Innholdsfortegnelse for Jan/Feb 2019 i Idees

14 Februarie: Valentynsdag 25 Februarie: Maart-April-Idees te koop WES-KAAP Tot einde Februarie Gee jou van Vrydae tot Sondae oor aan die Wine and Macaron Experience op die wynplaas Idiom buite Somerset-Wes. Besprekings is noodsaaklik. Meer inligting: idiom.co.za. Tot einde Februarie Die Stellenbosch Hills-wynmakery buite die Eikestad bied sy Fizz & Fudge Summer Pairing aan waar fudge en vonkelwyn gepaar word. Meer inligting: stellenbosch-hills.co.za. 1-3 Februarie Die Diasfees op Mosselbaai is ’n viering van verskillende kulture. Toegang is gratis. Meer inligting: oev.co.za. 7 Februarie Die Scarborough Fair by Camel Rock-restaurant is ’n fees van kos, handwerk, boetiekbier, plante, juwele, gesigverf en veel meer. Nog inligting: Soek ‘Camel Rock Scarborough Fair’ op Facebook. 7-10 Februarie Sluit aan by meer as 3 000 ander partytjiediere by Up The Creek langs die Breederivier buite…

Michelle Obama word allerweë as een van die mees ikoniese vroue van ons era beskou. As vorige presidentsvrou van Amerika het sy gehelp om die mees inklusiewe Withuis tot nog toe tot stand te bring en haarself gevestig as ’n kampvegter vir vroue en meisies reg oor die wêreld. Sy het haar man bygestaan terwyl hy Amerika deur ’n paar angswekkende oomblikke moes lei, en ons tussendeur ’n paar danspassies geleer, Carpool Karaoke met vlieënde vaandels oorleef en twee plat-op-die-aarde dogters grootgemaak onder die genadelose oog van die media. Haar memoires vertel van die ervarings wat haar gevorm het - van haar kinderjare in Chicago tot haar loopbaan waar sy ’n balans moes vind tussen werk en kinders grootmaak tot haar jare by die wêreld se beroemdste adres. Sy skryf…

Mia Karlsson is ’n baie besige vrou. Daarom is dit vir haar belangrik dat haar huis ’n plek moet wees waar sy volkome kan ontspan. ‘My huis is my toevlugsoord,’ verklaar sy en ’n mens sien sommer met die intrapslag waarom sy so sê. Hierdie pragtige huurwoonstel in die hartjie van Karlstad, een van die sonnigste stede in Swede, is weliswaar aan die anderkant van die wêreld van Suid-Afrika, maar Mia se knus, vroulike styl is universeel. Mia het drie kinders: Rikard en Fredrik asook die 20-jarige Linn, wat die woonstel met haar deel. Mia is ’n bedryfsontwikkelaar, interieurontwerper, vryskut skrywer en-stilis én sy ontwerp sowaar ook graag juweliersware. ‘Omdat ek so baie stimulasie kry by die werk, moet my blyplek stil en harmonieus wees.’ Die woonstel in ’n gebou…

MOEILIKHEIDSGRAAD: gemiddeld TYD: 1 dag Blaas nuwe lewe in doodgewone wit servette deur ys saam met poeierkleursel te gebruik vir ’n interessante effek. JY BENODIG ♥ wit katoen-of linneservette ♥ poeier-materiaalkleursel (kies kleursel wat vir linne of katoen geskik is) ♥ groot bak ♥ draadrak met pootjies wat binne-in die bak pas ♥ ysblokkies (die ysblokkies se vorm het ’n invloed op die eindresultaat)…

