Innholdsfortegnelse for 5/29/2019 i Kuier

Dit is duidelik dat hulle kieskeurig was met hul deelnemers (G’n domkoppe, 15 Mei). Hierdie Kuier alleen bevat verskeie suksesvolle slim bruin vroue. Ek dink dis vir eers genoeg genoem, kyk maar self verder in Kuier. LES MULLER Kim Cloete (Sterk in lief en leed, 15 Mei) het my so diep geraak. Dankie Kim dat jy gedeel het. Soveel vroue gaan daardeur –in stilte en isolasie. Dankie dat jy, soos ek, jou stilte verbreek het op so ’n sensitiewe en teer onderwerp. Al die emosies wat jy voel, het ek gevoel totdat ek besef het ek is nie alleen nie. Die dag toe ek my stilte verbreek oor my pyn en verlies, is die dag wat die heling begin het. Om te besef ek is ’n wonderlike vrou, meer as…

Indien jy jouself raakgesny het en nie pleisters het nie, sny sommer ’n panty liner in repies – so groot soos die sny – en gebruik dit solank. DOROTHY WALES, STRANDFONTEIN Dorothy wen essence-produkte ter waarde van R1 000. Beskikbaar by: Dis-Chem, Clicks, Takealot, Zando, Foschini en uitgesoekte Jet-winklels. essence-tip Voeg vloeibare highlighter by onderlaag om dit ’n glansende look te gee. Probeer essence #instaperfect highlighting drops.…

Ons lewe in ’n samelewing met baie kulture en gelowe waar ons mekaar gou kan misverstaan. Dis dalk omdat ons oningelig is en nie genoeg doen om ons medemens, wat dalk ander geloofsoortuigings het, beter te verstaan nie. Kuier het dit goedgedink om in die heilige maand van Ramadaan ’n bietjie meer uit te vind oor iets wat ons nog altyd fassineer het – Moslem-vroue se kleredrag en wat alles daarmee gepaardgaan. In Saoedi-Arabië en die Indonesiese provinsie Aceh moet alle Moslem-vroue hul hare bedek met ’n hijab terwyl alle vroue in Iran, maak nie saak wat jou geloof is nie, hul koppe moet bedek. Frankryk en België, aan die ander kant, het open-like godsdienstige simbole in staatskole, universiteite en staatsgeboue verban, wat baie hoofbedekkings insluit. Kosovo (Serbië), Azerbaijan, Tunisië…

Groot opgewondenheid heers tans in Suid-Afrika oor die Proteas se deelname aan die 2019 Wêreldbeker-kriekettoernooi wat oor ’n tydperk van 45 dae vanaf 30 Mei tot 14 Julie in Engeland en Wallis plaasvind. Vanjaar se toernooi beloof om ’n krieketfees te wees met van die wêreld se voorste krieketspelers watt meeding om een van die grootste krone in krieket. Passievolle ondersteuners in Suid-Afrika hoop natuurlik die Proteas kan uiteindelik die“chockers”-baadjie afskud en vanjaar uiteindelik die trofee wen. Faf du Plessis se span gaan in die openingswedstryd teen die gasheer Engeland te staan kom, wat baie kenners as een van die belangrikste wedstryde van die toernooi beskou. Die afrigter van die nasionale krieketspan, Ottis Gibson, het egter ’n paar wenkbroue laat lig toe hy in April sy groep van 15 spelers…

Hierdie winter hoef jy glad nie vaal en vervelig te wees nie. Een van die beste maniere om te sprankel in die koue seisoen, is om jou hare te kleur. Die grootste trends vir haarkleur is ligte pienk, helderrooi, ysige wit en roosgoud. As jy ’n bietjie skrikkerig voel om dit met jou hele kop te waag, doen dit met highlights, ombre of soliede gedeeltes. Die maklikste is om na ’n haarsalon te gaan waar jou hare deur ’n kenner gekleur word – veral wanneer jy ’n drastiese verandering wil maak. Maar as jy dit wil self doen, lees die instruksies op die pakkie noukeurig en doen ’n“strand test”op ’n klein seksie van jou hare. Onthou instandhouding is belangrik. Kry die gepaste shampoo en conditioner en gebruik ’n aanvullende behandeling.…

