Innholdsfortegnelse for November/December 2021 i Idees

Hoe jy ook al daarna kyk, Kersfees laat hom nie ignoreer nie. Daarvoor is hierdie tyd van die jaar net té mooi en vol liefde en lewe. ’n Mens kan maar mor oor die Kersliedere wat al van Oktober af in winkelsentrums speel, en knorrig raak oor die druk wat geskenke uitoefen op ons almal se senuwees, geduld en begroting, maar teen Desember word ons almal meegesleur deur die opwinding van die feestyd. Dis net hier waar die probleem lê. As jy alles los totdat die gogga jou in Desember byt, dan wéét jy mos dinge gaan wild raak. Die winkels is vol, die rakke leeg en die tyd bitter min. So waarom nie die stres uit dié tyd haal met ’n bietjie beplanning nie? Vir hierdie uitgawe het ons…

LUGDROOGKLEI-ARMBANDE MOEILIKHEIDSGRAAD: maklik TYD: omtrent ’n dag JY BENODIG ♥ lugdroogklei in die kleure van jou keuse (ons het JOVI- en DAS-klei in verskillende skakerings van bruin gebruik)♥ koekroller♥ handwerkmes en snymat♥ staalliniaal♥ karton SO MAAK JY 1 Werk met een kleur op ’n slag, want jy moet ná elke kleur se uitrol eers jou snymat en koekroller deeglik afwas. Breek ’n stuk klei van so 3 cm af, maak die res weer toe en bêre dit in ’n lugdigte houer sodat dit nie uitdroog nie. 2 Rol die klei tussen jou hande in ’n worsvorm uit, sit dit op jou snymat neer en rol dit met die koekroller tot ’n langwerpige vorm van so 5 mm dik uit. LET WEL: Moenie die klei te dun uitrol nie. As dit…

MOEILIKHEIDSGRAAD: baie maklik TYD: vinnig-vinnig – jy kan in ’n oggend genoeg maak om jou hele boom mee te versier JY BENODIG ♥ Kersbal-ontwerpe op bladsy 48♥ wit mediumgewig-karton♥ bypassende tossels♥ bypassende lint of borduurdraad om die versierings mee op te hang♥ gaatjiesdrukker♥ gomgeweer♥ handwerkmes en snymat SO MAAK JY 1 Kopieer die Kersbal-ontwerpe op bladsy 48 in die verlangde grootte op die wit karton. 2 Gebruik jou handwerkmes en snymat om die Kersballe netjies uit te sny. 3 Pons ’n gaatjie aan die bokant van elke Kersbal en ryg ’n stukkie lint of borduurdraad daardeur. 4 Plak met jou gomgeweer ’n tossel aan die onderkant van elke Kersbal vas om dit af te rond. Knoop die Kersballe met die toutjies aan jou Kersboom vas.…

MOEILIKHEIDSGRAAD: gemiddeld TYD: ’n paar uur JY BENODIG ♥ takbokpatroon op bladsy 49♥ 250 gsm-karton in 2 of 3 skakerings van bruin vir die kopdele♥ steenkoolkleurige papier of karton vir die oë en snoet♥ swart-en-wit illustrasie van blomme vir die rugkant♥ riffelkarton vir die rugkant♥ balsahout vir die horings♥ bloekomblare en kunsblomme (ons s’n is van papier) vir die krans♥ klein ornamentele voëltjie (kyk by bloemistewinkels)♥ 3 mm-spons-alkantplakband♥ spuitgom♥ gomgeweer♥ handwerkmes en snymat SO MAAK JY 1 Kopieer die takbokpatroon op bladsy 49 in die verlangde grootte en gebruik dit om die kopdele uit karton in verskillende skakerings van bruin te sny. Sny die oë en snoet uit die steenkoolkleurige papier of karton. Sny die horings uit die balsahout. 2 Sny ’n sirkel met ’n deursnee van sowat 30 cm…

Rue Sainte Catherine, die langste voetgangerinkopiestraat in Europa, loop regdeur die hart van die ou distrik van Bordeaux. Dit word weerskante omsoom deur elegante 18de-eeuse geboue, party met ornate fasades en gietysterbalkonne. Chloé Battesti se woonstel is in een van dié geboue. Sy woon die grootste deel van die jaar in Kalifornië en verhuur die woonstel aan reisigers deur Airbnb. Dié tweeslaapkamerwoonstel is een van die gewildstes in die stad en is gewoonlik lank voor die tyd bespreek, maar dis beslis die moeite werd om jou geluk te beproef … Wanneer ’n mens by die woonstel instap, word jy onmiddellik betower deur die lieflike hoë plafonne en vensters wat van die vloer tot die dak strek en die ruimte met hope natuurlike lig vul. Chloé en ’n plaaslike argitek het…