MOEILIKHEIDSGRAAD: gemiddeld TYD: 3 uur JY BENODIG MATERIAAL ♥ diagramme op bladsy 50-51 ♥ hout (in dié geval SA dennehout) -6 000 mm x 43 mm x 22 mm (dele 1-8 en deel 10) -1 800 mm x 22 mm x 22 mm (deel 9) ♥ laaghout -178 mm x 178 mm x 4 mm (deel 8) ♥ houtskroewe (versink) -16 x M3.5 x 60 mm -4 x M3.5 x 30 mm -4 x M3 x 16 mm ♥ water-of oliebasis-emaljeverf (ons het wit gebruik) ♥ verfkleurtint (ons het swart gebruik) ♥ houtvuller ♥ houtlym (ultra) ♥ glas -233 mm x 233 mm ♥ maskeerband GEREEDSKAP ♥ handboor ♥ verdieper (indien beskikbaar) ♥ 2,5 mm-boorpunt ♥ versinkboorpunt ♥ versteksnyer ♥ handsaag ♥ gleuf-en sterskroewedraaiers ♥ skuurpapier: 100-en 150-grint ♥ houtklampe…

As jy by die Skinny laMinxwinkel in Breestraat, Kaapstad, instap, word jy dadelik weggevoer na die wonderwêreld van die ontwerper Heather Moore waar kleur en patroon die septer swaai. In die een afdeling gewaar jy ’n strooikussing met ’n oortreksel in ’n tipiese Skinny laMinx-motief wat die perfekte pasmaat vorm vir ’n stoel wat in ’n totaal ander, meer lineêre Moore-ontwerp gestoffeer is. Aan die oorkant lok ’n stapel dromvormige lampskerms in skakerings van mosterdgeel, knalgroen en ’n opsigtelike skakering blou die oog. Teen ’n muur is ’n verskeidenheid van Heather se gewilde reeks teedoeke uitgestal, en net twee of drie treë verder verwonder jy jou weer aan die lapdrasakke wat ook van haar vrolike materiaal gemaak is. Die winkel is ’n weerspieëling van Skinny laMinx se eiesoortige stylaanslag -…

MOEILIKHEIDSGRAAD: redelik maklik TYD: 2-3 uur JY BENODIG ♥ vier 20 mm x 100 mm x 700 mmstroke hortjiehout of veselhout♥ twee 2 mm x 100 mm x 900 mmspaanderbordstroke♥ dun spykers of paneelspykers♥ middelslag-skroewe♥ 2 skroefhake♥ kompos of potplantgrond♥ beenmeel (opsioneel)♥ plante van jou keuse♥ gereedskap (boor, verstekbak, saag, hamer, skroewedraaier, ens.)…

MOEILIKHEIDSGRAAD: uitdagend TYD: 1-2 dae JY BENODIG ♥ voetstoeltjie ♥ haakmotief op bladsy 92 ♥ Elle Family Knit in Chunky (sien kleursleutel op bladsy 92) ♥ mathaakwerktuig (sien nota hieronder) ♥ goiingmateriaal (vir ons voetstoeltjie het ons ’n stuk van 50 x 50 cm gebruik) ♥ borduurring ♥ dekoratiewe stoffeergalon ♥ kramgeweer en kramme ♥ gomgeweer NOTA: Gehaakte matte word gemaak met ’n werktuig wat soortgelyk aan ’n hekelpen is en ’n houtsteel het vir ’n gemaklike greep. ’n Hekelpen van 3,5 mm kan in die plek daarvan gebruik word. SO MAAK JY MATHAAKWERK 1 Om die mathaakwerk te doen, strek die stuk goiingmateriaal met die nagetrekte ontwerp in jou borduurring. Druk die haakwerktuig op die buitelyn van een van die motiewe deur na die agterkant van die goiing. Haak…

VERPAKKING Koop ’n mooi houtboksie met ’n deksel waarin jy die malvalekker-en-pofrys-harte kan verpak. Versier die binnekant van die deksel só: Kopieer een van ons Valentynskaartjies op hierdie blaaie in die verlangde grootte op wit papier, knip dit uit en plak dit met spuitgom in posisie vas. Voer die boksie met waspapier en ’n doilie uit en pak die harte daarin. MALVALEKKER-EN-POFRYS-HARTE Maak: omtrent 30 Bereidingstyd: 30 minute Gaarmaaktyd: 10 minute ♥ 120 g (130 ml) botter ♥ 400 g malvalekkers ♥ pienk voedselkleursel ♥ 400 g pofrys (Rice Krispies) 1 Smelt die botter en malvalekkers in ’n groot kastrol oor lae hitte saam terwyl jy dit die heeltyd roer. Voeg ’n paar druppels pienk voedselkleursel by en roer dit goed om die kleursel egalig deur die mengsel te versprei.…

