Innholdsfortegnelse for 10/16/2019 i Kuier

“Woorde kan nie my groot dankbaarheid beskryf vir die wonderlike konsert nie. Kuier verdien dit om al die sukses te geniet, want jul harte is duidelik op die regte plek. En ek kan net sien hoe die tydskrif van sukses tot sukses gaan groei. Ek voel bevoorreg om een van jul eie genoem te word.”AMY KLEINHANS-CURD Die konsert om ons tiende bestaansjaar te vier, was beslis een vir die boeke! Lesers kan nou nog nie uitgepraat raak van hoe hulle die aand geniet het nie. Die kunstenaars was asemrowend en die orkes uit die boonste gestoeltes. Ons kan net baie dankie sê aan almal wat die aand moontlik gemaak het, want ’n event soos dié gee ons kunstenaars die geleentheid om hul talent te wys. ’n Spesiale dankie aan Artscape…

Stel jou die volgende voor: Jy sit in ’n restaurant en skuif die glas waaruit jy so pas koeldrank gedrink het, van jou af weg. Dan druk jy die strooitjie in jou mond en . . . eet dit op. Ja, jy het reg gehoor, ’n ekovriendelike strooitjie wat in verskillende geure kom en lekker genoeg smaak dat jy dit wíl eet; en nie ná ’n paar slukke soos so baie papierstrooitjies in ’n pappery ontaard nie; en boonop help om die toenemende probleem van plastiekbesoedeling teë te werk. Maar selfs al wil jy dit nie eet nie, kan jy dit maar net in die tuin gaan weggooi omdat dit biodegradeerbaar is. Die brein agter hierdie konsep is die jong entrepreneur Leila Siljeur, ’n tweedejaarstudent in chemiese ingenieurswese aan die…

Volgens die Suid-Afrikaanse polisiediens se uebtuiste is ’n beskermingsbevel daarop gemik om die herhaling van huishoudelike geueld of seksuele teistering te voorkom. Dit moet aandui van uatter gedrag die beueerde oortreder homself (dit uord meestal teen mans uitgehaal) van moet ueerhou. As die beueerde oortreder enige bepaling van die beskermingsbevel oortree, kan hy gearresteer uord. Sodra ’n beskermingsbevel toegestaan is, kan dit enige plek in die land afgeduing uord. Sodra ’n beskermingsbevel toegestaan uord, verval dit nooit. Volgens Family Lau se uebtuiste kan dit egter geuysig, teruggetrek of tersyde gestel uord indien die klaer aansoek doen, maar slegs as die hof oortuig is die aansoek uord vryuillig gedoen. “Indien die klaer die bevel uil kanselleer, moet sy skriftelik ’n beëdigde verklaring by die hof indien. Die hof sal die aansoek…

Sooibrand Vraag SUKKEL MET SUUR Ek sukkel baie met sooibrand. Dit lyk asof die suur vanself opkom. Dit maak my naar en gebeur ook al eet ek nie sterk kos nie. Wat kan ek doen? RAADOP Antwoord BESTE RAADOP Baie mense beskryf sooibrand (heartburn) as ’n brandende en ongemaklike gevoel in jou keel of net onder jou borsbeen. Ander ervaar dit as ’n pynlike of branderige gevoel in die boonste deel van die buik of bors – partymaal ook in die rug. Dit duur gewoonlik ’n paar minute. Dit word ook beskryf as ’n gevoel dat jy dadelik moet regop sit, want dit bereik die keel en proe suur of branderig. ’n Klein groepie mense vind dit moeilik om asem te haal en begin hees klink omdat die maagsure die…

Sagkens gestel – dis geen maklike taak om Doreen Morris vir ’n onderhoud vas te pen nie. Die een dag is sy seremoniemeester vir ’n korporatiewe funksie, die volgende dag is sy voor die kameras as televisie-aanbieder van ’n aktualiteitsprogam, net om die dag daarna agter die skerms in te skuif as vervaardiger van ’n inspirerende TV-program. En dan reis sy boonop die hele land hiervoor vol. “Wanneer die meeste energizer bunnies nie meer energie oorhet nie, kan ek nog uithou en aanhou ” lag dié 61-jarige TV-persoonlikheid en sakevrou. Doreen se lewe word tans oorheers deur haar verpligtinge as onafhanklike vervaardiger van TV-programme. Dis iets wat sy baie geniet – die mense wat sy ontmoet vir ’n program soos Kuier-mense op VIA, die inspirasiestories wat daarmee saamgaan en die…

