Innholdsfortegnelse for 23 October 2025 i Huisgenoot

1 ‘ONS KLIEK NET,’ SÊ DÉAN OOR NUWE LIEFDE Hy’s laas jaar stil-stil van Megan Wille geskei. En nou’s dié boer van George smoorverlief op ’n jarelange vriendin, Marisca Labuschagne Dis maklik om te kliek. Als lekker passievol, maar dan begin die skottelgoed, wasgoed, rekeninge en verantwoordelikhede. En “kliek” is dit als oor! Mens moet ’n verhouding of huwelik met al die fasette aanvaar. SURAH Dié seisoen gaan nie baie suksesvol wees nie. Jy kan mos nie binne ’n week die regte vrou vind nie? Ja, daar was al paartjies wat mooi by mekaar gepas het en toe getroud is, maar oor hierdie reeks het ek my bedenkinge. KOBIE Alles kliek net aan die begin. Als is nog lekker, maar dan raak dit ’n gewoonte en ’n uitdaging om te maak…

SY HUIL deesdae haar dae om – so anders as daardie eerste ruk ná Thys se dood. Ander mense het hom geken as Thys Streicher, sy aanhangers as Thys die Bosveldklong. Maar vir haar was Thys soveel meer as dit. Hy was haar seun. En hy het haar laat belowe sy sou nie huil oor sy gesondheidstryd en aftakeling nie, sê Elize Brink (75) vandag. Selfs toe sy hom soos ’n baba moes versorg, wou hy hê hulle moes moedig bly. “Thys het nie daarvan gehou om my te sien huil nie, dus het ek hom belowe ek sou kalm, rustig en in beheer wees al was dit chaos rondom my.” In die weke ná die sanger se dood op 15 Junie 2024, terwyl mense in en uit die huis…

MET die intrapslag by die huis in die Silver Lakes-landgoed in Pretoria, is dit asof jy weer die kommentator hoor: “Dis ’n hoë skop! Dis ’n pragtige skop! Dis ’n netjiese skop! En hy’s oor! Manjifiek!” Dié woorde weerklink van lank, lank gelede – dit eggo al die pad uit die Curriebeker-eindstryd tussen Noord-Transvaal en die WP in 1969. Op die veld het Frik du Preez se statuur daardie dag nogmaals gegroei. En al het wyle Gerhard “Spiekeries” Viviers die rugbyspeler se skouspelagtige skepskop so kleurryk beskryf, sou Frik se eie woorde oor sy bydrae in die oorwinning teen die Streeptruie onsterflik word. “Ek het gedrop, geplace en gescore.” Nét so. Vandag nog, meer as 50 jaar later, onthou rugbyliefhebbers dit. En hier staan die legende nou voor ons.…

’n Ligte somerpak kry ’n kinkel met ’n lang ontwerpersbaadjie en bermudabroek, met ’n noupassende gebreide top wat die lyne netjies hou. Dis stylvol maar gemaklik. Plat skoene en ’n wit handsak sorg vir eenvoud. NOG STYL-OPSIES WENK Jy kan die baadjie se knope vasmaak vir ’n formele voorkoms, of dit oopknoop oor ’n T-hemp vir naweekgemak. WENK Hou dit eenvoudig as jy nie kans sien vir sokkies by hakke nie. Jy kan ook die das los en die baadjie oopknoop vir ’n gemakliker styl. NOG STYL-OPSIES ’n Wit pak is vars en speels, en lê die grondslag – dis jou skilderdoek. Die gestreepte hemp, smal das, baret en sokkies-met-hakke is die kreatiewe kwashale. NOG STYL-OPSIES ’n Swart snyerspak is ’n staatmaker vir die androgiene voorkoms. Die wye broek laat…

VEk gaan binnekort trou en sit met ’n baie stukkende hart. My pa het gesê hy gaan nie na my troue toe kom nie – oor die nuwe vrou in sy lewe. Ek het my ma vyf jaar gelede verloor en nou voel dit regtig asof ek geen van my ouers by my groot dag gaan hê nie. My boetie en sussie praat darem nog gereeld met my, maar hulle kom ook nie goed oor die weg met die nuwe vrou nie. Wat dit nog moeiliker maak, is dat my verloofde en my pa eintlik baie goed oor die weg kom. Hy het my pa persoonlik gebel om uit te vind waarom hy nie troue toe wil kom nie. My pa het reguit gesê dit is hoe sy hart voel.…

