Innholdsfortegnelse for Sept/Oct 2018 i Idees

Die vraag wat ek die meeste hoor is ‘waar kom al julle idees vandaan?’. En soms kom die idees uit die mees onwaarskynlike plekke. Soos toe my finansiële raadgewer so ’n paar maande ná ons onafhanklikheidswording vir my vra ‘hoe verseker jy dat jy jou span behou?’. Sy kop het na risikobeheer gemik, maar myne het anders gewerk – deur hierdie ’n aantreklike plek te maak om te wees, natuurlik! En wat kan ’n mens beter inspireer en motiveer as om jou vlerke te sprei? En so begin ons toe beplan aan ’n reis om ons tenkies weer vol idees te maak. Ons spring op Instagram en kyk watter Europeërs ons lesers inspireer. (Ja, ons ken julle name.) En so ontdek ons die kunstenaar Nathalie Lété in Parys en die…

Groente Aartappels, (jong) aartappels, artisjokke, aspersies, beet, blaarslaai, blomkool, boerbone, broccoli, ertjies, groenbone, knoffel, komkommer, kool, mielies, murgpampoentjies, pampoen, patat, preie, rabarber, radyse, rape, sampioene, seldery, skorsies, spinasie, spinasiebeet, sprietuie, tamaties, uie, waterblommetjies, witwortels, wortels. Vrugte Aarbeie, appelkose, appelliefies, avokado’s, kappertjies, kiwivrug, koejawels, lemmetjies, lemoene, moerbeie, nartjies, papajas, piesangs, pomelo’s, pynappel, rabarber, suurlemoene. Kruie Basilie, (meerjarige) basilie, (meerjarige) bonekruid (winter savory), brandnetel, dille, dragon, gousblom, grasuie, kappertjies, knoffelgrasuie, laventel, lourierblare, marjolein, ment, origanum, perdeblom, pietersielie, roket, roosmaryn, salie, sitroengras, suring, tiemie, vinkel. Blomme Agapante, anemone, angeliere, anthuriums, barbertonse madeliefies, dwerg-barbertonse madeliefies, (sekere) erikas, freesias, (sekere) fynbos, goueroede, hanekamme, (sekere) heide, inkalelies, irisse, kangaroepote, konfettiblom, koringblomme, kreefkloue, krisante, leeubekkies, lisianthus, Oosterse lelies, orgideë, papierblomme, pronkertjies, pronkridderspore, (sekere) proteas, ridderspore, rose, sewejaartjies, sintjanskruid, soetemaling, speldekussings, swaardlelies, tjienkerientjees, tulpe, vilette, watsonias.…

MOEILIKHEIDSGRAAD: maklik TYD: halfuur per lêer JY BENODIG ♥ kantoorlêers♥ huisiepatrone (sien links)♥ kurkteëls♥ maskeerband♥ handwerkgom♥ handwerkmes en snymat♥ staalliniaal SO MAAK JY 1 Kopieer die huisiepatroon van jou keuse in die verlangde grootte en plak die drukstuk met maskeerband op ’n kurkteël vas. 2 Werk op jou snymat, gebruik die handwerkmes en staalliniaal en sny die huisiepatroon uit die kurk. Gooi die drukstuk weg. 3 Plak die kurkhuisie met handwerkgom op die rugkant van jou lêer vas. Versier jou ander lêers net so en rangskik almal in ’n ry op jou lessenaar of boekrak om ’n Hollandse ‘straat’ voor te stel.…

MOEILIKHEIDSGRAAD: maklik TYD: 2 uur Spuitverf die stuk versterkingsmaasdraad eers met ’n laag of twee onderlaag wat vir metaal geskik is. Dit sal keer dat dit roes en ook die spuitverf help om beter te klou. Wag tot die onderlaag behoorlik droog is voordat jy begin om ligte lae spuitverf in die kleur van jou keuse aan te wend. (Ons het skelgeel gekies.) Onthou om eerder meer ligte lae verf te spuit sodat dit nie trane vorm nie, en laat elke laag behoorlik droog word voordat jy die volgende een spuit. NOTA: Versterkingsmaasdraad (in Engels bekend as reinforcing mesh) word gebruik om beton te versterk. Dit is te koop by jou plaaslike bouhandelaar. Vra hulle om dit vir jou in die regte grootte te sny.…

JY BENODIG ♥ patrone met ore aangeknip ♥ lugdroogklei ♥ pottebakkerstokkies ♥ koekroller ♥ sosatiestokkie ♥ mes met ’n gladde lem (nie gerif nie) ♥ liniaal ♥ permanente merkpen Sit jou klei op ’n gladde oppervlak neer en rol dit so 5 mm dik uit met die koekroller. Sit jou patroon bo-op neer en sny dit al om die buitelyne met jou messie en liniaal uit. NOTA: Die mates van ons bakkiepatroon is 20,5 x 7 cm. Gebruik ’n pottebakkerstokkie met ’n reghoekige punt (of die steel van ’n teelepel) om groewe in die twee rande te druk waar die klei gelas gaan word om ’n silinder te vorm. Bring die twee rande na mekaar om ’n silinder te vorm, en druk dit aan mekaar vas om dit te las.…