FOTOHOUER Onlangs, terwyl ek sit en wag by Binnelandse Sake, trek iets my aandag: die amptenaar se outydse lêerstelsel, basies ’n yslike stuk hout met diep groewe wat alfabeties gemerk is. My kreatiewe kop het dadelik oortyd begin werk. Ek kon nie wag om by die huis te kom nie! In my gedagtes het ek alreeds al my afvalhout deurgekyk om die regte stuk plank te kry. Ek wou dadelik met die projek begin en het gedink om prikysters (die Engelse noem dit pricking irons) by te sit as ekstra foto-houers. MOEILIKHEIDSGRAAD: baie maklik (As jy kan saag, is die projek gedoen!) TYD: 45 minute JY BENODIG ♥ dik stuk plank ♥ saag met houtlem ♥ potlood, liniaal en maatband…

Tot onlangs was geld en goed nog belangrik. My tyd is hoofsaaklik aan werk en doen afgestaan. Alles moes so na as moontlik aan perfek wees. My geluk is gemeet aan dinge soos sukses, prestasie en finansiële gemak. Vakansies op mooi plekke, besoeke aan teaters was belangrik. Ek wou genoeg van alles hê, totdat die lewe gedraai en my kom wys het dat genoeg op ander plekke lê as waar ek soek. Aanvanklik verstaan ’n mens dit nie. Dit neem tyd en ’n praktyk wat jou weer ‘gesond’ maak voordat jy die lewe en dit wat belangrik is in perspektief sien. Op 1 Januarie 2016 het ek in my joernaal begin skryf, die dag toe ek my werk verloor het. En dit was genoeg. Om my te laat insien dat…

Groente: Aartappels, aspersies, beet, blaarslaai, botterskorsie, eiervrug, groenboontjies, knoffel, komkommer, kool, mangetout, murgpampoentjies, pampoen, patats, radyse, rape, sampioene, seldery, soetrissies, spinasie, tamaties, uie, witlof, wortels. Vrugte: Appelkose, appels, bessies, druiwe, granate, grenadellas, kiwivrug, lietsjies, mango’s, nektariens, pere, perskes, piesangs, pruime, pynappel, spanspek, suurlemoene, turksvye, vye. Kruie: Basilie, dille, grasuie, marjolein, ment, origanum, pietersielie, roket, roosmaryn, salie, sitroengras, tiemie, vinkel. Blomme: Affodille, agapante, amarante, angeliere, anthuriums, asters, Barbertonse dwergmadeliefies, Barbertonse madeliefies, floksies, freesias, gousblomme, hanekamme, hiasinte, inkalelies, irisse, kantblomme, krisante, krismisrose, laventel, madeliefies, Oosterse lelies, poeierkwaste, proteas, ranonkels, ridderspore, rose, sewejaartjies, somerasters, sonneblomme, strelitzias, swaardlelies, tjienkerientjees, tulpe.…

MOEILIKHEIDSGRAAD: baie maklik TYD: enkele minute om te kleur, plus droogtyd Gebruik materiaalkleursel om wit tekkies in ombreekunswerke te verander. Smeer eers petroleumjellie aan die rubbersole van die tekkies om seker te maak dit bly mooi wit. Deurweek dan die tekkies behoorlik met water voor jy dit in ’n houer met materiaalkleursel (ons het pienk gebruik) doop. Laat die tekkies vir ’n paar minute in die kleursel lê voor jy dit uithaal en regop sit (laat dit teen iets leun) om droog te word en ’n ombree-effek te verkry.…