1 WAT VERKOOP EK WAAR? Klere in ’n goeie toestand is gewild op Yaga, Facebook Marketplace en gemeenskapsgroepe op Facebook en WhatsApp. Kies die een waarmee jy gemaklik voel. As jy nie suksesvol is nie, probeer ’n ander een. Gewilde handelsname, denims, sportdrag, kinderen vintage klere verkoop goed. Ook plaaslike handelsmerke, omdat kopers die groottes en gehalte ken. Onthou: Jou klere gaan nie vanself verkoop nie. Deel jou aanbod met vriende op WhatsApp, Instagram of Facebook. 2 HOE PRYS EK DIT? Benewens jou koopprys sal die koper ook afleweringsgeld aan die aanlyn platform moet betaal, en soms ’n beskermingsfooi. (Laasgenoemde is om hulle verlies te dek indien die pakkie verlore raak.) Voorbeeld: Jy vra R200, maar aflewering en die beskermingsfooi kos die koper nog R90. Dus gaan jou rok die…

Is jy en jou mense lief vir lees? Sluit aan by Huisgenoot se bekostigbare boekklub! Kies jou pakket en watter boeke jy wil bestel, en ons lewer dit by jou af. HOE WERK DIT? Huisgenoot se boekklub bied twee pakkette wat jy aanlyn kan bestel elke drie maande. ’n Leespakket vir volwassenes en een vir kinders. Jy kies watter boeke jy wil lees uit ons gekeurde lys, en ons lewer dit by jou af. DIE PAKKETTE VOLWASSENES SLEGS R520 Vir die volwassenepakket kry jy leesstof ter waarde van byna R1 000. KINDERS SLEGS R360 Vir die kinderpakket kry jy leesstof ter waarde van meer as R750. Koop na hartelus volgens jou begroting en leesgewoontes! Jy kies wat jy wil lees. KRY OOK ONS BOEKE VAN DIE MAAND! Die boeke op…

MATILDA: THE MUSICAL Wat ’n heerlike fantasiefliek is hierdie verwerking van die gewilde Roald Dahl-verhaal Matilda nie! Die musiek gee sommer nuwe lewe aan die bekende storie, en die suiwer stemmetjie van Alisha Weir in die rol van die sesjarige Matilda Wormwood is werklik musiek vir jou ore. En die byna onherkenbare Emma Thompson as die ongenaakbare en sadistiese skoolhoof Miss Agatha Trunchbull se spel is uitstekend. Matilda is eintlik ’n baie intelligente meisietjie, maar haar ligsinnige en selfsugtige ouers (gespeel deur onderskeidelik Stephen Graham van Adolescence en Andrea Riseborough) besef dit nie, en verwaarloos haar opvoeding gruwelik, onder meer deur haar nie skool toe te stuur nie. Matilda vind ontvlugting in boeke en haar ryk verbeelding waarmee sy haar eie stories optower. Maar die owerhede dring daarop aan dat…

FOTOBLOKRAAI NO 2365 KOMPETISIEVRAAG Watter plant is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN QUEILLERIE Hierdie week wen een leser Sarah plus een deur Kristel Loots (Queillerie, R290). Sarah het geen begeerte om met grasie oud te word nie. Sy dra onpaar oorbelle, ’n groot sonbril en haar hare is bloedrooi gekleur. Wat sy wel nie op haar ouderdom verwag het nie, is om na haar 55ste martriekreünie genooi te word. En boonop vereis die uitnodiging dat sy nogal ’n metgesel moet saambring – wat sy, ’n weduwee, wáár moet kry? Sy is nuuskierig oor die affêre, maar om na haar grootworddorp terug te keer gaan ou wonde oopkrap. En sy gaan vir Franco,…

