Innholdsfortegnelse for 10/2/2019 i Kuier

FACEBOOK Ons land is geruk deur die vlaag van geweld teen vroue en kinders. Waar lê die probleem en waar kan ons begin om dit aan te spreek? Die probleem het begin toe die Woord van God uit die skole, die regering en oral verwyder is. Die vrye toegang tot pornografie, aborsies, goddelose wette onder meer dra by tot die gewelddadige wêreld waarin ons lewe. BONITA HARTNICK-VAN WYK Die doodstraf moet ingebring word. Dit sal baie van die moordenaars, rapists en geweld laat bedaar, want mense sal bang wees en twee keer dink om sulke dinge te doen. BERENICE ARENDSE Ons vroue moet saamstaan en opruk parlement toe en eis dat die doodstraf moet terugkom. SOPHIA M LIDDELL Ek dink die probleem lê definitief by die regstelsel en wette wat…

Toe hy maar net 17 jaar oud was, het hy drie van die tien gebooie op een aand gebreek. ’n Mens lees in Eksodus jy moenie moord pleeg nie, moenie steel nie en moenie ander se goed begeer nie, maar in Vrouemaand 2003 het Ernesto Love (toe 17, nou 33) van Vredendal aan die Weskus aldrie gedoen. Op die laaste aand van sy eindeksamen by ’n tegniese kollege daardie jaar wou hy die begin van ’n nuwe hoofstuk vier. Hy het daarvan gedroom om ’n mechanic te word, maar min het hy geweet daardie aand sou in ’n dubbele moord eindig en sy blink toekoms in ’n oogwink verduister. ’n Verkeerde besluit sou hom nie net sy vryheid kos nie, maar ook die lewens van twee onskuldige vroue en daardie…

Op Vrydag 6 September 2019, is Suid-Afrika tot stilstand geruk. Chester Williams (49), oud-Springbokvleuel, goue seun van rugby, legende van 1995 se seëvierende Bokspan, is op dié dag aan ’n hartaanval oorlede. Hý wat juis sy pad in ons harte oopgespeel het met sy sonderlinge talent, wat ons harte warm laat klop het van trots, was nou nie meer daar nie. En ons is stukkend, want hy ís vir ons familie. Dis ’n paar weke ná sy skielike sterfte, die begrafnis is reeds verby en huldeblyke het reeds oor en oor sy lof besing, maar vir ons het die tyd stil gaan staan. Chessie, soos hy geliefd bekend gestaan het, het sy heldestatus verdien. Voor die 1995-Wêreldbeker het hy reeds sy merk gemaak in provinsiale wedstryde en vir die Bokke.…

AVO-EN-TUNA-SNOEKPASTASLAAI Genoeg vir 4 (as hoofmaal) BESTANDDELE 250 g penne-pasta 3 stingeluie (spring onions), fyngekap ½ koppie mayonnaise 1 eetlepel suurlemoensap Rocket-blare (of ander blare van jou keuse) 1 blikkie tuna in olie, gedreineer en gevlok 200 g gerookte snoek, vel en grate verwyder en gevlok 2 eiers, hardgekook en in skyfies gesny 10 – 13 ontpitte swart olywe Sout en varsgemaalde swartpeper na smaak. 2 ryp avokado’s, in skywe gesny Suurlemoenskyfies vir versiering METODE Kook die pasta volgens die instruksies op die pakkie en dreineer. Laat dit afkoel en giet in ’n opdienbak. Meng die res van die bestanddele by, behalwe die avokado’s, en geur met sout en peper. Rangskik die avokadoskyfies bo-op, geur met ekstra sout en peper en versier met suurlemoen. Bedien met ’n lekker varsgebakte brood.…

Daar is nie ’n beter manier om die nuwe seisoen aan te durf as met die nuutste haartrends nie. Laat die koppe draai soos ’n celeb met beach waves, braids en funky kleure. KORT BOBS: Dis die gemaklikste haarstyl om te dra veral in die somer (om die hare uit jou nek te hou). Jy kan jou hare vinnig droog blaas en ’n flat iron daardeur trek en af finish met ’n smoothing spray of lotion. Met haar kort bob lyk die aktrise Emilia Clarke sommer heel anders as die karakter Daenerys wat sy in Game of Thrones vertolk. BEACH WAVES: Dié styl is basies los, gemaklike lokke (soos wanneer jy jou vingers daardeur trek om dit volume te gee). Dit sal werk vir enige haarlengte. As jy nog old…

