Innholdsfortegnelse for 25 September 2025 i Huisgenoot

1 ‘ONS WIL NET ONS VROLIKE KIND TERUG HÊ’ Anja Espag (5) van Thabazimbi was skaam oor haar voorkoms nadat ’n hond haar in die gesig gebyt het. Maar die letsels genees vinnig en sy glimlag weer Pragtige poplap. Maak nie saak wat ander sê nie. Mooi is in jou hartjie. Jy het ’n wonderlike mamma wat jou wou beskerm. Die merkies gaan weggaan of verdof soos jy ouer word. Lig jou koppie hoog, want jy is Jesus se pêrel. SUSAN As kind is ek deur ons wolfhond gebyt. My gesig was aan die een kant oopgeskeur. Ek was ook skaam oor hoe ek lyk, maar ná ’n paar jaar het alles toegegroei en die letsels het weggegaan. Hou net moed, jy is ’n pragtige kind. ILLSE Mense, onthou, asseblief:…

V Hoe gemaak wanneer jou 23-jarige seun sy 13-jarige vriendin by elke moontlike geleentheid (ek vermoed) seksueel misbruik? Dit dra glad nie ons as ouers se goedkeuring weg nie. Ek het die meisie se ma gekontak oor die situasie en haar antwoord was dat ek my nie moet bekommer nie, haar dogter is op voorbehoeding. Hoe beskerm ek die twee kinders teen hulself? Duidelik wil hulle nie hoor nie, nie eens dat wat hulle doen onwettig is nie. Ek glo ook dat die meisie se naam haar vooruitloop. Seuns maak net wat hulle wil met haar, en stap dan aan. Hoe red ons die twee pragtige kinders? A Die feit dat jy vir my geskryf het, bevestig vir my dat jy regtig bekommerd is. Ek gaan nie doekies omdraai met…

ONS almal sukkel soms met daai klein jakkalsies wat die lewe onnodig ingewikkeld maak. Met dié eenvoudige truuks kan jy jou dag gladder én lekkerder laat verloop. ◗ As jy heeldag wil lekker ruik, vryf petroleumjellie aan jou polse voor jy jou parfuum aanspuit vir die geur om langer te hou. ◗ Wend ’n lagie deursigtige naellak aan die binnekant van kostuumjuweliersware aan om te keer dat dit jou vel groen vlek. ◗ As jy naellak op die vloer mors, kan jy dit met suiker skoonmaak. Strooi ’n bietjie oor die naellak en los dit ’n paar minute. Die suiker sal die naellak opsuig en jy kan dit met ’n lap of papierhanddoek opvee. ◗ Kougom in die hare? Vryf ’n ysblokkie oor om die kougom hard te maak sodat…

DIS altyd moeilik om die skoene te moet vol staan van ’n ander aanbieder, en as dit ’n gewilde reeks soos BOER SOEK ’N VROU is, moet jy jou storie ken. Destyds het mens gedink niemand sou ooit Elma Postma of later Minki van der Westhuizen se skoene kon vol staan nie, en toe was dit nie so nie – Marciel Hopkins het baie elegant toegetree en vier seisoene aangebied. Iets wat wel met die vorige seisoen gedoen is, wat my as kyker die mure uitgedryf het, is die hantering van die reeks as ’n tipe modeparade. Ek kan nie onthou dat die vorige 15 seisoene so blatant was soos die afgelope twee seisoene nie. Met seisoen 16 het ek skaam gekry vir Marciel se part, hoe sy moes pose…

FOTOBLOKRAAI NO 2361 KOMPETISIEVRAAG Watter beroep is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN HUMAN & ROUSSEAU Hierdie week wen een leser Roulette deur Sidney Gilroy (H&R, R320). In September 1998 vertrek die vier Ludick-sibbe en drie maats na Ballito. Net die drieling en hul vriende keer ’n week later terug na hul Vrystaatse dorp. Van die dertienjarige Lara Ludick bly net haar dagboek oor. Dis byna 27 jaar later en die Ludick-drieling – Lötter, Oscar en Duan – worstel steeds met skuldgevoelens. In Junie 2025 verdwyn ’n student naby Veldrus, nie ver van waar die Ludicks en hul pelle grootgeword het nie. Enkele dae later word die vermiste student se pa dood in…