KOEKIEDEEG Klits 200 g sagte botter en 200 g witsuiker saam. Voeg 15 ml vanieljegeursel en ’n groot eier by en klits dit goed. Meng 420 g koekmeel en 5 ml bakpoeier in ’n aparte bak, voeg dit by die bottermengsel en meng dit liggies deur om ’n ferm deeg te vorm. Rol die deeg in sarsies uit tussen twee stukke kleefplastiek - dit moet omtrent 5 mm dik wees. Sit dit dan vir minstens 2 uur in die yskas. Dié resep sal so 15-20 koekies lewer na gelang van die grootte wat jy verkies. Jy kan die afvalstukke saamdruk en weer uitrol om nog koekies te maak. HARDE VERSIERSEL Klits 1 groot eierwit en 0,5 ml kremetart liggies saam. Voeg 300 g gesifte versiersuiker by en klits dit tot…

Usambara-viooltjies is seker vir heelwat van ons een van die bekendste huisplantjies. Op laerskool het ’n vriendin vir my ’n vaalbruin potjie met die pers, fluweelagtige blommetjies present gegee. Daar is na die plantjie omgesien met dieselfde toewyding as wat daar na die goudvisse en budjies in die huis gekyk is. In dieselfde huis was daar ook varings, sansevierias en begonias - regte staatmakers, van plaasstoep tot woonstelbalkon. In ’n ideale wêreld behoort elke mens minstens een plant as vriend te hê. Plante sorg vir goeie energie, dit suiwer die lug, verwyder gifstowwe en maak van jou ’n gelukkiger, gesonder mens. Boonop verg dit relatief min aandag. Binneplante kweek by ’n mens dieselfde passie as boeke, kunswerke en troeteldiere. Dit bring kleur en binne ’n oogwink helder dit ’n vertrek…

NOTA: Ons het dié materiaal net so by Fabric City in Kaapstad gekoop. Soek ’n soortgelyke lap, of borduur of applikeer jou eie. Jy kan selfs met jou hekelwerk om die soomlyn rondspeel. MOEILIKHEIDSGRAAD: maklik TYD: 2-3 uur VOLTOOIDE GROOTTE Medium, maar jy kan dit maklik in die lengte en/of breedte aanpas. JY BENODIG ♥ patroon op die oorkantste bladsy ♥ materiaal van jou keuse ♥ bypassende masjiengare ♥ haakspeld ♥ algemene naaldwerkbenodigdhede SO MAAK JY 1 Knip al die patroondele uit: 1 x voorpant op die vou, 1 x agterpant op die vou en een band van 102 x 7 cm (die lengte kan verminder word as die bandjies vir jou te lank is). As jy ook soos ons materiaal met ’n borduurontwerp gebruik, sorg dat die motiewe op…

KOEKIEDEEG Klits 200 g sagte botter en 200 g witsuiker saam. Voeg 15 ml vanieljegeursel en ’n groot eier by en klits dit tot alles goed gemeng is. Meng 420 g meel en 5 ml bakpoeier in ’n aparte bak en werk dit dan liggies by die bottermengsel in om ’n ferm deeg te vorm. Rol dit in sarsies tussen twee stukke kleefplastiek uit tot dit omtrent 5 mm dik is. Sit die deeg met kleefplastiek en al vir minstens 2 uur in die yskas. Die deeg is genoeg om 15-20 koekies te maak. HARDE VERSIERSEL Klits 2 groot eierwitte en 1 ml kremetart liggies saam. Voeg 500-600 g gesifte versiersuiker by en klits dit tot dit net-net ingemeng en die versiersel styf en wit is. Skep bietjies van die…

Span mooi aanhalings in om vanjaar gemotiveer te bly. Jy kan die ontwerpe op hierdie blaaie bloot laat raam of met washi-kleeflint iewers opplak, óf span dit kreatief in deur dit op ’n materiaalitem soos ’n lapsak oor te druk of dit met modge podge op byvoorbeeld jou bêrehouers te découpage. Hier is twee idees. ❁ Jy kan die reeds gedrukte lapsakke (sien die opsies op bladsy 115) by ons bestel. Dit kos R180 elk, BTW ingesluit, maar posgeld uitgesluit. Stuur ’n e-pos aan Marweya Smal by Marweya@ideasfactory.co.za om joune te bestel. Onthou asseblief om te sê watter ontwerp jy verkies. DRA JOU HART OP JOU SAK Maak ’n stylstelling en laat druk een van die aanhalings op hierdie blaaie op ’n lapsak. As jy die drukwerk self wil doen,…

