Innholdsfortegnelse for 12/11/2019 i Kuier

As jy ou plakkies het met dowwe, afgeremde bande, verf dit met glitter nail polish of verskillende kleure van jou keuse en was dit daarna. Dis ’n vinnige en maklike manier vir ’n new look vir hierdie somer. Ek het rooi, wit en swart glitters aan myne geverf en dit lyk nuut! LIZANDRIA, EERSTERIVIER Lizandria wen essence-produkte ter waarde van R1 000. Beskikbaar by: Dis-Chem, Clicks, Takealot, Zando, Foschini en uitgesoekte Jet-winklels. WEN ’N GESKENKPAK TER WAARDE VAN R 1000! essence-tip Primer vorm die laag tussen jou vel en onderlaag. Daar is een vir elke veltipe. Gebruik ’n mattifying primer as jou vel olierig is; illuminating primer vir ’n droë vel; en groen primer as jou vel rooierig is.…

Dié tiener het kleintyd al daarvan gedroom om ’n dokter te word en mense te help soos sy op TV gesien het en sommer haar poppe begin “regdokter” vir oefening. Min het Andrea Padayachee (14) van Durban toe geweet sy gaan in ’n paar jaar wel baie tyd in die hospitaal deurbring, maar nie as ’n dokter nie. Vir die eerste nege jaar van haar lewe het Andrea nooit die binnekant van ’n hospitaal gesien nie. Dit was tot ’n aanhoudende neusbloei haar lewe verander het. Sy is uiteindelik met rhabdomyosarcoma, ’n baie aggressiewe en kwaadaardige vorm van kanker, gediagnoseer. Binne ’n maand was sy blind. Toe haar sig verdwyn, het die lewenslustige Andrea gedink haar drome gaan ook saam met haar wêreld donker word. Haar hele toekoms het vir…

GWEN STEFANI: YOU MAKE IT FEEL LIKE CHRISTMAS Dinsdag 24 Desember, SABC2, 19:00 Met dieselfde naam as haar spesiale Kers-album, hark Gwen al haar beroemde vriende bymekaar (en wie sal ooit nee sê?) vir dié lekker TV-kerskonsert van 2017 wat in Los Angeles voor ’n ateljeegehoor opgeneem is. Gwen sing al haar spesiale Kersmusiek; met baie mooi en spesiale verskynings en sang-en komedie-optredes saam met Ne-Yo, Seth MacFarlane, Blake Shelton, Ken Jeong en Chelsea Handler. THE VATICAN CHRISTMAS SPECIAL 2019 Dinsdag 24 Desember, SABC2, 22:30 Daar is meer as net nonne en kardinale by die Vatikaan! Het jy geweet die Vatikaan bied sy eie Kerskonsert as ’n fondsinsamelingsgeleentheid aan? Vanjaar s’n wys op TV en die geld gaan vir die mense in die Amasone! Die “Concerto di Natale” vind vanjaar…

Elke mens word gebore om iets besonders te doen. Ons is almal bedoel om iemand te wees, om ons merk te laat en die wêreld te verander. Jy is beslis nie gemaak om doodgewoon te wees nie. Om dít reg te kry, moet jy verby jou omstandighede leef, reguit na jou doel toe, eerder as om daardeur gedefinieer te word. Só kom 2019 vinnig aan sy einde terwyl daar steeds van ons is wat met ’n lysie Nuwejaarsvoornemens sit waaraan niks gedoen is nie. As ons terugkyk op die afgelope jaar, het daar sommer baie dinge in ons lewens en in die land gebeur. Dis deurmekaar politiek, droogtes, waterbeperkings, verkragting en moord. Die wêreldbekers van die krieket en rugby het weer ons mense bymekaar laat staan. As jy terugdink aan…

FACEBOOK Ken jy iemand wat lief is vir opgaar? Hoekom dink jy doen mense dit en wat is die vreemdste goed wat jy al gesien het wat mense opgaar? Ek ken iemand wat haar oorle’ ma en broer se klere opgegaar het. MADELY DIEDERICKS My ma en tante hou al die begrafnispamflette. Ons sê as hulle afsterf, gee ons die mense al daai pamflette dan kan elkeen sy eie gesang sing. VALENCIA JANUARY My man hou die bokse van alles vir jare. Daar is nie plek om te loop nie, maar die bokse moet gehou word vir ingeval iets moet teruggaan winkels toe. Selfs tot 10 jaar! Die ding is al lankal stukkend en weggegooi, maar die boks staan steeds op sy plek . . . MARILYN JULIES My man…