‘EK’T twee huise. My ma is ’n Keniaan en my pa van Suid-Afrika. Hy het haar ontmoet toe hy soontoe is vir werk. Ek’s in Kenia gebore. Ek was twee toe hulle besluit het om Suid-Afrika toe te trek. Ons het eers in Gauteng gebly, en toe ek ses jaar oud was, trek ons Worcester toe. As ek praat van my twee huise, is dit Kenia en Worcester. Een waar ek gebore is en een waar ek grootgeword het. Toe ek die eerste keer in Worcester aankom, het ek nie regtig die konsep van “coloured” verstaan nie. In die noorde was daar nie eintlik coloureds nie. Ek kom van ’n relatiewe klein dorpie met meestal swart en wit. Ek het nogal spesiaal gevoel daar. Maar toe ek Worcester toe trek,…

JY KAN dit nie veel lekkerder in die lewe tref as Becca Bloom se kat nie. Toe dié jong vrou, die dogter van Amerikaanse IT-en eiendomsmiljardêrs, in Januarie haar TikTok-kanaal begin het, het sy in ’n video gewys hoe sy vir haar kat, Oscar, ontbyt maak. Só het kykers gehoor dat Oscar sy dag met dié eetgoed afskop: salmsushi, ’n tunabrousel wat volgens Becca “soos ’n stink sokkie ruik”, ’n sag gekookte kwarteleier, salmkaviaar vir ekstra smaak, en ’n bloubessie “vir hom om mee te speel wanneer hy klaar is”. Hy eet uit spesiale eetgerei wat by hare pas. Dié 27-jarige van Kalifornië het die tipe lewe waarvan mens maar net in programme soos Top Billing hoor of in glanstydskrifte lees. Einde Augustus het sy en haar verloofde, die sagteware-ingenieur…

SY’S ouer as daai goue beeldjie, spot sy graag. Sy was al vier toe die heel eerste Oscar ’n baas gekry het. As jong meisie het die glans daarvan haar nie betower nie, want sy wou ’n onderwyseres word. Maar die lewe loop nie altyd volgens plan nie. Eva Marie Saint se tipe is skaars in Hollywood: ’n legende, maar glad geen diva nie. Sy’t feitlik elke hartebreker van die “Goue Era” gesoen – maar net op die rol- prentstel. ’n Ster wat ’n superster kon gewees het, maar sy het haar gesin gekies. Eva is op 4 Julie 1924 in Newark, New Jersey, gebore. Ná skool het sy onderwys gaan studeer. ’n Vriend het haar oortuig om amateurtoneel te doen, en toe byt die gogga. “As mens is ek…

Wanneer en waar was jy op jou gelukkigste? Wanneer ek saam met my vrou en seuntjie is, iewers in die natuur – waarskynlik die strand. Wie sou jy die graagste vir ete wou nooi en wat sou jy vir ete maak? Johnny Cash. Ek sou braai – met tjoppies, braaibroodjies en mieliepap met tamatiesmoor. Wie is of was die liefde van jou lewe? Jesus en my vrou, Chanél. Sy is my anker en beste vriendin. Wie of wat sou jy in jou volgende lewe wou wees? Ek sou graag ’n professionele branderplankryer wou wees wat die wêreld vol toer na die beste branders op aarde. Wie is tans jou celeb crush? Margot Robbie, dis net daai vibe van haar, ha-ha! Moenie my vrou sê nie. Wie sal jou speel in…

