Innholdsfortegnelse for 11/27/2019 i Kuier

FACEBOOK Wat was jou hoogtepunt van die jaar tot dusver en wat maak dit so besonders? Die grootste gebeurtenis was my man se afsterwe in Februarie. Deur God se genade skyn die son elke dag vir my. Gesondheid, seëninge en ’n deur wat Hy oopgelaat het deur vriende en familie wat my deurdra elke dag. God se liefde is my anker. LINDA SCHEEPERS Elke dag tot dusver! Ek is ’n kleremaakster en enkelma van drie kinders, van wie die oudste reeds werk, middelste in haar laaste studiejaar is en die jongste gaan volgende jaar studeer. Ons het nog elke dag ervaar hoe getrou en groot God is! FARIEDA ISAACS Ek dank God vir so ’n goeie jaar. Hy het drie engele na my toe gestuur in my spieël en gesê…

Ekstra wasgoedlyne: Gebruik kantgordyndraad, twee hake en twee spykers. Kap die spykers in twee teenoorgestelde mure in die garage of onder die afdak. Haak die draad alkant aan ’n haak en dan aan die spyker in die muur. Span die lyn. Dis maklik en vinnig om te span en af te haal. LATAECIA ADAMS, GORDONSBAAI Lataecia wen essence-produkte ter waarde van R1 000. Beskikbaar by: Dis-Chem, Clicks, Takealot, Zando, Foschini en uitgesoekte Jet-winklels. WEN ’N GESKENKPAK TER WAARDE VAN R 1000! essence-tip Het jy al agtergekom die kohl kajal eyeliner smudge? Om dít te keer, set die eyeliner met dieselfde kleur eyeshadow. Gebruik Catrice Kohl Kajal eyeliner.…

Dit is daai tyd van die jaar wanneer jou werktenk leeg loop terwyl jy net-net hang aan ’n draadjie wagtend op die feestyd. Jy kan al amper die dae by die see ruik om nie eens te praat van die laataand-kuiers wat daarmee gepaardgaan nie. Maar wanneer drie van Arendsvlei se sterre jou stormloop met ’n luidrugtige gelag en hul tasbare energie, voel jy sommer dis klaar festive . . . Roberto Kyle (26), Kay Smith (28) en Craig Adriaanse (24) is nie vreemdelinge vir Kuier-lesers nie. Inteendeel, dié drie is deel van kykNET&kie se telenovela wat kykers drie dae per week voor die kassie vasgenael hou. Dit vat ook net ’n paar minute in hul geselskap om agter te kom hulle is nie net op die kassie boesemvriende nie,…

Die feestyd is dié tyd van die jaar vir gehaltetyd saam met jou familie en vriende. En hoewel dit vir die meeste van ons lekker is om op te vang en net lekker te kuier met diegene wat ons lanklaas gesien het, kan dinge vinnig suur raak as jy voel mense maak misbruik van jou gasvryheid. Só ken ons almal daardie gaste wat vra of hulle vir twee dae kan kom kuier, maar hulself drie weke later nog steeds lekker tuismaak. Sommige bring ook sommer ekstra gaste saam! Maar hulle is nie die enigste oortreders nie, hier is ’n paar voorbeelde van lastige en onbedagsame gaste wat jou vakansie hel kan maak en ook raad vir hoe jy hulle kan hanteer. Gaste wat sonder waarskuwing opdaag Vir baie mense is…

Dis al weer daardie tyd van die jaar. Ek noem dit sommer die malseisoen. Die feesseisoen is die tyd van groot vergrype aan kos en drank. Die tafels gaan soos gewoonlik weer kreun onder die verskillende disse en die voggies gaan mos vloei soos ’n rivier in vloed! Dit kan sy tol eis: liggaamlik, geestelik en sosiaal. In al bogenoemde gevalle is die verantwoordelike keuse matigheid, maar dis makliker gesê as gedaan. Die feesseisoen is veronderstel om ’n tyd van liefde, vreugde en gelukkige samesyn te wees, so hoekom vergryp party mense hulle so aan drank? Die oormatige inname van drank beïnvloed mense op verskillende maniere. Party is joviaal, ander raak moeilik of onverantwoordelik en party is net plain lastig. Alkohol kan jou gelukkiger laat voel. Ons almal ken die…

