Innholdsfortegnelse for 27 November 2025 i Huisgenoot

1 VAN PLAAS TOT SEE MET NUWE ORGIDEE Boer Rudi H het sonder Lizelle opgedaag vir Boer soek ’n vrou se vakansieepisode. Aan sy sy was Lenmari, en hulle het baie gelukkig saam gelyk Hierdie vrou is vir my baie oulik. Sy is sag op die oog en daar straal ’n opregtheid uit haar. En sover ek kan aflei, is sy wel opreg. Ek hou van haar. Geluk en voorspoed aan julle albei. RIA Die twee van hulle is vir my pragtig bymekaar. Dit lyk of hulle mekaar genoeg ruimte gee, maar tog lyk Rudi gelukkig. En dis mos wat ’n mens vir elke boer in die program gun en vir hulle almal wil hê. PETRA Dis nou weer tipies van Boer soek ’n vrou! En ek sê weer, dis nie…

HY HET nog ’n grap gemaak daar bo op die toring met die koel water van die dam onder hulle uitgestrek. “Laat ek eerste spring,” het Jason Fourie (21) vir sy ouboet gesê. “As iets gebeur, kan jy my help.” En toe duik hy. Kevin (24) is voete eerste agterna. Hulle het die water met ’n groot plons getref. En toe móés Kevin help. “Toe ek die water tref, het ek dadelik gevoel ek is verlam,” sê Jason vandag in Pretoria se Life Eugene Marais Hospitaal. “Ek het opgekyk en die sonlig bo my gesien, maar kon nie opkom nie.” Die lewenslustige jong man van Bela-Bela kon nie sy bene voel nie. “Ek is ’n baie goeie swemmer, maar dit het gevoel asof ek gaan verdrink. Was dit nie vir…

DIE MOEITELOSE KIMONO ’n Ligte kimono is sjiek en veelsydig en perfek vir langs die swembad of as naweekdrag.…

ZEMP LEATHERS SE LEERTOILETSAKKIE ’n Duursame toiletsakkie is ’n goeie belegging – en as dit so mooi is soos hierdie handgemaakte leer-Bravo-toiletsakkie van Zemp Leathers, kan jy nie verkeerd gaan nie. KRY DIT HIER COTTONON.COM; CATRICE EN PHILIPS BY DIS-CHEM 0860-347-243, DISCHEM.CO.ZA; HUDA BEAUTY BY ARC ARCSTORE.CO.ZA; LABELLO EN NIVEA BY CLICKS 0860-254-257, CLICKS.CO.ZA; L’OCCITANE BY SKINCOLAB.CO.ZA; MANKIND, MARC JACOBS, RABANNE EN WBEAUTY BY WOOLWORTHS 0860-100-987, WOOLWORTHS.CO.ZA; MYCRO-KERATIN.COM; TAKEALOT.COM; THE LASER BEAUTIQUE 011-440-7611, THELASERBEAUTIQUE.CO.ZA; ZEMP LEATHERS BY ZEMP.CO.ZA HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

OLIE TOT DIE REDDING As jy nie ’n superskerp gereg wil hê nie, kan jy net ’n bietjie brandrissieolie bysit vir die byt. KRY DIT HIER CARMIENTEA.CO.ZA, MAKRO.CO.ZA, NIFTYGIFTS.CO.ZA, SHOP.BABYLONSTOREN.COM, TAKEALOT.COM, YUPPIECHEF.CO.ZA HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

MOET EK ‘JA’ SÊ? V Vandag het ek asseblief die in sig van ’n buitestander nodig. Ek is nou 30 jaar oud, het ’n meestersgraad agter my naam en is baie suksesvol in my beroep. Dit het fyn beplanning, harde werk en ’n riller van ’n suinige lewe gevat om tot hier te kom. Nou begin ek uiteindelik vlieg. My werk neem my dikwels oorsee vir groot projekte, ek besit my eie afbetaalde huis en ry ’n motor waarvan ek jare gedroom het. Maar nou sit ek met ’n yslike tameletjie. Een van my vriende se broers het ’n paar keer kom koffie drink en my tot my groot skok onlangs gevra om te trou. Ek het hom gevra om my tyd te gee. Hy is ’n predikant en drie…