FEESTELIKE NEUTKOEKIES Maak: omtrent 12 koekies Bereidingstyd: 1 uur, plus yskastyd Baktyd: 15 minute Oondtemperatuur: 180 ºC ♥ 100 g (250 ml) geblansjeerde amandels (of gebruik grondboontjies vir ’n meer ekonomiese opsie)♥ 160 g (190 ml) suiker♥ 270 g (500 ml) koekmeel♥ 3 ml gemengde speserye♥ 3 ml fyn kaneel♥ 230 g (250 ml) botter♥ 2 groot eiergele♥ 65 g (125 ml) versiersuiker, vir oorsif♥ 125 ml gladde kersie- of frambooskonfyt, sjokoladesmeer of karamelkondensmelk (Caramel Treat) 1 Rooster die neute in ’n droë pan tot dit liggies goudbruin is en laat dit heeltemal afkoel. Pols die neute saam met 60 ml suiker in ’n voedselverwerker tot dit nog effens grof is. 2 Meng die koekmeel, speserye en fyngekapte neute saam in ’n bak. 3 Klits die botter tot dit lig…

TOFFIESOUS MET SPESERYE EN BRANDEWYN Maak: 4 klein flessies Bereidingstyd: 15 minute Gaarmaaktyd: omtrent 45 minute ♥ 425 g (500 ml) suiker♥ 2 kaneelstokke♥ 8 heel kruienaeltjies♥ 8 steranyssade♥ 140 g (150 ml) botter♥ 30 ml gouestroop♥ 250 ml room♥ 150 ml brandewyn♥ 15 ml gerasperde lemoenskil 1 Plaas die suiker en 100 ml water in ’n swaarboomkastrol. Verhit dit liggies terwyl jy die heeltyd roer tot al die suiker opgelos het. 2 Voeg die speserye by, verhoog die hitte en laat die mengsel liggies prut (sonder om dit te roer) tot dit ’n liggoue kleur kry. Dit behoort omtrent 30 minute te neem. 3 Gebruik ’n gaatjieslepel om die heel speserye uit te skep en gooi dit weg. Roer die botter, gouestroop, room, brandewyn en lemoenskil by. 4 Kook…

MOEILIKHEIDSGRAAD: gemiddeld TYD: halfdag JY BENODIG ♥ geskenkboksiepatroon op bladsy 126♥ versierings op bladsy 126 (of gebruik ornamentele voëltjies, by bloemistewinkels te kry)♥ 250 gsm-karton in die kleure van jou keuse♥ bamboessosatiestokkies♥ gomgeweer of alkantplakband♥ gaatjiesdrukker♥ handwerkmes en snymat♥ staalliniaal SO MAAK JY 1 Kopieer die geskenkboksiepatroon op bladsy 126 in die verlangde grootte en gebruik jou handwerkmes en staalliniaal om die boksievorm uit karton in die kleur van jou keuse te sny. 2 Pons gaatjies in die karton soos op die patroon aangedui. 3 Vou die boksie en plak dit met jou gomgeweer of alkantplakband aan mekaar (maar maak seker jy plak nie die bokant toe nie!). WENK: Gebruik jou staalliniaal of ’n beenstokkie om die voue mooi skerp te maak – dit sal verseker dat die boksie sy…

VIR ’N JAA RLIKSE INTEKENING VAN R433,50 ONTVANG JY AL OM DIE ANER MAAND JOU GEDRUKTE EKSEMPLAAR VAN IDEES.* JY KAN OP EEN VAN DIE VOLGENDE MANIERE INTEKEN: * SKAKEL 087 353 1291 (Maandag tot Vrydag 8 vm. tot 4.30 nm.). * E-POS JOU NAAM EN KONTAKDETAILS AAN idees@onthedot.co.za.** * WHATSAPP JOU KONTAKDETAILS NA 087 353 1292. OF TEKEN JAARLIKS OP DIE DIGITALE TYDSKRIF IN TEEN SLEGS R360 OF KOOP ’N ENKELE DIGITALE EKSEMPLAAR TEEN R65: * GAAN NA MAGSCART BY catalyzmo.co.za. VIR NAVRAE OOR JOU INTEKENING, E-POS DIE MAGSCART-SPAN BY subs@catalyzmo.co.za OF SKAKEL + 27 21 045 1401. * GAAN NA ZINIO BY zinio.com/za/Ideas vir jou digitale intekening. OF * LAAI DIE IDEES-APP AF EN KOOP ONS DIGITALE EKSEMPLARE OP DIE TOESTEL VAN JOU KEUSE (SIEN HIER OORKANT). HET…

