Innholdsfortegnelse for 9/4/2019 i Kuier

Met dié spesiale uitgawe wil ons ons tiende bestaansjaar in styl vier, want vir ’n tydskrif met so ’n nederige begin, is hierdie nogal ’n groot mylpaal! Ons wil julle op ’n trip down memory vat. Deur die goeie en die slegte tye. Dis ook ons manier om dankie te sê aan almal wat gehelp het om die tydskrif ’n sukses te maak. Maak nie saak of jy al van die eerste uitgawe saamgelees het of iewers langs die pad bygekom het nie, dit het almal van julle gekos om die grootste vrouetydskrif in die land te maak. En toe kom Kuier . . . Dís die refrein wat jy regdeur die uitgawe gaan hoor. En met goeie rede, want voor September 2009 het bruin Afrikaanse tydskriflesers heeltemal uitgesluit gevoel.…

1. Melanie du Bois was op die heel eerste voorblad. 2. ’n Leser is die eerste keer op ons voorblad nadat sy die voorbladsterkompetisie gewen het. 3. Jo-Ann Strauss het tot nou die meeste op die voorblad verskyn – nege keer! 4. Ons vereer Madiba. 5. David Kramer was die eerste wit manlike bekende op ons voorblad. 6. Trevor Noah het groot opslae gemaak toe sy boek vrygestel is. 7. Ons vier graag natuurlike skoonheid soos dié van Crystal-Donna Roberts wat haar eerste voorblad by Kuier gekry het. 8. Met 131 571 kopieë was dié Kersuitgawe die beste verkoper ooit!…

Soms kan die lewenstorms jou so looi dat jy op niks anders as ons probleme kan fokus nie. Dan is jou uitdagings al waaraan jy kan dink. Later begin jy dan net die swaarkry en struikelblokke in jou lewe raaksien en jy kan maklik vergeet van al die gawes waarmee God jou daagliks seën. Daarom moet jy tyd maak om dankie te sê, want maak nie saak wie jy is of wat jou omstandighede is nie, ons het almal baie rede om dankbaar te wees – of dit in jou persoonlike lewe, by jou werk, vir jou familie is of die gawe van elke nuwe dag. Maak dankbaarheid deel van jou roetine sodat dit nooit agterweë gelaat word nie. Só kan jy byvoorbeeld elke dag ’n lysie van ten minste…

DROOM WORD WAAR Thirney Martin (19) van Gansbaai het openbare toilette skoongemaak vir ’n lewe toe ’n toevallige ontmoeting met ’n vreemdeling in daardie einste toilette haar lewe vir ewig verander het. Danksy daardie ontmoeting kry sy nou finansiële ondersteuning by mense (van so ver as die Midde-Ooste) wat sy van g’n kant af ken nie om toerisme by Boland Kollege se Stellenbosch-kampus te studeer en haar droom te bewaarheid. (10 Januarie 2018) VEG VIR HAAR TAAL Katrigwa (Katrina) Esau, of Ouma Geelmeid, kan nie lees of skryf nie en is een van ’n handvol mense wat nog die N/u-taal kan praat. En al is dit die laaste ding wat sy doen, is sy vasbeslote om met een mens en een klik op ’n slag ’n verskil te maak, daarom…

Dis so maklik om oor jou hare te kla en dan doen ons dit nog baie ook – die draad, die kleur . . . En ’n bad hair day is genoeg om enige vrou van stryk af te bring. Maar wat sal jy doen as jou hare op ’n dag net besluit om uit te val en nooit weer teruggroei nie? “My hare was my kroon,” vertel Kelly Pearce (32), ’n media-persoonlikheid en vervaardiger by Heart FM in Kaapstad. Dis moeilik om te glo dié sexy vrou met ’n helder lag en skitter in haar oë het onlangs in ’n diep put van depressie verval. “My hele lewe lank was ek mal oor my hare. Dit was baie lank, dik en pikswart. Dit was my ‘ding’. Tot op ’n…

‘A journey begins with a single step . . . My Kuier-reis het begin met een e-pos wat ek in Junie 2009 uit die bloute ontvang het. “Hallo, Raylentia, hoe gaan dit? Ons begin met ’n wonderlike, nuwe projek – ’n Afrikaanse tydskrif vir bruin vroue . ..” Ek het diep binne-in my geweet dis iets wat my lewe gaan verander, so daar was nie omdraaikans nie. Ek móés net daai een tree vat en deel word daarvan. In die eerste drie maande van Kuier was almal opgewonde oor die nuwe tydskrif. En toe ons die rolpers gaan besoek om die heel eerste kopieë nog vuurwarm uit die masjiene te kry, kon ek bars van trots. Maar soos met enige reis met sy potholes, opdraandes en versteekte ingange, het klein…