WANNEER mense van hom praat, sê hulle altyd hy sit die pret in partytjies. Altyd reg vir ’n jol, voor in die koor en altyd ’n paar doppe voor. Of hulle vertel jou van die ou wat altyd dronk is, die bra wat al weer een te veel teruggegooi het. Dié man kán drink, sê hulle dan. Asof dit ’n trofee is. “Ek was laas op my 13de verjaardag nugter,” sê Stiaan Reynierse. “Altans, dis wat ek dink. Ek kan glad nie daardie verjaardag onthou nie.” Die waarheid is dat hy nie enige van sy verjaardae onthou nie, nes soveel ander dinge. Want in die newels van die drankwolk het sy herinnerings aan soveel oomblikke verdwyn. “Ek ly aan angstigheid en het dit met drank probeer onderdruk. Om twee bottels…

1 KOELER KLEURE Koel skakerings van blou, grys en pers is terug vir ’n komkommerkoel voorkoms. Pleks van harde lyne of een soliede blok helder kleur, omarm dié tendens sagte skakerings wat jou natuurlike oogvorm vlei. Dis ’n bietjie nostalgie uit die 1990’s aangepas vir nou: delikate pastelle en ligte glans soos Aspoestertjie by die bal eerder as sterk en oordonderend. KRY DIT SÓ ➔ Wend ’n basislaag oor jou hele ooglid aan om die kleur langer te laat hou. ➔ Wend ’n skakering soos ligblou, silwer of ligpers bo-oor aan vir ’n subtiele voorkoms vir die dag. ➔ Vir ekstra diepte kan jy ’n donkerder koel skakering in die vou van die ooglid of buitehoek van jou oog aantik. ➔ Skakeer die donkerder kleur liggies sodat daar geen duidelike…

V Ons gesin was baie arm en ek het dikwels honger skool toe gegaan. Ek en my twee broers het altyd gesê as ons eendag groot is, gaan ons ryk wees en al die kos in die winkel op een slag koop. Dit was tipiese kinderdrome. Vandag is albei my broers ingenieurs en ek is ’n mediese dokter. Ek het ’n lys van doelwitte wat ek wil bereik voor ek tevrede sal wees met my lewe. Dit is basiese goed soos ’n groot huis, ’n mooi tuin, ’n luukse motor, boetiekklere, oorsese vakansies, kaste vol kos, en dit gaan my so vyf tot tien jaar neem om alles in die sakkie te hê. ’n Paar maande gelede toe stel my vriende my voor aan iemand by ’n verjaardagkuier. Hy is…

Die belangrikste is om iemand wat ’n beroerte gehad het, so vinnig moontlik by ’n hospitaal te kry, verkieslik een met ’n beroertesentrum is, sê Lynn. Die pasiënt sal moeg voel, maar doen jou bes om hom wakker te hou. Moet hom niks gee om te eet of drink nie. As hy sy bewussyn verloor, draai hom op sy sy en maak seker sy tong versper nie sy lugweg nie. “Bel solank vooruit wanneer julle op pad hospitaal toe is sodat die beroertespan gereed is. Dit spaar sowat ’n halfuur, en elke minuut tel,” sê Lynn. Die mediese span se eerste prioriteit sal wees om bloedvloei na die brein so vinnig moontlik te herstel. In die geval van ’n iskemiese beroerte sal hulle die bloedklont probeer opbreek of verwyder deur…

DIE lente bring nuwe lewe oral om ons, maar saam met die lieflike blomme en groen gras kom daar ongelukkig ook iets minder aangenaam saam: stuifmeel en sade in die lug. Vir mense met seisoenale allergieë is veral die lente ’n tyd waar hulle sukkel met hooikoors. Dit sluit in simptome soos ’n aanhoudende genies, ’n loopneus, ’n krapperigheid in die oë, keel en verhemelte, en oë wat traan. Ander simptome sluit in kopsere, hoes, verlies van reuk en prikkelbaarheid, wat jou lont maar kort kan maak. As jy een van die ongelukkiges is wat met allergieë sukkel, probeer dÍt: ◗ Vermy kontak met stuifmeel sover moontlik. ◗ Vermy dik matte en swaar gordyne in jou kamers. ◗ ’n Lugversorger help om stof en allergene te verminder. ◗ Hou diere…