Ons het die roosprent op hierdie blaaie op linne laat druk om ’n tafeldoek te maak. Dieselfde prent is ook op papier gefotokopieer wat ons toe agterop die glasborde en die voetstuk van die wynglase gedécoupage het. Verf modge podge oor die agterkant van die bord (of die voetstuk van die wynglas) en ook op die voorkant van die roosprent. Plaas dan die nat prent op die agterkant van die bord of glas en vryf dit liggies met jou vingerpunte om dit glad te kry en seker te maak dit vul al die holtetjies en kurwes. Verseël die prent met nog ’n laag modge podge en sit dit eenkant om behoorlik droog te word. Ons het die mooi gedekte tafel verder afgerond met plekmatjies en servette wat ons met roosblare…

MOEILIKHEIDSGRAAD: gemiddeld TYD: 1 dag Rangskik die dekoratiewe vormstukke op die bedkopstuk. Wanneer jy tevrede is met die ontwerp, kan jy die stukke op hulle plek vasplak met ’n gom wat spesiaal vir dekoratiewe vormstukke gemaak is, soos Pattex No More Nails. Wag tot die gom heeltemal droog is en gebruik dan ’n gewone verfkwas en ’n klein sponsroller om die hele kopstuk – die dekoratiewe stukke ingesluit – in die kleur van jou keuse te verf. Laat elke laag droog word voordat jy die volgende een verf. Wag tot die verf behoorlik droog is voordat jy die vormstukke met bladgoud of goue verf verguld. Jy hoef nie eksieperfeksie te werk nie – jy wil immers ’n antieke, ingeleefde voorkoms skep.…

WINKELSAK MET BREË BANDE MOEILIKHEIDSGRAAD: gemiddeld TYD: 5 uur SAKGROOTTE Bodemdeursnee: 25 cm Sakwydte: 33 cm Saklengte: 35 cm JY BENODIG ♥ 220 g Elle Cotton On-dubbeldraad♥ 4,5 mm-hekelpen♥ dik naald♥ steekmerkers of stukkies breidraad in ’n ander kleur AFKORTINGS AB – agterste balkie AL – agterste lus beg – begin dsl – dubbelslagsteek gs – glipsteek her – herhaal hlb – halflangbeen ks – kettingsteek ks-sp(s) – kettingsteekspasie(s) lb – langbeen rdte – rondte sp(s) – spasie(s) st(e) – steek(steke) PATROONNOTAS * Vir die bodem: Al die ks 3 aan beg van rondte tel nié as ’n steek nie. Jou eerste lb van ’n rondte sal in dieselfde steek as die beg-ks 3 wees. Al die rondtes word gesluit met ’n gs in eerste lb van die rondte. *…

‘Daar is mense wat graag wil koop terwyl hulle eet,’ vertel Ilaria Minniti, eienaar van Artemisia, die blommewinkel binne die pragtige La Ménagère-restaurant in Florence. Of sal ek sê die blommewinkel wat help om dit die asemrowende plek te maak wat dit is. ‘En dan is daar mense wat graag eet wanneer hulle inkopies doen. Die Florentyne is egter anders – hier plaas ons graag goed in boksies en meng dit nie sommer nie.’ Sy glimlag terwyl sy vertel hoe hul ‘konsep-restaurant’ met ope arms deur toeriste en die kunsstudente in die omgewing verwelkom is terwyl Florence se inwoners nog gewik en weeg het oor dié nuwerwetse mengsel. Vir hulle was dit aanvanklik vreemd, maar nie vir Ilaria nie. Toe sy in 2006 haar tweede blommewinkel oopmaak, was dit saam…

BUITELYN-BORDUURBLOKKE MOEILIKHEIDSGRAAD: gemiddeld TYD: 1 week JY BENODIG ♥ patrone op hierdie blaaie♥ katoenmateriaal vir die blokke♥ aanstryktussenvoering♥ borduurgare in die kleure van jou keuse♥ borduurnaald♥ naaldwerkpen of -potlood SO MAAK JY 1 Meet en merk die grootte van die blokke wat jy benodig en knip dit uit die materiaal – tel ’n 1 cm-soomtoelating rondom by wat uitgerafel kan word. Knip die tussenvoering die grootte van die blok (moenie die 1 cm insluit nie), stryk die tussenvoering aan die verkeerde kant van die blok vas en trek die patroon met jou naaldwerkpen of -potlood op die materiaal af. 2 Gebruik drie draadjies borduurgare en borduur jou prentjie met stamsteek, agtersteek en kettingsteek. 3 Wanneer jou borduurwerk klaar is, sit die blok op die kwilt waar jy dit wil hê…