PAMPOENPIT EN DIE GEHEIME HELDE DEUR BIANCA FLANDERS Lapa, R149* “My eerste boek in die reeks, Pampoenpit, is in 2019 uitgegee. Ek het dit geskryf omdat ek lief is vir stories en wou die boek skryf wat ek nooit as kind gehad het nie. En nou is daar al vier,” vertel Bianca. Het sy enige aandeel in die pragtige illustrasies? “Voor ons met die proses begin, deel ek my idees met Zinelda McDonald, maar sy is ongelooflik, so ek hoef nie eintlik veel te doen nie.” Wat het haar geïnspireer om die nuutste boek te skryf? “Ek het gedink aan hoe die wêreld meer mense nodig het wat ’n verskil maak. Ek wou ’n storie skryf oor wat ons almal in ons alledaagse lewe kan doen. Ons maak saak en…

HIERDIE historiese drama uit 1868 se Ierland vertel wat in die Guinnessfamilie en met hulle bekende bierbrouery in Dublin gebeur het ná die dood van die patriarg en stigter van die brouery, Benjamin Guinness. Hy het duidelik sy vier kinders goed geken, want sy testament het elkeen se lewe maar erg beïnvloed. Wees gewaarsku dat HOUSE OF GUINNESS ’n fiktiewe weergawe is – gegrond op die lewe van werklike mense en werklike gebeure. Tog word die vier Guinness-kinders en hulle leefstyl nie altyd lewensgetrou uitgebeeld nie, terwyl karakters bygevoeg is om die nodige drama en intrige in die storielyn te verhoog. Hou maar goed kop in episode 1 met al die karakters. Dis tyd vir begrafnis, en die vier sibbes – die gevatte laventelhaan Arthur (Anthony Boyle), die sake-georiënteerde Edward…

DIE wêreld se eerste toegewyde sentrum vir navorsing oor kameelperde het buite Bloemfontein oopgemaak. “Kameelperde het ’n onseker toekoms op die kontinent. Hulle is besig om uit te sterf. Twintig jaar gelede het ons kameelperde in 22 lande gehad, nou’s dit minder as 15. Dis vir ons ’n bron van kommer,” sê prof. Francois Deacon, hoofnavorser by die sentrum. Die sentrum is by die Amanzi-natuurreservaat naby Brandfort. Kameelperde staar drie bedreigings in die gesig: habitatverlies, ontbossing en bosvleisstropery. Reg oor Afrika is daar tradisionele oortuigings wat bydra tot die stroping van die kameelperde. In Tanzanië glo mense dat die kameelperd se brein en beenmurg MIV/vigs kan genees, en in die Kongo word die diere se sterte gebruik as deel van trougeskenke. “Ons het ’n huis gekry by Amanzi. ’n Fasiliteit…

1 Aan watter land behoort die eiland Zanzibar? 2 Uit watter Disney-fliek kom die liedjie “Circle of Life”? 3 Hoe oud moet jy wees om te kan stem in Suid-Afrika? 4 Behalwe Celsius, watter ander eenheid word vir temperatuur gebruik? 5 Watter twee diere is Kanada se nasionale diere? ANTWOORDE 1 Tanzanië 2 The Lion King  3 18 4 Fahrenheit 5 Perdenbewer BRONNE INDEPENDENT.CO.UK, LATIMES.COM, EDITION.CNN.COM, THEGUARDIAN.COM, BBC.CO.UK, SMITHSONIANMAG.COM, GOODTHINGSGUY.COM, UFS.AC.ZA…

