Innholdsfortegnelse for 29 January 2026 i Huisgenoot

1 ‘SOOS ’N MES WAT JOU STEEK EN NIE UITKOM’ Haar man en drie dogters is op pad na hulle vakansiehuis op Hermanus in ’n motorongeluk dood. Nou gaan sy hulle as daar strooi, sê Irene Havenga Dis hartverskeurend. Ek kan my nie eens begin indink wat hierdie vrou en haar skoonseun deurmaak nie. Dis so verskriklik tragies en hartseer. Mag ons liewe Vader jou deur hierdie proses van rou dra en jou help genees. ESMERALDA Wanneer ek die lees, wonder ek waarom iemand so beproef moet word. Innige meegevoel en sterkte. Respek vir julle voorneme om die familietradisie op Hermanus voort te sit. Ek glo dis wat hulle ook sou wou hê. SAREL Ek wens ek kon jou net ’n drukkie gee. Ek vrees elke keer vir my eie…

OP DIE ergste was dit érg: twaalf liter Coke en twee witbrode per dag. En dit was élke dag. Gemorskos, en sommer baie daarvan. Op pad McDonald’s toe sou hulle by KFC stop vir padkos vir die rit. En wanneer Dawid en Rose-Mari Lombard van Brandfort saans lus was vir iets soets, het hulle die sjokolades ingevaar. ’n Hele pak Quality Street-lekkers – élk. Teen September 2024 het Dawid (39) net duskant 300 kg geweeg, en sy gesondheid het daaronder gely. Hoë bloeddruk, tipe 2-diabetes, bloedvat-inflammasie, slaapapnee. “Die lys gaan net aan,” sê Dawid. “Ek het elke aand gedink dis my laaste aand op aarde. Ek het vir Rosie wakker gemaak en gevra dat sy asseblief wakker bly om vir ’n rukkie te kyk dat ek slaap, dat ek nog…

CALAMARISLAAI met JOGURT-& -OUZO-SLAAISOUS GENOEG VIR 4 MENSE/BEREIDING: 20 MIN. GAARMAAK: 10 MIN. (PLUS MARINEER) ◗ 1,2 kg babacalamari (200 g elk), skoongemaak, buise en tentakels geskei◗ 60 ml (¼ k) ekstrasuiwer olyfolie◗ 30 ml (2 e) oreganumblare, fyngekap◗ 3 romatamaties, rofweg gekap◗ 80 g (k) gemengde olywe◗ 60 ml (¼ k) losweg gepakte klein basilieblare, plus ekstra vir voorsit◗ pitabrood en peppadews, vir voorsit JOGURT-&-OUZO-SLAAISOUS ◗ 15 ml (1 e) ekstrasuiwer olyfolie◗ 15 ml (1 e) ouzo OF sambuca◗ 70 g dubbeldikjogurt◗ sap van 1 klein suurlemoen 1 Halveer die buise in die lengte om die calamari te marineer. Plaas die olie en oreganum in ’n klein bakkie, geur na smaak met sout en peper en meng. Plaas die calamaribuise en -tentakels in ’n groot bak saam met die…

AG, EK mis my skottel. Ek praat nou hier van my DStv-skottel. Die een wat teen die skoorsteen aangebring is en wat gewerk het selfs wanneer die Wi-Fi of die fibre moeilikheid gee. Ek kyk wel steeds DStv – die toegang daartoe is nie weg nie. Ons het net om kostes te bespaar oorgeslaan na die DStv Stream-opsie, wat beteken ons gebruik so ’n klein mediaboksie waarop ’n klomp stroomopsies gelaai is – van Netflix en AppleTV tot DStv en Showmax. Maar soos enige nuwe tegnologie is hierdie mediaboksie nogal frustrerend. Die afstandbeheerder wou eintlik in sy ander lewe ’n muis gewees het, so hy is baie sensitief en vries sommer graag en gereeld – en dan moet jy die hele spul afsit by die muur en tot by 20…

