Innholdsfortegnelse for 18 December 2025 i Huisgenoot

1 STADIG OOR DIE KLIPPE MET PLAKKIES Vakansietyd beteken son, see, saffier – en plakkies! Maar wees versigtig, waarsku ’n kundige. Dis lekker om jou tone te bevry, maar om heeltyd plakkies te dra kan jou voete of enkels skade aandoen Ek kan nie toe skoene dra in die somer nie. My voete kry heeltemal te gou warm en dan is ek baie ongemaklik. Ek dra al my hele lewe net plakkies in die somer. En ek het nog nooit probleme gehad nie. ANTONET As kind het ek kwaai gesukkel met plakkies. Hulle het so langs my voet geflapflap, of ek het skoon uit hulle geloop. As grootmens weet ek dis omdat my voete na die buitekant toe rol. Het plakkies dit dalk vererger? SAREL Ek dra ook al my…

STREPE AAN DEK Seemanstrepe bly ’n tydlose gunsteling – kry ’n blou of rooi gestreepte T-hemp of top vir daardie vakansie-by-die-seegevoel. GOOI DIE NETTE Bly in karakter met tekstuurrompe – hekelwerk, toue, tossels en net – en dra dit saam met T-hemde of hemde in rooi, wit of blou vir ’n sjiek, moeitelose styl. VOOR ANKER Elegante rokke met rooi of blou strepe, ruitpatrone of seemotiewe is ’n goeie keuse vir ’n dag in die buitelug. ’N STYLVOLLE DEKLAAG Iets wat jy gou kan aantrek oor jou swembroek of tenktop is ’n moet. Kyk vir strepe en motiewe soos skulpe, of materiaal met tekstuur soos tou, net en tossels. DOEN DIENS IN DENIM ’n Stapelitem in seevaartstyl is denim in vlootblou of wit – daarmee is jy gereed om die…

GROEP IGNOREER MY PLEIDOOIE V Dis nou al meer as ’n jaar wat ek deel is van ’n nuwe vriendekring. Ek het van dorp en werk verander en dit het nie lank geneem om vriende te maak nie. Die meeste is kollegas, maar hulle is almal baie aangename en vriendelike mense. Ons het regtig lekker kuiers en sosiale aktiwiteite saam en die ouderdomsverskille tussen ons is nie so groot nie. Maar hier’s die ding: Ek is ’n introvert. Ons sosialiseer net naweke, maar dis dikwels te veel vir my. Om een keer per maand uit te gaan is genoeg vir my. Ek verkies stilte en tyd in my eie huis. My eie geselskap is vir my die beste. Om te veel uit te wees tussen al die ander lawaai, baie…

1 HET ALLE NUWE MOTORS OUTOMATIES ’N ONDERHOUDSPLAN? Nee, dit hang af van die handelsmerk, model en handelaarskapaanbod. Jou premium handelsmerke sluit gewoonlik onderhoudsplanne by die koopprys in. Maar intreevlak- en billiker motors het dikwels ’n gewone diensplan, met ’n volledige onderhoudsplan as opsionele opgradering. 2 HET EK DIT NODIG? Indien jy ’n nuwe motor met ’n vervaardiger se waarborg en ’n diensplan koop, waarskynlik nie. ◗ ’n Nuwe motor sal kom met ’n waarborg wat dinge soos die herstel en vervanging van meganiese en elektriese komponente dek. (Byvoorbeeld die enjin, transmissie-en brandstofstelsel, elektronika, stuurwiel en vering). Sommige waarborge sal die lugversorger en klankstelsel dek. ◗ ’n Diensplan dek weer roetinedienste by die vervaardiger se goedgekeurde handelaars. Dit sluit in die arbeidskoste van jou diens, olie, filters, vonkproppe en ander…

DIS vakansie en bedags is die kinders besig met wie weet wat. Saans is tyd vir saam wees, en wanneer jy bedags by die werk onder druk is met die werkslading wat vir die jaar afgesluit moet word, is jy nie lus om saans koppe te stamp oor die televisie nie. En jy wil veral nie die kinders se vakansiegevoel bederf nie – al is jou eie vakansie nog ver die toekoms in. Iets wat baie goed werk vir ons, is beurte om ’n fliek voor te stel. Daar is wel ’n paar voorwaardes. ›› Dit moet ’n fliek wees wat jy teen 22:00 kan klaar kyk as jy ná ete om 20:00 begin. Nie almal in die huis is al met vakansie nie. ›› Jy hoef nie vooraf goedkeuring…

