . . Trouens, dié musikant-pa van twee het einde verlede jaar sy eie fliek geskryf en vervaardig. Sy fliek, Meisie VaniLavis, speel af op die Kaapse Vlakte en dis eintlik heel gepas vir Mark wat al sy hele lewe lank op die Kaapse Vlakte woon. Hy het…

Die jaar 2020 verteenwoordig ’n tyd van hernude balans. Dis die einde van ’n ou siklus en die begin van ’n nuwe. As ons in ag neem dat die lewe grotendeels deur siklusse bestuur word, word die horlosie dikwels as ’n energiedief gesien. Dis asof ons die tyd najaag en die tyd ons jaag. Maar in der waarheid kom en gaan die siklusse van die natuur en heelal sonder dat jy dit hoef te jaag of angstig te word daaroor. Herfs kondig winter aan en lente kondig somer aan. Kom ons volg die voorbeeld van die natuur en laat dié dekade dus vir jou ’n begin wees om met rustigheid die balans van jou lewe te restoureer. Kyk na alles en almal wat nie tot die persoonlike groei van die…

’n Mens het ’n sterk hart nodig om al die uitdagings van die lewe aan te durf! Vertel ons jou storie oor daai keer toe jy ’n sterk hart nodig gehad het en jy kan R1 000 wen! E-pos jou rubriek (800 woorde) en ’n foto van jouself (300 dpi) vir ‘Wat die hart van vol is’ na kuier@kuier.co.za met die woord RUBRIEK in die onderwerplyn of stuur dit met gewone pos na Wat die hart van vol is, Kuier, Posbus 1802, Kaapstad 8001. As ons jou hart-storie publiseer, wen jy R1 000!…

BOODSKAPPE Ek het gelees van Crystal-Donna se kanker (Crystal-Donna klop kanker!, 8 Januarie) en was geskok. Sy is nog so jonk. Sy is ’n sprankelende en vriendelike dametjie. Ek bid dat die Here haar volkome sal genees. SUSANNA KRUGER, KRUGERSDORP Dit is betreurenswaardig waaraan ons kinders blootgestel word (Seks in skole saai onmin, 8 Januarie). Dís waarom so baie tienerswangerskappe plaasvind. Die onderwysstelsel is absurd. Ek dink ouers moet begin opstaan teen sulke afskuwelike leringe waaraan kinders blootgestel word. ANONIEM Dis pateties dat hulle wil hê kinders van net graad 9 moet uit die skool gaan (Te vroeg vir skool verlaat?, 8 Januarie). Waar in jou lewe kan ’n kind met net graad 9 verantwoordelike grootmensbesluite en -optrede handhaaf? Die departement is duidelik besig om als net nog meer te…

Die swart plastiekhouer van Snacktime-soutkoekies kan gebruik word om suckers te maak vir kinders. Hulle sal die verskillende vorms geniet. JOHANNA WITBOOI, TULBAGH Johanna wen essence-produkte ter waarde van R1 000. WEN ’N GESKENKPAK TER WAARDE VAN R 1000! essence-tip Gebruik bronzer om definisie aan jou gesig te gee. Wend dit langs jou voorkop aan, net onder jou wangbene en langs jou jawline aan. Probeer CATRICE matt bronzing powder. Beskikbaar by: Dis-Chem, Clicks, Takealot, Zando, Foschini en uitgesoekte Jet-winklels.…

Suit up DRA SÓ JOU PAK Meng en pas items soos ’n jumpsuit en ’n baadjie om jou eie pak te maak. As jy funky wil lyk, dra tekkies by ’n helder pak. Rond jou look af met bonkige bykomstighede. Korporatief SAAKLIK Mense in korporatiewe werke trek gewoonlik formeel en eenvoudig aan. Die kleure is dikwels neutraal of donker.…

Met ons werkloosheidsyfer wat rondom 29% dobber, raak dit al hoe belangriker om jouself en jou vaardighede te verbeter sodat jy meer effektief in die werkplek kan meeding. Daar is verskeie maniere om jou kennis te verbreed en jouself te “upskill” sonder dat dit jou baie tyd of geld te kos. AANLYNKURSUSSE THE OPEN UNIVERSITY  is die grootste universiteit in Brittanje en baie kursusse word aanlyn aangebied. Die universiteit bied meer as 900 gratis kursusse deur hul OpenLearn-inisiatief aan wat strek van gesondheid, sport en sielkunde tot onderwys, kunste, tale, wetenskap, politiek en besigheid. Besoek www.open.edu vir meer inligting. ALISON het meer as 1 000 kursusse beskikbaar en dit is heeltemal gratis. Jy kan kies tussen ’n sertifikaatkursus (twee tot drie ure), ’n diploma-kursus (agt tot 10 ure) of ’n learning…

“Dit is belangrik om nie te lank in dieselfde posisie te bly nie. Dit plaas druk op jou spiere en veroorsaak slegte . postuur,” sê Tinus. Vat breaks en staan op. Verbeter die polsspierkrag (wrist muscle strength) met ’n spanningsbal of ’n haltergewig (dumbbell weight). Dis veral ’n goeie . idee as jy baie tik en ’n muis gebruik. Vervang jou stoel met ’n oefenbal as jy jou postuur en kernspiere wil verbeter. Om daarop te sit, moet jy jou maag- en kernspiere gebruik. Omdat jou spiere aktief is, verbrand jou liggaam meer kalorieë as wat jy in ’n . kantoorstoel sou verbrand. ’n Staanlessenaar is ook ’n opsie vir beter postuur en om kalorieë te verbrand. As jy staan, word jou spiere versterk en is dit gesonder as om…