SY IS deur die jare al baie dinge genoem: ’n tweegesig, ’n opportunis, ’n moeilikheidmaker. Maar selfs haar grootste kritici moet erken: Meghan Markle is nie ’n vrou wat jy maar net kan ignoreer nie. En sy’s nou opnuut óral. Sy’s by die glinstermense se swierigste partytjies. Op prysaande. By geleenthede vir ’n goeie doel. En selfs weer op stel. Maar haar verskyning by veral een affêre het mense die afgelope tyd laat gons: Kris Jenner se 70ste verjaardagpartytjie. Mariah Carey was daar, Oprah was daar, en Beyoncé, Adele en Justin Bieber ook. En almal het tot ounag gekuier in die megamiljoen-dollar-herehuis van Jeff Bezos en sy vrou, Lauren, in Beverly Hills. Meghan was sjiek geklee, van kop tot tone in ontwerpersklere deur Balencia ga, en hand aan hand met…

Hier gaat ons weer. Die 17de seisoen van Boer soek ’n vrou het skaars geëindig, maar Kupido is klaar weer reg om die volgende sarsie pyle op plase reg oor die land af te skiet. Die tien topboere in die 18de seisoen is pas bekendgemaak. Hulle verteenwoordig ses provinsies, met vier boere vanuit die Vrystaat en een vroueboer uit Noordwes. Nou bly net een vraag oor: Wil jy of wil jy nie? Besluit maar gou. BOER ARNO (28) Die bosbouboer van Tzaneen (Limpopo) het ’n graad in bedryfsielkunde. Hy geniet die eenvoudige dinge in die lewe: “Sonsopkoms met ’n koppie koffie, ’n aandvuur met goeie geselskap en die vrede wat kom wanneer ’n mens weet jy is presies waar God jou wil hê.” Arno soek ’n “vrou wat die natuur…

1 DAWSON SE VEILING Die akteur JAMES VAN DER BEEK raak van ’n paar van sy kosbare memorabilia ontslae om vir sy kankerbehandeling te help betaal. James (48), by wie fase-3-kolorektale kanker verlede jaar gediagnoseer is, wil items verkoop wat sy karakter in die reeks Dawson’s Creek en die fliek Varsity Blues gedra het. “Ek bêre hierdie skatte al jare lank en het gewag vir die regte tyd om iets daarmee te doen. En met al die onverwagte draaie wat die lewe onlangs met my geloop het, is dit duidelik nou die tyd,” het hy aan People gesê. Die items sal vroeg in Desember deur Propstore Auctioneers opgeveil word. 2 PAD SAAM MET A.I. Daar is oor die algemeen groot teenkanting teen die gebruik van kunsmatige intelligensie (AI) in die…

DIT bly een van die aangrypendste foto’s ooit – en ’n raaisel wat dalk nooit opgelos sal word nie. In Mei 1989 beset Chinese studente Beijing se Tiananmenplein om demokratiese hervorming te eis. Dag ná dag groei hulle getalle. Werkers sluit by hulle aan. En teenoor hulle, ’n onheilspellende olyfgroen see van soldate. Vir ses weke kyk miljoene televisiekykers wêreldwyd hoe die spanning opbou. En op 4 Junie breek die hel los. Soldate bestorm die plein en begin skiet. Die vreedsame protes eindig in ’n bloedbad. Honderde, dalk duisende, sterf. Die volgende dag, 5 Junie, gebeur daardie ikoniese oomblik. Toe ’n konvooi oorlogstenks die plein verlaat, gaan staan ’n man in die pad voor hulle. In sy hande, iets wat lyk na inkopiesakke. Een ooggetuie, die joernalis Jan Wong, het…

Wanneer en waar was jy op jou gelukkigste? As ek in die hartjie van die aksie is – of dit nou vir werk of vir lekkerte is. Soos as ek MC by die Kaapstad-sewes of Springbok-vroue se wedstryde, of sommer net in die stadion by ’n sportwedstryd is. Wat is die ding wat jy die meeste in mense bewonder? Hulle egtheid en dryfkrag – hoe mense met verskillende agtergronde dit “maak”, ten spyte van die sirkus waarin ons leef. Wie sou jy die graagste vir ete wou nooi en wat sou jy vir ete maak? Roger Federer. En die lekkerste braai op aarde: tjoppies, braaibroodjies, aartappelslaai, drieboontjieslaai. Wat kan jy nie verduur nie? Onregverdigheid en valsheid. Wat is jou diepste put van ellende? Baristas of kelners wat ’n americano verwar met…