VRUGTEKOEK Maak seker jy verf die koek elke twee weke met brandewyn sodat dit goed ryp en geurig is teen Kersfees. Maak: 2 x koeke van 15 cm elk of 1 x koek van 20 cm Bereidingstyd: 30 minute, plus weektyd Baktyd: sowat 3 uur Oondtemperatuur: 140 ºC ♥ 500 g (660 ml) vrugtekoekmengsel♥ 200 g (260 ml) bosbessie-enrosyntjiemengsel♥ 100 g ontpitte dadels, gekap♥ 100 g (200 ml) glanskersies, middeldeur gesny♥ 100 ml brandewyn KOEK ♥ 225 g (410 ml) koekmeel♥ 5 ml fyn kaneel♥ 10 ml gemengde speserye♥ 225 g (375 ml) donker bruinsuiker♥ 225 g (240 ml) sagte botter♥ 4 groot eiers, liggies geklits♥ 15 ml gouestroop♥ 100 g (250 ml) gekapte pekanneute of amandels♥ skil en sap van 1 lemoen♥ ekstra brandewyn, om die koek mee aan…

Hierdie is die ideale hekelprojek ‘vir die pad’, aangesien een bol bont breidraad vir baie dele van die projek gebruik word vir ’n interessante en verrassende effek – dus is dit nie nodig om hope breidraad saam met jou rond te dra nie. Hekel slegs die aanwysings vir die kop as jy net Kersballe wil maak. MOEILIKHEIDSGRAAD: maklik TYD: ’n paar dae JY BENODIG ♥ 50 g African Expressions Joy DK in naaswit (dit sal drie koppe maak), of omtrent 15-20 g breidraad as jy minibolletjies wil gebruik♥ omtrent 15 g liggrys dubbelbreidraad vir die donkie se kop♥ 15 g rooi breidraad♥ Starke 6 Change of Scenery-breidraad vir die hoofbedekkings (dié bont draad gee ’n wonderlike verskeidenheid kleurkombinasies)♥ klein hoeveelhede van die volgende kleure: bruin, swart, grys en ligpers vir…

MOEILIKHEIDSGRAAD: gemiddeld TYD: omtrent ’n dag JY BENODIG ♥ Kersboompatrone op bladsy 40♥ wit 250 gsm-karton♥ papier in die ontwerp van jou keuse (of gebruik die mooi papier oral in hierdie boek)♥ 24 klein skuifboksies, soos vuurhoutjieboksies (ons het drie verskillende groottes gebruik)♥ nommers 1-24 in die ontwerp van jou keuse (kyk op die internet of by handwerkwinkels)♥ alkantplakband♥ gomgeweer♥ handwerkmes en snymat♥ staalliniaal♥ lekkergoed of ander klein verrassings om in die boksies te sit SO MAAK JY 1 Kopieer die Kersboompatrone op bladsy 40 in kleur op wit karton en gebruik jou handwerkmes en staalliniaal om dit netjies uit te sny. Jy gaan altesaam 24 boompies benodig. NOTA: Jy kan die boompies ook uit jou eie mooi papier sny, as jy wil. 2 Trek die skuifboksies – net ’n…

MOEILIKHEIDSGRAAD: maklik TYD: omtrent ’n halfdag JY BENODIG ♥ herbergpatroon op bladsy 70♥ prente van die Kersfeesfigure en die staldiere op bladsy 71♥ balsahout van 1 cm dik♥ wit mediumgewig-karton♥ alkantplakband♥ maskeerband♥ handwerkmes en snymat SO MAAK JY 1 Kopieer die herbergpatroon op bladsy 70 in die verlangde grootte en plak dit met maskeerband op die balsahout vas. Werk op jou snymat en sny dit netjies met jou handwerkmes uit. 2 Kopieer die Kersfeesfigure en die staldiere op bladsy 71 op die wit karton en sny dit ook netjies met jou handwerkmes uit. 3 Sny vir die staande figure en diere blokkies balsahout vir voetstukke uit – die blokkies moet effens groter wees as die onderskeie figure en diere se uitgesnyde basisse. 4 Sny ’n keep in die lengte af…