‘Ek kan eerlik sê ek het the good, the bad en the sad beleef in my tyd as deel van die Kuier- span. En so, as deel van my werk as bemarkingsbestuurder, het ek vir die eerste keer op ’n vliegtuig geklim en ook Sun City besoek. Ek het ’n gereelde stem op die radio geword en ook my 15 seconds of fame op TV gehad. Van ons land se bekendes soos Cass Abrahams, Shaleen Surtie-Richards, Karin Kortjé en Alistair Izobell het my op die naam geken. Dit was“die goed”, maar ek het nie aanvanklik gedink dit sou so goed gaan met die nuwe tydskrif nie. Skaars ’n maand nadat ek op 1 Mei 2010 by Kuier begin het, moes ek hoor die tydskrif loop die gevaar om gesluit te…

RED VELVET-KOEK Genoeg vir 10 BESTANDDELE Koek 1 koppie olie 3 groot eiers 1 koppie karringmelk (buttermilk) 1 eetlepel vanillaekstrak of essence 1 teelepel asyn 4 druppels rooi jelvoedselkleursel 1 teelepel kitskoffie 1 eetlepel kakao ½ koppie warm water 1½ koppies strooisuiker (castor sugar) 2 koppies meel 2 eetlepels bakpoeier Roomkaasversiersel 2 x 230 g-houers roomkaas 50 g sagte botter 1 koppie versiersuiker (icing sugar) Buttercream 400 g botter 8 koppies versiersuiker (icing sugar) 10 eetlepels melk METODE Koek: Klits die olie en eiers, die een ná die ander, goed. Voeg die karringmelk, ekstrak, asyn en voedselkleursel by en meng. Meng die koffie en kakao met die warm water en roer dit by die mengsel. Sif die droë bestanddele, voeg by en roer. Smeer drie 20 cm-koekpanne. Bak die koeke…

2009 1. Wie was die eerste vrou wie se naam op Suid-Afrika se banknote verskyn het? 2. Watter soul-jazz-sanger se album Soul in Mind het vier SAMAtoekennings gewen? 3. Watter digitale geldeenheid (die eerste voorbeeld van kriptogeld) het Satoshi Nakamoto in Januarie bekendgestel? 4. Wie het in Augustus ’n wêreldrekord van 9,58 sekondes opgestel in die 100 meter vir mans? 5. Wie was die eerste paar maande van 2009 die president van Suid-Afrika? 6. Wie het in Januarie saam met Michelle, Malia en Sasha in Amerika se Withuis ingetrek? 2010 1. Watter nuwe Apple-produk is in Januarie in die VSA bekendgestel? 2. Wie het die Oscar vir Beste Aktrise gewen as Leigh Anne Tuohy in The Blind Side? 3. In watter stad in KwaZulu-Natal is die King Shaka Internasionale Lughawe…

Toe Deidre Mackenna (32) in 2009 as grafiese ontwerper by Kuier begin werk het, sou sy nooit kon raai dat sy danky die tydskrif haar stem en roeping in die lewe sou vind nie. Sy was jonk, onervare en het pas die wêreld van werk betree, maar dis juis hier wat sy haar “big girl-skoene”aangetrek het. Deidre (toe 22) was een van die lede van eerste Kuier-span en het tot 2011 voltyds by dié publikasie gewerk. Sy het eers net blaaie opgemaak, maar met haar kreatiwiteit en prettige persoonlikheid is sy later ook ingespan om kreatiewe leersessies vir kinders by skole aan te bied. Sy’s tans ’n senior grafiese ontwerper by ’n maatskappy in die Kaap, maar het ook intussen haar eie besigheid, Hello Coloured Life, begin. Dié spontane vrou…

Toe Kuier tien jaar gelede die mark tref, was daar uiteindelik ’n tydskrif waarmee bruin mense hulself mee kon vereenselwig. En toe die Afrikaanse sepie Suidooster ’n paar jaar later op kykNET begin, was dit nog meer fantasties, want toe kon dié gemeenskap nie meer net lees van hul mense nie, maar hulle kon ook relate met fiktiewe karakters op die kassie wat soos hulle lyk en praat. Suidooster is die eerste Afrikaanse sepie wat in Kaapstad verfilm word en dit speel af in die fiktiewe woonbuurt, Ruiterbosch. Wat dit van al die ander Afrikaanse sepies onderskei, is die manier hoe die karakters praat en die sosiale hiërargie van die program. Voor Suidooster op die kassie verskyn het, was kykers gewoond aan die sosiale hiërargie van sepies soos dié: die…