’n Mens het ’n sterk hart nodig om al die uitdagings van die lewe aan te durf! Vertel ons jou storie oor daai keer toe jy ’n sterk hart nodig gehad het en jy kan R1 000 wen! E-pos jou rubriek (800 woorde) en ’n foto van jouself (300 dpi) vir ‘Wat die hart van vol is’ na kuier@kuier.co.za met die woord RUBRIEK in die onderwerplyn of stuur dit met gewone pos na Wat die hart van vol is, Kuier, Posbus 1802, Kaapstad 8001. As ons jou hart-storie publiseer, wen jy R1 000!…

Ek het ’n interessante probleem. Ek is lief vir lag! Daarvan kan Radio Tygerberg-luisteraars getuig. Ek kry ten minste een keer tydens ’n skof ’n boodskap wat kommentaar lewer op my “laggie”. Daar word mos nie verniet gesê “laughter is the best medicine!” nie. Dit beteken nie ek is ligsinnig nie. Ek lag maklik, maar ek het nie altyd gelag nie. Ek het al soveel bitterheid in my hart gedra dat jy met my gif kon maak. En ek het geglo ek het meer as genoeg rede om só te voel. Op ses het my oom my gemolesteer en vir die een of ander rede het die realiteit van wat met my gebeur het, my eers op 16 getref. Ek het hom só gehaat! My pa het my ma se…

Enigiemand wat al op die N1 verby die Tafelbaaise hawe gery het, het sekerlik al die veelkleurige containers opgemerk wat aan die oorkant van die nasionale pad opgestapel is. Dis op hierdie groot Transnet-perseel waar die 39-jarige Lisl Botha die afgelope ses jaar as vrou haar plek volstaan. Nie in haar wildste drome het sy gedink dat sy as hyskraan-operateur sou opeindig nie. En eintlik het haar huidige werk heel toevallig oor haar pad gekom. Lisl vertel sy en haar man, Lucaan, het in 2010 vanuit Sutherland stad toe getrek. Terwyl sy by die kliëntediensafdeling van ’n winkel in Kenilworth gewerk het, het sy ’n skoolvriend in die parkeerarea raakgeloop. “Ek het gesien hy ry ’n baie grênd kar en het hom gevra waar hy werk.” Hy was by Transnet…

Die TV-reeks van Deon Meyer se topverkoper-boek Trackers (Spoor) vat die spoor vanaf die energieke strate van die Bo-Kaap tot die diepe wildernis van Zimbabwe, van die luukse landgoed in die noordelike voorstede van Kaapstad tot diep in die bendegeteisterde gebiede van die Kaapse Vlakte. Dié reeks op M-Net oor die boek kom byna ’n dekade nadat die bekroonde skrywer die storie neergepen het. En of jy nou al sy boeke gelees het of nie, Trackers was beslis een om dop te hou. Dis ’n eg-Suid-Afrikaanse storie wat deur die bestes van die bestes vertolk word. Die spanning het jou op die puntjie van jou stoel gehou. Jy wou nie jou oë knip nie, want jy was bang jy mis die aksie. Dit hett jou laat wonder tot aan die…

Wanneer jy en jou eks opbreek, is dit partykeer nie ’n “skoon breuk” nie. Julle het alles saam gedoen en saam gesosialiseer met familie en vriende en jul vriende het later mekaar se vriende geword. Daar is ook nie sogenaamde reëls oor of jou eks, sy familie of vriende nog deel van jou le-we moet wees wanneer julle besluit om jul verhouding te verbreek nie. Wanneer julle saam kinders het, is dit egter onvermydelik dat daar ten minste ’n bedagsame verhouding tussen julle moet wees vir die kinders se onthalwe. Dit is ideaal dat ouers altyd hul kinders se belange bo hul eie stel. Netso moet ouers saam belangrike besluite neem wat die kinders aanbetref en albei belangrike geleenthede bywoon, saam ooreenkom oor wie waar gaan wees vir Kersfees en…