DIE aurora borealis, beter bekend as die noorderlig, is een van die wêreld se mooiste dinge om te aanskou. Dié skouspel bestaan uit strepe groen, rooi en pers lig wat in boë, rimpelings en liggordyne heen en weer teen die donker naghemel dartel. Deur die eeue het mense baie stories vertel om dié natuurverskynsel te probeer verstaan, soos dat die ligte dalk die geeste van hul voorouers is, die vure van hul gode, of voortekens van verandering wat gaan kom. Danksy wetenskaplike vooruitgang weet ons deesdae presies wat die aurora is en hoe dit ontstaan. Ons kennis verminder egter nie die impak van hierdie asemrowende ligvertoning nie, maar onthul ’n fassinerende verband tussen ons planeet en die son. WAT VEROORSAAK DIE NOORDERLIG? Die noorderlig begin by die son. Die son…

EK IS in Elsiesrivier gebore en ons het in Kraaifontein gewoon tot net voor ek hoërskool toe is. My ouers is geskei, en ál plek wat my ma, Julia, kon bekostig, was ’n woonstel in Belhar, maar ek het steeds in Kraaifontein skoolgegaan en daar by Scottsdene High gematrikuleer. Ek het gesukkel om Engels te lees en skryf. My ma was ’n ywerige Mills & Boon-leser, en een aand sê sy: “Probeer hierdie, Carmen.” Baie van die Mills & Boon-milieus was natuurlik romanties, met wyn en wingerde. En so het ek gelees van ’n meisie in Kalifornië wat wyn versny. En ek het besluit ek gaan eendag ’n wynmaker wees. Daardie jare was ons keuse basies verpleegster, onderwys of polisie, en hulle’t gesê my aanleg was onderwyser. Maar ek het…

‘JA, dit was seker binne die eerste drie minute. Sy’t nog nie eens kamerverlaat nie, toe werk sy al,” sê Esther Matthew. Die renosterveld in die Klein-Karoo is stil ná die oggendwind. Langs ’n heining staan Delta, ’n bruin-en-wit borderkollie, regop met haar stert wat flap. Dis sý wat al van vroeg aan diens is om haar ding te doen nog voor sy haar ding kon doen. Onder haar neus lê dit: ’n skilpaddoppie wat blink in die son. Skaars vier sentimeter lank, geel en swart in ’n presiese patroon. Die oorskot van ’n bloedjong suurpootjie, Psammobates geometricus – een van die skaarsste skilpaaie op aarde. Dit was net ná tien toe Delta en haar swart-en-wit metgesel, Dash, uit hulle dra-hokke in die Endangered Wildlife Trust se bakkie geklim het.…

’NMENS behoort hom te onthou as die hoërskoolseun wat in Superbad ’n laaste mal avontuur saam met sy vriend aanpak. Of as Leonardo DiCaprio se bedwelmde sakevennoot in The Wolf of Wall Street. Ja, JONAH HILL (41) was onherkenbaar op die stel van sy nuwe rolprent, Cut Off, in Los Angeles. Hy’t regtig baie gewig afgeskud en sy karakter se avant-garde modestyl verskil hemelsbreed van die informele klere wat Jonah gewoonlik dra. In die fliek speel hy en Kristen Wiig ’n inhalige tweeling wie se ryk ouers die geldkraan toedraai.…

JY KAN beroemde kunswerke bewonder, ’n tamaai ensiklopedie oopslaan, na verre lande reis. Als met ’n vingerkliek. En wie moet ons bedank? Ene Tim Berners-Lee. Die man wat besluit het almal moet dieselfde toegang tot inligting hê – maak nie saak wie, wat en waar jy is nie. Toe hy in 1993 die wêreldwye web skep, het hy besluit om dit verniet vir die wêreld te gee, “want almal moes daarby kon baat vind”. Maar vandag is dié man se groot sending om die web te red. Tim is op 5 Junie 1955 in Londen gebore. Sy ouers was albei geleerd in fisika en het gehelp om die wêreld se eerste kommersiële rekenaar te bou. “Van kleins af het my pa my vertel rekenaars sal eendag nes die menslike brein…