JY BENODIG ♥ geborduurde en gedrukte blokke♥ bypassende materiaalmotiewe, in blokke geknip (opsioneel)♥ materiaal vir die voor- en agterkant van die kwilt♥ genoeg watteersel vir die grootte van die kwilt♥ bypassende masjiengare♥ haakspelde NOTA: Neem jou tyd om die blokke op die voorkant van die kwilt te rangskik soos dit vir jou mooi lyk voordat jy dit begin vaswerk. SO MAAK JY 1 Stik die materiaal vir die voor- en agterkant van die kwilt aan mekaar vas (regte kante na buite), met die watteersel tussen die twee lae materiaal in, 2 cm van die rande af rondom sodat jy die rande van die kwilt kan uitrafel. 2 Lê die kwilt plat neer en speld die hoeke van die geborduurde, gedrukte en blokke met bypassende motiewe (indien gebruik) met haakspelde daarop…

Ons het Joana Caetano op Instagram ontmoet as ‘borduurkunstenaar en katvrou’ en verlief geraak op haar vars borduursteke – vol stories en soms tong in die kies, maar met die onmiskenbare styl van Portugese witwerk wat wys. ’n Paar sukkelende Portugese e-posboodskappe later kom ek agter sy kan tóg Engels praat en ons reël ’n kuiertjie by haar in Porto. In die woonstel in die ‘ou stad’ wat sy deel met haar akteur-kêrel, Ivo Bastos, en vier katte, stroom die lig deur die groot vensters van haar ateljee om haar sonnige persoonlikheid en immerteenwoordige glimlag te weerspieël. En in die kombuis wag twee koeke wat haar ma vir die besoekers uit Suid-Afrika gebak het – een ’n groen bronkorskoek (héérlik!) en die ander ’n sjokoladekoek sonder gluten of suiker, net…

MOEILIKHEIDSGRAAD: gemiddeld tot moeilik (houtwerk) TYD: omtrent ’n week, insluitend voorbereiding, installering en droogtyd JY BENODIG ♥ stensilpatrone van jou keuse ♥ 18 mm-luiklaaghout ♥ ondervloerse sponsvoering ♥ skoonmaakbenodigdhede (geskik vir die bestaande vloerbedekking) ♥ lymstroper (opsioneel; ons het kontakoplosmiddel gebruik) ♥ kraakvuller ♥ universele onderlaag ♥ verf in die kleur van jou keuse ♥ vloervernis (ons het Woodoc se kleurlose mat vernis gebruik) ♥ verf- en stensilkwaste ♥ kontaklym ♥ maskeerband ♥ liniaal, maatband, potlood en afvalpapier om die patrone mee te knip GEREEDSKAP ♥ verdieper ♥ skuurder met skuurpapier ♥ klouhamer ♥ uitsnysaag ♥ skroewedraaier Stroop die bestaande vloerbedekking af. In ons geval was dit tapyt, dus moes ons al die spykers en vloerspykers uittrek. Verwyder al die bestaande lym, indien nodig. Vul alle gaatjies met kraakvuller op.…

SKRYF VIR ONS & WEN! Die skrywer van ons wenbrief, Adèle Botes, ontvang ’n Eau du Soir-parfuum ter waarde van R1 800 van die skoonheidshuis Sisley. Eau du Soir Eau de Parfum is vroulik, elegant en tydloos – ’n ‘warrelwind’ van blom- en chypregeure. Besoek sisley-paris.com om meer oor die parfuum uit te vind. Instagram: sisleyparissa Facebook: @SisleyParisSA Wenbrief My eie kleigoed Almal het ontspanning nodig en in my geval is my terapie om kreatief te wees. As ek besig is om iets te maak, vergeet ek van die verlede en toekoms en leef net in daai oomblik. Dit is vir my so lekker om te weet ek het iets geskep wat uniek is, iets wat niemand nog gemaak het nie. Dit laat my trots voel. Ek het die week…

Twee weke van inspirasie het tot dié ekstra-dik uitgawe gelei. Terena, Dala, Hannes en ons fotograaf Anelle Britz het gaan inneem en afneem, gaan kyk, gaan eet en vir ure gaan rondloop en kuier om idees bymekaar te kry. Van Amsterdam se gragte, gewelhuisies en moderne aanslag tot Parys se bloeisels, straatkafees en muurkuns. Toe na Italië vir ’n skeut kultuur, katedrale en Venesië met sy sonsoekers. Van daar is ons Portugal toe – die mooiste plek met die vriendelikste mense en héérlikste kos. Wat ’n ondervinding en wat ’n lekkerte om dit weer te beleef met die bymekaarsit van dié uitgawe.…

