Innholdsfortegnelse for May/June 2021 i Idees

Ek en my drawwerseun sit vanoggend en gesels oor ’n koppie koffie. Ons bespreek sy tone wat nou maar eenmaal nie goed lyk met die naels wat aanmekaar uitval van die aanhoudende gestamp in die drafskoene nie. Maar dit maak nie saak nie, want dis die onafwendbare gevolg van iets wat hy regtig geniet en wat goed is vir hom. Dit laat my dadelik kyk na my hande. Ek sê gereeld vir mense ek dra nie my naels lank en geverf nie, want ek het werkershande. Hulle tik en kook en verf en boor; help my om die goed te doen wat my gelukkig maak. Ek kan boonop aan niks ergers dink as die geluid van lang naels op my rekenaar se toetsbord nie. In haar artikel oor hande op…

MOEILIKHEIDSGRAAD: gemiddeld TYD: 2-3 dae JY BENODIG MATERIAAL ♥ diagram op bladsy 40♥ laaghout (ons het berkehout gebruik) - 400 mm x 400 mm x 12 mm dik (dele 1, 2 en 3)♥ SA-dennehout (of ander ligte hout) - 35 mm x 24 mm x 25 mm dik (deel 4) - 22 mm x 28 mm x 25 mm dik (deel 5) ♥ tappenne (dennehout) - 2 x 32 mm x 12 mm in deursnee♥ 1 x 2A55-gleufhanger met skroewe♥ 4 m x omvlegte lampkoord (ons het wit gebruik)♥ 1 x 15 amp-3-tand-prop♥ 1 x wit koordskakelaar♥ 2 x EKL1 6 amp-strookverbinders (klein)♥ 1 x plafonlig: CFO47, 13W, 4000K, wit (verwyder plastiekbedekking)♥ 1 x vlekvryestaal-kabelbeheerstel CM-SS-GS*♥ alkantplakband, 3 mm dik (opsioneel)♥ kleurlose spuitvernis (ons het mat afwerking gebruik)♥ houtlym (Ultra)♥…

KANEELROLLETJIES MET ’N ROOMKAASVERSIERSEL Maak: 12 VIR DIE RYK DEEG: ♥ 600 g witbroodmeel, plus ekstra om te strooi ♥ 100 g witsuiker ♥ 5 ml sout ♥ 1 sakkie (10 g) droë kitsgis ♥ 250 ml louwarm melk ♥ 75 ml gesmelte botter ♥ 2 groot eiers, geklits VIR DIE VULSEL: ♥ 80 g sagte botter ♥ 150 g witsuiker ♥ 25 ml fyn kaneel VIR DIE ROOMKAAS-DRUPSOUS: ♥ 125 g roomkaas ♥ 80 g sagte botter ♥ 2 ml vanielje-ekstrak (of 3 ml vanieljegeursel) ♥ 400 g gesifte versiersuiker ♥ melk Maak die deeg. Roer die meel, suiker en sout saam in ’n groot mengbak en maak ’n holte in die middel. Roer die gis by die louwarm melk. Gooi die melk, botter en eier in die holte…

BASIESE PAPIERPULP Gebruik afvalstukkies papier om ’n papierpulp te maak wat jy kan vorm. MOEILIKHEIDSGRAAD: maklik TYD: 2 dae JY BENODIG ♥ papier (ons het meestal ongedrukte koerantpapier gebruik)♥ versapper met kaplem♥ styselpoeier♥ nat of poeierverf♥ kaasdoek♥ koekroller PATROONPAPIER Gebruik dit om kaartjies, etikette en pleknaamkaartjies te maak. BORRELPATROON Volg die pulpmaakproses tot jy klaar is met stap 3. By stap 4 sit jy ’n stuk borrelplastiek onder die kaasdoek en gebruik ’n koekroller om die patroon in die papierpulp af te rol. BLOMPATROON Ons het ’n fondant-bosseleerstempel en ’n koekiedrukker gebruik om hierdie oulike patrone te maak nadat ons die pulp in ’n vel gerol het. Moenie te hard druk nie - gebruik net genoeg krag om die patroon af te druk, maar moenie regdeur die pulp druk nie.…