Voor jy jou oë uitvee, is dit alweer Kersfees! Hoe baie keer het ons al hierdie woorde gehoor? Veral as die jaar nog lank voor ons uitstrek, met so baie om te doen en min tyd vir alles . . . Of wanneer ons onsself moed inpraat. “Amper daar!”, “Vasbyt!”, “Kersfees is om die draai!” Daar is iets vertroostends omtrent Kersfees; ten spyte van die kommersialisering daarvan met blink liggies en die geklingel van klokkies; ten spyte van die oorvol winkels en die rondval vir geskenke. Dit is die tyd van die jaar wanneer moed aan jou deur klop, hoop weer in jou vlamvat en die seisoen die begin van nuwe dinge verkondig. Hoe dan anders? Het God dan nie self eenkeer engele afgevaardig om ’n nuwe seisoen aan te…

“Vir ons het dit gevoel asof daar in al die ander sake verwikkelinge was behalwe in Jesse en oom Chris s’n.”DEON THOLE (LINKS) Daar is uiteindelik justice vir Jesse Hess. Dít was die algemene konsensus nadat twee verdagtes onlangs vasgetrek is weens die moord op die 18-jarige Jesse en haar stiefoupa, Chris Lategan. Jesse, ’n eerstejaar-teologiestudent, en haar 85-jarige oupa is op 30 Augustus vanjaar dood in hul woonstel in Parow in die noordelike voorstede van Kaapstad aangetref. Luidens berigte is Chris se liggaam vasgebind in die toilet gevind en Jesse se naakte lyk was op die vloer in ’n slaapkamer. Sy is na bewering ook verkrag. UITEINDELIK GEVANG Dié moorde het gekom in ’n tyd toe Suid-Afrika in opstand gekom het teen die voortslepende geweld teen vroue en kinders.…

Vir die meeste mense is dit nou tyd vir vakansie en om ’n welverdiende breek te vat ná ’n uitmergelende werkjaar. Maar daar is diegene wat hierdie tyd van die jaar ekstra hard moet werk om ander se lewens te red. Een só ’n mens is Kathleen Louis (58), ’n paramedikus wat al vir die afgelope 20 jaar in die nooddienste werk. ’n Traumatiese ervaring op ’n stasie het daartoe gelei dat Kathleen uit haar werk as administratiewe klerk by ’n groot winkelgroep bedank en by nooddienste aangesluit het. Kathleen van Portlands in Mitchells Plain moes een middag hande gevou staan en kyk hoe ’n man sy lewe verloor omdat sy nie die nodige kennis en ervaring gehad het om sy lewe te red nie. Die voorval het net ’n…

ANT WOORD • Moet nooit jou kaas in plastiek toedraai nie. Dit smoor die smaak en kan selfs na plastiek begin smaak. Moet dit ook nie te styf of te los toedraai nie. Om jou kaas vir so lank moontlik vars te hou, gebruik kaassakkies, kaaspapier of waspapier. Jy kan dit dan in ’n plastieksakkie sit of in foelie toedraai. Vervang die papier elke keer as jy die kaas oopgemaak het. • Jy kan ook die kaas met olyf-, canola- of groente-olie smeer en in ’n lugdigte houer stoor (sonder papier of plastiek). As enige muf begin groei, sal dit op die olie wees, en nie op die kaas self nie. Jy kan dit dan net afvee met ’n papierhanddoek en afspoel onder lou water. • Stoor jou kaas in…

EBED Liewe Here, oral sien ons Krismis-trimmings en ons oë raak al hoe groter vir die vakansie. En soms vergeet ons waaroor die feesseisoen gaan. Ons is moeg en dink net aan die lekker relax en partytjies. Vader, bring ons nader aan U met ’n kalmte sodat ons net weer U Woord kan bepeins. Die Kersseisoen lê voor ons en dit is ’n blye tyd. ’n Babaseun is vir ons gebore om ons harte te vul met hoop, liefde en vrede. Sy geboorte is die simbool van hoop en ’n nuwe begin. Dis ’n tyd van vernuwing en moed skep. ’n Tyd vir regmaak met jou naaste as dit dalk ’n moeilike jaar was. Dis die tyd om met liefde en vrede jou vergifnis te gee as geskenk. Here, dankie…