KAN JY MET CONDITIONER AAN JOU HARE LOOP? Moenie conditioner vir dae lank aanhou nie. Dit maak jou hare olierig en veroorsaak ’n aanpaksel op jou kopvel. Gebruik Batiste Dry Shampoo (Heavenly Volume) (R89,99). Dit reinig jou hare en gee dit volume. Karen Botha van Inoar sê sommige leave-in conditioners kan ook gebruik word as ’n heat protector en vir afronding. Inoar Thermoliss Antifriuu leave-in conditioner (R440). WATTER TIPE JEL KAN EK GEBRUIK VIR ’N WET LOOK? Haarjels is nie meer soos dié wat jou antie gebruik het nie. ’n Mens moenie kan sien jy het baie produk aan jou hare nie. Dit moet lyk asof jou haartekstuur van nature só is. Gebruik ’n stileringsroom met shea butter soos Authentic Beauty Concept Shaping Cream (R410) vir ’n perfekte wet look.…

Skouer bly styf Vraag HELP MET PYN Hallo, Dokter. Ek soek na ’n remedy vir my frozen shoulder. Dit is baie seer en ek wag op ’n datum vir ’n operasie. SEER Antwoord BESTE SEER Frozen shoulder (gevriesde skouer) veroorsaak pyn en styfheid in die skouer wat met tyd vererger. Dis meer algemeen in vroue en tussen die ouderdom van 40 en 60 jaar. Die skouer is ’n bal-en-pootjie-gewrig en bestaan uit drie bene: die bladbeen aan die agterkant, die bo-armbeen aan die sy en die sleutelbeen aan die voorkant. Die gewrig en senings word omring deur sterk bindweefsel wat die skouerkapsel genoem word. In ’n gevriesde skouer verdik die skouerkapsel en word dan styf. In baie gevalle is daar minder smeervloeistof in die gewrig. Dit veroorsaak dat die skouerbewegings…

Ouers is met reg bekommerd oor die magdom negatiewe gevolge van die tyd wat kinders op tegnologie spandeer. Studies waarsku onder meer teen die gevolge van sosiale isolasie, die onvermoë om te kan konsentreer, aanlynboelies, swak taalgebruik en die blootstelling aan pornografie. Waar trek ons die lyn as dit kom by ons kinders wat sosiale media gebruik? Dis belangrik om altyd ’n oog te hou op jou kind se gebruik van sosiale media, dat hulle dit net in jou teenwoordigheid gebruik – nie in die kamer nie. Só kan jy ook agterkom as jou kind sosiaal geïsoleerd word as gevolg van die tyd wat sy aanlyn in plaas van met vriende deurbring. Jy sal ook kan agterkom of sy tekens van angs toon wanneer daar nie tegnologie beskikbaar is nie,…

Dis belangrik om die verlede te laat gaan en aan te beweeg. Ek het nooit gedink ek sal dit wat met my gebeur het, ooit met die wêreld deel nie. Dit is nou al so lank deel van my en ek moes vir jare maak asof alles fine is. Maar dit is lente en ’n kans om van goed ontslae te raak en die nuwe mooi goed te laat blom. Ek het op Keimoes grootgeword, ’n klein plekkie buite Upington in die Noord-Kaap. Ek is gebore met ’n regteroog wat kleiner is as die linker-een. As gevolg hiervan kan ek net gedeeltelik sien met die kleiner ogie. Ek moes gereeld hoor dat ek “skeel kyk”, ’n “een oog” het en ek was soms “koors brilletjies” genoem. Ek het sommige aande…

