Innholdsfortegnelse for 6/12/2019 i Kuier

FACEBOOK Dink jy mense gee te veel geld uit op troues of kan hulle hul“groot dag” vier soos hulle wil, al maak hulle skuld? Ek en my vrou het 16 jaar terug ’n bring en braai gehou, want ons was arm. Ná 16 jaar is ons steeds gelukkig. Duur troues is net om ooms en tannies te voorsien van ’n gratis ete. Jy sien hulle nooit weer nie en hulle beskinder jou ná die tyd. RIAAN GROENEWALD Dit maak nie saak hoeveel jou troue kos nie. Dis maar net daai wit stukkie blaai met jou, jou man en getuies se handtekening op wat saak maak. CHARMAINE HANSEN Ons het ’n eenvoudige, maar pragtige troue gehad. Die onthaal was by my tannie se huis; familie het kos en poeding gemaak. Niks…

Dit is vir my altyd interessant om die verskil tussen die viering van Moedersdag en Vadersdag in gemeentes te aanskou. Tydens Moedersdag is die kerk altyd vol blomme. Die ma’s kry die mooiste geskenke. Daar word gedans en gesing, en selfs die preek gaan oor die goedheid van die moeder. Spreuke self het sommer ’n hele hoofstuk wat aan die ideale vrou gewy word en dan eindig ons die diens met “Dank Moeder, dank vir u gebed, God het verhoor en my gered . . .” Niemand verlaat die kerk sonder ’n traan in die oog nie. En dan is daar Vadersdag. Ja, die pa’s kry wel geskenkies, maar daar word nie regtig baie moeite gemaak nie. As daar ’n blom in die kerk is, dan is daar. In die…

Die dood van die Kaapse musieklegende Taliep Petersen in Desember 2006 het skokgolwe deur die land gestuur toe hy in sy Athlone-huis vermoor is. Die skok was nóg groter toe dit aan die lig kom dat sy tweede vrou, Najwa, sy moord bewerkstellig het. Sy dien tans ’n 28 jaar vonnis uit. Maar vir sy kinders is dit belangrik dat hul pa nie vir die manier waarop hy gesterf het onthou word nie, maar eerder die reusebydrae wat hy tot Suid-Afrika se musiekerfenis gemaak het. Dis ook hoekom sy dogter Jawaahier Petersen (33) nie meer oor haar pa se dood wil praat nie. Volgens haar is dit ’n hoofstuk van hul lewe wat hulle agter hulle wil sit. Hulle wil vorentoe kyk en hul pa se nalatenskap en wat hy…

GOLF-T-HEMDE Dit is die perfekte T-hemp wat jy na amper enige geleentheid kan dra. Vir ’n aandjie uit, dra dit met jeans, ’n baadjie en stylvolle leerskoene. SWEETPAKBROEK “Sportklere is gemaklik, maar met dié outfits kan ek ook stylvol wees.” ABUBAKR FRANCES Jou broeke hoef nie altyd los te sit nie, so as jy jou figuur wil afshow, kan jy ’n nousluitende sweetpakbroek kies. En met verskillende detail en materiale om van te kies, sal jy twee keer moet kyk of dit regtig sportdrag is. Jy kan dit ook met ’n blazer dra vir ’n meer formele look. JEANS Kies ’n materiaal wat sag en stretchy is, sodat dit saam met jou beweeg en jy gemaklik is. Element soos zips of verskillende materiaal sal jou sportiewe look afrond en jou…

• Tussen 6 000 – 11 000 Suid-Afrikaners sterf elke jaar van griep. • Gewone verkoue of griep hou vir omtrent ’n week aan. • Aartjies in jou neus kan bars as jy jou neus te veel en te hard uitsnuit. Antibiotika werk nie vir verkoue en griep nie. Dít is virusse en antibiotika werk net vir bakterieë. • Een nies kan 3000 geïnfekteerde druppels teen 160 km/h in die lug versprei. • Die gemiddelde mens kry 200 verkoues in hul leeftyd. Dis vyf jaar van hoes, nies en loopneus. Verkoue- en griepvirusse kan vir tot 24 uur op harde oppervlakke soos tafels en stoele lewe.…