Fiksie Liefde in die tyd van internet – Fransi Phillips (Queillerie, R265) Al sê haar shrink wát, Hanna weet sy werk basies as prostituut. Om haar nagmerrieverhouding en werk by Pretoria se goorste prokureur te ontsnap kry sy werk as Engelsonderwyser in Moskou – met die hulp van die skrywerkarakter Fransi Phillips, wat self daar Engels gee en haar as storiekarakter wil inspan. Daar gekom, is een van haar eerste Skype-leerders die Nureyev-lookalike Wolf79, ’n skeepsmagnaat. Maar sy’t dan juis hierheen gevlug om haar as professionele vrou te bewys, nie om halsoorkop verlief te raak nie! En wat voer Phillips in die mou met haar Hanna-karakter? Om nie te praat nie van die doos van ’n verloofde wat sy agtergelaat het… In dié verruklike stadsprokie vir grootmense gaan die leser…

SPEKULAASKOEKIES Maak: 25-30 koekies Bereidingstyd: 20 minute, plus yskastyd Baktyd: 10-14 minute Oondtemperatuur: 160 ºC ♥ 225 g (245 ml) botter, by kamertemperatuur♥ 165 g (190 ml) sagte bruinsuiker♥ 30 ml melk♥ 165 g (300 ml) koekmeel♥ 1 ml koeksoda♥ 7 ml fyn kaneel♥ 2 ml fyn neutmuskaat♥ 2 ml fyn naeltjies♥ 1 ml fyn gemmer♥ 1 ml fyn witpeper♥ 1 ml fyn kardemom 1 Voer twee bakplate met bakpapier uit. 2 Klits die botter en bruinsuiker tot lig en donsig. Klits die melk by. Sif al die orige droë bestanddele saam en meng dit by die bottermengsel in om ’n krummelrige deeg te vorm. Druk die deeg in ’n bol, draai dit in kleefplastiek toe en sit dit vir 2 uur in die yskas of tot dit ferm is.…

SPESERYKOEKIEDEEG: Dié hoeveelheid deeg is genoeg om 6 groot koekies te maak. Klits 200 g sagte botter en 200 g bruinsuiker saam. Voeg 15 ml vanieljegeursel en ’n groot eier by en klits dit goed. Meng 420 g koekmeel, 5 ml bakpoeier, 10 ml gemengde speserye en 5 ml kaneel in ’n aparte bak en voeg dit by die bottermengsel. Werk dit liggies deur om ’n deeg te vorm. Rol die deeg tussen twee plastiekvelle uit en sit dit vir minstens 2 uur in die yskas. (Vervang 30 g van die meel met kakao as jy sjokoladespeserykoekies wil maak.) HARDE VERSIERSEL: Klits 1 groot eierwit en 0,5 ml kremetart liggies saam. Klits 300 g gesifte versiersuiker by tot dit net-net ingemeng is. Die versiersel moet styf en wit wees. Gebruik…

MOEILIKHEIDSGRAAD: redelik maklik TYD: 2-3 uur, plus droogtyd Dié ongewone sytafeltjie is regtig nie moeilik om te maak nie – om die waarheid te sê is die grootste uitdaging waarskynlik om drie fietswiele te kry wat ewe groot is (vra jou fietsryvriende of plaaslike fietswinkel of hulle kan help). Eers moet jy die bande van die vellings verwyder: Blaas die binnebande af en gebruik dan ’n skroewedraaier om die band van die velling los te wikkel. Gebruik warm seepwater om van enige vuiligheid en olierigheid ontslae te raak. JY BENODIG ♥ 3 fietsvellings (van dieselfde grootte)♥ ’n ronde glasblad of spieël♥ silwer metaalspuitverf♥ 4 wit kabelstroppe (cable ties)♥ 3 anti-krapstrokies♥ kragboor met ’n 6 mm-metaalboorpunt♥ knyptang Plaas twee vellings teen mekaar met die klepopeninge langs mekaar. Gebruik ’n kabelstrop om…

Parfuums word nie meer geëien aan ‘vroulik’ of ‘manlik’ nie, maar eerder aan die geurfamilie waartoe dit behoort. En weet dít: Blomgeure, die sogenaamde floral-familie, is deesdae eweneens die domein van mans wat nie skrik vir ’n roos-, jasmyn-, iris- of viooltjienoot aan hulle lyf nie. Moderne metroseksuele en millenniër-manne is besig om met mening hulle plek op die parfuumplatform oop te spritz. Die meeste parfuums wat die afgelope vyf jaar wêreldwyd bekend gestel is, was vir mans. Die belangrikste globale trend is egter die gender-vrye kategorie parfuums wat aanklank vind by albei geslagte. Dit beteken letterlik parfuums word gedeel, sê Liz Ferret, parfuum-foendi en stigter van die webtuiste fragrancequeen.co.za. Sy bied op Sondae ’n gereelde inset oor parfuum aan op die program Lunch with Lloyd op Hot 91.9 FM…

