Innholdsfortegnelse for 9/18/2019 i Kuier

BOODSKAPPE September is Kuier se verjaardagmaand en ons is ’n volle tien jaar oud! Ons pragtige verjaardag-uitgawe het groot reaksie ontlok: Lief die nuwe Kuier (4 September)! So lekker om van die ou Kuier-werkers in die boek te sien. Llewellyn (’n Egte connection), die stil outjie wat vroue mal gehad het met sy song by een van die Pienk Plesier events met sy singery en wragtie een leser se hart gewen het en vandag staan die twee op trou! Vania (Die seer en seëninge), met haar pragtige smile wat sorg dat almal mooi lyk. Saafia, ene wie se voete altyd gejeuk het en haar lyf ’n tyd gegee het by die events. Simone wat altyd op ’n drafstap was by events en omgesien het dat als glad verloop! Al is…

Meng sand en olie in’n kissie en druk jou tuingereedskap daarin. Die sand skraap die metaal skoon en die olie voorkom roes. Só bly jou gereedskap ook op een plek. HESTER ABDINOR, KLERKSDORP Hester wen essence-produkte ter waarde van R1 000. Beskikbaar by: Dis-Chem, Clicks, Takealot, Zando, Foschini en uitgesoekte Jet-winklels. essence-tip Gebruik bronzer om vorm aan jou gesig te gee. Wend dit aan jou voorkop, net onder jou wangbene en kakebene. Probeer Catrice mattifying bronzer.…

Toe sy op Vrouedag gekroon is as die nuwe Mej. Suid-Afrika, het ons geweet Zozibini Tunzi (25) van Sidwadweni in die Oos-Kaap is anders. Met haar natuurlike kort hare lyk sy nie soos enige Mej. Suid-Afrika wat ons voorheen gehad het nie en hoewel sy groot drome vir ons land en sy mense het, is sy ook nie blind vir die uitdagings wat Suid-Afrikaners daagliks in die gesig staar nie. Dít het ons dadelik geweet toe Zozibini in die vraag en antwoord-sessie laat hoor dat sy nie dink Suid-Afrikaanse vroue het tans enige rede om te glimlag nie. “Suid-Afrikaanse vroue sterf elke dag en daar word meestal niks aan die saak gedoen nie. Ek dink dit is tyd dat ons ophou vir vroue vra wat om te doen en eerder…

Vir so lank as wat ons kan onthou, maak mans met vroue net wat hulle wil. Die syfers lieg nie. Suid-Afrika het een van die hoogste vroue-verkragting- en moordsyfers ter wêreld – ongeag jou ouderdom of ras. Die feit is, vroue is nie veilig in Suid-Afrika nie en daar is ook nie woorde om ons skok en afgryse oor die stand van sake te verwoord nie. Dit maak ook nie saak of mans in ’n verhouding is of familie is van die vrou nie, mans dink hulle is geregtig op vroue en hul liggame. En as vroue durf om vir hulself op te staan, gebruik mans geweld om te kry wat hulle wil hê – om ’n vrou “te wys waar haar plek is” en “om haar te wys wie…

“Hier kan jy mal gaan met enigiets waarvan jy hou, solank die bord vol is.” SAMANTHA LIEDEMAN KERRIE-VARKTJOPS MET GESMOORDE UIE Genoeg vir 4 – 8 BESTANDDELE 3 eetlepels matige kerriepoeier 4 eetlepels suiker 4 eetlepels asyn ¼ koppie olie 1 eetlepel sout 2 uie, in ringe gesny 8 varklendetjops METODE Meng die kerriepoeier, suiker, asyn, olie en sout saam in ’n bakkie. Roer die rou uie by die kerriemengsel. Pak ’n laag tjops in ’n glasbak, gevolg deur ’n laag kerrie-uie. Herhaal die lae. Plaas in die yskas vir ten minste 24 uur. Braai die tjops en uie saam in ’n gietysterpan oor warm kole tot bruin en gaar. Die uie moet lekker gekaramelliseerd wees. Die tjops is op sy beste met vars witbrood. MIXED GRILL Genoeg vir 8…