WAARNA LUISTER JY IN JOU KAR? Ek luister graag klassieke musiek, veral na die klavierkonserte van die Russiese komponis Sergei Rachmaninoff. WATTER BOEK LÊ LANGS JOU BED? Shogun deur James Clavell. Ek was ook mal oor die reeks Shogun wat op Disney+ is. WATTER LIEDJIE SAL JY BY ’N KARAOKE SING? “Imagine” deur John Lennon. WATTER KOS MAAK JY TUIS AS JY HAASTIG IS? Ek en Tanya is lief vir ’n vinnige slaai. ’n Heerlike hoenderslaai is altyd ’n wenner. Gewoonlik kyk ons ook watter oorskiet daar in die yskas is en maak daarvan ’n slaai. WATTER FLIEK HET JY ONLANGS GEKYK WAARVAN JY GEHOU HET? Ek het die kans gekry om Tanya se nuutste fliek waarin sy ’n hoofrol speel, Muzzle: City of Wolves, te kyk en dit was…

FOTOBLOKRAAI NO 2379 KOMPETISIEVRAAG Watter soort hond is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN HUMAN & ROUSSEAU Hierdie week wen een leser Al die swendelaars deur Chris Karsten (H&R, R350). Speurder Arrie Dogh tel die dae af tot hy en vroulief hul oudag saam kan geniet. Maar op die vooraand van sy aftrede beland ’n oënskynlik doodgewone inbraaksaak op Arrie se lessenaar. Toe hy ondersoek instel na die inbrekers op Louis Jooste se perdeplaas neffens Wildernis, besef hy daar is ’n slang in die gras. Waar begin die storie wat Arrie eindelik oorvertel? By die lyding en afsterwe van Bertie Greeff se geliefde Mirjam? By dieTurkse perdekopers? By Jooste se ponzi wat Bertie…

DIE lug lyk dalk soos ’n groot, leë ruimte bo ons kop, maar die Aarde word eintlik omring deur ’n dik laag gasse wat ons die atmosfeer noem. Ons kan dit nie sien nie, maar dié laag is baie belangrik vir alle lewe op Aarde. Dit beskerm ons teen gevaarlike straling, help om die planeet se tem  peratuur te beheer en gee ons selfs die lug wat ons asemhaal. Die atmosfeer is in lae verdeel, en elke laag het sy eie kenmerke en funksies. DIE TROPOSFEER Die eerste laag is die troposfeer. Die naam kom van die Griekse woord tropos, wat “draai” of “verandering” beteken. Dis die laag waar die weer gebeur. Wolke vorm hier, reën en sneeu val hier, en winde beweeg koue en warm lug oor die planeet. Die lug…

‘EK WAS nie baie bevoorreg in my grootwordjare nie. Ek’t nie ’n bed gehad om op te slaap nie. Saans het my ma klere op die vloer gepak waarop ek kon slaap. Ek’t nooit fancy klere gehad nie, ek’t almal se tweedehandse goedjies gekry. Ek was vier toe ek by my ouma en oupa in Ocean View gaan bly het. My ouma het my weggevat van my ma af. My ma kon nie regtig cope nie. Party mense is net nie reg om ouers te wees nie, en al was my ma ’n goeie mens, was alles net te veel vir haar. Sy is in 2006 oorlede. My pa ken ek glad nie. Hy kan verby my loop en ek sal nie weet wie hy is nie. Ek’t nooit geweet…

WANNEER Sphesihle Hlatshwayo ’n stuk papier of hout aan die brand steek, is dit nie om dit te vernietig nie. Hy omskep dit in kuns. “Vuur was nog altyd my taal,” sê dié ongewone kunstenaar, wat van vlamme en rook kuns maak. In Daveyton aan die Oos-Rand waar hy ’n huis met sy ma, ouma en elfjarige boetie deel, is die mure van sy kamer bedek met sy skeppings. Daar is onder meer ’n portret van die jazzlegende Hugh Masekela, wat hy gemaak het sonder verf of ink – bloot die rook van ’n kers. Die 20-jarige Sphesihle het ’n begryplike aanklank by die onlangse rolprent Avatar: Fire and Ash, waarin vuur ’n groot rol speel, en het met ’n blaasvlam ’n portret van die skurk, Varang, op ’n houtpaneel…

