Innholdsfortegnelse for 11/13/2019 i Kuier

FACEBOOK Wat is van die vreemdste byname wat julle al gehoor het wat gaan oor hoe iemand lyk? ’n Seuntjie by my sorgsentrum se naam is Alteklein en die niggie is Alteplat. Ons het hulle só genoem omdat hulle so kleintjies en kortjies is! EDELINE OCTOBER Een seun in my klas wat nooit huiswerk gedoen het nie, het my meneer op sy sitvlak geslaan dat die stof staan. Toe doop ons hom “Stof”. MAGRETH ELIZABETH Julle het my dag gemaak hier in Serwië, Oos-Europa. My pa het my “Pietie Pan” genoem. Ek is so spyt ek het nooit gevra hoekom nie. JOHANNA PUDAR Ek weet van ’n oom wat “oom Windsluk” genoem word. Hy maak karre reg en sê altyd as die kar nog so ’n foutjie ophet, “Nee, wat…

Soms tref die waarheid ons op ’n ongewone manier om ons aandag te kry. Dit is omdat die meeste van ons regtig daarin goed is om te hoor wat ons wil hoor en te sien wat ons wil sien. Ongelukkig beteken dit dat ons dan ongemaklike waarhede ignoreer, insluitend die eenvoudige onderrig van ons Here dat ons ander moet vergewe as ons wil hê God moet ons vergewe. In Mattheüs 18:23 – 35 het Jesus Christus ’n baie ontstellende gelykenis wat die waarheid vir ons almal duidelik moet maak. ’n Dienaar skuld sy heerser meer geld as wat hy moontlik kan verdien in sy hele lewe. Toe hy nie kon betaal nie, was die Meester gereed om hom en sy hele gesin te verkoop ten einde die skuld te dek.…

Die plakkate teen dr. Mary Hames se kantoormure sê alles. “My life, my story, my terms.” “Keep your culture off my body.” “Whore”, “slut”, “hoer” . . . Almal het te doen met produksies wat studente aan die Universiteit van Wes-Kaapland (UWK) se Geslagsgelykheidseenheid (GEU) op die planke gebring het om protes aan te teken teen die endemiese geweld teen vroue. Dis op werklike ervarings gegrond, wat dit nie net ’n protesaksie maak nie, maar ook ’n skeppende helingsdaad, verduidelik Mary. Met geen dramadepartement of teater op kampus nie, het hulle al die produksies self behartig. “Ons het in byna al die belangrikste Kaapse teaters opgetree – selfs die Kaapse Konferensiesentrum – en jaarliks is ons ook by die nasionale kunstefeeste,” sê Mary trots. “Ons studente leer van verhoogbestuur tot…

1. Sluit aan by ’n lewensreddingsklub. Vat ’n kopie van jou ID saam en as jy jonger as 21 is, moet een van jou ouers toestemming gee. 2. Raak gekwalifiseerd. Tussen 8 en 14 sal jy ’n “nipper” wees. Jy moet ’n toelatingseksamen skryf om opleiding te begin. As jy 14 of ouer is, sluit jy aan as ’n lewensredder. Jy moet jou Lifeguard Award of kwalifiseringsertifikaat verwerf voordat jy op die strand mag werk. 3. As jy 30 of ouer is, kan jy deel word as ’n master. 4. As jy gekwalifiseerd is, kan jy ’n vrywilliger word of aansoek doen om ’n permanente pos. As jy oor 16 is, kan jy opleiding begin om ’n bootwerker te word of by die First Aid-span aansluit.…

Modetrends verander dalk, maar mense se liefde vir tekkies nie. Óf jy nou ’n atleet is, gereeld gym, in die berge gaan stap óf net daarvan hou om gemaklike mooi tekkies te dra en te versamel, is daar ’n tekkie vir elke persoonlikheid en doel. Style van die verlede raak ook weer gewild en kenners meen hierdie skoene sal nooit heeltemal uit die mode gaan nie. Volgens www.footwearnews.com is die Adidas Stan Smith, Nike Air Force 1, Converse Chuck Taylor All Star, Air Jordan 1, Reebok Pump, Puma Suede en New Balance 990 (ook bekend as die oorspronklike “Dad-” skoen) tans die topverkopers ter wêreld. Dis deesdae netso gewild soos toe hulle hul eerste verskyning is die 70’s, 80’s en 90’s gemaak het. Volgens Gordon Gassert, ’n produkontwikkelaar by Olympic…