Nathalie Lété se diereprente pronk dalk op Alessandro Michele se jongste reeks vir Gucci en haar blomme op muurpapier, teëls en tekstiele wêreldwyd, maar toe ons haar vra of Idees in haar ateljee kan kom kuier, antwoord sy nog dieselfde dag. En so word sy die eerste afspraak op ons Europa-skedule en laat ons reikhalsend uitsien na ons tydjie in Parys. Sy ontmoet ons buite haar ateljee met haar worsie, Spike, onder die arm, maar binne neem dit byna ’n halfuur voor ons aan die werk kom. Want hier is net sóveel om na te kyk, bewonder en oor uit te vra. ’n Mengelmoes van haar idees, produkte en passies. Dis poppies en diertjies, blikke en boeke, matte en klere, kaartjies en Kersversierings – als kleurryk, iets om te ontdek.…

HANGENDE TUIN MOEILIKHEIDSGRAAD: gemiddeld TYD: 2 uur JY BENODIG ♥ ’n stuk hout (ons het ’n vloerlys gebruik)♥ terracottapot♥ sterk, dik tou♥ figuursaag en handsaag♥ handboor met houtboorpunt♥ potlood en maatband♥ growwe skuurpapier♥ kleurlose vernis, of verf Saag die stuk hout so lank soos wat jy dit wil hê (ons s’n is lank genoeg om vier potte eweredig te spasieer). Gebruik die potlood en maatband om elke pot se plek op die stuk hout te merk. Trek by elke merk die buitelyn van die bokant van die pot na. Meet en merk 2 cm aan die binnekant van elke sirkel en trek dan ’n kleiner sirkel in elkeen – dit is dié sirkels wat jy gaan uitsaag. Gebruik die figuursaag om die kleiner sirkels uit te saag. Boor ook klein…

PASTEIS DE NATA Hierdie romerige vlatertjies is donkiejare gelede deur Katolieke monnike uitgedink en is vandag een van die Portugese se gunstelinghappies. Maak: 12 Bereidingstyd: 40 minute Baktyd: 15-20 minute Oondtemperatuur: 230 ºC ♥ 1 rol gekoopte blaardeeg VULSEL ♥ 6 eiergele♥ 20 ml meel♥ 100 ml melk♥ 250 ml room♥ 90 g (110 ml) suiker♥ 1 kaneelstokkie♥ 1 ml fyngerasperde suurlemoenskil (opsioneel)♥ 30 ml kaneelsuiker (opsioneel) 1 Rol die blaardeeg dun uit en sy dit dan in repe van omtrent 14 cm breed. Rol elke reep op soos ’n rolkoek. Sny die rolle in skywe van 2,5 cm breed. 2 Plaas die deegskywe in die gesmeerde holtes van ’n kolwyntjiepan. Doop jou vingers in koue water en druk die pasteideeg platter om die holtes netjies uit te voer. Sit…

AGTERSTEEK Steek die naald van die agterkant van die werk af deur die materiaal na die voorkant toe en weer ’n paar millimeter van die beginpunt af terug deur na die agterkant van die materiaal. Dit is die enigste keer dat jy vorentoe gaan werk, die res van die steke werk jy agtertoe. Steek nou die naald weer van die agterkant af deur, ’n paar millimeter weg van jou laaste steek. Aan die voorkant gaan jy nou die lyne verbind deur die naald in dieselfde gaatjie te steek as jou vorige steek. SATYNSTEEK Met satynsteek kan jy jou werk eers met die agtersteek omlyn en dit daarna met die satynsteek ‘inkleur’, maar dit is jou eie keuse. Jy kan ook net die satynsteek sonder die omlyning werk. Steek die naald…

MOEILIKHEIDSGRAAD: redelik maklik TYD: 2 dae, na gelang van hoe geoefen jou hande is JY BENODIG ♥ Vinnis Colours Nikkim-dubbeldraad (50 g-bolle):– 2 bolle elk in Blue Bell en Royal Blue– 1 bol elk in Sunshine en White♥ 3 mm-hekelpen♥ 50 cm wit linnemateriaal♥ wit 45 cm-ritssluiter♥ bypassende masjiengare♥ 2 m pompomkoord♥ binnekussing♥ algemene naaldwerkbenodigdhede GROOTTE 48 x 48 cm AFKORTINGS beg – begin dies – dieselfde dsl – dubbelslagsteek gs – glipsteek h/af – heg af her – herhaal hlb – halflangbeen kb – kortbeen ks – kettingsteek lb – langbeen rdte – rondte sp – spasie st(e) – steek(steke) vlb – vooromlangbeen vlg – volgende STEEKVERDUIDELIKINGS 1 Picot: 3 ks, gs in 1e ks. 2 Dubbelslagsteek: Slaan draad twee keer oor pen, steek pen in volgende steek, slaan…