NET mooi ’n jaar gelede het sy die radio afgeskakel. Dit was tevore deel van Magda Janse van Vuuren en haar man, Flippie, se lewe om elke dag RSG te luister. Maar toe kry hy stembandkanker en sterf, en sy moet sonder hom aangaan – en vir radio luister het sy nie meer kans gesien nie. Tot vroeër vandeesmaand. Want ’n mens moet darem luister as jou lof op nasionale radio besing word. “Hoor daar, die radio is weer aan!” sê Magda (71) nou in haar huis in Villieria, Pretoria. Sy het ’n dag voor ons besoek koning gekraai in RSG se Bakgat-beskuitkompetisie, als danksy haar allesin-een-ontbytbeskuit. Sy was eers stomgeslaan oor haar eerste plek. “Ek weet nie, ek weet nie . . .” was al wat sy kon uitkry…

DIE PREPPIE HORLOSIE ’n Horlosie is ’n veilige keuse – stylvol, prakties en altyd gewaardeer. KRY DIT HIER ALDOSHOES.CO.ZA; BASH.COM; COTTONON.COM; CROCSSA.CO.ZA; DANIELWELLINGTON.COM; GANT 0861-000-421; H&M 0860-690-707; JET 0800-004-545; JOBORKETT.COM; NIKE.COM; OLD KHAKI 021-464-6444; PANDORA 0800-858-877; PICHULIK.COM; POETRYSTORES.CO.ZA; SAINTANDSUMMER.CO.ZA; SPECSAVERS.CO.ZA; SUPERBALIST.COM; SUPERDRY.CO.ZA; THE FIX 0860-834-834; THELOCALEDIT.COM; TRUWORTHS.CO.ZA; WOOLWORTHS 0860-022-002; ZARA 021-408-7600 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

WENK Kies items wat die hele jaar sal werk. WENK Koop volgens die mens se bestaande dekorstyl. KRY DIT HIER @HOME BASH.COM; MRPHOME.COM 064-584-1000; NIFTYGIFTS.CO.ZA HELP@NIFTYGIFTS.CO.ZA; SHOP.BABYLONSTOREN.COM 021-300-3919; WOOLWORTHS.CO.ZA 0860-100-987; YUPPIECHEF.COM 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

WENK Laat jou groot slimhorlosie tuis, beskerm jou oë teen die son en lyk koel terwyl jy dit doen. KRY DIT HIER BOBSHOP.CO.ZA, MAKRO.CO.ZA, NIFTYGIFTS.CO.ZA, TAKELOT.COM, TOYSRUS.CO.ZA HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

BOOGSKUTTER 22 NOVEMBER – 20 DESEMBER Die planne vir huisverbeterings of verhuising begin in plek val, en jy sal ’n duidelike idee hê van die rigting om in te slaan. Jou maat kan steeds twyfel, maar met tyd sal hulle jou siening aanvaar. Die beste nuus is dat jou liefdesplaneet, Venus, op die 30ste in jou teken inbeweeg en liefde, vreugde en skoonheid bring. STEENBOK 21 DES – 20 JAN Dinge begin hierdie week stadig maar seker vir jou in plek val, veral van die 28ste af, wanneer jou planeet, Saturnus, vorentoe beweeg. Dit werk ook in harmonie met Venus, jou loopbaanplaneet, wat dui op ’n plan wat in plek val. As jy ’n kontrak of ooreenkoms wil teken, wag tot die 29ste wanneer hindernisse verdwyn. Finansiële bevryding wag op…