DIE LAASTE LEUEN DEUR ANITA DU PREEZ Queillerie, R219* “Daar’s ’n groot verskil tussen Anita BC en Anita AC. Daar is nou ’n dringendheid in my wat nie meer nonsens wil vat nie.” Dis Anita du Preez “before cancer” en “after cancer”. Soos haar persverklaring lui: “Voor borskanker was sy ’n goeie, gawe liefdesromanskrywer. Ná kanker is sy ‘ ’n menéér van ’n vrou’; ’n rillerskrywer wat op 76 wedlope hardloop, vloek, en die middelvinger wys.” Was sy regtig eens ’n tipiese goeie, gawe Afrikaanse meisie, vra ek. “Ja, ek het streng grootgeword. Victoriaans. Niemand het gevloek nie. Ek maak nou op daarvoor.” En sy verstaan nie waarom daar so ’n bohaai is hieroor nie. “Die f-woord is die veelsydigste woord in Afrikaans. Drie letters en jy kan besluit wat…

BUTTERFLY Superspioen, superslim en ’n superpa. Dis nou David Jung (Daniel Dae Kim van Lost en Hawaii 5.0) wat in hierdie spanningsreeks in Suid-Korea speel. Maar moenie jou bekommer oor te veel onderskrifte nie, die grootste deel van die dialoog is wel in Engels. David was ’n spesiale agent wat nege jaar tevore ná ’n missie sy eie dood moes fabriseer om sy dogter, Rebecca (Reina Hardesty), te beskerm. Maar dit het nie gebeur nie, aangesien Rebecca toe grootgemaak is deur sy vennoot, Juno (Piper Perabo), wat Rebecca oplei as ’n agent en sluipmoordenaar vir hul organisasie, Caddis. Noudat Rebecca groot is, wil David graag met haar herenig, entoe David haar vind, ontvou ’n emosionele storielyn. David besef hy moet haar laat insien dat Caddis eintlik korrup is. Maar daar…

1 In watter Suid-Afrikaanse stad is die FNB-stadion? 2 Lissabon is die hoofstad van watter Europese stad? 3 Watter oseaan is die kleinste? 4 In watter sport ry mens die Giro d’Italia? 5 Wat is die naam van die teepot in Beauty and the Beast? ANTWOORDE 1 Johannesburg. 2 Portugal.  3 Die Arktiese Oseaan. 4 Fietsry. 5 Mrs Potts. BRONNE POPSCI.COM, NEWSFORKIDS.NET, THEGUARDIAN.COM, EDITION.CNN.COM, NPR.ORG, BBC.COM, NATIONALGEOGRAPHIC.COM, KCL.AC.UK, STUFF.AC.ZA…

ONS leef in ’n tyd wat gekenmerk word aan voortdurende oorloë in verskillende dele van die wêreld. Die oorlog in Oekraïne en die stryd in Gaza is besonder gewelddadig, met groot lewensverlies. Daarom, wanneer ons aan oorlog dink, dink ons aan konflik, chaos en dood. Maar die Koue Oorlog was anders. Oor 50 jaar het die twee hoofmededingers – die Verenigde State van Amerika (VSA) en die Sowjetunie (nou Rusland) – nooit regstreeks op ’n slagveld teen mekaar geveg nie. Jy vra dalk: Waarom is dit dan ’n oorlog genoem? Lees verder om uit te vind. TEENOORSTAANDE SIENINGS Die Tweede Wêreldoorlog het in 1945 geëindig, en groot dele van Europa en Asië is verwoes. Twee lande het as supermoondhede na vore getree: Amerika met sy enorme rykdom, demokratiese regering en…