ANTWOORD Daar is min dinge wat ’n mens so bek-af kan laat voel soos tandpyn. Hier is ’n paar wenke wat jy kan probeer: 1. Naeltjie-olie bevat ’n natuurlike verdoofmiddel. Smeer ’n druppel of twee met watte aan jou tand vir tydelike verligting. 2. Sit ’n koue, nat peppermintteesakkie direk op die seer tand vir tot 20 minute. 3. Spoel jou mond ’n paar keer met soutwater uit. 4. Drup whiskey op watte en smeer dit aan. Moenie gebruik vir kinders nie. 5. Knoffel het antibakteriese eienskappe. Mash ’n knoffeltoontjie en meng met ’n knippie sout. Smeer die pasta aan jou tand. Herhaal ’n paar keer per dag. 6. Vanilla essence smaak nie net lekker nie, maar verdoof ook jou mond. Smeer ’n klein bietjie aan die area met jou…

Nie eens vir die hiernamaals het hy haar haar mooi gesig gegun nie . . . Die 26-jarige onderwyser Allison Plaatjies (26) is einde Oktober na bewering wreedaardig in haar woonstel op Clanwilliam deur haar eks keelaf gesny. Só grusaam was die toneel dat bure aanvanklik vermoed het meer as een misdadiger is betrokke. Maar Philip April (24) van Clanwilliam, Allison se eks, het volgens Rapport skuld erken aan die polisie. Hy het glo verklap hy het alleen opgetree toe hy op 26 Oktober vir die laaste keer by Allison gaan witvoetjie soek het. Hy en Allison, oorspronklik van Swellendam en bekend as Sussie, het twee weke voor die voorval opgebreek toe sy hom afgesê het. Hy is die dag na haar woonstel, glo om haar te oortuig om hom…

GEMMERBROODROLKOEK Lewer 1 rolkoek BESTANDDELE Koek 4 eiers, geskei ¾ koppie strooisuiker (castor sugar) 1 teelepel vanilla essence ¼ koppie ongegeurde jogurt ¼ koppie stroop 125 g koekmeel 1 teelepel bakpoeier ¼ teelepel sout 1 teelepel gemaalde gemmer ½ teelepel fyn kaneel Vulsel 1 koppie room 2 eetlepels strooisuiker (castor sugar) 1 teelepel vanilla essence ½ teelepel fyn gemmer ¼ teelepel fyn kaneel METODE Koek: Voorverhit die oond tot 180 °C en voer ’n rolkoekpan met bakpapier en spuit met kleefvrye kossproei. Klop die eierwitte tot stywe punte vorm en hou eenkant. In ’n ander bak, klop die eiergele en suiker tot dik en ligter in kleur. Voeg die vanilla essence, jogurt en stroop by. Roer die meel, bakpoeier, sout, gemmer en kaneel by die eiermengsel. Vou versigtig die eierwitte…

Wanneer die winkelrakke begin kreun onder die 1 kgbokse Choice Assorted biscuits en Salticrax, swart plastiek scooters aan vislyn uit die dakke hang en matrikulante in neonkleur-T-hemde jou by elke winkelingang voorkeur met ’n vormpie om te voltooi, weet ek Kersfees is aan die kom. Elke huis en individu het sy eiesoortige gewoontes, kosvoorkeure en rituele voor of op Kersdag. Soos my ma, sit ek steeds twaalf dae voor Kersfees die Kersboom op om die Kersgevoel te kry, maar die eintlike inlywing tot die Kersgety het kleintyd reeds teen einde Oktober begin wanneer Mammie ons almal be-Vaseline het om klere en skoene in die dorp te gaan uitsit op die boek. Daarna het Ma die huis en jaart getackle. Alles is ge-whitewash – die buitemure en die bakstene wat die…