Die lekker tye begin hier! ’n Vrolike mengsel temas is die partytjiegaste in Huisgenoot se splinternuwe Woordsoek no. 17. Kuier-kuier deur die bladsye van dié prettydskrif en voel hoe jy met elke woord wat jy vind ál nader beweeg aan jou geluksone. TOPTEMAS ■ Eetgoed deur die eeue ■ Ikoniese fliekstede ■ Die beste gholfbane ■ ’n A tot Z van slimkoppe ■ Alles Wallis ■ Rockers en rappers ■ Magiese Mosambiek ■ Berge vol lewe ■ Hollywood-lieflinge KRY DIT SÓ: AANLYN media24shop.com BEL 021-406-4962 Gaan na www.media24shop.com…

Italianers is baie ernstig oor en trots op geregte wat hul oorsprong in dié land het, in so ’n mate dat daar nou ’n herrie is oor ’n “vals” Italiaanse sous wat in België verkoop word. Carbonara is ’n pastagereg wat bestaan uit gedroogde varkvleis bekend as “guanciale”, kaas, eiers en swartpeper. Die Italiaanse minister van landbou, Francesco Lollobrigida, is egter so ontsteld nadat hy ’n sous by ’n winkel in België gesien het waarin ’n ander soort varkvleis, pancetta, gebruik word, dat hy ’n formele ondersoek gevra het. Hy sê dit doen skade aan Italië se “nasionale trots”. Die land is juis tans besig om Unesco te vra om sy kookkuns as ’n ontasbare kulturele erfenis van die mensdom te laat erken. Dis ’n status wat soortgelyk is aan…

SY WAS in haar noppies toe die hoof van menslike hulpbronne van die Franse departement van kultuur haar op LinkedIn kontak en nooi vir ’n onderhoud. Sylvie Delezenne, ’n bemarkingskenner, was op soek na werk – en die kans om in ’n staatsdepartement te werk het vir haar soos presies die regte ding geklink. “Dit was altyd my droom om by die kultuurdepartement te werk,” sê sy. Maar pleks daarvan om ’n werk te kry, is Sylvie (nou 45) een van meer as 240 vroue in die middel van ’n ondersoek na die toediening van ’n middel aan vroue – op ’n plek waar jy dit minste sou verwag: ’n werksonderhoud. ’n Regter kyk nou na klagte dat ’n se nior staatsamptenaar, Christian Nègre, oor ’n tydperk van nege jaar…

MET die verfilming van flieks en TV-programme bring die akteurs lang tye weg van hulle families en geliefdes deur. Hulle vorm dikwels ’n sterk band met hulle medesterre, en wanneer die projek eindig, gaan sommige verder deur dié band met ’n tatoeëermerk te verewig. Twee sulke medesterre is Wicked: For Good se CYN-THIA ERIVO en ARIANA GRANDE, wat ’n baie noue band gesmee het. Cynthia (38) en Ariana (32) het eenderse papawerblomme op hulle vingers en die woorde “For Good” op hulle handpalms laat tatoeëer. Die papawer verteenwoordig die blomvelde naby die Emerald City in The Wizard of Oz, terwyl die woorde uit die rolprent se titel kom. “Ons het so ’n wonderlike tyd gehad, en dit was ’n besonderse ervaring om mekaar beter te leer ken, te leer wat…

Wanneer en waar was jy op jou gelukkigste? Op my meisiekind se troue. As jy gelukkig getroud is, vat jou meisiekind se troue jou geluk na ’n ander vlak. Als was perfek. Wat sou jy anders doen as jy jou lewe kon oorhê? Absoluut niks. Een verkeerde move en ek kon die amazing plek waar ek nou is in die lewe misloop. Wat is die ding wat jy die meeste in mense bewonder? As iemand bereid is om oopkop na ’n standpunt te luister, al verskil hulle daarmee. Wie sou jy die graagste vir ete wou nooi en wat sou jy vir ete maak? Gordon Ramsay. Pannekoek, braaivleis en pap en vir nagereg sagopoeding. Wat kan jy nie verduur nie? Die prys van klere, printer-ink en Woolworths-biltong. Wie is of was…