KAN ’n hart so baie breek? As jy Ruiterbosch se Bianca Fourie vra, is die antwoord, ja. Siestog, die stomme Bianca, vertolk deur Simone Biscombe, se romantiese lewe is soos ’n pad wat met duwweltjies besaai is – haar hart is in totaal al tien keer gebreek. Haar verhoudings het almal so skouspelagtig geflop dat die mense van Ruiterbosch begin wonder het of sy dan ooit ware liefde sou vind. Maar niks duur vir altyd nie. Ook nie seerkry nie. Want toe Bianca se pad onlangs weer met dié van Siya Thuli, gespeel deur Gantane Kusch, kruis, het kykers van die sepie Suidooster opnuut hul harte vasgehou: Dalk, net dalk, is dit hierdie keer ware liefde. Bianca en Siya het immers ook in 2019 ’n verhouding gehad, en die nuwe…

MEER en meer bekendes kies om die gewoel en gedruis van groot stede te verruil vir ’n meer afgesonderde leefstyl. Terwyl sommige ’n lewe van gemak op kleiner dorpe verkies, is daar ander wat heeltemal van die kragnetwerk af leef. Die akteur JOSH DUHAMEL sê hy is so 70% gereed vir ’n apokalips. Hy het vir hom en sy gesin ’n houthut in ’n beboste deel van Minnesota gebou. Josh (52) en sy vrou, Audra Mari (31), woon saam met hul 21 maande oue seun, Shepherd, in hierdie hut. Sy seun Axl (12) uit sy vorige verhouding met die Black Eyed Peas-sangeres Fergie kuier gereeld by hulle. Al is sy leefstyl indrukwekkend, het hy aan People gesê hy voel daar is steeds ruimte vir verbetering op sy oorlewingsvaardighede. “Ek kan…

Iets sluip deur ons taal, ’n bose gees wat deur sinne sweef en werkwoorde laat sidder. “Ek doen,” grom hy. ’n Engelsman onder ’n dekmantel wat hom in ons kombuis kom tuismaak. “Ek doen rook nie,” sê hy. Wat wil hy bewys? I don’t smoke, met biltong op sy asem en die dood in sy mond. Dis die skelmste van anglisismes, so slinks dat hy ongemerk verbygly. Die Brit in Springbokklere. Regte Afrikaans benodig net: “Ek rook nie.” Ons taal is ekonomieser as ’n minibustaxi. Hoekom drie woorde as twee kan werk? Maar Engels fluister in ons oor. Ironies doen “doen” niks nie. Dis ’n pienk onderhemp onder ’n wit bloes. Niemand sien dit nie, maar jy weet hy’s daar en jy kry warm. Ou Noah Webster sou ons met…

AS ’N huis kon bloos, het dié vier mure seker met bloedrooi wange gesit. Want die hemel weet, onder hierdie dak word daar gekoer. En ons bedoel: gekóér. Dis lang drukkies, stoute oogknippies en ’n verliefde vatterigheid – elke dag, heeldag lank. Om na die TV-ster Nykie Pretorius en haar geliefde, Cobus Vermaak, te kyk voel amper soos om na ’n flankeertoneel in ’n romantiese fliek te kyk. ’n Mens wil half wegkyk, maar jy wil ook nie. En as ’n mens so verlief is dat jy skaars uit jou oë kan sien – en dít is hulle beslis – dan sit ’n mens nie gedwee met handjies gevou en staar na ’n kamera nie. Spring op die bed, beveel die fotograaf soos ’n weermagkorporaal. Hier’s mos niemand wat gaan…

‘EK VOEL DEESDAE RUSTIG, GELUKKIG, EN EK GEE REGTIG NIE MEER OM WAT ANDER MENSE DINK NIE’ DAARDIE mylpaal is geplant, geverf en word ál kleiner in die truspieëltjie. En wanneer Amalia Uys so terugkyk na die pad wat sy gereis het, was “die groot 40” vir haar ’n goeie halte. “Miskien het ek myself psigies voorberei daarvoor,” sê die aktrise vandag. “Toe ek 40 word, het ek in my eie lewe gearriveer. Ek’t ten volle gemaklik in my eie vel begin raak. Ek voel deesdae rustig, gelukkig, en ek gee regtig nie meer om wat ander mense dink nie.” Die dak van die Media24-gebou in Kaapstad, waar Amalia regmaak vir ’n fotosessie met Huisgenoot, voel gepas vir dié introspeksie. Na die suide troon Tafelberg in al sy onveranderbare glorie,…