Dit vat iemand met guts om die redakteur te word van ’n nuwe publikasie, veral iets wat nog nooit voorheen gedoen was nie! Evadne Cupido (42) beskryf haar paar maande saam met die Kuier-span as ’n opwindende, maar onsekere tyd. Daar was op daardie stadium geen produk soos Kuier op die mark nie en niemand het geweet of dit ’n sukses sal wees nie. “Die span was baie toegewyd, maar ons almal was ook baie senuweeagtig. Niemand het geweet of die nuwe tydskrif gaan verkoop nie. Ons het oor alles getwyfel, dinge het heeltyd verander, want almal wou hê dit moet ’n groot sukses wees,” vertel sy. Ná ’n noue ontkoming met haar gesondheid het sy die mediabedryf verlaat. Sy het ’n besigheid, Made With Love by Evadne, gestig waar…

GEBED Here, die Kuier-span kyk met dank-bare harte terug oor die afgelope tien jaar. Ons voel nederig dankbaar vir die lesse wat ons sterker gemaak het. Ons waardeer die uitdagings en die veranderings wat ons moes deurmaak, want U het ons gelei. Ons koester die mense wat in ons belê en elke tree in ons geglo het en steeds glo. Dankie, Hemelse Vader dat U ons kom op-tel het toe ons moeg geword het. Toe ons gekla het oor die verkeer, die treine, die spanning en al die ander struikelblokke. Dankie dat U ons bewaar en ons elke dag veilig besorg by die werk en saans weer tuis by ons geliefdes. Ons is geseënd om in gemaklike omstandighede te werk, ons passie uit te leef en is U ewig dankbaar…

Dit is vir baie mense uiters moeilik om nee te sê vir ’n varsgebraaide warm roosterkoek en dit is selfs nog moeiliker om nee te sê vir dié van antie Poppie. Maar dis juis haar geurige en smaaklike roosterkoeke wat die deure van die wêreld vir haar oopgemaak het! Rosaleen van As (63), of Antie Poppie soos sy geliefd onder Laingsburgers bekend staan, gaan binnekort die dorp se stofpaaie verruil vir die nou ikoniese straatjies van Italië. Dit gaan die antie se eerste trippie oorsee wees en sy sê sy kan amper al bars van opgewondenheid. “Ek was nog nie eens buite die Wes-Kaap nie wat nog te sê van oor die waters. Ek kan nie wag om te gaan nie.” Antie Poppie vertel iemand het haar gevra of sy…

‘Tien jaar gelede . . . Ek het vir dae lank op wolke geloop en daar iewers in die hemele gesweef toe die grootbaas my vra of ek nie wil vryskut as kosredakteur vir ’n nuwe tydskrif nie. Dit was eintlik so ’n bietjie ongehoord, want in daardie stadium was ek TV-skrywer en vermaakjoernalis vir ander tydskrifte. My geheime passie was kook, ja, en ek het al daardie verlange, liefde en frustrasie uitgestort op my kosblog, Toorkombuis. Maar teen dié tyd moes ek al geweet het my drome loop met vreemde ompaaie voordat dit waar word . . . Ná 25 jaar in die media het ’n loopbaankrisis en die daaropvolgende verveling in ’n sieldodende werk my eindelik tot introspeksie gedwing en ek het besef wat my eintlike twee liefdes…

Sy was deel van die Kuier- span toe daar nog nie eens ’n kantoor vir die nuwe tydskrif was nie, maar vir die ses jaar wat sy deel was van die span, was dit vir Vania Cloete-Collison ’n voorreg om bruin vroue mooier te laat voel sodat hulle hul waarde kan besef. En enigeen wat Vania (39) ken of selfs net ’n kort tyd in haar teenwoordigheid was, weet dié mooi vrou het ’n borrelende persoonlikheid; ’n aansteeklike energie en soos die Engelse sê, azest for life. En dis met dieselfde energie dat Vania vir jare Kuier se mode- en skoonheidsblaaie aangepak het. Sy het celebrities vir Kuier- voorblaaie stileer, maar sy het ook gewone vroue wat nooit gedink het hulle kan mooi lyk of eendag in ’n tydskrif verskyn…