OP ’N sonnige somersdag buite Velddrif langs die Weskus klop ’n bloukraanvoël sag teen die skuifdeur van die D’Kiki Dee-wildlewehospitaal – die mediese eenheid van Jacques Nel se Owl Orphanage. “Iris” die bloukraanvoël het ’n slegte begin gehad. Gevang, makgemaak, verwaarloos. Nou staan sy daar met ’n tikkie wantroue in haar blik. Sy fokus nuuskierig op ’n gevlekte ooruilkuiken van anderhalf maand anderkant die glas. “Hy’s ’n regte ninja, daardie een,” sê Jacques. “Niks laat hom skrik nie, maar hy voel waarskynlik veilig hier. En sodra jy inkom, raak hy opgewonde. Hy dink altyd jy bring vir hom nog kos.” By ons koppe swiep “Kinnertjies” die rooiwangmuisvoël vinnig verby. Soos Iris, is hy makgemaak. Jacques het probeer om hom weer in die natuur te plaas, maar Kinnertjies het ’n hegte…

AS JY moet dink aan superkosse, dink jy heel moontlik laaste aan dié groep. Maar die nederige boontjie voed mense al duisende jare. En die wetenskap staaf wat ons voorouers instinktief geweet het: Bone is goud werd en dit hou ongelooflike voordele vir jou gesondheid in om dit gereeld te eet. Dis een van die gesondste kosse wat jy kan eet, sê die Britse voedingkundige Sophie Trotman. ’n Gewone blikkie swartbone bevat soveel proteïene as drie eiers en twee keer soveel vesel as pruimedante. En dis nie al nie. Bone is ook propvol mikrovoedingstowwe soos kalium, folaat, yster, sink en magnesium, en dis ook maklik om dit by jou daaglikse dieet in te sluit, ongeag wat jy graag eet. “Om ’n blikkie bone by ’n slaai, roerbraai, bredie of sop…

’N MENS sien deesdae gereeld op sosiale media hoe mense vir hulle kat of hond ’n oulike uitrusting aantrek – iets wat toeneem rondom spesiale geleenthede soos Kersfees of Paasfees.Dis iets wat veral Hollywood-sterre graag doen. Die aktrises Kate Beckinsale, Lupita Nyong’o en Jennifer Garner plaas gereeld foto’s van hul katte in snaakse of oulike uitrustings, terwyl Paris Hilton, Mariah Carey en Chrissy Teigen daarvan hou om hul hondjies aan te trek. Maar diereregte-organisasies waarsku mense om nie die bekendes na te boots nie – en nie eens van sulke plasings op sosiale media te hou nie. Die tendens is volgens hulle eintlik wreed. KATTE: HOEKOM DIT NIE KOEL IS NIE Dit kan vir jou kat baie ontstellend wees om aangetrek te word, sê die Britse kattewelsynsorganisasie Cats Protection. “Klere vir…

PRAKTIESE PROJEKSIE Ek is nou klaar met beleggings. My finansiële adviseur bel my vanoggend en sê: “Onthou jy daai annuïteitspolis wat ons begin het sodat jy op 65 kan aftree? Wel, ek beveel aan dat ons jou aftreeouderdom uitstel tot 95 jaar.” Wollie, Pretoria GLAS HALF LEEG Ou Mike koop twee afsonderlike loterykaartjies, en met die een wen hy toe ’n miljoen rand. “Baie geluk, maar hoekom lyk jy dan so bekaf?” wil Kallie weet toe hy die nuus hoor. “Want ek moes nooit daai tweede kaartjie ook gekoop het nie, dit was geldmors,” brom Mike. Wollie, Pretoria SKOONHEIDSWENK Gee maar op, jy sal nooit soos die meisie in die modetydskrif lyk nie. Die meisie in die tydskrif lyk nie eens soos die meisie in die tydskrif nie! L. Saayman…

