Innholdsfortegnelse for 28 August 2025 i Huisgenoot

1 ‘DIE LOEI VAN DIE SIRENE ROEP MY’ Grusame tonele sien Lawrencé Lee al vandat hy 16 is. Paramedikus is al wat dié matrikulant van Pretoria (links bo, by Xander Loubser) wil word Ek is so verskriklik baie trots op jou, Lawrencé Lee! Dit is so lekker om te sien hoe jy van daardie twaalfjarige seuntjie wat net altyd almal wou help, aanhou groei het tot daar waar jy nou is. NATALIE Lawrencé, jy is so ’n voorbeeld en inspirasie vir al die jong mense daar buite. Op 18 het jy al meer bereik as wat baie volwasse mense bereik het. Welgedaan, champ, met Jesus as jou rots gaan jy nog baie bereik. ELMARIE Wat ’n pragtige jong mens is jy nie. So vol passie en omgee vir ander mense.…

TOETS JOU KENNIS 1 In watter museum hang die Mona Lisa? 2 Watter rekord het die Proteakrieketspeler Dewald Brevis in Augustus gebreek? 3 Met watter bekende popster is die voetbalspeler Travis Kelce in ’n verhouding? 4 Wat word deur die Mohs-skaal aangedui? 5 Van watter Asiese land is Thimphu die hoofstad? ANTWOORDE 1. Die Louvre in Parys 2. Vinnigste 100-tal nóg in T20 deur ’n Suid-Afrikaner 3. Taylor Swift 4. Die hardheid van minerale op grond van hoe maklik dit ander minerale kan krap 5. Bhoetan…

BY DIE Laerskool Piet Hugo in Polokwane vang die oggendson ’n bondel opgewonde kleuters op pad na hulle gr. R-klassie toe. Die losgemaal giggel en gesels en, soos enige onderwyser sal weet, gil en skree. Maar tussen die kwetterende kinders steek ’n paar swart tekkies met silwer blinkertjies uit. Dan, oor die rumoer heen, hoor jy ’n stem – ferm maar warm: “Kom nou, gr. R-klas! Staan almal mooi in ’n ry!” Die dogtertjies skarrel links, die seuns regs. En daar is sy – die eienaar van die stem – wynrooi lippe, gitswart hare wat sy met ’n elegante swaai oor haar skouer gooi, en die kyk in die oog van iemand wat weet hoe om beheer te neem. Naline Kruger (25) wys met ’n selfversekerde glimlag dat haar klomp…

DAPPER SOOS EK! DEUR ZULAIKHA PATEL. ILLUSTRA-SIES: NICCI MARTIN Pan MacMillan Kinderboeke, R155* Miljoene Suid-Afrikaners het hulle nege jaar gelede verkyk aan die 13-jarige dogtertjie wat vuis in die lug saam met haar maats protesteer het teen Pretoria Girls’ High School se haarbeleid. Haar “afro” moes getem word. Maar sy en haar hare was ontembaar en sy het vreesloos haar vrou gestaan toe sy voor drie gewapende sekuriteitswagte te staan gekom het. Dié video het mense oor die wêreld aangegryp. Op 23 is Zulaikha Patel vandag ’n menseregteaktivis, internasionale spreker en ontvanger van verskeie pryse vir haar werk. Haar tweede kinderboek, Dapper soos ek!, is die “ware verhaal van ’n dogtertjie wat geleer het om haar stem te gebruik om ’n groter verandering te bring as wat sy ooit sou…

BEÏNVLOEDER Gesien op sosiale media: Ek het vandag drie motors toetsbestuur en kon al my inkopies op die handelaars se onkostes doen. Volg my gerus vir nog brandstofbesparings! Emmie, Mosselbaai PLIGSGETROU My dokter het gesê ek moet vir my gesondheid alle suiwelprodukte en sjokolade uitsny. Hy gaan so in sy skik wees, ek is al besig met my derde plakboek. Denise, Pretoria ALARM My biologiese klok tik nou al so hard, ek laat selfs die X-straalmasjiene by lughawens afgaan. Wollie, Pretoria MEDIES 101 Eerste ma: “Hoe gaan dit met jou seun wat studeer om ’n dokter te word?” Tweede ma: “Ek weet nie. Ek kan nie sy briewe lees nie.” Louise Noeth ABRAKADABRA Die ou gaan na ’n towenaar en vra: “Kan jy ’n vloek ophef wat jare gelede oor…