Wanneer jy uit ’n gemeenskap kom waar alles na een lang uitgerekte stryd teen die euwel van dwelms, armoede en bendegeweld voel, is dit soms moeilik om die blink kant van die lewe te sien. Maar die talentvolle tweelingbroers Peter en John Talmarkes (26) van Bonteheuwel, wil wys nie alles van die Kaapse Vlakte is of hoef sleg te wees nie . . . Die tweeling, beter bekend as die sangduo PJ Twins, bekoor tans Suid-Afrikaners met hul sielvolle stemme en energie op die verhoog van seisoen drie van die sangtalentkompetisie The Voice SA. Hulle is in die merkwaardige sanger Lira se groep en sy help die broers om hul talent verder te ontwikkel. Craig Lucas, wenner van die tweede seisoen van The Voice SA, het ook naby die tweeling…

Sal jy op ’n parkeerplek parkeer vir gestremdes en bejaardes of sal jy iets kwytraak as iemand anders daarop parkeer wat nie daar hoort nie? Ek was gister so ontsteld toe ’n gesonde dame die cone weghaal en haar man op die plek vir gestremdes parkeer. Toe ek uit die winkel kom, is daar ’n gesonde jong man wat dieselfde doen. Hoe dink mense? Of dink hulle glad nie? PORSCHE VERLIZE GORDON Dis nie snaaks in ons plek nie, want die polisie en amptenare parkeer ook sommer daar. SHAHEEDA LAATOE CROMBIE Ag nee wat. Ons het almal goeie oefening nodig. Wat my ook grensloos irriteer, is mense wat dubbel parkeer om vroulief eers af te laai, want sy is te vet en te lui om ’n entjie te stap. CHRISTA…

AMY›MATRIEKROK: Stephanie Hendricks van De Rust Futura Akademie, Grabouw. INFINITY›MATRIEKROK: Zhanay van Wyk van Aloe Junior High School, Mitchells Plain. 3 ACKERMANS HAMPERS: Leandi Smuth, George; Amanda Solomons, Worcester; Iris Ferris, Parow. 10 MILADYS VOUCHERS: Katrina Maasdorp, Upington; Nicole van der Speck, Belhar; Roseline Frieslaar, Fraserburg; Jean de Vries, Stellenbosch; Ethna Gerber, Bredasdorp; Felicity Maasdorp, Uitenhage; Nicolene Arendse, Eersterust; Margaret Siegelaar, Mosselbaai; Natalie Williams, Upington; Pearl Hendricks, PE. 5 BRAMLEY HAMPERS: Maggi Gerber, Hartenbos; Stephanie Abrahams, PE; Lyndall Adams, Heideveld; Zelda de Bruin, Mosselbaai; Welma van der Vyver, Wolmaransstad. 5 AFRICAN EXTRACTS HAMPERS: Lenie van der Westhuizen, Bloemfontein; Pearl van Eeden, Groot-Brakrivier; Rosemary Botha, Aliwal-Noord; Irene Fourie, Swellendam; Glenda Mouton, Goodwood. 8 MRL HAMPERS: Sharon Nazer, PE; Sylvia McCreadie, Bellville; Susan Pool, Piet Retief; Suzanne Douglas, PE; Hilda Groenewald, Parowvallei;…

Van val en opstaan, kan jy die Kaapse sanger Karin Kortje niks vertel nie. Maar ná soveel jare se seerkry, teleurstellings en verkeerde keuses by tye, is Karin 14 jaar nadat sy Idols gewen het, uiteindelik op ’n plek waar sy wíl wees. Sy is gelukkig, verlief en lyk en voel drie maande voor haar 40ste verjaardag beter as ooit tevore! Die afgelope 14 jaar was vol suksesse en struikelblokke vir Karin, maar sy het net nooit gaan lê nie. Sy het ook dit wat verkeerd gegaan het in lewenslesse omskep, “want ek wil hê die volgende 14 jaar van my lewe moet die beste wees”, sê ’n opgewekte en lewenslustige Karin. Karin het sedert begin vanjaar baie gewig verloor en lyk fantasties! Sy het gegaan van ’n size 44…

PRAWNS Genoeg vir 6 – 8 BESTANDDELE 800 g prawns, met doppe 3 eetlepels olyfolie 50 g botter Sout en peper na smaak 4 knoffeltoontjies, fyngekap 1 eetlepel pietersielie, gekap Sap van een suurlemoen Vars koljander en suurlemoenwiggies vir versiering METODE In ’n warm pan, braai die prawns in die olie en botter aan albei kante vir omtrent twee minute. Geur met sout en peper na smaak. Voeg die knoffel, pietersielie en suurlemoensap by. Kook vir nog 2 - 3 minute. Versier met koljander en suurlemoenwiggies. WENK: Dié prawns is heerlik en maklik om te maak. Bedien dit met rys en groente van jou keuse. GESMOORDE STEAK Bedien 6 – 8 BESTANDDELE 1,5 kg tenderised steak 4 eetlepels olie 3 groot uie, gesny 2 lourierblare (bay leaves) 1 groen, rooi…