Die feestyd is ’n n tyd vir almal om lekker te kuier, maar dit is belangrik om nooit te vergeet om ditt op ’n verantwoordelike en nugter manier te doen nie. Elke jaar word daar gewaarsku teen drink en bestuur, maar elke jaar is dít die oorsaak van talle botsings en sterftes. Só was Ciska Klein (nou 9) ook vermoedelik die slagoffer van ’n dronk bestuurder. Sy is twee jaar gelede verlam gelaat nadat hy haar met sy motor getref het. Ciska se ma, Louwtjie Klein (40) van die plaas Altydgedacht buite Durbanville, vertel sy moes in Maartt 2017 ’n ouer se ergste nagmerrie beleef toe haar dogter een middag op pad huis toe gestamp is en amper nie die ongeluk oorleef het nie. Ciska en haar ouer suster was…

Daar is min dinge wat so diep aan ’n hart kan raak as ’n kinderlaggie. En een Suid-Afrikaanse nie-regeringsorganisasie, Smile foundation, werk al die afgelope 19 jaar dag en nag onverpoos om vir kinders regoor die land gratis korrektiewe gesigchirurgie te gee sodat hulle weer kan glimlag. Hulle het al oor die jare meer as 3 500 kinders gehelp wat gesukkel het met toestande soos gesplete lip en verhemelte, brandwonde, Moebius-sindroom (verlamde gesig) en ander. “Dit was oudpres. Nelson Mandela, ons hoofbeskermheer, se wens dat ons soveel moontlik kinders help wat met ’n gesigstoestand leef. Sy woorde ‘children are our greatest treasure, they are our future,’ inspireer ons steeds,” vertel Moira Gerszt, bedryfsbestuurder van Smile. Een meisie wat deesdae van oor tot oor glimlag, is Amber Johnson (8) van Belhar…

It’s a hard knock life en vir Jamie-Lee Domburg(27) van Steenberg op die Kaapse Vlakte kan jy niks hiervan vertel nie. Dié borrelende meisie ken van harde klippe kou, maar sê sy sal haar lewe vir niks in die wêreld verruil nie! Daar was sommige dae wat Jamie-Lee nie eens kon bekostig om publieke vervoer te gebruik nie, maar dit het haar nie gekeer om haar drome na te jaag nie, inteendeel, dit het haar net aangemoedig om harder te werk.. Dié girl is die toonbeeld van die spreekwoordelike frase “aanhouer wen’. Jamie-Lee is onlangs aangewys as een van twee wenners van die SABC 3 se aanbieder-soektog 2019. Ná 13 weke se veeleisende en moeilike uitdagings het dié Kapenaar stof in 2 498 anderr deelnemers se oë geskop. Sy vertel…

Hoe baie waarde heg jy en jou maat individueel en as ’n paartjie aan Kersfees? Is dit ’n ”go with the flow”-tipe ding, van een jaar by jou mense en die ander jaar by my mense? Of is die skaal ongebalanseerd omdat een van julle sy of haar wense nie so hard en duidelik uitspreek as die ander nie? Of omdat een se familie minder aktief is of minder flambojante Kerspartytjies hou? Is dit elke jaar ’n gestryery omdat elkeen hul sin wil hê en niemand wil kopgee nie? ’n Voortdurende stryery of verskil in opinies kan veroorsaak dat Kersfees sy betowering verloor en die sprankel verflou lank voor die dag. Met die kommersialisering van Kersfees is dit al asof dit meer druk as opwinding veroorsaak en die goeie tyding…

’n Mens het ’n sterk hart nodig om al die uitdagings van die lewe aan te durf! Vertel ons jou storie oor daai keer toe jy ’n sterk hart nodig gehad het en jy kan R1 000 wen! E-pos jou rubriek (800 woorde) en ’n foto van jouself (300 dpi) vir ‘Wat die hart van vol is’ na kuier@kuier.co.za met die woord RUBRIEK in die onderwerplyn of stuur dit met gewone pos na Wat die hart van vol is, Kuier, Posbus 1802, Kaapstad 8001. As ons jou hart-storie publiseer, wen jy R1 000!…