MOEILIKHEIDSGRAAD: gemiddeld TYD: 2-3 aande JY BENODIG ♥ arandikte breidraad: hoofkleur 200 g (100 g = 87 m/95 jrt); kontraskleur een 200 g; kontraskleur twee 50 g (ons het Vinnis Tori, 50% bamboes en 50% katoen in die drie kleure HK Aluminium, KK1 Natural en KK2 Charcoal gebruik)♥ 6 mm-hekelpen♥ wolnaald♥ 55 cm-binnekussing♥ 55 cm-ritssluiter GROOTTE 55 cm-vierkant. As jy ’n kleiner kussing wil hê, gebruik dunner breidraad en ’n dunner hekelpen. AFKORTINGS gls - glipsteek her - herhaal HK - hoofkleur hlb - halwe langbeen kb - kortbeen KK - kontraskleur ks - kettingsteek os las - onsigbare las rdte(s) - rondte(s) SAL - slegs agterste lus so - slaan oor sp - spasie st(e) - steek(steke) vkb - verlengde kortbeen vlg - volgende SPANNING 13 rye x 12…

MOEILIKHEIDSGRAAD: moeilik TYD: 2 dae JY BENODIG ♥ 2,6 m buldenim of seildoek♥ bypassende masjiengare en naald♥ 2 bolle katoentou nr. 3♥ 50 g naaswit dubbeldraadkatoen♥ 3,5 mm-hekelpen♥ wateruitwisbare materiaalmerker VIR DIE AANMEKAARSIT ♥ houtpiksteel♥ 20 cm tappen, 6 mm dik♥ 5 metaalringe, 10 cm in deursnee♥ klemme vir veerhake, 10 mm♥ saag♥ boor met 6 mm-boorpunt♥ hamer♥ houtvyl SO MAAK JY Saag die dik kant van die piksteel af sodat dit 95 cm lank is. Merk die stok rondom op 3-vingerbreedte van die rand af en vyl ’n keep van omtrent ’n vingerbreedte in. Boor ’n gat 8 cm van die keep. Saag die 6 mm-tappen in twee dele van 10 cm. Kap dit met die hamer deur die gat. Dit sal keer dat die stoeldele rondskuif. Doen dieselfde…

MOEILIKHEIDSGRAAD: van gevorderde beginner tot meer ervare breier SPESIALE VAARDIGHEDE: brei in die rondte/wonderlusbreiwerk, kort rye, vermeerdering en vermindering TYD: ideaal vir ’n langnaweek GROOTTES K (M, G) JY BENODIG ♥ 7 (8, 9) 100 g-bolle Rowan Big Wool♥ 10 mm-sirkelbreipen (vas of uitruilbaar) om in die rondte te brei (’n langer kabel vir aanpas terwyl jy brei, sal help. Vir uitruilbare penne, ’n kabelverbinder en ekstra kabel om die kabel te verleng vir aanpas)♥ breispelde/oorskietbreidraad♥ 2 steekmerkers♥ stopnaald♥ 3 m van baie dunner oorskietbreidraad SPANNING 9 ste en 14 rye = 10 x 10 cm (liggies gestoomblok) AFKORTINGS aw - aweregs BVR - begin van rondte do - draad oor ggr - glip, glip, regs: Glip die eerste steek asof om regs te brei, glip die tweede steek asof…

Knip maklik plooibare maar sterk materiaal in ’n vierkant van 1,2 x 1,2 m. Lê die stuk lap met die regte kant na onder op ’n tafel neer. Neem een van die hoeke en maak ’n stywe knoop so kwartpad op na die teenoorstaande hoek. Doen dieselfde met die teenoorstaande hoek. Vou die oorblywende twee hoeke na mekaar toe en maak ’n losserige enkelknoop. Neem die een punt van die enkelknoop en knoop dit vas aan die punt van die eerste knoop wat jy gemaak het. Doen dieselfde met die oorblywende punt van die enkelknoop en die punt van die tweede knoop wat jy gemaak het. Hierdie twee nuwe knope sal die skouerbande van jou rugsak vorm. Vorm jou rugsak met jou hande sodat die sakdeel lekker bol staan en…