‘SOLANK EK DIE ROL VAN BENEDICT VERTOLK, FANTASEER MENSE OOR SY LYF, NIE MYNE NIE’ DRIE seisoene lank moes hy droëbek toekyk hoe almal om hom verlief raak en afhaak. Een ná die ander het die potte in die Bridgerton-familie deksels gekry, behalwe arme Benedict. Deur die jare het dit gelyk of hy hom nie net in sy alleenloperstatus berus nie, maar ’n kuns daarvan gemaak het, ’n trotse oujongkêrel. “Benedict is iemand van wie ons in die afgelope drie seisoene ’n sekere kant leer ken het,” sê Luke Thompson (37), wat die rol van Lady Bridgerton se naasoudste seun vertolk. “Hy’s nogal rustig, stel sy vryheid op prys, is soortvan sjarmant en, soos hy aan die einde van seisoen drie aan Lady Tilly gesê het: Ek dink nie ek…

HULLE het verskil soos dag en nag. Bob Woodward, uit ’n stoere en welgestelde Republikeinse huis, het in die Amerikaanse vloot gedien en aan die veelgeroemde Yale-universiteit studeer. Verantwoordelik, ernstig, gedissiplineerd. Carl Bernstein se ouers was aktiviste en lede van die Amerikaanse Kommunistiese Party. Die rebelse Carl het op 16 skool verlaat en as kantoorbode by die Washington Post begin werk. Teen 1972 was albei jong en taamlik onbekende joernaliste by die Post. Bob het alledaagse misdaadstories gedek, Carl die plaaslike politiek. Kollegas, ja, vriende allermins. Toe word inbrekers in die Demokratiese Party se kantore in die Watergate-gebou betrap – en skielik is hulle teen wil en dank ’n verslagspan. Hulle eerste berig oor die in- braak was maar klein. Maar hulle het aanhou snuffel, want die spoor het gelei…

Wanneer en waar was jy op jou gelukkigste? Ek was op my gelukkigste toe ek jonger was en my hele lewe voor my gelê het. Seker toe ek so 26, 27 was. Wat sou jy anders doen as jy jou lewe kon oorhê? Soos dinge bestem was om te wees, so was dit. Wat is die ding wat jy die meeste in mense bewonder? Ek bewonder mense wat verskillende talente het – soos iemand wat ’n besigheidspersoon is, kan sing en ook kan sokker speel. Wie sou jy die graagste vir ete wou nooi en wat sou jy vir ete maak? Ek sou graag vir Robert De Niro wou nooi! I would cook him my favourite – prawn curry. Wat kan jy nie verduur nie? Leuens. Wat is jou diepste put…

TREFFENDE TEKKIES PARMANTIG EN PLAT STYG UIT KOEL GEMAK KRY DIT HIER ACKERMANS.CO.ZA; ANGELSOFTSHOES.CO.ZA; AYANA.CO.ZA; BASH.COM; BATA.CO.ZA; BIRKENSTOCK BASHAFRICA.COM; CROCS.CO.ZA; DUNNS.CO.ZA; EDGARS.CO.ZA; FROGGIE.CO.ZA; IPANEMA.CO.ZA; MILADYS.CO. ZA; MR PRICE MRP.COM; OLDKHAKI.CO.ZA; PEROCILI.CO.ZA; PICKNPAYCLOTHING.CO.ZA; POETRYSTORES.CO.ZA; PUMA.COM; QUEENSPARK.COM; REEBOK.CO.ZA; SHOEBOX.CO.ZA; SISSYBOY.CO.ZA; SOVIETDENIM.COM; STEVEMADDEN.CO.ZA; SUPERBALIST.COM; SUPERGA.CO.ZA; TSONGA.CO.ZA; WOOLWORTHS.CO.ZA; ZARA.COM HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