1 Januarie: Nuwejaarsdag 9 Januarie: Skole heropen WES-KAAP Tot 30 Januarie Die Festival of Light Art met multisensoriese lig-en klankkunswerke reg oor die plaas word by die Spier-wynlandgoed gehou. Toegang is gratis. Meer inligting: spier.co.za. 2 Januarie Vier die koms van 2019 saam met duisende musikante, sangers en dansers in kleurryke kostuums by die Kaapse Klopse Karnaval. Die optog begin in Distrik Ses en eindig in die middestad. 2-8 Januarie Lyfknopers, sweefstokartieste en ander jong Zip Zap-sirkuswonders tree elke dag tussen 5 nm. en 6 nm. op in die Silo-distrik in die Waterfront. Toegang is gratis. Meer inligting: zip-zap.co.za. 7-25 Januarie Die UCT Summer School bied 113 kortkursusse aan met onderwerpe wat wissel van astronomie tot soölogie, letterkunde, kuns, musiek en aktuele sake. Meer inligting: summerschool.uct.ac.za. 16 Januarie Vier Nasionale…

Fiksie Sondag - Irma Venter (H&R, R280) Sondag. Oukersaand. Ná ’n inbraak by die Stables Estate in Pretoria-Oos word die sakeman Lafras van Zyl vir dood agtergelaat. Die res van die gesin verdwyn spoorloos: Katerien, vryduiker met ’n Amerikaanse paspoort, en ook haar kinders, Willem en Cath. Ná ses weke is daar nog geen leidrade nie, en kaptein AJ Williams van die Brooklyn-speurtak moet inspring. Die joernalis Alex Derksen en fotograaf Ranna Abramson is op die spoor van die 17-jarige Martina Buitendag van Stilfontein. Sy het in Johannesburg vermis geraak en ál leidraad is ’n verslete tas met R20 000 kontant en ’n handvol foto’s. Twee misdade. Talle sondes. Meer vrae as antwoorde. Irma Venter se nuutste stel nie teleur nie. Die vertes in - Zirk van den Berg (Kwela,…

❁ NUWE WINKELS, DEKOR EN HANDWERK dala@ideasfactory.co.za ❁ KOS EN RESTAURANTE ideasmagazinefood@gmail.com Salige somerkos Die restaurant SALT op die Paul Cluverwynlandgoed in die Elginvallei het pas ’n ingrypende mooimaaksessie ondergaan en die eindresultaat word beskryf as kontemporêr met ’n tikkie tradisie. Besoekers kan nou ’n lang, luilekker middagete op die skaduryke stoep met sy uitsig oor die tuin en dam geniet - die kos is uit die boeke, die wyn voortreflik en die atmosfeer ontspanne. SALT is van Dinsdae tot Sondae oop vir ontbyt en middagete. Bel 021 844 0012 of stuur ’n e-pos na salt@cluver.com om ’n tafel te bespreek. NOMMERPAS PRODUKTE As die formules op die verpakking van die nuwe Optiphi Delta-velsorgreeks vir jou na ingewikkelde wetenskap lyk, moenie dat dit jou kwel nie. Jou dermatoloog, snydokter of…

Ons het twee mediums gebruik vir hierdie projekte, naamlik porseleinpenne van Kreul en Dala se Ceramics@ home-keramiekverf. Albei produkte is beskikbaar by PNA. GETEKENDE BAKKIES Eet uit jou eie mooi blombakkies. JY BENODIG ♥ wit keramiekbakkies ♥ patrone van jou keuse ♥ porseleinpenne in die kleure van jou keuse ♥ naellakverwyderaar ♥ watte of lappie SO MAAK JY Wasdiebakkiesinseepwater en verwyder enige etikette. Laat dit staan om heeltemal droog te word. Pakjouwerkoppervlaktoemet velle ou papier (nie koerantpapier nie) en sit die bakkie bo-op neer. Skud jou keramiekpen vir so 2 minute aanmekaar en druk dan diepuntopdiepapier tot die ink begin uitloop. Nou is jy reg om te begin teken. Gaansoekn bietjie rond vir mooi patrone voor jy begin teken, sodat jy darem ’n idee het van wat jy wil doen.…