Vir dekades was tatoeëring taboe, maar deesdae lyk dit asof elke Jan Rap en sy maat ’n tattoo het en dikwels is dit mense van wie jy dit nooit sou verwag nie! Tattoos word dus lankal nie meer net geassosieer met byvoorbeeld bendebetrokkenheid nie. “Tramp stamps” (’n tattoo op veral vroue se laerug) beteken ook glad nie ’n vrou is “los en beskikbaar” nie. Deesdae bou mense loopbane uit hierdie kunsvorm; realiteitsprogramme word daaroor gemaak en in Amerika het tattoos in 2018 sowat $1,6 miljard (sowat R23 miljard) gegenereer. En as jy die inkomste bywerk van piercings en tattooverwyderings groei dié bedryf se inkomste in Amerika tot ’n allemintige $3 miljard (sowat R44 miljard). Volgens ’n berig in die Sondagkoerant City Press was daar verlede jaar ongeveer 700 tattoo parlours…

Die jaar 2019 was beslis nie ’n goeie een om ’n man in Suid-Afrika te wees nie. Daarvoor het geslagsgebaseerde misdade teen veral vroue en kinders gesorg. Moorde soos dié op Jesse Hess en Uyinene Mrwetyana het skokgolwe deur die land gestuur. Woede het, met verstaanbare redes, soos ’n veldbrand onder die vroulike geslag versprei en geboorte gegee aan die #menaretrash-veldtog. Nes die vroue wat in 1956 teen die dra van dompasse geprotesteer het, het vroue van all walks of life soos een Eva opgestaan om hul eie pot goud onder die son te eis. As ’n pa wat ’n dogter grootmaak, was dit ’n eina-tydperk. Om nie te kan sien wat in die toekoms gaan gebeur nie, is vreesaanjaend. Om nie te weet wat eendag op my Abigajil in…

’n Mens het ’n sterk hart nodig om al die uitdagings van die lewe aan te durf! Vertel ons jou storie oor daai keer toe jy ’n sterk hart nodig gehad het en jy kan R1 000 wen! E-pos jou rubriek (800 woorde) en ’n foto van jouself (300 dpi) vir ‘Wat die hart van vol is’ na kuier@kuier.co.za met die woord RUBRIEK in die onderwerplyn of stuur dit met gewone pos na Wat die hart van vol is, Kuier, Posbus 1802, Kaapstad 8001. As ons jou hart-storie publiseer, wen jy R1 000!…

There is no love without forgivenss and there is no forgiveness without love.BRYANT. H. MCGILL EBED Liewe Heer, daar is die bekende gesegde: “Ek sal jou vergewe, maar nie vergeet nie.” Vandag bid ek vir een en elkeen van ons wat só redeneer. Help ons om ons denkwyse hieroor te verander. U het ons almal verskillend geskape, netso ook ons persoonlikhede. Almal se reaksie op ’n grappie is dalk nie dieselfde nie – sommige mense voel gouer geraak deur iets. Ja, die diep seer en emosies van elkeen se situasie verskil, maar in God se oë moet ons elke situasie vergewe, al is dit hoe groot of klein. Baie keer is dit baie moeilik, maar ons sien elke dag hoe kort die lewe is. Dit is kosbare tyd wat verlore…

HOU JOU TEKKIES SÓ VIR LANGER EN VARSER: 1. Sit jou skoon tekkies op ’n handdoek en spuit dit met ’n vlekverwyderaar (soos Scotchgard wat ook sal keer dat die water intrek). Laat dit goed droog word (gewoonlik 24 ure). Herhaal die proses elke een tot twee maande. Jou skoene sal vir baie langer splinternuut lyk. 2. Dra skoon kouse of secret socks saam met jou tekkies. Dit is die beste manier om jou skoene vars hou. 3. As jou tekkies ’n klankie kry, kan jy rooibosteesakkies of koeksoda daarin sit wanneer jy dit bêre. 4. Vee jou tekkies liggies af met ’n klam lap-pie. Dit sal vuilheid en modder verwyder. Vee dan saggies enige merke af. Moenie vlekke laat intrek nie, maak dit dadelik skoon. Hoe langer jy wag,…

Soos die jaar vinnig aanstap Kersfees toe, sien baie van ons daarna uit om die feesseisoen in die geselskap van hul familie deur te bring. Dis egter ’n heel ander storie as jy stoksielalleen in die wêreld is. Maar dís die harde werklikheid vir Luke Davids (18) van Heideveld op die Kaapse Vlakte. Op 17 moes Luke al man-alleen sonder die hulp van sy ma, Berenice Smith, of sy geliefde ouma, Rachel Petersen, die lewe begin trotseer. Albeiihierdie raakvatvroue in sy lewe issoorlede – eers sy ma toe hy sewe jaar oud was en toe sy ouma in November verlede jaar toe hy 17 was. Sy ouma was 76. Luke was nog altyd daaraan gewoond om saam met sy ouma met min oor die weg te kom, maar toe sy…