MOEILIKHEIDSGRAAD: gemiddeld, na gelang van hoe ingewikkeld jou patroon is TYD: omtrent 2 dae per teël, droogtyd ingesluit JY BENODIG ♥ teëlpatroon van jou keuse♥ tuinplaveistene♥ mosaïekteëls van jou keuse♥ mosaïekteëlsnyer♥ voegbrypoeier♥ lateksbindmiddel (soos Tylon Bond-It)♥ houtlym♥ koolpapier en potlood♥ handwerkkwas en/of plastiekmessie♥ spons SO MAAK JY 1 Ontwerp jou eie teëlpatroon of soek een op die internet. Vergroot die patroon sodat dit op jou plaveisteen pas. Vee die steen skoon voordat jy begin werk. 2 Gebruik die koolpapier om die patroon op die plaveisteen na te teken. Druk lekker hard op jou potlood, sodat die patroon duidelik op die steen wys. 3 Besluit hoe jy jou mosaïekkleure wil gebruik, en begin met die eerste kleur. Sny die teëltjie in klein vierkantige en driehoekige stukkies (laasgenoemde vir die kurwes in…

NURTURING FIBRES Dit is weer tyd vir ’n hekelkuier! Van Vrydagmiddag 19 Oktober tot Sondagmiddag 21 Oktober is ons terug op Cullinan vir ’n naweek van pret en kreatiwiteit. Aan die einde van die naweek gaan jy jou eie gehekelde hanger- en kussingoortreksels in lieflike Nurturing Fibres-wol hê om mee te spog. Ons medewerker Karen Adendorff, skrywer van die boek Hekel teëlmotiewe met ’n verskil, is daar om jou met jou hekelwerk te help. Om die sessie by te woon moet jy basiese hekelvaardighede onder die knie hê, aangesien dié naweek nie vir beginners is nie. Ons het vir net 30 vroue plek, so spring gou om te bespreek! Wees deel van die naweek vir R3 100 vir ’n enkelkamer of R3 000 per persoon wat deel. JOU NAWEEKPAKKET ❋…

Maak seker jy loop nie ’n enkele uitgawe van Idees mis nie! * TEKEN OP DIE DIGITALE TYDSK RIF IN VIR SLEGS R45 PER UITGAWE. * VIR NAVRAE OOR DIGITALE INTEKENINGE, BEL 087 741 3177 OF STUUR ’N E-POS AAN SUPPORT@MYSUBS.CO.ZA. * VIR ’N JAARLIKSE INTEKENING VAN R408 ONTVANG JY AL OM DIE ANDER MAAND JOU GEDRUKTE EKSEMPLAAR VAN IDEES.* * TEKEN SÓ IN OP DIE GEDRUKTE TYDSKRIF: • SKAKEL 087 740 1025 VIR IDEES (MAANDAE TOT VRYDAE, 8 VM. TOT 4.30 NM.), Óf • Skakel 087 740 1027 vir Ideas. • St uur jou naam & ko ntakb eso nderhede per e-pos AAN subs@ideasfactory.co.za.** • SMS ‘INTEKEN ID EES’ NA 33153. SMS ’E KOS R1 ELK.** 40 ONTHOU-PROJEKTE Teken só digitaal in ONS IS OOK OP ZINIO (za.zinio.com) BEPALINGS…

creativecalendarideas@gmail.com September 23 September Lente-sonkeerpunt 21 September Sunflower Day (sunflowerfund.org.za) 24 September Erfenisdag en Nasionale Braaidag 28 September Skole sluit WES-KAAP 24 Augustus-2 September Die Clanwilliam-veldblommeskou word in die Blommekerk in die Hoofstraat gehou. Besoek clanwilliamwildflowershow.co.za. 30 Augustus-2 September Die Homemakers Expo vind plaas by die Kaapstadse Internasionale Konferensiesentrum. Besoek homemakersonline.co.za. 31 Augustus-2 September Die Voorkamerfest-teaterfees word in die voorkamers van 21 huise op Darling gehou. Stuur e-pos na tasha@thedarlingtrust.org of bel 022 492 3384 vir meer inligting. 1 September Verwonder jou aan die bloeisels by De Krans op Calitzdorp se Lentebloeiselfees, wat ’n markdag insluit. Gaan na dekrans.co.za vir meer inligting. 1-2 September Proe ons straatkos by die Street Food Festival in Woodstock. Bespreek by Quicket. Meer inligting: streetfoodfestival.co.za. 1-2 September Kos, wyn, musiek en vermaak is op die…