Wanneer en waar was jy op jou gelukkigste? Enige tyd saam met my gesin – saam om die tafel vir aandete, besig om mekaar se siele uit te trek of om te besluit wie gaan koeldrank ingooi. Dit maak my gelukkig om daaraan te dink. ’n Spesifieke geleentheid sal ons troudag insluit, asook beide my girls se geboortes. Wat sou jy anders doen as jy jou lewe kon oorhê? Ek sou my honneurs in drama gedoen het, dan sou ek vandag makliker my passie kon uitleef om kinders drama te leer. Wat is die ding wat jy die meeste in mense bewonder? Waagmoed – om hulself uit te daag en nie bang te wees om te misluk nie. Wie sou jy die graagste vir ete wou nooi en wat sou jy…

’n Geswelde voet wat jou wil laat skree as jy daarop trap, is dalk plantare fassiitis. Dié toestand kom voor wanneer die bindweefselband – die plantare fassia – onder jou voet ontsteek omdat dit te ver gestrek het. Die band strek van die hak tot by jou tone. Dis elasties en bind die bene in jou voet saam. Plantare fassiitis word veroorsaak deur die volgende: ◗ Jy is heeldag op jou voete by die werk. ◗ Jy beoefen ’n sport. ◗ Jy oefen of werk op ’n harde oppervlak. ◗ Jy oefen sonder om te strek of op te warm. ◗ Jy dra skoene wat jou voete nie goed ondersteun nie, soos plakkies of plat tekkies. ◗ Jy loop of staan kaalvoet. ◗ Jy het plat voete, ’n hoë voetbrug…

Hy is omtrent so groot soos ’n hoendereier en min mense sal waarskynlik vir jou kan sê waar in die lyf ’n mens hom kry. Maar jou galblaas vervul ’n belangrike funksie – en galstene kan ongemaklike simptome veroorsaak. WAT DOEN DIE GALBLAAS? Dié klein, peervormige orgaan sit regs van jou maag, net onderkant jou lewer. Dit stoor gal, ’n vloeistof wat jou lyf gebruik om vette af te breek. Dit help jou lyf ook om van afval en gifstowwe ontslae te raak. Jou lewer maak die gal, van waar dit deur galbuise na die galblaas en dunderm vervoer word. WAT IS GALSTENE? Soms gebeur dit dat die bestanddele van gal kristalle vorm. Dit is meestal nie gevaarlik nie, maar wanneer hierdie kristalle in die afvoerbuis vassit, kan dit simptome…

SEKELMAAN DEUR JACO WOLMARANS Tafelberg, R279* ’n Groep jong Suid-Afrikaanse Jode wil by die Israeli-weermag aansluit. Dis net ná die inval uit Gasa. En dis teen die wet. Die inligting beland by Hamas, wat die propagandawaarde onmiddellik insien en ’n aanval beplan. Die jong Reuters-joernalis Ruby Heyns is ook bewus daarvan. Sy is half Israeli, half Suid-Afrikaans en onwetend betrek in ’n ondersoek deur die Staatsekuriteitsagentskap na die befondsing van Moslem-ekstremisme uit Suid-Afrika. Dis sy nuutste roman, Sekelmaan, in ’n neutedop, sê Jaco Wolmarans – in die regte lewe ’n videovervaardiger, fotograaf en kopieskrywer. “Dit gaan oor ’n omstrede, verdelende kwessie – die versugting na ’n staat van Palestina. Ek het verwag ek sou kritiek kry, maar mense is óf beleef óf stomgeslaan oor die kompleksiteit van die kwessies wat…

IN FINDING OPTEL is die 16-jarige amateurspeurder Claire Abrahams die een wat verlore goed in haar buurt opspoor. Toe Optel, die buurt se geliefde hond, verdwyn, is Claire vasbeslote om haar te vind. Maar Claire se soektog na Optel krap ou wonde oop toe sy op leidrade afkom oor haar ouer broer, Jonah, se verdwyning nege jaar tevore. Deur ’n vreemde sameloop van omstandighede – en danksy nuuskierige bure – begin Optel en Jonah se verdwynings ineenvleg. Claire se pa is bekommerd dat sy haarself in gevaar stel en probeer haar speurtog stop, maar sy gaan vasberade voort met die hoop om Optel én die waarheid oor Jonah se verdwyning te vind. Die rol van Claire word vertolk deur die hoogs talentvolle Mikayla Joy Brown (25) wat saam met haar…