Of ons nou aan pandemievoosheid ly en niks meer wil hoor daarvan nie, ons wêreld het ná 2020 dramaties verander en grense het onherroeplik verskuif. Wie dra nog hoëhakskoene? Maar wel los klere (sweetpakbroeke!) en sommer net sokkies of plat skoene? Die. Hele. Dag. Ons lewe het byna volledig verskuif van buitenshuis na ’n beperkte borrel binnenshuis, ’n tweedimensionele lewe aanlyn; ons werk, ons verkeer sosiaal, ontspan en koop daar. Soms sonder om eens op te staan vir ’n koppie koffie. Ons moes skielik kundig raak oor dinge soos sosiale afstand, sanitasie en epidemiologie. Mense wêreldwyd het hulle werk verloor en hul toekoms is totaal verander. Maar: Die wêreld het stil geraak, selfondersoek gedoen en, beste van alles, mense het hul kreatiwiteit herontdek en hul waardes hersien. Bowenal het die…

(@hanneskoegelenberg) @ANDELOLIVIERART Die Suid-Afrikaanse kunstenaar Andel Olivier deel haar kleurryke kuns op haar Instagramblad. Kenmerkend van haar styl is speelse dierlike en natuurlike vorms, portretstudies en lieflike waterverfpatrone. Van haar werk word op muurpapier en tekstiele gedruk en sy het selfs ’n reeks keramiekware. @COMPIODL Die talentvolle naaldwerker Dewald Compion neem graag foto’s van sy nuutste kwilt- en borduurskeppings - laasgenoemde dikwels van sy geliefde troeteldiere. Ons is veral mal oor sy Delft-geïnspireerde kwilt en kan nie wag om die eindresultaat te sien nie. @CRUMBCAKESSA Anmar Wilding van Crumb in Woodstock, Kaapstad, se kleurryke gebak is net so herkenbaar soos haar blou-enpers hare. Buiten die mooi troukoeke en ander soetgoed wat jy by haar kan bestel, kan jy gerus gaan loer na haar nuwe veganistiese reeks by @vegan.by.crumb.…

VIR ’N JAARLIKSE INTEKENING VAN R433,50 ONTVANG JY AL OM DIE ANDER MAAND JOU GEDRUKTE EKSEMPLAAR VAN IDEES.* JY KAN OP EEN VAN DIE VOLGENDE MANIERE INTEKEN: * SKAKEL 087 353 1307 (Maandag tot Vrydag 8 vm. tot 4.30 nm.). * E-POS JOU NAAM EN KONTAKBESONDERHEDE AAN subs@ideasfactory.co.za**. * SMS ‘INTEKEN IDEES’ OF ‘SUBSCRIBE IDEAS’ NA 33153 (R1,50 per SMS).** OF TEKEN JAARLIKS OP DIE DIGITALE TYDSKRIF IN TEEN SLEGS R360 OF KOOP ’N ENKELE DIGITALE EKSEMPLAAR TEEN R65: * GAAN NA MAGSCART BY www.catalyzmo.co.za. VIR NAVRAE OOR JOU INTEKENING STUUR ’N E-POS AAN DIE MAGSCART-SPAN BY subs@catalyzmo.co.za OF SKAKEL +27 21 045 1401. * GAAN NA ZINIO BY www.zinio.com/za/Ideas vir jou digitale intekening. OF * LAAI DIE IDEES-APP AF EN KOOP ONS DIGITALE EKSEMPLARE OP DIE TOESTEL VAN JOU…

HET JY JOU DAAGLIKSE DOSIS KREATIEWE INSPIRASIE NODIG? LAAI DAN EENVOUDIG ONS APP OP DIE TOESTEL VAN JOU KEUSE EN JY HET DIE TYDSKRIF OP JOU VINGERPUNTE. * Vind ons onder IDEES TYDSKRIF in die APPLE APP STORE, of in die GOOGLE PLAY STORE indien jy ’n androïedtoestel het. * Koop ’n ENKELE DIGITALE EKSEMPLAAR teen slegs R65 of teken op ’n JAAR SE UITGAWES in teen R360. As jy ’n uitgawe misgeloop het, kan jy enige tyd op die uitgawe klik en dit by jou mandjie voeg om jou IDEES-biblioteek volledig te maak.…