‘Die gedagte kom nogal baie by my op dat ’n mens nie eintlik veronderstel is om jou werk so baie te geniet nie. Maar in die Kuier-kantoor is dit ’n algemene gevoel. Nog nooit het ek in ’n span gewerk wat so na aan mekaar is, mekaar so ondersteun en mekaar so gereeld uit die maag maak lag nie. Net meer as twee jaar gelede het ek en my twee monstertjies sak en pak Kaap toe getrek sonder dat ons amper ’n siel geken het. Platgeslaan deur die lewe, het ek met my blou rokkie aan Kuier se deur kom klop om die pot aan die kook te hou. Min het ek geweet waarvoor ek myself sou inlaat deur die pos as joernalis by die land se grootste Afrikaanse vrouetydskrif…

Op 14 Augustus was dit Afrikaanse Taaldag – die geboorte van ’n kultuurtaal wat nog rotsvas staan en groei. Dit is ’n dag waarop almal wat lief is vir Afrikaans, kon terugdink aan ’n dag in 1875 toe agt mans in Dal Josafat naby die Paarl vergader het om die Genootskap van Regte Afrikaners (GRA) te stig. Dit is ’n spesiale dag wat ons daaraan herinner om jou taal met trots te praat, wat ook al jou dialek. Hoewel daar nie werklik ’n geboortedag aan Afrikaans gekoppel kan word nie en Afrikaans reeds bestaan het, word 14 Augustus as Afrikaanse Taaldag uitgesonder. Ondanks die politiek van daardie tyd het die GRA ’n groot rol gespeel om ’n voorbeeld vir geskrewe Afrikaans daar te stel en het hulle doelbewus nie Nederlands…

Kuier het sonder twyfel ’n opwindende era vir lesers in bruin gemeenskappe ingelui. Baie bruin mense was oor die voorafgaande dekades nogal getroue lesers van die bestaande Afrikaanse gesinstydskrifte en -koerante. Hoewel dié produkte destyds hoofsaaklik onbeskaamd wit was, het bruin mense tog die artikels en stories daarin met groot aptyt, maar in ’n mate ook onkrities gelees. Inligting is deur dié soort sosialisering onbewustelik deel van hul bewussyn gemaak. Onder meer het bruin mense die taalgebruik in dié tydskrifte deel van hul woordeskat gemaak en ook soms soos die figure daarin begin dink en optree. Hoewel bruin mense in hul kop, figuurlik, in daardie ruimte geleef het, was hulle in werklikheid nié deel van daardie gemeenskappe nie. Brakpan was nie Mitchells Plain nie, nog minder was Brackenfell Eersterivier. Afrikaanse…

Datum: Saterdag 28 September 2019 Tyd: Vanaf 20:00 (Deure open om 19:00.) Plek: Artscape-teater, Kaapstad Met: Karin Kortjé, Robin P, Vicky Sampson, Jarrad Ricketts en vele meer! Musical director: Camillo Lombard Ons vier vanjaar ons tiende verjaardag met ’n groot konsert op Saterdag 28 September 2019 in die hartjie van Kaapstad. Dié spesiale konsert vervang die Pienk Plesier-funksie, want ons wou dinge ’n bietjie anders doen vir ons verjaardag. Sodoende sal baie meer mense ook die geleentheid kan bywoon. Baie meer van julle sal dus kan deel in ons feesvieringe en ons gaan die aand wegdans met van ons land se topkunstenaars. Bring jou geliefde vir ’n spesiale date night of maak dit ’n ladies’night en kom kuier saam met jou suster, ma of vriende. Want wat is beter as…

WENK GESOEK Hoe kan ek room vinnig styf klop sonder ’n elektriese klitser? PASGETROUD, KRAAIFONTEIN ANTWOORD • Gebruik room met minstens 30% melkvet vir die beste resultate. Maak seker jou room is koud. Sit ook die bak en die klitser wat jy gaan gebruik (handklitser of whisk) in die yskas vir minstens 15 minute voordat jy begin klop. • Gebruik ’n groot, afgekoelde bak (metaal werk die beste). Onthou, room word ongeveer drie keer groter wanneer dit geklop word, so een koppie room klop tot drie koppies, so maak seker jou bak is groot genoeg. • Begin stadig klop sodat dit nie spat nie. • Jy kan suiker of geurmiddel byvoeg wanneer die room begin dikker word. Dit moet omtrent dieselfde tekstuur hê as mayonnaise. Gebruik omtrent een teelepel suiker…