Toe hy vroeër vanjaar onverwags op die verhoog by die Glastonburyfees verskyn het, was hy nie onduidelik oor sy planne nie. “My name is LEWIS CAPALDI and I’m f***ing back, baby!” het hy oor die mikrofoon aangekondig. Die uiters talentvolle Skotse sanger was vir twee jaar uit die kollig en het voorheen openlik gesels oor sy uitdagings met sy geestesgesondheid, angstigheid en tourette-sindroom. Dinge het lelik ontspoor by ’n optrede in 2023 – ook by Glastonbury – waar alles vir die nou 28-jarige net te veel geraak het en hy nie sy optrede kon voltooi nie toe sy tourettes onbeheerbaar geraak het. ’n Paar dae later het Lewis aangekondig hy vat ’n blaaskans om aan sy geestesgesondheid en tourette-sindroom te werk. Nou is hy terug. En hy kon dit aankondig…

TERAPIE Ja, ek weet my houding kan baie verbeter. Ongelukkig word die medikasie daarvoor nie deur my mediese fonds gedek nie. Emmie, Mosselbaai SELLE OU BESTEMMING Ek het nog altyd gesê wanneer ek aftree, gaan ek baie reis. Ek het net nooit verwag dit sou meestal net dokter toe en terug wees nie. Denise, Pretoria LEESLYS Die blondine stap by die boekwinkel in en sê sy soek een van Dickens se boeke. “Watter een?” vra die verkoopsman. “Charles, natuurlik!” antwoord sy snipperig. E. Moelich BAASSKAP 101 Om foute te maak is maar net menslik. Om die skuld vir jou foute op ander te pak dui egter op bestuurspotensiaal. Louise Noeth BASUINSTEM Sakkie vertel vir Gielie: “My vrou het werk gekry by die kuswag.” “O,” antwoord Gielie. “Dan is sy seker…

1 Waar vind die Vrouekrieketwêreldbekertoernooi vanjaar plaas? 2 Wat is Japan se nasionale vis? 3 Watter superheld woon in Gotham? 4 Watter dier is Dumbo? 5 Wat is die hoofstad van Botswana? ANTWOORDE: 1 Indië en SriLanka 2 Diekoivis 3 Batman 4 ’n Olifant 5 Gaborone BRONNE DOGONEWS.COM, EDITION.CNN.COM, BBC.CO.UK, SMITHSONIANMAG.COM, TIME.COM, LIVESCIENCE.COM, STUFF.CO.NZ, THEGUARDIAN.COM GALLO IMAGES/GETTY IMAGES, GALLO IMAGES/ALAMY, GREEK CULTURE MINISTRY/AFP, LISE ASERUD NTB/AFP, WIKIPEDEA, INSTAGRAM(@THEORANGUTANPROJECT, @M_BARINEWS), FACEBOOK/THE ROYAL MINT…

DIE Arktiese streek is die ysige gebied rondom die Noordpool. Dit bestaan uit bevrore oseane en uitgestrekte, sneeubedekte velde. Die toendra is ’n spesiale deel van die Arktiese streek waar geen bome groei nie, maar waar mos en klein blommetjies in die somer gedy. Diere soos ysbere, sneeuuile en takbokke woon hier, en die see krioel van walrusse, robbe en walvisse. Die meeste diere trek agter die seisoen aan. In die somer verhuis takbokke van die suidelike woude af na die toendra, en seediere keer van die warmer suide af terug na die ysige waters omdat daar dan meer as genoeg kos vir hulle is. DIE TOENDRA Die toendra is ’n koue streek wat deel uitmaak van die Arktiese gebied. Die grond is vir die grootste deel van die jaar…