TATTA, KRAAISPORE Die fyn vel om ons oë en lippe is dun en teer. Daarom wys ouderdom eerste daar met kraaispore om die oë en staafkode-plooie bo die lippe. ’n Produk wat spesifiek aandag hieraan gee, is Filorga se nuwe Global-Repair Eyes & Lips (R1 290). Hierdie teenverouderingsroom bevat 50 meso-faktore (vitamiene, antioksidante, koënsieme), voedingstowwe vir die vel (seramied, die omegasure in kamelia, nagblom en jojoba, vitamiene A, D en K) en sellulêre opkikkers (hialuronsuur om hol plekke te vul en te laat uitswel, kollageenpeptiede om die dermisnetwerk te herstel). Dit bevat ook vyf verhelderingsbestanddele soos niasinamied, vitamien C en fitiensuur, en soetemaling- en sesamsaadekstrak om die vel op te plomp en gladder te laat vertoon. Mwah! KOEL KOMBUISGIERE Kombuistoestelle is lankal nie meer net praktiese masjiene nie. Moderne kombuistoebehore…

Jou kop gaan staan stil terwyl jy besig is om te haak, so maak dit jou aandagtige oomblikke van die dag. GROOTTE: 50 x 95 cm MOEILIKHEIDSGRAAD: maklik (maar net as jy geduld het) TYD: ’n week JY BENODIG ♥ enkelgaas (single canvas)♥ Sharpie-pen♥ tonghaaknaald (latch hook tool)♥ breidraad van jou keuse♥ skerp skêrtjie♥ liniaal PATROON Gebruik ons patroon hierbo of teken self een. Jy kan selfs net met blokke, driehoeke of strepe in verskillende kleure werk. Teken die patroon met jou Sharpiepen op die gaas oor. Draai ’n stuk breidraad om jou liniaal en knip dit aan die bokant deur, al langs die lengte van die liniaal af. Dit is net om seker te maak al die stukkies breidraad is ewe lank. Neem nou die tonghaaknaald en druk dit…

MOEILIKHEIDSGRAAD: maklik TYD: 1-3 weke JY BENODIG ♥ kombers in die grootte van jou keuse♥ afvallappies♥ lang stukke materiaal vir die omboorsel♥ bypassende masjiengare♥ kwiltgare♥ lang naald♥ maskeerband WENK: Jy kan al jou lappies in dieselfde grootte blokke knip of dit knip en pas soos jy werk. Stryk die lappies ná elke stiksel plat. SO MAAK JY 1 Stel die steeklengte van jou masjien op 4. Dit stik vinniger, is sterk genoeg en jy gaan die materiaal ook met die hand vaswerk. Besluit op jou kleurskakering. Versamel lappies van dieselfde soort materiaal, byvoorbeeld linne of katoen. Dit is nogal pret om sover moontlik nie materiaal te koop nie. Kyk in jou huis vir lakens, tafeldoeke, teedoeke en klere wat jy nie meer gebruik nie, dan is daar sommer dadelik sentiment…

Sy kan nie ’n afvallap weerstaan nie, selfs ou bandanas, vadoeke, sakke vol T-hemde, babaklere, rokke van haar oumas, rugbytruie - ja, alles sal sy in herinneringskwilte omskep. Maruanda Wynne, gebore en getoë in Bellville, se handelsmerk Hartlap praat met jou hart. ‘Covid het ons opnuut uitgedaag om dinge met ewigheidswaarde te skep. Ons besef ons verganklikheid en wil tasbare dinge vashou,’ sê sy. Sy glo nog altyd aan herwinning en reken mense koop te maklik. ‘Ek geniet dit om te skep, veral as ek weet die lap sou andersins weggegooi word.’ Hartlap het organies ontwikkel toe Maruanda sowat twaalf jaar gelede ’n lappieskombers gemaak het. So sien sy stukkies afvallap op die vloer beland en besef ook dít kan herbenut word. Sy het begin dink aan al die vroue…