Liddorings pla Vraag DORING IN DIE VLIES Hallo, Dokter. Ek soek asseblief raad. Is daar dalk iets wat ek kan gebruik vir liddorings op my tone? Dit is nou al ’n paar jaar wat ek probeer om dit af te kry en dis ’n probleem om oop skoene aan te trek. Dik Antwoord BESTE DIK Liddorings ontwikkel wanneer die vel probeer om homself te beskerm teen herhaalde, oormatige druk en wrywing, en dit kan veral op die voete en tone voorkom, maar ook op die hande en vingers. Liddorings is klein sirkels harde verdikkings van die vel. Dit kan grof wees met harde knoppe wat pynlik is wanneer daarop gedruk word. Dit ontwikkel meestal op die bokant van die tone, sole van jou voete en selfs tussen die tone, wanneer…

Wanneer jy liedjies soos “I’ve had the time of my life”, “My heart will go on” of “I will always love you” hoor, kan ’n mens nie anders as om ook sommer dadelik aan die trefferfliek te dink waarin jy dit die eerste keer gehoor het nie. (In bogenoemde gevalle is dit Dirty Dancing, Titanic en The Bodyguard.) En só het elke fliek wat jy al oor en oor gekyk het, ’n klankbaan wat jou vir ewig sal bybly omdat dit jou lekker laat saamsing, -dans of -huill het. ’n Goeie fliekklankbaan is egter meer as net musiek, dit is ’n gevoel – en Kyle Shepherd (32) van Belhar in Kaapstad, is een van die mense watt verstaan hoe om daardie gevoel te skep. Hy is in Augustus bekroon met…

ANT WOORD • Sekere reuke sal jou maag laat draai – óf dit nou die aaklige reuk van die asdrom óf parfuum is. As jy nie ’n venster kan oopmaak of wegloop nie, ruik aan iets vars. Hou ’n botteltjie suurlemoen-ekstrak of roosmaryn in jou sak vir noodgevalle. • Drink baie vloeistowwe. Drink ten minste agt glase water, al voel jy naar. Hoe meer jy dehidreer, hoe naarder word jy. • Vind kos wat vir jou werk. Selfs al is eet die laaste ding wat jy wil doen, moet jy kos in jou maag kry. Smaaklose koolhidrate soos crackers, droë graankos en pretzels werk vir baie vroue. • Eet minder of meer. As jou maag leeg is, voel jy makliker naar. Só ook as jou maag oorvol is. Peusel gereeld…

“My eerste herinneringe van die strand is die foto’s wat geneem is.”MARC LOTTERING November is ’n tyd om te begin ontspan, ’n bietjie terug te sit en die afgelope jaar te vier. Vir die komediant Marc Lottering (51) is dit ’n gunstelingtyd van die jaar. So, if the festive season was a person . . . Dan is dit Marc Lottering! “Ek sal jok as ek sê daar is iets waarvan ek nie in dié seisoen hou nie. It lends itself to my personality! Die musiek, die crowds, die chaos, die lekker weer . .. Dit voer my siel en my kreatiwiteit. Dis baie deel van wie ek is om mense rondom my te hê.”Vir hom is dit werklik the most wonderful time van die jaar, wanneer hy op sy…

Menige jong man op die Kaapse Vlakte het al onskuldig met sy lewe geboet as gevolg van mistaken identity. En dít is presies wat met Wayne Dickens (25) van Lavender Hill gebeur het toe ’n onbekende man hom drie maande gelede twaalf keer vol lood gepomp het. Wayne het wonderbaarlik oorleef en slegs een van sy organe, sy long, is in dié sinnelose aanval beskadig. Wayne, beter bekend as Junior, het nie net oorleef nie, maar ook ’n tweede kans op die lewe gekry. En hiervoor is hy ontsettend dankbaar. Junior weier ook om sy energie te vermors deur ’n wrok te koester teen sy vermeende aanvaller, wat steeds op vrye voete is. Hy het hom vergewe, al het die aanval veroorsaak dat sy lewe nooit weer dieselfde gaan wees…