HOUSE OF DYNAMITE Eerste ding wat jy moet weet: Daar word reeds gestry oor die einde van die fliek. Moet jy vir so lank kyk en dan eindig dit só? Tog voel geen ander einde gepas nie. Hierdie politieke riller oor kernwapens word uit drie verskillende oogpunte vertel. Eers sien jy hoe dinge ontwikkel in die Withuis se strategiese beheerkamer toe dit lyk of ’n onbekende land ’n kernwapen afgevuur het. In die tweede deel stry die militêre leiers oor hoe die situasie aangepak moet word. En in die laaste deel sien ons die president, gespeel deur IDRIS ELBA (interessant dat juis ’n Britse akteur gekies is as die president van Amerika), wat moet besluit of die voorgestelde oplossing die regte pad is om te loop. Al die gebeure sal…

STRESVLAKKE Op ons plattelandse dorpie is die jongste mediese tegnologie nie altyd beskikbaar nie. Toe ek nou die dag by ons plaaslike hospitaal vir ’n kardiostrestoets moes gaan, koppel hulle my aan die hartmasjien en laat my kyk hoe my vrou my splinternuwe kar bestuur. Nou’s ek op sterk medikasie. Denise, Pretoria DIE WERKWEEK Baas: “Dis vandag die vierde keer hierdie week dat jy laat is vir werk. Weet jy wat dit beteken?” Neels: “Ja, dit beteken vandag is Donderdag!” Emmie, Mosselbaai WATERWYSER “Gebruik jy ’n mikstok om water aan te wys?” vra die nuuskierige oom die boorman. “Nee wat, dis te outyds,” antwoord die boorman. “Ek speel gholf. Waarmyballeval, daaris die water.” E. Moelich VINKEL EN KOLJANDER Piet se vrou trap hom uit oor hy so in die kroeg…

AGTIEN jaar lank al leef hulle met die pyn van onsekerheid, van nie weet wat met hulle dogter gebeur het nie – jare vol ondersoeke, doodloopstrate en hoop wat stadig wegsypel. Toe kom daar die afgelope twee jaar ’n nuwe wending in Kate en Gerry McCann se lyding met ’n jong vrou wat beweer sy is hulle dogter, Maddie, wat jare gelede verdwyn het. Julia Wandelt, ’n Poolse vrou, het hulle twee jaar lank geteister en beweer sy het genetiese toetse wat bewys sy ís hulle kind. Sy het die egpaar met oproepe en boodskappe gebombardeer, tot meer as 60 per dag, by hulle huis in Leicestershire opgedaag, en vir Kate, haar “ma”, ’n hartseer brief gestuur. Toe die McCanns haar na die polisie verwys, het sy Maddie se broer…

HY’S die man wat James Bond onweerstaanbaar gemaak het vir ’n hele generasie 007-aanhangers – gesofistikeerd, sjarmant en skynbaar onbreekbaar. Maar daar skuil ’n tragiese storie agter Pierce Brosnan se Hollywood-glimlag en daai droë Ierse humorsin van die aantreklike hartebreker. Pierce was ’n baba toe sy pa uit sy lewe verdwyn het. Sy geliefde eerste vrou, Cassandra, is in 1991 dood aan eierstokkanker, net ’n dag ná hulle 11de huweliksherdenking. Twee dekades later het dieselfde siekte ook sy aangenome dogter, Charlotte, op 41 geëis. En toe kom nóg ’n beproewing wat jare lank by Pierce sou spook – om te sien hoe sy aangenome seun, Christopher, in verslawing verval. Pierce het Christopher en Charlotte aangeneem ná hul biologiese pa se dood, en hulle saam met hul ma, Cassandra, as sy…

MARIAH DEEL VREUGDE UIT Daar’s ’n grap wat lui dat wanneer Kersfees naderkom, MARIAH CAREY êrens besig is om te “ontvries” en gereed te maak om haar treffer “All I Want for Christmas” uit volle bors te sing. Elke jaar laat die Kersfeeskoningin haar aanhangers skaterlag met ’n “It’s Time”-video, wat sy gewoonlik op 1November uitreik om die feestyd in te lui. Vanjaar het sy met die skoonheidshandelsnaam Sephora saamgespan vir ’n advertensie waarin sy as Kersvader uithelp nadat ’n kabouter besluit het om al die geskenke te steel en dit vir terapie te verpand. ALLEEN BY DIE HUIS? Die 1990’s-treffer Home Alone is waarskynlik een van die gewildste Kersfeesflieks van alle tye. Aanhangers was verheug toe hulle hoor MACAU-LAY CULKIN keer terug in die rol van die stoutgat Kevin…