@MRCHANDLERHOUSE Kaapstad, Suid-Afrika Michael Chandler, kunstenaar, kurator en eienaar van Chandler House, deel sy paradys met foto’s van sy werk, die mooiste blou-en-wit geskilderde teëls en antiekware met boonop ’n goeie skeut humor daarby. @THEBLOMBOY Stellenbosch, Suid-Afrika Met die lente wat wink soek ons almal ’n paar idees om ons huis op te vrolik. Die blomontwerper Alwijn Burger, aka Blomboy, se kleurryke Instagram-blad sal nuwe blomdeure vir jou oopmaak. @ANDIEREEVES Kaapstad, Suid-Afrika Die tekstielkunstenaar Andie Reeves inspireer hot en haar met haar borduur- en weefwerk. Haar speelse benadering tot onder meer verpakking sal jou vingers laat jeuk om iets kreatiefs aan te pak.…

DELFT-LAMPSKERM MOEILIKHEIDSGRAAD: maklik TYD: 2-3 uur, plus droogtyd JY BENODIG ♥ plastiektregter ♥ teëlprent op hierdie blaaie ♥ stroke koerantpapier ♥ wit verf ♥ bladgoud en bladgoudgom (gold size) ♥ houtgom ♥ handwerkkwaste ♥ kleefplastiek Trek die tregter met kleefplastiek oor. Verdun die houtgom met water, verf dit oor ’n strook koerantpapier en plak dit op die tregter vas. Plak nog stroke rondom tot die hele tregter bedek is. Die stroke moet mekaar oorvleuel. Laat dit droog word en plak nog twee lae. Sodra die koerantpapier droog is, kan jy die tregter versigtig uit die papiermâché-omhulsel loswikkel. Verf die papier-lampskerm wit en laat dit droog word. Kopieer die teëlprent op hierdie blaaie in die verlangde grootte en knip ’n blommotief daaruit. Plak die motief met houtgom op die papierlampskerm vas…

MOEILIKHEIDSGRAAD: gemiddeld TYD: halfdag Ons het ’n projektor gebruik om ’n byna lewensgroot fiets op die muur te teken en toe ’n mandjie aan die ‘stuurstang’ vasgemaak waar jy pos en sleutels kan bêre. Soek ’n grafiese fietsontwerp op die internet en druk dit uit. As jy ’n projektor gaan gebruik om die prent op die muur te teken, moet jy onthou dat jy daarvoor ’n spieëlbeeld moet gebruik.…

MAKROLLETJIES Maak: 20 Bereidingstyd: 35 minute, plus staantyd Baktyd: 12-15 minute Oondtemperatuur: 160 ºC ♥ 125 g fyngemaalde amandels (amandelmeel)♥ 225 g (435 ml) versiersuiker♥ 110 g eierwitte by kamertemperatuur (omtrent 4 groot eiers)♥ 30 g (35 ml) suiker♥ pastelkleurige koskleursel van jou keuse VULSEL ♥ 125 ml room♥ 100 g witsjokolade 1 Trek altesame 20 sirkels van 4,5 cm in deursnee op ’n stuk bakpapier. Draai die papier om en plaas dit op ’n groot bakplaat. Jy het twee bakplate nodig, elkeen met ’n stuk bakpapier waarop 20 sirkels inpas. 2 Indien jy nie gekoopte amandelmeel gebruik nie, moet jy die amandels so fyn as moontlik in ’n koffiemeul maal. 3 Sif die versiersuiker, amandelmeel en ’n knypie sout saam in ’n mengbak. 4 Klits die eierwitte tot dit…

TOILE-BEDKASSIE MOEILIKHEIDSGRAAD: redelik maklik TYD: halfdag (na gelang van die grootte en vorm van die item wat jy wil versier) JY BENODIG ♥ bedkassie (of ’n ander item wat jy wil versier)♥ toile-papierontwerpe op hierdie blaaie♥ A1-velle wit papier♥ modge podge♥ handwerkkwas♥ fyn skuurpapier♥ handwerkmes en snymat♥ staalliniaal♥ maatband♥ bypassende lint♥ drukspykers SO MAAK JY 1 Berei die kassie voor voordat jy met die plakwerk begin: Trek enige laaie uit en skroef laai- of deurknoppe af. Skuur die kassie liggies af (sodat die papier beter kan kleef) en vee dit met ’n klam lap skoon. 2 Kopieer die toile-ontwerp op A1-velle wit papier (ons het twee velle gebruik om ons hele kassie mee te versier). Meet al die dele van die kassie wat jy met toile-papier wil versier en sny…