WENK: Wees kreatief en gebruik sommer enige stukkie lap, soos op die foto, en dra dit om jou kop of nek. Dit sal jou vintage look afrond. Jumpsuits Broeke met wye pype is in die 1920’s deur Coco Chanel gewild gemaak. Sedertdien was dit am-per nog altyd in die mode. As jy kurwes het, kies ’n jumpsuit met wye pype en ’n belt om jou middel te beklemtoon. “Die knoop-afwerking is deesdae oral te siene en is steeds – soos my ouma dit gedra het – stylvol en vroulik.” LAVERN MAARMAN Polkadots is tydloos. Dit was groot in die 50’s en amper elke jaar daarna. Moenie checkpatrone meng met ander patrone nie. Dit werk die beste op sy eie of met iets neutraal. BAIE DANKIE AAN THE GRILLFATHER 135 Albertweg,…

Bloemfontein, is julle reg? Die Rosestad is ons volgende stop en op Saterdag 12 Oktober 2019 kom bring ons die dag saam met julle deur. Dit sal die sesde stop wees vir Kuier Reconnections ter viering van ons tiende verjaardag. Julle kan uitsien na ’n propvol program met lekker vermaak. Die kaartjieprys sluit in ’n ligte ete, lekker pryse en vermaak deur plaaslike kunstenaars. Ons bring ook ’n spesiale gas, Irshaad Ally van die sepie Suidooster. So koop jou kaartjie en kom kuier saam met jou gunsteling-tydskrif. Plek: Heide Primêre Skool, Heidedal Tyd: 12:00 – 15:00 Prys: R110 per persoon Kaartjies: Kaartjieverkope is reeds oop. Kaartjies is te koop by alle Computicket-takke en Shoprite- en Checkers-winkels. Slegs ’n beperkte aantal kaartjies is beskikbaar.…

Die ikoniese blonde bombshell-pop, Barbie, het vanjaar die 60ste kersie op haar koek uitgeblaas en lyk nog nie ’n dag ouer as die eerste keer toe sy op die rooi tapyt uitgestap het nie. Baie mense wonder hoe relevant sy nog is en watter beeld en waardes dié pop propageer. Tog verkoop daar meer as drie Barbies per sekonde of 100 elke minuut wêreldwyd – meer as 58 miljoen jaarliks en al ’n biljoen in haar leeftyd. Die heel eerste Barbies het die stereotipiese vrou van die 60’s verteenwoordig – die bruid, gasvrou en modepoppie. Sedertdien het Barbie al meer as 100 loopbane beoefen, insluitend ruimtevaarder, wetenskaplike, president en paleontoloog. Tog voel dit asof Barbie oor die jare steeds ’n onmoontlike standaard vir skoonheid skep – een wat sommige vroue…

Die Stad Kaapstad kry dit keer op keer reg om inwoners die %*&! in te maak met die snaakse regulasies wat hulle alewig uitdink. Ek het nou aspris ’n “kras woord” (die leestekens) gebruik, want as die Stad Kaapstad hul sin kry, kan mense wat kru taal op Kaapse strande gebruik, boetes of selfs tronkstraf tot ’n maksimum van twee jaar opgelê word. Dis nou aldus nuwe voorgestelde regulasies vervat in die City of Cape Town Coastal By-Law 2019-dokument wat onlangs vrygestel is en oopgestel is vir openbare kommentaar. Volgens die inleiding het hierdie voorgestelde coastal bylaws ten doel “om onder meer die kusgebied (coastal zone) te bestuur en te beskerm; om toegang daartoe sowel as mense se gedrag op strande en strandgebiede te beheer”. Van die gedrag wat die…