KYK WAAR JY RY, MARELIZE! Ses jaar gelede kon jy nie wegkom van die sêding “My f*k, Marelize” nie. ’n Ma se selfoonvideo van haar dogter wat op ’n fiets teen ’n rugbypaal vasry, was oral op sosiale media. Dis waar ons gedink het die storie sou eindig. Toe nie, want nou is daar ’n volwaardige speelfilm oor die storie agter Marelize en die res van die Horn-familie van Windhoek by vanjaar se Silwerskermfees. WAAROOR DIE FLIEK GAAN My f*k, Marelize! is ’n roerende familiestorie oor Heidi, ’n vasberade ma wat haar kanker vir haar familie wegsteek, en haar dogter Marelize, ’n ongeluksvoël, wat moet leer fietsry om ’n au pair in Nederland te word. En ja, die fliek is gegrond op die regte Marelize en haar familie. In die…

DEMI Moore sit op haar bed en gesels oor hoe sy haar volgende rolprent gaan kies. Ná haar eerste Oscar-benoeming vir The Substance, en toe ook die goue beeldjie by die Golden Globes as beste aktrise vir dieselfde rol, stroom die aanbiedinge in. Hierdie keer moet sy mooi dink voor sy kies. Sy gaan met haar agent praat, en natuurlik ook met haar familie. Maar daar’s een vriendin op wie sy meer as enigiemand anders staatmaak: Laura Day, ’n bekende siener in Hollywood-kringe. Demi (62) ken Laura al 37 jaar, sedert hulle mekaar tydens ’n middagete in Los Angeles ontmoet het. “As daar ’n projek opduik, sê maar ’n draaiboek beland op my lessenaar, het ek gewoonlik reeds ’n gevoel daaroor,” sê Demi. “Maar dan wil ek net seker maak…

SY HET als wat ’n mens benodig om ’n supermodel te bou: die pruilmond, vlekkelose gelaat en houding van haar ma. In die 1990’s was Kate Moss (51) op al wat ’n voorblad en advertensie is, en nou – 30 jaar later – volg haar dogter ál meer in haar modelspore. Die 22-jarige Lila is net so mooi soos haar ma, en die twee is duidelik geheg aan mekaar. Ma en dogter het onlangs saam op die Spaanse eiland Formentera gaan uitspan, en dit was soos om dubbel te kyk toe die twee in hul bikini’s op die strand pronk. Maar Lila wil nie hê mense moet net oor haar voorkoms praat nie – sy maak ’n punt daarvan om oral waar sy gaan bewusmaking te skep vir iets wat…

OP HULLE troudag einde Februarie op Robertson kon hulle die trane nie keer nie. Nou het daardie emosie weer gevloei toe Clint Aplon en sy vrou, Mahren, hoor hulle gaan in Januarie ’n dogtertjie ryker word. “Maar dis lekker trane van pure opgewondenheid en blydskap,” sê Clint. Die geslag van hulle eersteling is middel Augustus tydens ’n privaat geleentheid met familie en vriende op ’n wynlandgoed buite Stellenbosch onthul. Clint en Mahren het in Mei ’n swangerskapstoets gedoen toe hulle vermoed sy is swanger. “Ons was superopgewonde, maar ook bang dis vals,” sê hy. “Daardie waarheid het eers behoorlik ingesink toe ons die tweede toets doen.” Clint vertel sy “ogies het behoorlik nat geword” toe hy die kleinding in Junie op die sonar sien. “Dan kom daar ’n verantwoordelikheid oor…