EERSTE PROBEERSLAG NIE ALTYD IN DIE KOL Akteurs is nie altyd die eerste keer suksesvol met ’n oudisie nie, soos die Bin nelanders-akteurs GERMANDT GELDENHUYS (Louis Koster) en ZANDÉLLE MEYER (Riekie) weet. Dit was hulle boodskap aan feesgangers wat daarvan droom om in die kunste te werk: Probeer weer en weer – tot jy slaag. Germandt het tot in 2015 in musiekteater gewerk, toe hy sy agent vra om te kyk vir ’n oudisie by ’n sepie. “Ek het vir ’n rol in Binnelanders ’n oudisie gedoen, waarna Susan Rossouw my vertel het ek gaan beslis nié die rol kry nie,” sê hy. “Later in 2015 doen ek toe weer ’n oudisie vir ’n karakter met die naam van dr. Deon. Ek was so uit my vel toe my agent…

Afrikaans is by plekke wonderlik primitief. Jy sien dit in ons stamwoorde. Kom, bly, stap, mes. Waar kom hulle vandaan? Hulle kan nie uitmekaargehaal word vir ontleding nie. Hulle moes ontstaan het as blaffe. Kort uitkapsels wat die monde van ons voorouers verlaat het sonder denke of plan. Dè. Hier’s vir jou ’n woord. Kom ons hoop ons almal kan ooreenkom op die betekenis. Ons langer woorde het lekker sin ingebou. Vuurpyl. Die wiskunde is nie presies rocket science nie. Maar kom ons staan stil by “terug”. Wat ’n goeie voorbeeld van eenvoudige woordgerief. Jy ken mos “te voet” en “te perd”. Wel, “te rug” is toe dieselfde spesie. Daar waarop jy jou rug gedraai het. In die etimologie staan hierdie mooi Middelnederlandse sinnetjie: Zijn paert spranc te rugge. Sy…

BY DIE lodge op Langebaan loop ’n bruidegom op en af, op en af. Dis seker net die gewone afwagting, sou ’n oningeligte verbyganger dalk dink. Maar dié bruidegom is Peter Huxham, en gedurende sy tronkhel van twee jaar in Ekwatoriaal-Guinee was dit dikwels die gedagte aan sy troudag wat hom aan die gang gehou het. Nou is dit amper tyd – die dag is oplaas hier. In ’n kamer hier binne die Rox & Sea Country Lodge maak sy bruid, Kathy Mc-Connachie (66), gereed. Buite tuur Peter (57) oor die veld en sand terwyl hy terugdink aan sy bitter ongewone huweliksaanbod nadat hy en Kathy al vir 32 jaar saam was. Dit was Oktober 2023. Peter en nog ’n Suid-Afrikaanse kontrakteur, Frik Potgieter, was toe reeds agt maande onskuldig…

SHAKSHUKA GENOEG VIR 2-4 MENSE / BEREIDING EN GAARMAAK: 35 MIN. Hierdie is ’n maklike ontbytopsie perfek vir enige geleentheid. Sit dit voor saam met vars roosterbrood. ◗ 30 ml (2 e) olyfolie◗ 1 groot ui, in blokkies gesny◗ 5 ml (1 t) sout, plus ekstra na smaak◗ 1 klein rooi soetrissie, in blokkies gesny◗ 1 klein groen soetrissie, in blokkies gesny◗ 1 klein brandrissie, gesny◗ 5 ml (1 t) gerookte paprika◗ 5 ml (1 t) fyn komyn◗ 2,5 ml (½ t) fyn borrie◗ 2,5 ml (½ t) matige kerriepoeier◗ 2,5 ml (½ t) varsgemaalde swartpeper, plus ekstra na smaak◗ 5 ml (1 t) bruinsuiker◗ 410 g-blik fyngedrukte tamaties◗ 125 ml (½ k) water, of meer indien nodig◗ 6 groot eiers VIR VOORSIT ◗ suurroom◗ gekapte vars pietersielie◗ vars tamaties…