IN Engels word daar grappenderwys na wasbere verwys as “trash pandas” omdat die soogdiere so lief is vir in dromme krap op soek na kos. In ’n nuwe studie is nou bevind dat die dier dalk mense se volgende troeteldier kan word. Dierekenners het 20 000 foto’s van wasbere wat in stedelike omgewings woon van naderby bestudeer en gesien hulle snoete is besig om korter te word. Dis ’n teken wat ook gesien word in katte en honde wat daarop dui dat hulle mak word. Die rede hoekom hulle mak word, begin alles by die asblik, sê die studie verder. “Waar daar vullis is, is daar mense, en diere is mal oor mense se vullis,” sê Raffaela Lesch van die Universiteit van Arkansas. Vir die wasbere om die kos in…

1 Waar word die Britse kroonjuwele bewaar? 2 Wat is die amptelike taal van die Ivoorkus? 3 Deur watter twee van ons buurlande vloei die Oranjerivier? 4 Watter superheld se bynaam is “Man of Steel”? 5 Watter maand is vernoem na die Latynse woord vir agt? ANTWOORDE 1. Die Tower of London 2. Frans 3. Lesotho en Namibië 4. Superman 5. Oktober BRONNE: EDITION.CNN.COM, THEGUARDIAN.COM, STUFF.CO.NZ, BBC.CO.UK, EN.WIKIPEDIA.ORG, BRITANNICA.COM, FACEBOOK.COM, KEYT.COM, ARTFORUM.COM, OCEANCENSUS.ORG, SMITHSONIANMAG.COM, MUSEUM.WALES, HISTORY.COM…

JA, HY speel videospeletjies, baljaar graag in die swembad en kan ure lank lê en TV kyk. Maar dit is omtrent waar die ooreenkomste tussen Laurent Simons en ander 15-jariges ophou. Op ’n ouderdom toe jy waarskynlik nog op die skoolbanke met basiese algebra geworstel het, het dié klein melkbaard nie net reeds skool voltooi, ’n graad verwerf en ’n meestersgraad agter sy naam gekry nie. Hy het so pas ook ’n doktorsgraad bekom. En asof dit nie genoeg is nie, is sy Ph.D. in ’n vakgebied wat so berug moeilik is dat net ’n fraksie van ’n fraksie van die mensdom dit kan verstaan: kwantumfisika. Hy kan jou dinge oor swartgate, bosonpartikels en die geheimenisse van die diepruimte vertel wat selfs die slim- ste volwassene se kop sal laat…

LOCAL IS LEKKER TOE hy vroeër vanjaar gespot het dat hy maar oorsee na ’n trouvrou sal moet gaan soek, het almal wat die spiertier MARC BUCKNER ken, vrae gehad. Eerstens, hoe is dit moontlik dat hy nog enkellopend is? Hy’s dan die man wat die blokkies in blokkiesmaag sit, en in daardie paar gespierde arms sal mens altyd veilig voel. Tweedens: Is ons met ander woorde nie ’n opsie nie? Want daar’s eintlik geen rede om die landsgrense te verlaat nie – hier’s ons, vat ons, maak ons joune. Maar nou blyk dit dis te laat. Want die man wat in die jare nadat hy aan The Bachelor deelgeneem het nog altyd vertel het hoe die liefde maar net nie vir hom wil uitwerk nie, is nou verlief. En…

Kinders is ’n bietjie soos toorkuns. Eendag sê hulle “mamma”, die volgende dag bou hulle sommer volsinne. Maar daar’s eintlik ’n verrassend voorspelbare volgorde waarin hulle klanke baasraak – stap voor jy kan hardloop. Een van die beste voorbeelde hiervan is iets wat spraakterapeute “stopping” noem. Dis wanneer ’n kind ’n moeiliker wrywingsklank (soos f, s of g) verruil vir ’n makliker plofklank (soos p, t of d). Só word son sommer ton, en van word pan. Dit klink vir grootmense vreemd, maar vir ’n klein mondjie wat nog moet leer hoe om lug presies deur ’n klein opening te druk, is dit heel normaal. Plofklanke word vroeër bemeester, want dit vat minder fyn beheer: Jy maak net toe, en laat los. Wrywingsklanke verg presisie, geduld en ’n tong wat…