NIE seker wie Bobby Hatfield en Bill Medley is nie? Dink aan daardie erotiese oomblikke tussen Demi Moore en Patrick Swayze in Ghost. Ja, met die pottebakkersklei. Dis Bobby se fluweelstem wat met “Unchained Melody” streel. Die ikoniese danstoneel in Dirty Dancing? Daai bariton in “Time of My Life” is Bill. Bobby en Bill, The Righteous Brothers. Eintlik glad nie broers nie, maar vir vier dekades gebind deur musiek. Albei is in 1940 gebore. Bill net buite Los Angeles, Bobby 3 000 km weg in Wisconsin. In 1962 ontmoet hulle mekaar op ’n Kaliforniese kampus en word ’n duo. Uniek vir daardie era, want in ’n land waar segregasie steeds heers, sing hulle soul – die musiek van swart Amerikaners met elemente van gospel, blues en jazz. “Ná een konsert…

TWEE maande ná Kim White se dood het haar ma van haar gedroom. Sy het op haar ma se skoot kom sit. Toe hou haar ma, Beulah, haar styf vas, en die dogter in haar droom sê: “Mammie, jy weet jy was my beste vriendin, nè?” Dis hoekom Beulah so lank as moontlik nog Kim se as by haar wil hou. Haar jongste kind vir wie sy nie in die lewe kon beskerm nie, maar wat sy nou in die dood veilig kan hou. Sy kon dit nie oor haar hart kry om Kim se as in die gedenktuin in Durbanville te gaan begrawe nie. Toe sy daardie dag gaan kyk hoe ver dié tuin van haar huis af is, het sy gery en gery en gery. Nee. Die laaste…

AARTAPPELKOEKIE-&-EIERSTAPELS GENOEG VIR 4-6 MENSE / BEREIDING: 15 MIN. / GAARMAAK: 30 MIN. Vir ontbyt, middag-of selfs aandete – hierdie spogstapels is vullend én maklik om te berei. AARTAPPELKOEKIES ◗ 4 groot aartappels, skoongeskrop◗ 1 ui, fyngekap◗ 1 knoffelhuisie, fyngerasper◗ 2,5 ml (½ t) elk sout en witpeper◗ 5 ml (1 t) gemengde droëkruie (opsioneel)◗ 1 eier, geklits◗ 25 ml (½ k) meel STAPELS ◗ bietjie olie, vir braai◗ 300 g grofgekapte spinasie of babaspinasie, afgespoel◗ skeut suurlemoensap◗ sout en varsgemaalde swartpeper◗ 10 ml (2 t) wit asyn◗ 8 eiers AFRONDING ◗ tamatiesmoor of blatjang◗ gekapte grasuie of pietersielie (opsioneel) 1 Aartappelkoekies Rasper die aartappels in ’n diep mengbak. Voeg die ui, knoffel, sout, witpeper en droëkruie, indien gebruik, by en meng. 2 Voeg die eier by en meng goed.…

KRY DIT HIER @HOME BY BASH.COM, HERTEXHAUS.CO.ZA 021-761-7734, MRPHOME.COM 064-584-1000, SHOP.BABYLONSTOREN.COM 021-863-3852, WOOLWORTHS.CO.ZA 0860-022-002, YUPPIECHEF.COM 0861-702-4969 HOEWEL ONSALLES IN ONS VERMOË DOEN OM KORREKTEPRYSETE VERSKAF, KANFOUTE VOORKOMWAARVOOR HUISGENOOT ENDIE VERSKAFFERS NIE VERANTWOORDELIK GEHOUKANWORD NIE.…

■ Stap, hardloop en swem “Die beste ding wat jy vir jou are kan doen, is oefen,” sê Mark. Oefening verbeter sirkulasie, wat help om bloed deur die are te stoot, veral in die bene, terug na die hart. Stap, hardloop en swem is die beste oefening vir gesonde are. “Selfs al beweeg jy net jou voete op en af terwyl jy voor die TV sit en stimuleer so die bloedvloei in jou bene, help dit om druk op jou are te verminder.” ■ Kompressiekouse Hierdie kouse is ontwerp om bloedvloei in die bene te verbeter deur druk toe te pas wat stywer by die enkel is en afneem na die bokant. Dis veral nuttig wanneer jy vir ’n lang tydperk sit, soos op ’n oorsese vlug, sê Mark, en…