1 FRANSE FLAIR Doen dit soos die Franse! Laat die deure van jou kaste weg en gebruik jou gunstelingmateriaal om dit toe te maak. Dit werk veral goed met sagte dekorstyle soos shabby chic. 2 EKSTRA DIMENSIE Gee ’n eenvoudige kas ’n nuwe aansig deur ’n ekstra dimensie met vormlyste by te voeg. Dit bring tekstuur in, en jy kan dit in ’n ander kleur verf – soos hier in swart – om dit nóg meer te laat uitstaan. 3 NUUT MET VERF Gee ’n ou kas nuwe lewe met ’n vars lagie verf. Gebruik die regte soort verf, afhangend waarvan die kas gemaak is. Laat dit uitstaan met ’n kleur wat heeltemal anders is as die omgewing, of laat dit insmelt deur ’n kleur te gebruik wat reeds in…

ONGELUKKE gebeur baie vinnig. Ons gee hierdie en volgende week wenke vir hoe jy jou kinders kan veilig hou in verskillende situasies. PADVEILIGHEID Leer jou kinders die padreëls. Jy kan dit selfs ’n speletjie of liedjie maak om dit makliker te maak vir hulle om te onthou. ◗ Kyk altyd links, en dan regs, en dan weer links voor jy die pad oorsteek. ◗ Steek die pad by die voetoorgang oor. ◗ Leer hulle om aan die kant van die pad te loop met hul gesig na die aankomende verkeer. ◗ Kinders onder ses moet van ’n volwassene vergesel word. ◗ Laat hulle ligte kleure en weerkaatsende stroke dra wanneer hulle in swak lig op straat is. ◗ As jou kind fietsry, is ’n valhelm belangrik. GIFVEILIGHEID Duisende kinders sluk…

SKERPIOEN 23 OKTOBER – 21 NOVEMBER Die son sluit op die 23ste by Mars en Mercurius in jou teken aan. Dit beteken jy het binnekort ’n verjaarsdag om te vier. Die oomblik wat die son jou teken binnekom, bots dit met jou heersende planeet, Pluto, wat dinge warmer en die tempo vinniger maak. Intensiteit is so te sê jou tweede naam, maar moenie vassteek by ’n drang na mag nie. ’n Finansiële verrassing wag omstreeks die 29ste. BOOGSKUTTER 22 NOV – 20 DES Dinge is besig om agter die skerms te gebeur, al is jy waarskynlik nie eens bewus daarvan nie. Dit lyk egter asof jou lewensmaat wel bewus is van wat aangaan. Wanneer Mercurius, die planeet van kommunikasie, op die 29ste tot in jou teken beweeg, sal alles openbaar…

Sekelmaan is sonder twyfel een van die moeilikste projekte wat ek nog aangepak het. Die navorsing was emosioneel uitmergelend. Albei kante van die Midde-Oosterse konflik is ewe onsmaaklik en ongewild. Dis nie die wêreld van fiksiehelde nie. Dit los die skrywer met ’n dilemma. Al wat oorbly, is die somber onheiligheid van doelwitte wat die middele heilig. Dit is die werklikheid van intelligensiewerk. Die stil, verborge wêreld van onbesonne en onbesonge dade. Daar is geen manier om dié wêreld te versuiker nie. Soos met al my vorige skeppings het ek probeer om die gebeure, karakters en metodes so juis moontlik te hou. Ek het die sienswyses aan albei kante van die Palestynse konflik en die oorheersende brutaliteit waarmee daaraan uiting gegee word, so akkuraat moontlik beskryf. Spesifiek om die meer ooglopende…

AS TIENERS moes ek en my broer beurte maak om skottelgoed te was. Ons het mekaar elke week afgewissel. Wanneer aandete klaar is en die res van ons gesin voor die televisie inskuif, gaan haal jy jou twin-deck en jou tapes, maak die deur toe, en luister na jou keuse van musiek terwyl jy borde en kastrolle skrop. Een van die tapes wat ek voos geluister het, behalwe natuurlik Midnight Oil, was die klankbaan van die musiekspel LES MISÉRABLES. Dit was vir my die mooiste musiek, en ek kon my so inleef in skuldgevoelens van Jean Valjean, die verskriklike lewe van Fantine, Cosette en Marius se hartstogtelike verlange, Éponine se gebroke hart. Ek onthou nog hoe die trane op my hande drup terwyl ek wynglase was, diep weemoedig dat ek…