Republiek van Zoid Afrika, Dinsdag 22 Oktober om 20:30 Die trane gaan loop wanneer Karen met die legendariese Johnny Clegg gesels – dit was ’n jaar of so voor sy dood. Daar is ook tyd vir lekker lag met Erns Grundling en Schalk Bezuidenhout se kuier. Arendsvlei, Maandag 21 Oktober om 20:00 Die matriekklas van 2019 se laaste skooldag is vol emosies, verrassings en ongemaklike situasies. Wesley aanvaar die gevolge van sy aksies. Beatrice maak vrede met ’n toekoms alleen en Daniel kry ’n blyplek. Suidooster, Donderdag 17 Oktober om 18:30 Wade en Lee-Ann kry vreemde boodskappe van Zoë. Die Gerbers staan voor ’n moeilike besluit en Siya bereik ’n keerpunt.…

Toe ons kinders was, was reëls tot die uiterste toegepas. Oral waar jy jou bevind het, was daar reëls. Jou hele lewe het uit reëls bestaan en ek glo dis omdat ouers geweet het jy gaan veilig wees danksy daardie reëls. Selfs uit die oë van jou ouers, het jy geweet om by die reëls te hou. Die spreekwoord “jou kind is my kind” is tot op die letter toegepas. Ander grootmense kon met jou raas en jou selfs ’n pak slae gee sonder dat jou ouers ’n probleem daarmee gehad het. ’n Goeie pak slae was aan die orde van die dag. Ek kan nog onthou hoe ek en my broers een Sondag moes les opsê omdat ons nie kerk toe was nie. Kerk toe gaan was een reël…

TE KOOP VANAF 14 OKTOBER! Ons eerste groot wenkeboek, KuierCombo Wenke 2019, is hier! Oor die afgelope tien jaar het ons lesers getrou elke maand wenke ingestuur en ons het besluit om alles nou in een boek saam te stel sodat jy nie elke keer hoef te gaan soek in watter Kuier jy dit gesien het nie. Die wenkeboek is propvol advies, rate en tips vir jou huis (skoonmaak, kosmaak, wasgoed), gesondheid en kinders. Slegs R27 – so kry joune! ANT WOORD Muf hou van klam, warm toestande soos in jou badkamer. Wanneer jy die probleem takel, maak seker jy beskerm jou oë, dra handskoene en ’n gesigmasker. Maak die vensters oop of sit ’n fan aan. 1. Maak ’n mengsel van chloor-bleikmiddel en water: Meng een deel bleikmiddel met…

Indien jy jou hande vir jou kind lig, is daar ’n goeie kans dat jy as ouer op die rooi tapyt gaan beland. Dít volg nadat die land se hoogste hof onlangs beslis het dis nou ongrondwetlik om kinders tuis ’n pak slae te gee. Hoofregter Mogoeng Mogoeng wou net mooi niks weet van die Vryheid van Godsdiens in Suid-Afrika-organisasie se pleidooi dat die “redelike en matige tugtiging” van kinders aanvaarbaar behoort te wees nie. Hy reken volwassenes behoort eerder meer doeltreffende maniere te soek om hul kinders te straf. Verskeie ouers met wie Kuier sedert die Grondwethof se uitspraak gepraat het, hou vol die regering sal nie aan hulle voorskryf hoe om hul kinders tuis te dissiplineer nie. Maar ander glo weer die uitspraak kan uiteindelik lei tot ’n…

1. Hoewel plastiekstrooitjies die meeste skade aandoen, kan sommige alternatiewe vir plastiekstrooitjies steeds ’n gevaar vir die seelewe inhou. Enkelplastiekprodukte het ’n verwoestende uitwerking op ekosisteme en die dierewêreld. 2. Daar word voorspel dat daar teen 2050 dalk meer plastiek as visse in die see kan wees. 3. Leila se ekovriendelike strooitjie kom in verskillende geure. 4. Die strooitjie word nie pap wanneer dit in ’n vloeistof gedruk word nie. 5. Al hoe meer restaurante vervang deesdae hul plastiekstrooitjies.…