Tineke is ’n groot aanhanger van ou meubels: Sy bewonder nie net die manier waarop elkeen tydsaam met die hand gemaak is nie, maar ook hoe tyd en daaglikse gebruik letsels laat en die stukke stadigaan laat verweer. Tineke is veral mal oor stewige, byna bonkige ontwerpe wat van werkswinkels, plase en fabrieke afkomstig is. Hierdie industriëlestyl-skatte van robuuste hout en geroeste yster vang dadelik die oog in haar huis op die dorp Heerenveen, Nederland, wat reeds in 1880 gebou is en wat sy deel met haar man, Rick, en hul twee volwasse seuns, Jasper en Bram. Sy is ’n kieskeurige en presiese stilis, erken Tineke. ‘Ek sit nooit enigiets sommer net lukraak neer nie - elke ding het sy plek tot op die presiese sentimeter! Ek sien sommer dadelik…

TEE SAAM MET DIE KONINGIN G’n formele teepartytjie is volledig sonder ’n bord fyn vingertoebroodjies nie. Ons het ons s’n gemaak met ’n heerlike kroningshoendervulsel met ’n ligte kerriegeurtjie. Die oorspronklike coronation chicken-resep is spesiaal vir koningin Elizabeth II se kroningsbanket in 1953 ontwikkel. KRONINGSHOENDER-TOEBROODJIES Genoeg vir: 6-8 Bereidingstyd: 45 minute, plus yskastyd Gaarmaaktyd: 15 minute ♥ 4 sakkies menttee♥ 6 hoenderborsfilette♥ 1 witbrood, ongesny♥ sagte botter, vir smeer♥ gesnipperde grasuie en komkommerlinte, om voor te sit SOUS ♥ 15 ml canola-olie♥ 1 middelslag-ui, fyngekap♥ 15 ml matige kerriepoeier♥ 15 ml tamatiepasta♥ 15 ml appelkoosblatjang♥ 80 ml mayonnaise♥ 40 ml crème fraîche of Griekse jogurt♥ 30 ml vars koljanderblare, fyngekap 1 Plaas die mentteesakkies in ’n kastrol, voeg 250 ml kookwater by, en laat dit vir 10 minute trek. Verwyder…

SAADPAPIER Jy kan velle saadpapier maak en opsny om saadkaartjies te maak, wat ’n gawe geskenk is vir iemand wat ’n nuwe tuin begin. Die kaartjies lyk nie net mooi nie - jy kan dit ná die tyd ook plant. Volg die pulpmaakproses op bladsy 77 tot jy klaar is met stap 3. Voeg blom- of groentesaad van jou keuse by wanneer jy die water en stysel inmeng en gaan dan aan met stap 4 om die velle papier te maak. MUURVAAS VAN PAPIER Dié bottelvormige vase sal ’n mooi maar spotgoedkoop fokuspunt vir jou muur vorm. Hiervoor benodig jy nat velle papierpulp (sien die stappe op bladsy 77), ’n bottel en twee stukke kaasdoek. Bedek die bottel met ’n stuk kaasdoek en drapeer dan die papiervel oor die kaasdoek.…

MOEILIKHEIDSGRAAD: gemiddeld TYD: 2 dae JY BENODIG ♥ 5 rustieke houtpale♥ materiaal van jou keuse♥ bypassende masjiengare♥ lint of ander wegbinders♥ papier om die patroon op te teken SO MAAK JY 1 Bind die vyf houtpale aan hul bokant aan mekaar vas en sprei dit eweredig uit tot die grootte wat jy wil hê die tipi-tent moet wees (’n sirkel- of vyfhoekvorm verdeel in vyf gelyke dele). Meet van paal tot paal by die onderkant en meet ook die hoogte (driehoekvorm dus). Onthou om die wydte aan die bokant te meet waar die pale bymekaarkom, aangesien die tent aan die bokant oop sal wees vir die pale. 2 Teken op papier ’n patroon met die regte mates vir jou tent - onthou om naat- en soomtoelatings van 1,5 cm reg…