Daar is iets anders aan die akteurspaar Ingrid Paulus (42) en Denver Vraagom (47). Dít is die eerste gedagte wat by ’n mens opkom wanneer Ingrid, Denver en hul dogter, Skye (15), aankom vir die voorbladfotosessie. Aan die een kant lyk dit asof die lewe en die klippe wat dit oor jou pad kan rol, hulle ’n bietjie beetgekry het. Maar wanneer ons teenoor mekaar gaan sit, rustig raak en soos ou vriende begin opvang, val ’n glans oor Ingrid se gesig en ’n kalmte oor Denver jou op. Op haar beurt is Skye tipies tiener en stel nie veel belang in die grootmense rondom haar nie. Sy is veel meer geïnteresseerd in haar tablet waarop sy met oorfone Bollywood-flieks kyk. Die laaste keer toe Kuier al drie lede van…

Klim ’n mens saam met Michelle Marco die amper 90 trappies vanaf Lionstraat na die boonste ingang van die Bo-Kaapse konstruksieterrein waarop sy tanss werk, sou jy nooit kon raai dat sy ’n double amputee (albei haar bene is afgesit) is nie. ’n Mens sukkel om by dié 29-jarige te hou, al moet sy met twee prosteses oor die weg kom. Die enigste teken datt iets anders is,, is haar voete wat effens na binne draai. Daarna volg ’n staptog van die een verdieping na die anderr tussen bourommel deur – plek-plek boonop in die donkerte – voordat ons uiteindelik by ’n stil plekkie kom waar ons kan gesels. Danksy die manier waarop sy grootgemaak is, glo sy dat niks onmoontlik is nie. En nett vir die rekord: Sy meet…

Ná die skielike dood van sy pa en die grusame moord van sy ma ’n jaar later, moes Karel Esau (31) ’n manier vind om sy seer, woede en skok te verwerk. Want al was hulle nooit ’n ryk of perfekte gesin nie, was hulle lief vir mekaar. Dis juis daarom dat sy ma se dood Karel nóg dieper getref het, want nie net is sy ma vermoor nie; Karel moes ook uitvind dat sy jonger broer daarvoor verantwoordelik is . . . Skryf het toe sy uitlaatklep en redding geword en hy weet nou jy kan nie toelaat dat die verlede jou toekoms vernietig nie. Die lewe het regtig al ’n paar traumatiese draaie met Karel gevat. Hy is oorspronklik van Stilbaai, maar woon deesdae in Wynberg in die…

As jy wil hê jou hare moet jou gesig mooi frame, kleur jou voorste hare by jou gesig van die wortels tot die punte ligter. KLEUR: Ná die winter is dit die tyd om ligter te gaan met jou haarkleur. ’n Ligter kleur gaan met die somer en lig ook jou gemoedstoestand. Kies caramel of copper highlights as jy wil ligter gaan, maar nie te veel wil waag met kleur nie. As jy egter wil uitstaan en funky wil wees, kleur jou hare pers, maroon of groen. Onthou net enige kleur het goeie nasorg nodig.…

Die woede op my pa se gesig is onmiskenbaar. Hy stoot sy bord kos van die tafel af toe my ma die rok en hakskoene vir hom wys wat ek na die matriekafskeid gaan aantrek. My oog vang die frikkadel wat soos ’n albaster oor die kombuisvloer rol tot by my voete. Dit laat my dink aan wanneer my ma altyd sê: “Die een antie se ou brood, is ’n ander antie se frikkadel”. “Ek maak nie moffies groot nie!” bulder my pa se stem. Sy koffie stort soos hy dit gryp en in die voorkamer gaan sit. Hy sit die TV kliphard op ’n ou game van die Bokke amper asof hy niks anders wil hoor behalwe “pass die ball” en “tackle” nie. “Hier’s rugby op!” hoor ek hom…

’n Mens het ’n sterk hart nodig om al die uitdagings van die lewe aan te durf! Vertel ons jou storie oor daai keer toe jy ’n sterk hart nodig gehad het en jy kan R1 000 wen! E-pos jou rubriek (800 woorde) en ’n foto van jouself (300 dpi) vir ‘Wat die hart van vol is’ na kuier@kuier.co.za met die woord RUBRIEK in die onderwerplyn of stuur dit met gewone pos na Wat die hart van vol is, Kuier, Posbus 1802, Kaapstad 8001. As ons jou hart-storie publiseer, wen jy R1 000!…