Hoeveel druk sit ons as ouers en die onderwysstelsel nie op ons kinders om te presteer nie? Maar hoe regverdig is dit? Sommige kinders is abstrakte denkers, sommige logiese denkers en ander kreatiewe denkers. Maak ons onderwysstelsel vir elkeen van hierdie kinders voorsiening? Ja, miskien tot ’n mate, veral deur buitemuurse aktiwiteite. Maar hoë akademiese punte is steeds die hooffokus en waaraan prestasie en vordering gemeet word, terwyl sommige van ons glad nie so aanmekaar gesit is nie. Kuns, kultuur en sport kan nie bepaal of jy bevorder word na die volgende fase of nie. Ek sê nie dit moet nie. Assesseringsmetodes moet net ’n bietjie meer inklusief en regverdig wees en elke kind op elke gebied assesseer om ’n meer regverdige eindresultaat te kry. Soos die kunsstudent wat uitblink…

’n Mens het ’n sterk hart nodig om al die uitdagings van die lewe aan te durf! Vertel ons jou storie oor daai keer toe jy ’n sterk hart nodig gehad het en jy kan R1 000 wen! E-pos jou rubriek (800 woorde) en ’n foto van jouself (300 dpi) vir ‘Wat die hart van vol is’ na kuier@kuier.co.za met die woord RUBRIEK in die onderwerplyn of stuur dit met gewone pos na Wat die hart van vol is, Kuier, Posbus 1802, Kaapstad 8001. As ons jou hart-storie publiseer, wen jy R1 000!…

Om “asseblief” en “dankie” te sê is van die eerste woorde wat ons ons kinders leer. Ons doen dit omdat ons wil hê hulle moet beleefd wees en dít laat ons goed lyk. Maar wat as ek jou sê dat om iets so eenvoudig soos “dankie” te sê jou heeltemal kan verander? Wat as ek jou sê dankbaarheid is ’n superpower en het die potensiaal om jou in elke area van jou lewe suksesvol te maak? Om dankbaar te wees, is nie net belangrik vir ons as ouers nie, maar ook vir God. Wanneer ons in Sy teenwoordigheid gaan, moet ons ingaan met danksegging (Ps. 100:4). Maar dit hou nie daar op nie. Danksegging is nodig in alle omstandighede (1 Tess. 5:16 – 18). Ek het altyd oor die woord…

Dis stil in die hotelkamer. Daar is ’n gevoel van opgewondenheid en afwagting – en ’n bittersoet hartseer. Vandag is die groot dag. Ná 34 jaar trou Nadia Pringle (50) uiteindelik met Patrick Galant (53), die liefde van haar lewe en pa van haar kinders, net twee weke ná hul seun, Patrick Junior (16), se tragiese sterfte. In Julie verlede jaar het Kuier die storie vertel van dié Eersterivier-gesin en hul daaglikse stryd om oorlewing. Twee van hul kinders, Cheslin (29) en Patrick Junior (16), is serebraal gestremd. Hul dogter, Nadine (11), moet ook altyd agter in die ry staan omdat haar broers se behoeftes soveel groter as hare is. Maar hierdie gesin sien hul lot as ’n seëning, eerder as ’n straf en deel ’n band hegter as baie…

Die volledige groep van 31 is: Schalk Brits, Lood de Jager, Pieter-Steph du Toit, Eben Etzebeth, Steven Kitshoff, Vincent Koch, Siya Kolisi, Francois Louw, Frans Malherbe, Malcolm Marx, Bongi Mbonambi, Tendai Mtawarira, Franco Mostert, Trevor Nyakane, Kwagga Smith, RG Snyman, Duane Vermeulen, Lukhanyo Am, Damian de Allende, Faf de Klerk, Warrick Gelant, Elton Jantjies, Herschel Jantjies, Cheslin Kolbe, Jesse Kriel, Makazole Mapimpi, S’bu Nkosi, Willie le Roux, Handré Pollard, Cobus Reinach, Frans Steyn.…