Mondhoeke Vraag SKEURE PLA ERG Hallo, Dokter. Het jy nie raad vir seer mondhoeke nie? Ek sal dit waardeer as jy kan help. SEER Antwoord BESTE SEER Stomatitis is die term wat gebruik word om inflammasie van die mond en lippe te beskryf. Cheilitis beteken inflammasie van die lippe. Seer mondhoeke staan bekend as hoekstomatitis of hoekcheilitis. Dit kan ook perlèche genoem word. OORSAKE: In baie gevalle is daar nie ’n duidelike oorsaak nie. Telkens begin dit wanneer die mondhoeke vir ’n lang tyd nat bly as gevolg van speeksel. Wanneer die speeksel verdamp, raak dit droog en dan begin die irritasie. Dan lek jy jou lippe om die droogheid te verlig en dít veroorsaak meer vog, wat dan die vel vererger. Die vel kan kraak, oopbars, afskilfer en selfs…

Dis die eerste keer dat die geliefde akteur Danny Ross sy hart in ’n onderhoud oopmaak oor die komplekse, dog mooi verhouding met sy biologiese pa. Sy pa wat tot en met sy dood verlede jaar op die strate van Worcester gebly het. Danny het al daaroor op Facebook gepost en mense wat hom ken, ken hierdie deel van sy storie, maar hy het nog nooit in die media daaroor gepraat nie. Hy het te veel seer saam met hom gedra en was nooit reg om daaroor te praat nie. Tot nou . . . Dit is ’n mooi herfsdag in Kaapstad toe ons met Danny (32) gesels. Die oggend het dit lekker gereën in die Moederstad, so asof die natuur ook wou skoon was en gereed maak vir iets…

Rhys stel voor jy vra hierdie vrae voordat jy ’n huis koop: • Kan ek ’n huis-inspeksie laat doen? (Veral as die eiendom ouer of al lank op die mark is.) • Wat is die area se misdaadsyfers? (Vra die plaaslike polisie en buurtwag vir die nuutste statistieke.) • Wat is die maandelikse levies, rates en taxes wat jy moet betaal? • Hoe goed vaar die body corporate finansieel? (As jy beplan om in ’n deeltitel kompleks te koop.) • Word daar enige ontwikkelings beplan in die area? (Vra die plaaslike munisipale kantoor.)…

Cape Town Carnival 16 Junie om 16:30 Die Cape Town Carnival wys die energie en gees van Kaapstad met vlotte en uitspattige kostuums. Vanjaar is die tema van Suid-Afrika se gewildste straatparade, Vuka Ukhanye – Rise and Shine. Kwêla 16 Junie om 18:00 Die 11-jarige tromsensasie, Dominic McNabb, en Early B kuier saam. Ons kry swemlesse by Sanderina Kruger, die 69-jarige wêreldkampioen, en die Kwêla Dorp van die Jaar 2019 word aangekondig. Leef jou Reis 17 Junie om 18:00 Gerrie Pretorius leer ken die Russe en hul kos en kultuur van nader – van tradisionle musiek en danse tot natuurlik die alombekende vodka. ’n Bootvaart op die Neva-rivier is ook op die lys!…

My pa se lewensreis was ’n tipiese 4x4-roete: besaai met hindernisse uit elke oord. Hy moes dit boonop aanpak sonder die geskikte toerusting. Desnieteenstaande het hy sy aardse reis met soveel waardigheid voltooi dat ek hom vandag onomwonde kan besing as my held. ’n Groot eienskap van my pa wat altyd uitgestaan het, is dat hy ’n dromer was. Maar sy drome het ook nie net drome gebly nie, hy het hard gewerk om dit te bewaarheid. Selfs toe dinge maar moeilik trek, het hy gedroom van ’n eie huis. ’n Drieslaapkamerhuis met ’n garage en pragtige vooraansig. Die goedgekeurde planne en die erf was hom wel beskore. Dêddie het ook gedroom dat al ses sy kinders eendag professionele beroepe moet beklee. Sy droom is verwesenlik, hoewel hy slegs drie…

’n Mens het ’n sterk hart nodig om al die uitdagings van die lewe aan te durf! Vertel ons jou storie oor daai keer toe jy ’n sterk hart nodig gehad het en jy kan R1 000 wen! E-pos jou rubriek (800 woorde) en ’n foto van jouself (300 dpi) vir ‘Wat die hart van vol is’ na kuier@kuier.co.za met die woord RUBRIEK in die onderwerplyn of stuur dit met gewone pos na Wat die hart van vol is, Kuier, Posbus 1802, Kaapstad 8001. As ons jou hart-storie publiseer, wen jy R1 000!…