In ’n neutedop: “acorn” en “eekhoring” klink nie of hulle familie is nie, maar hulle was lank terug taalkundige bloedbroers – en toe gebeur human error. In die ou Germaanse dae het mense die woord aikorn gebruik vir wat ons vandag ’n eekhoring noem. Die “ai-” kom van oak (eikeboom), en “-korn” is nie met sekerheid naspeurbaar nie, maar dit het moontlik net die idee van ’n “dier” ingesluit. Dis dus basies “eikeboomdier” – ’n klein neurotiese knaagdiertjie. Toe gebeur wat altyd gebeur in taal: Iemand het dit verkeerd verstaan. Aikorn, het hulle gesê, beteken seker “akker”, want corn klink landbouerig genoeg. Net so het die arme eekhoring sy naam verloor, en die neut het dit gesteel. Engels het die misverstand gehou, “acorn” vir die akker begin sê, en vir…

VAN die Kaap tot in Koekenaap, van Pofadder tot in Postmasburg en ál verder noord – Kuruman tot Klerksdorp, Middelburg tot Musina. Daar waar jy kom, ken almal die liedjie. Hier in Pretoria is dit vandag presies dieselfde storie. Want met die prentjie hier voor jou – ’n dogtertjie op haar ma se skoot, haar blou oë nuuskierig en haar armpies wat lomp rondswaai – kan ’n mens jouself kwalik help. Hier sit sy dan, en dit is haar koppie, dit is haar lyfie, dit is haar voete . . . “Doen dit lyfie, doen dit, doen dit lyfie, doen dit,” wil jy sing. As Bernice West (24) van een ding seker is, is dit oor die woorde van haar liedjie “Lyfie”. Die liedjie is al in 2022 uitgereik, twee…

VIS-TIKKA-KEBABS LEWER 6 KEBABS /BEREIDING: 1 UUR 20 MIN. (MARINEERTYD INGESLUIT) ◗ 600 g-boks stokvisfilette, in blokkies van 3-4 cm gesny◗ 3 lemmetjies, gehalveer TIKKA-MARINADE ◗ 5 ml (1 t) fyngedrukte knoffel◗ 5 ml (1 t) sout◗ 2,5 ml (½ t) borrie◗ 2,5 ml (½ t) swartpeper◗ 5 ml (1 t) eiergeel◗ koskleursel◗ 30 ml (2 e) natuurlike jogurt◗ 5 ml (1 t) brandrissievlokkies◗ 5 ml (1 t) suurlemoenpeper◗ 10 ml (2 t) tamatiesmeer◗ sap van 2 suurlemoene OF 30 ml (2 e) suurlemoensap, hou eenkant◗ naan, vir voorsit VARIASIE Jy kan dieselfde marinade ook vir hoender-tikka gebruik. ◗ 500 g hoenderfilette, in blokkies van 3-4 cm gesny OF◗ 700 g hoenderstukke OF◗ 5 hoenderkwarte, met ’n paar vlak snytjies in die vleis gesny 1 Tikka-marinade Meng al die bestanddele.…

THE LASER BEAUTIQUE SE GETINTE SON-SKERM VIR ’N SON-NIGE GLOED: As jy van skoonheid en velsorg hou, is dit ’n moet vir jou grimeersak. Dis maklik om in die oggend op ’n skoon vel of oor ’n bevogtiger aan te wend, en dis duidelik hoekom dié produk ’n prys gewen het. Beskikbaar in 50 ml, in die kleure lig, medium en lig-medium.…