TAMATIE-EN-KRUIEPASTASOUS Dié ryk, geurige tuisgemaakte tamatie-enkruiesous is ’n klassieke Italiaanse treffer. Maak: 2-3 flesse Bereidingstyd: 20 minute Gaarmaaktyd: 45 minute ♥ 25 ml olyfolie♥ 1 middelslag-ui, gekap♥ 3 knoffelhuisies, fyngedruk♥ 2 blikke (425 g elk) Italiaanse pruimtamaties♥ 25 g tamatiepasta♥ 10 ml droë Italiaanse kruie♥ 10 ml suiker♥ ’n hand vol vars basilieblare, in dun repies gesny 1 Verhit die olie in ’n kastrol en soteer die ui oor lae hitte tot dit sag is. Voeg die knoffel by en soteer dit vir nog ’n minuut. 2 Voeg al die orige bestanddele (behalwe die vars basilie) by en verhit dit tot kookpunt. Verlaag die hitte, sit die deksel op en laat die sous vir 30 minute prut. 3 Gebruik ’n staafmenger of voedselverwerker om die mengsel te pols tot dit…

MOEILIKHEIDSGRAAD: gemiddeld TYD: halfdag Terracottateëls is die ideale manier om jou tuin of binnehof in ’n ommesientjie ’n rustieke Italiaanse gevoel te gee: Teken eenvoudig ’n mooi tapyt daarop! Voor jy begin, moet jy seker maak die teëls is skoon en sonder aanpaksels. Gebruik ’n potlood om die tapytpatroon te teken en trek dan dié lyne na met ’n permanente merkpen. Jy hoef nie die merkpenlyne te verseël nie – namate dit in die son verbleik, sal dit al hoe meer soos ’n regte ou Italiaanse villa lyk.…

MEERMINPOPPE Bedruk materiaal met ons meerminprente en maak dan dié fraai poppies daarmee. JY BENODIG ♥ wit katoenmateriaal bedruk met meerminprente (sien metode hieronder)♥ ekstra wit katoenmateriaal vir die agterkant♥ bypassende masjiengare♥ ruwe tou♥ poliësterspeelgoedstopsel♥ materiaalpen SO MAAK JY 1 Sit die stuk bedrukte materiaal en die stuk onbedrukte materiaal regte kante teen mekaar op mekaar neer en trek die buitelyn van die meermin na met jou materiaalpen. 2 Sit ’n stuk tou aan die bokant tussen die twee lae materiaal in, gelyk met die rafelrand en met die lengte van die tou wat na binne lê. 3 Stik die twee stukke materiaal so na as moontlik aan die buiterand rondom toe, maar laat ’n opening vir omdop. 4 Knip die meermin uit met ’n naattoelating van sowat 5 mm…

JY BENODIG ♥ patrone op hierdie blaaie ♥ linne- of katoenmateriaal ♥ linoleum ♥ linoleummessies ♥ materiaalverf in die kleure van jou keuse ♥ sponskwaste ♥ houtblokkie in die grootte van jou patroon ♥ monteergom (ons het Pattex No More Nails gebruik) ♥ koolpapier en potlood ♥ handwerkmes en snymat ♥ staalliniaal Kopieer die patroon in die verlangde grootte en sny die linoleum en koolpapier dieselfde grootte. Gebruik die liniaal om alles te meet en sny dit met jou handwerkmes uit. Plaas die koolpapier tussen die papierpatroon en die linoleum en trek die lyne met jou potlood na. Druk lekker hard op die potlood en maak seker die lyne wys duidelik op die linoleum. Verwyder die patroon en koolpapier. Gebruik die skerpste, dunste messie en kerf die buitelyne van die…

As jy ons meerminne, vissies en plekmatjie op bladsye 112-114 eerder uit professioneel gedrukte lap (wat langer hou as lap wat met oordrukpapier gedruk is) wil maak, kan jy die reeds gedrukte materiaal by ons bestel. Die meermin- en vismotiewe is op lakenlinne gedruk sodat jy dit net kan uitknip om jou eie poppies te maak, op te stop en te versier, óf net so kan gebruik vir ’n kussingoortreksel of inkopiesak. Die plekmatjie is op katoenseil gedruk om op jou tafel te gebruik. KOSTE R120 per lap van 45 x 35 cm vir die vissies en meerminne, en R130 per plekmatjie, ook 45 x 35 cm. Posgeld is uitgesluit. BESTEL by marweya@ideasfactory.co.za.…

Dit is (amper) lente in die Boland, maar ons wens ons was in Portugal! Die Idees-span se Europese inspirasietoer het gemaak dat ons net ons tasse wil pak om êrens langs ’n vreemde kus te gaan sit en kleure kyk. Om ons toer-lus te bevredig verwelkom ons die lente met ’n soel Portugese tema met die kleure van diep groenblou seewaters en geteëlde strate. Ons werk met drie elemente: kleur, plante en teëls. Die muur se kleur is Plaasdam uit Paint & Décor se Karoo-reeks. Dit gee presies die regte balans tussen groen en blou om ons gedagtes weg te voer na die onbekende waters en skadustraatjies van ’n kusdorpie waar die klanke van fado oor die dakke gesweef kom. Van hier af raak dit net makliker om kleure saam…