MAAGD 23 AUGUSTUS – 22 SEPTEMBER Jy gaan ’n balans moet handhaaf tussen hoeveel tyd en energie jy jouself gun teenoor die tyd en energie wat jy aan jou geliefde afstaan. Om aansluiting by jou geliefde te vind voel dalk soos sleurwerk, maar dis noodsaaklik. Jy kan nie nou probleme ignoreer nie. Met Mercurius in jou teken van die 2de af, sal selfvertroue jou deurdra. WEEGSKAAL 23 SEP – 22 OKT Verwag dat die druk op ’n verhoudingskwessie sal afneem namate Saturnus agteruitbeweeg uit jou liefdeshoroskoop op die 1ste. Dis tydelik, en wanneer dit oor ’n paar maande terugbeweeg, gaan jy moet herevalueer of jy jou moet verbind of nie. Fokus daarop om werkverwante kwessies uit te pluis. As introspeksie dalk nie vir jou natuurlik kom nie, is dit nou…

GROOT BLOKRAAI NO 2611 KOMPETISIEVRAAG Watter voël is ter sprake? As jy vashaak, kan jy gerus ander lesers se raad vra op ons Facebookblad met die naam Huisgenoot-Blokraaie. WEN ’N BOEK VAN TAFELBERG PLUS KOM IN AANMERKING VIR DIE MAANDELIKSE TREKKING VAN R1 000. Hierdie week wen een leser Wie de hel is Johnny Joubert? deur Dana Snyman (Tafelberg, R320). “’n Mens sou kon sê ek het op rugby verlief geraak met dieselfde geesdrif as waarmee ek op ElmaTheron verlief geraak het, sonder om vrae te vra. Die dag toe ek Elma die eerste keer gesoen het, het die Leeus teen die Springbokke op Loftus gespeel. Die dag toe Ma oorlede is, het WP teen Grens op Nuweland gespeel . . . Rugby sê iets oor my jeug én my oudword.…

DESMOND Tutu was bekend as ’n uitgesproke aktivis wat een van Suid-Afrika se mees geliefde leiers geword het. Hy het sy godsdienstige en politieke posisie gebruik om onreg, rassisme en geweld te beveg in moeilike tye in Suid-Afrika se geskiedenis. In dié gewelddadige tye het Tutu se vreedsame pogings op goedheid, moed en deernis gefokus. Hy het sy lewe daaraan gewy om die wêreld ’n vriendeliker en regverdiger plek vir almal te maak. EENVOUDIGE BEGIN Desmond Mpilo Tutu is op 7 Oktober 1931 in Klerksdorp, Suid-Afrika, gebore. Sy pa was ’n skoolhoof en sy ma ’n skoonmaker en kok. Hy het daarvan gedroom om ’n dokter te word, maar sy gesin kon nie die opleiding bekostig nie. In plaas daarvan het Tutu in 1955 begin studeer om ’n onderwyser…

EK HET goeie kinderjare op die Kaapse Vlakte gehad. Ek’t in Strandfontein grootgeword. My ouers het hard gewerk om my ’n goeie lewe en opvoeding te gee. Ja-nee, ek’t ’n goeie lewe daar gehad. Maar ek was baie nuuskierig. Ek het gehou van die oseaan. Ek dink dit was my redding. Dit was my ontsnapping. Daar was nie baie plekke in Strandfontein waarheen ek vir buitemuurse aktiwiteite kon gaan nie. As kind het ek altyd Muizenberg se see toe gedraf sonder dat my ouers daarvan weet. Ek wou altyd in die natuur gewees het as kind. Daar was altyd die diep konneksie met die natuur. Ek dink dis hoekom ek vandag so baie omgee vir die natuur en dit en die wild in dit wil beskerm. Muizenberg het altyd my…

‘Kevin se boek is ’n storie oor roem, vaderskap en die privaat koste van ’n openbare lewe van een van popkultuur se mees misverstaande figure’– MEDIAVERKLARING TERWYL BRITNEY SPEARS besigwasomhaar verhouding met haar vervreemde seuns, Jayden (18) en Sean (19), te herstel, dreig ’n nuwe boek om ou wonde vir die gekwelde ster oop te krap. Die seuns se pa, Kevin Federline (47), wat van 2004 tot 2007 met Britney (43) getroud was, beplan om later vanjaar ’n onthullende boek uit te gee. Die boek, You Thought You Knew, is ’n storie oor “roem, vaderskap en die privaat koste van ’n openbare lewe van een van popkultuur se mees misverstaande figure”, lui die mediaverklaring. “Ek het my grootste drome verwesenlik, verpletterende hartseer oorkom, en gedurige bespotting verdra. Alles terwyl ek die…