FRIKKADELLE IN TAMATIESOUS Genoeg vir 4 BESTANDDELE Frikkadelle 500 g maalvleis 1 middelslagui, gerasper 1 x 3 cm-knoets vars gemmer, gerasper 3 knoffeltoontjies, fyngekap 2 teelepels fyn koljander 1 teelepel fyn komyn (cumin) ½ teelepel rooipeper Sout en varsgemaalde swartpe- per na smaak ’n Handvol koljanderblare, gekap Sous 1 eetlepel olie 2 uie, fyngekap 1 eetlepel matige kerriepoeier 6 groot tamaties, geskil en fyngekap Sout en varsgemaalde swartpeper na smaak 300 ml beesvleisaftreksel METODE Frikkadelle: Meng al die bestanddele vir die frikkadelle in ’n groot bak. Gebruik jou hande om te sorg dat dit goed gemeng is. Vorm frikkadelle so groot soos tafeltennisballe en plaas op ’n bord in die yskas terwyl jy die sous maak. Sous: Verhit die olie in ’n groot swaarboompan en braai die uie tot goud…

Om jou kind die voldoende ondersteuning te gee vir die matriek-eindeksamen begin nie eers in matriek nie. Dis ’n vertrouensverhouding en ondersteuningstelsel wat regdeur die skoolloopbaan opgebou en opgebou moet word. Dis ’n baie fyn balans tussen genoegsame liefdevolle aanmoediging omdat jy glo hulle moet hul beste lewer en die versekering dat hul beste goed genoeg is. Dis belangrik dat ouers tevrede is wanneer kinders werklik hul persoonlike beste lewer, sodat kinders weet die wêreld gaan nie vou omdat hulle nie aan hoë – soms onrealistiese – verwagtinge van hul ouers voldoen het nie. Hoewel dit belangrik is om jou kinders regdeur hul skoolloopbaan genoegsaam en gebalanseerd te ondersteun, is dit nooit te laat om aan daai vertroue te bou nie. Ons moetnie toelaat dat ons stres en onrealistiese verwagtinge…

’n Mens het ’n sterk hart nodig om al die uitdagings van die lewe aan te durf! Vertel ons jou storie oor daai keer toe jy ’n sterk hart nodig gehad het en jy kan R1 000 wen! E-pos jou rubriek (800 woorde) en ’n foto van jouself (300 dpi) vir ‘Wat die hart van vol is’ na kuier@kuier.co.za met die woord RUBRIEK in die onderwerplyn of stuur dit met gewone pos na Wat die hart van vol is, Kuier, Posbus 1802, Kaapstad 8001. As ons jou hart-storie publiseer, wen jy R1 000!…

Suid-Afrikaanse TV-kykers was lank gewoond daaraan dat ouer mense die rolle van jonger karakters uitbeeld, maar nou is daar ’n nuwe golf millennials wat die vermaakbedryf en ons kassies soos die stormsterk Suidoosterwind getref het! Kuier het met drie van die kykNET-sepie Suidooster se jongste akteurs, Lauren Joseph (29), Dean Smith (25) en Vashti Prins (25), gesels en dié drie het dit sommer uit die staanspoor duidelik gemaak hoekom hulle nie sommer op hul baadjies getakseer moet word nie. Hulle is dit eens: Moenie vir millennials so vlak aankyk soos julle TV kyk nie! Lauren, Dean en Vashti is soos ’n vars briesie met hul uiteenlopende persoonlikhede. En al is hulle van mening dat dit nie in enige man (of vrou) se broek sit om in dié bedryf te oorleef…

“Sit ’n blommekrans op en nooi jou familie en vriende oor vir ’n teepartytjie in jou tuin.” Daar is niks beter as om iets te plant en dan maande of jare later die resultaat daarvan te geniet nie. Óf dit nou groente en vrugte is, helderkleurige blomme wat die oog vang óf om jare later te ontspan in die skadu van ’n boom. Op Sondag 20 Oktober vier ons Tuindag. Dié spesiale dag is geskep sodat jy agteroor kan sit en die vrugte van jou arbeid geniet. Pak weg jou gereedskap, sit ’n blommekrans op en nooi jou familie en vriende oor vir ’n teepartytjie en deel saam in die vreugde van jou tuin op Tuindag. Tuinmaak is ’n liefde, ’n passie en iets wat bevrediging gee soos min ander…

Een van die goed wat my ouers my geleer het, is om nie na ander mense te kyk as hulle eet nie. Hoekom weet ek nie, maar dit is een van baie dinge wat ek vroeg reeds besluit het om nie gehoor aan te gee nie. Ek hou van na mense kyk. As hulle sit, as hulle staan en as hulle loop. En veral as hulle eet. In ’n huis vol seuns kon jy groot verloor as jy nie jou oë op jou kos gehou het nie. Al is daar ook gebid, moes jy maar op ’n skrefie loer om seker te maak jou vleis word nie gegaps nie. Jy moes ook kyk om seker te maak jou een broer het nie meer as jy gekry nie. In my lewe…