MOEILIKHEIDSGRAAD: maklik TYD: 7 uur JY BENODIG ♥ onversierde kussing♥ borduurontwerp van jou keuse (of gebruik die een hier oorkant)♥ borduurgare♥ borduurnaald♥ borduurring♥ skerp skêr SO MAAK JY 1 Skets die ontwerp van jou keuse en die plasing daarvan rofweg op ’n vel papier, of gebruik die ontwerp wat ons gebruik het. 2 Ons het drie kleure vir ons kleurskema gekies (grys, rooi en geel) en ’n paar variasies van elke kleur gebruik. 3 Trek die oortreksel van die kussing af. As jy nie gemaklik daarmee voel om die ontwerpe met die vrye hand te borduur nie, kan jy die ontwerpe liggies op die kussingoortreksel teken as riglyn vir die plasing. 4 Gebruik ’n borduurring wanneer jy die ontwerpe borduur. Jy kan jou kreatiwiteit na hartelus inspan met die steke…

MOEILIKHEIDSGRAAD: gemiddeld TYD: omtrent 16 uur VOLTOOIDE GROOTTE Breedte: 26 cm Lengte: 180 cm, plus 14 cm vir tossels aan elke punt JY BENODIG ♥ 5 x 110 m/100 g-bolle dik breidraad (ons het Classic Yarns Rhythm in kleur 232 gebruik)♥ 8 mm-breipenne♥ kabelpen♥ hekelpen♥ tapisserienaald SPANNING 13 ste en 15 rye = 10 x 10 cm met 8 mm-breipenne en in die patroon wat aangegee word. AFKORTINGS aw - aweregs gl - glip her - herhaal mba - met breidraad agter r - regs RK - regte kant st(e) - steek(steke) VK - verkeerde kant SO BREI JY Stel 44 ste op. Ry 1: gl 1 mba, *r2, aw2; her van * tot by laaste 3 ste, r3. Ry 2: gl 1 mba, *aw2, r2; her van * tot…

Geel staan bekend as ’n kleur van optimisme, dit staan vir energie, blymoedigheid, lojaliteit en eer; ook vir gevaar, siekte en misleiding. Maar vir my sal geel altyd ’n baken van hoop wees. Dis die kleur van kans sien vir nog ’n dag wanneer die eerste oggendstrale oor die horison klim, geel is suurlemoen en borrie - gesondmaak-kleure. Dis die kleur van warm vla oor die karamellekkerte van ’n varsgebakte malvapoeding. Dit nooi my na kerslig om ’n stil tafel, dis die donsvere van ’n klein kuikentjie in die tuin. Geel vleg oor die hemelruim soos strepe genade op ’n koue, donker dag, raak aan die horison in ’n groet aan die son, en word dan oker. Die geel van helder daglig gaan oor in die aardsheid van kaneel en…

SKRYF VIR ONS & WEN! Welma Esterhuyse, die skrywer van hierdie uitgawe se wenbrief, ontvang velsorgprodukte ter waarde van R1 400 van Lamelle. Die geskenkpak bestaan uit Lamelle Serra Cleansing Gel, Lamelle Serra Restore Cream en Lamelle Correctives HA+ Serum. Lamelle-produkte word ontwikkel deur ’n proses van intensiewe navorsing en hersiening, nougesette produksie en voortdurende verbetering. Besoek lamelle.co.za vir meer inligting. WENBRIEF MY 14-DAE-OORLEWINGSJOERNAAL Twee weke ná my tydperk van isolasie sien ek Idees-Fabriek se nuwe tydskrif, Joernaal. Watter verfrissende briesie en net ’n bevestiging van waarmee ek besig was en steeds is … Die laaste dag van 2020 het ek gaan stilstaan toe ek positief vir Covid-19 getoets is. Idees, julle het my laat joernaal hou, ’n hele 14 dae lange oorlewingsjoernaal. Julle was my metgesel, my maat in…