Tien jaar gelede was dit ondenkbaar dat ’n tydskrif vir bruin vroue sou kon oorleef. Maar vandag is Kuier nie net Suid-Afrika se grootste vrouetydskrif nie, maar ook die naasgrootste tydskrif in die land met ’n diverse lesersprofiel. Wat Kuier se herdenking van 10 jaar soveel meer merkwaardig maak, is die feit dat soveel ander tydskrifte in dieselfde tydperk weens markdruk gevou het. Van die 70 Media24-tydskrifte wat in 2009 – die jaar van Kuier se stigting – op die rakke was, is daar nou net die helfte oor. Kuier is aanvanklik meestal in die Wes-, Noord- en Oos-Kaap versprei omdat dit volgens destydse navorsing die provinsies met die meeste bruin Afrikaanse vroue was. Die tydskrif is in die afgelope 10 jaar stelselmatig na elke ander uithoek van die land…

‘Ek weet presies waar ek tien jaar gelede was en dit was beslis nié by Kuier nie. Inteendeel . . . In September 2009 was ek nog besig om van my tweede beroerte (dit was ’n minder ernstige mini-stroke) in Junie 2009 te herstel en daai een was weer amper presies ’n jaar ná my eerste beroerte. So ek was allesbehalwe naby die eerste uitgawes van hierdie blinknuwe baanbreker-tydskrif. Ek was dus nie net jaloers dat ek nie een van die pioniers in die eerste span was nie, ek was om die waarheid te sê in ’n diep, donker gat van depressie, want ná my tweede“episode”(soos ek my beroertes noem) in minder as 12 maande, was ek oortuig dis die einde van my loopbaan. Nie net in die media nie,…

‘Voor jy verder blaai, maak ’n mental note om weer na die winkelrakke vol tydskrifte te kyk. Hoeveel cloras sien jy op die voorblaaie van Suid-Afrikaanse tydskrifte, watt nog te sê van vrouetydskrifte? Hoeveel bruin vroue sien jy daarop pryk? Bruin vroue op magazine covers is nie net skaars nie, maar amper non-existent! Behalwe vir Kuier, natuurlik. Dit is maar hoe dit nog altyd was. As tiener het ek boeke en tydskrifte verslind. Ek het self as assistent-redakteur by twee vrouetydskrifte gewerk. Ek onthou hoe ek vir ’n bruin gesiggie in die blokkiesraaisels gesoek het. Of geblaai het op soek na ’n uitskieter oor wie daar berig word. Kyk’ie,, as daar een was, dan was dit ’n foto van ’n huishulp in ’n uniform wat daar so in die agtergrond…

Sy hande staan vir niks verkeerd nie en Kuier-lesers het vir Albert de Bruijn (52) van die Strand leer ken as ons eie Mr Fixit. Deesdae het hy sy eie renovasie-besigheid en reël fietstoere regoor die land, maar wanneer hy terugdink aan sy jare by Kuier, kan Albert nie anders as om van oor tot oor te glimlag en dadelik te begin gesels nie. “Raytjie (Kuier se adjunk-redakteur) het my gewaarsku dié nuwe tydskrif is eintlik vir bruin vroue en dat ek die enigste (manlike) whitey gaan wees,” lag hy. Vir Albert was dit egter ’n bonus, soos om huis toe te kom. As kind was sy pa ’n sending-dominee op Rawsonville en volgens Albert het hy grootgeword in die bruin gemeenskap. Juis daarom was dit vir hom spesiaal om…

‘Ek het dit altyd vreemd gevind hoe ek op skool daarna uitgesien het om opstelle te skryf, terwyl heelparty van my maats dit gehaat het. Wat ek nie daardie tyd besef het nie, is dat ek nie net gehou het van skryf nie, ek hou van droom. Daar was iets magical daaraan om ’n wêreld te beskryf wat nie werklik bestaan nie en karakters bekend te stel wat voor my woorde net in my kop gewoon het. Woorde het my mag gegee. In my opstelle was ek vreesloos. Ek kon op A4-bladsye opstaan teen die ouens wat my op skool geboelie het. Die laaitie in die opstel het nie agter die skoolgebou weggekruip voor die eerste klok gelui het nie. Hy het vriende gehad wat nie vir hom lag nie…