Vanjaar se Wêreldbekerkriekettoernooi word vanaf 30 Mei tot 14 Julie in Engeland en Wallis gehou. En dis juis in Engeland waar krieket begin het . . . Krieket is eers in Engeland deur die armes gespeel, maar teen die middel 18de eeu het almal dit gespeel. Maar dit het steeds nie duidelike reëls gehad nie. Krieketreëls is vir die eerste keer in 1744 deur die Star and Garter club opgeskryf en hulle het die kundiges geword van ingewikkelde reëls van krieket. Hulle het later in 1787 Marylebone Cricket Club (MMC) gestig. Die MCC hersien steeds tot vandag toe die reëls van die spel. 50 ’n Internasionale Eendagwedstryd is ’n tipe krieketwedstrydformaat waar twee internasionale spanne ’n beperkte aantal boulbeurte speel (gewoonlik 50 elk) op een dag. Die Wêreldbekerkriekettoernooi word in…

Ons het RECONNECTIONS in Atlantis afgeskop, en jong, ons het lekker geparty! Ons het gedans, gesing en gelag en baie pret gehad, maar ook ernstige kwessies wat die dorp raak, bespreek. Uit die diepte van ons harte wil ons dankie sê dat julle ons so lekker tuis laat voel het. Dit was ook ’n riem onder die hart om te sien dat Kuier deel is van so baie vroue en selfs mans se lewens op Atlantis. Plaaslike talent soos Tashna B en die Xtreme Youth-dansgroep het ook uitgehaal en gewys op die verhoog. Atlantis, julle kan regtig trots wees op jul kinders. Prys R110 per persoon TWEEDE STOP UPINGTON RECONNECTIONS kom na jóú dorp toe! Noord-Kaap, is julle reg? Vir die eerste keer in Kuier se tien jaar bestaan kom…

’nVrou se hare is haar kroon en die taak om daarvoor te sorg, is nie altyd ’n maklike saak nie, veral nie as dit ’n wil van haar eie het nie! Óf jou hare nou krullerig, dik, dun óf reguit is, daar is ’n roetine en produk wat jou draad op sy beste sal laatt lyk. Ons het by ’n paar bekendes gaan aanklop om te hoor wat hul haarstories is en hoe hulle na hul hare omsien. TRACEY LANGE Tracey Lange se hare lyk altyd mooi en sy speel graag met verskillende haarstyle.“Ek het eintlik nog nooit groot issues gehad met my hare nie, net omdat ek nooit aan my hare gedink het nie,”vertel Tracey.“Toe ek jonger was, het my hare nooit gekrul nie, totdat ek so 19 was…

MOETS EN MOENIES Moenie jou kind se hare elke dag was nie, anders was jy die natuurlike olie weg. Dít sal haar hare verswak. Jy kan tussenin wastye die sweet van haar kop afvee of haar hare afspoel. Moenie droë hare uitkam voordat jy dit was nie. Dit sal haar hare afbreek. Kam dit liewer uit wanneer jy conditioner aanwend. Haal alle haargoed uit haar kop voor sy gaan slaap. Gebruik ’n katoen T-hemp om haar hare af te droog, maar moenie hard vryf nie. Moenie produkte met chemikalieë aan haar hare aanwend nie. Dit kan haar hare beskadig. Moenie jou kind se hare relax terwyl sy klein is en nie kan sê haar kop brand nie. STILERING As jy haar hare invleg of vasmaak, moet dit nie te styf…

Maak My Famous, 30 Mei, 21:00 Die top10 word ingedeel in groepe van twee om onvergeetlike optredes na die verhoog te bring. Die gehoor stem, maar dié keer stem hulle vir wie die kompetisie moet verlaat. Suidooster, 31 Mei – 6 Junie, 18:30 Daar is goeie nuus vir die Gerbers wanneer Stefan borgtog en ’n verhoordatum kry. Bridgette is in ’n tweestryd oor haar huwelik en die toekoms, maar Ian is reg om vir haar te veg. Arendsvlei, 2 Junie, 20:00 Lionel is woedend wanneer hy hoor Thys het by die Cupido-huis ingetrek. Debra sukkel met die valse openbare beeld van haar en Wesley. Hazel en Ilke vind ’n nu-we oplossing wat Stacey betref.…