Soekavonture binne ■ kastele in Europa ■ die Drakensberge ■ skeepswrakke ■ Springbok-breiers ■ slangspesies van SA ■ geselsprogramme op die radio ■ Frank Opperman se karakters ■ balletproduksies en nog baie meer BESTEL DIT SÓ AANLYN media24shop.com of huisgenootwinkel.com 021-406-4962 E-POS koop@huisgenoot.com Gaan na www.media24shop.com…

Op bl. 72 wys ons jou die kroonjuweel van die Vatikaan: die Sint Pieterskerk. Maar wie is hierdie Pieter, en hoekom hou ons nie by die goeie ou Petrus uit die Bybel nie? In die Nuwe Testament is die man se Griekse naam Petros, wat “klip” of “rots” beteken. In die Aramees wat hy waarskynlik elke dag gepraat het, was hy Cephas. Jesus het hom herdoop van sy ou naam Shimon, want ’n Shimon kon nie regtig ’n kerk dra nie. In Afrikaans noem ons hom dus Petrus. Engels sê Peter, Italiaans Pietro, Frans Pierre – elke taal kry sy eie weergawe. Die groot kerk in Rome heet in Latyn Sanctus Petrus (Heilige Petrus). Maar omdat dit Rome is, het die Italiaanse variant San Pietro die aandag gesteel. Toe ander tale dit…

Wanneer en waar was jy op jou gelukkigste? Dit was die dag toe ek myself werklik aanvaar het – foute, littekens, vitiligo en alles. Dit was nie aan ’n spesifieke plek gekoppel nie, maar aan ’n oomblik in tyd toe ek opgehou het om perfeksie na te jaag. Daardie vryheid het soos suiwer vreugde gevoel. As jy jou lewe kon oorhê, wat sou jy anders doen? Ek sou waarskynlik direk ná matriek gaan studeer het en vir ’n paar jaar in die buiteland gaan werk het. Wat bewonder jy die meeste in mense? Vriendelikheid en medelye. Wanneer mense empatie met ander kan hê. Wie sou jy die graagste vir ete wou nooi, en wat sou jy kook? Boston Rob Mariano van Survivor USA – ek is al meer as twee dekades…

V Ek het baie probleme en het met alles hulp nodig. Eerstens weet ek nie hoe om my teen myself te beskerm nie. Ek steel al jare lank, die meeste van die tyd onnodige goed. Ek het genoeg geld en dit is dus glad nie vir my nodig om te steel nie, maar die drang om te vat en die opwinding daarvan om by die winkel uit te stap sonder om gevang te word is oorweldigend. Ek is nog net een keer uitgevang, maar is laat gaan. Ek ly ook aan ernstige angssteuring en depressie. Al gebruik ek medikasie, het ek al my eie lewe probeer neem. In ons grootwordjare het my broer my fisiek mishandel. Om uit die huis te kom, het ek dadelik ná matriek swanger geraak en…

SY STAAN by die stoof en roer met ’n houtlepel in ’n blink pot toe haar man saam met ’n snerpende windvlaag deur die agterdeur by die kombuis inkom. Sy kyk oor haar skouer. “Haai, Engel, kom in en kom sit hier by die verwarmer. Dis so koud vanaand buite.” Hy sit sy aktetas langs die groenterak neer en trek ’n kombuisstoel tot teen die verwarmer. “Wat maak jy?” “Hot chocolate. Soos ons laas in Pa r ys ged r ink het. Onthou jy? Met ons tiende huweliksherdenking.” Sy glimlag sag. “Ons het nog gedink dis die heel beste ding wat al ooit oor ons lippe gekom het. En jy het met die kok gaan praat, en hy’t in gebroke Engels vir ons sy resep gegee.” Sy loer kopskuddend na…