PEANUT BUTTER & CHOC BROWNIES Lewer 9 blokkies BESTANDDELE ½ koppie gesoute botter ¾ koppie choc chips ¾ koppie suiker 2 eiers ½ koppie koekmeel 1 eetlepel kakao ½ teelepel bakpoeier ½ koppie peanut butter METODE Smelt die botter in ’n bakkie in die mikrogolfoond. Roer die choc chips by en laat staan totdat dit gesmelt is. Roer tot glad en roer die suiker en eiers by. Sif die meel, kakao en bakpoeier by en roer deur. Giet die mengsel in ’n gesmeerde oondpan en stip met die peanut butter. Swirl die peanut butter deur die beslag met ’n tandestokkie. Bedek dit met foelie en bak oor matige kole vir 15 – 20 minute. Haal van die kole af en laat staan vir 5 minute voordat jy die foelie verwyder.…

Almal wil graag in aartsbiskop Tutu en Madiba se reënboognasie woon, maar in realiteit is Suid-Afrika deesdae ’n prutpot van rassespanning en ongelukkigheid. Dit voel asof almal net verder van mekaar af dryf. Hoe gemaak dan met jou kind, as jy self sukkel om vrede te maak met Suid-Afrika se wispelturige en onregverdige verlede? “Ek was nog ’n kind toe apartheid beeindig is. Van kleins af het ek na die stories geluister,” vertel Nevillene Richards-Byl (31), ’n onderwyser van Okiep in Namakwaland. “In ’n klein dorpie is mense nog baie eenkant en meng nie veel nie. Daar is baie intoleransie en kinders sukkel om verby daardie invloede van hul ouers te kom,” vertel sy. Tog is dit vir Nevillene belangrik om seker te maak haar 11-jarige dogter weet wat elke…

As jy na Kimlee Campher se storie luister, besef jy opnuut daar is min dinge so waar soos die spreekwoord “aanhouer wen”. Dié 21-jarige het nie net stof in haar medewerkers se oë geskop nie, maar ook aan hulle bewys dit is lankal nie meer net ’n “man’s world” nie. Kimlee van Portlands in Mitchells Plain op die Kaapse Vlakte is ’n skeepwrakskoonmaker en een van die min Suid-Afrikaanse vroue wat as kommersiële duiker opgelei is. Daar is so min vroue in dié bedryf omdat dit dikwels gesien word as “’n man se werk en wêreld”. En juis daarom was Kimlee se eerste paar weke by die werk nie maklik nie. “Toe ek nog net begin rondvra het oor die werk, het die mans al hul stemme dik gemaak. Hulle…

Dis Woensdagmiddag. Die dag wat voel asof dit die langste vat om verby te gaan. Ek haat eintlik Woensdae met sy half-naweek-slegs-middel-van-die-week gevoel. By die afrit van die eerste stop skree ek vol selfvertroue “next stop, thank you!” nadat ek dit seker al tien keer in my kop geoefen het. Langs die busstop in Bellville sit ’n vrou en bedel. Aan die ander kant van die verkeerslig skree ’n kleintjie dat die mangels wys op haar ma se arm terwyl die vrou wei vir ’n geldjie hier en daar. Ek is nie gek oor Bellville nie, veral nie die besige strate nie. Ek raak altyd so half senuweeagtig wanneer ek die pad moet oorsteek – kompleet soos ’n afkophoender. Met my rugsak voor my maag, steek ek die pad vinnig…

Kokkedoor, 19 September 20:00 Dié episode herroep die opwinding van die eerste amptelike televisie-uitsending in die sewentigs, ’n era toe mense so vasgenael was voor die kassie dat hulle “eet aan tafel” verruil het vir “kyk en eet”. Elke span berei ’n TV-skinkbordete voor vir TV-legendes. Geregte soos garnaalkelkies, blatjang- en appelkooshoender word vernuwe. In Japan, Ja!, 21 September om 18:30 Hamilton en Vanes-Mari is uiteindelik in Japan! In die opbou tot die openingseremonie van die Rugbywêreldbeker besluit hulle om Tokio te verken, wat ’n besoek na die bekende Tsukiji-vismark insluit. Hamilton is baie opgewonde, want Vanes-Mari het hom belowe hulle gaan drankies saam met die Bokke drink! Elders: Japan, 24 September om 21:00 In die laaste episode betree Erns die sumo-ring. Hy besoek ’n ekspo waar die Rugbywêreldbeker uitgestal…