Vasgevang Vraag WIL NARE BOYFRIEND LOS Ek en my boyfriend bly al tien jaar saam. Hy is baie siek en is afgesit by die werk. Nou is hy vol moods en ek kry lankal nie meer lus vir hom nie. Moet ek hom los? Ek is bang mense gaan dink dis net omdat hy siek is. Maar hy was al voor sy siekte naar met my. Ek voel vasgevang. GEVANGENE Antwoord BESTE GEVANGENE Jy het die regte skuilnaam gekies, want jy is op dié oomblik ’n gevangene van jou eie gevoelens en omstandighede. Jy kán egter die kettings om jou voete en hande losmaak en jouself bevry en padgee uit die “tronk”! Maak nie saak wat ander mense dink nie, jou geluk is ook belangrik. Dis jóú lewe en jy…

Dit pla my werklik om te hoor hoe mense oor hulself praat. Só spreek ons negatiewe dinge oor onsself uit. Negatiewe saadjies word eers in die gedagtes geplant en ontkiem dan tot ’n negatiewe geloof in onsself. Die meeste van hierdie negatiewe selfspraak is net verskonings. Baie mense beweer al te vinnig hulle kan sekere goed nie doen nie, terwyl hulle dit met net ’n bietjie moeite kan vermag. Ons lewe is ’n spieëlbeeld van die besluite wat ons neem. Na my mening is een van die lewe se grootste tragedies juis dat mense nie hul volle potensiaal bereik nie. Moenie jouself toelaat om te sê: “ek kan dit nie doen nie”. Moenie ’n limiet op jou sukses plaas nie. God het vir jou ’n geskenk gegee – die vermoë…

Die meeste Suid-Afrikaners het haar leer ken as die eksentrieke Hildatjie van 7de Laan met haar serpies, interessante kosskeppings en sagte hart. Maar in werklikheid is Annelisa Weiland (70) ’n onverwagse enigma wat haarself telkens herontwerp om die afgelope amper 50 jaar relevant te bly in die vermaakbedryf. En sy was nog nooit spyt sy het hierdie lewenspad vir haarself gekies nie. “Toe ek baie jonk was, wou ek pianis word, maar ek was beslis nie goed genoeg nie en heeltemal te senuweeagtig!” lag sy. Hoewel sy ’n bekende gesig in al wat ’n Suid-Afrikaanse huishouding is, sien sy haarself nie as ’n celebrity nie. “Ek is eintlik skaam, want toneelspel is al wat ek kan doen en ek doen dít nie aldag eens so goed nie,” verduidelik sy. Deesdae…

1 Werksklere kan steeds vroulik wees. Dra florals en patrone by basiese kledingstukke. 2 Dra ’n noupassende romp of broek (Miladys se items het net die regte ondersteuning waar jy dit nodig het) wat steeds jou lyf vlei by ’n floral bloes. As jy dapper is, dra florals van kop tot tone. 3 Mesh is ’n móét-hê en een van Miladys se gunstelingmateriale. Dis elegant en kan enige outfit selfs beter laat lyk. 4 Items wat van kant gemaak is, is nog ’n móét in jou kas. Dit kreukel nie maklik nie en jy sal stylvol lyk. Probeer ’n kantrok met ’n eenvoudige halssnoer en hakskoen of ’n noupassende romp, kanttop en hakskoene. 5 Hou jou looks vars met ’n paar tops wat jy kan meng en pas. Miladys het…

Wat videospeletjies betref, word ’n speler nie gedefinieer deur hul geslag nie, nee, hulle word gedefinieer deur hul vaardigheid.JULIA ROBSON J are lank het ouers met hul hande in hul hare gesit omdat hul kinders ure lank videospeletjies gespeel het pleks van studeer. Maar deesdae kan jy videospeletjies speel vir ’n lewe en boonop goeie geld maak. En nee dit is nie net in die buiteland waar vroue hul plek in dié bedryf volstaan nie, dit is ook hier in Suid-Afrika, waar daar professioneel getokkel word. Kuier het met drie van ons eie gesels om uit te vind wat presies dit is watt hulle doen en hoe hulle in dié bedryf beland het. Drie van SA se top- vroulike videospelers is dit eens – gaming is nie meer net ’n…

Teater is ’n live ervaring waar stories vertel word, ’n space wat mense en kunstenaars bymekaarbring en ’n plek waar herinneringe gemaak word. Vir my is die Baxter presies dít: “’n bietjie van alles vir almal”. Sedert dié teater sy deure in Augustus 1977 oopgemaak het, was die Baxter Theatre Centre nog altyd oop vir almal wat wou kom. Dit is gebou en bedoel om ’n plek te wees waar mense van verskillende kulture en ekonomiese agtergronde bymekaar kan kom, ervarings kan deel en die kunste in alle vorme kan waardeer. Dís vir my presies wat die teater behoort te wees en selfs soveel meer. Oor die jare is baie navorsing wêreldwyd gedoen oor die voordele van teater vir kinders en gemeenskappe. Waaroor baie van dié navorsing saamstem, is dat…