JY BENODIG ♥ gemmerbrooddeeg en harde versiersel of royal icing (sien hieronder) ♥ patrone op bladsy 93 ♥ skerp mes ♥ staalliniaal ♥ spuitsak ♥ nommer 1- klein ronde spuitstuk (opsioneel) ♥ lekkertjies en ander soet sprinkelgoed van jou keuse, vir versiering GEMMERBROODDEEG ♥ 125 g botter of bakmargarien ♥ 100 g bruinsuiker ♥ 130 g gouestroop ♥ 10 g melasse ♥ 300 g koekmeel ♥ 5 ml koeksoda ♥ 10 ml fyn gemmer ♥ 2,5 ml gemengde speserye HARDE VERSIERSEL ♥ 1 groot eierwit ♥ 300 g gesifte versiersuiker ♥ 20 ml suurlemoensap GEMMERBROODDEEG Smelt die botter of bakmargarien, suiker, gouestroop en melasse in ’n kastrol oor matige hitte. Sif die droë bestanddele saam en maak ’n holte in die middel. Giet die bottermengsel in die holte en gebruik…

Hoe lyk jou gunsteling-Kersboomversiering? Elke jaar ná die feestyd pak baie van ons sorgsaam die effe verweerde maar geliefde blinkersterre en glasballe weg waarmee die Kersboom al sedert ons kinderdae versier word, en volgende jaar maak ons weer so. Waarom nie vanjaar volgens hierdie selfde nostalgiese benadering allerhande goed wat jy reeds het – silwersousbakkies, handgemaakte kaartjies en die mooi, ou lampe wat jy by ’n liefdadigheidswinkel raakgeloop het – inspan om jou huis feestelik te versier nie? Ons deel ’n klompie idees om jou kreatiwiteit aan die gang te sit. GASVRYE GLOED ’n Mens wil sommer dadelik aansit by dié rustieke tafel wat betower met sy interessante kombinasie van organiese sjarme en industriële styl. Die skakerings van amber en oker vorm ’n elegante kontras met die skitterende glasware en…

MOEILIKHEIDSGRAAD: gemiddeld tot moeilik TYD: omtrent ’n dag JY BENODIG ♥ jakkalspatroon op bladsy 44 ♥ T-hempmateriaal vir die lyf en vir die uitrusting ♥ bypassende masjiengare ♥ swart, bruin en wit borduurgare ♥ borduurnaald ♥ poliësterspeelgoedstopsel ♥ materiaalpen of gewone potlood ♥ gomgeweer SO MAAK JY 1 Trek die patroon af vir al die dele van die jakkals. Kyk op die patroon hoeveel van elke deel uitgeknip moet word. 2 Begin deur al die kontrasterende dele vir die bolyf aan mekaar te stik, saam met die boonste deel van die jakkals se broek. Speld die moue aan die arms en die bokant van die broek aan die bene vas, met die regte kante teen mekaar. Stik dit en stryk dit plat. 3 Laat die bokant van die arms en…

MOEILIKHEIDSGRAAD: maklik TYD: omtrent 2 uur per versiering JY BENODIG ♥ patrone van die balsahout-versierings op bladsy 45♥ velle balsahout van 1,5 x 100 x 915 mm♥ Cotton Perle No. 8-katoenborduurgare in die kleur(e) van jou keuse♥ borduurnaald♥ skerp speld♥ koolpapier en ’n pen of potlood♥ houtlym♥ handwerkmes en snymat (of gebruik ’n skerp skêr)♥ fyn skuurpapier of ’n naelvyl SO MAAK JY 1 Trek die patrone van die versierings op bladsy 45 met koolpapier en ’n pen of potlood op die balsahout af. 2 Gebruik jou handwerkmes en snymat of ’n skêr om die vorms uit te sny. Vir ons het ’n skêr beter vir sommige vorms gewerk en ’n handwerkmes weer beter vir ander. Maak net seker dat die lemme of skêr skerp is. Sny twee vorms vir…

DONKIE JY BENODIG ♥ skets op bladsy 40♥ 0,5 mm-dikte draad, sowat 1,8 m lank♥ karakoelwol♥ merinowol in grys, wit en swart♥ stukkies swart pelsmateriaal♥ verviltingsnaald♥ lint♥ 2 speelgoedoë♥ kontakgom SO MAAK JY 1 Kyk na die skets op bladsy 40 en maak vir die donkie ’n raamwerk met die draad. 2 Draai die hele raamwerk met karakoelwol toe, sodat jy ’n basis het waaraan die merinowol geheg kan word. 3 Begin met ’n stukkie wit merinowol, bedek die neus van die donkie en naaldvilt dié wol in posisie. Gebruik die naaldverviltingsaksie om ’n effense holte aan elke kant te vorm vir die neusvleuels, sowel as ’n mondgedeelte. Gebruik twee stukkies wol en heg dit aan vir die wit sirkels om die oë. Sit dan die oë oor dié twee…