DIS onwaarskynlik dat jy sou verwag om die Glam Guru hier raak te loop. En dis nie omdat daar iets skort met dié woonstelblok in Kentlaan in Dunkeld nie. Die teendeel is waar – dis ontwerp deur bekroonde argitekte en in ’n gesogte buurt net ’n klipgooi van Sandton. Hier’s spoggerige restaurante en ’n lowergroen parkie, en om hier te bly sal jou ’n stewige paar miljoen rand kos. Dis net . . . anders as voorheen. Altans, dis anders as die huis waarin Hannon Bothma ’n paar jaar gelede voor Huisgenoot se kameras poseer het. Destyds, toe Hannon nes vandag by die voordeur kom groet het, was dit die voordeur van ’n amperse paleis in Sandhurst. Die vloere was geteël met marmer, binne was alles wit, room en goud.…

HULLE sitkamer is vol foto’s van haar en haar man wat die buitelewe geniet – skubaduik, poseer met ’n olifant, skermsweef in ’n wolklose lug. Maar daardie herinneringe voel nou soos ’n leeftyd gelede. “Ons het besluit om vir mekaar ervarings vir ons verjaarsdae te gee,” sê Maxine Moonsamy. “Nou’s dit so ’n bietjie verby.” Die 33-jarige mediese verteenwoordiger se eens aktiewe lewe het gekrimp tot die perke van haar huis in Parklands, Kaapstad, waar sy óf op krukke óf in ’n rolstoel rondbeweeg en op haar man, Jateen Karson, staatmaak vir die meeste dinge. “My arme man is nou die kok, die bestuurder en die hondeversorger,” sê Maxine. Maxine sit vas in ’n nagmerrie wat begin het met ’n stamp teen die kop en geëindig het met die amputasie…

VINNIGE POKÉ-BAKKIES GENOEG VIR 2 MENSE /BEREIDING: 10 MIN. /GAARMAAK (TOFU): 6-7 MIN. Lieflik vir ’n ligte middagete. Maak die sous dubbel en hou in die yskas. Tofu (ook met kruie of sampioene) is oral in supermarkte beskikbaar en is ’n goeie vegetariese proteïenbron. Mens kry ’n poké-geurmengsel wat ideaal is om in die gereg te gebruik. OOSTERSE SOUS ◗ 4 knoffelhuisies, fyngerasper◗ 1 x 5 cm-stuk gemmerwortel, fyngerasper◗ 3 stingeluie, gekap◗ 125 ml (½ k) sojasous◗ 60 ml (¼ k) vars lemmetjiesap◗ 15 ml (1 e) sushiasyn◗ 15 ml (2 e) sesamolie◗ 30-45 ml (2-3 e) heuning OF suiker OF versoeter◗ 45 ml (3 e) pokégeurmengsel OF sesamsaad◗ ’n klein hand vol gekapte koljanderblare PROTEÏEN: 450 g ◗ gaar hoender-of varkrepies OF garnale of forelstukkies OF tofu BASIS: so…

BOERBONE Per 100 g: 263 kilojoules, 3,3 g vesel, 4,7 g proteïen Boerbone, ook bekend as favabone, bevat min kilojoules, maar baie magnesium, kalsium, yster en kalium, sê Sophie. Met 8,8 g koolhidrate en 4,7 g proteïen per 100 g, is hierdie bone stewig genoeg om ’n slaai daarom te bou, en dit sal jou langer versadig hou. CANNELLINI-BONE Per 100 g: 242 kilojoules, 7,6 g vesel, 4,6 g proteïen Hierdie bone is soortgelyk aan boerbone, maar bevat meer vesel. Dit het ’n neutrale smaak en min kilojoules, wat dit ’n goeie basis vir doopsouse maak. Dit bevat ook baie foliensuur en yster. BOTTERBONE Per 100 g: 389 kilojoules, 7,1 g vesel, 7,4 g proteïen Botterbone bevat minder voedingstowwe as ander soorte bone, sê Sophie, maar ’n 100 g-porsie sal…