Skryf gerus vir my oor jou sake van die hart of moeilike persoonlike kwessies. Ek beantwoord hier vrae en briewe van lesers en gee graag raad. Ek sal nie jou naam bekendmaak nie en jou identiteit bly vertroulik. Stuur jou e-pos aan Vra vir Irma na vravirirma@gmail.com of SMS Vra vir Irma gevolg deur jou vraag na 36489. MY NIGGIE VERWAG EK MOET NET BLY GEE Ek het uitgevind van my niggie wat vir die tweede keer in ’n plakkerskamp by Krugersdorp beland het. Sy is ’n weduwee nadat haar man twee jaar gelede selfmoord gepleeg het. Sy het ook probeer selfmoord pleeg, maar het oorleef en orgaanskade opgedoen. Ons het vir baie jare geen kontak gehad nie, maar toe ek van haar probleme hoor, het ek vir haar R1…

Ons knip ons oë deur die loop van die dag sonder om te veel daaroor te dink, en dis noodsaaklik om ons oë gesond en helder te hou. Deur jou oë te knip beskerm jy hulle teen helder ligte en ook goed wat hulle kan irriteer, soos stof en rook. Dit help ook om jou trane oor jou oogappel te versprei, wat jou oë vogtig en gemaklik maak. Ons weet reeds uit vorige navorsing dat ons nie net willekeurig oë knip nie, maar in ’n nuwe studie deur navorsers van die Concordia-universiteit in Montreal is bevind dat die knip van jou oë ook ’n aanduiding kan wees van hoe aandagtig jy luister terwyl iemand praat. “Ons wou weet of om jou oë te knip beïnvloed word deur omgewingsfaktore en hoe…

WEG IS NIE ’N PLEK NIE DEUR SANTIE VAN DER MERWE Human & Rousseau, R239* Ná ’n tragedie weet Natasja sy moet weg. Sy slaan net ’n rigting in en bevind haar uiteindelik op ’n stowwerige dorpie voor die deur van George, ’n ou maat van haar pa. Sy is moeg, verslae en gebroke en weet nie waarheen verder nie. Teësinnig nooi George haar om te bly. Die twee kunstenaarsiele smee dan ’n onverwagte vriendskap. Tussen hulle ontdek hulle ’n veilige ruimte om oor die verlede, hede en toekoms te besin. Santie van der Merwe, skrywer van Weg is nie ’n plek nie, sê idees daag oornag op wanneer sy besig is om ’n vorige verhaal klaar te maak. “Dit was so met dié verhaal ook. Ek vra nie te…

BARBIE lyk nie meer net op een manier nie. Die speelgoedmaatskappy Mattel het hulle eerste outistiese Barbie uitgereik. Dis deel van hulle poging om meer mense in hulle speelgoed te wys – sodat meer kinders hulself kan herken. WAT BETEKEN DIT? Outisme is deel van neurodiversiteit. Dit beteken iemand se brein ontwikkel of werk anders. Kinders met outisme ervaar die wêreld op hulle eie manier. Hulle verwerk klanke, ligte, aanraking en mense soms anders as ander kinders. Die nuwe Barbie is deel van die Barbie Fashionistas-reeks, wat ontwerp is “sodat meer kinders hulself in Barbie kan sien”. SAAM ONTWERP – NIE SOMMER NET SO NIE Die pop is ontwerp saam met die Amerikaanse organisasie Autistic Self Advocacy Network. Die doel was om te wys hoe kinders met outisme dink, voel…