HEELGEBRAAIDE VIS met KNOFFEL-BOTTERSOUS GENOEG VIR 4-6 MENSE /BEREIDING: 40 MIN. ◗ 2 heel visse (600-800 g elk – grootbekbaars, snapper, salm of tilapia werk goed; ek het snapper gebruik), skoongemaak◗ sout en varsgemaalde swartpeper, na smaak◗ 75 ml (5 e) olyfolie◗ 4 knoffelhuisies, in dun skyfies gesny◗ 125 ml (½ k) vars dille, fyngekap◗ 125 ml (½ k) vars pietersielie, gekap◗ 1 suurlemoen, in 8 dun skywe gesny KNOFFELBOTTER-SOUS ◗ 100 g botter◗ 15 ml (1 e) vars knoffel, fyngekap◗ 5 ml (1 t) paprika◗ ’n knippie swartpeper◗ 15 ml (1 e) vars pietersielie, fyngekap 1 Verhit die oond tot 200 °C en voer ’n bakplaat met bakpapier uit. 2 Plaas die vis op ’n snyplank en sny die vinne af met ’n skêr (los die stert). Droog goed…

DIS die enigste plek waar jy weet niemand jou sommer sal pla nie, dus is die versoeking soms groot om jouself vir ’n paar minute in die badkamer toe te sluit. Daar op die troon kan jy dan na hartelus op Facebook en Instagram opvang of jou gunstelingspeletjie op jou foon speel. En as jy jou weer kom kry, het ’n paar minute tien en dan ’n halfuur of uur geword en is jy hopeloos te lank daar binne. In ’n nuwe studie is bevind dat lang tye op die toilet glad nie goed is vir jou nie, al voel dit vir jou hoe gemaklik. Dit kan lei tot die verhoogde vorming van aambeie – iets wat mense al lank sê gebeur, maar niemand het tot nou toe regtig daaraan…

1 HOE GEBEUR DIT? Weens swendelaars of onetiese skuldberaders. Iemand bel jou en belowe om jou skuldprobleme op te los. Soos alle swendelaars is die persoon oortuigend, innemend en simpatiek. Natuurlik word jy gedruk om so gou moontlik jou vertroulike besonderhede te verskaf. En as jy weer sien, is jy onder skuldberading – al het jy nie aansoek gedoen of skriftelik toestemming gegee nie. Dis moeilik om jouself weer daaruit te kry. Daar is geen afkoelklousule nie. Jy sal nie krediet kry sodra jy onder berading is nie, en jy moet die “skuldberader” betaal. 2 DIE GEVAAR TEKENS Mense besef dikwels eers hulle is slagoffers wanneer dinge soos persoonlike lenings, selfoonkontrakte of winkelrekeninge geweier word. Ander tekens is gereelde aftrekkings op jou bankstaat vir skuldberading – al het jy nie daarvoor aansoek…

WEEGSKAAL 23 SEPTEMBER – 22 OKTOBER Gryp die loopbaangeleentheid op die 1ste met albei hande aan. Jupiter beweeg tans vinnig deur jou loopbaanhoroskoop, so dis die ideale tyd om jouself of jou idees te bemark. Aangesien jy dit nie aan toeval wil oorlaat nie, sorg dat jy goed oefen wat jy wil sê of bevorder, selfs al moet jy ’n bietjie oordryf. SKERPIOEN 23 OKT – 21 NOV Met jou medeheerser, Mars, wat pas in jou teken aangekom het en vir ’n paar weke gaan bly, is jou dryfkrag en motivering op ’n hoogtepunt. Dis geen wonder jy wil resultate vir jou harde werk sien nie. Dis verstaanbaar, maar moenie die waarde van inspirasie, wat teen die 1ste opduik, onderskat nie. BOOGSKUTTER 22 NOV – 20 DES Jou sterreteken is…