Verander ’n gewone wit koek in ’n skouspelagtige skepping met ’n verskeidenheid vars eetbare blomme. Maak: 1 koek (20 cm) Bereidingstyd: 1 uur Baktyd: 40 minute Oondtemperatuur: 160 ºC ♥ 10 groot eiers, geskei ♥ 320 g (390 ml) strooisuiker ♥ 25 ml melk ♥ gerasperde skil van 2 suurlemoene ♥ 240 g (440 ml) koekmeel VERSIERSEL ♥ 340 g (370 ml) sagte wit margarien ♥ 700 g (1 345 ml) versiersuiker, gesif ♥ 50 ml melk ♥ 30 ml suurlemoensap ♥ 10 ml gerasperde suurlemoenskil ♥ ’n verskeidenheid eetbare blomme (byvoorbeeld rose, gesiggies, malvas, angeliere, viooltjies, seringblomme en kappertjies) Klitsdieeierwittestyf maar oppas om dit te oorklits. Klits dan 200 g van die strooisuiker by, net ’n bietjie op ’n slag. Klits die melk by en hou die mengsel eenkant.…

Dit klink soos ’n Facebook-of Instagram-cliché. Maar al is dit, het dit betekenis in my lewe gebring. Ná ’n leeftyd van soeke. Van jaag na nog kennis. Nog lesings, nog kursusse, nog boeke en nog wyshede. Sangomas en Tarrot-kaartlesers. Crystal en energy healing. Toe kom my besluit om weg te stap van ’n skitterlewe propvol inspirasie, blink ligte en opwinding, die mooiste sonbrille en hoëhakskoene. Om dit alles te verruil vir ’n meer gestroopte lewe op ’n kusdorp. Ja, die hoëhakke het plek gemaak vir slip-slops. Die winde van die Weskus sorg dat jou hare meer dikwels in ’n knoets vasgemaak word. En jou vel het daardie gesonde songekuste kleur heeljaar deur. (Net my gunstelingparfuum en ’n lipstiffie kon ek darem nie prysgee vir die beach bum-lewe nie… en my…

MOEILIKHEIDSGRAAD: redelik maklik TYD: ’n dag JY BENODIG ♥ geweefde strooimandjie of -sak ♥ Nurturing Fibres Eco-Cotton-100%-katoendubbeldraad (50 g-bolle): 1 bol elk in Pickled Ginger, Bessie, Bordeaux, Aventurine, Aqua, Willow en Charcoal ♥ 3 mm-hekelpen ♥ naald om motiewe mee vas te werk ♥ kraletjies VOLTOOIDE GROOTTE Elke motief is omtrent 12 x 12 cm. AFKORTINGS beg - begin dies - dieselfde dsl - dubbelslagsteek gp - groep gls - glipsteek h/af - heg af her - herhaal hlb - halflangbeen kb - kortbeen ks - kettingsteek lb - langbeen rdte - rondte sp - spasie st(e) - steek(steke) vlg - volgende STEEKVERDUIDELIKINGS DUBBELSLAGSTEEK: 1 Slaan draad twee keer oor pen. 2 Steek pen in volgende steek. 3 Slaan draad oor pen en trek deur eerste lus van werk sodat…