1 Watter stad word in twee gedeel deur die Bosporus? 2 Watter soort vrugte is Pink Lady en Granny Smith? 3 Hoeveel verskillende tydsones is daar in Rusland? 4 Die Torah is die heilige skrif van watter geloof? 5 Wat word in Celsius gemeet? Antwoorde  1 Istanbul 2 Appels 3 Elf 4 Judaïsme 5 Temperatuur BRONNE: OLYMPICS.COM, EN.WIKIPEDIA.ORG, ARCHAEOLOGY.CO.ZA, LIVESCIENCE.COM, NYTIMES.COM, SCIENCEALERT.COM, THEGUARDIAN.COM, STUFF.CO.NZ, BBC.CO.UK, INSTAGRAM.COM, NPR.ORG, NEWS.MONGABAY.COM, PHAROSONLINE.CO.ZA…

STEL jou voor jy klim in ’n reusagtige mandjie en dan dryf jy so saggies boontoe dat jy dit skaars agterkom. Warmlugballonne het nie enjins of vlerke nie – hulle gebruik ’n brander om warm lug in ’n groot, kleurvolle omhulsel te maak en dryf met die wind. Kom ons kyk hoe dié “lugborrels” werk, waar dit begin het en hoekom dit so ’n koel manier van vlieg is. HET JY GEWEET? Die eerste passasiers ooit van ’n warmlugballon was ’n skaap, eend en hoenderhaan. Dit was in September 1783 en al drie diere het veilig teruggekeer. HET JY GEWEET? In 2010 het passasiers by die internasionale ballonfees in Bristol, Engeland, in ’n mandjie met ’n glasbodem gevlieg. Party het geskree van vrees. DIE EERSTE EEN So het die eerste…

EENS op ’n tyd het hulle albei in vorige verhoudings wild gesteoi om daardie liefdesbootjies deur stormwaters te stuur. Dinge was net nooit máklik nie. Maar toe ontmoet TANYA MICHELLE (38) en die sanger LOGAN PIETERSEN (34) mekaar. En noudat hulle al drie jaar in ’n verhouding is, kan albei dit maar hardop sê: Dis maklik, lekker en daar’s g’n teken van stormwaters nie. “Alles in my lewe is net mooier as Logan by is,” koer Tanya. Toe Tanya se verhouding met Dozi ná 20 maande in November 2022 op die rotse geloop het, het die sanger nog aan Huisgenoot vertel al was daar mooi en gelukkige oomblikke, was hulle saam soos olie op ’n vuur. Tanya het voor haar verhouding met Dozi ook in die maatsoekprogram Op my eish!…

1 ZOE IS BOBAAS Sy’t ’n Oscar, sy’t ’n Golden Globe en nou het ZOE SALDAÑA ook die hoogste bruto loketinkomste onder akteurs behaal. Volgens die webtuiste The Numbers bring die sukses van Zoe (47) se jongste rolprent, Avatar: Fire and Ash, die totale loketinkomste van al haar rolprente op meer as $15 miljard (R246 miljard) te staan. Sy het in die drie flieks met die hoogste loketinkomste van alle tye gespeel – Avatar (2009), Avengers: End Game en Avatar: The Way of Water. Sy’t Scarlett Johansson (41) onttroon, wat tweede is met $14 miljard (R230 miljard). 2 JA, SJEF! Die aktrise TEYANA TAYLOR, wat in One Battle After Another gespeel het, se toneelloopbaan hou haar besig, maar sy volg ook haar passie vir kosmaak. Teyana (35) het verlede Junie by ’n…

DIE sangeres het onlangs vir haar aanhangers ’n kykie na haar idilliese vakansie saam met haar gesin in Marokko gegee – en die foto’s kon netsowel uit een van haar musiekvideo’s gekom het. MADONNA (67) het onlangs ’n paar weke in Marrakesj deurgebring en die Rooi Stad saam met haar Jamaikaanse kêrel, Akeem Morris (29), en haar kinders Rocco (25), David (20) en Mercy (19) en die 13-jarige tweeling, Stella en Estere, verken. Hulle het markte besoek, in luukse tente in die woestyn gebly, op perde en kamele oor die duine gery, en oor die Nuwejaar fees gevier. “Marokko, ek kan nie genoeg van jou kry nie!” het sy geskryf by die foto’s en video’s wat sy van die reis gedeel het. Sy het smoorverlief gelyk op haar veel jonger…