Om ’n pa te wees, was nooit vir hom beskore nie, maar in sy 25 jaar as hoof van Klapmuts Primêr kon Ronald Frans (59) van Bracken-fell in die Kaap ’n pa wees vir honderde kinders. Nie net die kinders by sy skool nie, maar ook die res van die gemeenskap. En wanneer hy aan die einde van dié jaar aftree, sal hy met ’n geruste hart weet dat hy vir meer as een kind ’n kans op ’n suksesvolle toekoms gegee het. In sy kantoor by die tegnologie-gedrewe laerskool in die hartjie van Klapmuts naby Stellenbosch, pronk talle foto’s op die mure en kassies van hom wat saam met skoolkinders hardloop, spring en lag. Hy is trots om die nuutste foto te wys, wat weke gelede geneem is toe…

Verkoue of griep in winter is niks nuuts nie, maar dit lyk asof die virusse wat dié siektes veroorsaak, vanjaar met mening toeslaan. Menige Kuier-mens se gehoes en geproes het sommer gou oorgeslaan in longontsteking (pneumonia) wat hulle in die hospitaal laat beland het. Maar is hierdie net geïsoleerde gevalle of hang longontsteking inderdaad soos ’n skim in die donker om ons rond? wat is dit? Ons het by kenners gaan aanklop om uit te vind of virusse vanjaar meer aggressief is. Volgens die Wêreldgesondheidsorganisasie (WGO) se webtuiste is longontsteking ’n vorm van akute respiratoriese infeksie wat die longe aantas. Die longe bestaan uit klein sakkies genaamd alveoli wat gevul word met lug wanneer ’n gesonde mens asemhaal. “Wanneer ’n individu egter longontsteking opgedoen het, word die alveoli gevul met…

Agterdogtig Vraag JOL OU STEEDS? Antie Val, ek is ’n 27-jarige enkelma wat na geselskap smag. Ek het ’n ou ontmoet en sien hom al twee maande lank. Ek dink ek is verlief op hom, maar sy agtergrond spreek boekdele van hom. Hy het my vertel hoe hy met getroude vroue gelol het. Nou is ek bang hy doen dit steeds. Ek wil so graag hê die verhouding moet meer word, maar as hy my sien, lyk dit hy wil net seks. Ek wil nie alleen wees nie, maar ek wil ook nie so onseker voel nie. Wat moet ek doen? ONSEKER Antwoord BESTE ONSEKER Moenie so desperaat klink nie! Jul-le ken mekaar nog nie lank nie. As jy onseker oor hom en sy verlede is, praat met hom daaroor.…

Dis of ’n mens se brein nie wil registreer dat die 26-jarige Gershwin Fortune se een been bo die knie afgesit is nie. Só positief en vol lewenslus is hy dat dit jou heeltemal oorweldig. Al was dit ’n geweldige skok toe hy hoor sy linkerbeen kon nie ná ’n rugbybesering gered word nie, het hy aktief besluit om steeds voluit te lewe. Hy het net sy fokus verander. Deesdae droom Gershwin van internasionale atletiekroem. En hy het reeds die eerste treë na ’n internasionale titel gegee toe hy in Maart vanjaar een goue en twee bronsmedaljes verower het vir onderskeidelik spiesgooi, diskus en gewigstoot by ’n toernooi van die Suid-Afrikaanse Sportvereniging vir Fisiek Gestremdes. Gershwin het by sy ouma en oupa, Isaac en Soeleyga Fortune, grootgeword en daar is…

ANTWOORD ’n Skeermes-veluitslag is ’n velirritasie. Dit ontstaan ’n paar minute nadat jy geskeer het en is nie dieselfde as ingroeihare nie. • Dit is belangrik dat jou man altyd skeerroom gebruik omdat hierdie middel gewoonlik vol lubricants is wat jou vel beskerm en die skeermes help om oor jou gesig te gly. Dit kan ook jou vel bevogtig. Wanneer die haartjies bevogtig is, swel dit en word dit sagter, wat maak dat jy makliker kan skeer. Die resultaat is minder ruk en pluk en minder irritasie. • Tweedens is dit belangrik dat jou man nie te hard druk nie. Vee net saggies oor die laag skeerroom of -gel en laat die lem toe om die harde werk te doen. Skeer met die grein van jou baard om ’n uitslag,…