Deur die jare was Pieter Koen se eerste liefde en primêre fokus altyd sy musiekloopbaan. Om as sanger op verhoë voor ’n gehoor op te tree was sy brood en botter. Sy hart. Sy passie. En ná ’n musiekdroogte van sewe jaar het Pieter besluit dis tyd om weer terug te keer na sy eerste liefde. Dit skop hy sommer op ’n hoogtepunt af met sy nuutste liedjie, “Stoute ogies”. Dié spesifieke lied lê Pieter na aan die hart, want dis ’n huldeblyk aan sy goeie vriend die sanger Fredi Nest, wat in 2015 ná ’n kankerstryd oorlede is. “Vir my is dit ’n voorreg om op hierdie manier hulde te bring aan ’n wonderlike vriend en mens, uitstekende skrywer en kunstenaar wat ons vir soveel jare deur sy musiek…

GEEN VERTROUE Ek vererg my so vir banke wat penne met toutjies aan die toonbank vasmaak. Ons vertrou hulle met ons geld, hoekom vertrou hulle ons nie? L. Saayman PLEK VIR ALMAL V: Wat is die verskil tussen die sirkus en die politiek? A: In die politiek is daar meer as een tent. E. Moelich GEEN GEHEIME Definisie van ’n plattelandse dorpie: Waar ’n man met ’n blou oog nie hoef te verduidelik hoe hy daaraan gekom het nie. Wollie, Pretoria LAASTE WENS Dokter aan sy pasiënt: “Ek kan dit ongelukkig nie vir jou wegsteek nie, jy’s dodelik siek. Is daar enigiemand wat jy graag vir oulaas wil sien?” Pasiënt: “Ja, ’n ander dokter.” San Marchand VRYGEWIG Blondine aan haar vriendin: “Vir wat vry jy skelm met daai platsak getroude…

BAIE GELUK MET JOU VERJAARDAG, EVITA. HOE VOEL JY DAAROOR OM 90 TE WORD? My kleinkinders laat my jonk voel. Hulle is nie swart nie, hulle is nie wit nie, hulle is Barack Obama-beige en ek is hulle gogo! Hulle hou my oë op die toekoms terwyl ek hulle aan die verlede herinner. Dis ’n billike ruiltransaksie. HOE GAAN JY DIT VIER? Die hartseer is hoe min van ons nog hier is om so ’n mylpaal te vier. Pik is nie hier nie, Madiba is nie hier nie, gelukkig is Tutu nog oral. Maar hulle nalatenskap inspireer my en help my om die dag te geniet. Ek het wel ’n paar ou vriende wat my dalk sal onthou as ek hulle WhatsApp. PIETER-DIRK UYS VIER OOK OP DIESELFDE DAG ’N…

TOE ZOË KRAVITZ en HARRYSTYLESverlede maand saam opgemerk is, het almal gedink dis net ’n flirtasie. Nie lank gelede nie is Zoë (36) nog met Austin Butler, haar medester in Caught Stealing, en die akteur Noah Centineo verbind, terwyl Harry (31) in Junie op Glastonbury afgeneem is waar hy die model Ella Kennedy gesoen het. Maar dit kom voor of dinge die afgelope paar weke taamlik vinnig gevorder het tussen die twee – van nonchalante ontmoetings in Europa tot waar hulle byna onafskeidbaar lyk terug in New York. Die “Watermelon Sugar”-sanger het selfs al Zoë se ouers ontmoet. Die paartjie is onlangs in New York gesien waar hulle middagete saam met Zoë se beroemde pa, Lenny Kravitz, geëet het. “Dit voel of dinge vinnig versnel het,” sê een bron. “Dis so…