Ek het onlangs die briljante en vermaaklike RobWords-podcast gekyk, aangebied deur Rob Watts, ’n taalkundige nerd wat in Duitsland bly. In dié episode het hy vertel hoe ons tot vandag toe, en waarskynlik nooit in die toekoms nie, geen idee het van waar sekere Engelse woorde vandaan kom nie. “Dog”, “frog”, “pig” en “donkey”, onder andere, toon geen ooreenkoms met dieselfde woorde in al die tale wat Engels omring nie. In Ou Engels (voor Wimpie die Oorwinnaar en sy Franse trawante Engeland gekonker het) was die woorde tipies Germaans. Driehonderd jaar later, toe Engels uit sy tweedeklasstatus herrys het as Middelengels, kry jy skielik al hierdie woorde, maar geen teken van die voorafgaande woorde waaruit hulle ontstaan het nie. Gaan kyk RobWords op You-Tube. Toe wonder ek wat in Afrikaans…

KRULLE is mooi, opvallend en vol persoonlikheid. Maar enigiemand met krulhare weet dat daardie krulle hul eie behoeftes het. Krulhare gedra hulle anders as reguit hare en het spesifieke sorg nodig om gehidreer, mooi gevorm en gesond te bly. KEN JOU TIPE As jy jou krultipe verstaan, help dit jou om produkte te kies wat jou haarpatroon ondersteun. Krulle word in vier hooftipes (1 tot 4) ingedeel: Tipe 1 is die reguitste en Tipe 4 die styfste. Dit word verder verdeel in A, B en C, wat wys hoe los of styf die patroon is (A = losste, C = styfste). Baie mense het ’n mengsel van patrone, van sagte golwe tot krulringe of spiraalkrulle. Stywer krultipes (3C-4C) vind baat by ryk rome en jels vir beheer en minder…

JY HETseker al baie gehoor van atlete wat hul Achilles-tendon beseer. Dis dalk bekend vir daardie rede, maar dit kan met enigeen gebeur wanneer die spier te veel gebruik word. Jou Achilles-tendon verbind jou kuitspier met die agterkant van jou hak. Dit word so genoem na aanleiding van Achilles – ’n held uit die Griekse mitologie wat onkwesbaar was vir beserings behalwe vir een plek op sy hak. Die spier is noodsaaklik vir loop, hardloop en spring. Dit word gewoonlik ’n probleem wanneer dit spanning ervaar as gevolg van die bewegings, sê dr. Adelaide Andrade. “Simptome ontwikkel as gevolg van wrywing, veroudering of klein skeurtjies in die sening.” Dit is die dikste en sterkste tendon in die liggaam en kan vier keer jou liggaamsgewig ondersteun. Die mees algemene beserings aan…

WATERDRAER 21 JANUARIE – 18 FEBRUARIE Jy bevind jou steeds op die kosmiese verhoog, en met vyf planete in jou teken voel jy energiek en vol idees. Venus en Mercurius se samewerking op die 29ste laat kommunikasie en verhoudings lekker vloei. Jy praat maklik en mense luister. Sit jou idees op die tafel en druk ’n bietjie vir wat jy wil hê. Die volmaan op die 2de kan wys watter saadjies begin opkom. VISSE 19 FEB – 20 MRT Dis ’n week om laag te lê en uit te werk wat vir jóú sin maak. Mense om jou gaan planne hê, maar as dit nie by jou hart aanklank kry nie, gaan dit leeg voel. Teen die volmaan op die 2de kan iets vir jou in plek val en jy…