BOOGSKUTTER 22 NOVEMBER – 20 DESEMBER Die planete is in jou teken saamgebondel en ’n nuwemaan kom op die 20ste by. Stel nou jou voornemens, hoop en wense vir die volgende jaar. Jy kan vrees en hoop vir die toekoms hê, maar probeer eers met die stroom saamgaan. Jou uitgebreide familie kan meer geduld as gewoonlik verg, maar in dié tyd moet jy grootmoedig wees en almal omhels. STEENBOK 21 DES – 20 JAN Al vra Mars in jou teken jou om taai te wees, moedig die nuwemaan op die 20ste jou aan om ruimte te maak vir selfondersoek. Dra jou sagtheid soos ’n mantel teen die 21ste voor die son by die Steenbok inbeweeg en jy sal weer op jou gemak voel. Venus val op die 24ste in, en…

TUSSEN MY EN JOU COENIE KEYSER Sy liefde vir musiek het op vyf begin met ’n plastiekkitaar en ’n droom. Teen 16 het Coenie Keyser in plaaslike kroeë in Polokwane gesing, en gou het sy stem weerklink by troues, funksies en feeste reg oor die streek. Veral by At se Gat in Alldays het hy ’n tuiste gevind vir sy musiek en vir mense wat sy eerlike stories oor die liefde, verlies en die lewe se mooi eenvoud waardeer het. Sy helde in die musiekwêreld is Koos du Plessis en Theuns Jordaan. Hy vind by hulle sy inspirasie, en Coenie het dit goedgedink om hulde aan die twee reuse te bring in sy nuutste liedjie. “Hierin is Theuns en Koos in gesprek met mekaar in die eerste twee verse. Dan…

FOTOBLOKRAAI NO 2373 KOMPETISIEVRAAG Watter bok is ter sprake? As jy vashaak, kan jy gerus ander lesers se raad vra op ons Facebook-blad met die naam Huisgenoot-Blokraaie. WEN ’N BOEK VAN HUMAN & ROUSSEAU Hierdie week wen een leser Roulette deur Sidney Gilroy (H&R, R320). In September 1998 vertrek die vier Ludick-sibbe en drie maats na Ballito. Net die drieling en hul pelle keer ’n week later terug na hul tuisdorp. Van die dertien-jarige Lara Ludick se lewe bly net haar dagboek oor. Dis byna 27 jaar later en die drieling – Lötter, Oscar en Duan – worstel steeds met skuldgevoelens. In Junie 2025 verdwyn ’n mediese student naby Veldrus, nie ver van waar die Ludicks en hul destyd- se pelle grootgeword het nie. Dae later word die vermiste student se…

HY HET nie op gras geloop sedert hy ’n peuter was nie, want selfs die sagste grasperk voel soos naalde onder sy voete. Hy het ook nie weer die balspeletjies gespeel waarvoor hy van sy kleindag af so lief is nie. Dean Clifford se vel is so broos soos ’n vlinder se vlerke en hy leef met voortdurende pyn saam. Elke beweging, selfs iets so eenvoudig soos om sy arm op te lig of ’n tree te gee, laat lae vel soos skuurpapier teen mekaar skawe. “Dis baie moeilik om dit van dag tot dag te hanteer,” sê die 44-jarige Australiër. Dean het ’n uiters seldsame genetiese siekte genaamd epidermolise bullosa (EB). Dr. Dedee Murrell, ’n professor by die Universiteit van Nieu-Suid-Wallis, beskryf dit as “ ’n toestand waar van…

LIZ & BILLY In April vanjaar toe die countrysanger BILLY RAY CYRUS en die Britse model LIZ HURLEY hulle verhouding bekendgemaak het, het min mense dit seker ’n kans gegee, want die twee verskil soos dag en nag. Billy (64) het pas uit ’n stormagtige verhouding gekom met sy eksvrou, die Australiese sangeres Firerose (37), wat hom van emosionele en geestelike mishandeling beskuldig het. Toe Liz (60) en Billy dus oor Paasfees ’n gesamentlike plasing deel waar hulle in ’n veld soen, was almal verras. “Hulle is baie verskillend, maar dit werk. Hulle is so oulik saam,” het ’n bron aan People gesê. “Dis die soort band wat mense nie kan indink nie, maar dit maak perfekte sin as jy tyd saam met hulle deurbring. Liz is baie gelukkig.” Terwyl…