Jybesefdie lewegaan oormeeras netjouself.Jydoennie meergoednetvirjouself nie.Mykindershetmy, myleweenselfsmy lewensuitkykdefinitief baieverander.IRSHAAD ALLY Elke aand om 18:30 geniet kykers die wel en weë van Ruiterbosch se mense in die gewilde kykNETsepie Suidooster en niemand is meer geliefd as Rhafiek Samsodien nie. Maar vir Irshaad Ally (41) is die heel belangrikste rol dié van trotse pa vir sy twee skattige dogtertjies, Rahmah (5) en Hanaa (vier maande), en man vir die mooie Ayesha (32). “Vaderskap het my big time verander,” erken Irshaad met ’n glimlag en dit is dadelik duidelik dat die vroue in sy lewe hom om hul pinkies draai. “Om pa te wees, het my stiller gemaak, my laat besef wat belangrik is.”Hy sê as alleenloper is ’n mens geneig om meer selfsugtig te wees, veral as akteur, maar as jy eers…

Jy het ’n kloppende hoofpyn, is lighoofdig en dit voel asof jy ’n effense koors het. Deesdae is die eerste ding wat baie mense doen, nie om hul dokter te bel of ’n afspraak te maak nie. Nee, jy gaan op Google en tik jou simptome in en in ’n japtrap het jy ’n diagnose. Maar dis beslis nie so maklik soos dit nie, want“dr. Google”gaan ’n magdom moontlikhede uitspoeg. Heel moontlik is die regte diagnose onder hulle, maar hoe kies jy tussen al die moontlikhede wat kan wissel van ’n migraine tot breingewas? Só kan jy jouself nog erger laat voel weens stres en kommer omdat Google vir jou sê jy het ’n tumor wanneer dit eintlik net ’n spanningshoofpyn is, meen dr. Sindi van Zyl van Johannesburg. Maar…

Die Suid-Afrikaanse ekonomie trek swaar en vir baie mense beteken dit ’n huis van hul eie is hulle dalk nie beskore nie. Tog, meen eiendomskenners daar was die afgelope dekade nog nie ’n beter tyd as nóú om vir die eerste keer ’n huis te koop nie. Dikwels is dit ook nie geld wat mense afsit van huiskoop nie, maar eerder die commitment. Huur word geassosieer met onafhanklikheid – die idee dat jy nie wortels skiet in een plek nie, maar kan kom en gaan soos jy wil. Baie ander mense lewe weer in die hoop dat hul pay-pakkie eendag genoeg sal wees om ’n huis kontant te koop. En al klink dit wonderlik, is die realiteit ’n ander storie. Jou huur word erg beïnvloed deur inflasie en as jy…

Toe ek nog ’n tjokker was, het my pa my orals saam hom gevat. Die hele Paternoster het ek saam hom deurkruis, met die beste van uitsig oor my hele dorpie, op die skouers van my pa. En maak nie saak hóé Ma teen die karre geskop het nie, Pa het geglo dit is sy taak om ons aan al die moets en moenies van die lewe bloot te stel. Dus kon ek, terwyl ek hoog op sy skouers gesit het, al van ’n vroeë ouderdom af sien wie en wat my pa is. Ongelukkig is dit in veels te veel situasies nie meer vandag die geval nie. Die statistieke rondom enkelouer-huishoudings sit in alle waarskynlikheid agter elke grys haar van my. Volgens ’n studie van die Suid-Afrikaanse Instituut oor…

Wanneer ’n traumatiese gebeurtenis nie op die regte wyse verwerk word nie, het die negatiewe ervaring dikwels ’n houvas op jou denke en kan die negatiewe herinneringe jou dan by tye oorweldig. Dit is egter moontlik om die verlede finaal agter te laat deur jouself die regte vrae af te vra wanneer negatiewe gebeure weer vars in jou geheue is. Só word dit moontlik om uit die verlede te leer en aan te beweeg, maak nie saak hoe erg die gebeure was nie. Die eerste vraag wat jy jouself moet afvra, is: “Wat het regtig gebeur?” Antwoord slegs deur jouself met die ware feite te konfronteer. Die volgende vraag is: “Watter emosies ervaar jy wanneer jy die ervaring herleef?” Skryf dit neer as jy wil. Die laaste vraag is: “Hoe…