In Januarie verlede jaar het Ard Matthews, die bekende plaaslike musikant en hoofsanger van die rockgroep JUST JINGER, tuis gesit en tokkel op sy kitaar. Hy speel toe vir sy verloofde, die model en aktrise Tanya van Graan, ’n liedjie wat hy as sy nuutste enkelsnit wou uitreik. “Tanya het daarvan gehou, maar sy het gesê ek moenie net die liedjie uitreik nie. Ek moet ’n vollengtesoloalbum uitreik en dis finaal,” sê Ard. En dis hoe die saadjie geplant is vir Ard se splinternuwe album, As It Should Be. “Die album is geïnspireer deur die liefde,” sê hy. “Spesifiek die liefde tussen my en Tanya. Daar is nie ’n dag wat verbygaan wat ek nie meer verlief op haar raak nie. Dit wat ons het en vir mekaar voel, is…

VREDE IN DIE HUIS Dis regtig nie so moeilik om in jou vrou se goeie boekies te bly as jy die twee goue reëls toepas nie. Een, vertel haar hoe ongelooflik jammer jy is wanneer jy ’n fout gemaak het. Twee, vertel haar hoe ongelooflik jammer jy is wanneer sy ’n fout gemaak het. L. Saayman MONOGAMIES Dominee Hans besoek sy nuwe lidmate, Fanie en sy vrou, Fransina, vir die eerste keer. Die twee mans sit al in die voorkamer en gesels toe Fransina ingestap kom. “Is dit nou jou liewe vroutjie?” vra die leraar. “Nee, Dominee, dis my enigste een,” antwoord Frans. Anton, Bellville VERDWAALDE SLEE Ek was die afgelope feestyd so platsak, ek moes maar vir my kinders vertel Kersvader se GPS kon al weer nie ons huis…

DIT sou ’n tragiese prentjie kon wees: Die eensame man wat eens ’n prins was en nou net sy perd het vir geselskap. Maar dis moeilik om empatie vir dié droewige ruiter te hê. Hy’t dalk bloubloed in sy are, maar ons weet ná al sy skandes hy’s ’n perd van ’n ander kleur as die res van die koninklikes. Andrew Mountbatten-Windsor (65) ry die afgelope tyd gereeld alleen perd in die Windsor Great-park, maar binnekort sal ook dié uitstappies hom nie meer beskore wees nie. Dié gevalle broer van koning Charles moet sy spoghuis, die Royal Lodge, binne die volgende paar weke ontruim om in ’n tydelike woning op die koning se Sandringham-landgoed in Norfolk in te trek. Hy sal na verwagting tot Paasfees daar bly, en dan moet…

BENNIE EN MILA FOURIE Hulle het Karoo se eerste verjaardag sommer in ’n Spur-restaurant in Kaapstad gevier, sê Bennie en Mila. Dit was die classic ding om te doen, grap Mila. “Ek wou gehad het almal moes vir hom sing! Daar was ’n sandput en ’n jungle gym. Die kinders het baie lekker gespeel en daar was ’n koek, ballonne en pakkies vir al die kinders.” Sy en Bennie kyk dikwels na mekaar en wonder hoe die tyd so gou verby is. “Elke fase van ’n kind is lekker en opwindend, maar dis tog hartseer dat daardie babafase nou verby is,” sê Mila. “Ek kan nie glo ons het ons eerste jaar as ouers oorleef nie. Hy het dit baie maklik gemaak vir ons.” Ouerskap herinner haar daaraan om in…

OOR die jare het die veteraanakteur TOMMY LEE JONES hard baklei om sy dogter, Victoria Jones, met haar probleme te help. VICTORIA (34) is onlangs dood nadat sy bewusteloos in die gang van die San Francisco Fairmont Hotel aangetref is – vermoedelik weens ’n oordosis. Dit het intussen bekend geword dat Tommy (79) twee jaar gelede aansoek gedoen het dat sy dogter tydelik onder kuratorskap geplaas moes word. Dit was nadat sy 14 dae lank in ’n psigiatriese inrigting opgeneem is omdat sy as ’n bedreiging vir haarself beskou is. In sy aansoek het hy ook gevra dat sy onmiddellik na ’n rehabilitasiesentrum oorgeplaas word ná jare se middelmisbruik. Volgens bronne na aan die familie probeer ’n brose Tommy die verlies van sy dogter verwerk deur hom in sy werk…