Ek wonder maar net of ek alleen in dié bootjie is of is daar nog mense wat dit deurmaak. Die dag voor payday voel ek happy, ek kan nie wag vir my phone om af te gaan nie. Teen daai tyd is alles skraps. Die laaste ui en aartappels is opgebruik. Broodgoed is ook iets van die verlede. Jy krap daai botterbakkie leeg. Die kragboks smile ook nie meer nie. Snaaks genoeg – jy weet daar is niks nie, maar jy lus sommer vir alles. Net môre koop ek vir my twee boksies Romany Creams. Ai, die mense eet weer takeaways by die werk. Ek is maar tevrede met my broodjie wat ek eenkant sal eet. Ek moet budget, maar ek gaan lekker slaap vanaand, want dit is amper payday.…

GEBED Vir alles is daar ’n vasgestelde tyd. ’n Tyd om hard te werk, ’n tyd om te rus. En netso moet ons tyd maak om fees te vier. ’n Fees van dankbaarheid. Here, help ons om altyd ons oë op U gevestig te hou en fees te vier tot eer van U. Wanneer iets goed in ons lewe gebeur, is die norm om dit te vier en elkeen het sy eie manier om dit te doen. Wanneer dit sleg gaan, moet ons nie pas verloor nie, maar steeds ons plek inneem by die voete van die Here om ons te dra deur elke situasie in ons lewe. Baie keer aanvaar ons dinge as vanselfsprekend, maar ons hoop op U, Here. Dit maak elke stryd soeter aan die einde as…

• GRANDWEST CASINO • LINDI JORDAAN, ONTWERPER VAN DIE TROUROK EN STROOIMEISIEROK • ISLYN SALIE EN CHARLEEN GREEN VAN SUIDOOSTER VIR NADIA SE HARE EN GRIMERING •VANNIE KAAP VIR DIE BLOMME • MILADYS VIR DIE BRUID SE TOEBEHORE • WEDDING BELLS SUIT HIRE VIR PATRICK SE UITRUSTING • CAMEN ACCESSORIES VIR DIE BRUIDEGOM SE TOEBEHORE • DISTELL VIR DIE VONKELWYN • DOUGHNUT HIVE VIR DIE DOUGHNUTKOEK EN SAP • KEANU HARKER VIR DIE SANG-VERMAAK • OAKLAND VIR DIE KAAS TYDENS COCKTAIL-UUR • PARTY DESIGN CAPE VIR DIE DEKOR • SHIM SHAM, DIE ORKES • DJ STAN MARS • PASTOOR EBRAHIM WILLIAMS • DEAN SMITH (SUIDOOSTER) DIE MC • RUAN PIENAAR EN RIAAN VAN STADEN VAN TUSSEN ONS VIR DIE TROUVIDEO • FOTOGRAAF LAUREN PARIS • MARLO PAULSE VAN OTB SOLUTIONS VIR DIE BLOMMEMUUR • RENATA VAN ZITTERS EN KAYLEE KRUZER VAN HOMEBREW FILMS…

Tennis is ’n opwindende sport en anders as baie ander sportsoorte, word dit heeljaar regoor die wêreld gespeel. En wanneer ’n speler dit regkry om ’n Grand Slam-titel (soos Wimbledon, die Franse Ope, Australiese Ope en die Amerikaanse Ope) te wen, val jy onmiddellik in die liga van “tennis greats”. Hoewel dit die spelers is wat al die shine kry, is daar altyd ’n span agter hulle wat hul sukses moontlik maak, van wie die afrigter waarskynlik die meeste krediet moet kry. Jeff Coetzee (42), ’n tennisafrigter van Suid-Afrika wie se wortels in Okiep in die Noord-Kaap lê, kan ook nou met trots sê, “ek het ’n Grand Slam agter my naam”. En al het hy nie self die raket gelig nie, was hy instrumenteel in die sukses van sy…