Kroeskop. Pittekop. Plek-plek bewolk. Staalwol. Jou hare kan nie pom-pom nie. As jou hare nie die sogenaamde potloodtoets slaag nie, behoort jy hierdie sêgoed te ken. As kind was ek altyd skrikkerig vir hierdie tipe sêgoed, want my hare was nie net kroes nie, maar ook verskriklik dik. Ek onthou hoe die kamproses ’n uitdaging op sy eie was en hoe my trane gerol het as dit my beurt was om my hare te vleg. Die herinneringe aan volwassenes wat aanmerkings maak soos: “Shame, haar draad is nie so sterk nie” of onnies wat jou herinner dat jy nie soos ’n sekere kind in die klas gladde hare het nie, het my vir lank innerlik laat krimp en laat wens dat die aarde my kan insluk. Dus, toe daar nuwe…

Blue Route Mall in Tokai, Kaapstad, het ’n groep gelukkige Kuier-lesers ’n vroeë bederf gegee in die aanloop tot Moedersdag. Die 112 vroue het op Donderdag 9 Mei aangesit vir ’n heerlike driegangmaaltyd en wyn. Die ete het deel uitgemaak van ’n kompetisie wat deur Blue Route Mall aangebied is. Die vroue kon hulle ook verkyk aan ’n voorlegging van die nuutste wintermodes van Contempo, Foschini, Woolworths en Miladys. Elke vrou het ’n goodie bag ontvang met wonderlike geskenkies. REGS: Kuier-lesers geniet hulself by die Blue Route Mall in Kaapstad. Blue Route Mall sê dankie aan Deluxe Laser & Spa, CUM Books, Eyelink, Montagu Dried Fruit & Nuts, Carlton Hair, The Blood Donation Centre, Copy Express, Peninsula Beverages, Miladys, Woolworths, Contempo, Foschini en Kuier.…

ANTWOORD Hier is natuurlike rate wat jy oor tyd kan probeer om jou hare dikker te laat uitgroei. As jy bekommerd is, besoek jou dokter vir mediese raad. 1. Aloe vera: Vryf ’n handpalm vol aloe vera-gel in jou kopvel. Los dit aan vir 10 – 15 minute, spoel af enwas. 2. Eiermasker: Meng ’n halwe avokadopeer, een eier, een eetlepel coconut-olie en ’n halwe teelepel heuning. Smeer dit aan jou hare en los aan vir ’n halfuur. 3. Olyfolie en gemmer: Olyfolie is vol vita-mine wat jou hare voed. Dit sal ook jou hare body gee. Meng die olie met gemaalde gemmer en masseer dit in jou kopvel. Los aan vir ’n halfuur tot 45 minute en spoel af. 4. Uie: Verbeter jou hare se kollageen-produksie met uie. Smeer…

1. Geboul:As die bouler die kolwer se paaltjies met die bal tref terwyl hy boul, is die kolwer uit. 2. Gevang:As die kolwer die bal in die lug slaan en dit word deur ’n veldwerker, bouler of paaltjiewagter gevang sonder dat dit die grond geraak het. 3. Uitgehardloop:As ’n veldwerker die paaltjies met die bal kan raakgooi terwyl die kolwer buite sy kolfkamp is (terwyl hy ’n lopie wil aan teken). 4. Been voor paaltjie: As die bal die kolwer se bene tref wat andersins die paaltjies sou getref het, is hy uit. 5. Paaltjie geslaan: As die kolwer self sy eie paaltjies slaan, is hy uit. 6. Gestonk: As die paaltjiewagter die paaltjies met die bal raak kan gooi terwyl die kolwer buite sy kolfkamp is en voordat enige…

TWISTS Twists, beter bekend as two strand twists, is ’n haarstyl wat geskep word deur twee slierte hare om mekaar te draai. Hoewel flat twists goed werk met verskillende haarteksture, werk die two strand twists beter op natuurlike hare aangesien die punte dan sonder enige bykomende hulp bymekaar sal bly. COILS Dié haarstyl, wat met enige haarlengte en tekstuur werk, kan gedoen word deur jou hare in klein gedeeltes te verdeel en dan met draaibewegings van die vinger dit in ’n “coil”omskep. Die stileringproses duur langer as baie ander style, maar dit bly ook langer in. WASH & GO Die wash & go-styl is geskep om hare in die mees natuurlike toestand te hou, wat beteken daar is geen twisting of vlegtery betrokke om ’n krulpatroon te verbeter nie. Die…