Gaan soek jy op die internet na voorbeelde van stop-en lapwerk, is sashiko en die meer rustieke weergawe, boro, die twee wat aanmekaar genoem word. Maar dié eeue oue Japanse dekoratiewe vorm van herstelwerk (of funksionele borduurwerk) verskyn nie net in sy tradisionele gedaante nie, maar ook as deel van ’n kontemporêre beweging bekend as mendfulness. Die sigbare, kreatiewe proses van slow stitching wat met klein stekies heel maak, word vergelyk met die klein stappe wat dit neem om gemeenskappe en ons wêreld weer reg te maak. En nes die goudwerk van kintsugi waarmee stukkende keramiekware ook al eeue lank in Japan gelas is om móóier te lyk, is jou lapwerk sigbaar en juis bedoel om gesien te word op verweerde knieë, elmboë, of in ’n ou kwilt. Sashiko het…

Kleintyd al het ek verlief geraak op dié rusbank wat in my oupa se kantoor gestaan het. Toe die bank begin stof vergader, besluit ek dis hoog tyd om hom onder hande te neem, sodat hy so perfek in my huis sal pas as wat hy dáár gepas het. Dit het ’n bietjie tyd geneem, maar op die ou end was dit beslis die moeite werd. Só doen jy dit. MOEILIKHEIDSGRAAD: gemiddeld TYD: 2 dae JY BENODIG ♥ materiaal van jou keuse (ons het Hertex Magical in Emerald gebruik) ♥ spons en watteersel soos benodig ♥ boorselkoord ♥ seilband ♥ katoenvoeringmateriaal ♥ stoffeernaald en bypassende gare ♥ bypassende ritssluiter, indien jou rusbank ’n los sitplekkussing het JY BENODIG OOK ♥ naaimasjien met ’n universele en ritssluitervoetjie ♥ elektriese kramgeweer met…

Die begin van ’n nuwe jaar is altyd ’n tyd van vernuwing en groei, wanneer ons wense en drome het vir die jaar wat kom. Ons skryf ons lysies met planne om dinge anders of beter te doen in blink ink op die eerste, skoon blaadjie van ’n nuwe dagboek neer… of dis altans wat ék doen! Ek koop elke jaar ’n nuwe dagboek en dink hierdie jaar gaan ek hom met nog beter dinge vul as die vorige jaar. Vanjaar wil ek my én jou uitdaag om die volgende te probeer: Om elke dag iets nuuts - hoe alledaags ook al - in jou omgewing raak te sien en dit te waardeer. Vir my is die verrykendste tyd van die dag wanneer ek rondom my kyk en werklik waarneem.…

Bou ’n kroeg Jy kan in ’n japtrap ’n gawe kroegtoonbank bou met net twee groot houtkratte met ’n rak bo-op. Kap twee stokke aan weerskante van die toonbank vas sodat jy ons swaelstertvlaggies wat jy kan uitdruk, hier kan ophang. Kom kuier Maak hierdie oulike uitnodigings in die vorm van ’n fles deur ons patroon uit te druk en dit in te vul. Gebruik washi-kleeflint om ’n papierstrooitjie saam met een van ons ‘Limonade’-strooitjievlaggies op die fles vas te plak. Iets soets, iets suurs Voer jou stalletjie tot nuwe hoogtes deur nie net drankies voor te sit nie, maar ook happies en soetgoed. Jy kry bonuspunte vir suurlemoengeur lekkergoed, koekies en koek. Jy kan dié lekkernye selfs in pakkies in die vorm van ’n suurlemoenwiggie verpak, of in boksies…

WENBRIEF SOMMER NET OMDAT DIT MY GELUKKIG MAAK Ek is besig en, ja, ek het baie hooi op my vurk. Soms voel dit asof ek nie balle in die lug hou nie, maar eiers. Ook dat ek my goed van my taak kwyt… om roereier te maak soos die eiers nié in die lug gehou word nie! Nogtans is ek gelukkig, geseënd en tevrede, want tussen werk, kind, man, tweede werk, studies en huis kán ek nog vir ’n vriendin wat vra, ‘kan jy dit of dat vir ’n geskenk bring’, sê ja, ‘bring it on’, en opgewonde raak oor die proses en die verpakking en elke klein detail. Dan het ek weer energie vir eiers in die lug hou. Annemarie McGovan My beker loop oor Ek is so gelukkig…