Is daar tans ’n groter popster in die wêreld as TAYLOR SWIFT? Die Amerikaanse sangeres het ’n globale gemeenskap bymekaargebring wat as die Taylor Nation bekendstaan, wat haar musiek en die grond waarop sy loop aanbid. In Augustus het sy die internet tot stilstand geruk toe sy op sosiale media aankondig sy en haar kêrel, die Amerikaanse voetbalspeler Travis Kelce, is verloof. En nou het sy almal op hol met die uitreiking van haar splinternuwe album, The Life of a Showgirl. Dis haar twaalfde album, met twaalf snitte, en Taylor het dit geskryf en vervaardig saam met Max Martin en Shellback, ’n Sweedse vervaardiger-liedjieskrywer-duo wat ook destyds saam met haar gewerk het aan haar vierde album, Red. Max en Shellback het van haar grootste treffers geskryf, soos “We Are Never…

Begin doen solank jou byedans, want jy het dié seisoen se blokraai-heuningpot gevind! Hierdie lente vier ons Huisgenoot se 40ste blokraaitydskrif met nog ’n soet aanbieding vir raaiselliefhebbers. Laat ons jongste raaiseluitgawe jou dae lekkerder maak! NOU IN DIE WINKELS IN DIÉ UITGAWE ■ groot blokraaie ■ fotoblokraaie ■ lentebielie ■ blitsblokraaie ■ koderaaisels ■ breinknopers ■ anagramblokraaie ■ kort raaisels ■ sudoku’s BESTEL DIT SO: AANLYN media24shop.com BEL 021-406-4962 Gaan na www.media24shop.com…

DIE oomblik toe sy ingestem het, het Carolyn Bessette Kennedy dit berou. “Ek vertrou hom nie,” het sy aan familie, vriende en selfs ’n kelnerin by haar geliefkoosde restaurant gesê. Dit was Julie 1999 en sy het ja gesê om saam met haar man, die aantreklike en geliefde John F. Kennedy jr., in die klein vliegtuig na ’n familiehuwelik by Cape Cod te vlieg. Hy was nog besig om te leer vlieg. Haar teenwoordigheid was ’n geskenk wat hom sou help om die indruk van ’n gesonde huwelik te wek, terwyl dit eintlik aan die wankel was. Sy was oortuig dat JFK jr., die enigste seun van wyle pres. John F. Kennedy, nie die geduld, toewyding of aandagspan het om ’n goeie vlieënier te wees nie. Hy’t nie sy opleiding…

DIE groen hel, noem party mense dit. ’n Plek wat wemel van nagmerriegedrogte soos anakondas, pirannas en giftige paddas. Kenners sê tensy jy deel is van ’n stam wat oor eeue heen geleer het om in die bedompige duister van die Amasone te oorleef, beter jy bid jy vind jou nooit daar gestrand nie – jy sal binne dae, of selfs ure, vergiftig of opgevreet word. Toe die 13-jarige Lesly Mucutuy dus staan tussen die wrakstukke van die vliegtuig waarin sy gereis het, was daar alle rede om te glo sy sou nie meer lank lewe nie. Maar nie net het Lesly 40 dae lank oorleef nadat die vliegtuig in die reënwoud van Colombia neergestort het nie, sy het ook haar negejarige sussie, Soleiny, haar vyfjarige boetie, Tien, en ’n…

IN MILEY CYRUS se familie is musiek die een ding wat alles bymekaar bring – en sy maak seker daarvan. Die sangeres het onlangs vertel haar pa, die musikant BILLY RAY CYRUS, was in trane nadat hy geluister het na ’n liedjie wat sy vir hom geskryf het. Miley en Billy se verhouding was die afgelope paar jaar onstuimig en daar was groot onenigheid in die Cyrus-familie nadat Billy (64) van haar ma, Tish (58), geskei is. Nadat Miley (32) verlede maand die liedjie “Secrets” as deel van haar nuwe album, Something Beautiful, uitgereik het, het sy op Instagram die liedjie aan Billy opgedra. “Die liedjie is geskryf as ’n vredesoffer aan iemand wat ek vir ’n ruk verloor het, maar wat ek altyd liefgehad het,” het sy in ’n…