1 SENSTIEWE KOPVEL ’n Kopvel wat jeuk en sensitief is, kan baie ongemaklik wees. Begin vir jou kop te sorg deur nie produkte te gebuik wat te sterk is vir jou kopvel nie. Maak seker jou borsels en kussingslope is skoon. Gebruik ook ’n behandeling vir jou kopvel. Masseer dit soggens en saans deeglik in jou kopvel. Pure-Royal se kopvel-treatment, R71,99. 2 HAARVERLIES Faktore soos menopouse en stres dra by tot haarverlies. Jy kan aanvullings gebruik, maar ’n natuurlike manier om dit te doen, is om kasterolie aan jou kopvel te vryf. Moet ook nie jou hare te veel stileer nie en volg ’n gesonde dieet. Trichotin-haargroeitablette, R418; Pure-Royal se repair and grow, R71,95. 3 SPLIT ENDS Jy kan nie eintlik split ends weer aanmekaargom nie, jy moet dit in…

PLAT BORSEL GESKIK VIR: Gebruik dié borsel vir meduim tot lang hare. Dit werk lekker om jou hare plat te borsel as jy dit in ’n netjiese poniestert wil vasmaak. NIE VIR: Kort haarstyle soos boy’s cut. BLOW-BORSEL BESTE VIR: Gebruik dit vir medium tot lang hare. Jy kan jou hare in ’n japtrap droogmaak, los krulle maak of reguit blow. NIE VIR: Dun en beskadigde hare. (Die borsel raak warm en kan jou hare verder verniel.) PADDLE-BORSEL BESTE VIR: Jy kan medium tot lang droë hare hiermee uitborsel. Gebruik dit ook om jou hare uit te blow. Borsel jou hare hiermee as jy jou hare gaan los dra. NIE VIR: Kort nat hare. DETANGLING BORSEL GESKIK VIR: Borsel jou nat of droë hare uit met hierdie borsel. Jou hare…

As jy belangstel in ’n loopbaan in motorwerktuigkunde, kan jy die volgende instansies probeer: NORTHLINK COLLEGE • Kursus: Automotive motor mechanic • Tel.: 021 951 2231 • Webtuiste: https://www.northlink. co.za/course/cbmt-automotivemotor-mechanics-level-1-2 BIDVEST AUTOMOTIVE ARTISAN ACADEMY • Johannesburg: 011 314 8775 • Kaapstad: 021 905 7997 • Durban: 031 709 0514 • Webtuiste: www.mccarthytraining.co.za FALSE BAY COLLEGE • Tel.: 021 787 0800 • Webtuiste: www.falsebaycollege.co.za…

‘Sal dit makliker vir jou wees as ek nie so vinnig was nie? Sal dit makliker wees as ek ophou wen? Sal jy meer gemaklik wees as ek minder trots was? Sou jy verkies dat ek nie so hard werk nie? Of net nie gehardloop het nie? Of ’n ander sport gekies het? Of gestop het toe ek my eerste treë gegee het? Dis jammer, want ek is gebore om hierdie te doen.” Dís die woorde van Caster Semenya (28) in haar 2018-Nike-advertensie. Hiermee het sy alles vervat wat sy haar lewe lank moes verduur – konstante diskriminasie oor hoe sy lyk en klink; of sy “regtig vrou is” en hoe dít as rede voorgehou word vir aanvalle op haar atletiekprestasies. En met al die omstredenheid rondom die IAAF (die…

Bekommernis vat nie môre se vrese weg nie, dit steel net vandag se vrede . . . Volgens die law of attraction trek dieselfde energie mekaar aan. So, bekommernis trek meer bekommernis aan. Dít wat ons voed, sal groei. Hetsy dit ’n positiewe of ’n negatiewe gesindheid is. Die Cherokee-stam in Amerika het ’n storie van twee wolwe wat in elkeen van ons lewe. Die een wolf is donker en hy le-we van woede, jaloesie, leed, selfbejammering, vrees, arrogansie, verwyt, skuld, minderwaardigheid, leuens, valse trots, hoogmoed en ego. Die ander wolf is lig en hy lewe van liefde, vreugde, vrede, geluk, aanvaarding, nederigheid, vredeliewendheid, empatie, vrygewigheid, waardigheid, waarheid, deernis en geloof. Dié twee is in ’n voortdurende innerlike geveg met mekaar. Watter een wen? Die een wat jy voed .…

’n Mens het ’n sterk hart nodig om al die uitdagings van die lewe aan te durf! Vertel ons jou storie oor daai keer toe jy ’n sterk hart nodig gehad het en jy kan R1 000 wen! E-pos jou rubriek (800 woorde) en ’n foto van jouself (300 dpi) vir ‘Wat die hart van vol is’ na kuier@kuier.co.za met die woord RUBRIEK in die onderwerplyn of stuur dit met gewone pos na Wat die hart van vol is, Kuier, Posbus 1802, Kaapstad 8001. As ons jou hart-storie publiseer, wen jy R1 000!…