ANT WOORD 1. Al wat jy nodig het, is ’n verband of pleister, Vaseline en ’n naelvyl. Elke aand voor jy gaan slaap, vryf ’n bietjie Vaseline op die liddoring en bedek met die pleister of verband. Vyl dit soggens saggies met die naelvyl. Herhaal totdat dit verdwyn – gewoonlik tussen 10 en 14 dae. Moenie die naelvyl vir enigiets anders gebruik nie. 2. Plak ’n stukkie pynappelskil, sappige deel na onder, vas op jou liddoring. Die ensieme sal dit versag sodat jy dit maklik met ’n klip kan afvryf. 3. Smeer vlassaadolie (flax seed oil) op ’n sagte, klein lappie en bedek jou liddoring saans daarmee. Bind dit vas met ’n verband. Vyl dit saggies soggens. 4. Knip ’n klein stukkie aloeblaar af en smeer die sap op die…

AIRTOUCH BALAYAGE Dis die nuutste tegniek om verskillende kleure te meng. AirTouch highlights is wanneer lug, in plaas van teasing/backcombing, gebruik word om ’n soomlose vermenging van jou kleur te bewerkstellig (dit beteken die een kleur vloei amper in die ander). Balayage is die skakerings tussen lig en donker. STAP 1: Die stilis gebruik ’n spesiale haardroër vir dié tegniek. Die kort en lang hare word van mekaar geskei deur dit met dié haardroër te blaas. Verskillende kleure word aan die verskillende lengtes aangewend. ’n Lighting powder word aan die kort dele aangewend om dit ligter te maak. STAP 2: Die lang dele word donkerder gekleur. Die stilis het ’n skakering van sjokolade gebruik. Die resultaat is dat daar nie ’n duidelike skeidslyn tussen die kleure is nie, maar…

1 Alle Suid-Afrikaners sal verpligte lede word van die NHI en toegang hê tot gratis gesondheidsorg. 2 As jy ’n salaris verdien, sal jy ’n bydrae moet maak tot die NHI. 3 Die staat sal medisyne vir alle pasiënte dek. 4 Jy sal ’n huisdokter of primêre gesondheidsversorger, soos ’n kliniek, hê. Hulle sal jou eerste kontakpunt wees en jou verwys na spesialiste indien nodig. As jy nie dié roete volg nie, sal die NHI nie jou uitgawes dek nie. 5 Jy sal nie direk na ’n spesialis toe kan gaan nie, wat pediaters en ginekoloë insluit, en daar sal moontlik ’n waglys wees. 6 Mediese dienste sal gratis wees, sonder bybetalings, mits dit deel is van die diensleweringslys, wat elke jaar deur die regering nagegaan sal word. 7 Voorbeelde…

Enigeen wat al die Kaapse komediant Wayne McKayy in aksie gesien het, weet dié man kan jou laat lê vandie lag. En op 43 is hy nog ver van klaar! Maar Wayne het nooit gedink hy sou eendag sy brood en botter verdien deur mense te laat lag nie. Want kyk wat het gebeur toe hy as kind moes deelneem aan sy kleuterskool se Kersvertoning. Wayne vertel hy was so skaam dat hy die hele vertoning met sy rug na die gehoor gestaan het. Vir twee weke ná die konsert het almal hom daaroor gespot. Hy het homself toe belowe hy sal nooit weer weg van ’n gehoor draai nie en vandag tree hy elke week voor honderde mense op. Met soveel mense watt voor hom sit en soveel oë…

Om in vandag se dae ’n kroeskop te dra, moet jy hare op jou tan-de het. En geld. En tyd. Dit sit nie in enigeen se broek om elke dag met ’n afro on fleek by die werk of skool op te daag nie. Daar is van die gelukkiges wat elke liewe dag met ’n wash and go kan regkom. Vir die res van ons is dit nie net harde werk nie, maar kos die maintenance van ’n kroeskop of natural hair ook baie geld. Daarom kan ek nie verstaan waar kry mense die lewer (die vermetelheid) om jou vierkantig in die oë te kyk en vir jou te sê: “Nee wat, natural hair pas nie by jou nie.” Verskoon tog, wil jy miskien daai kwessie met my Maker uitklaar?…