Baie van ons het grootgeword met die smeulende lywe van Baywatch se lewensredders wat in stadige aksie op die strand hardloop in hul rooi baaibroeke. Tog is dit nie altyd net son en suntan lotion nie. Het jy al ooit gewonder hoe dit is om werklik die verantwoordelikheid van ander se lewens in jou hande te hê? Vir Ashley Bess (38) van Ravensmead buite Kaapstad, is lewensredding ’n passie. Hoewel hy kleintyd ’n rekenmeester wou word, kan hy homself nie nou in enige ander beroep sien nie. “Toe ek grootgeword het, het ons maar min see toe gegaan. Ons het eintlik meer by publieke swembaddens uitgehang,” onthou hy met ’n glimlag. Gelukkig vir hom was die Ravensmead-swembad die Kogelbaai-surf-lewensreddingklub se opleidingsbasis. Hier het hy vriende gemaak met van die lewensredders…

Sit die huppel terug in jou stap met gehalte-tekkies van Olympic International. Hul tekkies is ekstra lig en koel. Dit sal jou ondersteun of jy nou draf, voor die braaivuur is, winkels toe gaan of saam met jou mense kuier. Jy kan kies en keur tussen tekkies wat van die beste tegnologie gemaak is en gemaklik en stylvol is. Gunsteling-style sluit in Icarus, Eclipse, Surge, Zone, Rapture, Peak, Midas, Flash en Achilles. Koop Olympic se tekkies by www.boltonfootwearonline.co.za.…

Een oomblik is jy nog oukei, maar ewe skielik word jy oorrompel deur ’n maagkramp wat jou dubbeld laat vou en in ’n koue sweet laat uitslaan. Die pyn kom in onuithoudbare golwe van marteling. Jy moet hardloop vir die toilet en dit voel asof jy wil doodgaan. Moeg, lam en tam met ’n hoofpyn wat in jou kop klop. ’n Naarheid stoot in jou keel op en al voel dit asof jy al lankal leeg is, kom die droë hyging soos die laaste van jou binneste dreig om by jou mond uit te brul terwyl jy koorsagtig, seer van kop tot toon en met koue rillings spyt wens jy het liewer nooit geëet nie . . . Vra maar vir Melody van Graan (37) van Oos-Londen wat op ’n…

Vannie pad af Vraag VRIENDIN VAT DWELMS Ek het ’n vriendin wat soos my suster geword het, iewers langs die pad verloor. Ons is saam op skool en in dieselfde klas. Sy het onlangs betrokke geraak by ’n groep meisies wat deurmekaar is met alkohol en dwelms. Sy bank klasse, doen dwelms en slaan nou even aan haar ouers. Wat kan ek doen om haar te help? Watter tipe raad kan ek haar gee om te keer dat sy haarself verder verloor? BEKOMMERD Antwoord BESTE BEKOMMERD My hartjie, jou vriendin het dringend hulp nodig anders gaan sy absoluut verlore wees. Daar is definitief iets wat haar pla waaroor sy nie wil praat nie. As haar ouers ook nie beheer oor haar het nie, kan jy haar oorreed om ’n berader…

Trauma kan meegebring word deur ’n groot skok of oor ’n langer tydperk deur ’n reeks kleiner stresverwante gebeurtenisse wat die liggaam se vermoë om dit te verwerk, onder druk plaas. Ons kan sekondêre trauma beleef deur ander se vertellings of beeldmateriaal van ontstellende gebeure. Emosies is energie in mosie. Dit beteken dit moet vloei. Onderdrukte emosies lei tot ’n opbou van emosies wat iewers in die energie-liggaam vassit en siekte en energie-blokkasies kan veroorsaak. Dit kan ook ’n baie negatiewe uitwerking op jou denkpatrone en sodoende jou lewenstandaard het. As ons dink aan die gewilde frases, “We are what we think” en “You attract your most active thoughts”, dan maak dit net sin dat ons met ons vrye wil van dink en doen mede-vervaardigers van ons realiteit is. Laat…

Niemand kan die kloue van advertensies ontsnap nie. Dit beheer ons huishoudings, wat ons eet, wat ons drink, selfs wat en hoe ons dink en waarom ons só moet dink! TV-advertensies is waarskynlik elke keer in die kol juis omdat die tydgleuwe waarin dit gewys word, haarfyn uitgewerk is om met ons koppe te smokkel. Let mooi op dat hulle presies weet wanneer om die babadoeke en resepte te adverteer; wanneer en tydens watter programme naskeermiddels en skuimende bier vir mans geadverteer word; of wanneer tieners by die huis is sodat hulle koeldrank en lekkergoed kan wys. Van toeka af het vervaardigers van huishoudelike produkte met mekaar meegeding, veral produkte wat dieselfde doel dien soos koffie en tandepasta. Só het ons ouers geglo net ’n sekere waspoeier werk regtig. Gaan…