Die geur van jasmyn in die somer neem my terug na my kinderdae … Geure skilder sulke duidelike prentjies in ons kop. Wanneer jy ’n aangename geur inasem, stel jou senuweestelsel endorfiene en serotonien vry wat ’n mens laat goed voel. Dit verbeter jou luim, laat jou gelukkig voel en help om jou te laat ontspan. Gebruik gegeurde items in jou huis – jou toevlugsoord – sodat jy ook daardie gevoel van vreugde en kalmte kan ervaar. GEURIGE KERSE Maak van gewone winkelkerse geurkerse met dié maklike geurtegniek. Verpak hulle dan in gebruikte glasflesse wat ook as kershouers kan dien. MOEILIKHEIDSGRAAD: gemiddeld TYD: so ’n uur of wat JY BENODIG ♥ gewone kerse (ons het bontes gekoop by @home)♥ vlugtige olie van jou keuse SO MAAK JY 1 Steek die…

AMANDEL-SPESERYKOEK Maak: 1 x koek van 20 cm Bereidingstyd: 30 minute Baktyd: 35-40 minute Oondtemperatuur: 170 ºC ♥ 6 groot eiers by kamertemperatuur, geskei♥ 190 g (225 ml) suiker♥ 7 ml elk gerasperde suurlemoen- en lemoenskil♥ 2,5 ml fyn kardemom♥ 125 g (400 ml) droë klapper♥ 250 g (625 ml) fyngemaalde amandels of amandelmeel♥ stensil van jou keuse, vir versiering♥ versiersuiker, vir versiering 1 Klits die eierwitte styf en sit dit eenkant. 2 Klits die eiergele en suiker saam tot dit dik en romerig is. Klits die sitrusskil en kardemom by. 3 Vou die klapper en fyn amandels of amandelmeel by die eiergeelmengsel in. 4 Voeg ’n derde van die styfgeklitste eierwitte by die beslag en vou dit liggies in. Voeg nog ’n derde van die eierwit by en vou…

MOEILIKHEIDSGRAAD: maklik TYD: ’n uur of wat om ’n hele klomp te maak JY BENODIG ♥ kunsprente en -foto’s in hierdie boek♥ batteryaangedrewe LED-kersies♥ kombuistou♥ wit mediumgewig-karton♥ alkantplakband♥ gaatjiesdrukker♥ handwerkmes en snymat SO MAAK JY 1 Kopieer die kunsprent of -foto van jou keuse op papier en vou dit in ’n silindervorm. Plak die sykant met alkantplakband toe. 2 Pons aan die bokant van die silinder drie gaatjies ewe ver van mekaar en knoop lengtes tou daaraan vas. Knoop die punte van die tou aan die bokant aan mekaar vas. 3 Sny met jou handwerkmes twee dun stroke uit karton. Gebruik alkantplakband om die stroke oorkruis aan die onderkant binne die lantern vas te plak en laat ’n LED-kersie daarop rus. Maak nog ’n paar lanterns en hang dit oral…

SKRYF VIR ONS & WEN! Vicki Fourie, die skrywer van hierdie uitgawe se wenbrief, ontvang die volgende Gatineau-produkte ter waarde van R1 515: Primrose Gel Cleanser, Gentle Silk Toner, en Perfection Ultime Lip Balm SPF15. Gatineau kombineer natuurlike bestanddele met die voorste biotegnologie om hul gevorderde velsorgprodukte te skep. Die huis is in 1932 gestig deur Jeanne Gatineau, ’n pionier in die skoonheidswêreld. Gatineau-produkte is aanlyn en by uitgesoekte Woolworths-, Truworths- en Dis-Chem-winkels beskikbaar. WENBRIEF BLOM IN BOHO Toe ek die hekelpatroon vir die boheemse blomtrui in Idees se Maart/April 2021-uitgawe sien, het ek geweet dis my trui. Ek moes net een vir myself maak! Ek het dadelik in my ‘stash’ gaan kyk en genoeg hekeldraad vir die kleurblokke gehad, ek moes net die donkergrys bykoop. Die trui was ’n…