WENK Gaan vir geskenke wat net effens bo hul vaardigheidsvlak is, sodat hulle dit kan ontdek en bemeester namate hulle ouer word. VUL JOU BEKER! ’n Funky waterbottel of botteldraer is ’n lekker byvoeging by jou kosblik, of ’n ekstra vir aktiwiteite in die buitelug. KRY DIT HIER CRAZYSTORE.CO.ZA 086-111-1281’ LEGO.COM/EN-ZA 0800-201-490; LOVISAJEWELLERY.CO.ZA 010-143-0780; MRPHOME.COM 0800-212-535; SHOP.BABYLONSTOREN.COM 021-863-3852; TIMELESSTOYS.CO.ZA 078-493-8536; TOYSRUS.CO.ZA 087-234-8697; YUPPIECHEF.COM 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

WENK Jou tiener wil nie praat nie? Vind hulle voorkeure en belangstellings op sosiale media. KRY DIT HIER ADIDAS.CO.ZA; FAMKE.CO.ZA 079-978-5078; KOODOO.CO.ZA 011-445-7912; NIFTYGIFTS.CO.ZA HELP@NIFTYGIFTS.CO.ZA; SUIKERBOSJEWELLERY.COM 072-104-9111, THEBODYSHOP.CO.ZA 0860-254-257; WOOLWORTHS.CO.ZA 0860-022-002; YUPPIECHEF.COM 0861-702-4969 HOEWEL ONS ALLES IN ONS VERMOË DOEN OM KORREKTE PRYSE TE VERSKAF, KAN FOUTE VOORKOM WAARVOOR HUISGENOOT EN DIE VERSKAFFERS NIE VERANTWOORDELIK GEHOU KAN WORD NIE.…

DESTYDS in my matriekeksamen het ek ure voor die televisie gelê. Op TV3 was daar ’n oom met grys hare, William Smith, wat daagliks wiskunde verduidelik het. Ek weet nie of dit my uiteindelik gehelp het nie – my syfervaardigheid was nooit ’n sterk punt nie – maar net die luukse om bedags met ’n legitieme rede voor die televisie te kon lê, was genoeg om te keer dat eksamenstres en persoonlike druk my kon pootjie. Dis nou weer eksamen in my huis, en weer kom die televisie tot ons redding. Verlede week moes daar eerstejaarsgeskiedenis geleer word, en die aantal TURNING POINT-dokkies oor die Wêreldoorloë, die Viëtnamoorlog en die Golfoorlog wat deurgedraf is, het die stroomdiens se algoritme heeltemal versteur. En dis tog ook lekker om saam te kyk.…

FOTOBLOKRAAI NO 2370 KOMPETISIEVRAAG Watter meubelstuk is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN HUMAN & ROUSSEAU Hierdie week wen een leser Die man van elders deur Helene de Kock (H&R, R350). Jean Botha voel hy is iewers en tegelykertyd nêrens. Ná drie jaar op ’n passasierskip smag hy na ’n plek van sy eie. Toe hy terug op eie bodem vir Renette Brink in Stellenbosch ontmoet, weet Jean een ding vir seker: Hy sal haar nooit weer kan vergeet nie. Maar Renette is verloof aan Martin Hoogendyk, ’n gesiene Vrystaatse boer. Toe Duncan Weston aanbied dat Jean op sy plaas naby Bethlehem gaan toesig hou, gryp hy dit aan. Daar slyp hy sy…

ONS sien hulle elke dag – vlieë, bye, spinnekoppe, motte, miere, kewers en ander goggas. Sommige van hulle, soos vlinders, is bont en lieflik. Ander is grillerig of piepklein. En soms is hulle nie so klein nie! ONS KYK NA KEWERS Kewers behoort aan die insekorde Coleoptera, wat “skedevlerk” beteken. Hulle voorste paar vlerke (dekskildvlerke) is verhard en beskerm die tweede paar vlerke wat hulle gebruik om mee te vlieg. Hierdie beskermende vlerkdoppe is wat ’n kewer ’n kewer maak, en dit maak hulle taai en aanpasbaar. Hulle is só taai dat hulle die grootste groep diere op Aarde geword het en daar nagenoeg 400 000 spesies is. In Suid-Afrika ken ons baie soorte kewers. Of dit nou die miskruier is wat sy misbolletjie deur die veld rol, die boktor…