SOMMIGE mense hou van musicals. (Ek sukkel met die woord musiekblyspel – dis ’n ontoereikende vertaling van iets wat nie altyd bly is nie.) As kind het my ma vir ons PHANTOM OF THE OPERA se plaat gespeel, en mens kon die woorde volg op ’n boekie daarby ingesluit. ’n Wêreld het vir my oopgegaan. Ek het begin oplees oor Andrew Lloyd Webber, en skielik ’n magdom ander musicals ontdek – van EVITA tot JOSEPH AND THE AMAZING TECHNICOLOR DREAMCOAT, met Jason Donovan se “Any Dream Will Do” lank op my gunstelingkasset. My kamermaat in die koshuis was een van die Von Trapp-kinders destyds toe THE SOUND OF MUSIC in Bloemfontein opgevoer is, en ek het toe vir die eerste keer bewus geword van die verskille wat noodwendig tussen verhoog…

1 Hoeveel atlete is gewoonlik in ’n aflosspan? 2 In watter land staan die hoofwegstelsel as die Autobahn bekend? 3 Noem drie terme wat in tellings in gholf gebruik word. 4 Watter drie primêre kleure moet jy meng om bruin te kry? 5 Wat noem ’n mens dit as jy bang is vir spinnekoppe? ANTWOORDE 1 Vier 2 Duitsland 3 Voëltjie, arendenalbatros 4 Rooi, geelenblou 5 Arachnofobie BRONNE: APNEWS.COM, THEGUARDIAN.COM, EDITION.CNN.COM, BBC.COM, LIVESCIENCE.COM, SMITHSONIANMAG.COM, BAS.AC.UK. NEWS.SKY.COM, SCIENCE.NASA.GOV…

DIT was veronderstel om ’n inspirerende en openhartige gesprek te wees – oor diep dinge soos eiewaarde en egtheid en die hope hooi wat vroue op hulle vurk het. Pleks daarvan is dit nou een van die podcasts waarmee die meeste gespot word. Dié episode van ’n uur en ’n half van The Jamie Kern Lima Show is deesdae ’n onuitputlike bron van materiaal vir grapjasse en galbrakers. Dis dalk al drie maande sedert die hertogin van Sussex in haar vriendin Jamie Kern Lima se program verskyn het, maar die memes vlieg steeds op die web rond. Die episode word ondraaglik, ongemaklik en belaglik genoem – en elke stukkie daarvan word uitmekaargetrek. Om mee te begin: die twee se geswymel oor “the power of yet”. Dis wat Meghan skynbaar vir…

EERS is dit afgemaak as net ’n bisarre musiekspel en dit het gelyk of dit rolprentrommel sou word. In plaas daarvan het The Rocky Horror Picture Show die wêreld se gewildste kultusfliek geword en geslagte aanhangers geïnspireer om by fliekvertonings en verhoogproduksies saam te drom in visnetkouse en vereboas, terwyl hulle uit volle bors saamsing: “Dammit Janet, I love you!” Dié kultusverskynsel prut nog lekker 50 jaar nadat die fliek sy première in Londen gehad het, en aanhangers vier elke lawwe en magiese oomblik wat Brad, Janet, Dr. Frank-N-Furter, Magenta en Riff Raff vir ons gegee het. As jy nié weet nie: Rocky Horror is die storie van die pas verloofde Brad en Janet, wat op ’n onheilspellende kasteel afkom waar die mal wetenskaplike Dr. Frank-N Furter ’n partytjie hou…

HENRY en Lettie se gelukkige huwelik is ’n toonbeeld van liefde in Diepe waters, maar tog is daar ’n leë plekkie in hulle huis én harte: Hulle kan nie op die natuurlike manier swanger raak nie. Maar toe ontdek Henry (Stiaan Bruwer) ’n baba wat iemand by die swembad gelos het – en later hoor hulle hulle kan die kleinding aanneem. Baba Penny, “gespeel” deur Aurora Leigh Lubbe, was maar nege weke oud toe die tonele geskiet is wat nou op die kassie afspeel. Regisseurs raak altyd benoud as daar ’n baba op die stel moet wees, vertel Gert van Niekerk, Diepe waters se regisseur. “Want hulle doen altyd die teenoorgestelde van dit wat jy wil hê!” Hulle ontdek toe as Aurora plat in haar dra-bedjie lê met mense om…